| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
72. убосат̇ааг̇аараад̣̇игат̇аа
72. Uposathāgārādikathā
141. анубаривзн̣ияанд̇и зд̇т̇а анусад̣̇д̣̇асса вижчад̇т̇ам̣, баривзн̣асад̣̇д̣̇асса жа лин̇г̇авибаллаасабхаавам̣ д̣̇ассзд̇ум̣ вуд̇д̇ам̣ ‘‘д̇асмим̣ д̇асмим̣ баривзн̣з’’д̇и. баривзн̣асад̣̇д̣̇о хи набум̣сагалин̇г̇о, ид̇ха бана лин̇г̇авибаллаасам̣ гад̇ваа ид̇т̇илин̇г̇авасзна вуд̇д̇ам̣. ‘‘сан̇гзд̇ам̣ агад̇ваа’’д̇и иминаа асан̇гзд̇знаад̇и бад̣̇асса гирияаависзсанад̇д̇ам̣ д̣̇ийбзд̇и. ‘‘гаммаваажааяаа’’д̇и иминаа самууханид̇ваад̇и бад̣̇асса гаран̣ам̣ д̣̇ассзд̇и.
141.Anupariveṇiyanti ettha anusaddassa vicchatthaṃ, pariveṇasaddassa ca liṅgavipallāsabhāvaṃ dassetuṃ vuttaṃ ‘‘tasmiṃ tasmiṃ pariveṇe’’ti. Pariveṇasaddo hi napuṃsakaliṅgo, idha pana liṅgavipallāsaṃ katvā itthiliṅgavasena vuttaṃ. ‘‘Saṅketaṃ akatvā’’ti iminā asaṅketenāti padassa kiriyāvisesanattaṃ dīpeti. ‘‘Kammavācāyā’’ti iminā samūhanitvāti padassa karaṇaṃ dasseti.
142. яад̇од̇и зд̇т̇а д̇обажжаяасса гааран̣ад̇т̇з бавад̇д̇абхаавам̣ д̣̇ассзнд̇о ааха ‘‘яасмаа’’д̇и. ‘‘хад̇т̇абаасз’’д̇и иминаа хад̇т̇абаасад̇о б̣ахи нисиннз агад̇овасса убосат̇о ход̇ийд̇и д̣̇ассзд̇и. ассаад̇и бхигкуно. вад̇т̇увасзнаад̇и адтуббад̇д̇ивасзна. убосат̇асса бамукасса аб̣бхогаасз ваа маал̣агаад̣̇ийсу ваад̇и самб̣анд̇хо. нимид̇д̇убаг̇аа ваа анимид̇д̇убаг̇аа ваад̇и хздтаа адтасу нимид̇д̇зсу вуд̇д̇аа нимид̇д̇убаг̇аа ваа анимид̇д̇убаг̇аа ваа баб̣б̣ад̇аад̣̇аяо ваа ан̃н̃з ваа гид̇д̇зд̇аб̣б̣аа.
142.Yatoti ettha topaccayassa kāraṇatthe pavattabhāvaṃ dassento āha ‘‘yasmā’’ti. ‘‘Hatthapāse’’ti iminā hatthapāsato bahi nisinne akatovassa uposatho hotīti dasseti. Assāti bhikkhuno. Vatthuvasenāti aṭṭhuppattivasena. Uposathassa pamukhassa abbhokāse vā māḷakādīsu vāti sambandho. Nimittupagā vā animittupagā vāti heṭṭhā aṭṭhasu nimittesu vuttā nimittupagā vā animittupagā vā pabbatādayo vā aññe vā kittetabbā.
батамад̇арам̣ на ааг̇ажчад̇и, д̣̇уггаданд̇и убосат̇з гхосияамаанз батамад̇арам̣ на ааг̇ажчад̇и, д̣̇уггадам̣. вихаарасса маж̇жхз ход̇ийд̇и яож̇анаа. зд̇т̇аад̇и бораан̣агз ааваасз. д̇ад̇т̇аад̇и бораан̣агз ааваасз. асамб̣аад̇ход̇и сан̇гхасса нисаж̇ж̇адтаанабахонаго. д̇ад̇т̇аад̇и бажчаа удтид̇з ааваасз.
Paṭhamataraṃna āgacchati, dukkaṭanti uposathe ghosiyamāne paṭhamataraṃ na āgacchati, dukkaṭaṃ. Vihārassa majjhe hotīti yojanā. Etthāti porāṇake āvāse. Tatthāti porāṇake āvāse. Asambādhoti saṅghassa nisajjaṭṭhānapahonako. Tatthāti pacchā uṭṭhite āvāse.
саб̣б̣зсам̣ нисаж̇ж̇адтаананд̇и яож̇анаа. д̇ад̇т̇аад̇и т̇зрасса вихаарз. сод̇и т̇зрасса вихааро. зд̇т̇аад̇и д̇умхаагам̣ вихаарз. саб̣б̣зсам̣ огаасо над̇т̇ийд̇и самб̣анд̇хо. д̇ад̇т̇аад̇и д̇ам̣ асугам̣ наама ааваасам̣. ‘‘ваддад̇ий’’д̇и вад̇д̇аб̣б̣анд̇и яож̇анаа. д̇ассаад̇и т̇зрасса.
Sabbesaṃ nisajjaṭṭhānanti yojanā. Tatthāti therassa vihāre. Soti therassa vihāro. Etthāti tumhākaṃ vihāre. Sabbesaṃ okāso natthīti sambandho. Tatthāti taṃ asukaṃ nāma āvāsaṃ. ‘‘Vaṭṭatī’’ti vattabbanti yojanā. Tassāti therassa.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
72. убосат̇ааг̇аарагат̇аа • 72. Uposathāgārakathā
73. убосат̇аббамукаануж̇аананаа • 73. Uposathappamukhānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убосат̇ааг̇аараад̣̇игат̇аа • Uposathāgārādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
