| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
убосат̇агканд̇хагагат̇аа
Uposathakkhandhakakathā
2551.
2551.
б̣ад̣̇д̇хааб̣ад̣̇д̇хавасзнзва , сиймаа наама д̣̇вид̇хаа мад̇аа;
Baddhābaddhavaseneva , sīmā nāma dvidhā matā;
нимид̇д̇зна нимид̇д̇ам̣ д̇у, гхадзд̇ваа бана саммад̇аа.
Nimittena nimittaṃ tu, ghaṭetvā pana sammatā.
2552.
2552.
аяам̣ сиймаавибад̇д̇ийхи, згаад̣̇асахи важ̇ж̇ид̇аа;
Ayaṃ sīmāvipattīhi, ekādasahi vajjitā;
б̣ад̣̇д̇хаа наама сияаа сиймаа, саа д̇исамбад̇д̇исам̣яуд̇аа.
Baddhā nāma siyā sīmā, sā tisampattisaṃyutā.
2553.
2553.
кан̣д̣асамаанасам̣ваасаа-виббаваасаад̣̇ибхзд̣̇ад̇о;
Khaṇḍasamānasaṃvāsā-vippavāsādibhedato;
ид̇и б̣ад̣̇д̇хаа д̇ид̇хаа вуд̇д̇аа, аб̣ад̣̇д̇хааби д̇ид̇хаа мад̇аа.
Iti baddhā tidhā vuttā, abaddhāpi tidhā matā.
2554.
2554.
г̇аамад̇о уд̣̇агугкзбаа, сад̇д̇аб̣бханд̇арад̇оби жа;
Gāmato udakukkhepā, sattabbhantaratopi ca;
д̇ад̇т̇а г̇аамабарижчзд̣̇о, ‘‘г̇аамасиймаа’’д̇и вужжад̇и.
Tattha gāmaparicchedo, ‘‘gāmasīmā’’ti vuccati.
2555.
2555.
ж̇аад̇ассарз самуд̣̇д̣̇з ваа, над̣̇ияаа ваа саманд̇ад̇о;
Jātassare samudde vā, nadiyā vā samantato;
маж̇жхимассуд̣̇агугкзбо, уд̣̇агугкзбасан̃н̃ид̇о.
Majjhimassudakukkhepo, udakukkhepasaññito.
2556.
2556.
аг̇аамагз аран̃н̃з д̇у, сад̇д̇зваб̣бханд̇араа бана;
Agāmake araññe tu, sattevabbhantarā pana;
саманд̇ад̇о аяам̣ сиймаа, сад̇д̇аб̣бханд̇аранаамигаа.
Samantato ayaṃ sīmā, sattabbhantaranāmikā.
2557.
2557.
згам̣ аб̣бханд̇арам̣ вуд̇д̇ам̣, адтавийсад̇ихад̇т̇агам̣;
Ekaṃ abbhantaraṃ vuttaṃ, aṭṭhavīsatihatthakaṃ;
г̇ул̣угкзбанаязнзва, уд̣̇агугкзбагаа мад̇аа.
Guḷukkhepanayeneva, udakukkhepakā matā.
2558.
2558.
имаа д̣̇вз бана сиймааяо, вад̣дханд̇и барисаавасаа;
Imā dve pana sīmāyo, vaḍḍhanti parisāvasā;
аб̣бханд̇арууд̣̇агугкзбаа, тид̇огаасаа барам̣ сияум̣.
Abbhantarūdakukkhepā, ṭhitokāsā paraṃ siyuṃ.
2559.
2559.
тид̇о анд̇обарижчзд̣̇з, хад̇т̇абаасам̣ вихааяа ваа;
Ṭhito antoparicchede, hatthapāsaṃ vihāya vā;
д̇ад̇д̇агам̣ анад̇иггамма, барижчзд̣̇амби ваа барам̣.
Tattakaṃ anatikkamma, paricchedampi vā paraṃ.
2560.
2560.
тид̇о гаммам̣ вигобзд̇и, ид̇и адтагат̇аанаяо;
Ṭhito kammaṃ vikopeti, iti aṭṭhakathānayo;
д̇асмаа со хад̇т̇абаасз ваа, гаад̇аб̣б̣о б̣ахи ваа бана.
Tasmā so hatthapāse vā, kātabbo bahi vā pana.
2561.
2561.
б̣ад̣̇д̇хасиймааяа сан̣таанам̣, нимид̇д̇ам̣ д̣̇исагид̇д̇анам̣;
Baddhasīmāya saṇṭhānaṃ, nimittaṃ disakittanaṃ;
н̃ад̇ваа бамаан̣ам̣ сод̇хзд̇ваа, сиймам̣ б̣анд̇хзяяа бан̣д̣ид̇о.
Ñatvā pamāṇaṃ sodhetvā, sīmaṃ bandheyya paṇḍito.
2562.
2562.
д̇игон̣ам̣ жад̇урассан̃жа, ваддан̃жа бан̣авуубамам̣;
Tikoṇaṃ caturassañca, vaṭṭañca paṇavūpamaṃ;
вид̇аанам̣ д̇ханугаагаарам̣, муд̣̇ин̇г̇асагадуубамам̣.
Vitānaṃ dhanukākāraṃ, mudiṅgasakaṭūpamaṃ.
2563.
2563.
баб̣б̣ад̇ам̣ ванам̣ баасаан̣ам̣, ругкам̣ маг̇г̇ан̃жа ваммигам̣;
Pabbataṃ vanaṃ pāsāṇaṃ, rukkhaṃ maggañca vammikaṃ;
уд̣̇аган̃жа над̣̇ин̃жаад̇и, нимид̇д̇аанадта д̣̇ийбаяз.
Udakañca nadiñcāti, nimittānaṭṭha dīpaye.
2564.
2564.
д̇зсу д̇ийн̣и нимид̇д̇аани, аад̣̇им̣ гад̇ваа саманд̇ад̇о;
Tesu tīṇi nimittāni, ādiṃ katvā samantato;
нимид̇д̇аанам̣ сад̇знааби, б̣анд̇хид̇ум̣ бана ваддад̇и.
Nimittānaṃ satenāpi, bandhituṃ pana vaṭṭati.
2565.
2565.
д̇ияож̇анабараа сиймаа, уггадтаад̇и багаасид̇аа;
Tiyojanaparā sīmā, ukkaṭṭhāti pakāsitā;
згавийсад̇и бхигкуунам̣, г̇ан̣ханд̇ий хздтимаа мад̇аа.
Ekavīsati bhikkhūnaṃ, gaṇhantī heṭṭhimā matā.
2566.
2566.
уггадтааяаби уггадтаа, хздтимааяаби хздтимаа;
Ukkaṭṭhāyapi ukkaṭṭhā, heṭṭhimāyapi heṭṭhimā;
зд̇аа д̣̇взби асиймаад̇и, вуд̇д̇аа аад̣̇ижжаб̣анд̇хунаа.
Etā dvepi asīmāti, vuttā ādiccabandhunā.
2567.
2567.
нимид̇д̇ам̣ бана гид̇д̇зд̇ваа, саб̣б̣амзва саманд̇ад̇о;
Nimittaṃ pana kittetvā, sabbameva samantato;
бажчаа н̃ад̇д̇ид̣̇уд̇иязна, сиймам̣ б̣анд̇хид̇умарахад̇и.
Pacchā ñattidutiyena, sīmaṃ bandhitumarahati.
2568.
2568.
б̣анд̇хид̇ваананд̇арам̣ бажчаа, жийвараавиббаваасагам̣;
Bandhitvānantaraṃ pacchā, cīvarāvippavāsakaṃ;
самманнид̇ваана б̣ад̣̇д̇хаа саа-виббаваасаад̇и вужжад̇и.
Sammannitvāna baddhā sā-vippavāsāti vuccati.
2569.
2569.
над̣̇ийсарасамуд̣̇д̣̇зсу, сиймам̣ б̣анд̇хад̇и жз бана;
Nadīsarasamuddesu, sīmaṃ bandhati ce pana;
на вод̇т̇арад̇и д̇знзва, асиймаад̇и ж̇иноб̣рави.
Na vottharati teneva, asīmāti jinobravi.
сиймаагат̇аа.
Sīmākathā.
2570.
2570.
д̣̇инагаарагагад̇д̇аб̣б̣аа-гаараанан̃жа васаа бана;
Dinakārakakattabbā-kārānañca vasā pana;
навзвубосат̇аа вуд̇д̇аа, б̣уд̣̇д̇хзнаад̣̇ижжаб̣анд̇хунаа.
Navevuposathā vuttā, buddhenādiccabandhunā.
2571.
2571.
жаад̇уд̣̇д̣̇асо баннарасо, саамаг̇г̇ий жа убосат̇о;
Cātuddaso pannaraso, sāmaggī ca uposatho;
д̣̇ивасзнзва нид̣̇д̣̇идтаа, д̇аяобзд̇з убосат̇аа.
Divaseneva niddiṭṭhā, tayopete uposathā.
2572.
2572.
сан̇гхз убосат̇о жзва, г̇ан̣з буг̇г̇алубосат̇о;
Saṅghe uposatho ceva, gaṇe puggaluposatho;
гаарагаанам̣ васзнзва, д̇аяо вуд̇д̇аа убосат̇аа.
Kārakānaṃ vaseneva, tayo vuttā uposathā.
2573.
2573.
суд̇д̇уд̣̇д̣̇зсаабхид̇хаано жа, баарисуд̣̇д̇хиубосат̇о;
Suttuddesābhidhāno ca, pārisuddhiuposatho;
ад̇хидтаананд̇и нид̣̇д̣̇идтаа, д̇аяо гаммзнубосат̇аа.
Adhiṭṭhānanti niddiṭṭhā, tayo kammenuposathā.
2574.
2574.
сан̇гхасса баад̇имогко жа, баарисуд̣̇д̇хи г̇ан̣асса жа;
Saṅghassa pātimokkho ca, pārisuddhi gaṇassa ca;
ад̇хидтаанамат̇згасса, нид̣̇д̣̇идтам̣ бана сад̇т̇унаа.
Adhiṭṭhānamathekassa, niddiṭṭhaṃ pana satthunā.
2575.
2575.
баад̇имогкасса уд̣̇д̣̇зсаа, бан̃жа вуд̇д̇аа махзсинаа;
Pātimokkhassa uddesā, pañca vuttā mahesinā;
нид̣̇аанам̣ уд̣̇д̣̇исид̇ваана, саавзд̇аб̣б̣ам̣ д̇у сзсагам̣.
Nidānaṃ uddisitvāna, sāvetabbaṃ tu sesakaṃ.
2576.
2576.
аяамзва наяо н̃зяяо, сзсзсуби жа вин̃н̃унаа;
Ayameva nayo ñeyyo, sesesupi ca viññunā;
жад̇д̇ааро бхигкунийнан̃жа, уд̣̇д̣̇зсаа навимз бана.
Cattāro bhikkhunīnañca, uddesā navime pana.
2577.
2577.
баад̇имогкасса уд̣̇д̣̇зсо, гаад̇аб̣б̣ова убосат̇з;
Pātimokkhassa uddeso, kātabbova uposathe;
анд̇арааяам̣ винаа жзва, ануд̣̇д̣̇зсо ниваарид̇о.
Antarāyaṃ vinā ceva, anuddeso nivārito.
2578.
2578.
т̇зро жа иссаро д̇асса;
Thero ca issaro tassa;
‘‘т̇зраад̇хзяяа’’нд̇и баатад̇о;
‘‘Therādheyya’’nti pāṭhato;
авад̇д̇анд̇зна аж̇жхидто;
Avattantena ajjhiṭṭho;
яасса со бана вад̇д̇ад̇и.
Yassa so pana vattati.
2579.
2579.
уд̣̇д̣̇исанд̇з самаббаа ваа, ааг̇ажчанд̇и сажз бана;
Uddisante samappā vā, āgacchanti sace pana;
уд̣̇д̣̇идтам̣ д̇ам̣ сууд̣̇д̣̇идтам̣, саавзд̇аб̣б̣ам̣ д̇у сзсагам̣.
Uddiṭṭhaṃ taṃ suuddiṭṭhaṃ, sāvetabbaṃ tu sesakaṃ.
2580.
2580.
уд̣̇д̣̇идтамад̇д̇з бхигкуунам̣, барисааяудтид̇ааяа ваа;
Uddiṭṭhamatte bhikkhūnaṃ, parisāyuṭṭhitāya vā;
баарисуд̣̇д̇хи д̇у гад̇д̇аб̣б̣аа, муулз д̇зсам̣, сажз б̣ахуу.
Pārisuddhi tu kattabbā, mūle tesaṃ, sace bahū.
2581.
2581.
саммаж̇ж̇ид̇ум̣ бад̣̇ийбзд̇ум̣, бан̃н̃аабзд̇ум̣ д̣̇агаасанз;
Sammajjituṃ padīpetuṃ, paññāpetuṃ dakāsane;
винид̣̇д̣̇идтасса т̇зрзна, агаронд̇асса д̣̇уггадам̣.
Viniddiṭṭhassa therena, akarontassa dukkaṭaṃ.
2582.
2582.
гад̇ваа саммаж̇ж̇анам̣ д̣̇ийбам̣, табзд̇ваа уд̣̇агаасанам̣;
Katvā sammajjanaṃ dīpaṃ, ṭhapetvā udakāsanaṃ;
г̇ан̣ан̃ад̇д̇им̣ табзд̇ваава, гад̇д̇аб̣б̣о д̇ийхубосат̇о.
Gaṇañattiṃ ṭhapetvāva, kattabbo tīhuposatho.
2583.
2583.
буб̣б̣агижжам̣ самаабзд̇ваа, ад̇хидтзяяа банзгаго;
Pubbakiccaṃ samāpetvā, adhiṭṭheyya panekako;
но жз ад̇хидтахзяяасса, ход̇и аабад̇д̇и д̣̇уггадам̣.
No ce adhiṭṭhaheyyassa, hoti āpatti dukkaṭaṃ.
2584.
2584.
ад̇хаммзна жа ваг̇г̇зна, самаг̇г̇зна ад̇хаммад̇о;
Adhammena ca vaggena, samaggena adhammato;
д̇ат̇аа д̇хаммзна ваг̇г̇зна, самаг̇г̇зна жа д̇хаммад̇о.
Tathā dhammena vaggena, samaggena ca dhammato.
2585.
2585.
убосат̇асса зд̇аани, гаммаанийд̇и ж̇иноб̣рави;
Uposathassa etāni, kammānīti jinobravi;
жад̇уусваби банзд̇зсу, жад̇уд̇т̇ам̣ д̇хаммигам̣ мад̇ам̣.
Catūsvapi panetesu, catutthaṃ dhammikaṃ mataṃ.
2586.
2586.
ад̇хаммзнид̇ха ваг̇г̇о хи, гад̇амо жзд̇т̇убосат̇о?
Adhammenidha vaggo hi, katamo cetthuposatho?
васанд̇и згасиймааяам̣, жад̇д̇ааро яад̇т̇а бхигкуно.
Vasanti ekasīmāyaṃ, cattāro yattha bhikkhuno.
2587.
2587.
згасса баарисуд̣̇д̇хим̣ д̇з, аанаяид̇ваа д̇аяо ж̇анаа;
Ekassa pārisuddhiṃ te, ānayitvā tayo janā;
гаронд̇и баарисуд̣̇д̇хим̣ жз, ад̇хаммо ваг̇г̇убосат̇о.
Karonti pārisuddhiṃ ce, adhammo vagguposatho.
2588.
2588.
ад̇хаммзна самаг̇г̇о хи, жад̇д̇ааро бхигкунзгад̇о;
Adhammena samaggo hi, cattāro bhikkhunekato;
гаронд̇и баарисуд̣̇д̇хим̣ жз, самаг̇г̇о ход̇яад̇хаммиго.
Karonti pārisuddhiṃ ce, samaggo hotyadhammiko.
2589.
2589.
д̇хаммзна бана ваг̇г̇о хи, гад̇амо со убосат̇о;
Dhammena pana vaggo hi, katamo so uposatho;
васанд̇и згасиймааяам̣, жад̇д̇ааро яад̇т̇а бхигкуно.
Vasanti ekasīmāyaṃ, cattāro yattha bhikkhuno.
2590.
2590.
згасса баарисуд̣̇д̇хим̣ д̇з, аанаяид̇ваа д̇аяо ж̇анаа;
Ekassa pārisuddhiṃ te, ānayitvā tayo janā;
баад̇имогкуд̣̇д̣̇исанд̇з жз, ваг̇г̇о д̇хаммзнубосат̇о.
Pātimokkhuddisante ce, vaggo dhammenuposatho.
2591.
2591.
д̇хаммад̇о хи самаг̇г̇о со;
Dhammato hi samaggo so;
жад̇д̇ааро бхигкунзгад̇о;
Cattāro bhikkhunekato;
баад̇имогкуд̣̇д̣̇исанд̇ийд̇ха;
Pātimokkhuddisantīdha;
самаг̇г̇о д̇хаммад̇о мад̇о.
Samaggo dhammato mato.
2592.
2592.
ваг̇г̇з самаг̇г̇з ваг̇г̇од̇и, сан̃н̃ино вимад̇исса ваа;
Vagge samagge vaggoti, saññino vimatissa vā;
убосат̇ам̣ гаронд̇асса, ход̇и аабад̇д̇и д̣̇уггадам̣.
Uposathaṃ karontassa, hoti āpatti dukkaṭaṃ.
2593.
2593.
бхзд̣̇аад̇хиббааяад̇о д̇асса, ход̇и т̇уллажжаяам̣ бана;
Bhedādhippāyato tassa, hoti thullaccayaṃ pana;
ваг̇г̇з самаг̇г̇знаабад̇д̇и, самаг̇г̇од̇и жа сан̃н̃ино.
Vagge samaggenāpatti, samaggoti ca saññino.
2594.
2594.
угкид̇д̇зна г̇ахадтзна, сзсзхи сахад̇хаммихи;
Ukkhittena gahaṭṭhena, sesehi sahadhammihi;
жуд̇анигкид̇д̇асигкзхи, згаад̣̇асахи ваа саха.
Cutanikkhittasikkhehi, ekādasahi vā saha.
2595.
2595.
убосат̇о на гаад̇аб̣б̣о, сабхааг̇аабад̇д̇игзна ваа;
Uposatho na kātabbo, sabhāgāpattikena vā;
чанд̣̇зна бааривуд̇т̇зна, гарод̇о ход̇и д̣̇уггадам̣.
Chandena pārivutthena, karoto hoti dukkaṭaṃ.
2596.
2596.
ад̣̇зсзд̇ваа банаабад̇д̇им̣, наавигад̇ваана взмад̇им̣;
Adesetvā panāpattiṃ, nāvikatvāna vematiṃ;
убосат̇о на гаад̇аб̣б̣о, д̣̇инз ваа анубосат̇з.
Uposatho na kātabbo, dine vā anuposathe.
2597.
2597.
убосат̇з банааваасаа, сабхигкумхаа жа бхигкунаа;
Uposathe panāvāsā, sabhikkhumhā ca bhikkhunā;
ааваасо ваа анааваасо, на г̇анд̇аб̣б̣о гуд̣̇аажанам̣.
Āvāso vā anāvāso, na gantabbo kudācanaṃ.
2598.
2598.
яасмим̣ убосат̇з гижжам̣;
Yasmiṃ uposathe kiccaṃ;
ааваасз бана вад̇д̇ад̇и;
Āvāse pana vattati;
со жз сабхигкуго наама;
So ce sabhikkhuko nāma;
ааваасод̇и багаасид̇о.
Āvāsoti pakāsito.
2599.
2599.
убосат̇о гимад̇т̇ааяа, гимад̇т̇ааяа бавааран̣аа;
Uposatho kimatthāya, kimatthāya pavāraṇā;
убосат̇о самаг̇г̇ад̇т̇о, висуд̣̇д̇хад̇т̇аа бавааран̣аа.
Uposatho samaggattho, visuddhatthā pavāraṇā.
2600.
2600.
гобзд̇ум̣ д̇хаммигам̣ гаммам̣, бадиггосзяяа д̣̇уггадам̣;
Kopetuṃ dhammikaṃ kammaṃ, paṭikkoseyya dukkaṭaṃ;
чанд̣̇ам̣ ваа гааяасаамаг̇г̇им̣, ад̣̇знд̇ассаби д̣̇уггадам̣.
Chandaṃ vā kāyasāmaggiṃ, adentassapi dukkaṭaṃ.
2601.
2601.
ход̇и бан̃жавид̇хо сан̇гхо, жад̇уваг̇г̇аад̣̇ибхзд̣̇ад̇о;
Hoti pañcavidho saṅgho, catuvaggādibhedato;
со жа гад̇д̇аб̣б̣агаммасса, васзна барид̣̇ийбид̇о.
So ca kattabbakammassa, vasena paridīpito.
2602.
2602.
бавааран̣ам̣ д̇ат̇ааб̣бхаанам̣, гамман̃жа убасамбад̣̇ам̣;
Pavāraṇaṃ tathābbhānaṃ, kammañca upasampadaṃ;
табзд̇ваа жад̇уваг̇г̇зна, агад̇д̇аб̣б̣ам̣ на виж̇ж̇ад̇и.
Ṭhapetvā catuvaggena, akattabbaṃ na vijjati.
2603.
2603.
бан̃жаваг̇г̇зна аб̣бхаанам̣, маж̇жхад̣̇зсуубасамбад̣̇ам̣;
Pañcavaggena abbhānaṃ, majjhadesūpasampadaṃ;
д̣̇асаваг̇г̇зна аб̣бхаанам̣, винаа саб̣б̣ам̣ д̇у ваддад̇и.
Dasavaggena abbhānaṃ, vinā sabbaṃ tu vaṭṭati.
2604.
2604.
гаммам̣ вийсад̇иваг̇г̇зна, на гад̇д̇аб̣б̣ам̣ на гин̃жиби;
Kammaṃ vīsativaggena, na kattabbaṃ na kiñcipi;
уунз д̣̇осод̇и н̃аабзд̇ум̣, наад̇хигз ад̇ирзгад̇аа.
Ūne dosoti ñāpetuṃ, nādhike atirekatā.
2605.
2605.
жад̇д̇ааро багад̇ад̇д̇аава, гаммаббад̇д̇аад̇и д̣̇ийбид̇аа;
Cattāro pakatattāva, kammappattāti dīpitā;
жад̇уваг̇г̇зна гад̇д̇аб̣б̣з, сзсзсу жа аяам̣ наяо.
Catuvaggena kattabbe, sesesu ca ayaṃ nayo.
2606.
2606.
жад̇уваг̇г̇аад̣̇игад̇д̇аб̣б̣ам̣, гад̇ваасам̣ваасабуг̇г̇алам̣;
Catuvaggādikattabbaṃ, katvāsaṃvāsapuggalaṃ;
г̇ан̣абуурам̣ гаронд̇асса, гад̇ам̣ губбад̇и д̣̇уггадам̣.
Gaṇapūraṃ karontassa, kataṃ kuppati dukkaṭaṃ.
2607.
2607.
бариваасаад̣̇игаммзби , д̇ад̇радтам̣ г̇ан̣абуурагам̣;
Parivāsādikammepi , tatraṭṭhaṃ gaṇapūrakaṃ;
гад̇ваа бана гаронд̇аанам̣, д̇ат̇аа, сзсам̣ д̇у ваддад̇и.
Katvā pana karontānaṃ, tathā, sesaṃ tu vaṭṭati.
убосат̇агканд̇хагагат̇аа.
Uposathakkhandhakakathā.
