Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā

    25. убосат̇абавааран̣аавинижчаяагат̇аа

    25. Uposathapavāraṇāvinicchayakathā

    168. звам̣ сиймаавинижчаяам̣ гат̇зд̇ваа ид̣̇аани убосат̇абавааран̣аавинижчаяам̣ гат̇зд̇ум̣ ‘‘убосат̇абавааран̣аад̇и зд̇т̇а’’д̇яаад̣̇имааха. д̇ад̇т̇а убосат̇асад̣̇д̣̇о д̇аава –

    168. Evaṃ sīmāvinicchayaṃ kathetvā idāni uposathapavāraṇāvinicchayaṃ kathetuṃ ‘‘uposathapavāraṇāti ettha’’tyādimāha. Tattha uposathasaddo tāva –

    ‘‘уд̣̇д̣̇зсз баад̇имогкасса, бан̣н̣ад̇д̇ияамубосат̇о;

    ‘‘Uddese pātimokkhassa, paṇṇattiyamuposatho;

    убаваасз жа адтан̇г̇з, убосат̇ад̣̇инз сияаа’’д̇и. –

    Upavāse ca aṭṭhaṅge, uposathadine siyā’’ti. –

    важанад̇о баад̇имогкуд̣̇д̣̇зсз бан̣н̣ад̇д̇ияам̣ убаваасз адтан̇г̇асийлз убосат̇ад̣̇инз жа вад̇д̇ад̇и. д̇ат̇аа хзса ‘‘ааяаамаавусо габбина убосат̇ам̣ г̇амиссаамаа’’д̇иаад̣̇ийсу (д̣̇ий. ни. адта. 1.150; ма. ни. адта. 3.85) баад̇имогкуд̣̇д̣̇зсз ааг̇ад̇о, ‘‘убосат̇о наама нааг̇арааж̇аа’’д̇иаад̣̇ийсу (д̣̇ий. ни. 2.246) бан̣н̣ад̇д̇ияам̣, ‘‘суд̣̇д̇хасса вз сад̣̇аа пзг̇г̇у, суд̣̇д̇хасса убосат̇о сад̣̇аа’’д̇иаад̣̇ийсу (ма. ни. 1.79) убаваасз, ‘‘звам̣ адтан̇г̇асаманнааг̇ад̇о ко, висаакз, убосат̇о убавуд̇т̇о’’д̇иаад̣̇ийсу (а. ни. 8.43) адтан̇г̇асийлз. ‘‘на, бхигкавз, убосат̇з сабхигкугааааваасаа абхигкуго ааваасо’’д̇иаад̣̇ийсу (баажи. 1048) убосат̇ад̣̇инз вад̇д̇ад̇и. ‘‘баарисуд̣̇д̇хиубосат̇о ад̇хидтаанубосат̇о’’д̇иаад̣̇ийсу баарисуд̣̇д̇хиад̇хидтаанзсуби вад̇д̇ад̇и. д̇з бана баад̇имогкуд̣̇д̣̇зсз анд̇ог̇ад̇хаад̇и гад̇ваа висум̣ на вуд̇д̇аа. ид̇ха бана баад̇имогкуд̣̇д̣̇зсз убосат̇ад̣̇инз жа вад̇д̇ад̇и. д̇ад̇т̇а баад̇имогкуд̣̇д̣̇зсз убавасанам̣ убосат̇о, сийлзна убзд̇аа худ̇ваа васананд̇яад̇т̇о. убосат̇ад̣̇инз убавасанд̇и зд̇т̇аад̇и убосат̇о, зд̇асмим̣ д̣̇ивасз сийлзна убзд̇аа худ̇ваа васанд̇ийд̇яад̇т̇о.

    Vacanato pātimokkhuddese paṇṇattiyaṃ upavāse aṭṭhaṅgasīle uposathadine ca vattati. Tathā hesa ‘‘āyāmāvuso kappina uposathaṃ gamissāmā’’tiādīsu (dī. ni. aṭṭha. 1.150; ma. ni. aṭṭha. 3.85) pātimokkhuddese āgato, ‘‘uposatho nāma nāgarājā’’tiādīsu (dī. ni. 2.246) paṇṇattiyaṃ, ‘‘suddhassa ve sadā pheggu, suddhassa uposatho sadā’’tiādīsu (ma. ni. 1.79) upavāse, ‘‘evaṃ aṭṭhaṅgasamannāgato kho, visākhe, uposatho upavuttho’’tiādīsu (a. ni. 8.43) aṭṭhaṅgasīle. ‘‘Na, bhikkhave, uposathe sabhikkhukāāvāsā abhikkhuko āvāso’’tiādīsu (pāci. 1048) uposathadine vattati. ‘‘Pārisuddhiuposatho adhiṭṭhānuposatho’’tiādīsu pārisuddhiadhiṭṭhānesupi vattati. Te pana pātimokkhuddese antogadhāti katvā visuṃ na vuttā. Idha pana pātimokkhuddese uposathadine ca vattati. Tattha pātimokkhuddese upavasanaṃ uposatho, sīlena upetā hutvā vasanantyattho. Uposathadine upavasanti etthāti uposatho, etasmiṃ divase sīlena upetā hutvā vasantītyattho.

    бавааран̣аа-сад̣̇д̣̇о бана ‘‘бавааран̣аа бадигкзбз, гат̇ид̇ааж̇жхзсанааяа жаа’’д̇и абхид̇хаанаббад̣̇ийбигааяам̣ важанад̇о бадигкзбз аж̇жхзсанз жа вад̇д̇ад̇и. д̇ад̇т̇а ‘‘яо бана бхигку бхуд̇д̇аавий баваарид̇о анад̇ирид̇д̇ам̣ каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияа’’нд̇иаад̣̇ийсу (баажи. 238) бадигкзбз, ‘‘сан̇гхо баваарзяяаа’’д̇иаад̣̇ийсу (махаава. 210) аж̇жхзсанз, ‘‘аж̇ж̇абавааран̣аа жаад̇уд̣̇д̣̇асий’’д̇иаад̣̇ийсу (махаава. адта. 212) бавааран̣аад̣̇ивасз. со бана аж̇жхзсанад̣̇ивасоязваад̇и висум̣ на вуд̇д̇о. ид̇ха бана аж̇жхзсанз вад̇д̇ад̇и, д̇асмаа баваарийяад̇з бавааран̣аа, багаарзна ижчийяад̇зд̇яад̇т̇о. ба-буб̣б̣а варад̇хаад̇у жураад̣̇иг̇ан̣игааяам̣.

    Pavāraṇā-saddo pana ‘‘pavāraṇā paṭikkhepe, kathitājjhesanāya cā’’ti abhidhānappadīpikāyaṃ vacanato paṭikkhepe ajjhesane ca vattati. Tattha ‘‘yo pana bhikkhu bhuttāvī pavārito anatirittaṃ khādanīyaṃ vā bhojanīyaṃ vā khādeyya vā bhuñjeyya vā, pācittiya’’ntiādīsu (pāci. 238) paṭikkhepe, ‘‘saṅgho pavāreyyā’’tiādīsu (mahāva. 210) ajjhesane, ‘‘ajjapavāraṇā cātuddasī’’tiādīsu (mahāva. aṭṭha. 212) pavāraṇādivase. So pana ajjhesanadivasoyevāti visuṃ na vutto. Idha pana ajjhesane vattati, tasmā pavārīyate pavāraṇā, pakārena icchīyatetyattho. Pa-pubba varadhātu curādigaṇikāyaṃ.

    зд̇т̇а жа гин̃жааби баал̣ияам̣ убосат̇агканд̇хагаананд̇арам̣ вассуубанааяигагканд̇хаго, д̇ад̣̇ананд̇арам̣ бавааран̣агканд̇хаго сан̇г̇ийд̇о, д̇ат̇ааби убосат̇абавааран̣агаммаанам̣ язбхуяязна самаанад̇д̇аа яамагамива бхууд̇ад̇д̇аа миссзд̇ваа гат̇знд̇о сувин̃н̃зяяо ход̇и саллахугаг̇ант̇о жаад̇и манд̇ваа канд̇хагад̣̇ваяасан̇г̇ахид̇ам̣ ад̇т̇ам̣ згзнзва барижчзд̣̇зна д̣̇ассзд̇и аажарияо. д̇ад̇т̇а жаад̇уд̣̇д̣̇асиго баннарасиго саамаг̇г̇ийубосат̇од̇и д̣̇ивасавасзна д̇аяо убосат̇аа хонд̇ийд̇и самб̣анд̇хо. жад̇уд̣̇д̣̇асияам̣ нияуд̇д̇о жаад̇уд̣̇д̣̇асиго, звам̣ баннарасиго. саамаг̇г̇ийубосат̇о наама сан̇гхасаамаг̇г̇игад̣̇ивасз гаад̇аб̣б̣аубосат̇о. хзманд̇аг̇имхавассаанам̣ д̇ин̣н̣ам̣ уд̇уунанд̇и зд̇т̇а хзманд̇ауд̇у наама абарагад̇д̇игагаал̣абагкасса баадибад̣̇ад̇о бадтааяа паг̇г̇унабун̣н̣амабарияосаанаа жад̇д̇ааро маасаа. г̇имхауд̇у наама паг̇г̇унасса гаал̣абагкабаадибад̣̇ад̇о бадтааяа аасаал̣хибун̣н̣амабарияосаанаа жад̇д̇ааро маасаа. вассаанауд̇у наама аасаал̣хасса гаал̣абагкабаадибад̣̇ад̇о бадтааяа абарагад̇д̇игабун̣н̣амабарияосаанаа жад̇д̇ааро маасаа. д̇ад̇ияасад̇д̇амабагкзсу д̣̇вз д̣̇вз гад̇ваа ча жаад̇уд̣̇д̣̇асигаад̇и хзманд̇асса уд̇уно д̇ад̇ияз жа сад̇д̇амз жа багкз д̣̇вз жаад̇уд̣̇д̣̇асигаа, миг̇асирамаасасса гаал̣абагкз, маагхамаасасса гаал̣абагкз жаад̇и ад̇т̇о. звам̣ г̇имхасса уд̇уно д̇ад̇ияз жид̇д̇амаасасса гаал̣абагкз сад̇д̇амз ж̇здтамаасасса гаал̣абагкз жа, вассаанасса уд̇уно д̇ад̇ияз сааван̣асса гаал̣абагкз жа сад̇д̇амз ассаяуж̇амаасасса гаал̣абагкз жаад̇и ад̇т̇о. сзсаа баннарасигаад̇и сзсаа адтаараса баннарасигаа.

    Ettha ca kiñcāpi pāḷiyaṃ uposathakkhandhakānantaraṃ vassūpanāyikakkhandhako, tadanantaraṃ pavāraṇakkhandhako saṅgīto, tathāpi uposathapavāraṇakammānaṃ yebhuyyena samānattā yamakamiva bhūtattā missetvā kathento suviññeyyo hoti sallahukagantho cāti mantvā khandhakadvayasaṅgahitaṃ atthaṃ ekeneva paricchedena dasseti ācariyo. Tattha cātuddasiko pannarasiko sāmaggīuposathoti divasavasena tayo uposathā hontīti sambandho. Catuddasiyaṃ niyutto cātuddasiko, evaṃ pannarasiko. Sāmaggīuposatho nāma saṅghasāmaggikadivase kātabbauposatho. Hemantagimhavassānaṃ tiṇṇaṃ utūnanti ettha hemantautu nāma aparakattikakāḷapakkhassa pāṭipadato paṭṭhāya phaggunapuṇṇamapariyosānā cattāro māsā. Gimhautu nāma phaggunassa kāḷapakkhapāṭipadato paṭṭhāya āsāḷhipuṇṇamapariyosānā cattāro māsā. Vassānautu nāma āsāḷhassa kāḷapakkhapāṭipadato paṭṭhāya aparakattikapuṇṇamapariyosānā cattāro māsā. Tatiyasattamapakkhesu dve dve katvā cha cātuddasikāti hemantassa utuno tatiye ca sattame ca pakkhe dve cātuddasikā, migasiramāsassa kāḷapakkhe, māghamāsassa kāḷapakkhe cāti attho. Evaṃ gimhassa utuno tatiye cittamāsassa kāḷapakkhe sattame jeṭṭhamāsassa kāḷapakkhe ca, vassānassa utuno tatiye sāvaṇassa kāḷapakkhe ca sattame assayujamāsassa kāḷapakkhe cāti attho. Sesā pannarasikāti sesā aṭṭhārasa pannarasikā.

    ход̇и жзд̇т̇а –

    Hoti cettha –

    ‘‘гад̇д̇игасса жа гаал̣амхаа;

    ‘‘Kattikassa ca kāḷamhā;

    яаава паг̇г̇унабун̣н̣амаа;

    Yāva phaggunapuṇṇamā;

    хзманд̇агаалод̇и вин̃н̃зяяо;

    Hemantakāloti viññeyyo;

    адта хонд̇и убосат̇аа.

    Aṭṭha honti uposathā.

    ‘‘паг̇г̇унасса жа гаал̣амхаа;

    ‘‘Phaggunassa ca kāḷamhā;

    яаава аасаал̣хибун̣н̣амаа;

    Yāva āsāḷhipuṇṇamā;

    г̇имхагаалод̇и вин̃н̃зяяо;

    Gimhakāloti viññeyyo;

    адта хонд̇и убосат̇аа.

    Aṭṭha honti uposathā.

    ‘‘аасаал̣хасса жа гаал̣амхаа;

    ‘‘Āsāḷhassa ca kāḷamhā;

    яаава гад̇д̇игабун̣н̣амаа;

    Yāva kattikapuṇṇamā;

    вассагаалод̇и вин̃н̃зяяо;

    Vassakāloti viññeyyo;

    адта хонд̇и убосат̇аа.

    Aṭṭha honti uposathā.

    ‘‘уд̇уунам̣ бана д̇ин̣н̣аннам̣, багкз д̇ад̇ияасад̇д̇амз;

    ‘‘Utūnaṃ pana tiṇṇannaṃ, pakkhe tatiyasattame;

    жад̇уд̣̇д̣̇асод̇и баад̇имогкам̣, уд̣̇д̣̇исанд̇и наяан̃н̃уно’’д̇и. (ган̇каа. абхи. дий. нид̣̇аанаван̣н̣анаа);

    Catuddasoti pātimokkhaṃ, uddisanti nayaññuno’’ti. (kaṅkhā. abhi. ṭī. nidānavaṇṇanā);

    звам̣ згасам̣важчарз жад̇увийсад̇и убосат̇аад̇и звам̣ иминаа вуд̇д̇анаязна хзманд̇аад̣̇ийнам̣ д̇ин̣н̣ам̣ уд̇уунам̣ згзгасмим̣ уд̇умхи бажжзгам̣ адтаадтаубосат̇ад̇д̇аа уд̇уд̇д̇аяасамод̇хаанабхууд̇з згасмим̣ сам̣важчарз жад̇увийсад̇и убосат̇аа хонд̇ийд̇и ад̇т̇о. ид̣̇ам̣ д̇аава багад̇ижаарид̇д̇анд̇и ид̣̇ам̣ згасмим̣ сам̣важчарз чажаад̇уд̣̇д̣̇асигаадтаарасабаннарасигаубосат̇агаран̣ам̣ д̇аава батамам̣ багад̇ияаа сабхаавзна жаарид̇д̇ам̣ гаад̇аб̣б̣ам̣ гаммам̣ ход̇и, на б̣ахуд̇арааваасигаад̣̇инаа гааран̣зна гаад̇аб̣б̣анд̇и ад̇т̇о.

    Evaṃ ekasaṃvacchare catuvīsati uposathāti evaṃ iminā vuttanayena hemantādīnaṃ tiṇṇaṃ utūnaṃ ekekasmiṃ utumhi paccekaṃ aṭṭhaaṭṭhauposathattā ututtayasamodhānabhūte ekasmiṃ saṃvacchare catuvīsati uposathā hontīti attho. Idaṃ tāva pakaticārittanti idaṃ ekasmiṃ saṃvacchare chacātuddasikaaṭṭhārasapannarasikauposathakaraṇaṃ tāva paṭhamaṃ pakatiyā sabhāvena cārittaṃ kātabbaṃ kammaṃ hoti, na bahutarāvāsikādinā kāraṇena kātabbanti attho.

    д̇ат̇ааруубабажжаяз сад̇и ан̃н̃асмимби жаад̇уд̣̇д̣̇асз убосат̇ам̣ гаад̇ум̣ ваддад̇ийд̇и ‘‘сагим̣ багкасса жаад̇уд̣̇д̣̇асз ваа баннарасз ваа баад̇имогкам̣ уд̣̇д̣̇исид̇у’’нд̇и (махаава. 136) важанад̇о ‘‘яо бана ааг̇анд̇угзхи ааваасигаанам̣ анувад̇д̇ид̇аб̣б̣а’’нд̇иаад̣̇иважанад̇о (махаава. 178) жа д̇ат̇ааруубабажжаяз сад̇и ан̃н̃асмимби жаад̇уд̣̇д̣̇асз убосат̇ам̣ гаад̇ум̣ ваддад̇ийд̇и ад̇т̇о. д̇ад̇т̇а сагинд̇и згаваарам̣. ааваасигаанам̣ анувад̇д̇ид̇аб̣б̣анд̇и ааваасигзхи ‘‘аж̇ж̇убосат̇о жаад̇уд̣̇д̣̇асо’’д̇и буб̣б̣агижжз гарияамаанз анувад̇д̇ид̇аб̣б̣ам̣, на бадиггосид̇аб̣б̣ам̣. аад̣̇и-сад̣̇д̣̇зна ‘‘ааваасигзхи ааг̇анд̇угаанам̣ анувад̇д̇ид̇аб̣б̣а’’нд̇и важанам̣, ‘‘ануж̇аанаами, бхигкавз, д̇зхи бхигкуухи д̣̇вз д̇аяо убосат̇з жаад̇уд̣̇д̣̇асигз гаад̇ум̣, гат̇ам̣ маяам̣ д̇зхи бхигкуухи батамад̇арам̣ баваарзяяаамаа’’д̇и (махаава. 240) важанан̃жа сан̇г̇ан̣хаад̇и. зд̇т̇а жа батамасуд̇д̇асса згзгасса уд̇уно д̇ад̇ияасад̇д̇амабагкасса жаад̇уд̣̇д̣̇асз ваа авасзсасса баннарасз ваа сагим̣ баад̇имогкам̣ уд̣̇д̣̇исид̇аб̣б̣анд̇и. багад̇ижаарид̇д̇авасзнаби ад̇т̇асамбхавад̇о ‘‘ааг̇анд̇угзхий’’д̇иаад̣̇ийни суд̇д̇аани д̣̇ассид̇аанийд̇и взд̣̇ид̇аб̣б̣ам̣. д̇ат̇ааруубабажжаяз сад̇ийд̇и ан̃н̃асмимби жаад̇уд̣̇д̣̇асз убосат̇ам̣ гаад̇ум̣ ануруубз ааваасигаа б̣ахуд̇араа хонд̇ийд̇и звамаад̣̇игз бажжаяз сад̇и. ан̃н̃асмимби жаад̇уд̣̇д̣̇асзд̇и д̇ин̣н̣ам̣ уд̇уунам̣ д̇ад̇ияасад̇д̇амабагкажаад̇уд̣̇д̣̇асад̇о ан̃н̃асмим̣ жаад̇уд̣̇д̣̇асз.

    Tathārūpapaccayesati aññasmimpi cātuddase uposathaṃ kātuṃ vaṭṭatīti ‘‘sakiṃ pakkhassa cātuddase vā pannarase vā pātimokkhaṃ uddisitu’’nti (mahāva. 136) vacanato ‘‘yo pana āgantukehi āvāsikānaṃ anuvattitabba’’ntiādivacanato (mahāva. 178) ca tathārūpapaccaye sati aññasmimpi cātuddase uposathaṃ kātuṃ vaṭṭatīti attho. Tattha sakinti ekavāraṃ. Āvāsikānaṃ anuvattitabbanti āvāsikehi ‘‘ajjuposatho cātuddaso’’ti pubbakicce kariyamāne anuvattitabbaṃ, na paṭikkositabbaṃ. Ādi-saddena ‘‘āvāsikehi āgantukānaṃ anuvattitabba’’nti vacanaṃ, ‘‘anujānāmi, bhikkhave, tehi bhikkhūhi dve tayo uposathe cātuddasike kātuṃ, kathaṃ mayaṃ tehi bhikkhūhi paṭhamataraṃ pavāreyyāmā’’ti (mahāva. 240) vacanañca saṅgaṇhāti. Ettha ca paṭhamasuttassa ekekassa utuno tatiyasattamapakkhassa cātuddase vā avasesassa pannarase vā sakiṃ pātimokkhaṃ uddisitabbanti. Pakaticārittavasenapi atthasambhavato ‘‘āgantukehī’’tiādīni suttāni dassitānīti veditabbaṃ. Tathārūpapaccaye satīti aññasmimpi cātuddase uposathaṃ kātuṃ anurūpe āvāsikā bahutarā hontīti evamādike paccaye sati. Aññasmimpi cātuddaseti tiṇṇaṃ utūnaṃ tatiyasattamapakkhacātuddasato aññasmiṃ cātuddase.

    д̇ад̇рааяам̣ баал̣и (махаава. 178) –

    Tatrāyaṃ pāḷi (mahāva. 178) –

    ‘‘ид̇ха бана, бхигкавз, ааваасигаанам̣ бхигкуунам̣ жаад̇уд̣̇д̣̇асо ход̇и, ааг̇анд̇угаанам̣ баннарасо. сажз ааваасигаа б̣ахуд̇араа хонд̇и, ааг̇анд̇угзхи ааваасигаанам̣ анувад̇д̇ид̇аб̣б̣ам̣. сажз самасамаа хонд̇и, ааг̇анд̇угзхи ааваасигаанам̣ анувад̇д̇ид̇аб̣б̣ам̣. сажз ааг̇анд̇угаа б̣ахуд̇араа хонд̇и, ааваасигзхи ааг̇анд̇угаанам̣ анувад̇д̇ид̇аб̣б̣ам̣.

    ‘‘Idha pana, bhikkhave, āvāsikānaṃ bhikkhūnaṃ cātuddaso hoti, āgantukānaṃ pannaraso. Sace āvāsikā bahutarā honti, āgantukehi āvāsikānaṃ anuvattitabbaṃ. Sace samasamā honti, āgantukehi āvāsikānaṃ anuvattitabbaṃ. Sace āgantukā bahutarā honti, āvāsikehi āgantukānaṃ anuvattitabbaṃ.

    ‘‘ид̇ха бана, бхигкавз, ааваасигаанам̣ бхигкуунам̣ баннарасо ход̇и, ааг̇анд̇угаанам̣ жаад̇уд̣̇д̣̇асо. сажз ааваасигаа б̣ахуд̇араа хонд̇и, ааг̇анд̇угзхи ааваасигаанам̣ анувад̇д̇ид̇аб̣б̣ам̣. сажз самасамаа хонд̇и, ааг̇анд̇угзхи ааваасигаанам̣ анувад̇д̇ид̇аб̣б̣ам̣. сажз ааг̇анд̇угаа б̣ахуд̇араа хонд̇и, ааваасигзхи ааг̇анд̇угаанам̣ анувад̇д̇ид̇аб̣б̣ам̣.

    ‘‘Idha pana, bhikkhave, āvāsikānaṃ bhikkhūnaṃ pannaraso hoti, āgantukānaṃ cātuddaso. Sace āvāsikā bahutarā honti, āgantukehi āvāsikānaṃ anuvattitabbaṃ. Sace samasamā honti, āgantukehi āvāsikānaṃ anuvattitabbaṃ. Sace āgantukā bahutarā honti, āvāsikehi āgantukānaṃ anuvattitabbaṃ.

    ‘‘ид̇ха бана, бхигкавз, ааваасигаанам̣ бхигкуунам̣ баадибад̣̇о ход̇и, ааг̇анд̇угаанам̣ баннарасо. сажз ааваасигаа б̣ахуд̇араа хонд̇и, ааваасигзхи ааг̇анд̇угаанам̣ наагаамаа д̣̇аад̇аб̣б̣аа саамаг̇г̇ий, ааг̇анд̇угзхи ниссиймам̣ г̇анд̇ваа убосат̇о гаад̇аб̣б̣о. сажз самасамаа хонд̇и, ааваасигзхи ааг̇анд̇угаанам̣ наагаамаа д̣̇аад̇аб̣б̣аа саамаг̇г̇ий, ааг̇анд̇угзхи ниссиймам̣ г̇анд̇ваа убосат̇о гаад̇аб̣б̣о. сажз ааг̇анд̇угаа б̣ахуд̇араа хонд̇и, ааваасигзхи ааг̇анд̇угаанам̣ саамаг̇г̇ий ваа д̣̇аад̇аб̣б̣аа, ниссиймам̣ ваа г̇анд̇аб̣б̣ам̣.

    ‘‘Idha pana, bhikkhave, āvāsikānaṃ bhikkhūnaṃ pāṭipado hoti, āgantukānaṃ pannaraso. Sace āvāsikā bahutarā honti, āvāsikehi āgantukānaṃ nākāmā dātabbā sāmaggī, āgantukehi nissīmaṃ gantvā uposatho kātabbo. Sace samasamā honti, āvāsikehi āgantukānaṃ nākāmā dātabbā sāmaggī, āgantukehi nissīmaṃ gantvā uposatho kātabbo. Sace āgantukā bahutarā honti, āvāsikehi āgantukānaṃ sāmaggī vā dātabbā, nissīmaṃ vā gantabbaṃ.

    ‘‘ид̇ха бана, бхигкавз, ааваасигаанам̣ бхигкуунам̣ баннарасо ход̇и, ааг̇анд̇угаанам̣ баадибад̣̇о. сажз ааваасигаа б̣ахуд̇араа хонд̇и, ааг̇анд̇угзхи ааваасигаанам̣ саамаг̇г̇ий ваа д̣̇аад̇аб̣б̣аа, ниссиймам̣ ваа г̇анд̇аб̣б̣ам̣. сажз самасамаа хонд̇и, ааг̇анд̇угзхи ааваасигаанам̣ саамаг̇г̇ий ваа д̣̇аад̇аб̣б̣аа, ниссиймам̣ ваа г̇анд̇аб̣б̣ам̣. сажз ааг̇анд̇угаа б̣ахуд̇араа хонд̇и, ааг̇анд̇угзхи ааваасигаанам̣ наагаамаа д̣̇аад̇аб̣б̣аа саамаг̇г̇ий, ааваасигзхи ниссиймам̣ г̇анд̇ваа убосат̇о гаад̇аб̣б̣о’’д̇и.

    ‘‘Idha pana, bhikkhave, āvāsikānaṃ bhikkhūnaṃ pannaraso hoti, āgantukānaṃ pāṭipado. Sace āvāsikā bahutarā honti, āgantukehi āvāsikānaṃ sāmaggī vā dātabbā, nissīmaṃ vā gantabbaṃ. Sace samasamā honti, āgantukehi āvāsikānaṃ sāmaggī vā dātabbā, nissīmaṃ vā gantabbaṃ. Sace āgantukā bahutarā honti, āgantukehi āvāsikānaṃ nākāmā dātabbā sāmaggī, āvāsikehi nissīmaṃ gantvā uposatho kātabbo’’ti.

    д̇ад̇рааяам̣ адтагат̇аа (махаава. адта. 178) –

    Tatrāyaṃ aṭṭhakathā (mahāva. aṭṭha. 178) –

    ааваасигаанам̣ бхигкуунам̣ жаад̇уд̣̇д̣̇асо ход̇и, ааг̇анд̇угаанам̣ баннарасод̇и зд̇т̇а язсам̣ баннарасо, д̇з д̇ирорадтад̇о ваа ааг̇ад̇аа, ад̇ийд̇ам̣ ваа убосат̇ам̣ жаад̇уд̣̇д̣̇асигам̣ агам̣сууд̇и взд̣̇ид̇аб̣б̣аа. ааваасигаанам̣ анувад̇д̇ид̇аб̣б̣анд̇и ааваасигзхи ‘‘аж̇ж̇убосат̇о жаад̇уд̣̇д̣̇асо’’д̇и буб̣б̣агижжз гарияамаанз анувад̇д̇ид̇аб̣б̣ам̣, на бадиггосид̇аб̣б̣ам̣. наагаамаа д̣̇аад̇аб̣б̣аад̇и на анижчааяа д̣̇аад̇аб̣б̣аад̇и.

    Āvāsikānaṃbhikkhūnaṃ cātuddaso hoti, āgantukānaṃ pannarasoti ettha yesaṃ pannaraso, te tiroraṭṭhato vā āgatā, atītaṃ vā uposathaṃ cātuddasikaṃ akaṃsūti veditabbā. Āvāsikānaṃ anuvattitabbanti āvāsikehi ‘‘ajjuposatho cātuddaso’’ti pubbakicce kariyamāne anuvattitabbaṃ, na paṭikkositabbaṃ. Nākāmā dātabbāti na anicchāya dātabbāti.

    ‘‘ануж̇аанаами бхигкавз’’д̇иаад̣̇имхи аяам̣ бавааран̣агканд̇хагааг̇ад̇аа баал̣и (махаава. 240) – ид̇ха бана, бхигкавз, самб̣ахулаа санд̣̇идтаа самбхад̇д̇аа бхигкуу ан̃н̃ад̇арасмим̣ ааваасз вассам̣ убаг̇ажчанд̇и, д̇зсам̣ сааманд̇аа ан̃н̃з бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа вассам̣ убаг̇ажчанд̇и ‘‘маяам̣ д̇зсам̣ бхигкуунам̣ вассам̣вуд̇т̇аанам̣ бавааран̣ааяа бавааран̣ам̣ табзссаамаа’’д̇и. ануж̇аанаами, бхигкавз, д̇зхи бхигкуухи д̣̇вз д̇аяо убосат̇з жаад̇уд̣̇д̣̇асигз гаад̇ум̣, гат̇ам̣ маяам̣ д̇зхи бхигкуухи батамад̇арам̣ баваарзяяаамаад̇и.

    ‘‘Anujānāmi bhikkhave’’tiādimhi ayaṃ pavāraṇakkhandhakāgatā pāḷi (mahāva. 240) – idha pana, bhikkhave, sambahulā sandiṭṭhā sambhattā bhikkhū aññatarasmiṃ āvāse vassaṃ upagacchanti, tesaṃ sāmantā aññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā vassaṃ upagacchanti ‘‘mayaṃ tesaṃ bhikkhūnaṃ vassaṃvutthānaṃ pavāraṇāya pavāraṇaṃ ṭhapessāmā’’ti. Anujānāmi, bhikkhave, tehi bhikkhūhi dve tayo uposathe cātuddasike kātuṃ, kathaṃ mayaṃ tehi bhikkhūhi paṭhamataraṃ pavāreyyāmāti.

    д̇ад̇рааяам̣ адтагат̇аа (махаава. адта. 240) – д̣̇вз д̇аяо убосат̇з жаад̇уд̣̇д̣̇асигз гаад̇унд̇и зд̇т̇а жад̇уд̇т̇абан̃жамаа д̣̇вз, д̇ад̇ияо бана багад̇ияааби жаад̇уд̣̇д̣̇асигоязваад̇и, д̇асмаа д̇ад̇ияажад̇уд̇т̇аа ваа д̇ад̇ияажад̇уд̇т̇абан̃жамаа ваа д̣̇вз д̇аяо жаад̇уд̣̇д̣̇асигаа гаад̇аб̣б̣аа. ат̇а жад̇уд̇т̇з гад̇з сун̣анд̇и, бан̃жамо жаад̇уд̣̇д̣̇асиго гаад̇аб̣б̣о, звамби д̣̇вз жаад̇уд̣̇д̣̇асигаа хонд̇и. звам̣ гаронд̇аа бхан̣д̣анагаарагаанам̣ д̇зрасз ваа жаад̇уд̣̇д̣̇асз ваа имз баннарасийбавааран̣ам̣ баваарзссанд̇ийд̇и.

    Tatrāyaṃ aṭṭhakathā (mahāva. aṭṭha. 240) – dve tayo uposathe cātuddasike kātunti ettha catutthapañcamā dve, tatiyo pana pakatiyāpi cātuddasikoyevāti, tasmā tatiyacatutthā vā tatiyacatutthapañcamā vā dve tayo cātuddasikā kātabbā. Atha catutthe kate suṇanti, pañcamo cātuddasiko kātabbo, evampi dve cātuddasikā honti. Evaṃ karontā bhaṇḍanakārakānaṃ terase vā cātuddase vā ime pannarasīpavāraṇaṃ pavāressantīti.

    д̇ад̇т̇а аяам̣ саарад̇т̇ад̣̇ийбанийбаато (саарад̇т̇а. дий. махааваг̇г̇а 3.240) – жад̇уд̇т̇з гад̇з сун̣анд̇ийд̇и жад̇уд̇т̇з баннарасигубосат̇з гад̇з амхаагам̣ бавааран̣ам̣ табзссанд̇ийд̇и сун̣анд̇и. звамби д̣̇вз жаад̇уд̣̇д̣̇асигаа хонд̇ийд̇и д̇ад̇иязна сад̣̇д̇хим̣ д̣̇вз жаад̇уд̣̇д̣̇асигаа хонд̇ийд̇и.

    Tattha ayaṃ sāratthadīpanīpāṭho (sārattha. ṭī. mahāvagga 3.240) – catutthe kate suṇantīti catutthe pannarasikuposathe kate amhākaṃ pavāraṇaṃ ṭhapessantīti suṇanti. Evampi dve cātuddasikā hontīti tatiyena saddhiṃ dve cātuddasikā hontīti.

    д̇ад̇рааяам̣ вимад̇ивинод̣̇анийбаато (ви. ви. дий. махааваг̇г̇а 2.240) – д̣̇вз жаад̇уд̣̇д̣̇асигаа хонд̇ийд̇и д̇ад̇ияабагкз жаад̇уд̣̇д̣̇асияаа сад̣̇д̇хим̣ д̣̇вз жаад̇уд̣̇д̣̇асигаа хонд̇и. бхан̣д̣анагаарагаанам̣ д̇зрасз ваа жаад̇уд̣̇д̣̇асз ваа имз баннарасийбавааран̣ам̣ баваарзссанд̇ийд̇и иминаа яат̇аасагам̣ убосат̇агаран̣ад̣̇ивасад̇о бадтааяа бхигкуунам̣ жаад̇уд̣̇д̣̇асийбаннарасийвохааро, на жанд̣̇аг̇ад̇исид̣̇д̇хияаа д̇ит̇ияаа васзнаад̇и д̣̇ассзд̇и. гин̃жааби звам̣ ‘‘ануж̇аанаами, бхигкавз, рааж̇уунам̣ анувад̇д̇ид̇у’’нд̇и (махаава. 186) важанад̇о банзд̇т̇а логияаанам̣ д̇ит̇им̣ анувад̇д̇анд̇зхиби ад̇д̇ано убосат̇аггамзна жаад̇уд̣̇д̣̇асим̣ баннарасим̣ ваа баннарасим̣ жаад̇уд̣̇д̣̇асим̣ ваа гаронд̇зхзва анувад̇д̇ид̇аб̣б̣ам̣, на бана сол̣асамад̣̇ивасам̣ ваа д̇зрасамад̣̇ивасам̣ ваа убосат̇ад̣̇ивасам̣ гаронд̇зхи. д̇знзва баал̣ияамби (махаава. 240) ‘‘д̣̇вз д̇аяо убосат̇з жаад̇уд̣̇д̣̇асигз гаад̇у’’нд̇и вуд̇д̇ам̣. ан̃н̃ат̇аа ‘‘д̣̇ваад̣̇асияам̣, д̇зрасияам̣ ваа убосат̇о гаад̇аб̣б̣о’’д̇и вад̇д̇аб̣б̣ад̇о. ‘‘сагим̣ багкасса жаад̇уд̣̇д̣̇асз ваа баннарасз ваа’’д̇иаад̣̇иважанамби (махаава. 136) убавуд̇д̇аггамзнзва вуд̇д̇ам̣, на д̇ит̇иггамзнаад̇и г̇ахзд̇аб̣б̣анд̇и.

    Tatrāyaṃ vimativinodanīpāṭho (vi. vi. ṭī. mahāvagga 2.240) – dve cātuddasikā hontīti tatiyapakkhe cātuddasiyā saddhiṃ dve cātuddasikā honti. Bhaṇḍanakārakānaṃ terase vā cātuddase vā ime pannarasīpavāraṇaṃ pavāressantīti iminā yathāsakaṃ uposathakaraṇadivasato paṭṭhāya bhikkhūnaṃ cātuddasīpannarasīvohāro, na candagatisiddhiyā tithiyā vasenāti dasseti. Kiñcāpi evaṃ ‘‘anujānāmi, bhikkhave, rājūnaṃ anuvattitu’’nti (mahāva. 186) vacanato panettha lokiyānaṃ tithiṃ anuvattantehipi attano uposathakkamena cātuddasiṃ pannarasiṃ vā pannarasiṃ cātuddasiṃ vā karonteheva anuvattitabbaṃ, na pana soḷasamadivasaṃ vā terasamadivasaṃ vā uposathadivasaṃ karontehi. Teneva pāḷiyampi (mahāva. 240) ‘‘dve tayo uposathe cātuddasike kātu’’nti vuttaṃ. Aññathā ‘‘dvādasiyaṃ, terasiyaṃ vā uposatho kātabbo’’ti vattabbato. ‘‘Sakiṃ pakkhassa cātuddase vā pannarase vā’’tiādivacanampi (mahāva. 136) upavuttakkameneva vuttaṃ, na tithikkamenāti gahetabbanti.

    на гзвалам̣ убосат̇ад̣̇ивасааязва д̇аяо хонд̇и, ат̇а ко бавааран̣аад̣̇ивасаабийд̇и ааха ‘‘буримавассам̣вуд̇т̇аанам̣ банаа’’д̇иаад̣̇и. мааид̇и жанд̣̇о вужжад̇и д̇асса г̇ад̇ияаа д̣̇ивасасса минид̇аб̣б̣ад̇о, со зд̇т̇а саб̣б̣агалаабабаарибуурияаа бун̣н̣од̇и бун̣н̣амаа. буб̣б̣агад̇д̇игааяа бун̣н̣амаа буб̣б̣агад̇д̇игабун̣н̣амаа, ассаяуж̇абун̣н̣амаа. саа хи бажчимагад̇д̇игам̣ нивад̇д̇зд̇ум̣ звам̣ вуд̇д̇аа. д̇зсам̣язваад̇и буримавассам̣вуд̇т̇аанам̣язва. бхан̣д̣анагаарагзхийд̇и галахагаарагзхи. бажжуггад̣дханд̇ийд̇и уггад̣дханд̇и, бхан̣д̣анагаарагз ануваад̣̇авасзна ассаяуж̇абун̣н̣амаад̣̇им̣ барижжаж̇анд̇аа бавааран̣ам̣ гаал̣абагкам̣ ж̇ун̣хабагканд̇и уд̣̇д̇хам̣ гад̣дханд̇ийд̇и ад̇т̇о, ‘‘сун̣анд̇у мз, ааяасманд̇о ааваасигаа, яад̣̇ааяасманд̇аанам̣ бад̇д̇агаллам̣, ид̣̇аани убосат̇ам̣ гарзяяаама, баад̇имогкам̣ уд̣̇д̣̇исзяяаама, ааг̇амз гаал̣з баваарзяяаамаа’’д̇и, ‘‘сун̣анд̇у мз, ааяасманд̇о ааваасигаа, яад̣̇ааяасманд̇аанам̣ бад̇д̇агаллам̣, ид̣̇аани убосат̇ам̣ гарзяяаама, баад̇имогкам̣ уд̣̇д̣̇исзяяаама, ааг̇амз ж̇ун̣хз баваарзяяаамаа’’д̇и (махаава. 240) жа звам̣ н̃ад̇д̇ияаа бавааран̣ам̣ уд̣̇д̇хам̣ гад̣дханд̇ийд̇и вуд̇д̇ам̣ ход̇и.

    Na kevalaṃ uposathadivasāyeva tayo honti, atha kho pavāraṇādivasāpīti āha ‘‘purimavassaṃvutthānaṃ panā’’tiādi. Māiti cando vuccati tassa gatiyā divasassa minitabbato, so ettha sabbakalāpapāripūriyā puṇṇoti puṇṇamā. Pubbakattikāya puṇṇamā pubbakattikapuṇṇamā, assayujapuṇṇamā. Sā hi pacchimakattikaṃ nivattetuṃ evaṃ vuttā. Tesaṃyevāti purimavassaṃvutthānaṃyeva. Bhaṇḍanakārakehīti kalahakārakehi. Paccukkaḍḍhantīti ukkaḍḍhanti, bhaṇḍanakārake anuvādavasena assayujapuṇṇamādiṃ pariccajantā pavāraṇaṃ kāḷapakkhaṃ juṇhapakkhanti uddhaṃ kaḍḍhantīti attho, ‘‘suṇantu me, āyasmanto āvāsikā, yadāyasmantānaṃ pattakallaṃ, idāni uposathaṃ kareyyāma, pātimokkhaṃ uddiseyyāma, āgame kāḷe pavāreyyāmā’’ti, ‘‘suṇantu me, āyasmanto āvāsikā, yadāyasmantānaṃ pattakallaṃ, idāni uposathaṃ kareyyāma, pātimokkhaṃ uddiseyyāma, āgame juṇhe pavāreyyāmā’’ti (mahāva. 240) ca evaṃ ñattiyā pavāraṇaṃ uddhaṃ kaḍḍhantīti vuttaṃ hoti.

    ат̇аад̇и ананд̇арад̇т̇з нибаад̇о. жад̇уд̣̇д̣̇асаннам̣ бууран̣о жаад̇уд̣̇д̣̇асо, д̣̇ивасо. яам̣ санд̇хааяа ‘‘ааг̇амз гаал̣з баваарзяяаамаа’’д̇и н̃ад̇д̇им̣ табаяим̣су. бажчимагад̇д̇игабун̣н̣амаа ваад̇и гомуд̣̇ижаад̇умаасинибун̣н̣амад̣̇ивасо ваа. яам̣ санд̇хааяа ‘‘ааг̇амз ж̇ун̣хз баваарзяяаамаа’’д̇и н̃ад̇д̇им̣ табаяим̣су. д̇асмим̣ бана ааг̇амз ж̇ун̣хз гомуд̣̇ияаа жаад̇умаасинияаа авассам̣ баваарзд̇аб̣б̣ам̣. на хи д̇ам̣ ад̇иггамид̇ваа баваарзд̇ум̣ лаб̣бхад̇и. вуд̇д̇ан̃хзд̇ам̣ ‘‘д̇з жз, бхигкавз, бхигкуу бхан̣д̣анагаарагаа галахагаарагаа виваад̣̇агаарагаа бхассагаарагаа сан̇гхз ад̇хигаран̣агаарагаа д̇амби ж̇ун̣хам̣ анувасзяяум̣. д̇зхи, бхигкавз, бхигкуухи саб̣б̣зхзва ааг̇амз ж̇ун̣хз гомуд̣̇ияаа жаад̇умаасинияаа агаамаа баваарзд̇аб̣б̣а’’нд̇и (махаава. 240). д̇знзвааха ‘‘бажчимавассам̣вуд̇т̇аанан̃жа бажчимагад̇д̇игабун̣н̣амаа зва ваа’’д̇и. яад̣̇и хи д̇ам̣ ад̇иггамид̇ваа баваарзяяа, д̣̇уггадаабад̇д̇им̣ аабаж̇ж̇зяяум̣. вуд̇д̇ан̃хзд̇ам̣ ‘‘на жа, бхигкавз, абавааран̣ааяа баваарзд̇аб̣б̣ам̣ ан̃н̃ад̇ра сан̇гхасаамаг̇г̇ияаа’’д̇и (махаава. 233). висуд̣̇д̇хибавааран̣ааяог̇ад̇о бавааран̣аад̣̇ивасаа. би-сад̣̇д̣̇зна на гзвалам̣ бавааран̣аад̣̇ивасаава , ат̇а ко д̇ад̣̇ан̃н̃з убосат̇ад̣̇ивасааби хонд̇ийд̇и д̣̇ассзд̇и. ид̣̇амбийд̇и бавааран̣ад̇д̇аяамби. д̇ат̇ааруубабажжаязд̇и б̣ахуд̇арааваасигаад̣̇ибажжаяз. д̣̇виннам̣ гад̇д̇игабун̣н̣амаананд̇и буб̣б̣агад̇д̇игабажчимагад̇д̇игасан̇каад̇аанам̣ д̣̇виннам̣ ассаяуж̇агомуд̣̇ибун̣н̣амаанам̣.

    Athāti anantaratthe nipāto. Catuddasannaṃ pūraṇo cātuddaso, divaso. Yaṃ sandhāya ‘‘āgame kāḷe pavāreyyāmā’’ti ñattiṃ ṭhapayiṃsu. Pacchimakattikapuṇṇamā vāti komudicātumāsinipuṇṇamadivaso vā. Yaṃ sandhāya ‘‘āgame juṇhe pavāreyyāmā’’ti ñattiṃ ṭhapayiṃsu. Tasmiṃ pana āgame juṇhe komudiyā cātumāsiniyā avassaṃ pavāretabbaṃ. Na hi taṃ atikkamitvā pavāretuṃ labbhati. Vuttañhetaṃ ‘‘te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā tampi juṇhaṃ anuvaseyyuṃ. Tehi, bhikkhave, bhikkhūhi sabbeheva āgame juṇhe komudiyā cātumāsiniyā akāmā pavāretabba’’nti (mahāva. 240). Tenevāha ‘‘pacchimavassaṃvutthānañca pacchimakattikapuṇṇamā eva vā’’ti. Yadi hi taṃ atikkamitvā pavāreyya, dukkaṭāpattiṃ āpajjeyyuṃ. Vuttañhetaṃ ‘‘na ca, bhikkhave, apavāraṇāya pavāretabbaṃ aññatra saṅghasāmaggiyā’’ti (mahāva. 233). Visuddhipavāraṇāyogato pavāraṇādivasā. Pi-saddena na kevalaṃ pavāraṇādivasāva , atha kho tadaññe uposathadivasāpi hontīti dasseti. Idampīti pavāraṇattayampi. Tathārūpapaccayeti bahutarāvāsikādipaccaye. Dvinnaṃ kattikapuṇṇamānanti pubbakattikapacchimakattikasaṅkhātānaṃ dvinnaṃ assayujakomudipuṇṇamānaṃ.

    ид̣̇аани яо со саамаг̇г̇иубосат̇ад̣̇ивасо вуд̇д̇о, д̇ан̃жа д̇аббасан̇г̇зна саамаг̇г̇ибавааран̣аад̣̇ивасан̃жа д̣̇ассзнд̇о ‘‘яад̣̇аа банаа’’д̇иаад̣̇имааха. д̇ад̇т̇а осаарид̇з д̇асмим̣ бхигкусминд̇и угкид̇д̇агз бхигкусмим̣ осаарид̇з, д̇ам̣ г̇ахзд̇ваа сиймам̣ г̇анд̇ваа аабад̇д̇им̣ д̣̇зсаабзд̇ваа гаммаваажааяа гаммабадиббассад̣̇д̇хивасзна бавзсид̇зд̇и вуд̇д̇ам̣ ход̇и. д̇асса вад̇т̇уссаад̇и д̇асса ад̇хигаран̣асса. д̇ад̣̇аа табзд̇ваа жуд̣̇д̣̇асабаннарасз ан̃н̃о яо гожи д̣̇ивасо убосат̇ад̣̇ивасо наама ход̇ийд̇и самб̣анд̇хо. гасмаад̇и ааха ‘‘д̇аавад̣̇зва убосат̇о гаад̇аб̣б̣о. ‘баад̇имогкам̣ уд̣̇д̣̇исид̇аб̣б̣а’нд̇и важанад̇о’’д̇и. д̇ад̇т̇а д̇аавад̣̇зваад̇и д̇ам̣ д̣̇ивасамзва. важанад̇од̇и госамб̣агагканд̇хагз (махаава. 475) вуд̇д̇ад̇д̇аа. яад̇ра бана бад̇д̇ажийвараад̣̇ийнам̣ ад̇т̇ааяа аббамад̇д̇агзна гааран̣зна вивад̣̇анд̇аа убосат̇ам̣ ваа бавааран̣ам̣ ваа табзнд̇и, д̇ад̇т̇а д̇асмим̣ ад̇хигаран̣з винижчид̇з ‘‘самаг̇г̇аа ж̇аад̇амхаа’’д̇и анд̇араа саамаг̇г̇иубосат̇ам̣ гаад̇ум̣ на лабханд̇и, гаронд̇зхи анубосат̇з убосат̇о гад̇о наама ход̇и.

    Idāni yo so sāmaggiuposathadivaso vutto, tañca tappasaṅgena sāmaggipavāraṇādivasañca dassento ‘‘yadā panā’’tiādimāha. Tattha osārite tasmiṃ bhikkhusminti ukkhittake bhikkhusmiṃ osārite, taṃ gahetvā sīmaṃ gantvā āpattiṃ desāpetvā kammavācāya kammapaṭippassaddhivasena pavesiteti vuttaṃ hoti. Tassa vatthussāti tassa adhikaraṇassa. Tadā ṭhapetvā cuddasapannarase añño yo koci divaso uposathadivaso nāma hotīti sambandho. Kasmāti āha ‘‘tāvadeva uposatho kātabbo. ‘Pātimokkhaṃ uddisitabba’nti vacanato’’ti. Tattha tāvadevāti taṃ divasameva. Vacanatoti kosambakakkhandhake (mahāva. 475) vuttattā. Yatra pana pattacīvarādīnaṃ atthāya appamattakena kāraṇena vivadantā uposathaṃ vā pavāraṇaṃ vā ṭhapenti, tattha tasmiṃ adhikaraṇe vinicchite ‘‘samaggā jātamhā’’ti antarā sāmaggiuposathaṃ kātuṃ na labhanti, karontehi anuposathe uposatho kato nāma hoti.

    гад̇д̇игамаасаб̣бханд̇арзд̇и зд̇т̇а гад̇д̇игамаасо наама буб̣б̣агад̇д̇игамаасасса гаал̣абагкабаадибад̣̇ад̇о бадтааяа яаава абарагад̇д̇игабун̣н̣амаа, д̇аава згуунад̇им̣сарад̇д̇ид̣̇иваа, д̇асса аб̣бханд̇арз. д̇ад̇о бурз ваа бана бажчаа ваа ваддад̇и. аяамзваад̇и яо гожи д̣̇ивасоязва. ид̇хааби госамб̣агагканд̇хагз саамаг̇г̇ияаа сад̣̇исаава саамаг̇г̇ий взд̣̇ид̇аб̣б̣аа. яз бана гисмин̃жид̣̇зва аббамад̇д̇агз бавааран̣ам̣ табзд̇ваа самаг̇г̇аа хонд̇и, д̇зхи бавааран̣ааяамзва бавааран̣аа гаад̇аб̣б̣аа, д̇аавад̣̇зва на гаад̇аб̣б̣аа, гаронд̇зхи абавааран̣ааяа бавааран̣аа гад̇аа наама ход̇и, ‘‘на гаад̇аб̣б̣ааязваа’’д̇и нияамзна яад̣̇и гарод̇и, д̣̇уггаданд̇и д̣̇ассзд̇и. д̇ад̇т̇а хи убосат̇агаран̣з д̣̇уггадам̣. вуд̇д̇ан̃хзд̇ам̣ ‘‘на, бхигкавз, анубосат̇з убосат̇о гаад̇аб̣б̣о ан̃н̃ад̇ра сан̇гхасаамаг̇г̇ияаа’’д̇и (махаава. 183).

    Kattikamāsabbhantareti ettha kattikamāso nāma pubbakattikamāsassa kāḷapakkhapāṭipadato paṭṭhāya yāva aparakattikapuṇṇamā, tāva ekūnatiṃsarattidivā, tassa abbhantare. Tato pure vā pana pacchā vā vaṭṭati. Ayamevāti yo koci divasoyeva. Idhāpi kosambakakkhandhake sāmaggiyā sadisāva sāmaggī veditabbā. Ye pana kismiñcideva appamattake pavāraṇaṃ ṭhapetvā samaggā honti, tehi pavāraṇāyameva pavāraṇā kātabbā, tāvadeva na kātabbā, karontehi apavāraṇāya pavāraṇā katā nāma hoti, ‘‘na kātabbāyevā’’ti niyamena yadi karoti, dukkaṭanti dasseti. Tattha hi uposathakaraṇe dukkaṭaṃ. Vuttañhetaṃ ‘‘na, bhikkhave, anuposathe uposatho kātabbo aññatra saṅghasāmaggiyā’’ti (mahāva. 183).

    169. сан̇гхз убосат̇о наама згасиймааяам̣ саннибад̇ид̇зна жад̇уваг̇г̇аад̣̇исан̇гхзна гад̇д̇аб̣б̣о убосат̇о, со жа баад̇имогкуд̣̇д̣̇зсоязва. г̇ан̣з убосат̇о наама згасиймааяам̣ саннибад̇ид̇зхи д̣̇вийхи, д̇ийхи ваа бхигкуухи гад̇д̇аб̣б̣о убосат̇о, со жа баарисуд̣̇д̇хиубосат̇оязва. буг̇г̇алз убосат̇о наама згасиймааяам̣ нисиннзна згзна бхигкунаа гад̇д̇аб̣б̣о убосат̇о, со жа ад̇хидтаанубосат̇оязва. д̇знааха ‘‘гаарагавасзна абарзби д̇аяо убосат̇аа’’д̇и. гад̇д̇аб̣б̣аагааравасзна вуд̇д̇зсу д̇ийсу убосат̇зсу суд̇д̇уд̣̇д̣̇зсо наама баад̇имогкуд̣̇д̣̇зсо. со д̣̇увид̇хо оваад̣̇абаад̇имогкуд̣̇д̣̇зсо жа аан̣аабаад̇имогкуд̣̇д̣̇зсо жа. д̇ад̇ра оваад̣̇ова баад̇имогкам̣, д̇асса уд̣̇д̣̇зсо саруубзна гат̇анам̣ оваад̣̇абаад̇имогкуд̣̇д̣̇зсо. ‘‘имасмим̣ вийд̇иггамз аяам̣ наама аабад̇д̇ий’’д̇и звам̣ аабад̇д̇ивасзна аан̣аабанам̣ бан̃н̃аабанам̣ аан̣аа. сзсам̣ ананд̇арасад̣̇исамзва.

    169.Saṅghe uposatho nāma ekasīmāyaṃ sannipatitena catuvaggādisaṅghena kattabbo uposatho, so ca pātimokkhuddesoyeva. Gaṇe uposatho nāma ekasīmāyaṃ sannipatitehi dvīhi, tīhi vā bhikkhūhi kattabbo uposatho, so ca pārisuddhiuposathoyeva. Puggale uposatho nāma ekasīmāyaṃ nisinnena ekena bhikkhunā kattabbo uposatho, so ca adhiṭṭhānuposathoyeva. Tenāha ‘‘kārakavasena aparepi tayo uposathā’’ti. Kattabbākāravasena vuttesu tīsu uposathesu suttuddeso nāma pātimokkhuddeso. So duvidho ovādapātimokkhuddeso ca āṇāpātimokkhuddeso ca. Tatra ovādova pātimokkhaṃ, tassa uddeso sarūpena kathanaṃ ovādapātimokkhuddeso. ‘‘Imasmiṃ vītikkame ayaṃ nāma āpattī’’ti evaṃ āpattivasena āṇāpanaṃ paññāpanaṃ āṇā. Sesaṃ anantarasadisameva.

    д̇ад̇т̇а оваад̣̇абаад̇имогкуд̣̇д̣̇зсо наама –

    Tattha ovādapātimokkhuddeso nāma –

    ‘‘канд̇и барамам̣ д̇або д̇ид̇игкаа;

    ‘‘Khanti paramaṃ tapo titikkhā;

    ниб̣б̣аанам̣ барамам̣ вад̣̇анд̇и б̣уд̣̇д̇хаа;

    Nibbānaṃ paramaṃ vadanti buddhā;

    на хи баб̣б̣аж̇ид̇о баруубагхаад̇ий;

    Na hi pabbajito parūpaghātī;

    на саман̣о ход̇и барам̣ вихзтаяанд̇о.

    Na samaṇo hoti paraṃ viheṭhayanto.

    ‘‘саб̣б̣абаабасса агаран̣ам̣, гусаласса убасамбад̣̇аа;

    ‘‘Sabbapāpassa akaraṇaṃ, kusalassa upasampadā;

    сажид̇д̇абарияод̣̇абанам̣, зд̇ам̣ б̣уд̣̇д̇хаана саасанам̣.

    Sacittapariyodapanaṃ, etaṃ buddhāna sāsanaṃ.

    ‘‘анубаваад̣̇о анубагхаад̇о, баад̇имогкз жа сам̣варо;

    ‘‘Anupavādo anupaghāto, pātimokkhe ca saṃvaro;

    мад̇д̇ан̃н̃уд̇аа жа бхад̇д̇асмим̣, банд̇ан̃жа саяанаасанам̣;

    Mattaññutā ca bhattasmiṃ, pantañca sayanāsanaṃ;

    ад̇хижид̇д̇з жа ааяог̇о, зд̇ам̣ б̣уд̣̇д̇хаана саасана’’нд̇и. (д̣̇ий. ни. 2.90; д̇ха. ба. 183-185) –

    Adhicitte ca āyogo, etaṃ buddhāna sāsana’’nti. (dī. ni. 2.90; dha. pa. 183-185) –

    имаа д̇иссо г̇аат̇аа.

    Imā tisso gāthā.

    д̇ад̇т̇а канд̇и барамам̣ д̇абод̇и ад̇хиваасанаканд̇и наама барамам̣ д̇або. д̇ид̇игкаад̇и канд̇ияаа зва взважанам̣, д̇ид̇игкаасан̇каад̇аа ад̇хиваасанаканд̇и уд̇д̇амам̣ д̇абод̇и ад̇т̇о. ниб̣б̣аанам̣ барамам̣ вад̣̇анд̇ийд̇и саб̣б̣аагаарзна бана ниб̣б̣аанам̣ бараманд̇и вад̣̇анд̇и б̣уд̣̇д̇хаа. на хи баб̣б̣аж̇ид̇о баруубагхаад̇ийд̇и яо ад̇хиваасанаканд̇ивирахид̇ад̇д̇аа барам̣ убагхаад̇зд̇и б̣аад̇хад̇и вихим̣сад̇и, со баб̣б̣аж̇ид̇о наама на ход̇и . жад̇уд̇т̇абаад̣̇о бана д̇ассзва взважанам̣. ‘‘на хи баб̣б̣аж̇ид̇о’’д̇и зд̇асса хи на саман̣о ход̇ийд̇и взважанам̣. ‘‘баруубагхаад̇ий’’д̇и зд̇асса барам̣ вихзтаяанд̇од̇и взважанам̣. ат̇а ваа баруубагхаад̇ийд̇и сийлуубагхаад̇ий. сийлан̃хи уд̇д̇амадтзна баранд̇и вужжад̇и. яо жа саман̣о барам̣ яам̣ ган̃жи сад̇д̇ам̣ вихзтаяанд̇о баруубагхаад̇ий ход̇и ад̇д̇ано сийлавинаасаго, со баб̣б̣аж̇ид̇о наама на ход̇ийд̇и ад̇т̇о. ат̇а ваа яо ад̇хиваасанаканд̇ияаа абхааваа баруубагхаад̇ий ход̇и, барам̣ анд̇амасо д̣ам̣самагасамби сан̃жижжа ж̇ийвид̇аа воробзд̇и, со на хи баб̣б̣аж̇ид̇о. гим̣ гааран̣аа? маласса абаб̣б̣аж̇ид̇ад̇д̇аа. ‘‘баб̣б̣ааж̇аяамад̇д̇ано малам̣, д̇асмаа ‘баб̣б̣аж̇ид̇о’д̇и вужжад̇ий’’д̇и (д̇ха. ба. 388) ид̣̇ан̃хи баб̣б̣аж̇ид̇алагкан̣ам̣. яоби на хзва ко убагхаад̇зд̇и на маарзд̇и, абижа д̣̇ан̣д̣аад̣̇ийхи вихзтзд̇и, соби барам̣ вихзтаяанд̇о на саман̣о ход̇и. гим̣гааран̣аа? вихзсааяа асамид̇ад̇д̇аа. ‘‘самид̇ад̇д̇аа хи баабаанам̣, саман̣од̇и бавужжад̇ий’’д̇и (д̇ха. ба. 265) ид̣̇ан̃хи саман̣алагкан̣ам̣.

    Tattha khanti paramaṃ tapoti adhivāsanakhanti nāma paramaṃ tapo. Titikkhāti khantiyā eva vevacanaṃ, titikkhāsaṅkhātā adhivāsanakhanti uttamaṃ tapoti attho. Nibbānaṃ paramaṃ vadantīti sabbākārena pana nibbānaṃ paramanti vadanti buddhā. Na hi pabbajito parūpaghātīti yo adhivāsanakhantivirahitattā paraṃ upaghāteti bādhati vihiṃsati, so pabbajito nāma na hoti . Catutthapādo pana tasseva vevacanaṃ. ‘‘Na hi pabbajito’’ti etassa hi na samaṇo hotīti vevacanaṃ. ‘‘Parūpaghātī’’ti etassa paraṃ viheṭhayantoti vevacanaṃ. Atha vā parūpaghātīti sīlūpaghātī. Sīlañhi uttamaṭṭhena paranti vuccati. Yo ca samaṇo paraṃ yaṃ kañci sattaṃ viheṭhayanto parūpaghātī hoti attano sīlavināsako, so pabbajito nāma na hotīti attho. Atha vā yo adhivāsanakhantiyā abhāvā parūpaghātī hoti, paraṃ antamaso ḍaṃsamakasampi sañcicca jīvitā voropeti, so na hi pabbajito. Kiṃ kāraṇā? Malassa apabbajitattā. ‘‘Pabbājayamattano malaṃ, tasmā ‘pabbajito’ti vuccatī’’ti (dha. pa. 388) idañhi pabbajitalakkhaṇaṃ. Yopi na heva kho upaghāteti na māreti, apica daṇḍādīhi viheṭheti, sopi paraṃ viheṭhayanto na samaṇo hoti. Kiṃkāraṇā? Vihesāya asamitattā. ‘‘Samitattā hi pāpānaṃ, samaṇoti pavuccatī’’ti (dha. pa. 265) idañhi samaṇalakkhaṇaṃ.

    д̣̇уд̇ияаг̇аат̇ааяа саб̣б̣абаабассаад̇и саб̣б̣аагусаласса. агаран̣анд̇и ануббаад̣̇анам̣. гусалассаад̇и жад̇убхуумагагусаласса. убасамбад̣̇аад̇и убасамбаад̣̇анам̣ бадилаабхо. сажид̇д̇абарияод̣̇абананд̇и ад̇д̇ано жид̇д̇асса вод̣̇аабанам̣ бабхассарабхаавагаран̣ам̣ саб̣б̣асо барисод̇ханам̣, д̇ам̣ бана арахад̇д̇зна ход̇и, ид̇и сийласам̣варзна саб̣б̣абаабам̣ бахааяа логияалогуд̇д̇араахи самат̇авибассанаахи гусалам̣ самбаад̣̇зд̇ваа арахад̇д̇апалзна жид̇д̇ам̣ барияод̣̇абзд̇аб̣б̣анд̇и зд̇ам̣ б̣уд̣̇д̇хаана саасанам̣ оваад̣̇о анусидти.

    Dutiyagāthāya sabbapāpassāti sabbākusalassa. Akaraṇanti anuppādanaṃ. Kusalassāti catubhūmakakusalassa. Upasampadāti upasampādanaṃ paṭilābho. Sacittapariyodapananti attano cittassa vodāpanaṃ pabhassarabhāvakaraṇaṃ sabbaso parisodhanaṃ, taṃ pana arahattena hoti, iti sīlasaṃvarena sabbapāpaṃ pahāya lokiyalokuttarāhi samathavipassanāhi kusalaṃ sampādetvā arahattaphalena cittaṃ pariyodapetabbanti etaṃ buddhāna sāsanaṃ ovādo anusiṭṭhi.

    д̇ад̇ияаг̇аат̇ааяа анубаваад̣̇од̇и ваажааяа гассажи анубавад̣̇анам̣. анубагхаад̇од̇и гааязна гассажи убагхаад̇аагаран̣ам̣. баад̇имогкзд̇и яам̣ д̇ам̣ баад̇имогкам̣ баад̇имогкам̣ ад̇ибамогкам̣ уд̇д̇амасийлам̣. баад̇и ваа аг̇ад̇ивисзсзхи могкзд̇и д̣̇уг̇г̇ад̇ибхаязхи, яо ваа нам̣ баад̇и, д̇ам̣ могкзд̇ийд̇и баад̇имогканд̇и вужжад̇и, д̇асмим̣ баад̇имогкз жа. сам̣варод̇и сад̇д̇аннам̣ аабад̇д̇игканд̇хаанам̣ авийд̇иггамалагкан̣о сам̣варо. мад̇д̇ан̃н̃уд̇аад̇и бадиг̇г̇ахан̣абарибхог̇авасзна бамаан̣ан̃н̃уд̇аа. банд̇ан̃жа саяанаасананд̇и ж̇анасан̇гхадданавирахид̇ам̣ ниж̇ж̇анасамб̣аад̇хам̣ вивид̇д̇ам̣ сзнаасанан̃жа. зд̇т̇а жа д̣̇вийхиязва бажжаязхи жад̇убажжаяасанд̇осо д̣̇ийбид̇од̇и взд̣̇ид̇аб̣б̣о бажжаяасанд̇осасааман̃н̃зна ид̇арад̣̇ваяассаби лагкан̣ахааранаязна ж̇од̇ид̇ад̇д̇аа. ад̇хижид̇д̇з жа ааяог̇од̇и вибассанаабаад̣̇агам̣ адтасамаабад̇д̇ижид̇д̇ам̣ ад̇хижид̇д̇ам̣, д̇ад̇оби маг̇г̇апалажид̇д̇амзва ад̇хижид̇д̇ам̣, д̇асмим̣ яат̇аавуд̇д̇з ад̇хижид̇д̇з ааяог̇о жа ануяог̇о жаад̇и ад̇т̇о. зд̇ам̣ б̣уд̣̇д̇хаана саасананд̇и зд̇ам̣ барасса анубавад̣̇анам̣, анубагхаад̇анам̣ , баад̇имогкасам̣варо, бадиг̇г̇ахан̣абарибхог̇зсу мад̇д̇ан̃н̃уд̇аа , адтасамаабад̇д̇ивасибхаавааяа вивид̇д̇асзнаасанасзванан̃жа б̣уд̣̇д̇хаанам̣ саасанам̣ оваад̣̇о анусидтийд̇и. имаа бана д̇иссо г̇аат̇ааяо саб̣б̣аб̣уд̣̇д̇хаанам̣ баад̇имогкуд̣̇д̣̇зсаг̇аат̇аа хонд̇ийд̇и взд̣̇ид̇аб̣б̣аа, д̇ам̣ б̣уд̣̇д̇хаа зва уд̣̇д̣̇исанд̇и, на саавагаа. ‘‘сун̣аад̇у мз бханд̇з сан̇гхо’’д̇иаад̣̇инаа (махаава. 134) наязна вуд̇д̇ам̣ аан̣аабаад̇имогкам̣ наама, д̇ам̣ саавагаа зва уд̣̇д̣̇исанд̇и, на б̣уд̣̇д̇хаа. ид̣̇амзва жа имасмим̣ ад̇т̇з баад̇имогканд̇и ад̇хиббзд̇ам̣.

    Tatiyagāthāya anupavādoti vācāya kassaci anupavadanaṃ. Anupaghātoti kāyena kassaci upaghātākaraṇaṃ. Pātimokkheti yaṃ taṃ pātimokkhaṃ paatimokkhaṃ atipamokkhaṃ uttamasīlaṃ. Pāti vā agativisesehi mokkheti duggatibhayehi, yo vā naṃ pāti, taṃ mokkhetīti pātimokkhanti vuccati, tasmiṃ pātimokkhe ca. Saṃvaroti sattannaṃ āpattikkhandhānaṃ avītikkamalakkhaṇo saṃvaro. Mattaññutāti paṭiggahaṇaparibhogavasena pamāṇaññutā. Pantañca sayanāsananti janasaṅghaṭṭanavirahitaṃ nijjanasambādhaṃ vivittaṃ senāsanañca. Ettha ca dvīhiyeva paccayehi catupaccayasantoso dīpitoti veditabbo paccayasantosasāmaññena itaradvayassapi lakkhaṇahāranayena jotitattā. Adhicitte ca āyogoti vipassanāpādakaṃ aṭṭhasamāpatticittaṃ adhicittaṃ, tatopi maggaphalacittameva adhicittaṃ, tasmiṃ yathāvutte adhicitte āyogo ca anuyogo cāti attho. Etaṃ buddhāna sāsananti etaṃ parassa anupavadanaṃ, anupaghātanaṃ , pātimokkhasaṃvaro, paṭiggahaṇaparibhogesu mattaññutā , aṭṭhasamāpattivasibhāvāya vivittasenāsanasevanañca buddhānaṃ sāsanaṃ ovādo anusiṭṭhīti. Imā pana tisso gāthāyo sabbabuddhānaṃ pātimokkhuddesagāthā hontīti veditabbā, taṃ buddhā eva uddisanti, na sāvakā. ‘‘Suṇātu me bhante saṅgho’’tiādinā (mahāva. 134) nayena vuttaṃ āṇāpātimokkhaṃ nāma, taṃ sāvakā eva uddisanti, na buddhā. Idameva ca imasmiṃ atthe pātimokkhanti adhippetaṃ.

    анубаг̇ад̇о наама д̇ад̇т̇зва убасамбанно, асад̇ияаа буримигааяа анубаг̇ад̇о ваа. жаад̇умаасинияанд̇и жад̇умаасияам̣. саа хи жад̇уннам̣ маасаанам̣ баарибуурибхууд̇аад̇и жаад̇умаасий, саа зва ‘‘жаад̇умаасиний’’д̇и вужжад̇и, д̇ассам̣ жаад̇умаасинияам̣, бажчимагад̇д̇игабун̣н̣амаасияанд̇и ад̇т̇о. гааяасаамаг̇г̇инд̇и гааязна самаг̇г̇абхаавам̣, хад̇т̇абаасуубаг̇амананд̇и вуд̇д̇ам̣ ход̇и.

    Anupagato nāma tattheva upasampanno, asatiyā purimikāya anupagato vā. Cātumāsiniyanti catumāsiyaṃ. Sā hi catunnaṃ māsānaṃ pāripūribhūtāti cātumāsī, sā eva ‘‘cātumāsinī’’ti vuccati, tassaṃ cātumāsiniyaṃ, pacchimakattikapuṇṇamāsiyanti attho. Kāyasāmagginti kāyena samaggabhāvaṃ, hatthapāsūpagamananti vuttaṃ hoti.

    аяам̣ банзд̇т̇а винижчаяо – сажз буримигааяа бан̃жа бхигкуу вассам̣ убаг̇ад̇аа бажчимигааяаби бан̃жа, буримзхи н̃ад̇д̇им̣ табзд̇ваа баваарид̇з бажчимзхи д̇зсам̣ санд̇игз баарисуд̣̇д̇хиубосат̇о гаад̇аб̣б̣о, на згасмим̣ убосат̇аг̇г̇з д̣̇вз н̃ад̇д̇ияо табзд̇аб̣б̣аа. сажз бажчимигааяа убаг̇ад̇аа жад̇д̇ааро д̇аяо д̣̇вз зго ваа ход̇и, зсзва наяо. ат̇а буримигааяа жад̇д̇ааро, бажчимигааяаби жад̇д̇ааро д̇аяо д̣̇вз зго ваа, зсзва наяо. ат̇а буримигааяа д̇аяо, бажчимигааяа д̇аяо д̣̇вз зго ваа, зсзва наяо. ид̣̇ан̃хзд̇т̇а лагкан̣ам̣ – сажз буримигааяа убаг̇ад̇зхи бажчимигааяа убаг̇ад̇аа т̇огад̇араа жзва хонд̇и самасамаа жа, сан̇гхабавааран̣ааяа жа г̇ан̣ам̣ буурзнд̇и, сан̇гхабавааран̣аавасзна н̃ад̇д̇и табзд̇аб̣б̣аа. сажз бана бажчимигааяа зго ход̇и, д̇зна сад̣̇д̇хим̣ д̇з жад̇д̇ааро хонд̇и, жад̇уннам̣ сан̇гхан̃ад̇д̇им̣ табзд̇ваа баваарзд̇ум̣ на ваддад̇и. г̇ан̣ан̃ад̇д̇ияаа бана со г̇ан̣абуураго ход̇и, д̇асмаа г̇ан̣авасзна н̃ад̇д̇им̣ табзд̇ваа буримзхи баваарзд̇аб̣б̣ам̣. ид̇арзна д̇зсам̣ санд̇игз баарисуд̣̇д̇хиубосат̇о гаад̇аб̣б̣о. сажз буримигааяа д̣̇вз, бажчимигааяа д̣̇вз ваа зго ваа, зд̇т̇ааби зсзва наяо. сажз буримигааяаби зго, бажчимигааяаби зго, згзна згасса санд̇игз баваарзд̇аб̣б̣ам̣, згзна баарисуд̣̇д̇хиубосат̇о гаад̇аб̣б̣о. сажз буримзхи вассуубаг̇ад̇зхи бажчаа вассуубаг̇ад̇аа згзнаби ад̇хигад̇араа хонд̇и, батамам̣ баад̇имогкам̣ уд̣̇д̣̇исид̇ваа бажчаа т̇огад̇арзхи д̇зсам̣ санд̇игз баваарзд̇аб̣б̣ам̣. гад̇д̇игажаад̇умаасинибавааран̣ааяа бана сажз батамавассуубаг̇ад̇зхи махаабавааран̣ааяа баваарид̇зхи бажчаа убаг̇ад̇аа ад̇хигад̇араа ваа самасамаа ваа хонд̇и, бавааран̣аан̃ад̇д̇им̣ табзд̇ваа баваарзд̇аб̣б̣ам̣, д̇зхи баваарид̇з бажчаа ид̇арзхи баарисуд̣̇д̇хиубосат̇о гаад̇аб̣б̣о. ат̇а махаабавааран̣ааяа баваарид̇аа б̣ахуу хонд̇и, бажчаа вассуубаг̇ад̇аа т̇огаа ваа зго ваа, баад̇имогкз уд̣̇д̣̇идтз бажчаа д̇зсам̣ санд̇игз д̇зна баваарзд̇аб̣б̣анд̇и.

    Ayaṃ panettha vinicchayo – sace purimikāya pañca bhikkhū vassaṃ upagatā pacchimikāyapi pañca, purimehi ñattiṃ ṭhapetvā pavārite pacchimehi tesaṃ santike pārisuddhiuposatho kātabbo, na ekasmiṃ uposathagge dve ñattiyo ṭhapetabbā. Sace pacchimikāya upagatā cattāro tayo dve eko vā hoti, eseva nayo. Atha purimikāya cattāro, pacchimikāyapi cattāro tayo dve eko vā, eseva nayo. Atha purimikāya tayo, pacchimikāya tayo dve eko vā, eseva nayo. Idañhettha lakkhaṇaṃ – sace purimikāya upagatehi pacchimikāya upagatā thokatarā ceva honti samasamā ca, saṅghapavāraṇāya ca gaṇaṃ pūrenti, saṅghapavāraṇāvasena ñatti ṭhapetabbā. Sace pana pacchimikāya eko hoti, tena saddhiṃ te cattāro honti, catunnaṃ saṅghañattiṃ ṭhapetvā pavāretuṃ na vaṭṭati. Gaṇañattiyā pana so gaṇapūrako hoti, tasmā gaṇavasena ñattiṃ ṭhapetvā purimehi pavāretabbaṃ. Itarena tesaṃ santike pārisuddhiuposatho kātabbo. Sace purimikāya dve, pacchimikāya dve vā eko vā, etthāpi eseva nayo. Sace purimikāyapi eko, pacchimikāyapi eko, ekena ekassa santike pavāretabbaṃ, ekena pārisuddhiuposatho kātabbo. Sace purimehi vassūpagatehi pacchā vassūpagatā ekenapi adhikatarā honti, paṭhamaṃ pātimokkhaṃ uddisitvā pacchā thokatarehi tesaṃ santike pavāretabbaṃ. Kattikacātumāsinipavāraṇāya pana sace paṭhamavassūpagatehi mahāpavāraṇāya pavāritehi pacchā upagatā adhikatarā vā samasamā vā honti, pavāraṇāñattiṃ ṭhapetvā pavāretabbaṃ, tehi pavārite pacchā itarehi pārisuddhiuposatho kātabbo. Atha mahāpavāraṇāya pavāritā bahū honti, pacchā vassūpagatā thokā vā eko vā, pātimokkhe uddiṭṭhe pacchā tesaṃ santike tena pavāretabbanti.

    табзд̇ваа бана бавааран̣аад̣̇ивасам̣ ан̃н̃асмим̣ гаалзд̇и ан̃н̃асмим̣ убосат̇ад̣̇ивасз. уд̣̇д̣̇идтамад̇д̇з баад̇имогкзд̇и ‘‘барияосид̇амад̇д̇з уд̣̇д̣̇иссамаанз’’д̇и абарияосид̇з ааг̇ад̇з сад̇и авасзсасса баад̇имогкасса сод̇аб̣б̣ад̇д̇аа баарисуд̣̇д̇хиубосат̇ам̣ гаад̇ум̣ на ваддад̇и. авудтид̇ааяаад̇иаад̣̇ийниби баад̇имогкасса нидтид̇агааламзва барисааяа висзсзд̇ваа вад̣̇ад̇и. самасамаа ваад̇и буримзхи самабаримаан̣аа. т̇огад̇араа ваад̇и буримзхи т̇огад̇арабаримаан̣аа. зд̇зна б̣ахуд̇арзсу ааг̇ад̇зсу буна баад̇имогкам̣ уд̣̇д̣̇исид̇аб̣б̣ам̣, на баарисуд̣̇д̇хиубосат̇о гаад̇аб̣б̣од̇и д̣̇ассзд̇и.

    Ṭhapetvā pana pavāraṇādivasaṃ aññasmiṃ kāleti aññasmiṃ uposathadivase. Uddiṭṭhamatte pātimokkheti ‘‘pariyositamatte uddissamāne’’ti apariyosite āgate sati avasesassa pātimokkhassa sotabbattā pārisuddhiuposathaṃ kātuṃ na vaṭṭati. Avuṭṭhitāyātiādīnipi pātimokkhassa niṭṭhitakālameva parisāya visesetvā vadati. Samasamā vāti purimehi samaparimāṇā. Thokatarā vāti purimehi thokataraparimāṇā. Etena bahutaresu āgatesu puna pātimokkhaṃ uddisitabbaṃ, na pārisuddhiuposatho kātabboti dasseti.

    згам̣сам̣ уд̇д̇араасан̇г̇ам̣ гарид̇ваад̇и згасмим̣ ам̣сз саад̇хугам̣ уд̇д̇араасан̇г̇ам̣ гарид̇ваад̇и ад̇т̇о. суд̇д̇анибаад̇адтагат̇ааяам̣ (су. ни. адта. 2.345) бана ‘‘згам̣сам̣ жийварам̣ гад̇ваад̇и зд̇т̇а бана буна сан̣таабанзна звам̣ вуд̇д̇ам̣. згам̣санд̇и жа ваамам̣сам̣ баарубид̇ваа тид̇ассзд̇ам̣ ад̇хиважанам̣. яад̇о яат̇аа ваамам̣сам̣ баарубид̇ваа тид̇ам̣ ход̇и, д̇ат̇аа жийварам̣ гад̇ваад̇и звамасса ад̇т̇о взд̣̇ид̇аб̣б̣о’’д̇и вуд̇д̇ам̣. ан̃ж̇алим̣ баг̇г̇ахзд̇ваад̇и д̣̇асанакасамод̇хаанасамуж̇ж̇алам̣ ан̃ж̇алим̣ угкибид̇ваа. сажз бана д̇ад̇т̇а баариваасигоби ад̇т̇и, сан̇гханавагадтаанз нисийд̣̇ид̇ваа д̇ад̇т̇зва нисиннзна ад̇д̇ано баал̣ияаа баарисуд̣̇д̇хиубосат̇о гаад̇аб̣б̣о. баад̇имогкз бана уд̣̇д̣̇исияамаанз баал̣ияаа анисийд̣̇ид̇ваа баал̣им̣ вихааяа хад̇т̇абаасам̣ амун̃жанд̇зна нисийд̣̇ид̇аб̣б̣ам̣. бавааран̣ааяаби зсзва наяо.

    Ekaṃsaṃuttarāsaṅgaṃ karitvāti ekasmiṃ aṃse sādhukaṃ uttarāsaṅgaṃ karitvāti attho. Suttanipātaṭṭhakathāyaṃ (su. ni. aṭṭha. 2.345) pana ‘‘ekaṃsaṃ cīvaraṃ katvāti ettha pana puna saṇṭhāpanena evaṃ vuttaṃ. Ekaṃsanti ca vāmaṃsaṃ pārupitvā ṭhitassetaṃ adhivacanaṃ. Yato yathā vāmaṃsaṃ pārupitvā ṭhitaṃ hoti, tathā cīvaraṃ katvāti evamassa attho veditabbo’’ti vuttaṃ. Añjaliṃ paggahetvāti dasanakhasamodhānasamujjalaṃ añjaliṃ ukkhipitvā. Sace pana tattha pārivāsikopi atthi, saṅghanavakaṭṭhāne nisīditvā tattheva nisinnena attano pāḷiyā pārisuddhiuposatho kātabbo. Pātimokkhe pana uddisiyamāne pāḷiyā anisīditvā pāḷiṃ vihāya hatthapāsaṃ amuñcantena nisīditabbaṃ. Pavāraṇāyapi eseva nayo.

    саб̣б̣ам̣ буб̣б̣агаран̣ийяанд̇и саммаж̇ж̇анаад̣̇инававид̇хам̣ буб̣б̣агижжам̣. иминаа б̣ахуунам̣ васанадтаанзязва убосат̇ад̣̇ивасз буб̣б̣агижжам̣ гаад̇аб̣б̣ам̣ на ход̇и, ат̇а ко згасса васанадтаанзби гаад̇аб̣б̣ам̣язваад̇и д̣̇ассзд̇и. яат̇аа жа саб̣б̣о сан̇гхо сабхааг̇аабад̇д̇им̣ аабаж̇ж̇ид̇ваа ‘‘сун̣аад̇у мз, бханд̇з сан̇гхо…бз… бадигариссад̇ий’’д̇и (махаава. 171) н̃ад̇д̇им̣ табзд̇ваа убосат̇ам̣ гаад̇ум̣ лабхад̇и, звамзд̇т̇ааби д̇ийхи ‘‘сун̣анд̇у мз, ааяасманд̇аа, имз бхигкуу сабхааг̇ам̣ аабад̇д̇им̣ аабаннаа, яад̣̇аа ан̃н̃ам̣ бхигкум̣ суд̣̇д̇хам̣ анаабад̇д̇игам̣ бассиссанд̇и, д̇ад̣̇аа д̇асса санд̇игз д̇ам̣ аабад̇д̇им̣ бадигариссанд̇ий’’д̇и г̇ан̣ан̃ад̇д̇им̣ табзд̇ваа, д̣̇вийхиби ‘‘ан̃н̃ам̣ суд̣̇д̇хам̣ бассид̇ваа бадигариссаамаа’’д̇и вад̇ваа убосат̇ам̣ гаад̇ум̣ ваддад̇и. згзнаби ‘‘барисуд̣̇д̇хам̣ лабхид̇ваа бадигариссаамий’’д̇и аабхог̇ам̣ гад̇ваа гаад̇ум̣ ваддад̇и.

    Sabbaṃ pubbakaraṇīyanti sammajjanādinavavidhaṃ pubbakiccaṃ. Iminā bahūnaṃ vasanaṭṭhāneyeva uposathadivase pubbakiccaṃ kātabbaṃ na hoti, atha kho ekassa vasanaṭṭhānepi kātabbaṃyevāti dasseti. Yathā ca sabbo saṅgho sabhāgāpattiṃ āpajjitvā ‘‘suṇātu me, bhante saṅgho…pe… paṭikarissatī’’ti (mahāva. 171) ñattiṃ ṭhapetvā uposathaṃ kātuṃ labhati, evametthāpi tīhi ‘‘suṇantu me, āyasmantā, ime bhikkhū sabhāgaṃ āpattiṃ āpannā, yadā aññaṃ bhikkhuṃ suddhaṃ anāpattikaṃ passissanti, tadā tassa santike taṃ āpattiṃ paṭikarissantī’’ti gaṇañattiṃ ṭhapetvā, dvīhipi ‘‘aññaṃ suddhaṃ passitvā paṭikarissāmā’’ti vatvā uposathaṃ kātuṃ vaṭṭati. Ekenapi ‘‘parisuddhaṃ labhitvā paṭikarissāmī’’ti ābhogaṃ katvā kātuṃ vaṭṭati.

    д̇ад̣̇ахууд̇и д̇асмим̣ аху, д̇асмим̣ д̣̇ивасзд̇и ад̇т̇о. наанаасам̣ваасагзхийд̇и лад̣̇д̇хинаанаасам̣ваасагзхи. анааваасо наама навагаммасаалаад̣̇иго яо гожи бад̣̇зсо . ан̃н̃ад̇ра сан̇гхзнаад̇и сан̇гхаббахонагзхи бхигкуухи винаа. ан̃н̃ад̇ра анд̇арааяаад̇и буб̣б̣з вуд̇д̇ам̣ д̣̇асавид̇хаманд̇арааяам̣ винаа. саб̣б̣анд̇имзна бана барижчзд̣̇зна ад̇д̇ажад̇уд̇т̇з ваа анд̇арааяз ваа сад̇и г̇анд̇ум̣ ваддад̇и. яат̇аа жа ааваасаад̣̇аяо на г̇анд̇аб̣б̣аа, звам̣ сажз вихаарз убосат̇ам̣ гаронд̇и, убосат̇аад̇хидтаанад̇т̇ам̣ сиймааби над̣̇ийби на г̇анд̇аб̣б̣аа. сажз банзд̇т̇а гожи бхигку ход̇и, д̇асса санд̇игам̣ г̇анд̇ум̣ ваддад̇и, виссадтаубосат̇ааби ааваасаа г̇анд̇ум̣ ваддад̇и. звам̣ г̇ад̇о ад̇хидтаад̇умби лабхад̇и. ааран̃н̃агзнаби бхигкунаа убосат̇ад̣̇ивасз г̇аамз бин̣д̣ааяа жарид̇ваа ад̇д̇ано вихаарамзва ааг̇анд̇аб̣б̣ам̣. сажз ан̃н̃ам̣ вихаарам̣ оггамад̇и, д̇ад̇т̇а убосат̇ам̣ гад̇ваава ааг̇анд̇аб̣б̣ам̣, агад̇ваа ааг̇анд̇ум̣ на ваддад̇и, яам̣ ж̇ан̃н̃аа ‘‘аж̇ж̇зва д̇ад̇т̇а г̇анд̇ум̣ саггомий’’д̇и зваруубо бана ааваасо г̇анд̇аб̣б̣о. д̇ад̇т̇а бхигкуухи сад̣̇д̇хим̣ убосат̇ам̣ гаронд̇знаби хи иминаа нзва убосат̇анд̇арааяо гад̇о бхависсад̇ийд̇и.

    Tadahūti tasmiṃ ahu, tasmiṃ divaseti attho. Nānāsaṃvāsakehīti laddhinānāsaṃvāsakehi. Anāvāso nāma navakammasālādiko yo koci padeso . Aññatra saṅghenāti saṅghappahonakehi bhikkhūhi vinā. Aññatra antarāyāti pubbe vuttaṃ dasavidhamantarāyaṃ vinā. Sabbantimena pana paricchedena attacatutthe vā antarāye vā sati gantuṃ vaṭṭati. Yathā ca āvāsādayo na gantabbā, evaṃ sace vihāre uposathaṃ karonti, uposathādhiṭṭhānatthaṃ sīmāpi nadīpi na gantabbā. Sace panettha koci bhikkhu hoti, tassa santikaṃ gantuṃ vaṭṭati, vissaṭṭhauposathāpi āvāsā gantuṃ vaṭṭati. Evaṃ gato adhiṭṭhātumpi labhati. Āraññakenapi bhikkhunā uposathadivase gāme piṇḍāya caritvā attano vihārameva āgantabbaṃ. Sace aññaṃ vihāraṃ okkamati, tattha uposathaṃ katvāva āgantabbaṃ, akatvā āgantuṃ na vaṭṭati, yaṃ jaññā ‘‘ajjeva tattha gantuṃ sakkomī’’ti evarūpo pana āvāso gantabbo. Tattha bhikkhūhi saddhiṃ uposathaṃ karontenapi hi iminā neva uposathantarāyo kato bhavissatīti.

    170. б̣ахи убосат̇ам̣ гад̇ваа ааг̇ад̇знаад̇и над̣̇ияаа ваа сиймааяа ваа яад̇т̇а гад̇т̇ажи убосат̇ам̣ гад̇ваа ааг̇ад̇зна чанд̣̇о д̣̇аад̇аб̣б̣о, ‘‘гад̇о маяаа убосат̇о’’д̇и ажчид̇ум̣ на лабхад̇ийд̇и ад̇хиббааяо. гижжабасуд̇о ваад̇и г̇илаанубадтаанаад̣̇игижжабасуд̇о ваа. сан̇гхо наббаход̇ийд̇и д̣̇виннам̣ д̣̇виннам̣ анд̇араа хад̇т̇абаасам̣ авиж̇ахид̇ваа бадибаадияаа таад̇ум̣ наббаход̇и.

    170.Bahi uposathaṃ katvā āgatenāti nadiyā vā sīmāya vā yattha katthaci uposathaṃ katvā āgatena chando dātabbo, ‘‘kato mayā uposatho’’ti acchituṃ na labhatīti adhippāyo. Kiccapasuto vāti gilānupaṭṭhānādikiccapasuto vā. Saṅgho nappahotīti dvinnaṃ dvinnaṃ antarā hatthapāsaṃ avijahitvā paṭipāṭiyā ṭhātuṃ nappahoti.

    ‘‘ад̇хаммзна ваг̇г̇а’’нд̇и зд̇т̇а згасиймааяа жад̇уусу бхигкуусу виж̇ж̇амаанзсу баад̇имогкуд̣̇д̣̇зсова анун̃н̃аад̇о, д̇ийсу д̣̇вийсу жа баарисуд̣̇д̇хиубосат̇ова, ид̇ха бана д̇ат̇аа агад̇ад̇д̇аа ‘‘ад̇хаммзнаа’’д̇и вуд̇д̇ам̣. яасмаа бана чанд̣̇абаарисуд̣̇д̇хи сан̇гхз зва ааг̇ажчад̇и, на г̇ан̣з на буг̇г̇алз, д̇асмаа ‘‘ваг̇г̇а’’нд̇и вуд̇д̇ам̣. сажз бана д̣̇вз сан̇гхаа згасиймааяам̣ ан̃н̃аман̃н̃ам̣ чанд̣̇ам̣ аахарид̇ваа згасмим̣ кан̣з висум̣ сан̇гхагаммам̣ гаронд̇и, зд̇т̇а гат̇анд̇и? гзжи бана ‘‘д̇ам̣ ваддад̇ий’’д̇и вад̣̇анд̇и, д̇ам̣ на г̇ахзд̇аб̣б̣ам̣ ваг̇г̇агаммад̇д̇аа. ваг̇г̇агаммам̣ гаронд̇аанан̃хи чанд̣̇абаарисуд̣̇д̇хи ан̃н̃ад̇т̇а на г̇ажчад̇и д̇ат̇аа важанаабхааваа, висум̣ висум̣ гаммагаран̣ад̇т̇амзва сиймааяа анун̃н̃аад̇ад̇д̇аа жаад̇и г̇ахзд̇аб̣б̣ам̣. вихаарасиймааяа бана сан̇гхз виж̇ж̇амаанзби гзнажи бажжаязна кан̣д̣асиймааяа д̇ийсу, д̣̇вийсу ваа баарисуд̣̇д̇хиубосат̇ам̣ гаронд̇зсу гаммам̣ д̇хаммзна самаг̇г̇амзва бхиннасиймадтад̇д̇аад̇и д̣̇адтаб̣б̣ам̣.

    ‘‘Adhammena vagga’’nti ettha ekasīmāya catūsu bhikkhūsu vijjamānesu pātimokkhuddesova anuññāto, tīsu dvīsu ca pārisuddhiuposathova, idha pana tathā akatattā ‘‘adhammenā’’ti vuttaṃ. Yasmā pana chandapārisuddhi saṅghe eva āgacchati, na gaṇe na puggale, tasmā ‘‘vagga’’nti vuttaṃ. Sace pana dve saṅghā ekasīmāyaṃ aññamaññaṃ chandaṃ āharitvā ekasmiṃ khaṇe visuṃ saṅghakammaṃ karonti, ettha kathanti? Keci pana ‘‘taṃ vaṭṭatī’’ti vadanti, taṃ na gahetabbaṃ vaggakammattā. Vaggakammaṃ karontānañhi chandapārisuddhi aññattha na gacchati tathā vacanābhāvā, visuṃ visuṃ kammakaraṇatthameva sīmāya anuññātattā cāti gahetabbaṃ. Vihārasīmāya pana saṅghe vijjamānepi kenaci paccayena khaṇḍasīmāya tīsu, dvīsu vā pārisuddhiuposathaṃ karontesu kammaṃ dhammena samaggameva bhinnasīmaṭṭhattāti daṭṭhabbaṃ.

    ‘‘ануж̇аанаами, бхигкавз, д̇ад̣̇ахубосат̇з баарисуд̣̇д̇хим̣ д̣̇знд̇зна чанд̣̇амби д̣̇аад̇ум̣, санд̇и сан̇гхасса гаран̣ийяа’’нд̇и (махаава. 165) вуд̇д̇ад̇д̇аа бхаг̇авад̇о аан̣ам̣ гаронд̇зна ‘‘чанд̣̇ам̣ д̣̇аммий’’д̇и вуд̇д̇ам̣. ‘‘чанд̣̇ахаараго жз, бхигкавз, д̣̇иннз чанд̣̇з д̇ад̇т̇зва баггамад̇и, ан̃н̃асса д̣̇аад̇аб̣б̣о чанд̣̇о’’д̇иаад̣̇иважанад̇о (махаава. 165) буна ад̇д̇ано чанд̣̇ад̣̇аанабариссамавинод̣̇анад̇т̇ам̣ ‘‘чанд̣̇ам̣ мз хараа’’д̇и вуд̇д̇ам̣. ‘‘чанд̣̇ахаараго жз, бхигкавз, д̣̇иннз чанд̣̇з сан̇гхаббад̇д̇о сан̃жижжа наарожзд̇и, аахадо ход̇и чанд̣̇о, чанд̣̇ахаарагасса аабад̇д̇и д̣̇уггадассаа’’д̇и вуд̇д̇ад̇д̇аа д̣̇уггадад̇о д̇ам̣ можзд̇ум̣ ‘‘чанд̣̇ам̣ мз аарожзхий’’д̇и вуд̇д̇ам̣. гааязна ваа ваажааяа ваа убхаязна ваа вин̃н̃аабзд̇аб̣б̣од̇и манасаава ажинд̇зд̇ваа гааяаббаяог̇ам̣ гаронд̇зна язна гзнажи ан̇г̇абажжан̇г̇зна ваа, ваажам̣ бана нижчаарзд̇ум̣ саггонд̇зна д̇ат̇зва ваажааяа ваа, убхаяат̇ааби саггонд̇зна гааяаваажаахи ваа вин̃н̃аабзд̇аб̣б̣о, ж̇аанаабзд̇аб̣б̣од̇и ад̇т̇о. ‘‘аяамад̇т̇о’’д̇иважанад̇о бана яааяа гааяажиби бхаасааяа вин̃н̃аабзд̇ум̣ ваддад̇и.

    ‘‘Anujānāmi, bhikkhave, tadahuposathe pārisuddhiṃ dentena chandampi dātuṃ, santi saṅghassa karaṇīya’’nti (mahāva. 165) vuttattā bhagavato āṇaṃ karontena ‘‘chandaṃ dammī’’ti vuttaṃ. ‘‘Chandahārako ce, bhikkhave, dinne chande tattheva pakkamati, aññassa dātabbo chando’’tiādivacanato (mahāva. 165) puna attano chandadānaparissamavinodanatthaṃ ‘‘chandaṃ me harā’’ti vuttaṃ. ‘‘Chandahārako ce, bhikkhave, dinne chande saṅghappatto sañcicca nāroceti, āhaṭo hoti chando, chandahārakassa āpatti dukkaṭassā’’ti vuttattā dukkaṭato taṃ mocetuṃ ‘‘chandaṃ me ārocehī’’ti vuttaṃ. Kāyena vā vācāya vā ubhayena vā viññāpetabboti manasāva acintetvā kāyappayogaṃ karontena yena kenaci aṅgapaccaṅgena vā, vācaṃ pana nicchāretuṃ sakkontena tatheva vācāya vā, ubhayathāpi sakkontena kāyavācāhi vā viññāpetabbo, jānāpetabboti attho. ‘‘Ayamattho’’tivacanato pana yāya kāyacipi bhāsāya viññāpetuṃ vaṭṭati.

    баарисуд̣̇д̇хид̣̇аанзби чанд̣̇ад̣̇аанз вуд̇д̇асад̣̇исова винижчаяо, д̇ам̣ бана д̣̇знд̇зна батамам̣ санд̇ий аабад̇д̇и д̣̇зсзд̇аб̣б̣аа. на хи саабад̇д̇иго самаано ‘‘баарисуд̣̇д̇хим̣ д̣̇амми, баарисуд̣̇д̇хим̣ мз хара, баарисуд̣̇д̇хим̣ мз аарожзхий’’д̇и вад̇д̇умарахад̇и. ‘‘санд̇и сан̇гхасса гаран̣ийяааний’’д̇и вад̇д̇аб̣б̣з важанавибаллаасзна ‘‘санд̇и сан̇гхасса гаран̣ийяа’’нд̇и вуд̇д̇ам̣. д̇зсан̃жа ад̇д̇ано жа чанд̣̇абаарисуд̣̇д̇хим̣ д̣̇зд̇ийд̇и зд̇т̇а чанд̣̇о жа баарисуд̣̇д̇хи жа чанд̣̇абаарисуд̣̇д̇хи жа чанд̣̇абаарисуд̣̇д̇хи, д̇ам̣ д̣̇зд̇ийд̇и саруубзгасзсзна ад̇т̇о д̣̇адтаб̣б̣о. ид̇араад̇и ан̃н̃зсам̣ чанд̣̇абаарисуд̣̇д̇хи. б̣ил̣ааласан̇калигаа чанд̣̇абаарисуд̣̇д̇хийд̇и зд̇т̇а б̣ил̣ааласан̇калигаа наама б̣ил̣аалаб̣анд̇ханам̣. д̇ад̇т̇а хи сан̇калигааяа батамавалаяам̣ д̣̇уд̇ияавалаяам̣язва баабун̣аад̇и, на д̇ад̇ияам̣, звамаяамби чанд̣̇абаарисуд̣̇д̇хи д̣̇ааяагзна яасса д̣̇иннаа, д̇ад̇о ан̃н̃ад̇т̇а на г̇ажчад̇и, д̇асмаа саа б̣ил̣ааласан̇калигасад̣̇исад̇д̇аа ‘‘б̣ил̣ааласан̇калигаа’’д̇и вуд̇д̇аа. б̣ил̣ааласан̇калигааг̇г̇ахан̣ан̃жзд̇т̇а яаасам̣ гаасан̃жи сан̇калигаанам̣ убалагкан̣амад̇д̇анд̇и д̣̇адтаб̣б̣ам̣.

    Pārisuddhidānepi chandadāne vuttasadisova vinicchayo, taṃ pana dentena paṭhamaṃ santī āpatti desetabbā. Na hi sāpattiko samāno ‘‘pārisuddhiṃ dammi, pārisuddhiṃ me hara, pārisuddhiṃ me ārocehī’’ti vattumarahati. ‘‘Santi saṅghassa karaṇīyānī’’ti vattabbe vacanavipallāsena ‘‘santi saṅghassa karaṇīya’’nti vuttaṃ. Tesañca attano ca chandapārisuddhiṃ detīti ettha chando ca pārisuddhi ca chandapārisuddhi ca chandapārisuddhi, taṃ detīti sarūpekasesena attho daṭṭhabbo. Itarāti aññesaṃ chandapārisuddhi. Biḷālasaṅkhalikā chandapārisuddhīti ettha biḷālasaṅkhalikā nāma biḷālabandhanaṃ. Tattha hi saṅkhalikāya paṭhamavalayaṃ dutiyavalayaṃyeva pāpuṇāti, na tatiyaṃ, evamayampi chandapārisuddhi dāyakena yassa dinnā, tato aññattha na gacchati, tasmā sā biḷālasaṅkhalikasadisattā ‘‘biḷālasaṅkhalikā’’ti vuttā. Biḷālasaṅkhalikāggahaṇañcettha yāsaṃ kāsañci saṅkhalikānaṃ upalakkhaṇamattanti daṭṭhabbaṃ.

    173. бавааран̣аад̣̇аанзби зсзва наяо. аяам̣ бана висзсо – д̇ад̇т̇а ‘‘чанд̣̇ам̣ мз аарожзхий’’д̇и, ид̇ха бана ‘‘мамад̇т̇ааяа баваарзхий’’д̇и. д̇ад̇т̇а чанд̣̇ахаарагз сан̇гхасса хад̇т̇ам̣ убаг̇ад̇амад̇д̇зязва ааг̇ад̇аа ход̇и. ид̇ха бана звам̣ д̣̇иннааяа бавааран̣ааяа бавааран̣аахаарагзна сан̇гхам̣ убасан̇гамид̇ваа звам̣ баваарзд̇аб̣б̣ам̣ ‘‘д̇иссо, бханд̇з, бхигку…бз… бадигариссаамий’’д̇и. вимад̇ивинод̣̇анияам̣ ‘‘звамзд̇ам̣ д̇хаараяаами, суд̇аа ко банааяасманд̇зхийд̇и зд̇т̇а ‘звамзд̇ам̣ д̇хаараяаамий’д̇и вад̇ваа уд̣̇д̣̇идтам̣ ко ааяасманд̇о нид̣̇аанам̣, суд̇аа ко банааяасманд̇зхи жад̇д̇ааро баарааж̇игаа д̇хаммаа’’д̇иаад̣̇инаа вад̇д̇аб̣б̣ам̣. маад̇игаадтагат̇ааяан̃хи звамзва вуд̇д̇ам̣. суд̇знаад̇и суд̇абад̣̇зна.

    173. Pavāraṇādānepi eseva nayo. Ayaṃ pana viseso – tattha ‘‘chandaṃ me ārocehī’’ti, idha pana ‘‘mamatthāya pavārehī’’ti. Tattha chandahārake saṅghassa hatthaṃ upagatamatteyeva āgatā hoti. Idha pana evaṃ dinnāya pavāraṇāya pavāraṇāhārakena saṅghaṃ upasaṅkamitvā evaṃ pavāretabbaṃ ‘‘tisso, bhante, bhikkhu…pe… paṭikarissāmī’’ti. Vimativinodaniyaṃ ‘‘evametaṃ dhārayāmi, sutā kho panāyasmantehīti ettha ‘evametaṃ dhārayāmī’ti vatvā uddiṭṭhaṃ kho āyasmanto nidānaṃ, sutā kho panāyasmantehi cattāro pārājikā dhammā’’tiādinā vattabbaṃ. Mātikāṭṭhakathāyañhi evameva vuttaṃ. Sutenāti sutapadena.

    174. нид̣̇аануд̣̇д̣̇зсз анидтид̇з баад̇имогкам̣ нид̣̇д̣̇идтам̣ наама на ход̇ийд̇и ааха ‘‘д̣̇уд̇ияаад̣̇ийсу уд̣̇д̣̇зсзсуу’’д̇иаад̣̇и.

    174. Nidānuddese aniṭṭhite pātimokkhaṃ niddiṭṭhaṃ nāma na hotīti āha ‘‘dutiyādīsu uddesesū’’tiādi.

    175. д̇ийхиби вид̇хийхийд̇и осааран̣агат̇анасарабхан̃н̃зхи. зд̇т̇а жа ад̇т̇ам̣ бхан̣ид̇угаамад̇ааяа ваа бхан̣аабзд̇угаамад̇ааяа ваа суд̇д̇асса од̇ааран̣ам̣ осааран̣ам̣ наама. д̇ассзва ад̇т̇аббагаасанаа гат̇анам̣ наама. гзвалам̣ баатассзва сарзна бхан̣анам̣ сарабхан̃н̃ам̣ наама. саж̇жхааяам̣ ад̇хидтахид̇ваад̇и ‘‘саж̇жхааяам̣ гаромий’’д̇и жид̇д̇ам̣ уббаад̣̇зд̇ваа. осаарзд̇ваа бана гат̇знд̇знаад̇и саяамзва баатам̣ вад̇ваа бажчаа ад̇т̇ам̣ гат̇знд̇зна. нававид̇ханд̇и сан̇гхаг̇ан̣абуг̇г̇алзсу д̇аяо, суд̇д̇уд̣̇д̣̇зсабаарисуд̣̇д̇хиад̇хидтаанавасзна д̇аяо, жаад̇уд̣̇д̣̇асийбаннарасийсаамаг̇г̇ивасзна д̇аяод̇и нававид̇хам̣. жад̇уб̣б̣ид̇ханд̇и ад̇хаммзнаваг̇г̇аад̣̇и жад̇уб̣б̣ид̇хам̣. д̣̇увид̇ханд̇и бхигкубхигкунийнам̣ баад̇имогкавасзна д̣̇увид̇хам̣ баад̇имогкам̣. нававид̇ханд̇и бхигкуунам̣ бан̃жа, бхигкунийнам̣ жад̇д̇аарод̇и нававид̇хам̣ баад̇имогкуд̣̇д̣̇зсам̣. гад̇имийд̇и гад̇исад̣̇д̣̇аабзгкам̣ ид̇т̇илин̇г̇ам̣ д̣̇адтаб̣б̣ам̣.

    175.Tīhipi vidhīhīti osāraṇakathanasarabhaññehi. Ettha ca atthaṃ bhaṇitukāmatāya vā bhaṇāpetukāmatāya vā suttassa otāraṇaṃ osāraṇaṃ nāma. Tasseva atthappakāsanā kathanaṃ nāma. Kevalaṃ pāṭhasseva sarena bhaṇanaṃ sarabhaññaṃ nāma. Sajjhāyaṃ adhiṭṭhahitvāti ‘‘sajjhāyaṃ karomī’’ti cittaṃ uppādetvā. Osāretvā pana kathentenāti sayameva pāṭhaṃ vatvā pacchā atthaṃ kathentena. Navavidhanti saṅghagaṇapuggalesu tayo, suttuddesapārisuddhiadhiṭṭhānavasena tayo, cātuddasīpannarasīsāmaggivasena tayoti navavidhaṃ. Catubbidhanti adhammenavaggādi catubbidhaṃ. Duvidhanti bhikkhubhikkhunīnaṃ pātimokkhavasena duvidhaṃ pātimokkhaṃ. Navavidhanti bhikkhūnaṃ pañca, bhikkhunīnaṃ cattāroti navavidhaṃ pātimokkhuddesaṃ. Katimīti katisaddāpekkhaṃ itthiliṅgaṃ daṭṭhabbaṃ.

    уд̇увассзязваад̇и хзманд̇аг̇имхзсуязва. вин̃н̃аабзд̇ийд̇и зд̇т̇а манасаа жинд̇зд̇ваа гааяавигаарагаран̣амзва вин̃н̃аабананд̇и д̣̇адтаб̣б̣ам̣. баал̣ияам̣ ан̃н̃асса д̣̇аад̇аб̣б̣аа баарисуд̣̇д̇хийд̇и баарисуд̣̇д̇хид̣̇ааяагзна буна ан̃н̃асса бхигкуно санд̇игз д̣̇аад̇аб̣б̣аа. ‘‘бхууд̇ам̣ зва сааман̣зрабхаавам̣ аарожзд̇ий’’д̇и вуд̇д̇ад̇д̇аа уунавийсад̇ивассагаалз убасамбаннасса, анд̇имавад̇т̇уаж̇жхаабаннасигкаабажжагкаад̇агаад̣̇ийнам̣ ваа яаава бхигкубадин̃н̃аа ваддад̇и, д̇аава д̇зхи аахадааби чанд̣̇абаарисуд̣̇д̇хи ааг̇ажчад̇и. яад̣̇аа бана д̇з ад̇д̇ано сааман̣зраад̣̇ибхаавам̣ бадиж̇аананд̇и, д̇ад̇о бадтааяа нааг̇ажчад̇ийд̇и д̣̇ассид̇анд̇и д̣̇адтаб̣б̣ам̣. баал̣ияамби (махаава. 164) хи ‘‘д̣̇иннааяа баарисуд̣̇д̇хияаа сан̇гхаббад̇д̇о виб̣бхамад̇и…бз… бан̣д̣аго бадиж̇аанаад̇и, д̇иражчаанаг̇ад̇о бадиж̇аанаад̇и, убхад̇об̣яан̃ж̇анаго бадиж̇аанаад̇и, аахадаа ход̇и баарисуд̣̇д̇хий’’д̇и вуд̇д̇ад̇д̇аа бан̣д̣агаад̣̇ийнам̣ бхигкубадин̃н̃ааяа вад̇д̇амаанагаалзсу бана чанд̣̇абаарисуд̣̇д̇хияаава ааг̇аманам̣ сид̣̇д̇хамзва. д̇знааха ‘‘зса наяо саб̣б̣ад̇т̇аа’’д̇и. уммад̇д̇агакид̇д̇ажид̇д̇авзд̣̇анааддаанам̣ бана багад̇ад̇д̇аа анд̇араамаг̇г̇з уммад̇д̇агаад̣̇ибхаавз бадин̃н̃аад̇зби д̇зсам̣ сан̇гхаббад̇д̇амад̇д̇знзва чанд̣̇аад̣̇и ааг̇ажчад̇ийд̇и д̣̇ассзд̇и.

    Utuvasseyevāti hemantagimhesuyeva. Viññāpetīti ettha manasā cintetvā kāyavikārakaraṇameva viññāpananti daṭṭhabbaṃ. Pāḷiyaṃ aññassa dātabbā pārisuddhīti pārisuddhidāyakena puna aññassa bhikkhuno santike dātabbā. ‘‘Bhūtaṃ eva sāmaṇerabhāvaṃ ārocetī’’ti vuttattā ūnavīsativassakāle upasampannassa, antimavatthuajjhāpannasikkhāpaccakkhātakādīnaṃ vā yāva bhikkhupaṭiññā vaṭṭati, tāva tehi āhaṭāpi chandapārisuddhi āgacchati. Yadā pana te attano sāmaṇerādibhāvaṃ paṭijānanti, tato paṭṭhāya nāgacchatīti dassitanti daṭṭhabbaṃ. Pāḷiyampi (mahāva. 164) hi ‘‘dinnāya pārisuddhiyā saṅghappatto vibbhamati…pe… paṇḍako paṭijānāti, tiracchānagato paṭijānāti, ubhatobyañjanako paṭijānāti, āhaṭā hoti pārisuddhī’’ti vuttattā paṇḍakādīnaṃ bhikkhupaṭiññāya vattamānakālesu pana chandapārisuddhiyāva āgamanaṃ siddhameva. Tenāha ‘‘esa nayo sabbatthā’’ti. Ummattakakhittacittavedanāṭṭānaṃ pana pakatattā antarāmagge ummattakādibhāve paṭiññātepi tesaṃ saṅghappattamatteneva chandādi āgacchatīti dasseti.

    бхигкуунам̣ хад̇т̇абаасанд̇и иминаа г̇ан̣абуг̇г̇алзсу чанд̣̇абаарисуд̣̇д̇хияаа анааг̇аманам̣ д̣̇ассзд̇и. ‘‘сан̇гхаббад̇д̇о’’д̇и хи баал̣ияам̣ (махаава. 165) вуд̇д̇ам̣. сан̇гхасаннибаад̇ад̇о батамам̣ гаад̇аб̣б̣ам̣ буб̣б̣агаран̣ам̣ сан̇гхасаннибаад̇з гаад̇аб̣б̣ам̣ буб̣б̣агижжанд̇и д̣̇адтаб̣б̣ам̣. баал̣ияам̣ ‘‘но жз ад̇хидтахзяяа, аабад̇д̇и д̣̇уггадассаа’’д̇и зд̇т̇а асан̃жижжа ассад̇ияаа анаабад̇д̇и. яат̇аа жзд̇т̇а, звам̣ убариби, яад̇т̇а бана ажид̇д̇агаабад̇д̇и ад̇т̇и, д̇ад̇т̇а вагкаама. бан̃н̃ад̇д̇ам̣ ход̇ийд̇и иминаа на саабад̇д̇игзна убосат̇о гаад̇аб̣б̣од̇и висум̣ бадигкзбаабхаавзби яат̇аавуд̇д̇асуд̇д̇асаамад̇т̇ияад̇о бан̃н̃ад̇д̇амзваад̇и д̣̇ассзд̇и. иминаа зва наязна ‘‘адтаанамзд̇ам̣, бхигкавз, анавагаасо, яам̣ д̇ат̇ааг̇ад̇о абарисуд̣̇д̇хааяа барисааяа убосат̇ам̣ гарзяяа, баад̇имогкам̣ уд̣̇д̣̇исзяяаа’’д̇иаад̣̇исуд̇д̇анаяад̇ова (а. ни. 8.20; уд̣̇аа. 45; жуул̣ава. 386) алаж̇ж̇ийхи сад̣̇д̇хим̣ убосат̇агаран̣амби бадигкид̇д̇амзва алаж̇ж̇ийниг̇г̇ахад̇т̇ад̇д̇аа саб̣б̣асигкаабад̣̇аананд̇и д̣̇адтаб̣б̣ам̣. баарисуд̣̇д̇хид̣̇аанабан̃н̃аабанзнаад̇и иминаа саабад̇д̇игзна баарисуд̣̇д̇хиби на д̣̇аад̇аб̣б̣аад̇и д̣̇ийбид̇ам̣ ход̇и.

    Bhikkhūnaṃhatthapāsanti iminā gaṇapuggalesu chandapārisuddhiyā anāgamanaṃ dasseti. ‘‘Saṅghappatto’’ti hi pāḷiyaṃ (mahāva. 165) vuttaṃ. Saṅghasannipātato paṭhamaṃ kātabbaṃ pubbakaraṇaṃ saṅghasannipāte kātabbaṃ pubbakiccanti daṭṭhabbaṃ. Pāḷiyaṃ ‘‘no ce adhiṭṭhaheyya, āpatti dukkaṭassā’’ti ettha asañcicca assatiyā anāpatti. Yathā cettha, evaṃ uparipi, yattha pana acittakāpatti atthi, tattha vakkhāma. Paññattaṃ hotīti iminā na sāpattikena uposatho kātabboti visuṃ paṭikkhepābhāvepi yathāvuttasuttasāmatthiyato paññattamevāti dasseti. Iminā eva nayena ‘‘aṭṭhānametaṃ, bhikkhave, anavakāso, yaṃ tathāgato aparisuddhāya parisāya uposathaṃ kareyya, pātimokkhaṃ uddiseyyā’’tiādisuttanayatova (a. ni. 8.20; udā. 45; cūḷava. 386) alajjīhi saddhiṃ uposathakaraṇampi paṭikkhittameva alajjīniggahatthattā sabbasikkhāpadānanti daṭṭhabbaṃ. Pārisuddhidānapaññāpanenāti iminā sāpattikena pārisuddhipi na dātabbāti dīpitaṃ hoti.

    176. убхоби д̣̇уггаданд̇и зд̇т̇а сабхааг̇аабад̇д̇ибхаавам̣ аж̇аанид̇ваа гзвалам̣ аабад̇д̇инаамзнзва д̣̇зсзнд̇асса бадиг̇г̇ан̣ханд̇асса жа ажид̇д̇агамзва д̣̇уггадам̣ ход̇ийд̇и вад̣̇анд̇и. яат̇аа сан̇гхо сабхааг̇аабад̇д̇им̣ аабаннод̇и н̃ад̇д̇им̣ табзд̇ваа убосат̇ам̣ гаад̇ум̣ лабхад̇и, звам̣ д̇аяоби ‘‘сун̣анд̇у мз, ааяасманд̇аа, имз бхигкуу сабхааг̇ам̣ аабад̇д̇им̣ аабаннаа’’д̇иаад̣̇инаа вуд̇д̇анаяаанусаарзнзва г̇ан̣ан̃ад̇д̇им̣ табзд̇ваа д̣̇вийхи ан̃н̃аман̃н̃ам̣ аарожзд̇ваа убосат̇ам̣ гаад̇ум̣ ваддад̇и. згзна бана саабад̇д̇игзна д̣̇уурам̣ г̇анд̇вааби бадигаад̇умзва ваддад̇и, асамбаабун̣анд̇зна ‘‘бхигкуу лабхид̇ваа бадигариссаамий’’д̇и убосат̇о гаад̇аб̣б̣о, бадигарид̇ваа жа буна убосат̇о гаад̇аб̣б̣о . гзнажи гаран̣ийязна г̇анд̇ваад̇и сиймаабарижчзд̣̇ад̇о б̣ахибхууд̇ам̣ г̇аамам̣ ваа аран̃н̃ам̣ ваа г̇анд̇ваад̇и ад̇т̇о. зд̇знзва убосат̇ан̃ад̇д̇ияаа табанагаалз самаг̇г̇аа зва д̇з н̃ад̇д̇им̣ табзсунд̇и сид̣̇д̇хам̣. д̇знзва баал̣ияам̣ (махаава. 172) ‘‘уд̣̇д̣̇идтам̣ сууд̣̇д̣̇идта’’нд̇и саб̣б̣абаннарасагзсуби вуд̇д̇ам̣.

    176.Ubhopi dukkaṭanti ettha sabhāgāpattibhāvaṃ ajānitvā kevalaṃ āpattināmeneva desentassa paṭiggaṇhantassa ca acittakameva dukkaṭaṃ hotīti vadanti. Yathā saṅgho sabhāgāpattiṃ āpannoti ñattiṃ ṭhapetvā uposathaṃ kātuṃ labhati, evaṃ tayopi ‘‘suṇantu me, āyasmantā, ime bhikkhū sabhāgaṃ āpattiṃ āpannā’’tiādinā vuttanayānusāreneva gaṇañattiṃ ṭhapetvā dvīhi aññamaññaṃ ārocetvā uposathaṃ kātuṃ vaṭṭati. Ekena pana sāpattikena dūraṃ gantvāpi paṭikātumeva vaṭṭati, asampāpuṇantena ‘‘bhikkhū labhitvā paṭikarissāmī’’ti uposatho kātabbo, paṭikaritvā ca puna uposatho kātabbo . Kenaci karaṇīyena gantvāti sīmāparicchedato bahibhūtaṃ gāmaṃ vā araññaṃ vā gantvāti attho. Eteneva uposathañattiyā ṭhapanakāle samaggā eva te ñattiṃ ṭhapesunti siddhaṃ. Teneva pāḷiyaṃ (mahāva. 172) ‘‘uddiṭṭhaṃ suuddiṭṭha’’nti sabbapannarasakesupi vuttaṃ.

    сажз бана вуд̣дхад̇аро ход̇ийд̇и бавааран̣ад̣̇ааяаго бхигку вуд̣дхад̇аро ход̇и. зван̃хи д̇зна д̇ассад̇т̇ааяа баваарид̇ам̣ ход̇ийд̇и зд̇т̇а звам̣ д̇зна аббаваарид̇зби д̇асса сан̇гхаббад̇д̇амад̇д̇зна сан̇гхасса бавааран̣аагаммам̣ самаг̇г̇агаммамзва ход̇ийд̇и д̣̇адтаб̣б̣ам̣. д̇зна жа бхигкунаад̇и бавааран̣ад̣̇ааяагзна бхигкунаа. б̣ахууби самаанавассигаа згад̇о баваарзд̇ум̣ лабханд̇ийд̇и згасмим̣ сам̣важчарз лад̣̇д̇хубасамбад̣̇ад̇ааяа самаанубасамбад̣̇авассаа саб̣б̣з згад̇о баваарзд̇ум̣ лабханд̇ийд̇и ад̇т̇о.

    Sace pana vuḍḍhataro hotīti pavāraṇadāyako bhikkhu vuḍḍhataro hoti. Evañhi tena tassatthāya pavāritaṃ hotīti ettha evaṃ tena appavāritepi tassa saṅghappattamattena saṅghassa pavāraṇākammaṃ samaggakammameva hotīti daṭṭhabbaṃ. Tena ca bhikkhunāti pavāraṇadāyakena bhikkhunā. Bahūpi samānavassikā ekato pavāretuṃ labhantīti ekasmiṃ saṃvacchare laddhupasampadatāya samānupasampadavassā sabbe ekato pavāretuṃ labhantīti attho.

    зд̇т̇а бана бан̣д̣ид̇зхи жинд̇зд̇аб̣б̣ам̣ вижаарзд̇аб̣б̣ам̣ гааран̣ам̣ ад̇т̇и, гим̣ бана д̇анд̇и? ид̣̇аани баад̇имогкуд̣̇д̣̇зсагаалз –

    Ettha pana paṇḍitehi cintetabbaṃ vicāretabbaṃ kāraṇaṃ atthi, kiṃ pana tanti? Idāni pātimokkhuddesakāle –

    ‘‘саммаж̇ж̇аний бад̣̇ийбо жа, уд̣̇агам̣ аасанзна жа;

    ‘‘Sammajjanī padīpo ca, udakaṃ āsanena ca;

    убосат̇асса зд̇аани, буб̣б̣агаран̣анд̇и вужжад̇и.

    Uposathassa etāni, pubbakaraṇanti vuccati.

    ‘‘чанд̣̇абаарисуд̣̇д̇хиуд̇угкаанам̣, бхигкуг̇ан̣анаа жа оваад̣̇о;

    ‘‘Chandapārisuddhiutukkhānaṃ, bhikkhugaṇanā ca ovādo;

    убосат̇асса зд̇аани, буб̣б̣агижжанд̇и вужжад̇и.

    Uposathassa etāni, pubbakiccanti vuccati.

    ‘‘убосат̇о яаавад̇игаа жа бхигкуу гаммаббад̇д̇аа;

    ‘‘Uposatho yāvatikā ca bhikkhū kammappattā;

    сабхааг̇аабад̇д̇ияо жа на виж̇ж̇анд̇и;

    Sabhāgāpattiyo ca na vijjanti;

    важ̇ж̇анийяаа жа буг̇г̇алаа д̇асмим̣ на хонд̇и;

    Vajjanīyā ca puggalā tasmiṃ na honti;

    бад̇д̇агалланд̇и вужжад̇ий’’д̇и. (махаава. адта. 168) –

    Pattakallanti vuccatī’’ti. (mahāva. aṭṭha. 168) –

    имаа г̇аат̇ааяо д̇хаммаж̇жхзсагзна баатам̣язва бхан̣аабзд̇ваа баад̇имогкуд̣̇д̣̇зсаго ад̇т̇ам̣ гат̇зд̇и. д̇ад̇о буб̣б̣агаран̣абуб̣б̣агижжаани саммаа нидтаабзд̇ваа ‘‘д̣̇зсид̇аабад̇д̇игасса самаг̇г̇асса бхигкусан̇гхасса анумад̇ияаа баад̇имогкам̣ уд̣̇д̣̇исид̇ум̣ аараад̇ханам̣ гаромаа’’д̇и имам̣ ваагяам̣ баатамзва аж̇жхзсагзна бхан̣аабзд̇ваа ад̇т̇ам̣ авад̇ваава ‘‘саад̇хуу’’д̇и вад̇ваа баад̇имогкам̣ уд̣̇д̣̇исад̇и. бавааран̣ааяаби зсзва наяо. ‘‘бавааран̣ааяа зд̇ааний’’д̇и жа ‘‘бавааран̣ам̣ гаад̇у’’нд̇и жа имаани бад̣̇ааниязва висидтаани.

    Imā gāthāyo dhammajjhesakena pāṭhaṃyeva bhaṇāpetvā pātimokkhuddesako atthaṃ katheti. Tato pubbakaraṇapubbakiccāni sammā niṭṭhāpetvā ‘‘desitāpattikassa samaggassa bhikkhusaṅghassa anumatiyā pātimokkhaṃ uddisituṃ ārādhanaṃ karomā’’ti imaṃ vākyaṃ pāṭhameva ajjhesakena bhaṇāpetvā atthaṃ avatvāva ‘‘sādhū’’ti vatvā pātimokkhaṃ uddisati. Pavāraṇāyapi eseva nayo. ‘‘Pavāraṇāya etānī’’ti ca ‘‘pavāraṇaṃ kātu’’nti ca imāni padāniyeva visiṭṭhāni.

    гим̣ имаани д̇хаммаж̇жхзсагасса важанаани, уд̣̇ааху баад̇имогкуд̣̇д̣̇зсагассаад̇и? гин̃жзд̇т̇а – яад̣̇и д̇хаммаж̇жхзсагасса важанаани, звам̣ сад̇и г̇аат̇аад̇д̇аяам̣ вад̇ваа д̇аасам̣ ад̇т̇амби со зва гат̇зд̇ваа зд̇аани буб̣б̣агаран̣аани жа зд̇аани буб̣б̣агижжаани жа сан̇гхзна гад̇аани, ид̣̇ан̃жа сан̇гхасса бад̇д̇агаллам̣ самаанийд̇ам̣, д̇асмаа ‘‘уд̣̇д̣̇исад̇у, бханд̇з, баад̇имогка’’нд̇и д̇знзва вад̇д̇аб̣б̣ам̣ сияаа. ат̇а баад̇имогкуд̣̇д̣̇зсагасса важанаани, зван̃жа сад̇и ‘‘сан̇гхо, бханд̇з, т̇зрам̣ баад̇имогкуд̣̇д̣̇зсам̣ аж̇жхзсад̇и, уд̣̇д̣̇исад̇у, бханд̇з, т̇зро баад̇имогка’’нд̇и д̇хаммаж̇жхзсагзна яаавад̇ад̇ияам̣ аж̇жхосаабзд̇ваа ‘‘саммаж̇ж̇аний…бз… вужжад̇ий’’д̇и г̇аат̇ам̣ вад̇ваа ид̇и ‘‘адтагат̇аажариязхи вуд̇д̇аани зд̇аани буб̣б̣агаран̣аани гад̇ааний’’д̇и бужчид̇ваа д̇хаммаж̇жхзсагзна ‘‘аама, бханд̇з’’д̇и вуд̇д̇з ‘‘чанд̣̇абаарисуд̣̇д̇хи …бз… вужжад̇ий’’д̇и г̇аат̇ам̣ вад̇ваа ид̇и ‘‘адтагат̇аажариязхи вуд̇д̇аани зд̇аани буб̣б̣агижжаани гад̇ааний’’д̇и бужчид̇ваа ‘‘аама, бханд̇з’’д̇и вуд̇д̇з ‘‘убосат̇о…бз… вужжад̇ий’’д̇и г̇аат̇ам̣ вад̇ваа ид̇и ‘‘адтагат̇аажариязхи вуд̇д̇ам̣ ид̣̇ам̣ бад̇д̇агаллам̣ самаанийд̇а’’нд̇и бужчид̇ваа ‘‘аама бханд̇з’’д̇и вуд̇д̇з ‘‘буб̣б̣агаран̣абуб̣б̣агижжаани саммаа нидтаабзд̇ваа бад̇д̇агаллз самаанийд̇з самаг̇г̇асса бхигкусан̇гхасса анумад̇ияаа баад̇имогкам̣ уд̣̇д̣̇исид̇ум̣ аараад̇ханам̣ маяам̣ гаромаа’’д̇и баад̇имогкуд̣̇д̣̇зсагзна вад̇д̇аб̣б̣ам̣ сияаа, звам̣ сад̇и аж̇жхзсагааж̇жхзсид̇аб̣б̣аанам̣ важанам̣ асан̇гарад̇о ж̇аанид̇аб̣б̣ам̣ бхавзяяаад̇и.

    Kiṃ imāni dhammajjhesakassa vacanāni, udāhu pātimokkhuddesakassāti? Kiñcettha – yadi dhammajjhesakassa vacanāni, evaṃ sati gāthāttayaṃ vatvā tāsaṃ atthampi so eva kathetvā etāni pubbakaraṇāni ca etāni pubbakiccāni ca saṅghena katāni, idañca saṅghassa pattakallaṃ samānītaṃ, tasmā ‘‘uddisatu, bhante, pātimokkha’’nti teneva vattabbaṃ siyā. Atha pātimokkhuddesakassa vacanāni, evañca sati ‘‘saṅgho, bhante, theraṃ pātimokkhuddesaṃ ajjhesati, uddisatu, bhante, thero pātimokkha’’nti dhammajjhesakena yāvatatiyaṃ ajjhosāpetvā ‘‘sammajjanī…pe… vuccatī’’ti gāthaṃ vatvā iti ‘‘aṭṭhakathācariyehi vuttāni etāni pubbakaraṇāni katānī’’ti pucchitvā dhammajjhesakena ‘‘āma, bhante’’ti vutte ‘‘chandapārisuddhi …pe… vuccatī’’ti gāthaṃ vatvā iti ‘‘aṭṭhakathācariyehi vuttāni etāni pubbakiccāni katānī’’ti pucchitvā ‘‘āma, bhante’’ti vutte ‘‘uposatho…pe… vuccatī’’ti gāthaṃ vatvā iti ‘‘aṭṭhakathācariyehi vuttaṃ idaṃ pattakallaṃ samānīta’’nti pucchitvā ‘‘āma bhante’’ti vutte ‘‘pubbakaraṇapubbakiccāni sammā niṭṭhāpetvā pattakalle samānīte samaggassa bhikkhusaṅghassa anumatiyā pātimokkhaṃ uddisituṃ ārādhanaṃ mayaṃ karomā’’ti pātimokkhuddesakena vattabbaṃ siyā, evaṃ sati ajjhesakaajjhesitabbānaṃ vacanaṃ asaṅkarato jānitabbaṃ bhaveyyāti.

    зд̇т̇а жа г̇аат̇аад̇д̇аяасса адтагат̇аажариязхи вуд̇д̇абхааво адтагат̇ааяамзва ааг̇ад̇о. бажчимаваагяам̣ бана нзва баал̣ияам̣, на адтагат̇ааяам̣, на дийгаад̣̇ийсу д̣̇иссад̇и. куд̣̇д̣̇асигкаабагаран̣зби –

    Ettha ca gāthāttayassa aṭṭhakathācariyehi vuttabhāvo aṭṭhakathāyameva āgato. Pacchimavākyaṃ pana neva pāḷiyaṃ, na aṭṭhakathāyaṃ, na ṭīkādīsu dissati. Khuddasikkhāpakaraṇepi –

    ‘‘буб̣б̣агижжз жа гаран̣з;

    ‘‘Pubbakicce ca karaṇe;

    бад̇д̇агаллз самаанид̇з;

    Pattakalle samānite;

    суд̇д̇ам̣ уд̣̇д̣̇исад̇и сан̇гхо;

    Suttaṃ uddisati saṅgho;

    бан̃жад̇хаа со вибхаавид̇о’’д̇и жа.

    Pañcadhā so vibhāvito’’ti ca.

    ‘‘буб̣б̣агижжз жа гаран̣з;

    ‘‘Pubbakicce ca karaṇe;

    бад̇д̇агаллз самаанид̇з;

    Pattakalle samānite;

    н̃ад̇д̇им̣ вад̇ваана сан̇гхзна;

    Ñattiṃ vatvāna saṅghena;

    гад̇д̇аб̣б̣звам̣ бавааран̣аа’’д̇и жа. –

    Kattabbevaṃ pavāraṇā’’ti ca. –

    вуд̇д̇ам̣, на вуд̇д̇ам̣ д̇ат̇аа. мууласигкаабагаран̣зязва д̇ат̇аа вуд̇д̇ам̣, д̇асмаа аажарияаанам̣ ад̇д̇аномад̇и бхавзяяа.

    Vuttaṃ, na vuttaṃ tathā. Mūlasikkhāpakaraṇeyeva tathā vuttaṃ, tasmā ācariyānaṃ attanomati bhaveyya.

    д̇ад̇т̇а ‘‘буб̣б̣агаран̣абуб̣б̣агижжаани саммаа нидтаабзд̇ваа’’д̇и иминаа буримаг̇аат̇аад̣̇ваяасса ад̇т̇амзва гат̇зд̇ваа д̇ад̇ияаг̇аат̇ааяа ад̇т̇о на гат̇ид̇о. ‘‘д̣̇зсид̇аабад̇д̇игассаа’’д̇и иминаа жа аабад̇д̇ияаа д̣̇зсид̇абхаавоязва гат̇ид̇о, на саб̣б̣ам̣ бад̇д̇агаллам̣. аабад̇д̇ияаа д̣̇зсид̇абхаавз жа сабхааг̇аабад̇д̇ияаа д̣̇зсид̇абхаавоязва бад̇д̇агалласмим̣ анд̇ог̇ад̇хо, на ид̇аро. вуд̇д̇ан̃хи ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ‘‘зд̇аасу хи сабхааг̇аабад̇д̇ийсу авиж̇ж̇амаанаасу, висабхааг̇аабад̇д̇ийсу виж̇ж̇амаанаасуби бад̇д̇агаллам̣ ход̇иязваа’’д̇и. ‘‘буб̣б̣агаран̣абуб̣б̣агижжаани саммаа нидтаабзд̇ваа д̣̇зсид̇аабад̇д̇игасса самаг̇г̇асса бхигкусан̇гхасса анумад̇ияаа баад̇имогкам̣ уд̣̇д̣̇исид̇ум̣ аараад̇ханам̣ гаромаа’’д̇и зд̇д̇агзязва вуд̇д̇з авасзсаани д̇ийн̣и бад̇д̇агаллан̇г̇аани. сзяяат̇ид̣̇ам̣ – убосат̇о, яаавад̇игаа жа бхигкуу гаммаббад̇д̇аа, важ̇ж̇анийяаа жа буг̇г̇алаа д̇асмим̣ на хонд̇ийд̇и (махаава. адта. 168). д̇зсу асанд̇зсуби убосат̇о гаад̇аб̣б̣од̇и аабаж̇ж̇ад̇и, на бана гаад̇аб̣б̣о. д̇зна вуд̇д̇ам̣ ‘‘на, бхигкавз, анубосат̇з убосат̇о гаад̇аб̣б̣о, яо гарзяяа, аабад̇д̇и д̣̇уггадассаа’’д̇и (махаава. 183) жа, ‘‘ануж̇аанаами, бхигкавз, жад̇уннам̣ баад̇имогкам̣ уд̣̇д̣̇исид̇у’’нд̇и (махаава. 168) жа, ‘‘на, бхигкавз, саг̇ахадтааяа барисааяа баад̇имогкам̣ уд̣̇д̣̇исид̇аб̣б̣а’’нд̇иаад̣̇и (махаава. 154) жа, д̇асмаа убосат̇ад̣̇ивасзсу сан̇гхз саннибад̇ид̇з сажз буб̣б̣зва саммад̇о д̇хаммаж̇жхзсаго ад̇т̇и, ижжзд̇ам̣ гусалам̣. но жз, згам̣ б̣яад̇д̇ам̣ бадиб̣алам̣ бхигкум̣ сан̇гхзна самманнаабзд̇ваа д̇зна д̇хаммаж̇жхзсагзна баад̇имогкуд̣̇д̣̇зсагам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – сан̇гхо, бханд̇з, т̇зрам̣ баад̇имогкуд̣̇д̣̇зсам̣ аж̇жхзсад̇и, уд̣̇д̣̇исад̇у т̇зро баад̇имогкам̣. д̣̇уд̇ияамби, бханд̇з, сан̇гхо…бз… д̇ад̇ияамби, бханд̇з, сан̇гхо…бз… уд̣̇д̣̇исад̇у т̇зро баад̇имогканд̇и д̇игкад̇д̇ум̣ яаажаабзд̇ваа д̇ад̇о баад̇имогкуд̣̇д̣̇зсагзна –

    Tattha ‘‘pubbakaraṇapubbakiccāni sammā niṭṭhāpetvā’’ti iminā purimagāthādvayassa atthameva kathetvā tatiyagāthāya attho na kathito. ‘‘Desitāpattikassā’’ti iminā ca āpattiyā desitabhāvoyeva kathito, na sabbaṃ pattakallaṃ. Āpattiyā desitabhāve ca sabhāgāpattiyā desitabhāvoyeva pattakallasmiṃ antogadho, na itaro. Vuttañhi kaṅkhāvitaraṇiyaṃ (kaṅkhā. aṭṭha. nidānavaṇṇanā) ‘‘etāsu hi sabhāgāpattīsu avijjamānāsu, visabhāgāpattīsu vijjamānāsupi pattakallaṃ hotiyevā’’ti. ‘‘Pubbakaraṇapubbakiccāni sammā niṭṭhāpetvā desitāpattikassa samaggassa bhikkhusaṅghassa anumatiyā pātimokkhaṃ uddisituṃ ārādhanaṃ karomā’’ti ettakeyeva vutte avasesāni tīṇi pattakallaṅgāni. Seyyathidaṃ – uposatho, yāvatikā ca bhikkhū kammappattā, vajjanīyā ca puggalā tasmiṃ na hontīti (mahāva. aṭṭha. 168). Tesu asantesupi uposatho kātabboti āpajjati, na pana kātabbo. Tena vuttaṃ ‘‘na, bhikkhave, anuposathe uposatho kātabbo, yo kareyya, āpatti dukkaṭassā’’ti (mahāva. 183) ca, ‘‘anujānāmi, bhikkhave, catunnaṃ pātimokkhaṃ uddisitu’’nti (mahāva. 168) ca, ‘‘na, bhikkhave, sagahaṭṭhāya parisāya pātimokkhaṃ uddisitabba’’ntiādi (mahāva. 154) ca, tasmā uposathadivasesu saṅghe sannipatite sace pubbeva sammato dhammajjhesako atthi, iccetaṃ kusalaṃ. No ce, ekaṃ byattaṃ paṭibalaṃ bhikkhuṃ saṅghena sammannāpetvā tena dhammajjhesakena pātimokkhuddesakaṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – saṅgho, bhante, theraṃ pātimokkhuddesaṃ ajjhesati, uddisatu thero pātimokkhaṃ. Dutiyampi, bhante, saṅgho…pe… tatiyampi, bhante, saṅgho…pe… uddisatu thero pātimokkhanti tikkhattuṃ yācāpetvā tato pātimokkhuddesakena –

    ‘‘саммаж̇ж̇аний бад̣̇ийбо жа, уд̣̇агам̣ аасанзна жа;

    ‘‘Sammajjanī padīpo ca, udakaṃ āsanena ca;

    убосат̇асса зд̇аани, буб̣б̣агаран̣анд̇и вужжад̇ийд̇и. (махаава. адта. 168; ган̇каа. адта. нид̣̇аанаван̣н̣анаа) –

    Uposathassa etāni, pubbakaraṇanti vuccatīti. (mahāva. aṭṭha. 168; kaṅkhā. aṭṭha. nidānavaṇṇanā) –

    адтагат̇аажариязхи вуд̇д̇аани жад̇д̇аари буб̣б̣агаран̣аани, гим̣ д̇аани гад̇ааний’’д̇и бужчид̇з д̇хаммаж̇жхзсагзна ‘‘аама, бханд̇з’’д̇и вуд̇д̇з буна баад̇имогкуд̣̇д̣̇зсагзна –

    Aṭṭhakathācariyehi vuttāni cattāri pubbakaraṇāni, kiṃ tāni katānī’’ti pucchite dhammajjhesakena ‘‘āma, bhante’’ti vutte puna pātimokkhuddesakena –

    ‘‘чанд̣̇абаарисуд̣̇д̇хиуд̇угкаанам̣, бхигкуг̇ан̣анаа жа оваад̣̇о;

    ‘‘Chandapārisuddhiutukkhānaṃ, bhikkhugaṇanā ca ovādo;

    убосат̇асса зд̇аани, буб̣б̣агижжанд̇и вужжад̇ийд̇и. (махаава. адта. 168; ган̇каа. адта. нид̣̇аанаван̣н̣анаа) –

    Uposathassa etāni, pubbakiccanti vuccatīti. (mahāva. aṭṭha. 168; kaṅkhā. aṭṭha. nidānavaṇṇanā) –

    адтагат̇аажариязхи вуд̇д̇аани бан̃жа буб̣б̣агижжаани, гим̣ д̇аани гад̇ааний’’д̇и бужчид̇з д̇хаммаж̇жхзсагзна ‘‘аама бханд̇з’’д̇и вуд̇д̇з буна баад̇имогкуд̣̇д̣̇зсагзна –

    Aṭṭhakathācariyehi vuttāni pañca pubbakiccāni, kiṃ tāni katānī’’ti pucchite dhammajjhesakena ‘‘āma bhante’’ti vutte puna pātimokkhuddesakena –

    ‘‘убосат̇о яаавад̇игаа жа бхигкуу гаммаббад̇д̇аа;

    ‘‘Uposatho yāvatikā ca bhikkhū kammappattā;

    сабхааг̇аабад̇д̇ияо жа на виж̇ж̇анд̇и;

    Sabhāgāpattiyo ca na vijjanti;

    важ̇ж̇анийяаа жа буг̇г̇алаа д̇асмим̣ на хонд̇и;

    Vajjanīyā ca puggalā tasmiṃ na honti;

    бад̇д̇агалланд̇и вужжад̇ийд̇и. (махаава. адта. 168; ган̇каа адта. нид̣̇аанаван̣н̣анаа) –

    Pattakallanti vuccatīti. (mahāva. aṭṭha. 168; kaṅkhā aṭṭha. nidānavaṇṇanā) –

    адтагат̇аажариязхи вуд̇д̇аани жад̇д̇аари бад̇д̇агаллан̇г̇аани, гим̣ д̇аани самаанийд̇ааний’’д̇и бужчид̇з д̇хаммаж̇жхзсагзна ‘‘аама, бханд̇з’’д̇и вуд̇д̇з буна баад̇имогкуд̣̇д̣̇зсаго ‘‘буб̣б̣агаран̣абуб̣б̣агижжаани саммаа нидтаабзд̇ваа бад̇д̇агаллан̇г̇з самаанийд̇з сан̇гхасса анумад̇ияаа баад̇имогкам̣ уд̣̇д̣̇исиссаамаа’’д̇и вад̇ваа ‘‘саад̇ху саад̇хуу’’д̇и бхигкусан̇гхзна самбадижчид̇з ‘‘сун̣аад̇у мз, бханд̇з, сан̇гхо’’д̇иаад̣̇инаа баад̇имогкуд̣̇д̣̇зсаго баад̇имогкам̣ уд̣̇д̣̇исад̇ийд̇и аяамамхаагам̣ канд̇и.

    Aṭṭhakathācariyehi vuttāni cattāri pattakallaṅgāni, kiṃ tāni samānītānī’’ti pucchite dhammajjhesakena ‘‘āma, bhante’’ti vutte puna pātimokkhuddesako ‘‘pubbakaraṇapubbakiccāni sammā niṭṭhāpetvā pattakallaṅge samānīte saṅghassa anumatiyā pātimokkhaṃ uddisissāmā’’ti vatvā ‘‘sādhu sādhū’’ti bhikkhusaṅghena sampaṭicchite ‘‘suṇātu me, bhante, saṅgho’’tiādinā pātimokkhuddesako pātimokkhaṃ uddisatīti ayamamhākaṃ khanti.

    зд̇т̇а жа ‘‘д̇хаммаж̇жхзсагзна…бз… звамасса важанийяо’’д̇и вуд̇д̇ам̣, со д̇хаммаж̇жхзсагзна важанийяабхааво гат̇ам̣ взд̣̇ид̇аб̣б̣од̇и? ‘‘на, бхигкавз, сан̇гхамаж̇жхз анаж̇жхидтзна баад̇имогкам̣ уд̣̇д̣̇исид̇аб̣б̣ам̣, яо уд̣̇д̣̇исзяяа, аабад̇д̇и д̣̇уггадассаа’’д̇и (махаава. 154) важанад̇од̇и. ‘‘сан̇гхзна самманнаабзд̇ваа’’д̇и вуд̇д̇ам̣, д̇ам̣ гат̇анд̇и? ‘‘аж̇жхзсанаа жзд̇т̇а сан̇гхзна саммад̇ад̇хаммаж̇жхзсагааяад̇д̇аа ваа сан̇гхад̇т̇зрааяад̇д̇аа ваа’’д̇и адтагат̇ааяам̣ вуд̇д̇ад̇д̇аа. ‘‘сан̇гхо, бханд̇з, т̇зрам̣ баад̇имогкуд̣̇д̣̇зсам̣ аж̇жхзсад̇и, уд̣̇д̣̇исад̇у, бханд̇з, т̇зро баад̇имогка’’нд̇и аяам̣ аж̇жхзсанаагааро гуд̇о лаб̣бхад̇ийд̇и? баал̣ид̇о. баал̣ияан̃хи (махаава. 155) ‘‘д̇з т̇зрам̣ аж̇жхзсанд̇и, уд̣̇д̣̇исад̇у, бханд̇з, т̇зро баад̇имогка’’нд̇и ааг̇ад̇о.

    Ettha ca ‘‘dhammajjhesakena…pe… evamassa vacanīyo’’ti vuttaṃ, so dhammajjhesakena vacanīyabhāvo kathaṃ veditabboti? ‘‘Na, bhikkhave, saṅghamajjhe anajjhiṭṭhena pātimokkhaṃ uddisitabbaṃ, yo uddiseyya, āpatti dukkaṭassā’’ti (mahāva. 154) vacanatoti. ‘‘Saṅghena sammannāpetvā’’ti vuttaṃ, taṃ kathanti? ‘‘Ajjhesanā cettha saṅghena sammatadhammajjhesakāyattā vā saṅghattherāyattā vā’’ti aṭṭhakathāyaṃ vuttattā. ‘‘Saṅgho, bhante, theraṃ pātimokkhuddesaṃ ajjhesati, uddisatu, bhante, thero pātimokkha’’nti ayaṃ ajjhesanākāro kuto labbhatīti? Pāḷito. Pāḷiyañhi (mahāva. 155) ‘‘te theraṃ ajjhesanti, uddisatu, bhante, thero pātimokkha’’nti āgato.

    сажз бана д̇хаммаж̇жхзсаго вуд̣дхад̇аро, баад̇имогкуд̣̇д̣̇зсаго наваго, ‘‘сан̇гхо, аавусо, ааяасманд̇ам̣ баад̇имогкуд̣̇д̣̇зсам̣ аж̇жхзсад̇и, уд̣̇д̣̇исад̇у ааяасмаа баад̇имогка’’нд̇и вад̇д̇аб̣б̣ам̣. д̇ам̣ гуд̇о лаб̣бхад̇и? баал̣ид̇оязва. баал̣ияан̃хи (махаава. 155) ‘‘зд̇знзва убааязна яаава сан̇гханавагам̣ аж̇жхзсанд̇и уд̣̇д̣̇исад̇у ааяасмаа баад̇имогка’’нд̇и ааг̇ад̇о. д̇ад̇о ‘‘баад̇имогкуд̣̇д̣̇зсагзна саммаж̇ж̇аний…бз… бужчид̇з д̇хаммаж̇жхзсагзна ‘аама, бханд̇з’д̇и вуд̇д̇з’’д̇и ид̣̇ам̣ гуд̇о лаб̣бхад̇ийд̇и? баал̣ид̇о адтагат̇аад̇о жа. нид̣̇аанабаал̣ияамби хи ‘‘гим̣ сан̇гхасса буб̣б̣агижжа’’нд̇и ааг̇ад̇ам̣, адтагат̇ааяамби (ган̇каа. адта. нид̣̇аанаван̣н̣анаа) ‘‘гим̣ сан̇гхасса буб̣б̣агижжанд̇и сан̇гхо убосат̇ам̣ гарзяяаад̇и…бз… звам̣ д̣̇вийхи наамзхи нававид̇хам̣ буб̣б̣агижжам̣ д̣̇ассид̇ам̣, гим̣ д̇ам̣ гад̇анд̇и бужчад̇ий’’д̇и ааг̇ад̇анд̇и.

    Sace pana dhammajjhesako vuḍḍhataro, pātimokkhuddesako navako, ‘‘saṅgho, āvuso, āyasmantaṃ pātimokkhuddesaṃ ajjhesati, uddisatu āyasmā pātimokkha’’nti vattabbaṃ. Taṃ kuto labbhati? Pāḷitoyeva. Pāḷiyañhi (mahāva. 155) ‘‘eteneva upāyena yāva saṅghanavakaṃ ajjhesanti uddisatu āyasmā pātimokkha’’nti āgato. Tato ‘‘pātimokkhuddesakena sammajjanī…pe… pucchite dhammajjhesakena ‘āma, bhante’ti vutte’’ti idaṃ kuto labbhatīti? Pāḷito aṭṭhakathāto ca. Nidānapāḷiyampi hi ‘‘kiṃ saṅghassa pubbakicca’’nti āgataṃ, aṭṭhakathāyampi (kaṅkhā. aṭṭha. nidānavaṇṇanā) ‘‘kiṃ saṅghassa pubbakiccanti saṅgho uposathaṃ kareyyāti…pe… evaṃ dvīhi nāmehi navavidhaṃ pubbakiccaṃ dassitaṃ, kiṃ taṃ katanti pucchatī’’ti āgatanti.

    нану жзд̇ам̣ анд̇онид̣̇аанзязва ааг̇ад̇ам̣, ат̇а гасмаа баад̇имогкуд̣̇д̣̇зсагзна буб̣б̣абхааг̇з вад̇д̇аб̣б̣анд̇и? сажжам̣, д̇ат̇ааби д̇ад̣̇ануломад̇о ж̇аанид̇аб̣б̣ад̇о вад̇д̇аб̣б̣ам̣. адтагат̇ааяан̃хи имаа г̇аат̇ааяо саммаж̇ж̇анаад̣̇ийнам̣ буб̣б̣агаран̣аад̣̇ибхааван̃аабагабхаавзнзва вуд̇д̇аа, на баад̇имогкаарамбхагаалз бхан̣ид̇аб̣б̣абхаавзна. ат̇а жа бана ид̣̇аани бхан̣анд̇и, звам̣ санд̇з гимад̇т̇ам̣ бхан̣анд̇ийд̇и жинд̇ааяам̣ анд̇онид̣̇аанз ‘‘гим̣ сан̇гхасса буб̣б̣агижжа’’нд̇и вуд̇д̇абужчаануломзна буб̣б̣агаран̣аад̣̇ийнам̣ нидтабхаавабужчанад̇т̇ам̣ бхан̣анд̇ийд̇и ж̇аанид̇аб̣б̣ам̣. вуд̇д̇ан̃хи ‘‘звам̣ вуд̇д̇ам̣ жад̇уб̣б̣ид̇хам̣ буб̣б̣агаран̣ам̣ гад̇ваава убосат̇о гаад̇аб̣б̣о’’д̇и (ви. сан̇г̇а. адта. 177), д̇асмаа баал̣иадтагат̇аануломад̇о иминаа ануггамзна гад̇з сад̇и д̇хаммаж̇жхзсаго бан̃н̃ааяад̇и, д̇асса аж̇жхзсанаагааро бан̃н̃ааяад̇и, баад̇имогкуд̣̇д̣̇зсаго бан̃н̃ааяад̇и, д̇асса буб̣б̣агаран̣аад̣̇ийнам̣ нидтабхаавабужчанам̣ бан̃н̃ааяад̇и, д̇хаммаж̇жхзсагасса виссаж̇ж̇анам̣ бан̃н̃ааяад̇и, д̇аани нидтаабзд̇ваа баад̇имогкуд̣̇д̣̇зсагасса баад̇имогкам̣ уд̣̇д̣̇исид̇ум̣ бадин̃н̃аа бан̃н̃ааяад̇и, звам̣ имзсам̣ г̇аат̇ааваагяаанам̣ важанз баяож̇анам̣ бан̃н̃ааяад̇ийд̇и гад̇ваа бан̣д̣ид̇зхи винаяан̃н̃уухи жирабадижчанно аяам̣ гат̇аамаг̇г̇о бадибаж̇ж̇ид̇аб̣б̣од̇и. бавааран̣ааяаби зсзва наяо.

    Nanu cetaṃ antonidāneyeva āgataṃ, atha kasmā pātimokkhuddesakena pubbabhāge vattabbanti? Saccaṃ, tathāpi tadanulomato jānitabbato vattabbaṃ. Aṭṭhakathāyañhi imā gāthāyo sammajjanādīnaṃ pubbakaraṇādibhāvañāpakabhāveneva vuttā, na pātimokkhārambhakāle bhaṇitabbabhāvena. Atha ca pana idāni bhaṇanti, evaṃ sante kimatthaṃ bhaṇantīti cintāyaṃ antonidāne ‘‘kiṃ saṅghassa pubbakicca’’nti vuttapucchānulomena pubbakaraṇādīnaṃ niṭṭhabhāvapucchanatthaṃ bhaṇantīti jānitabbaṃ. Vuttañhi ‘‘evaṃ vuttaṃ catubbidhaṃ pubbakaraṇaṃ katvāva uposatho kātabbo’’ti (vi. saṅga. aṭṭha. 177), tasmā pāḷiaṭṭhakathānulomato iminā anukkamena kate sati dhammajjhesako paññāyati, tassa ajjhesanākāro paññāyati, pātimokkhuddesako paññāyati, tassa pubbakaraṇādīnaṃ niṭṭhabhāvapucchanaṃ paññāyati, dhammajjhesakassa vissajjanaṃ paññāyati, tāni niṭṭhāpetvā pātimokkhuddesakassa pātimokkhaṃ uddisituṃ paṭiññā paññāyati, evaṃ imesaṃ gāthāvākyānaṃ vacane payojanaṃ paññāyatīti katvā paṇḍitehi vinayaññūhi cirapaṭicchanno ayaṃ kathāmaggo paṭipajjitabboti. Pavāraṇāyapi eseva nayo.

    баал̣ияадтагат̇аад̣̇ийнан̃хи , ануруубам̣ имам̣ наяам̣;

    Pāḷiyaṭṭhakathādīnañhi , anurūpaṃ imaṃ nayaṃ;

    бунаббунам̣ жинд̇аяанд̇у, бан̣д̣ид̇аа винаяан̃н̃уно.

    Punappunaṃ cintayantu, paṇḍitā vinayaññuno.

    бунаббунам̣ жинд̇аяид̇ваа, яуд̇д̇ам̣ жз д̇хаараяанд̇у д̇ам̣;

    Punappunaṃ cintayitvā, yuttaṃ ce dhārayantu taṃ;

    но жз яуд̇д̇ам̣ чад̣д̣аяанд̇у, саммаасамб̣уд̣̇д̇хасаавагаад̇и.

    No ce yuttaṃ chaḍḍayantu, sammāsambuddhasāvakāti.

    ид̇и винаяасан̇г̇ахасам̣ван̣н̣анаабхууд̇з винаяаалан̇гаарз

    Iti vinayasaṅgahasaṃvaṇṇanābhūte vinayālaṅkāre

    убосат̇абавааран̣аавинижчаяагат̇аалан̇гааро наама

    Uposathapavāraṇāvinicchayakathālaṅkāro nāma

    бан̃жавийсад̇имо барижчзд̣̇о.

    Pañcavīsatimo paricchedo.




    Next: 26. вассуубанааяигавинижчаяагат̇аа • 26. Vassūpanāyikavinicchayakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact