| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
73. убосат̇аббамукаануж̇аананаа
73. Uposathappamukhānujānanā
142. д̇зна ко бана самаязна ан̃н̃ад̇арасмим̣ ааваасз ад̇икуд̣̇д̣̇агам̣ убосат̇ааг̇аарам̣ саммад̇ам̣ ход̇и, д̇ад̣̇ахубосат̇з махаабхигкусан̇гхо саннибад̇ид̇о ход̇и. бхигкуу асаммад̇ааяа бхуумияаа нисиннаа баад̇имогкам̣ ассосум̣. ат̇а ко д̇зсам̣ бхигкуунам̣ зд̇ад̣̇ахоси ‘‘бхаг̇авад̇аа бан̃н̃ад̇д̇ам̣ ‘убосат̇ааг̇аарам̣ самманнид̇ваа убосат̇о гаад̇аб̣б̣о’д̇и, маяан̃жамхаа асаммад̇ааяа бхуумияаа нисинно баад̇имогкам̣ ассумхаа, гад̇о ну ко амхаагам̣ убосат̇о, агад̇о ну ко’’д̇и. бхаг̇авад̇о зд̇амад̇т̇ам̣ аарожзсум̣. саммад̇ааяа ваа, бхигкавз, бхуумияаа нисиннаа асаммад̇ааяа ваа яад̇о баад̇имогкам̣ сун̣аад̇и, гад̇овасса убосат̇о. д̇зна хи, бхигкавз, сан̇гхо яаава маханд̇ам̣ убосат̇аббамукам̣ 1 ааган̇кад̇и, д̇аава маханд̇ам̣ убосат̇аббамукам̣ самманнад̇у. зван̃жа бана, бхигкавз, самманнид̇аб̣б̣ам̣. батамам̣ нимид̇д̇аа гид̇д̇зд̇аб̣б̣аа. нимид̇д̇з гид̇д̇зд̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
142. Tena kho pana samayena aññatarasmiṃ āvāse atikhuddakaṃ uposathāgāraṃ sammataṃ hoti, tadahuposathe mahābhikkhusaṅgho sannipatito hoti. Bhikkhū asammatāya bhūmiyā nisinnā pātimokkhaṃ assosuṃ. Atha kho tesaṃ bhikkhūnaṃ etadahosi ‘‘bhagavatā paññattaṃ ‘uposathāgāraṃ sammannitvā uposatho kātabbo’ti, mayañcamhā asammatāya bhūmiyā nisinno pātimokkhaṃ assumhā, kato nu kho amhākaṃ uposatho, akato nu kho’’ti. Bhagavato etamatthaṃ ārocesuṃ. Sammatāya vā, bhikkhave, bhūmiyā nisinnā asammatāya vā yato pātimokkhaṃ suṇāti, katovassa uposatho. Tena hi, bhikkhave, saṅgho yāva mahantaṃ uposathappamukhaṃ 2 ākaṅkhati, tāva mahantaṃ uposathappamukhaṃ sammannatu. Evañca pana, bhikkhave, sammannitabbaṃ. Paṭhamaṃ nimittā kittetabbā. Nimitte kittetvā byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яаавад̇аа саманд̇аа нимид̇д̇аа гид̇д̇ид̇аа. яад̣̇и сан̇гхасса бад̇д̇агаллам̣, сан̇гхо зд̇зхи нимид̇д̇зхи убосат̇аббамукам̣ самманнзяяа. зсаа н̃ад̇д̇и.
‘‘Suṇātu me, bhante, saṅgho. Yāvatā samantā nimittā kittitā. Yadi saṅghassa pattakallaṃ, saṅgho etehi nimittehi uposathappamukhaṃ sammanneyya. Esā ñatti.
‘‘сун̣аад̇у мз, бханд̇з, сан̇гхо. яаавад̇аа саманд̇аа нимид̇д̇аа гид̇д̇ид̇аа. сан̇гхо зд̇зхи нимид̇д̇зхи убосат̇аббамукам̣ самманнад̇и. яассааяасмад̇о камад̇и зд̇зхи нимид̇д̇зхи убосат̇аббамукасса саммуд̇и, со д̇ун̣хасса; яасса нагкамад̇и, со бхаасзяяа. саммад̇ам̣ сан̇гхзна зд̇зхи нимид̇д̇зхи убосат̇аббамукам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Suṇātu me, bhante, saṅgho. Yāvatā samantā nimittā kittitā. Saṅgho etehi nimittehi uposathappamukhaṃ sammannati. Yassāyasmato khamati etehi nimittehi uposathappamukhassa sammuti, so tuṇhassa; yassa nakkhamati, so bhāseyya. Sammataṃ saṅghena etehi nimittehi uposathappamukhaṃ. Khamati saṅghassa, tasmā tuṇhī, evametaṃ dhārayāmī’’ti.
д̇зна ко бана самаязна ан̃н̃ад̇арасмим̣ ааваасз д̇ад̣̇ахубосат̇з навагаа бхигкуу батамад̇арам̣ саннибад̇ид̇ваа – ‘‘на д̇аава т̇зраа ааг̇ажчанд̇ий’’д̇и – баггамим̣су. убосат̇о вигаалз ахоси. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇ад̣̇ахубосат̇з т̇зрзхи бхигкуухи батамад̇арам̣ саннибад̇ид̇унд̇и.
Tena kho pana samayena aññatarasmiṃ āvāse tadahuposathe navakā bhikkhū paṭhamataraṃ sannipatitvā – ‘‘na tāva therā āgacchantī’’ti – pakkamiṃsu. Uposatho vikāle ahosi. Bhagavato etamatthaṃ ārocesuṃ. Anujānāmi, bhikkhave, tadahuposathe therehi bhikkhūhi paṭhamataraṃ sannipatitunti.
д̇зна ко бана самаязна рааж̇аг̇ахз самб̣ахулаа ааваасаа самаанасиймаа хонд̇и. д̇ад̇т̇а бхигкуу вивад̣̇анд̇и – ‘‘амхаагам̣ ааваасз убосат̇о гарийяад̇у, амхаагам̣ ааваасз убосат̇о гарийяад̇уу’’д̇и. бхаг̇авад̇о зд̇амад̇т̇ам̣ аарожзсум̣. ид̇ха бана, бхигкавз, самб̣ахулаа ааваасаа самаанасиймаа хонд̇и. д̇ад̇т̇а бхигкуу вивад̣̇анд̇и – ‘‘амхаагам̣ ааваасз убосат̇о гарийяад̇у, амхаагам̣ ааваасз убосат̇о гарийяад̇уу’’д̇и. д̇зхи, бхигкавз, бхигкуухи саб̣б̣зхзва згаж̇жхам̣ саннибад̇ид̇ваа убосат̇о гаад̇аб̣б̣о. яад̇т̇а ваа бана т̇зро бхигку вихарад̇и, д̇ад̇т̇а саннибад̇ид̇ваа убосат̇о гаад̇аб̣б̣о, на д̇взва ваг̇г̇зна сан̇гхзна убосат̇о гаад̇аб̣б̣о. яо гарзяяа, аабад̇д̇и д̣̇уггадассаад̇и.
Tena kho pana samayena rājagahe sambahulā āvāsā samānasīmā honti. Tattha bhikkhū vivadanti – ‘‘amhākaṃ āvāse uposatho karīyatu, amhākaṃ āvāse uposatho karīyatū’’ti. Bhagavato etamatthaṃ ārocesuṃ. Idha pana, bhikkhave, sambahulā āvāsā samānasīmā honti. Tattha bhikkhū vivadanti – ‘‘amhākaṃ āvāse uposatho karīyatu, amhākaṃ āvāse uposatho karīyatū’’ti. Tehi, bhikkhave, bhikkhūhi sabbeheva ekajjhaṃ sannipatitvā uposatho kātabbo. Yattha vā pana thero bhikkhu viharati, tattha sannipatitvā uposatho kātabbo, na tveva vaggena saṅghena uposatho kātabbo. Yo kareyya, āpatti dukkaṭassāti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убосат̇ааг̇аараад̣̇игат̇аа • Uposathāgārādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убосат̇ааг̇аараад̣̇игат̇ааван̣н̣анаа • Uposathāgārādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 72. убосат̇ааг̇аараад̣̇игат̇аа • 72. Uposathāgārādikathā
