| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭੨. ਉਪੋਸਥਾਗਾਰਾਦਿਕਥਾ
72. Uposathāgārādikathā
੧੪੧. ਅਨੁਪਰਿવੇਣਿਯਨ੍ਤਿ ਏਤ੍ਥ ਅਨੁਸਦ੍ਦਸ੍ਸ વਿਚ੍ਛਤ੍ਥਂ, ਪਰਿવੇਣਸਦ੍ਦਸ੍ਸ ਚ ਲਿਙ੍ਗવਿਪਲ੍ਲਾਸਭਾવਂ ਦਸ੍ਸੇਤੁਂ વੁਤ੍ਤਂ ‘‘ਤਸ੍ਮਿਂ ਤਸ੍ਮਿਂ ਪਰਿવੇਣੇ’’ਤਿ। ਪਰਿવੇਣਸਦ੍ਦੋ ਹਿ ਨਪੁਂਸਕਲਿਙ੍ਗੋ, ਇਧ ਪਨ ਲਿਙ੍ਗવਿਪਲ੍ਲਾਸਂ ਕਤ੍વਾ ਇਤ੍ਥਿਲਿਙ੍ਗવਸੇਨ વੁਤ੍ਤਂ। ‘‘ਸਙ੍ਕੇਤਂ ਅਕਤ੍વਾ’’ਤਿ ਇਮਿਨਾ ਅਸਙ੍ਕੇਤੇਨਾਤਿ ਪਦਸ੍ਸ ਕਿਰਿਯਾવਿਸੇਸਨਤ੍ਤਂ ਦੀਪੇਤਿ। ‘‘ਕਮ੍ਮવਾਚਾਯਾ’’ਤਿ ਇਮਿਨਾ ਸਮੂਹਨਿਤ੍વਾਤਿ ਪਦਸ੍ਸ ਕਰਣਂ ਦਸ੍ਸੇਤਿ।
141.Anupariveṇiyanti ettha anusaddassa vicchatthaṃ, pariveṇasaddassa ca liṅgavipallāsabhāvaṃ dassetuṃ vuttaṃ ‘‘tasmiṃ tasmiṃ pariveṇe’’ti. Pariveṇasaddo hi napuṃsakaliṅgo, idha pana liṅgavipallāsaṃ katvā itthiliṅgavasena vuttaṃ. ‘‘Saṅketaṃ akatvā’’ti iminā asaṅketenāti padassa kiriyāvisesanattaṃ dīpeti. ‘‘Kammavācāyā’’ti iminā samūhanitvāti padassa karaṇaṃ dasseti.
੧੪੨. ਯਤੋਤਿ ਏਤ੍ਥ ਤੋਪਚ੍ਚਯਸ੍ਸ ਕਾਰਣਤ੍ਥੇ ਪવਤ੍ਤਭਾવਂ ਦਸ੍ਸੇਨ੍ਤੋ ਆਹ ‘‘ਯਸ੍ਮਾ’’ਤਿ। ‘‘ਹਤ੍ਥਪਾਸੇ’’ਤਿ ਇਮਿਨਾ ਹਤ੍ਥਪਾਸਤੋ ਬਹਿ ਨਿਸਿਨ੍ਨੇ ਅਕਤੋવਸ੍ਸ ਉਪੋਸਥੋ ਹੋਤੀਤਿ ਦਸ੍ਸੇਤਿ। ਅਸ੍ਸਾਤਿ ਭਿਕ੍ਖੁਨੋ। વਤ੍ਥੁવਸੇਨਾਤਿ ਅਟ੍ਠੁਪ੍ਪਤ੍ਤਿવਸੇਨ। ਉਪੋਸਥਸ੍ਸ ਪਮੁਖਸ੍ਸ ਅਬ੍ਭੋਕਾਸੇ વਾ ਮਾਲ਼ਕਾਦੀਸੁ વਾਤਿ ਸਮ੍ਬਨ੍ਧੋ। ਨਿਮਿਤ੍ਤੁਪਗਾ વਾ ਅਨਿਮਿਤ੍ਤੁਪਗਾ વਾਤਿ ਹੇਟ੍ਠਾ ਅਟ੍ਠਸੁ ਨਿਮਿਤ੍ਤੇਸੁ વੁਤ੍ਤਾ ਨਿਮਿਤ੍ਤੁਪਗਾ વਾ ਅਨਿਮਿਤ੍ਤੁਪਗਾ વਾ ਪਬ੍ਬਤਾਦਯੋ વਾ ਅਞ੍ਞੇ વਾ ਕਿਤ੍ਤੇਤਬ੍ਬਾ।
142.Yatoti ettha topaccayassa kāraṇatthe pavattabhāvaṃ dassento āha ‘‘yasmā’’ti. ‘‘Hatthapāse’’ti iminā hatthapāsato bahi nisinne akatovassa uposatho hotīti dasseti. Assāti bhikkhuno. Vatthuvasenāti aṭṭhuppattivasena. Uposathassa pamukhassa abbhokāse vā māḷakādīsu vāti sambandho. Nimittupagā vā animittupagā vāti heṭṭhā aṭṭhasu nimittesu vuttā nimittupagā vā animittupagā vā pabbatādayo vā aññe vā kittetabbā.
ਪਠਮਤਰਂ ਨ ਆਗਚ੍ਛਤਿ, ਦੁਕ੍ਕਟਨ੍ਤਿ ਉਪੋਸਥੇ ਘੋਸਿਯਮਾਨੇ ਪਠਮਤਰਂ ਨ ਆਗਚ੍ਛਤਿ, ਦੁਕ੍ਕਟਂ। વਿਹਾਰਸ੍ਸ ਮਜ੍ਝੇ ਹੋਤੀਤਿ ਯੋਜਨਾ। ਏਤ੍ਥਾਤਿ ਪੋਰਾਣਕੇ ਆવਾਸੇ। ਤਤ੍ਥਾਤਿ ਪੋਰਾਣਕੇ ਆવਾਸੇ। ਅਸਮ੍ਬਾਧੋਤਿ ਸਙ੍ਘਸ੍ਸ ਨਿਸਜ੍ਜਟ੍ਠਾਨਪਹੋਨਕੋ। ਤਤ੍ਥਾਤਿ ਪਚ੍ਛਾ ਉਟ੍ਠਿਤੇ ਆવਾਸੇ।
Paṭhamataraṃna āgacchati, dukkaṭanti uposathe ghosiyamāne paṭhamataraṃ na āgacchati, dukkaṭaṃ. Vihārassa majjhe hotīti yojanā. Etthāti porāṇake āvāse. Tatthāti porāṇake āvāse. Asambādhoti saṅghassa nisajjaṭṭhānapahonako. Tatthāti pacchā uṭṭhite āvāse.
ਸਬ੍ਬੇਸਂ ਨਿਸਜ੍ਜਟ੍ਠਾਨਨ੍ਤਿ ਯੋਜਨਾ। ਤਤ੍ਥਾਤਿ ਥੇਰਸ੍ਸ વਿਹਾਰੇ। ਸੋਤਿ ਥੇਰਸ੍ਸ વਿਹਾਰੋ। ਏਤ੍ਥਾਤਿ ਤੁਮ੍ਹਾਕਂ વਿਹਾਰੇ। ਸਬ੍ਬੇਸਂ ਓਕਾਸੋ ਨਤ੍ਥੀਤਿ ਸਮ੍ਬਨ੍ਧੋ। ਤਤ੍ਥਾਤਿ ਤਂ ਅਸੁਕਂ ਨਾਮ ਆવਾਸਂ। ‘‘વਟ੍ਟਤੀ’’ਤਿ વਤ੍ਤਬ੍ਬਨ੍ਤਿ ਯੋਜਨਾ। ਤਸ੍ਸਾਤਿ ਥੇਰਸ੍ਸ।
Sabbesaṃ nisajjaṭṭhānanti yojanā. Tatthāti therassa vihāre. Soti therassa vihāro. Etthāti tumhākaṃ vihāre. Sabbesaṃ okāso natthīti sambandho. Tatthāti taṃ asukaṃ nāma āvāsaṃ. ‘‘Vaṭṭatī’’ti vattabbanti yojanā. Tassāti therassa.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੭੨. ਉਪੋਸਥਾਗਾਰਕਥਾ • 72. Uposathāgārakathā
੭੩. ਉਪੋਸਥਪ੍ਪਮੁਖਾਨੁਜਾਨਨਾ • 73. Uposathappamukhānujānanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਉਪੋਸਥਾਗਾਰਾਦਿਕਥਾ • Uposathāgārādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਉਪੋਸਥਾਗਾਰਾਦਿਕਥਾવਣ੍ਣਨਾ • Uposathāgārādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਉਪੋਸਥਾਗਾਰਾਦਿਕਥਾવਣ੍ਣਨਾ • Uposathāgārādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਉਪੋਸਥਾਗਾਰਾਦਿਕਥਾવਣ੍ਣਨਾ • Uposathāgārādikathāvaṇṇanā
