| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਉਪੋਸਥਾਗਾਰਾਦਿਕਥਾ
Uposathāgārādikathā
੧੪੧. ਅਨੁਪਰਿવੇਣਿਯਨ੍ਤਿ ਏਕਸੀਮਮਹਾવਿਹਾਰੇ ਤਸ੍ਮਿਂ ਤਸ੍ਮਿਂ ਪਰਿવੇਣੇ। ਅਸਙ੍ਕੇਤੇਨਾਤਿ ਸਙ੍ਕੇਤਂ ਅਕਤ੍વਾ। ਏਕਂ ਸਮੂਹਨਿਤ੍વਾਤਿ ਕਮ੍ਮવਾਚਾਯ ਸਮੂਹਨਿਤ੍વਾ।
141.Anupariveṇiyanti ekasīmamahāvihāre tasmiṃ tasmiṃ pariveṇe. Asaṅketenāti saṅketaṃ akatvā. Ekaṃ samūhanitvāti kammavācāya samūhanitvā.
੧੪੨. ਯਤੋ ਪਾਤਿਮੋਕ੍ਖਂ ਸੁਣਾਤੀਤਿ ਯਤ੍ਥ ਕਤ੍ਥਚਿ ਭਿਕ੍ਖੂਨਂ ਹਤ੍ਥਪਾਸੇ ਨਿਸਿਨ੍ਨੋ ਯਸ੍ਮਾ ਪਾਤਿਮੋਕ੍ਖਂ ਸੁਣਾਤਿ; ਕਤੋવਸ੍ਸ ਉਪੋਸਥੋਤਿ ਅਤ੍ਥੋ। ਇਦਞ੍ਚ વਤ੍ਥੁવਸੇਨ વੁਤ੍ਤਂ, ਹਤ੍ਥਪਾਸੇ ਨਿਸਿਨ੍ਨਸ੍ਸ ਪਨ ਅਸੁਣਨ੍ਤਸ੍ਸਾਪਿ ਕਤੋવ ਹੋਤਿ ਉਪੋਸਥੋ। ਨਿਮਿਤ੍ਤਾ ਕਿਤ੍ਤੇਤਬ੍ਬਾਤਿ ਉਪੋਸਥਪਮੁਖਸ੍ਸ ਖੁਦ੍ਦਕਾਨਿ વਾ ਮਹਨ੍ਤਾਨਿ વਾ ਪਾਸਾਣਇਟ੍ਠਕਦਾਰੁਖਣ੍ਡਦਣ੍ਡਕਾਦੀਨਿ ਯਾਨਿ ਕਾਨਿਚਿ ਨਿਮਿਤ੍ਤਾਨਿ ਅਬ੍ਭੋਕਾਸੇ વਾ ਮਾਲ਼ਕਾਦੀਸੁ વਾ ਯਤ੍ਥ ਕਤ੍ਥਚਿ ਸਞ੍ਞਂ ਕਤ੍વਾ ਕਿਤ੍ਤੇਤੁਂ વਟ੍ਟਤਿ। ਅਥ વਾ ਨਿਮਿਤ੍ਤਾ ਕਿਤ੍ਤੇਤਬ੍ਬਾਤਿ ਨਿਮਿਤ੍ਤੁਪਗਾ વਾ ਅਨਿਮਿਤ੍ਤੁਪਗਾ વਾ ਪਰਿਚ੍ਛੇਦਜਾਨਨਤ੍ਥਂ ਕਿਤ੍ਤੇਤਬ੍ਬਾ।
142.Yato pātimokkhaṃ suṇātīti yattha katthaci bhikkhūnaṃ hatthapāse nisinno yasmā pātimokkhaṃ suṇāti; katovassa uposathoti attho. Idañca vatthuvasena vuttaṃ, hatthapāse nisinnassa pana asuṇantassāpi katova hoti uposatho. Nimittā kittetabbāti uposathapamukhassa khuddakāni vā mahantāni vā pāsāṇaiṭṭhakadārukhaṇḍadaṇḍakādīni yāni kānici nimittāni abbhokāse vā māḷakādīsu vā yattha katthaci saññaṃ katvā kittetuṃ vaṭṭati. Atha vā nimittā kittetabbāti nimittupagā vā animittupagā vā paricchedajānanatthaṃ kittetabbā.
ਥੇਰੇਹਿ ਭਿਕ੍ਖੂਹਿ ਪਠਮਤਰਂ ਸਨ੍ਨਿਪਤਿਤੁਨ੍ਤਿ ਏਤ੍ਥ ਸਚੇ ਮਹਾਥੇਰੋ ਪਠਮਤਰਂ ਨ ਆਗਚ੍ਛਤਿ, ਦੁਕ੍ਕਟਂ। ਸਬ੍ਬੇਹੇવ ਏਕਜ੍ਝਂ ਸਨ੍ਨਿਪਤਿਤ੍વਾ ਉਪੋਸਥੋ ਕਾਤਬ੍ਬੋਤਿ ਏਤ੍ਥ ਸਚੇ ਪੋਰਾਣਕੋ ਆવਾਸੋ ਮਜ੍ਝੇ વਿਹਾਰਸ੍ਸ ਹੋਤਿ, ਪਹੋਤਿ ਚੇਤ੍ਥ ਭਿਕ੍ਖੂਨਂ ਨਿਸਜ੍ਜਟ੍ਠਾਨਂ, ਤਤ੍ਥ ਸਨ੍ਨਿਪਤਿਤ੍વਾ ਉਪੋਸਥੋ ਕਾਤਬ੍ਬੋ। ਸਚੇ ਪੋਰਾਣਕੋ ਪਰਿਦੁਬ੍ਬਲੋ ਚੇવ ਸਮ੍ਬਾਧੋ ਚ ਅਞ੍ਞੋ ਪਚ੍ਛਾ ਉਟ੍ਠਿਤਾવਾਸੋ ਅਸਮ੍ਬਾਧੋ, ਤਤ੍ਥ ਉਪੋਸਥੋ ਕਾਤਬ੍ਬੋ।
Therehi bhikkhūhi paṭhamataraṃ sannipatitunti ettha sace mahāthero paṭhamataraṃ na āgacchati, dukkaṭaṃ. Sabbeheva ekajjhaṃ sannipatitvā uposatho kātabboti ettha sace porāṇako āvāso majjhe vihārassa hoti, pahoti cettha bhikkhūnaṃ nisajjaṭṭhānaṃ, tattha sannipatitvā uposatho kātabbo. Sace porāṇako paridubbalo ceva sambādho ca añño pacchā uṭṭhitāvāso asambādho, tattha uposatho kātabbo.
ਯਤ੍ਥ વਾ ਪਨ ਥੇਰੋ ਭਿਕ੍ਖੁ વਿਹਰਤੀਤਿ ਏਤ੍ਥਾਪਿ ਸਚੇ ਥੇਰਸ੍ਸ વਿਹਾਰੋ ਸਬ੍ਬੇਸਂ ਪਹੋਤਿ, ਫਾਸੁਕੋ ਹੋਤਿ, ਤਤ੍ਥ ਉਪੋਸਥੋ ਕਾਤਬ੍ਬੋ। ਸਚੇ ਪਨ ਸੋ ਪਚ੍ਚਨ੍ਤੇ વਿਸਮਪ੍ਪਦੇਸੇ ਹੋਤਿ, ਥੇਰਸ੍ਸ વਤ੍ਤਬ੍ਬਂ – ‘‘ਭਨ੍ਤੇ, ਤੁਮ੍ਹਾਕਂ વਿਹਾਰੋ ਅਫਾਸੁਕਦੇਸੋ, ਨਤ੍ਥਿ ਏਤ੍ਥ ਸਬ੍ਬੇਸਂ ਓਕਾਸੋ , ਅਸੁਕਸ੍ਮਿਂ ਨਾਮ ਆવਾਸੇ ਓਕਾਸੋ ਅਤ੍ਥਿ, ਤਤ੍ਥ ਗਨ੍ਤੁਂ વਟ੍ਟਤੀ’’ਤਿ। ਸਚੇ ਥੇਰੋ ਨਾਗਚ੍ਛਤਿ, ਤਸ੍ਸ ਛਨ੍ਦਪਾਰਿਸੁਦ੍ਧਿਂ ਆਨੇਤ੍વਾ ਸਬ੍ਬੇਸਂ ਪਹੋਨਕੇ ਫਾਸੁਕਟ੍ਠਾਨੇ ਉਪੋਸਥੋ ਕਾਤਬ੍ਬੋ।
Yattha vā pana thero bhikkhu viharatīti etthāpi sace therassa vihāro sabbesaṃ pahoti, phāsuko hoti, tattha uposatho kātabbo. Sace pana so paccante visamappadese hoti, therassa vattabbaṃ – ‘‘bhante, tumhākaṃ vihāro aphāsukadeso, natthi ettha sabbesaṃ okāso , asukasmiṃ nāma āvāse okāso atthi, tattha gantuṃ vaṭṭatī’’ti. Sace thero nāgacchati, tassa chandapārisuddhiṃ ānetvā sabbesaṃ pahonake phāsukaṭṭhāne uposatho kātabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੭੨. ਉਪੋਸਥਾਗਾਰਕਥਾ • 72. Uposathāgārakathā
੭੩. ਉਪੋਸਥਪ੍ਪਮੁਖਾਨੁਜਾਨਨਾ • 73. Uposathappamukhānujānanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਉਪੋਸਥਾਗਾਰਾਦਿਕਥਾવਣ੍ਣਨਾ • Uposathāgārādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਉਪੋਸਥਾਗਾਰਾਦਿਕਥਾવਣ੍ਣਨਾ • Uposathāgārādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਉਪੋਸਥਾਗਾਰਾਦਿਕਥਾવਣ੍ਣਨਾ • Uposathāgārādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭੨. ਉਪੋਸਥਾਗਾਰਾਦਿਕਥਾ • 72. Uposathāgārādikathā
