| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
72. убосат̇ааг̇аарагат̇аа
72. Uposathāgārakathā
141. д̇зна ко бана самаязна бхигкуу анубаривзн̣ияам̣ баад̇имогкам̣ уд̣̇д̣̇исанд̇и асан̇гзд̇зна. ааг̇анд̇угаа бхигкуу на ж̇аананд̇и – ‘‘гад̇т̇а ваа аж̇ж̇убосат̇о гарийяиссад̇ий’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, анубаривзн̣ияам̣ баад̇имогкам̣ уд̣̇д̣̇исид̇аб̣б̣ам̣ асан̇гзд̇зна. яо уд̣̇д̣̇исзяяа, аабад̇д̇и д̣̇уггадасса. ануж̇аанаами, бхигкавз, убосат̇ааг̇аарам̣ самманнид̇ваа убосат̇ам̣ гаад̇ум̣, яам̣ сан̇гхо ааган̇кад̇и вихаарам̣ ваа ад̣дхаяог̇ам̣ ваа баасаад̣̇ам̣ ваа хаммияам̣ ваа г̇ухам̣ ваа. зван̃жа бана, бхигкавз, самманнид̇аб̣б̣ам̣. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
141. Tena kho pana samayena bhikkhū anupariveṇiyaṃ pātimokkhaṃ uddisanti asaṅketena. Āgantukā bhikkhū na jānanti – ‘‘kattha vā ajjuposatho karīyissatī’’ti. Bhagavato etamatthaṃ ārocesuṃ. Na, bhikkhave, anupariveṇiyaṃ pātimokkhaṃ uddisitabbaṃ asaṅketena. Yo uddiseyya, āpatti dukkaṭassa. Anujānāmi, bhikkhave, uposathāgāraṃ sammannitvā uposathaṃ kātuṃ, yaṃ saṅgho ākaṅkhati vihāraṃ vā aḍḍhayogaṃ vā pāsādaṃ vā hammiyaṃ vā guhaṃ vā. Evañca pana, bhikkhave, sammannitabbaṃ. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ вихаарам̣ убосат̇ааг̇аарам̣ самманнзяяа. зсаа н̃ад̇д̇и.
‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmaṃ vihāraṃ uposathāgāraṃ sammanneyya. Esā ñatti.
‘‘сун̣аад̇у мз, бханд̇з, сан̇гхо. сан̇гхо ид̇т̇аннаамам̣ вихаарам̣ убосат̇ааг̇аарам̣ самманнад̇и. яассааяасмад̇о камад̇и ид̇т̇аннаамасса вихаарасса убосат̇ааг̇аарасса саммуд̇и, со д̇ун̣хасса; яасса нагкамад̇и, со бхаасзяяа. саммад̇о сан̇гхзна ид̇т̇аннаамо вихааро убосат̇ааг̇аарам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Suṇātu me, bhante, saṅgho. Saṅgho itthannāmaṃ vihāraṃ uposathāgāraṃ sammannati. Yassāyasmato khamati itthannāmassa vihārassa uposathāgārassa sammuti, so tuṇhassa; yassa nakkhamati, so bhāseyya. Sammato saṅghena itthannāmo vihāro uposathāgāraṃ. Khamati saṅghassa, tasmā tuṇhī, evametaṃ dhārayāmī’’ti.
д̇зна ко бана самаязна ан̃н̃ад̇арасмим̣ ааваасз д̣̇вз убосат̇ааг̇аараани саммад̇аани хонд̇и. бхигкуу убхаяад̇т̇а саннибад̇анд̇и – ‘‘ид̇ха убосат̇о гарийяиссад̇и, ид̇ха убосат̇о гарийяиссад̇ий’’д̇и. бхаг̇авад̇о зд̇амад̇т̇ам̣ аарожзсум̣ . на, бхигкавз, згасмим̣ ааваасз д̣̇вз убосат̇ааг̇аараани самманнид̇аб̣б̣аани. яо самманнзяяа, аабад̇д̇и д̣̇уггадасса. ануж̇аанаами, бхигкавз, згам̣ самууханид̇ваа 1 згад̇т̇а убосат̇ам̣ гаад̇ум̣. зван̃жа бана, бхигкавз, самууханд̇аб̣б̣ам̣. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Tena kho pana samayena aññatarasmiṃ āvāse dve uposathāgārāni sammatāni honti. Bhikkhū ubhayattha sannipatanti – ‘‘idha uposatho karīyissati, idha uposatho karīyissatī’’ti. Bhagavato etamatthaṃ ārocesuṃ . Na, bhikkhave, ekasmiṃ āvāse dve uposathāgārāni sammannitabbāni. Yo sammanneyya, āpatti dukkaṭassa. Anujānāmi, bhikkhave, ekaṃ samūhanitvā 2 ekattha uposathaṃ kātuṃ. Evañca pana, bhikkhave, samūhantabbaṃ. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ убосат̇ааг̇аарам̣ самууханзяяа 3. зсаа н̃ад̇д̇и.
‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmaṃ uposathāgāraṃ samūhaneyya 4. Esā ñatti.
‘‘сун̣аад̇у мз, бханд̇з, сан̇гхо. сан̇гхо ид̇т̇аннаамам̣ убосат̇ааг̇аарам̣ самууханад̇и. яассааяасмад̇о камад̇и ид̇т̇аннаамасса убосат̇ааг̇аарасса самуг̇гхаад̇о, со д̇ун̣хасса; яасса нагкамад̇и, со бхаасзяяа. самуухад̇ам̣ сан̇гхзна ид̇т̇аннаамам̣ убосат̇ааг̇аарам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Suṇātu me, bhante, saṅgho. Saṅgho itthannāmaṃ uposathāgāraṃ samūhanati. Yassāyasmato khamati itthannāmassa uposathāgārassa samugghāto, so tuṇhassa; yassa nakkhamati, so bhāseyya. Samūhataṃ saṅghena itthannāmaṃ uposathāgāraṃ. Khamati saṅghassa, tasmā tuṇhī, evametaṃ dhārayāmī’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убосат̇ааг̇аараад̣̇игат̇аа • Uposathāgārādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 72. убосат̇ааг̇аараад̣̇игат̇аа • 72. Uposathāgārādikathā
