| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
убосат̇агканд̇хагагат̇ааван̣н̣анаа
Uposathakkhandhakakathāvaṇṇanā
2551-2. яаа згаад̣̇асахи сиймаавибад̇д̇ийхи важ̇ж̇ид̇аа д̇исамбад̇д̇исам̣яуд̇аа нимид̇д̇зна нимид̇д̇ам̣ гхадзд̇ваа саммад̇аа, саа аяам̣ б̣ад̣̇д̇хасиймаа наама сияаад̇и яож̇анаа. д̇ад̇т̇а ад̇икуд̣̇д̣̇агаа, ад̇имахад̇ий, кан̣д̣анимид̇д̇аа, чааяаанимид̇д̇аа, анимид̇д̇аа, б̣ахисиймз тид̇асаммад̇аа, над̣̇ияаа саммад̇аа, самуд̣̇д̣̇з саммад̇аа, ж̇аад̇ассарз саммад̇аа, сиймааяа сиймам̣ самбхинд̣̇анд̇зна саммад̇аа, сиймааяа сиймам̣ аж̇жход̇т̇аранд̇зна саммад̇аад̇и ‘‘имзхи згаад̣̇асахи аагаарзхи сиймад̇о гаммаани вибаж̇ж̇анд̇ий’’д̇и (бари. 486) важанад̇о имаа згаад̣̇аса вибад̇д̇исиймааяо наама, вибаннасиймаад̇и вуд̇д̇ам̣ ход̇и.
2551-2. Yā ekādasahi sīmāvipattīhi vajjitā tisampattisaṃyutā nimittena nimittaṃ ghaṭetvā sammatā, sā ayaṃ baddhasīmā nāma siyāti yojanā. Tattha atikhuddakā, atimahatī, khaṇḍanimittā, chāyānimittā, animittā, bahisīme ṭhitasammatā, nadiyā sammatā, samudde sammatā, jātassare sammatā, sīmāya sīmaṃ sambhindantena sammatā, sīmāya sīmaṃ ajjhottharantena sammatāti ‘‘imehi ekādasahi ākārehi sīmato kammāni vipajjantī’’ti (pari. 486) vacanato imā ekādasa vipattisīmāyo nāma, vipannasīmāti vuttaṃ hoti.
д̇ад̇т̇а ад̇икуд̣̇д̣̇агаа наама яад̇т̇а згавийсад̇и бхигкуу нисийд̣̇ид̇ум̣ на саггонд̇и. ад̇имахад̇ий наама яаа анд̇амасо гзсаг̇г̇амад̇д̇знааби д̇ияож̇анам̣ ад̇иггамид̇ваа саммад̇аа. кан̣д̣анимид̇д̇аа наама агхадид̇анимид̇д̇аа вужжад̇и. бурад̇т̇имааяа д̣̇исааяа нимид̇д̇ам̣ гид̇д̇зд̇ваа ануггамзнзва д̣̇агкин̣ааяа, бажчимааяа, уд̇д̇арааяа д̣̇исааяа гид̇д̇зд̇ваа буна бурад̇т̇имааяа д̣̇исааяа буб̣б̣агид̇д̇ид̇ам̣ бадигид̇д̇зд̇ваа табзд̇ум̣ ваддад̇и, звам̣ акан̣д̣анимид̇д̇аа ход̇и. сажз бана ануггамзна аахарид̇ваа уд̇д̇арааяа д̣̇исааяа нимид̇д̇ам̣ гид̇д̇зд̇ваа д̇ад̇т̇зва табзд̇и, кан̣д̣анимид̇д̇аа наама ход̇и. абарааби кан̣д̣анимид̇д̇аа наама яаа анимид̇д̇убаг̇ам̣ д̇ажасаараругкам̣ ваа каан̣угам̣ ваа бам̣субун̃ж̇аваалигаабун̃ж̇аанам̣ ваа ан̃н̃ад̇арам̣ анд̇араа згам̣ нимид̇д̇ам̣ гад̇ваа саммад̇аа. чааяаанимид̇д̇аа наама баб̣б̣ад̇ажчааяаад̣̇ийнам̣ яам̣ гин̃жи чааяам̣ нимид̇д̇ам̣ гад̇ваа саммад̇аа. анимид̇д̇аа наама саб̣б̣зна саб̣б̣ам̣ нимид̇д̇аани агид̇д̇зд̇ваа саммад̇аа. б̣ахисиймз тид̇асаммад̇аа наама нимид̇д̇аани гид̇д̇зд̇ваа нимид̇д̇аанам̣ б̣ахи тид̇зна саммад̇аа.
Tattha atikhuddakā nāma yattha ekavīsati bhikkhū nisīdituṃ na sakkonti. Atimahatī nāma yā antamaso kesaggamattenāpi tiyojanaṃ atikkamitvā sammatā. Khaṇḍanimittā nāma aghaṭitanimittā vuccati. Puratthimāya disāya nimittaṃ kittetvā anukkameneva dakkhiṇāya, pacchimāya, uttarāya disāya kittetvā puna puratthimāya disāya pubbakittitaṃ paṭikittetvā ṭhapetuṃ vaṭṭati, evaṃ akhaṇḍanimittā hoti. Sace pana anukkamena āharitvā uttarāya disāya nimittaṃ kittetvā tattheva ṭhapeti, khaṇḍanimittā nāma hoti. Aparāpi khaṇḍanimittā nāma yā animittupagaṃ tacasārarukkhaṃ vā khāṇukaṃ vā paṃsupuñjavālikāpuñjānaṃ vā aññataraṃ antarā ekaṃ nimittaṃ katvā sammatā. Chāyānimittā nāma pabbatacchāyādīnaṃ yaṃ kiñci chāyaṃ nimittaṃ katvā sammatā. Animittā nāma sabbena sabbaṃ nimittāni akittetvā sammatā. Bahisīme ṭhitasammatā nāma nimittāni kittetvā nimittānaṃ bahi ṭhitena sammatā.
над̣̇ияаа самуд̣̇д̣̇з ж̇аад̇ассарз саммад̇аа наама зд̇зсу над̣̇иаад̣̇ийсу саммад̇аа. саа хи звам̣ саммад̇ааби ‘‘саб̣б̣аа, бхигкавз, над̣̇ий асиймаа, саб̣б̣о самуд̣̇д̣̇о асиймо, саб̣б̣о ж̇аад̇ассаро асиймо’’д̇и (махаава. 148) важанад̇о асаммад̇аава ход̇и. сиймааяа сиймам̣ самбхинд̣̇анд̇зна саммад̇аа наама ад̇д̇ано сиймааяа барзсам̣ сиймам̣ самбхинд̣̇анд̇зна саммад̇аа. сажз хи бораан̣агасса вихаарасса бурад̇т̇имааяа д̣̇исааяа амб̣о жзва ж̇амб̣уу жаад̇и д̣̇вз ругкаа ан̃н̃аман̃н̃ам̣ сам̣садтавидабаа хонд̇и, д̇зсу амб̣асса бажчимад̣̇исаабхааг̇з ж̇амб̣уу, вихаарасиймаа жа ж̇амб̣ум̣ анд̇о гад̇ваа амб̣ам̣ гид̇д̇зд̇ваа б̣ад̣̇д̇хаа ход̇и, ат̇а бажчаа д̇асса вихаарасса бурад̇т̇имааяа д̣̇исааяа вихаарз гад̇з сиймам̣ б̣анд̇ханд̇аа бхигкуу д̇ам̣ амб̣ам̣ анд̇о гад̇ваа ж̇амб̣ум̣ гид̇д̇зд̇ваа б̣анд̇ханд̇и, сиймааяа сиймам̣ самбхиннаа ход̇и. сиймааяа сиймам̣ аж̇жход̇т̇аранд̇зна саммад̇аа наама ад̇д̇ано сиймааяа барзсам̣ сиймам̣ аж̇жход̇т̇аранд̇зна саммад̇аа. сажз хи барзсам̣ б̣ад̣̇д̇хасиймам̣ сагалам̣ ваа д̇ассаа бад̣̇зсам̣ ваа анд̇о гад̇ваа ад̇д̇ано сиймам̣ самманнад̇и, сиймааяа сиймаа аж̇жход̇т̇арид̇аа наама ход̇ийд̇и. ид̇и имаахи згаад̣̇асахи вибад̇д̇исиймаахи важ̇ж̇ид̇аад̇и ад̇т̇о.
Nadiyā samudde jātassare sammatā nāma etesu nadiādīsu sammatā. Sā hi evaṃ sammatāpi ‘‘sabbā, bhikkhave, nadī asīmā, sabbo samuddo asīmo, sabbo jātassaro asīmo’’ti (mahāva. 148) vacanato asammatāva hoti. Sīmāya sīmaṃ sambhindantena sammatā nāma attano sīmāya paresaṃ sīmaṃ sambhindantena sammatā. Sace hi porāṇakassa vihārassa puratthimāya disāya ambo ceva jambū cāti dve rukkhā aññamaññaṃ saṃsaṭṭhaviṭapā honti, tesu ambassa pacchimadisābhāge jambū, vihārasīmā ca jambuṃ anto katvā ambaṃ kittetvā baddhā hoti, atha pacchā tassa vihārassa puratthimāya disāya vihāre kate sīmaṃ bandhantā bhikkhū taṃ ambaṃ anto katvā jambuṃ kittetvā bandhanti, sīmāya sīmaṃ sambhinnā hoti. Sīmāya sīmaṃ ajjhottharantena sammatā nāma attano sīmāya paresaṃ sīmaṃ ajjhottharantena sammatā. Sace hi paresaṃ baddhasīmaṃ sakalaṃ vā tassā padesaṃ vā anto katvā attano sīmaṃ sammannati, sīmāya sīmā ajjhottharitā nāma hotīti. Iti imāhi ekādasahi vipattisīmāhi vajjitāti attho.
д̇исамбад̇д̇исам̣яуд̇аад̇и нимид̇д̇асамбад̇д̇и, барисаасамбад̇д̇и, гаммаваажаасамбад̇д̇ийд̇и имаахи д̇ийхи самбад̇д̇ийхи саманнааг̇ад̇аа. д̇ад̇т̇а нимид̇д̇асамбад̇д̇ияуд̇д̇аа наама ‘‘баб̣б̣ад̇анимид̇д̇ам̣, баасаан̣анимид̇д̇ам̣, вананимид̇д̇ам̣, ругканимид̇д̇ам̣, маг̇г̇анимид̇д̇ам̣, ваммиганимид̇д̇ам̣, над̣̇инимид̇д̇ам̣, уд̣̇аганимид̇д̇а’’нд̇и (махаава. 138) звам̣ вуд̇д̇зсу адтасу нимид̇д̇зсу д̇асмим̣ д̇асмим̣ д̣̇исаабхааг̇з яат̇аалад̣̇д̇хаани нимид̇д̇убаг̇аани нимид̇д̇аани ‘‘бурад̇т̇имааяа д̣̇исааяа гим̣ нимид̇д̇ам̣? баб̣б̣ад̇о, бханд̇з, зсо баб̣б̣ад̇о нимид̇д̇а’’нд̇иаад̣̇инаа наязна саммаа гид̇д̇зд̇ваа саммад̇аа.
Tisampattisaṃyutāti nimittasampatti, parisāsampatti, kammavācāsampattīti imāhi tīhi sampattīhi samannāgatā. Tattha nimittasampattiyuttā nāma ‘‘pabbatanimittaṃ, pāsāṇanimittaṃ, vananimittaṃ, rukkhanimittaṃ, magganimittaṃ, vammikanimittaṃ, nadinimittaṃ, udakanimitta’’nti (mahāva. 138) evaṃ vuttesu aṭṭhasu nimittesu tasmiṃ tasmiṃ disābhāge yathāladdhāni nimittupagāni nimittāni ‘‘puratthimāya disāya kiṃ nimittaṃ? Pabbato, bhante, eso pabbato nimitta’’ntiādinā nayena sammā kittetvā sammatā.
барисаасамбад̇д̇ияуд̇д̇аа наама саб̣б̣анд̇имзна барижчзд̣̇зна жад̇уухи бхигкуухи саннибад̇ид̇ваа яаавад̇игаа д̇асмим̣ г̇аамакзд̇д̇з б̣ад̣̇д̇хасиймам̣ ваа над̣̇исамуд̣̇д̣̇аж̇аад̇ассарз ваа аноггамид̇ваа тид̇аа бхигкуу, д̇з саб̣б̣з хад̇т̇абаасз ваа гад̇ваа, чанд̣̇ам̣ ваа аахарид̇ваа саммад̇аа.
Parisāsampattiyuttā nāma sabbantimena paricchedena catūhi bhikkhūhi sannipatitvā yāvatikā tasmiṃ gāmakhette baddhasīmaṃ vā nadisamuddajātassare vā anokkamitvā ṭhitā bhikkhū, te sabbe hatthapāse vā katvā, chandaṃ vā āharitvā sammatā.
гаммаваажаасамбад̇д̇ияуд̇д̇аа наама ‘‘сун̣аад̇у мз, бханд̇з сан̇гхо, яаавад̇аа саманд̇аа нимид̇д̇аа гид̇д̇ид̇аа’’д̇иаад̣̇инаа (махаава. 139) наязна вуд̇д̇ааяа барисуд̣̇д̇хааяа н̃ад̇д̇ид̣̇уд̇ияагаммаваажааяа саммад̇аа. звам̣ згаад̣̇аса вибад̇д̇исиймааяо ад̇иггамид̇ваа д̇ивид̇хасамбад̇д̇ияуд̇д̇аа нимид̇д̇зна нимид̇д̇ам̣ гхадзд̇ваа саммад̇аа сиймаа б̣ад̣̇д̇хасиймаад̇и взд̣̇ид̇аб̣б̣аа.
Kammavācāsampattiyuttā nāma ‘‘suṇātu me, bhante saṅgho, yāvatā samantā nimittā kittitā’’tiādinā (mahāva. 139) nayena vuttāya parisuddhāya ñattidutiyakammavācāya sammatā. Evaṃ ekādasa vipattisīmāyo atikkamitvā tividhasampattiyuttā nimittena nimittaṃ ghaṭetvā sammatā sīmā baddhasīmāti veditabbā.
2553-4. кан̣д̣асамаанасам̣ваасаавиббаваасаа аад̣̇аяо аад̣̇ибхууд̇аа, аад̣̇имхи ваа яаасам̣ сиймаанам̣ д̇аа кан̣д̣асамаанасам̣ваасаавиббаваасаад̣̇ий, д̇аасам̣, д̇аахи ваа бабхзд̣̇о кан̣д̣асамаанасам̣ваасаад̣̇ибхзд̣̇о, д̇ад̇о кан̣д̣асамаанасам̣ваасаад̣̇ибхзд̣̇ад̇о, кан̣д̣асиймаа, самаанасам̣ваасасиймаа, авиббаваасасиймаад̇и имаасам̣ сиймаанам̣ зд̇аахи ваа гаран̣абхууд̇аахи, хзд̇убхууд̇аахи ваа ж̇аад̇зна вибхааг̇знаад̇и вуд̇д̇ам̣ ход̇и. самаанасам̣ваасаавиббаваасаанаманд̇арз кан̣д̣аа барижчиннаа д̇аахи асан̇гараа сиймаа кан̣д̣асиймаа наама. самаанасам̣ваасзхи бхигкуухи згад̇о убосат̇аад̣̇иго сам̣ваасо зд̇т̇а гарийяад̇ийд̇и самаанасам̣ваасаа наама. авиббаваасааяа лагкан̣ам̣ ‘‘б̣анд̇хид̇ваа’’д̇иаад̣̇инаа вагкад̇и. ид̇и б̣ад̣̇д̇хаа д̇ид̇хаа вуд̇д̇аад̇и звам̣ б̣ад̣̇д̇хасиймаа д̇иббабхзд̣̇аа вуд̇д̇аа.
2553-4. Khaṇḍasamānasaṃvāsaavippavāsā ādayo ādibhūtā, ādimhi vā yāsaṃ sīmānaṃ tā khaṇḍasamānasaṃvāsāvippavāsādī, tāsaṃ, tāhi vā pabhedo khaṇḍasamānasaṃvāsādibhedo, tato khaṇḍasamānasaṃvāsādibhedato, khaṇḍasīmā, samānasaṃvāsasīmā, avippavāsasīmāti imāsaṃ sīmānaṃ etāhi vā karaṇabhūtāhi, hetubhūtāhi vā jātena vibhāgenāti vuttaṃ hoti. Samānasaṃvāsāvippavāsānamantare khaṇḍā paricchinnā tāhi asaṅkarā sīmā khaṇḍasīmā nāma. Samānasaṃvāsehi bhikkhūhi ekato uposathādiko saṃvāso ettha karīyatīti samānasaṃvāsā nāma. Avippavāsāya lakkhaṇaṃ ‘‘bandhitvā’’tiādinā vakkhati. Iti baddhā tidhā vuttāti evaṃ baddhasīmā tippabhedā vuttā.
уд̣̇агугкзбаад̇и хзд̇умхи ниссаггаважанам̣. сад̇д̇аннам̣ аб̣бханд̇араанам̣ самаахаараа сад̇д̇аб̣бханд̇араа, д̇ад̇оби жа. аб̣ад̣̇д̇хааби д̇ивид̇хаад̇и самб̣анд̇хо. д̇ад̇т̇аад̇и д̇аасу д̇ийсу аб̣ад̣̇д̇хасиймаасу. г̇аамабарижчзд̣̇од̇и саб̣б̣ад̣̇исаасу сиймам̣ барижчинд̣̇ид̇ваа ‘‘имасса бад̣̇зсасса зд̇д̇аго гаро’’д̇и звам̣ гарзна нияамид̇о г̇аамаббад̣̇зсо. яат̇ааха – ‘‘яад̇д̇агз бад̣̇зсз д̇асса г̇аамасса бхож̇агаа б̣алим̣ харанд̇и , со бад̣̇зсо аббо ваа ход̇у маханд̇о ваа, ‘г̇аамасиймаа’д̇взва сан̇кяам̣ г̇ажчад̇и. яамби згасмим̣язва г̇аамагкзд̇д̇з згам̣ бад̣̇зсам̣ ‘аяам̣ висум̣ г̇аамо ход̇уу’д̇и барижчинд̣̇ид̇ваа рааж̇аа гассажи д̣̇зд̇и, соби висум̣г̇аамасиймаа ход̇иязваа’’д̇и (махаава. адта. 147).
Udakukkhepāti hetumhi nissakkavacanaṃ. Sattannaṃ abbhantarānaṃ samāhārā sattabbhantarā, tatopi ca. Abaddhāpi tividhāti sambandho. Tatthāti tāsu tīsu abaddhasīmāsu. Gāmaparicchedoti sabbadisāsu sīmaṃ paricchinditvā ‘‘imassa padesassa ettako karo’’ti evaṃ karena niyamito gāmappadeso. Yathāha – ‘‘yattake padese tassa gāmassa bhojakā baliṃ haranti , so padeso appo vā hotu mahanto vā, ‘gāmasīmā’tveva saṅkhyaṃ gacchati. Yampi ekasmiṃyeva gāmakkhette ekaṃ padesaṃ ‘ayaṃ visuṃ gāmo hotū’ti paricchinditvā rājā kassaci deti, sopi visuṃgāmasīmā hotiyevā’’ti (mahāva. aṭṭha. 147).
‘‘г̇аамабарижчзд̣̇о’’д̇и иминаа жа наг̇арабарижчзд̣̇о жа сан̇г̇ахид̇о. яат̇ааха – ‘‘г̇аамаг̇г̇ахан̣зна жзд̇т̇а наг̇арамби г̇ахид̇амзва ход̇ий’’д̇и (махаава. адта. 147). ниг̇амасиймааяа висум̣язва вуд̇д̇ад̇д̇аа д̇ассаа ид̇ха сан̇г̇ахо на вад̇д̇аб̣б̣о. вуд̇д̇ан̃хи баал̣ияам̣ ‘‘яам̣ г̇аамам̣ ваа ниг̇амам̣ ваа убаниссааяа вихарад̇и. яаа д̇асса ваа г̇аамасса г̇аамасиймаа, ниг̇амасса ваа ниг̇амасиймаа, аяам̣ д̇ад̇т̇а самаанасам̣ваасаа згубосат̇аа’’д̇и (махаава. 147). имиссаа висум̣язва лагкан̣асса вуд̇д̇ад̇д̇аа г̇аамасиймаалагкан̣знзва убалагкид̇аа.
‘‘Gāmaparicchedo’’ti iminā ca nagaraparicchedo ca saṅgahito. Yathāha – ‘‘gāmaggahaṇena cettha nagarampi gahitameva hotī’’ti (mahāva. aṭṭha. 147). Nigamasīmāya visuṃyeva vuttattā tassā idha saṅgaho na vattabbo. Vuttañhi pāḷiyaṃ ‘‘yaṃ gāmaṃ vā nigamaṃ vā upanissāya viharati. Yā tassa vā gāmassa gāmasīmā, nigamassa vā nigamasīmā, ayaṃ tattha samānasaṃvāsā ekuposathā’’ti (mahāva. 147). Imissā visuṃyeva lakkhaṇassa vuttattā gāmasīmālakkhaṇeneva upalakkhitā.
2555. ‘‘ж̇аад̇ассарз’’д̇иаад̣̇ийсу ж̇аад̇ассараад̣̇ийнам̣ лагкан̣ам̣ звам̣ взд̣̇ид̇аб̣б̣ам̣ – яо бана гзнажи кан̣ид̇ваа агад̇о саяам̣ж̇аад̇о соб̣бхо саманд̇ад̇о ааг̇ад̇зна уд̣̇агзна буурид̇о д̇идтад̇и, яад̇т̇а над̣̇ияам̣ вагкамаанаббагаарз вассагаалз уд̣̇агам̣ санд̇идтад̇и, аяам̣ ж̇аад̇ассаро наама. яоби над̣̇им̣ ваа самуд̣̇д̣̇ам̣ ваа бхинд̣̇ид̇ваа нигканд̇ауд̣̇агзна кан̣ид̇о соб̣бхо зд̇ам̣ лагкан̣ам̣ баабун̣аад̇и, аяамби ж̇аад̇ассароязва. самуд̣̇д̣̇о баагадоязва.
2555.‘‘Jātassare’’tiādīsu jātassarādīnaṃ lakkhaṇaṃ evaṃ veditabbaṃ – yo pana kenaci khaṇitvā akato sayaṃjāto sobbho samantato āgatena udakena pūrito tiṭṭhati, yattha nadiyaṃ vakkhamānappakāre vassakāle udakaṃ santiṭṭhati, ayaṃ jātassaro nāma. Yopi nadiṃ vā samuddaṃ vā bhinditvā nikkhantaudakena khaṇito sobbho etaṃ lakkhaṇaṃ pāpuṇāti, ayampi jātassaroyeva. Samuddo pākaṭoyeva.
яассаа д̇хаммигаанам̣ рааж̇уунам̣ гаалз анвад̣дхамаасам̣ ануд̣̇асаахам̣ анубан̃жаахам̣ анад̇иггамид̇ваа д̣̇звз вассанд̇з валаахагзсу виг̇ад̇амад̇д̇зсу сод̇ам̣ бажчиж̇ж̇ад̇и, аяам̣ над̣̇исан̇кяам̣ на г̇ажчад̇и. яассаа бана ийд̣̇исз сувудтигаалз вассаанасса жад̇умаасз сод̇ам̣ на бажчиж̇ж̇ад̇и, яад̇т̇а д̇ид̇т̇зна ваа ад̇ид̇т̇зна ваа сигкаагаран̣ийяз ааг̇ад̇алагкан̣зна д̇иман̣д̣алам̣ бадижчаад̣̇зд̇ваа анд̇араваасагам̣ анугкибид̇ваа уд̇д̇аранд̇ияаа бхигкунияаа згад̣̇ван̇г̇уламад̇д̇амби анд̇араваасаго д̇змияад̇и, аяам̣ самуд̣̇д̣̇ам̣ ваа бависад̇у д̇ал̣аагам̣ ваа, бабхавад̇о бадтааяа над̣̇ий наама.
Yassā dhammikānaṃ rājūnaṃ kāle anvaḍḍhamāsaṃ anudasāhaṃ anupañcāhaṃ anatikkamitvā deve vassante valāhakesu vigatamattesu sotaṃ pacchijjati, ayaṃ nadisaṅkhyaṃ na gacchati. Yassā pana īdise suvuṭṭhikāle vassānassa catumāse sotaṃ na pacchijjati, yattha titthena vā atitthena vā sikkhākaraṇīye āgatalakkhaṇena timaṇḍalaṃ paṭicchādetvā antaravāsakaṃ anukkhipitvā uttarantiyā bhikkhuniyā ekadvaṅgulamattampi antaravāsako temiyati, ayaṃ samuddaṃ vā pavisatu taḷākaṃ vā, pabhavato paṭṭhāya nadī nāma.
саманд̇ад̇од̇и саманд̇аа. маж̇жхимассаад̇и т̇аамамаж̇жхимасса бурисасса. уд̣̇агугкзбод̇и вагкамаанзна наязна т̇аамаббамаан̣зна кид̇д̇асса уд̣̇агасса ваа ваалугааяа ваа бад̇ид̇адтаанзна барижчинно анд̇обад̣̇зсо. яат̇аа агкад̇худ̇д̇аа д̣̇ааруг̇ул̣ам̣ кибанд̇и, звам̣ уд̣̇агам̣ ваа ваалугам̣ ваа хад̇т̇зна г̇ахзд̇ваа т̇аамамаж̇жхимзна бурисзна саб̣б̣ат̇аамзна кибид̇аб̣б̣ам̣, д̇ад̇т̇а яад̇т̇а звам̣ кид̇д̇ам̣ уд̣̇агам̣ ваа ваалугаа ваа бад̇ад̇и, аяам̣ уд̣̇агугкзбо наамаад̇и. уд̣̇агугкзбасан̃н̃ид̇од̇и ‘‘уд̣̇агугкзбо’’д̇и саллагкид̇о.
Samantatoti samantā. Majjhimassāti thāmamajjhimassa purisassa. Udakukkhepoti vakkhamānena nayena thāmappamāṇena khittassa udakassa vā vālukāya vā patitaṭṭhānena paricchinno antopadeso. Yathā akkhadhuttā dāruguḷaṃ khipanti, evaṃ udakaṃ vā vālukaṃ vā hatthena gahetvā thāmamajjhimena purisena sabbathāmena khipitabbaṃ, tattha yattha evaṃ khittaṃ udakaṃ vā vālukā vā patati, ayaṃ udakukkhepo nāmāti. Udakukkhepasaññitoti ‘‘udakukkhepo’’ti sallakkhito.
2556. аг̇аамагз аран̃н̃зд̇и вин̃жхаадависад̣̇исз г̇аамарахид̇з махаааран̃н̃з. саманд̇ад̇о сад̇д̇зваб̣бханд̇араад̇и ад̇д̇ано тид̇адтаанад̇о баригкибид̇ваа сад̇д̇зва аб̣бханд̇араа яассаа сиймааяа барижчзд̣̇о, аяам̣ сад̇д̇аб̣бханд̇аранаамигаа сиймаа наама.
2556.Agāmake araññeti viñjhāṭavisadise gāmarahite mahāaraññe. Samantato sattevabbhantarāti attano ṭhitaṭṭhānato parikkhipitvā satteva abbhantarā yassā sīmāya paricchedo, ayaṃ sattabbhantaranāmikā sīmā nāma.
2557. г̇ул̣угкзбанаязнаад̇и агкад̇худ̇д̇агаанам̣ д̣̇ааруг̇ул̣угкибанаагаарзна. уд̣̇агугкзбагаад̇и уд̣̇агугкзбасад̣̇исавасзна.
2557.Guḷukkhepanayenāti akkhadhuttakānaṃ dāruguḷukkhipanākārena. Udakukkhepakāti udakukkhepasadisavasena.
2558. имаасам̣ д̣̇виннам̣ сиймаанам̣ вад̣дханаггамам̣ д̣̇ассзд̇умааха ‘‘аб̣бханд̇арууд̣̇агугкзбаа, тид̇огаасаа барам̣ сияу’’нд̇и. тид̇огаасаа баранд̇и барисааяа тид̇адтаанад̇о барам̣, барисабарияанд̇ад̇о бадтааяа сад̇д̇аб̣бханд̇араа жа минид̇аб̣б̣аа, уд̣̇агугкзбо жа гаад̇аб̣б̣од̇и ад̇т̇о.
2558. Imāsaṃ dvinnaṃ sīmānaṃ vaḍḍhanakkamaṃ dassetumāha ‘‘abbhantarūdakukkhepā, ṭhitokāsā paraṃ siyu’’nti. Ṭhitokāsā paranti parisāya ṭhitaṭṭhānato paraṃ, parisapariyantato paṭṭhāya sattabbhantarā ca minitabbā, udakukkhepo ca kātabboti attho.
2559-60. анд̇обарижчзд̣̇зд̇и уд̣̇агугкзбзна ваа сад̇д̇аб̣бханд̇арзхи ваа барижчинногаасасса анд̇о. хад̇т̇абаасам̣ вихааяа тид̇о ваа барам̣ д̇ад̇д̇агам̣ барижчзд̣̇ам̣ анад̇иггамма тид̇о ваад̇и яож̇анаа, сийманд̇аригад̇т̇ааяа табзд̇аб̣б̣ам̣ згам̣ уд̣̇агугкзбам̣ ваа сад̇д̇аб̣бханд̇арам̣ зва ваа анад̇иггамма тид̇од̇и ад̇т̇о.
2559-60.Antoparicchedeti udakukkhepena vā sattabbhantarehi vā paricchinnokāsassa anto. Hatthapāsaṃ vihāya ṭhito vā paraṃ tattakaṃ paricchedaṃ anatikkamma ṭhito vāti yojanā, sīmantarikatthāya ṭhapetabbaṃ ekaṃ udakukkhepaṃ vā sattabbhantaraṃ eva vā anatikkamma ṭhitoti attho.
гаммам̣ вигобзд̇ийд̇и анд̇о тид̇о гаммасса ваг̇г̇абхаавагаран̣ад̇о, б̣ахи д̇ад̇д̇агам̣ бад̣̇зсам̣ анад̇иггамид̇ваа тид̇о ан̃н̃асса сан̇гхасса г̇ан̣абууран̣абхаавам̣ г̇ажчанд̇о сиймааяа сан̇гарабхаавагаран̣зна гаммам̣ вигобзд̇и. ид̇и яасмаа адтагат̇аанаяо, д̇асмаа со анд̇осиймааяа хад̇т̇абаасам̣ виж̇ахид̇ваа тид̇о хад̇т̇абаасз ваа гаад̇аб̣б̣о, сийманд̇аригад̇т̇ааяа барижчинногаасад̇о б̣ахи ваа гаад̇аб̣б̣о. д̇ад̇д̇агам̣ барижчзд̣̇ам̣ анад̇иггамид̇ваа тид̇о яат̇аатид̇ова сажз ан̃н̃асса гаммасса г̇ан̣абуураго на ход̇и, гаммам̣ на гобзд̇ийд̇и г̇ахзд̇аб̣б̣ам̣.
Kammaṃ vikopetīti anto ṭhito kammassa vaggabhāvakaraṇato, bahi tattakaṃ padesaṃ anatikkamitvā ṭhito aññassa saṅghassa gaṇapūraṇabhāvaṃ gacchanto sīmāya saṅkarabhāvakaraṇena kammaṃ vikopeti. Iti yasmā aṭṭhakathānayo, tasmā so antosīmāya hatthapāsaṃ vijahitvā ṭhito hatthapāse vā kātabbo, sīmantarikatthāya paricchinnokāsato bahi vā kātabbo. Tattakaṃ paricchedaṃ anatikkamitvā ṭhito yathāṭhitova sace aññassa kammassa gaṇapūrako na hoti, kammaṃ na kopetīti gahetabbaṃ.
2561-2. сан̣таананд̇и д̇игодисан̣таанам̣. нимид̇д̇анд̇и баб̣б̣ад̇аад̣̇инимид̇д̇ам̣. д̣̇исагид̇д̇ананд̇и ‘‘бурад̇т̇имааяа д̣̇исааяа гим̣ нимид̇д̇а’’нд̇иаад̣̇инаа д̣̇исаагид̇д̇анам̣. бамаан̣анд̇и д̇ияож̇анабарамам̣ бамаан̣ам̣ . сод̇хзд̇ваад̇и яасмим̣ г̇аамагкзд̇д̇з сиймам̣ б̣анд̇хад̇и, д̇ад̇т̇а васанд̇з убасамбаннабхигкуу б̣ад̣̇д̇хасиймавихаарз васанд̇з сиймааяа б̣ахи г̇анд̇ум̣ ад̣̇ад̇ваа, аб̣ад̣̇д̇хасиймавихаарз васанд̇з хад̇т̇абаасам̣ убанзд̇аб̣б̣з хад̇т̇абаасам̣ нзд̇ваа авасзсз б̣ахисиймааяа гад̇ваа саб̣б̣амаг̇г̇зсу аарагкам̣ вид̣̇ахид̇ваад̇и вуд̇д̇ам̣ ход̇и. сийманд̇и кан̣д̣асиймам̣.
2561-2.Saṇṭhānanti tikoṭisaṇṭhānaṃ. Nimittanti pabbatādinimittaṃ. Disakittananti ‘‘puratthimāya disāya kiṃ nimitta’’ntiādinā disākittanaṃ. Pamāṇanti tiyojanaparamaṃ pamāṇaṃ . Sodhetvāti yasmiṃ gāmakkhette sīmaṃ bandhati, tattha vasante upasampannabhikkhū baddhasīmavihāre vasante sīmāya bahi gantuṃ adatvā, abaddhasīmavihāre vasante hatthapāsaṃ upanetabbe hatthapāsaṃ netvā avasese bahisīmāya katvā sabbamaggesu ārakkhaṃ vidahitvāti vuttaṃ hoti. Sīmanti khaṇḍasīmaṃ.
гийд̣̇исанд̇и ааха ‘‘д̇игон̣а’’нд̇иаад̣̇и. бан̣авуубаманд̇и бан̣авасан̣таанам̣ маж̇жхз сам̣кид̇д̇ам̣ убхаяагодияаа вид̇т̇ад̇ам̣. ‘‘вид̇аанаагаарам̣ д̇ханугаагаара’’нд̇и аагаара-сад̣̇д̣̇о бажжзгам̣ яож̇зд̇аб̣б̣о. д̇ханугаагааранд̇и ааробид̇ад̇ханусан̣таанам̣, ‘‘муд̣̇ин̇г̇уубамам̣ сагадуубама’’нд̇и убамаа-сад̣̇д̣̇о бажжзгам̣ яож̇зд̇аб̣б̣о. муд̣̇ин̇г̇уубаманд̇и маж̇жхз вид̇т̇ад̇ам̣ убхаяагодияаа д̇анугам̣ д̇урияависзсам̣ муд̣̇ин̇г̇анд̇и вад̣̇анд̇и, д̇аад̣̇исанд̇и ад̇т̇о. сиймам̣ б̣анд̇хзяяаад̇и яож̇анаа.
Kīdisanti āha ‘‘tikoṇa’’ntiādi. Paṇavūpamanti paṇavasaṇṭhānaṃ majjhe saṃkhittaṃ ubhayakoṭiyā vitthataṃ. ‘‘Vitānākāraṃ dhanukākāra’’nti ākāra-saddo paccekaṃ yojetabbo. Dhanukākāranti āropitadhanusaṇṭhānaṃ, ‘‘mudiṅgūpamaṃ sakaṭūpama’’nti upamā-saddo paccekaṃ yojetabbo. Mudiṅgūpamanti majjhe vitthataṃ ubhayakoṭiyā tanukaṃ turiyavisesaṃ mudiṅganti vadanti, tādisanti attho. Sīmaṃ bandheyyāti yojanā.
2563. баб̣б̣ад̇аад̣̇инимид̇д̇убаг̇анимид̇д̇аани д̣̇ассзд̇умааха ‘‘баб̣б̣ад̇а’’нд̇иаад̣̇и. ид̇и адта нимид̇д̇аани д̣̇ийбаязд̇и яож̇анаа. д̇ад̇рзвам̣ сан̇кзбад̇о нимид̇д̇убаг̇ад̇аа взд̣̇ид̇аб̣б̣аа – суд̣̇д̇хабам̣сусуд̣̇д̇хабаасаан̣аубхаяамиссагавасзна (ган̇каа. адта. нид̣̇аанаван̣н̣анаа; махаава. адта. 138) д̇ивид̇хоби хи баб̣б̣ад̇о хад̇т̇иббамаан̣ад̇о бадтааяа уд̣̇д̇хам̣ нимид̇д̇убаг̇о, д̇ад̇о омагад̇аро на ваддад̇и. анд̇осаарзхи ваа анд̇осаарамиссагзхи ваа ругкзхи жад̇убан̃жаругкамад̇д̇амби ванам̣ нимид̇д̇убаг̇ам̣, д̇ад̇о уунад̇арам̣ на ваддад̇и. баасаан̣анимид̇д̇з аяаг̇ул̣амби баасаан̣асан̇кяамзва г̇ажчад̇и, д̇асмаа яо гожи баасаан̣о уггам̣сзна хад̇т̇иббамаан̣ад̇о омагад̇арам̣ аад̣̇им̣ гад̇ваа хздтимабарижчзд̣̇зна д̣̇вад̇д̇им̣сабалаг̇ул̣абин̣д̣абаримаан̣о нимид̇д̇убаг̇о, на д̇ад̇о куд̣̇д̣̇агад̇аро. бидтибаасаан̣о бана ад̇имаханд̇оби ваддад̇и. ругко ж̇ийванд̇оязва анд̇осааро бхуумияам̣ бад̇идтид̇о анд̇амасо уб̣б̣зд̇хад̇о адтан̇г̇уло барин̣аахад̇о суужид̣̇ан̣д̣аббамаан̣оби нимид̇д̇убаг̇о, на д̇ад̇о орам̣ ваддад̇и. маг̇г̇о ж̇ан̇гхамаг̇г̇о ваа ход̇у сагадамаг̇г̇о ваа, яо винивиж̇жхид̇ваа д̣̇вз д̇ийн̣и г̇аамагкзд̇д̇аани г̇ажчад̇и, д̇аад̣̇исо ж̇ан̇гхасагадасад̇т̇зхи вал̣ан̃ж̇ияамааноязва нимид̇д̇убаг̇о, авал̣ан̃ж̇о на ваддад̇и. хздтимабарижчзд̣̇зна д̇ам̣д̣̇ивасам̣ ж̇аад̇о адтан̇г̇улуб̣б̣зд̇хо г̇овисаан̣амад̇д̇оби ваммиго нимид̇д̇убаг̇о, д̇ад̇о орам̣ на ваддад̇и. уд̣̇агам̣ яам̣ асанд̣̇амаанам̣ ааваадабогкаран̣ид̇ал̣аагаж̇аад̇ассаралон̣исамуд̣̇д̣̇аад̣̇ийсу тид̇ам̣, д̇ам̣ аад̣̇им̣ гад̇ваа анд̇амасо д̇ан̇кан̣ам̣язва бат̇авияам̣ кад̇з ааваадз гхадзхи аахарид̇ваа буурид̇амби яаава гаммаваажаабарияосаанаа сан̣таханагам̣ нимид̇д̇убаг̇ам̣, ид̇арам̣ санд̣̇амаанагам̣, вуд̇д̇абарижчзд̣̇агаалам̣ ад̇идтанд̇ам̣, бхааж̇анаг̇ад̇ам̣ ваа на ваддад̇и. яаа аб̣ад̣̇д̇хасиймаалагкан̣з над̣̇ий вуд̇д̇аа, саа нимид̇д̇убаг̇аа, ан̃н̃аа на ваддад̇ийд̇и.
2563. Pabbatādinimittupaganimittāni dassetumāha ‘‘pabbata’’ntiādi. Iti aṭṭha nimittāni dīpayeti yojanā. Tatrevaṃ saṅkhepato nimittupagatā veditabbā – suddhapaṃsusuddhapāsāṇaubhayamissakavasena (kaṅkhā. aṭṭha. nidānavaṇṇanā; mahāva. aṭṭha. 138) tividhopi hi pabbato hatthippamāṇato paṭṭhāya uddhaṃ nimittupago, tato omakataro na vaṭṭati. Antosārehi vā antosāramissakehi vā rukkhehi catupañcarukkhamattampi vanaṃ nimittupagaṃ, tato ūnataraṃ na vaṭṭati. Pāsāṇanimitte ayaguḷampi pāsāṇasaṅkhyameva gacchati, tasmā yo koci pāsāṇo ukkaṃsena hatthippamāṇato omakataraṃ ādiṃ katvā heṭṭhimaparicchedena dvattiṃsapalaguḷapiṇḍaparimāṇo nimittupago, na tato khuddakataro. Piṭṭhipāsāṇo pana atimahantopi vaṭṭati. Rukkho jīvantoyeva antosāro bhūmiyaṃ patiṭṭhito antamaso ubbedhato aṭṭhaṅgulo pariṇāhato sūcidaṇḍappamāṇopi nimittupago, na tato oraṃ vaṭṭati. Maggo jaṅghamaggo vā hotu sakaṭamaggo vā, yo vinivijjhitvā dve tīṇi gāmakkhettāni gacchati, tādiso jaṅghasakaṭasatthehi vaḷañjiyamānoyeva nimittupago, avaḷañjo na vaṭṭati. Heṭṭhimaparicchedena taṃdivasaṃ jāto aṭṭhaṅgulubbedho govisāṇamattopi vammiko nimittupago, tato oraṃ na vaṭṭati. Udakaṃ yaṃ asandamānaṃ āvāṭapokkharaṇitaḷākajātassaraloṇisamuddādīsu ṭhitaṃ, taṃ ādiṃ katvā antamaso taṅkhaṇaṃyeva pathaviyaṃ khate āvāṭe ghaṭehi āharitvā pūritampi yāva kammavācāpariyosānā saṇṭhahanakaṃ nimittupagaṃ, itaraṃ sandamānakaṃ, vuttaparicchedakālaṃ atiṭṭhantaṃ, bhājanagataṃ vā na vaṭṭati. Yā abaddhasīmālakkhaṇe nadī vuttā, sā nimittupagā, aññā na vaṭṭatīti.
2564. д̇зсууд̇и нид̣̇д̇хааран̣з бхуммам̣. д̇ийн̣ийд̇и нид̣̇д̇хаарид̇аб̣б̣ад̣̇ассанам̣, иминаа згам̣ ваа д̣̇вз ваа нимид̇д̇аани на вадданд̇ийд̇и д̣̇ассзд̇и. яат̇ааха – ‘‘саа звам̣ самманнид̇ваа б̣аж̇жхамаанаа згзна, д̣̇вийхи ваа нимид̇д̇зхи аб̣ад̣̇д̇хаа ход̇ий’’д̇и (махаава. адта. 138). сад̇знаабийд̇и зд̇т̇а би-сад̣̇д̣̇о самбхааванааяам̣ д̣̇адтаб̣б̣о, д̇зна вийсад̇ияаа, д̇им̣сааяа ваа нимид̇д̇зхи вад̇д̇аб̣б̣амзва над̇т̇ийд̇и д̣̇ийбзд̇и.
2564.Tesūti niddhāraṇe bhummaṃ. Tīṇīti niddhāritabbadassanaṃ, iminā ekaṃ vā dve vā nimittāni na vaṭṭantīti dasseti. Yathāha – ‘‘sā evaṃ sammannitvā bajjhamānā ekena, dvīhi vā nimittehi abaddhā hotī’’ti (mahāva. aṭṭha. 138). Satenāpīti ettha pi-saddo sambhāvanāyaṃ daṭṭhabbo, tena vīsatiyā, tiṃsāya vā nimittehi vattabbameva natthīti dīpeti.
2565. д̇ияож̇анам̣ барам̣ уггадто барижчзд̣̇о зд̇иссаад̇и д̇ияож̇анабараа. ‘‘вийсад̇ий’’д̇иаад̣̇ийнам̣ сан̇кяаанз, сан̇кязяяз жа вад̇д̇анад̇о ид̇ха сан̇кяаанз вад̇д̇амаанам̣ вийсад̇и-сад̣̇д̣̇ам̣ г̇ахзд̇ваа згавийсад̇и бхигкуунанд̇и бхиннаад̇хигаран̣анид̣̇д̣̇зсо гад̇од̇и д̣̇адтаб̣б̣ам̣. ‘‘згавийсад̇и’’нд̇и вад̇д̇аб̣б̣з г̇аат̇ааб̣анд̇хавасзна ниг̇г̇ахийд̇алобо, вийсад̇иваг̇г̇агаран̣ийяабарамад̇д̇аа сан̇гхагаммасса гаммаарахзна сад̣̇д̇хим̣ бхигкуунам̣ згавийсад̇им̣ г̇ан̣ханд̇ийд̇и ад̇т̇о, ид̣̇ан̃жа нисиннаанам̣ васзна вуд̇д̇ам̣. хздтиманд̇ад̇о хи яад̇т̇а згавийсад̇и бхигкуу нисийд̣̇ид̇ум̣ саггонд̇и, д̇ад̇д̇агз бад̣̇зсз сиймам̣ б̣анд̇хид̇ум̣ ваддад̇ийд̇и.
2565. Tiyojanaṃ paraṃ ukkaṭṭho paricchedo etissāti tiyojanaparā. ‘‘Vīsatī’’tiādīnaṃ saṅkhyāne, saṅkhyeyye ca vattanato idha saṅkhyāne vattamānaṃ vīsati-saddaṃ gahetvā ekavīsati bhikkhūnanti bhinnādhikaraṇaniddeso katoti daṭṭhabbaṃ. ‘‘Ekavīsati’’nti vattabbe gāthābandhavasena niggahītalopo, vīsativaggakaraṇīyaparamattā saṅghakammassa kammārahena saddhiṃ bhikkhūnaṃ ekavīsatiṃ gaṇhantīti attho, idañca nisinnānaṃ vasena vuttaṃ. Heṭṭhimantato hi yattha ekavīsati bhikkhū nisīdituṃ sakkonti, tattake padese sīmaṃ bandhituṃ vaṭṭatīti.
2566. яаа уггадтааяаби яаа жа хздтимааяаби гзсаг̇г̇амад̇д̇ад̇оби ад̇хигаа ваа уунаа ваа, зд̇аа д̣̇взби сиймааяо ‘‘асиймаа’’д̇и аад̣̇ижжаб̣анд̇хунаа вуд̇д̇аад̇и яож̇анаа.
2566. Yā ukkaṭṭhāyapi yā ca heṭṭhimāyapi kesaggamattatopi adhikā vā ūnā vā, etā dvepi sīmāyo ‘‘asīmā’’ti ādiccabandhunā vuttāti yojanā.
2567. саманд̇ад̇о саб̣б̣амзва нимид̇д̇ам̣ гид̇д̇зд̇ваад̇и буб̣б̣ад̣̇исаануд̣̇исаад̣̇ийсу барид̇о саб̣б̣ад̣̇исаасу яат̇аалад̣̇д̇хам̣ нимид̇д̇обаг̇ам̣ саб̣б̣анимид̇д̇ам̣ ‘‘винаяад̇харзна бужчид̇аб̣б̣ам̣ ‘бурад̇т̇имааяа д̣̇исааяа гим̣ нимид̇д̇а’нд̇и? ‘баб̣б̣ад̇о, бханд̇з’д̇и. буна винаяад̇харзна ‘зсо баб̣б̣ад̇о нимид̇д̇а’’нд̇иаад̣̇инаа (махаава. адта. 138) адтагат̇ааяам̣ вуд̇д̇анаязна нимид̇д̇зна нимид̇д̇ам̣ гхадзд̇ваа гид̇д̇зд̇ваа. н̃ад̇д̇и д̣̇уд̇ияаа яассаад̇и виг̇г̇ахо, ‘‘сун̣аад̇у мз, бханд̇з сан̇гхо, яаавад̇аа саманд̇аа нимид̇д̇аа гид̇д̇ид̇аа’’д̇иаад̣̇инаа (махаава. 139) бад̣̇абхааж̇анз вуд̇д̇зна н̃ад̇д̇ид̣̇уд̇иязна гаммзнаад̇и ад̇т̇о. арахад̇и баход̇и винаяад̇харод̇и ад̇хиббааяо.
2567.Samantato sabbameva nimittaṃ kittetvāti pubbadisānudisādīsu parito sabbadisāsu yathāladdhaṃ nimittopagaṃ sabbanimittaṃ ‘‘vinayadharena pucchitabbaṃ ‘puratthimāya disāya kiṃ nimitta’nti? ‘Pabbato, bhante’ti. Puna vinayadharena ‘eso pabbato nimitta’’ntiādinā (mahāva. aṭṭha. 138) aṭṭhakathāyaṃ vuttanayena nimittena nimittaṃ ghaṭetvā kittetvā. Ñatti dutiyā yassāti viggaho, ‘‘suṇātu me, bhante saṅgho, yāvatā samantā nimittā kittitā’’tiādinā (mahāva. 139) padabhājane vuttena ñattidutiyena kammenāti attho. Arahati pahoti vinayadharoti adhippāyo.
2568. б̣анд̇хид̇ваад̇и яат̇аавуд̇д̇алагкан̣анаязна самаанасам̣ваасасиймам̣ батамам̣ б̣анд̇хид̇ваа. ананд̇аранд̇и гижжанд̇арзна б̣яавахид̇ам̣ агад̇ваа, гаалагкзбам̣ агад̇ваад̇и вуд̇д̇ам̣ ход̇и, сиймам̣ самууханид̇угаамаанам̣ бажжад̇д̇игаанам̣ огаасам̣ ад̣̇ад̇ваад̇и ад̇хиббааяо. бажчаад̇и самаанасам̣ваасасаммуд̇ид̇о бажчаа. жийвараавиббаваасагам̣ самманнид̇ваана яаа б̣ад̣̇д̇хаа, саа ‘‘авиббаваасаа’’д̇и вужжад̇ийд̇и яож̇анаа.
2568.Bandhitvāti yathāvuttalakkhaṇanayena samānasaṃvāsasīmaṃ paṭhamaṃ bandhitvā. Anantaranti kiccantarena byavahitaṃ akatvā, kālakkhepaṃ akatvāti vuttaṃ hoti, sīmaṃ samūhanitukāmānaṃ paccattikānaṃ okāsaṃ adatvāti adhippāyo. Pacchāti samānasaṃvāsasammutito pacchā. Cīvarāvippavāsakaṃ sammannitvāna yā baddhā, sā ‘‘avippavāsā’’ti vuccatīti yojanā.
д̇ад̇т̇а жийвараавиббаваасагам̣ самманнид̇ваана яаа б̣ад̣̇д̇хаад̇и ‘‘сун̣аад̇у мз, бханд̇з сан̇гхо, яаа саа сан̇гхзна сиймаа саммад̇аа самаанасам̣ваасаа згубосат̇аа…бз… табзд̇ваа г̇ааман̃жа г̇аамуубажааран̃жа, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и (махаава. 144) вуд̇д̇анаязна жийварзна авиббаваасам̣ самманнид̇ваа яаа б̣ад̣̇д̇хаа. саа авиббаваасаад̇и вужжад̇ийд̇и д̇ад̇т̇а васанд̇аанам̣ бхигкуунам̣ жийварзна виббаваасанимид̇д̇аабад̇д̇ияаа абхаавад̇о д̇ат̇аа вужжад̇и, ‘‘авиббаваасасиймаа’’д̇и вужжад̇ийд̇и вуд̇д̇ам̣ ход̇и.
Tattha cīvarāvippavāsakaṃ sammannitvāna yā baddhāti ‘‘suṇātu me, bhante saṅgho, yā sā saṅghena sīmā sammatā samānasaṃvāsā ekuposathā…pe… ṭhapetvā gāmañca gāmūpacārañca, khamati saṅghassa, tasmā tuṇhī, evametaṃ dhārayāmī’’ti (mahāva. 144) vuttanayena cīvarena avippavāsaṃ sammannitvā yā baddhā. Sā avippavāsāti vuccatīti tattha vasantānaṃ bhikkhūnaṃ cīvarena vippavāsanimittāpattiyā abhāvato tathā vuccati, ‘‘avippavāsasīmā’’ti vuccatīti vuttaṃ hoti.
2569. ‘‘яаа гаажи над̣̇илагкан̣аббад̇д̇аа над̣̇ий нимид̇д̇аани гид̇д̇зд̇ваа ‘зд̇ам̣ б̣ад̣̇д̇хасиймам̣ гаромаа’д̇и гад̇ааби асиймаава ход̇ий’’д̇иаад̣̇игам̣ (махаава. адта. 147) адтагат̇аанаяам̣ д̣̇ассзд̇умааха ‘‘над̣̇ий…бз… на вод̇т̇арад̇ий’’д̇и, на бад̇т̇арад̇и сиймаабхаавзна б̣яаабиний на ход̇ийд̇и ад̇т̇о. д̇знзваад̇и язна на вод̇т̇арад̇и, д̇знзва гааран̣зна. аб̣равийд̇и ‘‘саб̣б̣аа, бхигкавз, над̣̇ий асиймаа, саб̣б̣о самуд̣̇д̣̇о асиймо, саб̣б̣о ж̇аад̇ассаро асиймо’’д̇и (махаава. 147) авожа.
2569. ‘‘Yā kāci nadilakkhaṇappattā nadī nimittāni kittetvā ‘etaṃ baddhasīmaṃ karomā’ti katāpi asīmāva hotī’’tiādikaṃ (mahāva. aṭṭha. 147) aṭṭhakathānayaṃ dassetumāha ‘‘nadī…pe… na vottharatī’’ti, na pattharati sīmābhāvena byāpinī na hotīti attho. Tenevāti yena na vottharati, teneva kāraṇena. Abravīti ‘‘sabbā, bhikkhave, nadī asīmā, sabbo samuddo asīmo, sabbo jātassaro asīmo’’ti (mahāva. 147) avoca.
сиймаагат̇ааван̣н̣анаа.
Sīmākathāvaṇṇanā.
2570. адтамияааби убосат̇авохаарад̇д̇аа д̣̇инавасзна убосат̇аанам̣ ад̇ирзгад̇д̇зби ид̇ха ад̇хиббзд̇зязва убосат̇з г̇ахзд̇ваа ааха ‘‘навзваа’’д̇и.
2570. Aṭṭhamiyāpi uposathavohārattā dinavasena uposathānaṃ atirekattepi idha adhippeteyeva uposathe gahetvā āha ‘‘navevā’’ti.
2571-3. д̇з саруубад̇о д̣̇ассзд̇умааха ‘‘жаад̇уд̣̇д̣̇асо…бз… гаммзнубосат̇аа’’д̇и. жад̇уд̣̇д̣̇асаннам̣ бууран̣о жаад̇уд̣̇д̣̇асо. баннарасаннам̣ бууран̣о баннарасо. яад̣̇аа бана госамб̣агканд̇хагз (махаава. 451 аад̣̇аяо) ааг̇ад̇анаязна бхиннз сан̇гхз осаарид̇з д̇асмим̣ бхигкусмим̣ сан̇гхо д̇асса вад̇т̇усса вуубасамааяа сан̇гхасаамаг̇г̇им̣ гарод̇и, д̇ад̣̇аа ‘‘д̇аавад̣̇зва убосат̇о гаад̇аб̣б̣о, баад̇имогкам̣ уд̣̇д̣̇исид̇аб̣б̣а’’нд̇и (махаава. 475) важанад̇о табзд̇ваа жаад̇уд̣̇д̣̇асабаннарасз ан̃н̃оби яо гожи д̣̇ивасо саамаг̇г̇ий убосат̇од̇и. зд̇т̇а ид̇и-сад̣̇д̣̇о луд̇д̇анид̣̇д̣̇идто. жаад̇уд̣̇д̣̇асо, баннарасо, саамаг̇г̇ий жа убосат̇од̇и зд̇з д̇аяоби убосат̇аа д̣̇ивасзнзва нид̣̇д̣̇идтаа д̣̇ивасзнзва вуд̇д̇аад̇и яож̇анаа.
2571-3. Te sarūpato dassetumāha ‘‘cātuddaso…pe… kammenuposathā’’ti. Catuddasannaṃ pūraṇo cātuddaso. Pannarasannaṃ pūraṇo pannaraso. Yadā pana kosambakkhandhake (mahāva. 451 ādayo) āgatanayena bhinne saṅghe osārite tasmiṃ bhikkhusmiṃ saṅgho tassa vatthussa vūpasamāya saṅghasāmaggiṃ karoti, tadā ‘‘tāvadeva uposatho kātabbo, pātimokkhaṃ uddisitabba’’nti (mahāva. 475) vacanato ṭhapetvā cātuddasapannarase aññopi yo koci divaso sāmaggī uposathoti. Ettha iti-saddo luttaniddiṭṭho. Cātuddaso, pannaraso, sāmaggī ca uposathoti ete tayopi uposathā divaseneva niddiṭṭhā divaseneva vuttāti yojanā.
сан̇гхзубосат̇од̇и сан̇гхзна гаад̇аб̣б̣аубосат̇о. г̇ан̣збуг̇г̇алубосат̇од̇и зд̇т̇ааби зсзва наяо. саад̇хяасаад̇ханалагкан̣асса самб̣анд̇хасса лаб̣бхамаанад̇д̇аа ‘‘сан̇гхз’’д̇иаад̣̇ийсу саамиважанаббасан̇г̇з бхумманид̣̇д̣̇зсо. убосат̇о саад̇хяо гаммабхаавад̇о, сан̇гхаг̇ан̣абуг̇г̇алаа саад̇ханам̣ гаарагабхаавад̇о.
Saṅgheuposathoti saṅghena kātabbauposatho. Gaṇepuggaluposathoti etthāpi eseva nayo. Sādhyasādhanalakkhaṇassa sambandhassa labbhamānattā ‘‘saṅghe’’tiādīsu sāmivacanappasaṅge bhummaniddeso. Uposatho sādhyo kammabhāvato, saṅghagaṇapuggalā sādhanaṃ kārakabhāvato.
суд̇д̇асса уд̣̇д̣̇зсо суд̇д̇уд̣̇д̣̇зсо, суд̇д̇уд̣̇д̣̇зсод̇и абхид̇хаанам̣ наамам̣ яасса со суд̇д̇уд̣̇д̣̇зсаабхид̇хаано. гаммзнаад̇и гижжавасзна.
Suttassa uddeso suttuddeso, suttuddesoti abhidhānaṃ nāmaṃ yassa so suttuddesābhidhāno. Kammenāti kiccavasena.
2574. ‘‘ад̇хидтаана’’нд̇и ваажжалин̇г̇амабзгкид̇ваа ‘‘нид̣̇д̣̇идта’’нд̇и набум̣саганид̣̇д̣̇зсо. ваажжалин̇г̇аа хи д̇аб̣б̣аад̣̇аяод̇и баад̇имогко нид̣̇д̣̇идто, баарисуд̣̇д̇хи нид̣̇д̣̇идтаад̇и бумид̇т̇илин̇г̇зна яож̇зд̇аб̣б̣аа.
2574. ‘‘Adhiṭṭhāna’’nti vāccaliṅgamapekkhitvā ‘‘niddiṭṭha’’nti napuṃsakaniddeso. Vāccaliṅgā hi tabbādayoti pātimokkho niddiṭṭho, pārisuddhi niddiṭṭhāti pumitthiliṅgena yojetabbā.
2575. вуд̇д̇аад̇и ‘‘бан̃жимз, бхигкавз, баад̇имогкуд̣̇д̣̇зсаа, нид̣̇аанам̣ уд̣̇д̣̇исид̇ваа авасзсам̣ суд̇зна саавзд̇аб̣б̣ам̣, аяам̣ батамо баад̇имогкуд̣̇д̣̇зсо’’д̇иаад̣̇инаа (махаава. 150) д̣̇зсид̇аа, саяан̃жа д̇зсан̃жа уд̣̇д̣̇зсз сан̇кзбад̇о д̣̇ассзд̇умааха ‘‘нид̣̇аана’’нд̇иаад̣̇и. саавзд̇аб̣б̣анд̇и зд̇т̇а ‘‘суд̇знаа’’д̇и сзсо. сзсаганд̇и ануд̣̇д̣̇идтадтаанам̣ –
2575.Vuttāti ‘‘pañcime, bhikkhave, pātimokkhuddesā, nidānaṃ uddisitvā avasesaṃ sutena sāvetabbaṃ, ayaṃ paṭhamo pātimokkhuddeso’’tiādinā (mahāva. 150) desitā, sayañca tesañca uddese saṅkhepato dassetumāha ‘‘nidāna’’ntiādi. Sāvetabbanti ettha ‘‘sutenā’’ti seso. Sesakanti anuddiṭṭhaṭṭhānaṃ –
‘‘сун̣аад̇у мз, бханд̇з сан̇гхо…бз… аавигад̇аа хисса паасу ход̇ийд̇и имам̣ нид̣̇аанам̣ уд̣̇д̣̇исид̇ваа ‘уд̣̇д̣̇идтам̣ ко ааяасманд̇о нид̣̇аанам̣, д̇ад̇т̇ааяасманд̇з бужчаами гажжид̇т̇а барисуд̣̇д̇хаа, д̣̇уд̇ияамби бужчаами…бз… звамзд̇ам̣ д̇хаараяаамий’д̇и вад̇ваа ‘уд̣̇д̣̇идтам̣ ко ааяасманд̇о нид̣̇аанам̣. суд̇аа ко банааяасманд̇зхи жад̇д̇ааро баарааж̇игаа д̇хаммаа…бз… авивад̣̇амаанзхи сигкид̇аб̣б̣а’’нд̇и (махаава. адта. 150) –
‘‘Suṇātu me, bhante saṅgho…pe… āvikatā hissa phāsu hotīti imaṃ nidānaṃ uddisitvā ‘uddiṭṭhaṃ kho āyasmanto nidānaṃ, tatthāyasmante pucchāmi kaccittha parisuddhā, dutiyampi pucchāmi…pe… evametaṃ dhārayāmī’ti vatvā ‘uddiṭṭhaṃ kho āyasmanto nidānaṃ. Sutā kho panāyasmantehi cattāro pārājikā dhammā…pe… avivadamānehi sikkhitabba’’nti (mahāva. aṭṭha. 150) –
адтагат̇ааяа вуд̇д̇анаязна авасзсам̣ суд̇зна саавзд̇аб̣б̣ам̣.
Aṭṭhakathāya vuttanayena avasesaṃ sutena sāvetabbaṃ.
2576. сзсзсубийд̇и уд̣̇д̣̇идтаабзгкааяа сзсзсу баарааж̇игуд̣̇д̣̇зсаад̣̇ийсуби. ‘‘аяамзва наяо н̃зяяо’’д̇и сааман̃н̃зна вуд̇д̇зби ‘‘вид̇т̇аарзнзва бан̃жамо’’д̇и важанад̇о вид̇т̇ааруд̣̇д̣̇зсз ‘‘саавзд̇аб̣б̣ам̣ д̇у сзсага’’нд̇и аяам̣ наяо на лаб̣бхад̇и. ‘‘саавзд̇аб̣б̣ам̣ д̇у сзсага’’нд̇и важанад̇о баарааж̇игуд̣̇д̣̇зсаад̣̇ийсу яасмим̣ виббагад̇з анд̇арааяо уббаж̇ж̇ад̇и, д̇зна сад̣̇д̇хим̣ авасзсам̣ суд̇зна саавзд̇аб̣б̣ам̣. нид̣̇аануд̣̇д̣̇зсз бана ануд̣̇д̣̇идтз суд̇зна саавзд̇аб̣б̣ам̣ наама над̇т̇и. бхигкунибаад̇имогкз анияад̇уд̣̇д̣̇зсасса барихийнад̇д̇аа ‘‘бхигкунийнан̃жа жад̇д̇ааро’’д̇и вуд̇д̇ам̣. уд̣̇д̣̇зсаа навимз банаад̇и бхигкуунам̣ бан̃жа, бхигкунийнам̣ жад̇д̇аарод̇и убхад̇обаад̇имогкз имз нава уд̣̇д̣̇зсаа вуд̇д̇аад̇и ад̇т̇о.
2576.Sesesupīti uddiṭṭhāpekkhāya sesesu pārājikuddesādīsupi. ‘‘Ayameva nayo ñeyyo’’ti sāmaññena vuttepi ‘‘vitthāreneva pañcamo’’ti vacanato vitthāruddese ‘‘sāvetabbaṃ tu sesaka’’nti ayaṃ nayo na labbhati. ‘‘Sāvetabbaṃ tu sesaka’’nti vacanato pārājikuddesādīsu yasmiṃ vippakate antarāyo uppajjati, tena saddhiṃ avasesaṃ sutena sāvetabbaṃ. Nidānuddese pana anuddiṭṭhe sutena sāvetabbaṃ nāma natthi. Bhikkhunipātimokkhe aniyatuddesassa parihīnattā ‘‘bhikkhunīnañca cattāro’’ti vuttaṃ. Uddesā navime panāti bhikkhūnaṃ pañca, bhikkhunīnaṃ cattāroti ubhatopātimokkhe ime nava uddesā vuttāti attho.
2577. убосат̇зд̇и сан̇гхубосат̇з. анд̇арааяанд̇и рааж̇анд̇арааяаад̣̇игам̣ д̣̇асавид̇хам̣ анд̇арааяам̣. яат̇ааха – ‘‘рааж̇анд̇арааяо жоранд̇арааяо аг̇яанд̇арааяо уд̣̇аганд̇арааяо мануссанд̇арааяо амануссанд̇арааяо ваал̣анд̇арааяо сарийсабанд̇арааяо ж̇ийвид̇анд̇арааяо б̣рахмажарияанд̇арааяо’’д̇и (махаава. 150).
2577.Uposatheti saṅghuposathe. Antarāyanti rājantarāyādikaṃ dasavidhaṃ antarāyaṃ. Yathāha – ‘‘rājantarāyo corantarāyo agyantarāyo udakantarāyo manussantarāyo amanussantarāyo vāḷantarāyo sarīsapantarāyo jīvitantarāyo brahmacariyantarāyo’’ti (mahāva. 150).
д̇ад̇т̇а сажз бхигкуусу ‘‘убосат̇ам̣ гариссаамаа’’д̇и (махаава. адта. 150) нисиннзсу рааж̇аа ааг̇ажчад̇и, аяам̣ рааж̇анд̇арааяо. жораа ааг̇ажчанд̇и , аяам̣ жоранд̇арааяо. д̣̇авад̣̇аахо ааг̇ажчад̇и ваа, ааваасз ваа аг̇г̇и удтахад̇и, аяам̣ аг̇яанд̇арааяо. мзгхо ваа удтзд̇и, огхо ваа ааг̇ажчад̇и, аяам̣ уд̣̇аганд̇арааяо. б̣ахуу мануссаа ааг̇ажчанд̇и, аяам̣ мануссанд̇арааяо. бхигкум̣ яагко г̇ан̣хаад̇и, аяам̣ амануссанд̇арааяо. б̣яаг̇гхаад̣̇аяо жан̣д̣амиг̇аа ааг̇ажчанд̇и, аяам̣ ваал̣анд̇арааяо. бхигкум̣ саббаад̣̇аяо д̣ам̣санд̇и, аяам̣ сарийсабанд̇арааяо. бхигку г̇илаано ваа ход̇и, гаалам̣ ваа гарод̇и, взрино ваа д̇ам̣ маарзд̇ум̣ г̇ан̣ханд̇и, аяам̣ ж̇ийвид̇анд̇арааяо. мануссаа згам̣ ваа б̣ахум̣ ваа бхигкуу б̣рахмажарияаа жаавзд̇угаамаа г̇ан̣ханд̇и, аяам̣ б̣рахмажарияанд̇арааяо.
Tattha sace bhikkhūsu ‘‘uposathaṃ karissāmā’’ti (mahāva. aṭṭha. 150) nisinnesu rājā āgacchati, ayaṃ rājantarāyo. Corā āgacchanti , ayaṃ corantarāyo. Davadāho āgacchati vā, āvāse vā aggi uṭṭhahati, ayaṃ agyantarāyo. Megho vā uṭṭheti, ogho vā āgacchati, ayaṃ udakantarāyo. Bahū manussā āgacchanti, ayaṃ manussantarāyo. Bhikkhuṃ yakkho gaṇhāti, ayaṃ amanussantarāyo. Byagghādayo caṇḍamigā āgacchanti, ayaṃ vāḷantarāyo. Bhikkhuṃ sappādayo ḍaṃsanti, ayaṃ sarīsapantarāyo. Bhikkhu gilāno vā hoti, kālaṃ vā karoti, verino vā taṃ māretuṃ gaṇhanti, ayaṃ jīvitantarāyo. Manussā ekaṃ vā bahuṃ vā bhikkhū brahmacariyā cāvetukāmā gaṇhanti, ayaṃ brahmacariyantarāyo.
‘‘жзваа’’д̇и иминаа анд̇арааязва анд̇арааяасан̃н̃инаа вид̇т̇ааруд̣̇д̣̇зсз агад̇зби анаабад̇д̇ийд̇и д̣̇ийбзд̇и. ануд̣̇д̣̇зсод̇и вид̇т̇аарзна ануд̣̇д̣̇зсо. ниваарид̇од̇и ‘‘на, бхигкавз, асад̇и анд̇арааяз сам̣кид̇д̇зна баад̇имогкам̣ уд̣̇д̣̇исид̇аб̣б̣а’’нд̇иаад̣̇инаа (махаава. 150) бадисид̣̇д̇хо. иминаа ‘‘ануж̇аанаами, бхигкавз, сад̇и анд̇арааяз сам̣кид̇д̇зна баад̇имогкам̣ уд̣̇д̣̇исид̇у’’нд̇и (махаава. 150) ид̣̇амби вибхаавид̇ам̣ ход̇и.
‘‘Cevā’’ti iminā antarāyeva antarāyasaññinā vitthāruddese akatepi anāpattīti dīpeti. Anuddesoti vitthārena anuddeso. Nivāritoti ‘‘na, bhikkhave, asati antarāye saṃkhittena pātimokkhaṃ uddisitabba’’ntiādinā (mahāva. 150) paṭisiddho. Iminā ‘‘anujānāmi, bhikkhave, sati antarāye saṃkhittena pātimokkhaṃ uddisitu’’nti (mahāva. 150) idampi vibhāvitaṃ hoti.
2578. д̇ассаад̇и баад̇имогкасса. иссаран̣асса хзд̇умааха ‘‘‘т̇зраад̇хзяяа’нд̇и баатад̇о’’д̇и. т̇зраад̇хзяяанд̇и т̇зраад̇хийнам̣, т̇зрааяад̇д̇анд̇и ад̇т̇о. баатад̇од̇и баал̣иважанад̇о. ‘‘яо д̇ад̇т̇а бхигку б̣яад̇д̇о бадиб̣ало, д̇ассаад̇хзяяам̣ баад̇имогка’’нд̇и (махаава. 155) важанад̇о ааха ‘‘авад̇д̇анд̇знаа’’д̇иаад̣̇и. авад̇д̇анд̇знаад̇и анд̇амасо д̣̇взби уд̣̇д̣̇зсз уд̣̇д̣̇исид̇ум̣ асаггонд̇зна. т̇зрзна яо аж̇жхидто, звамаж̇жхидтасса яасса бана т̇зрасса, навасса, маж̇жхимасса ваа со баад̇имогко вад̇д̇ад̇и баг̇ун̣о ход̇и, со иссарод̇и самб̣анд̇хо.
2578.Tassāti pātimokkhassa. Issaraṇassa hetumāha ‘‘‘therādheyya’nti pāṭhato’’ti. Therādheyyanti therādhīnaṃ, therāyattanti attho. Pāṭhatoti pāḷivacanato. ‘‘Yo tattha bhikkhu byatto paṭibalo, tassādheyyaṃ pātimokkha’’nti (mahāva. 155) vacanato āha ‘‘avattantenā’’tiādi. Avattantenāti antamaso dvepi uddese uddisituṃ asakkontena. Therena yo ajjhiṭṭho, evamajjhiṭṭhassa yassa pana therassa, navassa, majjhimassa vā so pātimokkho vattati paguṇo hoti, so issaroti sambandho.
аж̇жхидтод̇и ‘‘д̇вам̣, аавусо, баад̇имогкам̣ уд̣̇д̣̇исаа’’д̇и аан̣ад̇д̇о, иминаа анаан̣ад̇д̇асса уд̣̇д̣̇исид̇ум̣ саамад̇т̇ияаа сад̇иби аниссарабхааво д̣̇ийбид̇о ход̇и. яат̇ааха – ‘‘сажз т̇зрасса бан̃жа ваа жад̇д̇ааро ваа д̇аяо ваа баад̇имогкуд̣̇д̣̇зсаа нааг̇ажчанд̇и, д̣̇вз бана акан̣д̣аа сувисад̣̇аа ваажуг̇г̇ад̇аа хонд̇и, т̇зрааяад̇д̇ова баад̇имогко. сажз бана зд̇д̇агамби висад̣̇ам̣ гаад̇ум̣ на саггод̇и, б̣яад̇д̇асса бхигкуно ааяад̇д̇о ход̇ий’’д̇и (махаава. адта. 155).
Ajjhiṭṭhoti ‘‘tvaṃ, āvuso, pātimokkhaṃ uddisā’’ti āṇatto, iminā anāṇattassa uddisituṃ sāmatthiyā satipi anissarabhāvo dīpito hoti. Yathāha – ‘‘sace therassa pañca vā cattāro vā tayo vā pātimokkhuddesā nāgacchanti, dve pana akhaṇḍā suvisadā vācuggatā honti, therāyattova pātimokkho. Sace pana ettakampi visadaṃ kātuṃ na sakkoti, byattassa bhikkhuno āyatto hotī’’ti (mahāva. aṭṭha. 155).
2579. уд̣̇д̣̇исанд̇зд̇и баад̇имогкуд̣̇д̣̇зсагз баад̇имогкам̣ уд̣̇д̣̇исанд̇з. самаа ваад̇и ааваасигзхи г̇ан̣анзна самаа ваа. аббаа ваад̇и уунаа ваа. ааг̇ажчанд̇и сажз банаад̇и сажз бана ааг̇анд̇угаа бхигкуу ааг̇ажчанд̇и. сзсаганд̇и ануд̣̇д̣̇идтадтаанам̣.
2579.Uddisanteti pātimokkhuddesake pātimokkhaṃ uddisante. Samā vāti āvāsikehi gaṇanena samā vā. Appā vāti ūnā vā. Āgacchanti sace panāti sace pana āgantukā bhikkhū āgacchanti. Sesakanti anuddiṭṭhaṭṭhānaṃ.
2580. уд̣̇д̣̇идтамад̇д̇зд̇и уд̣̇д̣̇идтагкан̣зязва гат̇аарамбхад̇о буб̣б̣амзва. ‘‘ваа’’д̇и ид̣̇ам̣ зд̇т̇ааби яож̇зд̇аб̣б̣ам̣, иминаа авуд̇д̇ам̣ ‘‘авудтид̇ааяа ваа’’д̇и имам̣ вигаббам̣ самбин̣д̣зд̇и. авудтид̇ааяа барисааяаад̇и жа бхигкубарисааяа ан̃н̃аман̃н̃ам̣ сукагат̇ааяа нисиннааяаязваад̇и ад̇т̇о. барисааяаад̇и зд̇т̇а ‘‘згажжааяаа’’д̇и жа ‘‘саб̣б̣ааяаа’’д̇и жа сзсо. бхигкуунам̣ згажжааяа барисааяа вудтид̇ааяа ваа саб̣б̣ааяа барисааяа вудтид̇ааяа ваад̇и яож̇анаа. д̇зсанд̇и вуд̇д̇аббагаараанам̣ ааваасигаанам̣. муулзд̇и санд̇игз. баарисуд̣̇д̇хи гаад̇аб̣б̣аад̇и яож̇анаа. ‘‘ид̇ха бана, бхигкавз…бз… ааг̇ажчанд̇и б̣ахуд̇араа, д̇зхи, бхигкавз, бхигкуухи буна баад̇имогкам̣ уд̣̇д̣̇исид̇аб̣б̣а’’нд̇и вуд̇д̇анаяам̣ д̣̇ассзд̇умааха ‘‘сажз б̣ахуу’’д̇и. зд̇т̇а ‘‘буна баад̇имогкам̣ уд̣̇д̣̇исид̇аб̣б̣а’’нд̇и сзсо. саб̣б̣авигаббзсу буб̣б̣агижжам̣ гад̇ваа буна баад̇имогкам̣ уд̣̇д̣̇исид̇аб̣б̣анд̇и ад̇т̇о. аяам̣ банзд̇т̇а сзсавинижчаяо –
2580.Uddiṭṭhamatteti uddiṭṭhakkhaṇeyeva kathārambhato pubbameva. ‘‘Vā’’ti idaṃ etthāpi yojetabbaṃ, iminā avuttaṃ ‘‘avuṭṭhitāya vā’’ti imaṃ vikappaṃ sampiṇḍeti. Avuṭṭhitāya parisāyāti ca bhikkhuparisāya aññamaññaṃ sukhakathāya nisinnāyayevāti attho. Parisāyāti ettha ‘‘ekaccāyā’’ti ca ‘‘sabbāyā’’ti ca seso. Bhikkhūnaṃ ekaccāya parisāya vuṭṭhitāya vā sabbāya parisāya vuṭṭhitāya vāti yojanā. Tesanti vuttappakārānaṃ āvāsikānaṃ. Mūleti santike. Pārisuddhi kātabbāti yojanā. ‘‘Idha pana, bhikkhave…pe… āgacchanti bahutarā, tehi, bhikkhave, bhikkhūhi puna pātimokkhaṃ uddisitabba’’nti vuttanayaṃ dassetumāha ‘‘sace bahū’’ti. Ettha ‘‘puna pātimokkhaṃ uddisitabba’’nti seso. Sabbavikappesu pubbakiccaṃ katvā puna pātimokkhaṃ uddisitabbanti attho. Ayaṃ panettha sesavinicchayo –
‘‘баннарасоваасигаанам̣, ид̇араанам̣ сажзд̇аро;
‘‘Pannarasovāsikānaṃ, itarānaṃ sacetaro;
самаанзд̇арзнувад̇д̇анд̇у, буримаанам̣ сажзд̇хигаа;
Samānetarenuvattantu, purimānaṃ sacedhikā;
буримаа анувад̇д̇анд̇у, д̇зсам̣ сзсзбяаяам̣ наяо.
Purimā anuvattantu, tesaṃ sesepyayaṃ nayo.
‘‘баадибад̣̇оваасигаанам̣ ,
‘‘Pāṭipadovāsikānaṃ ,
ид̇араанам̣ убосат̇о;
Itarānaṃ uposatho;
самат̇огаанам̣ саамаг̇г̇им̣,
Samathokānaṃ sāmaggiṃ,
мууладтаа д̣̇знд̇у гаамад̇о.
Mūlaṭṭhā dentu kāmato.
б̣ахи г̇анд̇ваана гаад̇аб̣б̣о,
Bahi gantvāna kātabbo,
но жз д̣̇знд̇и убосат̇о;
No ce denti uposatho;
д̣̇зяяаанижчааяа саамаг̇г̇ий,
Deyyānicchāya sāmaggī,
б̣ахуусу б̣ахи ваа важ̇з.
Bahūsu bahi vā vaje.
‘‘баадибад̣̇зг̇анд̇угаанам̣, звамзва аяам̣ наяо;
‘‘Pāṭipadegantukānaṃ, evameva ayaṃ nayo;
саавзяяа суд̇д̇ам̣ сан̃жижжа, ассаавзнд̇асса д̣̇уггаданд̇и.
Sāveyya suttaṃ sañcicca, assāventassa dukkaṭanti.
2581. винид̣̇д̣̇идтассаад̇и аан̣ад̇д̇асса, иминаа ид̇арзсам̣ анаабад̇д̇ийд̇и д̣̇ийбзд̇и. ид̇ха ‘‘аг̇илаанассаа’’д̇и сзсо. т̇зрзна аан̣аабзнд̇зна ‘‘гин̃жи гаммам̣ гаронд̇о ваа сад̣̇аагааламзва зго ваа бхааранид̇т̇аран̣аго ваа сарабхаан̣агад̇хаммагат̇игаад̣̇ийсу ан̃н̃ад̇аро ваа на убосат̇ааг̇аарасаммаж̇ж̇анад̇т̇ам̣ аан̣аабзд̇аб̣б̣о, авасзсаа бана ваарзна аан̣аабзд̇аб̣б̣аа’’д̇и (махаава. адта. 159) адтагат̇ааяа вуд̇д̇авид̇хинаа аан̣аабзд̇аб̣б̣о. сажз аан̣ад̇д̇о саммаж̇ж̇аним̣ д̇аавагаалигамби на лабхад̇и, саакаабхан̇г̇ам̣ габбияам̣ гаарзд̇ваа саммаж̇ж̇ид̇аб̣б̣ам̣. д̇амби алабханд̇асса лад̣̇д̇хагаббияам̣ ход̇и.
2581.Viniddiṭṭhassāti āṇattassa, iminā itaresaṃ anāpattīti dīpeti. Idha ‘‘agilānassā’’ti seso. Therena āṇāpentena ‘‘kiñci kammaṃ karonto vā sadākālameva eko vā bhāranittharaṇako vā sarabhāṇakadhammakathikādīsu aññataro vā na uposathāgārasammajjanatthaṃ āṇāpetabbo, avasesā pana vārena āṇāpetabbā’’ti (mahāva. aṭṭha. 159) aṭṭhakathāya vuttavidhinā āṇāpetabbo. Sace āṇatto sammajjaniṃ tāvakālikampi na labhati, sākhābhaṅgaṃ kappiyaṃ kāretvā sammajjitabbaṃ. Tampi alabhantassa laddhakappiyaṃ hoti.
аасанабан̃н̃аабанаан̣ад̇д̇ияамби вуд̇д̇анаязнзва аан̣аабзд̇аб̣б̣о. аан̣аабзнд̇зна жа сажз убосат̇ааг̇аарз аасанаани над̇т̇и, сан̇гхигааваасад̇оби аахарид̇ваа бан̃н̃абзд̇ваа буна аахарид̇аб̣б̣аани. аасанзсу асад̇и гадасаарагзби д̇аддигааяоби бан̃н̃абзд̇ум̣ ваддад̇и, д̇аддигаасуби асад̇и саакаабхан̇г̇аани габбияам̣ гаарзд̇ваа бан̃н̃абзд̇аб̣б̣аани, габбияагаарагам̣ алабханд̇асса лад̣̇д̇хагаббияам̣ ход̇и.
Āsanapaññāpanāṇattiyampi vuttanayeneva āṇāpetabbo. Āṇāpentena ca sace uposathāgāre āsanāni natthi, saṅghikāvāsatopi āharitvā paññapetvā puna āharitabbāni. Āsanesu asati kaṭasārakepi taṭṭikāyopi paññapetuṃ vaṭṭati, taṭṭikāsupi asati sākhābhaṅgāni kappiyaṃ kāretvā paññapetabbāni, kappiyakārakaṃ alabhantassa laddhakappiyaṃ hoti.
бад̣̇ийбагаран̣зби вуд̇д̇анаязнзва аан̣аабзд̇аб̣б̣о. аан̣аабзнд̇зна жа ‘‘асугасмим̣ наама огаасз д̇злам̣ ваа вадди ваа габаллигаа ваа ад̇т̇и, д̇ам̣ г̇ахзд̇ваа гарохий’’д̇и вад̇д̇аб̣б̣о. сажз д̇злаад̣̇ийни над̇т̇и , бхигкаажаарзнаби бариязсид̇аб̣б̣аани. бариязсид̇ваа алабханд̇асса лад̣̇д̇хагаббияам̣ ход̇и. абижа габаалз аг̇г̇иби ж̇аалзд̇аб̣б̣о.
Padīpakaraṇepi vuttanayeneva āṇāpetabbo. Āṇāpentena ca ‘‘asukasmiṃ nāma okāse telaṃ vā vaṭṭi vā kapallikā vā atthi, taṃ gahetvā karohī’’ti vattabbo. Sace telādīni natthi , bhikkhācārenapi pariyesitabbāni. Pariyesitvā alabhantassa laddhakappiyaṃ hoti. Apica kapāle aggipi jāletabbo.
2582. д̣̇ийбанд̇и зд̇т̇а ‘‘ж̇аалзд̇ваа’’д̇и сзсо. ат̇а ваа ‘‘гад̇ваа’’д̇и иминаа жа яож̇зд̇аб̣б̣ам̣. г̇ан̣ан̃ад̇д̇им̣ табзд̇ваад̇и ‘‘сун̣анд̇у мз, ааяасманд̇аа, аж̇ж̇убосат̇о баннарасо, яад̣̇ааяасманд̇аанам̣ бад̇д̇агаллам̣, маяам̣ ан̃н̃аман̃н̃ам̣ баарисуд̣̇д̇хиубосат̇ам̣ гарзяяаамаа’’д̇и звам̣ г̇ан̣ан̃ад̇д̇им̣ нигкибид̇ваа. гад̇д̇аб̣б̣о д̇ийхубосат̇од̇и д̇ийхи бхигкуухи убосат̇о гаад̇аб̣б̣о. д̇ийсу т̇зрзна згам̣сам̣ уд̇д̇араасан̇г̇ам̣ гад̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа д̣̇вз звам̣ д̇игкад̇д̇умзва вад̇д̇аб̣б̣о ‘‘барисуд̣̇д̇хо ахам̣, аавусо, ‘барисуд̣̇д̇хо’д̇и мам̣ д̇хаарзт̇аа’’д̇и (махаава. 168). д̣̇уд̇иязна, д̇ад̇иязна жа яат̇ааггамам̣ ‘‘барисуд̣̇д̇хо ахам̣, бханд̇з, ‘барисуд̣̇д̇хо’д̇и мам̣ д̇хаарзт̇аа’’д̇и д̇игкад̇д̇умзва вад̇д̇аб̣б̣ам̣.
2582.Dīpanti ettha ‘‘jāletvā’’ti seso. Atha vā ‘‘katvā’’ti iminā ca yojetabbaṃ. Gaṇañattiṃ ṭhapetvāti ‘‘suṇantu me, āyasmantā, ajjuposatho pannaraso, yadāyasmantānaṃ pattakallaṃ, mayaṃ aññamaññaṃ pārisuddhiuposathaṃ kareyyāmā’’ti evaṃ gaṇañattiṃ nikkhipitvā. Kattabbo tīhuposathoti tīhi bhikkhūhi uposatho kātabbo. Tīsu therena ekaṃsaṃ uttarāsaṅgaṃ katvā ukkuṭikaṃ nisīditvā añjaliṃ paggahetvā dve evaṃ tikkhattumeva vattabbo ‘‘parisuddho ahaṃ, āvuso, ‘parisuddho’ti maṃ dhārethā’’ti (mahāva. 168). Dutiyena, tatiyena ca yathākkamaṃ ‘‘parisuddho ahaṃ, bhante, ‘parisuddho’ti maṃ dhārethā’’ti tikkhattumeva vattabbaṃ.
2583. буб̣б̣агижжаад̣̇ийни гад̇ваа н̃ад̇д̇им̣ адтабзд̇ваа т̇зрзна наво звам̣ д̇игкад̇д̇умзва вад̇д̇аб̣б̣о ‘‘барисуд̣̇д̇хо ахам̣, аавусо , ‘барисуд̣̇д̇хо’д̇и мам̣ д̇хаарзхий’’д̇и (махаава. 168), навзна т̇зроби ‘‘барисуд̣̇д̇хо ахам̣, бханд̇з, ‘барисуд̣̇д̇хо’д̇и мам̣ д̇хаарзт̇аа’’д̇и (махаава. 168) д̇игкад̇д̇ум̣ вад̇д̇аб̣б̣о. имасмим̣ бана ваарз н̃ад̇д̇ияаа адтабанан̃жа ‘‘д̇хаарзхий’’д̇и згаважананид̣̇д̣̇зсо жаад̇и зд̇д̇агова висзсод̇и д̇ам̣ анаад̣̇ияид̇ваа буг̇г̇алзна гаад̇аб̣б̣ам̣ убосат̇авид̇хим̣ д̣̇ассзд̇умааха ‘‘буб̣б̣агижжам̣ самаабзд̇ваа, ад̇хидтзяяа банзгаго’’д̇и. ад̇хидтзяяаад̇и ‘‘аж̇ж̇а мз убосат̇о, баннарасо’д̇и ваа ‘жаад̇уд̣̇д̣̇асо’д̇и ваа ад̇хидтаамий’’д̇и ад̇хидтзяяа. ассаад̇и авасаанз вуд̇д̇абуг̇г̇алам̣ санд̇хааяа згаважананид̣̇д̣̇зсо. яат̇аавуд̇д̇о сан̇гхоби д̇аяоби д̣̇взби ад̇д̇ано ад̇д̇ано анун̃н̃аад̇ам̣ убосат̇ам̣ анд̇арааяам̣ винаа сажз на гаронд̇и, звамзва аабад̇д̇имаабаж̇ж̇анд̇ийд̇и взд̣̇ид̇аб̣б̣о.
2583. Pubbakiccādīni katvā ñattiṃ aṭṭhapetvā therena navo evaṃ tikkhattumeva vattabbo ‘‘parisuddho ahaṃ, āvuso , ‘parisuddho’ti maṃ dhārehī’’ti (mahāva. 168), navena theropi ‘‘parisuddho ahaṃ, bhante, ‘parisuddho’ti maṃ dhārethā’’ti (mahāva. 168) tikkhattuṃ vattabbo. Imasmiṃ pana vāre ñattiyā aṭṭhapanañca ‘‘dhārehī’’ti ekavacananiddeso cāti ettakova visesoti taṃ anādiyitvā puggalena kātabbaṃ uposathavidhiṃ dassetumāha ‘‘pubbakiccaṃ samāpetvā, adhiṭṭheyya panekako’’ti. Adhiṭṭheyyāti ‘‘ajja me uposatho, pannaraso’ti vā ‘cātuddaso’ti vā adhiṭṭhāmī’’ti adhiṭṭheyya. Assāti avasāne vuttapuggalaṃ sandhāya ekavacananiddeso. Yathāvutto saṅghopi tayopi dvepi attano attano anuññātaṃ uposathaṃ antarāyaṃ vinā sace na karonti, evameva āpattimāpajjantīti veditabbo.
2584-5. ид̣̇аани ‘‘жад̇д̇ааримаани, бхигкавз, убосат̇агаммаани, ад̇хаммзна ваг̇г̇ам̣ убосат̇агамма’’нд̇иаад̣̇инаа (махаава. 149) наязна вуд̇д̇ам̣ гаммажад̇уггам̣ д̣̇ассзд̇умааха ‘‘ад̇хаммзна жа ваг̇г̇знаа’’д̇иаад̣̇и. ад̇хаммзна ваг̇г̇зна гаммам̣, ад̇хаммад̇о самаг̇г̇зна гаммам̣, д̇хаммзна ваг̇г̇зна гаммам̣, д̇хаммад̇о самаг̇г̇зна гамманд̇и зд̇аани жад̇д̇аари убосат̇асса гаммаанийд̇и ж̇ино аб̣равийд̇и яож̇анаа. жад̇уусваби банзд̇зсууд̇и зд̇зсу жад̇уусу гаммзсу бана. жад̇уд̇т̇анд̇и ‘‘самаг̇г̇зна жа д̇хаммад̇о’’д̇и вуд̇д̇ам̣ жад̇уд̇т̇ам̣ убосат̇агаммам̣ ‘‘д̇хаммагамма’’нд̇и ад̇хиббзд̇ам̣.
2584-5. Idāni ‘‘cattārimāni, bhikkhave, uposathakammāni, adhammena vaggaṃ uposathakamma’’ntiādinā (mahāva. 149) nayena vuttaṃ kammacatukkaṃ dassetumāha ‘‘adhammena ca vaggenā’’tiādi. Adhammena vaggena kammaṃ, adhammato samaggena kammaṃ, dhammena vaggena kammaṃ, dhammato samaggena kammanti etāni cattāri uposathassa kammānīti jino abravīti yojanā. Catūsvapi panetesūti etesu catūsu kammesu pana. Catutthanti ‘‘samaggena ca dhammato’’ti vuttaṃ catutthaṃ uposathakammaṃ ‘‘dhammakamma’’nti adhippetaṃ.
2586-7. д̇аани гаммаани вибхаавзд̇умааха ‘‘ад̇хаммзнид̇хаа’’д̇иаад̣̇и. ид̇ха имасмим̣ саасанз зд̇т̇а зд̇зсу жад̇уусу убосат̇зсу. ад̇хаммзна ваг̇г̇о убосат̇о гад̇амод̇и гат̇зд̇угаамад̇аабужчаа. яад̇т̇а яассам̣ згасиймааяам̣ бхигкуно жад̇д̇ааро васанд̇ийд̇и яож̇анаа.
2586-7. Tāni kammāni vibhāvetumāha ‘‘adhammenidhā’’tiādi. Idha imasmiṃ sāsane ettha etesu catūsu uposathesu. Adhammena vaggo uposatho katamoti kathetukāmatāpucchā. Yattha yassaṃ ekasīmāyaṃ bhikkhuno cattāro vasantīti yojanā.
д̇ад̇ра згасса баарисуд̣̇д̇хим̣ аанаяид̇ваа д̇з д̇аяо ж̇анаа баарисуд̣̇д̇хим̣ убосат̇ам̣ гаронд̇и жз, звам̣ гад̇о убосат̇о ад̇хаммо ваг̇г̇убосат̇о наамаад̇и яож̇анаа, згасиймадтзхи жад̇уухи сан̇гхубосат̇з гаад̇аб̣б̣з г̇ан̣убосат̇асса гад̇ад̇д̇аа ад̇хаммо жа сан̇гхамаж̇жхам̣ винаа г̇ан̣амаж̇жхам̣ баарисуд̣̇д̇хияаа аг̇аманад̇о д̇асса хад̇т̇абаасам̣ анубаг̇аманзна ваг̇г̇о жа ход̇ийд̇и ад̇т̇о.
Tatra ekassa pārisuddhiṃ ānayitvā te tayo janā pārisuddhiṃ uposathaṃ karonti ce, evaṃ kato uposatho adhammo vagguposatho nāmāti yojanā, ekasīmaṭṭhehi catūhi saṅghuposathe kātabbe gaṇuposathassa katattā adhammo ca saṅghamajjhaṃ vinā gaṇamajjhaṃ pārisuddhiyā agamanato tassa hatthapāsaṃ anupagamanena vaggo ca hotīti attho.
2588. ад̇хаммзна самаг̇г̇од̇и зд̇т̇а ‘‘убосат̇о гад̇амо’’д̇и анувад̇д̇зд̇аб̣б̣ам̣. ‘‘бхигкуно згад̇о’’д̇и бад̣̇ажчзд̣̇о. ‘‘ход̇и ад̇хаммиго’’д̇и бад̣̇ажчзд̣̇о. жад̇уухи самаг̇г̇зхи сан̇гхубосат̇з гаад̇аб̣б̣з г̇ан̣убосат̇агаран̣ам̣ ад̇хаммо, хад̇т̇абаасубаг̇аманад̇о самаг̇г̇о ход̇и.
2588.Adhammena samaggoti ettha ‘‘uposatho katamo’’ti anuvattetabbaṃ. ‘‘Bhikkhuno ekato’’ti padacchedo. ‘‘Hoti adhammiko’’ti padacchedo. Catūhi samaggehi saṅghuposathe kātabbe gaṇuposathakaraṇaṃ adhammo, hatthapāsupagamanato samaggo hoti.
2589-90. яо убосат̇о д̇хаммзна ваг̇г̇о ход̇и, со гад̇амод̇и яож̇анаа. яад̇т̇а яассам̣ згасиймааяам̣ жад̇д̇ааро бхигкуно васанд̇и, д̇ад̇ра згасса баарисуд̣̇д̇хим̣ аанаяид̇ваа д̇з д̇аяо ж̇анаа баад̇имогкам̣ уд̣̇д̣̇исанд̇з жз, д̇хаммзна ваг̇г̇о убосат̇о ход̇ийд̇и яож̇анаа. згасиймадтзхи жад̇уухи сан̇гхубосат̇асса гад̇ад̇д̇аа д̇хаммо, згасса хад̇т̇абаасам̣ анубаг̇аманзна ваг̇г̇о жа ход̇ийд̇и ад̇т̇о.
2589-90. Yo uposatho dhammena vaggo hoti, so katamoti yojanā. Yattha yassaṃ ekasīmāyaṃ cattāro bhikkhuno vasanti, tatra ekassa pārisuddhiṃ ānayitvā te tayo janā pātimokkhaṃ uddisante ce, dhammena vaggo uposatho hotīti yojanā. Ekasīmaṭṭhehi catūhi saṅghuposathassa katattā dhammo, ekassa hatthapāsaṃ anupagamanena vaggo ca hotīti attho.
2591. яо д̇хаммад̇о самаг̇г̇о, со гад̇амод̇и яож̇анаа. ид̇ха имасмим̣ саасанз жад̇д̇ааро бхигкуно згад̇о баад̇имогкам̣ уд̣̇д̣̇исанд̇и жз, аяам̣ д̇хаммад̇о самаг̇г̇о убосат̇од̇и мад̇о ад̇хиббзд̇од̇и яож̇анаа. жад̇уухи сан̇гхубосат̇асса гад̇ад̇д̇аа д̇хаммо, згассааби хад̇т̇абаасам̣ авиж̇аханзна самаг̇г̇од̇и ад̇хиббааяо.
2591. Yo dhammato samaggo, so katamoti yojanā. Idha imasmiṃ sāsane cattāro bhikkhuno ekato pātimokkhaṃ uddisanti ce, ayaṃ dhammato samaggo uposathoti mato adhippetoti yojanā. Catūhi saṅghuposathassa katattā dhammo, ekassāpi hatthapāsaṃ avijahanena samaggoti adhippāyo.
2592. ваг̇г̇з сан̇гхз ваг̇г̇од̇и сан̃н̃ино, самаг̇г̇з жа сан̇гхз ваг̇г̇од̇и сан̃н̃ино убхаяад̇т̇а вимад̇исса ваа убосат̇ам̣ гаронд̇асса д̣̇уггадам̣ аабад̇д̇и ход̇ийд̇и яож̇анаа.
2592.Vagge saṅghe vaggoti saññino, samagge ca saṅghe vaggoti saññino ubhayattha vimatissa vā uposathaṃ karontassa dukkaṭaṃ āpatti hotīti yojanā.
2593. бхзд̣̇аад̇хиббааяад̇од̇и ‘‘нассанд̇зд̇з, винассанд̇зд̇з, го д̇зхи ад̇т̇о’’д̇и звам̣ бхзд̣̇абурзгкаарад̇ааяа ‘‘убосат̇ам̣ гаронд̇ассаа’’д̇и аанзд̇ваа яож̇зд̇аб̣б̣ам̣. д̇асса бхигкуно т̇уллажжаяам̣ ход̇и агусалаб̣алавад̇ааяа жа т̇уллажжаяам̣ ход̇ийд̇и. яат̇ааха – ‘‘бхзд̣̇абурзгкаарабаннарасагз агусалаб̣алавад̇ааяа т̇уллажжаяам̣ вуд̇д̇а’’нд̇и (махаава. адта. 176). ваг̇г̇з ваа самаг̇г̇з ваа сан̇гхз самаг̇г̇о ид̇и сан̃н̃ино убосат̇ам̣ гаронд̇асса анаабад̇д̇ийд̇и яож̇анаа. авасзсо банзд̇т̇а вад̇д̇аб̣б̣авинижчаяо бавааран̣авинижчаяаавасаанз ‘‘баарисуд̣̇д̇хиббад̣̇аанзнаа’’д̇иаад̣̇ийхи (ви. ви. 2642) згад̇о вад̇д̇умижчанд̇зна на вуд̇д̇о.
2593.Bhedādhippāyatoti ‘‘nassantete, vinassantete, ko tehi attho’’ti evaṃ bhedapurekkhāratāya ‘‘uposathaṃ karontassā’’ti ānetvā yojetabbaṃ. Tassa bhikkhuno thullaccayaṃ hoti akusalabalavatāya ca thullaccayaṃ hotīti. Yathāha – ‘‘bhedapurekkhārapannarasake akusalabalavatāya thullaccayaṃ vutta’’nti (mahāva. aṭṭha. 176). Vagge vā samagge vā saṅghe samaggo iti saññino uposathaṃ karontassa anāpattīti yojanā. Avaseso panettha vattabbavinicchayo pavāraṇavinicchayāvasāne ‘‘pārisuddhippadānenā’’tiādīhi (vi. vi. 2642) ekato vattumicchantena na vutto.
2594-5. ‘‘угкид̇д̇знаа’’д̇иаад̣̇игаани гаран̣аважананд̇аани бад̣̇аани ‘‘сахаа’’д̇и иминаа сад̣̇д̇хим̣ ‘‘убосат̇о на гаад̇аб̣б̣о’’д̇и бад̣̇зна бажжзгам̣ яож̇зд̇аб̣б̣аани. угкид̇д̇знаад̇и аабад̇д̇ияаа ад̣̇ассанз угкид̇д̇аго, аабад̇д̇ияаа аббадигаммз угкид̇д̇аго, баабигааяа д̣̇идтияаа аббадиниссаг̇г̇з угкид̇д̇агод̇и д̇ивид̇хзна угкид̇д̇зна. зд̇зсу хи д̇ивид̇хз угкид̇д̇агз сад̇и убосат̇ам̣ гаронд̇о сан̇гхо баажид̇д̇ияам̣ аабаж̇ж̇ад̇и.
2594-5.‘‘Ukkhittenā’’tiādikāni karaṇavacanantāni padāni ‘‘sahā’’ti iminā saddhiṃ ‘‘uposatho na kātabbo’’ti padena paccekaṃ yojetabbāni. Ukkhittenāti āpattiyā adassane ukkhittako, āpattiyā appaṭikamme ukkhittako, pāpikāya diṭṭhiyā appaṭinissagge ukkhittakoti tividhena ukkhittena. Etesu hi tividhe ukkhittake sati uposathaṃ karonto saṅgho pācittiyaṃ āpajjati.
‘‘г̇ахадтзнаа’’д̇и иминаа д̇ид̇т̇ияоби сан̇г̇ахид̇о. сзсзхи сахад̇хаммихийд̇и бхигкуний, сигкамаанаа, сааман̣зро, сааман̣зрийд̇и жад̇уухи сахад̇хаммигзхи. жуд̇анигкид̇д̇асигкзхийд̇и зд̇т̇а жуд̇о жа нигкид̇д̇асигко жаад̇и виг̇г̇ахо. жуд̇о наама анд̇имавад̇т̇ум̣ аж̇жхаабаннаго. нигкид̇д̇асигко наама сигкаабажжагкаад̇аго.
‘‘Gahaṭṭhenā’’ti iminā titthiyopi saṅgahito. Sesehi sahadhammihīti bhikkhunī, sikkhamānā, sāmaṇero, sāmaṇerīti catūhi sahadhammikehi. Cutanikkhittasikkhehīti ettha cuto ca nikkhittasikkho cāti viggaho. Cuto nāma antimavatthuṃ ajjhāpannako. Nikkhittasikkho nāma sikkhāpaccakkhātako.
згаад̣̇асахийд̇и бан̣д̣аго, т̇зяяасам̣ваасаго, д̇ид̇т̇ияабагганд̇аго, д̇иражчаанаг̇ад̇о, маад̇угхаад̇аго, бид̇угхаад̇аго, араханд̇агхаад̇аго, бхигкунид̣̇уусаго, сан̇гхабхзд̣̇аго , лохид̇уббаад̣̇аго, убхад̇об̣яан̃ж̇анагод̇и имзхи згаад̣̇асахи абхаб̣б̣зхи.
Ekādasahīti paṇḍako, theyyasaṃvāsako, titthiyapakkantako, tiracchānagato, mātughātako, pitughātako, arahantaghātako, bhikkhunidūsako, saṅghabhedako , lohituppādako, ubhatobyañjanakoti imehi ekādasahi abhabbehi.
сабхааг̇аабад̇д̇игзна ваа саха убосат̇о на гаад̇аб̣б̣о, бааривуд̇т̇зна чанд̣̇зна убосат̇о на гаад̇аб̣б̣о, гарод̇о д̣̇уггадам̣ ход̇ийд̇и яож̇анаа. звам̣ угкид̇д̇аваж̇ж̇ид̇зсу саб̣б̣авигаббзсу д̣̇уггадамзва взд̣̇ид̇аб̣б̣ам̣. ‘‘яам̣ д̣̇взби ж̇анаа вигаалабхож̇анаад̣̇инаа сабхааг̇авад̇т̇унаа аабад̇д̇им̣ аабаж̇ж̇анд̇и, зваруубаа вад̇т̇усабхааг̇аа ‘сабхааг̇аа’д̇и вужжад̇ий’’д̇и (махаава. адта. 169) важанад̇о ‘‘сабхааг̇аабад̇д̇ий’’д̇и вад̇т̇усабхааг̇аабад̇д̇иязва г̇ахзд̇аб̣б̣аа.
Sabhāgāpattikena vā saha uposatho na kātabbo, pārivutthena chandena uposatho na kātabbo, karoto dukkaṭaṃ hotīti yojanā. Evaṃ ukkhittavajjitesu sabbavikappesu dukkaṭameva veditabbaṃ. ‘‘Yaṃ dvepi janā vikālabhojanādinā sabhāgavatthunā āpattiṃ āpajjanti, evarūpā vatthusabhāgā ‘sabhāgā’ti vuccatī’’ti (mahāva. aṭṭha. 169) vacanato ‘‘sabhāgāpattī’’ti vatthusabhāgāpattiyeva gahetabbā.
убосат̇ад̣̇ивасз саб̣б̣ова сан̇гхо сажз сабхааг̇аабад̇д̇им̣ аабанно ход̇и,
Uposathadivase sabbova saṅgho sace sabhāgāpattiṃ āpanno hoti,
‘‘ид̇ха бана, бхигкавз, ан̃н̃ад̇арасмим̣ ааваасз д̇ад̣̇ахубосат̇з саб̣б̣о сан̇гхо сабхааг̇ам̣ аабад̇д̇им̣ аабанно ход̇и, д̇зхи, бхигкавз, бхигкуухи зго бхигку сааманд̇аа ааваасаа саж̇ж̇угам̣ баахзд̇аб̣б̣о ‘г̇ажчаавусо, д̇ам̣ аабад̇д̇им̣ бадигарид̇ваа ааг̇ажча, маяам̣ д̇з санд̇игз д̇ам̣ аабад̇д̇им̣ бадигариссаамаа’д̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о – ‘сун̣аад̇у мз, бханд̇з сан̇гхо, аяам̣ саб̣б̣о сан̇гхо сабхааг̇ам̣ аабад̇д̇им̣ аабанно, яад̣̇аа ан̃н̃ам̣ бхигкум̣ суд̣̇д̇хам̣ анаабад̇д̇игам̣ бассиссад̇и, д̇ад̣̇аа д̇асса санд̇игз д̇ам̣ аабад̇д̇им̣ бадигариссад̇ий’’д̇и (махаава. 171) жа,
‘‘Idha pana, bhikkhave, aññatarasmiṃ āvāse tadahuposathe sabbo saṅgho sabhāgaṃ āpattiṃ āpanno hoti, tehi, bhikkhave, bhikkhūhi eko bhikkhu sāmantā āvāsā sajjukaṃ pāhetabbo ‘gacchāvuso, taṃ āpattiṃ paṭikaritvā āgaccha, mayaṃ te santike taṃ āpattiṃ paṭikarissāmā’ti. Evañcetaṃ labhetha, iccetaṃ kusalaṃ. No ce labhetha, byattena bhikkhunā paṭibalena saṅgho ñāpetabbo – ‘suṇātu me, bhante saṅgho, ayaṃ sabbo saṅgho sabhāgaṃ āpattiṃ āpanno, yadā aññaṃ bhikkhuṃ suddhaṃ anāpattikaṃ passissati, tadā tassa santike taṃ āpattiṃ paṭikarissatī’’ti (mahāva. 171) ca,
взмад̇иго жз ход̇и,
Vematiko ce hoti,
‘‘сун̣аад̇у мз, бханд̇з сан̇гхо, аяам̣ саб̣б̣о сан̇гхо сабхааг̇ааяа аабад̇д̇ияаа взмад̇иго, яад̣̇аа ниб̣б̣змад̇иго бхависсад̇и, д̇ад̣̇аа д̇ам̣ аабад̇д̇им̣ бадигариссад̇ий’’д̇и (махаава. 171) жа,
‘‘Suṇātu me, bhante saṅgho, ayaṃ sabbo saṅgho sabhāgāya āpattiyā vematiko, yadā nibbematiko bhavissati, tadā taṃ āpattiṃ paṭikarissatī’’ti (mahāva. 171) ca,
вуд̇д̇анаязна убосат̇о гаад̇аб̣б̣о.
Vuttanayena uposatho kātabbo.
зд̇т̇а жа саж̇жхуганд̇и д̇ад̣̇ахзвааг̇аманад̇т̇ааяа. г̇ан̣убосат̇аад̣̇ийсуби зсзва наяо. вуд̇д̇ан̃хи адтагат̇ааг̇ан̣тибад̣̇з ‘‘яат̇аа сан̇гхо сабхааг̇ам̣ аабад̇д̇им̣ аабаж̇ж̇ид̇ваа суд̣̇д̇хам̣ алабхид̇ваа ‘яад̣̇аа суд̣̇д̇хам̣ бассиссад̇и, д̇ад̣̇аа д̇асса санд̇игз д̇ам̣ аабад̇д̇им̣ бадигариссад̇ий’д̇и вад̇ваа убосат̇ам̣ гаад̇ум̣ лабхад̇и, звам̣ д̣̇вийхиби ан̃н̃аман̃н̃ам̣ аарожзд̇ваа убосат̇ам̣ гаад̇ум̣ ваддад̇и. згзнааби ‘барисуд̣̇д̇хам̣ лабхид̇ваа бадигариссаамий’д̇и аабхог̇ам̣ гад̇ваа гаад̇ум̣ ваддад̇и гираа’’д̇и. гираад̇и жзд̇т̇а ануссавад̇т̇з д̣̇адтаб̣б̣о, на банааружияам̣.
Ettha ca sajjhukanti tadahevāgamanatthāya. Gaṇuposathādīsupi eseva nayo. Vuttañhi aṭṭhakathāgaṇṭhipade ‘‘yathā saṅgho sabhāgaṃ āpattiṃ āpajjitvā suddhaṃ alabhitvā ‘yadā suddhaṃ passissati, tadā tassa santike taṃ āpattiṃ paṭikarissatī’ti vatvā uposathaṃ kātuṃ labhati, evaṃ dvīhipi aññamaññaṃ ārocetvā uposathaṃ kātuṃ vaṭṭati. Ekenāpi ‘parisuddhaṃ labhitvā paṭikarissāmī’ti ābhogaṃ katvā kātuṃ vaṭṭati kirā’’ti. Kirāti cettha anussavatthe daṭṭhabbo, na panāruciyaṃ.
бааривуд̇т̇зна чанд̣̇знаад̇и чанд̣̇ам̣ аахарид̇ваа гаммам̣ гаад̇ум̣ нисиннзнаби ‘‘асубхалагкан̣ад̇аад̣̇инаа гзнажи гааран̣зна на гариссаамий’’д̇и виссадтз чанд̣̇з сажз буна гариссад̇и, буна чанд̣̇абаарисуд̣̇д̇хим̣ аахарид̇ваа гаад̇аб̣б̣ам̣. яат̇ааха – ‘‘зд̇асмим̣ баариваасияз буна чанд̣̇абаарисуд̣̇д̇хим̣ анаанзд̇ваа гаммам̣ гаад̇ум̣ на ваддад̇ий’’д̇и (махаава. адта. 1167).
Pārivutthena chandenāti chandaṃ āharitvā kammaṃ kātuṃ nisinnenapi ‘‘asubhalakkhaṇatādinā kenaci kāraṇena na karissāmī’’ti vissaṭṭhe chande sace puna karissati, puna chandapārisuddhiṃ āharitvā kātabbaṃ. Yathāha – ‘‘etasmiṃ pārivāsiye puna chandapārisuddhiṃ anānetvā kammaṃ kātuṃ na vaṭṭatī’’ti (mahāva. aṭṭha. 1167).
2596. ад̣̇зсзд̇ваа банаабад̇д̇инд̇и аабаннам̣ аабад̇д̇им̣ ад̣̇зсзд̇ваа. наавигад̇ваана взмад̇инд̇и ‘‘ахам̣, бханд̇з, самб̣ахулаасу аабад̇д̇ийсу взмад̇иго, яад̣̇аа ниб̣б̣змад̇иго бхависсаами, д̇ад̣̇аа д̇аа аабад̇д̇ияо бадигариссаамий’’д̇и вимад̇им̣ анаарожзд̇ваа. ‘‘яад̣̇аа ниб̣б̣змад̇игод̇и зд̇т̇а сажз банзса ниб̣б̣змад̇иго на ход̇и, вад̇т̇ум̣ гид̇д̇зд̇ваава д̣̇зсзд̇ум̣ ваддад̇ий’’д̇и (махаава. адта. 169) анд̇хагадтагат̇ааяам̣ вуд̇д̇ам̣. д̇ад̇рааяам̣ д̣̇зсанаавид̇хи – сажз мзгхажчаннз суурияз ‘‘гаало ну ко, вигаало’’д̇и взмад̇иго бхун̃ж̇ад̇и, д̇зна бхигкунаа ‘‘ахам̣, бханд̇з, взмад̇иго бхун̃ж̇им̣, сажз гаало ад̇т̇и, самб̣ахулаа д̣̇уггадаа аабад̇д̇ияо аабанномхи. но жз ад̇т̇и, самб̣ахулаа баажид̇д̇ияаабад̇д̇ияо аабанномхий’’д̇и звам̣ вад̇т̇ум̣ гид̇д̇зд̇ваа ‘‘ахам̣, бханд̇з, яаа д̇асмим̣ вад̇т̇усмим̣ самб̣ахулаа д̣̇уггадаа ваа баажид̇д̇ияаа ваа аабад̇д̇ияо аабанно, д̇аа д̇умхамуулз бадид̣̇зсзмий’’д̇и вад̇д̇аб̣б̣ам̣. зсзва наяо саб̣б̣аабад̇д̇ийсууд̇и.
2596.Adesetvāpanāpattinti āpannaṃ āpattiṃ adesetvā. Nāvikatvāna vematinti ‘‘ahaṃ, bhante, sambahulāsu āpattīsu vematiko, yadā nibbematiko bhavissāmi, tadā tā āpattiyo paṭikarissāmī’’ti vimatiṃ anārocetvā. ‘‘Yadā nibbematikoti ettha sace panesa nibbematiko na hoti, vatthuṃ kittetvāva desetuṃ vaṭṭatī’’ti (mahāva. aṭṭha. 169) andhakaṭṭhakathāyaṃ vuttaṃ. Tatrāyaṃ desanāvidhi – sace meghacchanne sūriye ‘‘kālo nu kho, vikālo’’ti vematiko bhuñjati, tena bhikkhunā ‘‘ahaṃ, bhante, vematiko bhuñjiṃ, sace kālo atthi, sambahulā dukkaṭā āpattiyo āpannomhi. No ce atthi, sambahulā pācittiyāpattiyo āpannomhī’’ti evaṃ vatthuṃ kittetvā ‘‘ahaṃ, bhante, yā tasmiṃ vatthusmiṃ sambahulā dukkaṭā vā pācittiyā vā āpattiyo āpanno, tā tumhamūle paṭidesemī’’ti vattabbaṃ. Eseva nayo sabbāpattīsūti.
г̇ан̣тибад̣̇зсу банзвам̣ винижчаяо вуд̇д̇о – ‘‘ахам̣, аавусо, ид̇т̇аннаамааяа аабад̇д̇ияаа взмад̇иго, яад̣̇аа ниб̣б̣змад̇иго бхависсаами, д̇ад̣̇аа д̇ам̣ аабад̇д̇им̣ бадигариссаамий’д̇и вад̇ваа убосат̇о гаад̇аб̣б̣о, баад̇имогкам̣ сод̇аб̣б̣а’’нд̇и (махаава. 170) важанад̇о яаава ниб̣б̣змад̇иго на ход̇и, д̇аава сабхааг̇аабад̇д̇им̣ бадиг̇г̇ахзд̇ум̣ на лабхад̇и. ан̃н̃зсан̃жа гаммаанам̣ барисуд̣̇д̇хо наама ход̇и. ‘‘буна ниб̣б̣змад̇иго худ̇ваа д̣̇зсзд̇аб̣б̣амзваа’’д̇и (ган̇каа. абхи. дий. нид̣̇аанаван̣н̣анаа) нзва баал̣ияам̣, на адтагат̇ааяам̣ ад̇т̇и, д̣̇зсид̇з бана на д̣̇осо. ‘‘ид̇о вудтахид̇ваа д̇ам̣ аабад̇д̇им̣ бадигариссаамий’’д̇и (махаава. 170) зд̇т̇ааби зсзва наяод̇и.
Gaṇṭhipadesu panevaṃ vinicchayo vutto – ‘‘ahaṃ, āvuso, itthannāmāya āpattiyā vematiko, yadā nibbematiko bhavissāmi, tadā taṃ āpattiṃ paṭikarissāmī’ti vatvā uposatho kātabbo, pātimokkhaṃ sotabba’’nti (mahāva. 170) vacanato yāva nibbematiko na hoti, tāva sabhāgāpattiṃ paṭiggahetuṃ na labhati. Aññesañca kammānaṃ parisuddho nāma hoti. ‘‘Puna nibbematiko hutvā desetabbamevā’’ti (kaṅkhā. abhi. ṭī. nidānavaṇṇanā) neva pāḷiyaṃ, na aṭṭhakathāyaṃ atthi, desite pana na doso. ‘‘Ito vuṭṭhahitvā taṃ āpattiṃ paṭikarissāmī’’ti (mahāva. 170) etthāpi eseva nayoti.
2597. убосат̇зд̇и д̣̇инагаарагагад̇д̇аб̣б̣аагааравасзна баннарасий, сан̇гхубосат̇о, суд̇д̇уд̣̇д̣̇зсод̇и имзхи д̇ийхи лагкан̣зхи саманнааг̇ад̇з убосат̇з. сабхигкумхаа жа ааваасаад̇и ‘‘яасмим̣ убосат̇з гижжа’’нд̇иаад̣̇инаа вагкамаанаббагаараа сабхигкугаа ааваасаа. ид̇ха ‘‘анааваасаа’’д̇и сзсо. ааваасо ваа анааваасо ваад̇и зд̇т̇а ‘‘абхигкуго ваа наанаасам̣ваасагзхи сабхигкуго ваа’’д̇и жа на г̇анд̇аб̣б̣од̇и зд̇т̇а ‘‘ан̃н̃ад̇ра сан̇гхзна ан̃н̃ад̇ра анд̇арааяаа’’д̇и жа сзсо. ‘‘анааваасо’’д̇и уд̣̇осид̇аад̣̇аяо вуд̇д̇аа. бхигкунаа убосат̇з сабхигкумхаа ааваасаа ваа анааваасаа ваа абхигкуго ваа наанаасам̣ваасагзхи сабхигкуго ваа ааваасо ваа анааваасо ваа ан̃н̃ад̇ра сан̇гхзна ан̃н̃ад̇ра анд̇арааяаа гуд̣̇аажанам̣ гад̣̇аажиби на г̇анд̇аб̣б̣од̇и яож̇анаа.
2597.Uposatheti dinakārakakattabbākāravasena pannarasī, saṅghuposatho, suttuddesoti imehi tīhi lakkhaṇehi samannāgate uposathe. Sabhikkhumhā ca āvāsāti ‘‘yasmiṃ uposathe kicca’’ntiādinā vakkhamānappakārā sabhikkhukā āvāsā. Idha ‘‘anāvāsā’’ti seso. Āvāso vā anāvāso vāti ettha ‘‘abhikkhuko vā nānāsaṃvāsakehi sabhikkhuko vā’’ti ca na gantabboti ettha ‘‘aññatra saṅghena aññatra antarāyā’’ti ca seso. ‘‘Anāvāso’’ti udositādayo vuttā. Bhikkhunā uposathe sabhikkhumhā āvāsā vā anāvāsā vā abhikkhuko vā nānāsaṃvāsakehi sabhikkhuko vā āvāso vā anāvāso vā aññatra saṅghena aññatra antarāyā kudācanaṃ kadācipi na gantabboti yojanā.
2598. яасмим̣ ааваасз бана убосат̇з гижжам̣ сажз вад̇д̇ад̇и, со ааваасо ‘‘сабхигкуго наамаа’’д̇и багаасид̇од̇и яож̇анаа, иминаа сажз яад̇т̇а убосат̇о на вад̇д̇ад̇и, со санд̇зсуби бхигкуусу абхигкуго наамаад̇и д̣̇ийбзд̇и.
2598. Yasmiṃ āvāse pana uposathe kiccaṃ sace vattati, so āvāso ‘‘sabhikkhuko nāmā’’ti pakāsitoti yojanā, iminā sace yattha uposatho na vattati, so santesupi bhikkhūsu abhikkhuko nāmāti dīpeti.
2599. убосат̇асса баяож̇анам̣, д̇аббасан̇г̇зна бавааран̣ааяа жа нид̣̇д̇хаарзд̇угаамад̇ааяааха ‘‘убосат̇о гимад̇т̇ааяаа’’д̇иаад̣̇и.
2599. Uposathassa payojanaṃ, tappasaṅgena pavāraṇāya ca niddhāretukāmatāyāha ‘‘uposatho kimatthāyā’’tiādi.
2600. бадиггосзяяаад̇и ниваарзяяа. ад̣̇знд̇ассаби д̣̇уггаданд̇и зд̇т̇а ‘‘гобзд̇ум̣ д̇хаммигам̣ гамма’’нд̇и аанзд̇ваа самб̣анд̇хид̇аб̣б̣ам̣.
2600.Paṭikkoseyyāti nivāreyya. Adentassapi dukkaṭanti ettha ‘‘kopetuṃ dhammikaṃ kamma’’nti ānetvā sambandhitabbaṃ.
2601. со жаад̇и (ган̇каа. адта. нид̣̇аанаван̣н̣анаа) жад̇уваг̇г̇аад̣̇иббабхзд̣̇зна бан̃жавид̇хо со сан̇гхо жа. хздтимабарижчзд̣̇зна гад̇д̇аб̣б̣агаммаанам̣ васзна барид̣̇ийбид̇о, на чаб̣б̣аг̇г̇аад̣̇ийнам̣ гаад̇ум̣ аяуд̇д̇ад̇аад̣̇ассанавасзна.
2601.So cāti (kaṅkhā. aṭṭha. nidānavaṇṇanā) catuvaggādippabhedena pañcavidho so saṅgho ca. Heṭṭhimaparicchedena kattabbakammānaṃ vasena paridīpito, na chabbaggādīnaṃ kātuṃ ayuttatādassanavasena.
2602. жад̇уваг̇г̇аад̣̇ибхзд̣̇аниб̣анд̇ханам̣ гаммам̣ д̣̇ассзд̇умааха ‘‘бавааран̣а’’нд̇иаад̣̇и. бавааран̣ан̃жа д̇ат̇аа аб̣бхаанан̃жа убасамбад̣̇ан̃жа табзд̇ваа жад̇уваг̇г̇зна агад̇д̇аб̣б̣ам̣ гаммам̣ на виж̇ж̇ад̇ийд̇и яож̇анаа.
2602. Catuvaggādibhedanibandhanaṃ kammaṃ dassetumāha ‘‘pavāraṇa’’ntiādi. Pavāraṇañca tathā abbhānañca upasampadañca ṭhapetvā catuvaggena akattabbaṃ kammaṃ na vijjatīti yojanā.
2603. маж̇жхад̣̇зсз убасамбад̣̇аа маж̇жхад̣̇зсуубасамбад̣̇аа, д̇ам̣. аб̣бхаанам̣, маж̇жхад̣̇зсуубасамбад̣̇ан̃жа винаа бан̃жаваг̇г̇зна саб̣б̣ам̣ гаммам̣ гаад̇ум̣ ваддад̇ийд̇и яож̇анаа.
2603. Majjhadese upasampadā majjhadesūpasampadā, taṃ. Abbhānaṃ, majjhadesūpasampadañca vinā pañcavaggena sabbaṃ kammaṃ kātuṃ vaṭṭatīti yojanā.
2604. гин̃жиби гаммам̣ на на гад̇д̇аб̣б̣анд̇и яож̇анаа, саб̣б̣амби гаммам̣ гад̇д̇аб̣б̣амзваад̇и ад̇т̇о. д̣̇вз бадисзд̇хаа багад̇ад̇т̇ам̣ г̇амаяанд̇ийд̇и. вийсад̇иваг̇г̇зна сан̇гхзна саб̣б̣зсамби гаммаанам̣ гад̇д̇аб̣б̣абхаавз гимад̇т̇ам̣ ад̇ирзгавийсад̇иваг̇г̇асса г̇ахан̣анд̇и ааха ‘‘уунз д̣̇осод̇и н̃аабзд̇ум̣, наад̇хигз ад̇ирзгад̇аа’’д̇и. яат̇аавуд̇д̇з жад̇уб̣б̣ид̇хз сан̇гхз г̇ан̣анад̇о уунз д̣̇осо ход̇и, ад̇хигз д̣̇осо на ход̇ийд̇и н̃аабзд̇ум̣ ад̇ирзгад̇аа д̣̇ассид̇аа, ад̇ирзгавийсад̇иваг̇г̇асан̇гхо д̣̇ассид̇од̇и ад̇хиббааяо.
2604. Kiñcipi kammaṃ na na kattabbanti yojanā, sabbampi kammaṃ kattabbamevāti attho. Dve paṭisedhā pakatatthaṃ gamayantīti. Vīsativaggena saṅghena sabbesampi kammānaṃ kattabbabhāve kimatthaṃ atirekavīsativaggassa gahaṇanti āha ‘‘ūne dosoti ñāpetuṃ, nādhike atirekatā’’ti. Yathāvutte catubbidhe saṅghe gaṇanato ūne doso hoti, adhike doso na hotīti ñāpetuṃ atirekatā dassitā, atirekavīsativaggasaṅgho dassitoti adhippāyo.
2605. жад̇уваг̇г̇зна гад̇д̇аб̣б̣з багад̇ад̇д̇аава жад̇д̇ааро гаммаббад̇д̇аад̇и д̣̇ийбид̇аад̇и яож̇анаа. сзсаа багад̇ад̇д̇аа чанд̣̇аарахаад̇и сзсо. багад̇ад̇д̇аад̇и анугкид̇д̇аа жзва анд̇имавад̇т̇ум̣ анаж̇жхаабаннаа жа г̇ахзд̇аб̣б̣аа. сзсзсу жаад̇и бан̃жаваг̇г̇аад̣̇ийсуби.
2605. Catuvaggena kattabbe pakatattāva cattāro kammappattāti dīpitāti yojanā. Sesā pakatattā chandārahāti seso. Pakatattāti anukkhittā ceva antimavatthuṃ anajjhāpannā ca gahetabbā. Sesesu cāti pañcavaggādīsupi.
2606. жад̇уваг̇г̇аад̣̇игад̇д̇аб̣б̣агаммам̣ асам̣ваасабуг̇г̇алам̣ г̇ан̣абуурам̣ гад̇ваа гаронд̇асса д̣̇уггадам̣ ход̇и. на гзвалам̣ д̣̇уггадамзва, гад̇ан̃жа гаммам̣ губбад̇ийд̇и яож̇анаа.
2606.Catuvaggādikattabbakammaṃ asaṃvāsapuggalaṃ gaṇapūraṃ katvā karontassa dukkaṭaṃ hoti. Na kevalaṃ dukkaṭameva, katañca kammaṃ kuppatīti yojanā.
2607. бариваасаад̣̇ийд̇и зд̇т̇а аад̣̇и-сад̣̇д̣̇зна муулааяабадигассанаад̣̇ийнам̣ г̇ахан̣ам̣. д̇ад̇радтанд̇и бариваасаад̣̇ийсу тид̇ам̣. ‘‘д̇ат̇аа’’д̇и иминаа ‘‘гад̇ам̣ губбад̇и д̣̇уггада’’нд̇и ид̣̇ам̣ анувад̇д̇зд̇и. сзсам̣ д̇ууд̇и бариваасаад̣̇игаммад̇о ан̃н̃ам̣ бана убосат̇аад̣̇игаммам̣ . ваддад̇ийд̇и д̇з баариваасигаад̣̇аяо г̇ан̣абуурагз гад̇ваа гаад̇ум̣ ваддад̇и.
2607.Parivāsādīti ettha ādi-saddena mūlāyapaṭikassanādīnaṃ gahaṇaṃ. Tatraṭṭhanti parivāsādīsu ṭhitaṃ. ‘‘Tathā’’ti iminā ‘‘kataṃ kuppati dukkaṭa’’nti idaṃ anuvatteti. Sesaṃ tūti parivāsādikammato aññaṃ pana uposathādikammaṃ . Vaṭṭatīti te pārivāsikādayo gaṇapūrake katvā kātuṃ vaṭṭati.
убосат̇агканд̇хагагат̇ааван̣н̣анаа.
Uposathakkhandhakakathāvaṇṇanā.
