| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཨུཔོསཐབྷེདཱདིཀཐཱཝཎྞནཱ
Uposathabhedādikathāvaṇṇanā
༡༤༩. ཨདྷམྨེན ཝགྒནྟི ཨེཏྠ ཨེཀསཱིམཱཡ ཙཏཱུསུ བྷིཀྑཱུསུ ཝིཛྫམཱནེསུ པཱཏིམོཀྑུདྡེསོཝ ཨནུཉྙཱཏོ, ཏཱིསུ, དྭཱིསུ ཙ པཱརིསུདྡྷིཨུཔོསཐོཝ། ཨིདྷ པན ཏཐཱ ཨཀཏཏྟཱ ‘‘ཨདྷམྨེནཱ’’ཏི ཝུཏྟཾ། ཡསྨཱ པན ཚནྡཔཱརིསུདྡྷི སངྒྷེ ཨེཝ ཨཱགཙྪཏི, ན གཎེ, ན པུགྒལེ, ཏསྨཱ ‘‘ཝགྒ’’ནྟི ཝུཏྟནྟི།
149.Adhammena vagganti ettha ekasīmāya catūsu bhikkhūsu vijjamānesu pātimokkhuddesova anuññāto, tīsu, dvīsu ca pārisuddhiuposathova. Idha pana tathā akatattā ‘‘adhammenā’’ti vuttaṃ. Yasmā pana chandapārisuddhi saṅghe eva āgacchati, na gaṇe, na puggale, tasmā ‘‘vagga’’nti vuttanti.
སཙེ པན དྭེ སངྒྷཱ ཨེཀསཱིམཱཡ ཨཉྙམཉྙཾ ཚནྡཾ ཨཱཧརིཏྭཱ ཨེཀསྨིཾ ཁཎེ ཝིསུཾ སངྒྷཀམྨཾ ཀརོནྟི, ཨེཏྠ ཀཐནྟི? ཀེཙི པནེཏཾ ཝཊྚཏཱིཏི ཝདནྟི, ཏཾ ན གཧེཏབྦཾ ཝགྒཀམྨཏྟཱ ། ཀམྨཾ ཀརོནྟཱནཉྷི ཚནྡཔཱརིསུདྡྷི ཨཉྙཏྠ ན གཙྪཏི ཏཐཱ ཝཙནཱབྷཱཝཱ, ཝིསུཾ ཝིསུཾ ཀམྨཀརཎཏྠམེཝ སཱིམཱཡ ཨནུཉྙཱཏཏྟཱ ཙཱཏི གཧེཏབྦཾ། ཝིཧཱརསཱིམཱཡཾ པན སངྒྷེ ཝིཛྫམཱནེཔི ཀེནཙི པཙྩཡེན ཁནྡྷསཱིམཱཡཾ ཏཱིསུ, དྭཱིསུ ཝཱ པཱརིསུདྡྷིཨུཔོསཐཾ ཀརོནྟེསུ ཀམྨཾ དྷམྨེན སམགྒམེཝ བྷིནྣསཱིམཊྛཏྟཱཏི དཊྛབྦཾ།
Sace pana dve saṅghā ekasīmāya aññamaññaṃ chandaṃ āharitvā ekasmiṃ khaṇe visuṃ saṅghakammaṃ karonti, ettha kathanti? Keci panetaṃ vaṭṭatīti vadanti, taṃ na gahetabbaṃ vaggakammattā . Kammaṃ karontānañhi chandapārisuddhi aññattha na gacchati tathā vacanābhāvā, visuṃ visuṃ kammakaraṇatthameva sīmāya anuññātattā cāti gahetabbaṃ. Vihārasīmāyaṃ pana saṅghe vijjamānepi kenaci paccayena khandhasīmāyaṃ tīsu, dvīsu vā pārisuddhiuposathaṃ karontesu kammaṃ dhammena samaggameva bhinnasīmaṭṭhattāti daṭṭhabbaṃ.
ཨུཔོསཐབྷེདཱདིཀཐཱཝཎྞནཱ ནིཊྛིཏཱ།
Uposathabhedādikathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༧༧. ཨུཔོསཐབྷེདཱདི • 77. Uposathabhedādi
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨུཔོསཐབྷེདཱདིཀཐཱ • Uposathabhedādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨུཔོསཐབྷེདཱདིཀཐཱཝཎྞནཱ • Uposathabhedādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨུཔོསཐབྷེདཱདིཀཐཱཝཎྞནཱ • Uposathabhedādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༧༧. ཨུཔོསཐབྷེདཱདིཀཐཱ • 77. Uposathabhedādikathā
