| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
убосат̇ааг̇аараад̣̇игат̇ааван̣н̣анаа
Uposathāgārādikathāvaṇṇanā
141. ‘‘яам̣ сан̇гхо ааган̇кад̇и вихаарам̣ ваа…бз… г̇ухам̣ ваа’’д̇и важанад̇о на гзвалам̣ бат̇авияам̣язва, вихаараад̣̇ийнам̣ убариби сиймаа анун̃н̃аад̇аа ход̇и убосат̇агаммабад̇хаанад̇д̇аад̇и сид̣̇д̇хам̣. д̇аббад̇хаанаа сиймаад̇и гат̇ам̣ бан̃н̃ааяад̇ийд̇и жз? д̇ад̣̇ад̇хигаараанун̃н̃аад̇ад̇д̇аа, саммуд̇ияам̣ ‘‘самаанасам̣ваасаа’’д̇и зд̇д̇аавад̇аа сид̣̇д̇хз висум̣ ‘‘згуубосат̇аа’’д̇и важанад̇о жа. ‘‘убосат̇ам̣ табзд̇ваа сзсагаммаани самаанасам̣ваасаа наамаа’’д̇и ликид̇ам̣. ‘‘згам̣ самууханид̇ваа’’д̇и баал̣ибаато.
141. ‘‘Yaṃ saṅgho ākaṅkhati vihāraṃ vā…pe… guhaṃ vā’’ti vacanato na kevalaṃ pathaviyaṃyeva, vihārādīnaṃ uparipi sīmā anuññātā hoti uposathakammapadhānattāti siddhaṃ. Tappadhānā sīmāti kathaṃ paññāyatīti ce? Tadadhikārānuññātattā, sammutiyaṃ ‘‘samānasaṃvāsā’’ti ettāvatā siddhe visuṃ ‘‘ekūposathā’’ti vacanato ca. ‘‘Uposathaṃ ṭhapetvā sesakammāni samānasaṃvāsā nāmā’’ti likhitaṃ. ‘‘Ekaṃ samūhanitvā’’ti pāḷipāṭho.
142. гад̇овассаад̇и згасиймааяа самаг̇г̇з санд̇хааяа вуд̇д̇ам̣. ан̃н̃ат̇аа наанаасиймааяам̣ тид̇аанам̣ саванам̣ бамаан̣ам̣, згасиймааяаби хад̇т̇абаасам̣ мун̃жид̇ваа тид̇аанам̣ ваа саванамзва бамаан̣анд̇и анидтам̣ аабаж̇ж̇ад̇и. д̇ад̇т̇а саммад̇ааяа ваа асаммад̇ааяа ваад̇и убосат̇ааг̇аарасаммуд̇ияаа, на сиймаасаммуд̇ияаа. гат̇ам̣ бан̃н̃ааяад̇ийд̇и? ад̇хигаарад̇о, барад̇о чанд̣̇ад̣̇аанабан̃н̃ад̇д̇ид̇о, баарисуд̣̇д̇хид̣̇аанабан̃н̃ад̇д̇ид̇о жа. д̇ад̇т̇а буримам̣ гааран̣ам̣ буримам̣ анидтам̣ ниваарзд̇и, бажчимам̣ бажчиманд̇и взд̣̇ид̇аб̣б̣ам̣. убосат̇амуканд̇и убосат̇адтаанам̣. ‘‘убосат̇амукассаад̇и убосат̇ааг̇аарадтаанассаа’’д̇и ликид̇ам̣. яаани гаанижи нимид̇д̇аани гид̇д̇зд̇ум̣ ваддзд̇ийд̇и ид̣̇ам̣ гат̇ам̣ бан̃н̃ааяад̇ийд̇и? ‘‘батамам̣ нимид̇д̇аа гид̇д̇зд̇аб̣б̣аа нимид̇д̇з гид̇д̇зд̇ваа’’д̇и зд̇д̇агамзва вуд̇д̇ад̇д̇аа. батамам̣ вуд̇д̇ад̇д̇аа на вужжанд̇ийд̇и жз? д̇ам̣ бана агааран̣ам̣, на хи б̣уд̣̇д̇хаанам̣ д̣̇зсанааяа ааласияам̣ ад̇т̇и. сиймаасамуухананагаалз убосат̇ааг̇аарам̣ самууханид̇ваава сиймаасамуухананам̣ иж̇жхад̇ийд̇и згз. д̇ам̣ аяуд̇д̇ам̣ аб̣ад̣̇д̇хааяа сиймааяа убосат̇ааг̇аарасаммуд̇исид̣̇д̇хид̇од̇и но д̇аггод̇и аажарияо. убосат̇амуканд̇и убосат̇ааг̇аарасса муканд̇и аажарияаа. убосат̇амукасса нимид̇д̇агид̇д̇анаа сиймааяа вуд̇д̇анаязна гаад̇аб̣б̣аа. згзнааби гид̇д̇зд̇ум̣ ваддад̇ийд̇и згз. ‘‘баасаад̣̇о ваа ход̇у, ман̣д̣абаад̣̇ийсу ваа ан̃н̃ад̇аро. гаммаваажааяа бана ‘убосат̇амука’мижжзва вад̇д̇аб̣б̣а’’нд̇и вад̣̇анд̇и. ‘‘бораан̣аго ааваасо наама муулааваасо’’д̇и ликид̇ам̣. вад̣̇ад̇и гхадамад̇д̇аа ид̇и хи лагкан̣ам̣.
142.Katovassāti ekasīmāya samagge sandhāya vuttaṃ. Aññathā nānāsīmāyaṃ ṭhitānaṃ savanaṃ pamāṇaṃ, ekasīmāyapi hatthapāsaṃ muñcitvā ṭhitānaṃ vā savanameva pamāṇanti aniṭṭhaṃ āpajjati. Tattha sammatāya vā asammatāya vāti uposathāgārasammutiyā, na sīmāsammutiyā. Kathaṃ paññāyatīti? Adhikārato, parato chandadānapaññattito, pārisuddhidānapaññattito ca. Tattha purimaṃ kāraṇaṃ purimaṃ aniṭṭhaṃ nivāreti, pacchimaṃ pacchimanti veditabbaṃ. Uposathamukhanti uposathaṭṭhānaṃ. ‘‘Uposathamukhassāti uposathāgāraṭṭhānassā’’ti likhitaṃ. Yāni kānici nimittāni kittetuṃ vaṭṭetīti idaṃ kathaṃ paññāyatīti? ‘‘Paṭhamaṃ nimittā kittetabbā nimitte kittetvā’’ti ettakameva vuttattā. Paṭhamaṃ vuttattā na vuccantīti ce? Taṃ pana akāraṇaṃ, na hi buddhānaṃ desanāya ālasiyaṃ atthi. Sīmāsamūhananakāle uposathāgāraṃ samūhanitvāva sīmāsamūhananaṃ ijjhatīti eke. Taṃ ayuttaṃ abaddhāya sīmāya uposathāgārasammutisiddhitoti no takkoti ācariyo. Uposathamukhanti uposathāgārassa mukhanti ācariyā. Uposathamukhassa nimittakittanā sīmāya vuttanayena kātabbā. Ekenāpi kittetuṃ vaṭṭatīti eke. ‘‘Pāsādo vā hotu, maṇḍapādīsu vā aññataro. Kammavācāya pana ‘uposathamukha’micceva vattabba’’nti vadanti. ‘‘Porāṇako āvāso nāma mūlāvāso’’ti likhitaṃ. Vadati ghaṭamattā iti hi lakkhaṇaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
72. убосат̇ааг̇аарагат̇аа • 72. Uposathāgārakathā
73. убосат̇аббамукаануж̇аананаа • 73. Uposathappamukhānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убосат̇ааг̇аараад̣̇игат̇аа • Uposathāgārādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 72. убосат̇ааг̇аараад̣̇игат̇аа • 72. Uposathāgārādikathā
