| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
убосат̇ааг̇аараад̣̇игат̇аа
Uposathāgārādikathā
141. анубаривзн̣ияанд̇и згасиймамахаавихаарз д̇асмим̣ д̇асмим̣ баривзн̣з. асан̇гзд̇знаад̇и сан̇гзд̇ам̣ агад̇ваа. згам̣ самууханид̇ваад̇и гаммаваажааяа самууханид̇ваа.
141.Anupariveṇiyanti ekasīmamahāvihāre tasmiṃ tasmiṃ pariveṇe. Asaṅketenāti saṅketaṃ akatvā. Ekaṃ samūhanitvāti kammavācāya samūhanitvā.
142. яад̇о баад̇имогкам̣ сун̣аад̇ийд̇и яад̇т̇а гад̇т̇ажи бхигкуунам̣ хад̇т̇абаасз нисинно яасмаа баад̇имогкам̣ сун̣аад̇и; гад̇овасса убосат̇од̇и ад̇т̇о. ид̣̇ан̃жа вад̇т̇увасзна вуд̇д̇ам̣, хад̇т̇абаасз нисиннасса бана асун̣анд̇ассааби гад̇ова ход̇и убосат̇о. нимид̇д̇аа гид̇д̇зд̇аб̣б̣аад̇и убосат̇абамукасса куд̣̇д̣̇агаани ваа маханд̇аани ваа баасаан̣аидтагад̣̇аарукан̣д̣ад̣̇ан̣д̣агаад̣̇ийни яаани гаанижи нимид̇д̇аани аб̣бхогаасз ваа маал̣агаад̣̇ийсу ваа яад̇т̇а гад̇т̇ажи сан̃н̃ам̣ гад̇ваа гид̇д̇зд̇ум̣ ваддад̇и. ат̇а ваа нимид̇д̇аа гид̇д̇зд̇аб̣б̣аад̇и нимид̇д̇убаг̇аа ваа анимид̇д̇убаг̇аа ваа барижчзд̣̇аж̇аананад̇т̇ам̣ гид̇д̇зд̇аб̣б̣аа.
142.Yato pātimokkhaṃ suṇātīti yattha katthaci bhikkhūnaṃ hatthapāse nisinno yasmā pātimokkhaṃ suṇāti; katovassa uposathoti attho. Idañca vatthuvasena vuttaṃ, hatthapāse nisinnassa pana asuṇantassāpi katova hoti uposatho. Nimittā kittetabbāti uposathapamukhassa khuddakāni vā mahantāni vā pāsāṇaiṭṭhakadārukhaṇḍadaṇḍakādīni yāni kānici nimittāni abbhokāse vā māḷakādīsu vā yattha katthaci saññaṃ katvā kittetuṃ vaṭṭati. Atha vā nimittā kittetabbāti nimittupagā vā animittupagā vā paricchedajānanatthaṃ kittetabbā.
т̇зрзхи бхигкуухи батамад̇арам̣ саннибад̇ид̇унд̇и зд̇т̇а сажз махаат̇зро батамад̇арам̣ на ааг̇ажчад̇и, д̣̇уггадам̣. саб̣б̣зхзва згаж̇жхам̣ саннибад̇ид̇ваа убосат̇о гаад̇аб̣б̣од̇и зд̇т̇а сажз бораан̣аго ааваасо маж̇жхз вихаарасса ход̇и, баход̇и жзд̇т̇а бхигкуунам̣ нисаж̇ж̇адтаанам̣, д̇ад̇т̇а саннибад̇ид̇ваа убосат̇о гаад̇аб̣б̣о. сажз бораан̣аго барид̣̇уб̣б̣ало жзва самб̣аад̇хо жа ан̃н̃о бажчаа удтид̇ааваасо асамб̣аад̇хо, д̇ад̇т̇а убосат̇о гаад̇аб̣б̣о.
Therehi bhikkhūhi paṭhamataraṃ sannipatitunti ettha sace mahāthero paṭhamataraṃ na āgacchati, dukkaṭaṃ. Sabbeheva ekajjhaṃ sannipatitvā uposatho kātabboti ettha sace porāṇako āvāso majjhe vihārassa hoti, pahoti cettha bhikkhūnaṃ nisajjaṭṭhānaṃ, tattha sannipatitvā uposatho kātabbo. Sace porāṇako paridubbalo ceva sambādho ca añño pacchā uṭṭhitāvāso asambādho, tattha uposatho kātabbo.
яад̇т̇а ваа бана т̇зро бхигку вихарад̇ийд̇и зд̇т̇ааби сажз т̇зрасса вихааро саб̣б̣зсам̣ баход̇и, паасуго ход̇и, д̇ад̇т̇а убосат̇о гаад̇аб̣б̣о. сажз бана со бажжанд̇з висамаббад̣̇зсз ход̇и, т̇зрасса вад̇д̇аб̣б̣ам̣ – ‘‘бханд̇з, д̇умхаагам̣ вихааро апаасугад̣̇зсо, над̇т̇и зд̇т̇а саб̣б̣зсам̣ огаасо , асугасмим̣ наама ааваасз огаасо ад̇т̇и, д̇ад̇т̇а г̇анд̇ум̣ ваддад̇ий’’д̇и. сажз т̇зро нааг̇ажчад̇и, д̇асса чанд̣̇абаарисуд̣̇д̇хим̣ аанзд̇ваа саб̣б̣зсам̣ бахонагз паасугадтаанз убосат̇о гаад̇аб̣б̣о.
Yattha vā pana thero bhikkhu viharatīti etthāpi sace therassa vihāro sabbesaṃ pahoti, phāsuko hoti, tattha uposatho kātabbo. Sace pana so paccante visamappadese hoti, therassa vattabbaṃ – ‘‘bhante, tumhākaṃ vihāro aphāsukadeso, natthi ettha sabbesaṃ okāso , asukasmiṃ nāma āvāse okāso atthi, tattha gantuṃ vaṭṭatī’’ti. Sace thero nāgacchati, tassa chandapārisuddhiṃ ānetvā sabbesaṃ pahonake phāsukaṭṭhāne uposatho kātabbo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
72. убосат̇ааг̇аарагат̇аа • 72. Uposathāgārakathā
73. убосат̇аббамукаануж̇аананаа • 73. Uposathappamukhānujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 72. убосат̇ааг̇аараад̣̇игат̇аа • 72. Uposathāgārādikathā
