| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. убосат̇асуд̇д̇ам̣
10. Uposathasuttaṃ
71. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. ат̇а ко висаакаа миг̇аарамаад̇аа д̇ад̣̇ахубосат̇з язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко висаакам̣ миг̇аарамаад̇арам̣ бхаг̇аваа зд̇ад̣̇авожа – ‘‘ханд̣̇а гуд̇о ну д̇вам̣, висаакз, ааг̇ажчаси д̣̇иваа д̣̇ивассаа’’д̇и? ‘‘убосат̇аахам̣, бханд̇з, аж̇ж̇а убавасаамий’’д̇и.
71. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Atha kho visākhā migāramātā tadahuposathe yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho visākhaṃ migāramātaraṃ bhagavā etadavoca – ‘‘handa kuto nu tvaṃ, visākhe, āgacchasi divā divassā’’ti? ‘‘Uposathāhaṃ, bhante, ajja upavasāmī’’ti.
‘‘д̇аяо комз, висаакз, убосат̇аа. гад̇амз д̇аяо? г̇обаалагубосат̇о, ниг̇ан̣тубосат̇о, арияубосат̇о. гат̇ан̃жа, висаакз, г̇обаалагубосат̇о ход̇и? сзяяат̇ааби, висаакз, г̇обаалаго сааяанхасамаяз саамигаанам̣ г̇ааво нияяаад̇зд̇ваа ид̇и бадисан̃жигкад̇и – ‘аж̇ж̇а ко г̇ааво амугасмин̃жа амугасмин̃жа бад̣̇зсз жарим̣су, амугасмин̃жа амугасмин̃жа бад̣̇зсз баанийяаани бивим̣су; свз д̣̇аани г̇ааво амугасмин̃жа амугасмин̃жа бад̣̇зсз жариссанд̇и, амугасмин̃жа амугасмин̃жа бад̣̇зсз баанийяаани бивиссанд̇ий’д̇и; звамзвам̣ ко, висаакз, ид̇хзгажжо убосат̇иго ид̇и бадисан̃жигкад̇и – ‘ахам̣ кваж̇ж̇а ид̣̇ан̃жид̣̇ан̃жа каад̣̇анийяам̣ каад̣̇им̣, ид̣̇ан̃жид̣̇ан̃жа бхож̇анийяам̣ бхун̃ж̇им̣ ; свз д̣̇аанаахам̣ ид̣̇ан̃жид̣̇ан̃жа каад̣̇анийяам̣ каад̣̇иссаами, ид̣̇ам̣ жид̣̇ан̃жа бхож̇анийяам̣ бхун̃ж̇иссаамий’д̇и. со д̇зна абхиж̇жхаасахаг̇ад̇зна жзд̇асаа д̣̇ивасам̣ ад̇инаамзд̇и. звам̣ ко висаакз, г̇обаалагубосат̇о ход̇и. звам̣ убавуд̇т̇о ко, висаакз, г̇обаалагубосат̇о на махабпало ход̇и на махаанисам̣со на махааж̇уд̇иго на махаавибпааро.
‘‘Tayo khome, visākhe, uposathā. Katame tayo? Gopālakuposatho, nigaṇṭhuposatho, ariyuposatho. Kathañca, visākhe, gopālakuposatho hoti? Seyyathāpi, visākhe, gopālako sāyanhasamaye sāmikānaṃ gāvo niyyātetvā iti paṭisañcikkhati – ‘ajja kho gāvo amukasmiñca amukasmiñca padese cariṃsu, amukasmiñca amukasmiñca padese pānīyāni piviṃsu; sve dāni gāvo amukasmiñca amukasmiñca padese carissanti, amukasmiñca amukasmiñca padese pānīyāni pivissantī’ti; evamevaṃ kho, visākhe, idhekacco uposathiko iti paṭisañcikkhati – ‘ahaṃ khvajja idañcidañca khādanīyaṃ khādiṃ, idañcidañca bhojanīyaṃ bhuñjiṃ ; sve dānāhaṃ idañcidañca khādanīyaṃ khādissāmi, idaṃ cidañca bhojanīyaṃ bhuñjissāmī’ti. So tena abhijjhāsahagatena cetasā divasaṃ atināmeti. Evaṃ kho visākhe, gopālakuposatho hoti. Evaṃ upavuttho kho, visākhe, gopālakuposatho na mahapphalo hoti na mahānisaṃso na mahājutiko na mahāvipphāro.
‘‘гат̇ан̃жа, висаакз, ниг̇ан̣тубосат̇о ход̇и? ад̇т̇и, висаакз, ниг̇ан̣таа наама саман̣аж̇аад̇игаа. д̇з саавагам̣ звам̣ самаад̣̇абзнд̇и – ‘зхи д̇вам̣, амбхо буриса, яз бурад̇т̇имааяа д̣̇исааяа баан̣аа барам̣ яож̇анасад̇ам̣ д̇зсу д̣̇ан̣д̣ам̣ нигкибаахи; яз бажчимааяа д̣̇исааяа баан̣аа барам̣ яож̇анасад̇ам̣ д̇зсу д̣̇ан̣д̣ам̣ нигкибаахи; яз уд̇д̇арааяа д̣̇исааяа баан̣аа барам̣ яож̇анасад̇ам̣ д̇зсу д̣̇ан̣д̣ам̣ нигкибаахи; яз д̣̇агкин̣ааяа д̣̇исааяа баан̣аа барам̣ яож̇анасад̇ам̣ д̇зсу д̣̇ан̣д̣ам̣ нигкибаахий’д̇и. ид̇и згажжаанам̣ баан̣аанам̣ ануд̣̇д̣̇аяааяа анугамбааяа самаад̣̇абзнд̇и, згажжаанам̣ баан̣аанам̣ наануд̣̇д̣̇аяааяа наанугамбааяа самаад̣̇абзнд̇и. д̇з д̇ад̣̇ахубосат̇з саавагам̣ звам̣ самаад̣̇абзнд̇и – ‘зхи д̇вам̣, амбхо буриса, саб̣б̣ажзлаани 1 нигкибид̇ваа звам̣ вад̣̇зхи – наахам̣ гважани гассажи гин̃жанад̇асмим̣ 2, на жа мама гважани гад̇т̇ажи гин̃жанад̇ад̇т̇ий’д̇и. ж̇аананд̇и ко банасса маад̇аабид̇аро – ‘аяам̣ амхаагам̣ буд̇д̇о’д̇и; соби ж̇аанаад̇и – ‘имз маяхам̣ маад̇аабид̇аро’д̇и. ж̇аанаад̇и ко банасса буд̇д̇ад̣̇ааро – ‘аяам̣ маяхам̣ бхад̇д̇аа’д̇и; соби ж̇аанаад̇и – ‘аяам̣ маяхам̣ буд̇д̇ад̣̇ааро’д̇и. ж̇аананд̇и ко банасса д̣̇аасагаммагараборисаа – ‘аяам̣ амхаагам̣ аяяо’д̇и; соби ж̇аанаад̇и – ‘имз маяхам̣ д̣̇аасагаммагараборисаа’д̇и. ид̇и яасмим̣ самаяз сажжз самаад̣̇абзд̇аб̣б̣аа мусааваад̣̇з д̇асмим̣ самаяз самаад̣̇абзнд̇и. ид̣̇ам̣ д̇асса мусааваад̣̇асмим̣ вад̣̇аами. со д̇ассаа рад̇д̇ияаа ажжаязна бхог̇з ад̣̇иннам̣язва барибхун̃ж̇ад̇и. ид̣̇ам̣ д̇асса ад̣̇иннаад̣̇аанасмим̣ вад̣̇аами. звам̣ ко, висаакз, ниг̇ан̣тубосат̇о ход̇и. звам̣ убавуд̇т̇о ко, висаакз, ниг̇ан̣тубосат̇о на махабпало ход̇и на махаанисам̣со на махааж̇уд̇иго на махаавибпааро.
‘‘Kathañca, visākhe, nigaṇṭhuposatho hoti? Atthi, visākhe, nigaṇṭhā nāma samaṇajātikā. Te sāvakaṃ evaṃ samādapenti – ‘ehi tvaṃ, ambho purisa, ye puratthimāya disāya pāṇā paraṃ yojanasataṃ tesu daṇḍaṃ nikkhipāhi; ye pacchimāya disāya pāṇā paraṃ yojanasataṃ tesu daṇḍaṃ nikkhipāhi; ye uttarāya disāya pāṇā paraṃ yojanasataṃ tesu daṇḍaṃ nikkhipāhi; ye dakkhiṇāya disāya pāṇā paraṃ yojanasataṃ tesu daṇḍaṃ nikkhipāhī’ti. Iti ekaccānaṃ pāṇānaṃ anuddayāya anukampāya samādapenti, ekaccānaṃ pāṇānaṃ nānuddayāya nānukampāya samādapenti. Te tadahuposathe sāvakaṃ evaṃ samādapenti – ‘ehi tvaṃ, ambho purisa, sabbacelāni 3 nikkhipitvā evaṃ vadehi – nāhaṃ kvacani kassaci kiñcanatasmiṃ 4, na ca mama kvacani katthaci kiñcanatatthī’ti. Jānanti kho panassa mātāpitaro – ‘ayaṃ amhākaṃ putto’ti; sopi jānāti – ‘ime mayhaṃ mātāpitaro’ti. Jānāti kho panassa puttadāro – ‘ayaṃ mayhaṃ bhattā’ti; sopi jānāti – ‘ayaṃ mayhaṃ puttadāro’ti. Jānanti kho panassa dāsakammakaraporisā – ‘ayaṃ amhākaṃ ayyo’ti; sopi jānāti – ‘ime mayhaṃ dāsakammakaraporisā’ti. Iti yasmiṃ samaye sacce samādapetabbā musāvāde tasmiṃ samaye samādapenti. Idaṃ tassa musāvādasmiṃ vadāmi. So tassā rattiyā accayena bhoge adinnaṃyeva paribhuñjati. Idaṃ tassa adinnādānasmiṃ vadāmi. Evaṃ kho, visākhe, nigaṇṭhuposatho hoti. Evaṃ upavuttho kho, visākhe, nigaṇṭhuposatho na mahapphalo hoti na mahānisaṃso na mahājutiko na mahāvipphāro.
‘‘гат̇ан̃жа, висаакз, арияубосат̇о ход̇и? убаггилидтасса , висаакз, жид̇д̇асса убаггамзна барияод̣̇абанаа ход̇и. гат̇ан̃жа, висаакз, убаггилидтасса жид̇д̇асса убаггамзна барияод̣̇абанаа 5 ход̇и? ид̇ха, висаакз, арияасааваго д̇ат̇ааг̇ад̇ам̣ ануссарад̇и – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. д̇асса д̇ат̇ааг̇ад̇ам̣ ануссарад̇о жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и. яз жид̇д̇асса убаггилзсаа д̇з бахийяанд̇и, сзяяат̇ааби, висаакз, убаггилидтасса сийсасса убаггамзна барияод̣̇абанаа ход̇и.
‘‘Kathañca, visākhe, ariyuposatho hoti? Upakkiliṭṭhassa , visākhe, cittassa upakkamena pariyodapanā hoti. Kathañca, visākhe, upakkiliṭṭhassa cittassa upakkamena pariyodapanā 6 hoti? Idha, visākhe, ariyasāvako tathāgataṃ anussarati – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Tassa tathāgataṃ anussarato cittaṃ pasīdati, pāmojjaṃ uppajjati. Ye cittassa upakkilesā te pahīyanti, seyyathāpi, visākhe, upakkiliṭṭhassa sīsassa upakkamena pariyodapanā hoti.
‘‘гат̇ан̃жа, висаакз, убаггилидтасса сийсасса убаггамзна барияод̣̇абанаа ход̇и? гагган̃жа бадижжа мад̇д̇иган̃жа бадижжа уд̣̇аган̃жа бадижжа бурисасса жа д̇аж̇ж̇ам̣ вааяаамам̣ бадижжа, звам̣ ко, висаакз, убаггилидтасса сийсасса убаггамзна барияод̣̇абанаа ход̇и. звамзвам̣ ко , висаакз, убаггилидтасса жид̇д̇асса убаггамзна барияод̣̇абанаа ход̇и.
‘‘Kathañca, visākhe, upakkiliṭṭhassa sīsassa upakkamena pariyodapanā hoti? Kakkañca paṭicca mattikañca paṭicca udakañca paṭicca purisassa ca tajjaṃ vāyāmaṃ paṭicca, evaṃ kho, visākhe, upakkiliṭṭhassa sīsassa upakkamena pariyodapanā hoti. Evamevaṃ kho , visākhe, upakkiliṭṭhassa cittassa upakkamena pariyodapanā hoti.
‘‘гат̇ан̃жа , висаакз, убаггилидтасса жид̇д̇асса убаггамзна барияод̣̇абанаа ход̇и? ид̇ха, висаакз, арияасааваго д̇ат̇ааг̇ад̇ам̣ ануссарад̇и – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. д̇асса д̇ат̇ааг̇ад̇ам̣ ануссарад̇о жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и. аяам̣ вужжад̇и, висаакз – ‘арияасааваго б̣рахмубосат̇ам̣ убавасад̇и, б̣рахмунаа сад̣̇д̇хим̣ сам̣васад̇и, б̣рахман̃жасса 7 аараб̣бха жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и’. звам̣ ко, висаакз, убаггилидтасса жид̇д̇асса убаггамзна барияод̣̇абанаа ход̇и.
‘‘Kathañca , visākhe, upakkiliṭṭhassa cittassa upakkamena pariyodapanā hoti? Idha, visākhe, ariyasāvako tathāgataṃ anussarati – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Tassa tathāgataṃ anussarato cittaṃ pasīdati, pāmojjaṃ uppajjati, ye cittassa upakkilesā te pahīyanti. Ayaṃ vuccati, visākhe – ‘ariyasāvako brahmuposathaṃ upavasati, brahmunā saddhiṃ saṃvasati, brahmañcassa 8 ārabbha cittaṃ pasīdati, pāmojjaṃ uppajjati, ye cittassa upakkilesā te pahīyanti’. Evaṃ kho, visākhe, upakkiliṭṭhassa cittassa upakkamena pariyodapanā hoti.
‘‘убаггилидтасса, висаакз, жид̇д̇асса убаггамзна барияод̣̇абанаа ход̇и. гат̇ан̃жа, висаакз, убаггилидтасса жид̇д̇асса убаггамзна барияод̣̇абанаа ход̇и? ид̇ха, висаакз, арияасааваго д̇хаммам̣ ануссарад̇и – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’д̇и. д̇асса д̇хаммам̣ ануссарад̇о жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и, сзяяат̇ааби, висаакз, убаггилидтасса гааяасса убаггамзна барияод̣̇абанаа ход̇и.
‘‘Upakkiliṭṭhassa, visākhe, cittassa upakkamena pariyodapanā hoti. Kathañca, visākhe, upakkiliṭṭhassa cittassa upakkamena pariyodapanā hoti? Idha, visākhe, ariyasāvako dhammaṃ anussarati – ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhī’ti. Tassa dhammaṃ anussarato cittaṃ pasīdati, pāmojjaṃ uppajjati, ye cittassa upakkilesā te pahīyanti, seyyathāpi, visākhe, upakkiliṭṭhassa kāyassa upakkamena pariyodapanā hoti.
‘‘гат̇ан̃жа, висаакз, убаггилидтасса гааяасса убаггамзна барияод̣̇абанаа ход̇и? сод̇д̇ин̃жа бадижжа, жун̣н̣ан̃жа бадижжа, уд̣̇аган̃жа бадижжа, бурисасса жа д̇аж̇ж̇ам̣ вааяаамам̣ бадижжа. звам̣ ко, висаакз, убаггилидтасса гааяасса убаггамзна барияод̣̇абанаа ход̇и. звамзвам̣ ко, висаакз, убаггилидтасса жид̇д̇асса убаггамзна барияод̣̇абанаа ход̇и.
‘‘Kathañca, visākhe, upakkiliṭṭhassa kāyassa upakkamena pariyodapanā hoti? Sottiñca paṭicca, cuṇṇañca paṭicca, udakañca paṭicca, purisassa ca tajjaṃ vāyāmaṃ paṭicca. Evaṃ kho, visākhe, upakkiliṭṭhassa kāyassa upakkamena pariyodapanā hoti. Evamevaṃ kho, visākhe, upakkiliṭṭhassa cittassa upakkamena pariyodapanā hoti.
‘‘гат̇ан̃жа, висаакз, убаггилидтасса жид̇д̇асса убаггамзна барияод̣̇абанаа ход̇и? ид̇ха, висаакз, арияасааваго д̇хаммам̣ ануссарад̇и – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’д̇и. д̇асса д̇хаммам̣ ануссарад̇о жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и. аяам̣ вужжад̇и, висаакз, ‘арияасааваго д̇хаммубосат̇ам̣ убавасад̇и, д̇хаммзна сад̣̇д̇хим̣ сам̣васад̇и, д̇хамман̃жасса аараб̣бха жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и’. звам̣ ко, висаакз, убаггилидтасса жид̇д̇асса убаггамзна барияод̣̇абанаа ход̇и.
‘‘Kathañca, visākhe, upakkiliṭṭhassa cittassa upakkamena pariyodapanā hoti? Idha, visākhe, ariyasāvako dhammaṃ anussarati – ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhī’ti. Tassa dhammaṃ anussarato cittaṃ pasīdati, pāmojjaṃ uppajjati, ye cittassa upakkilesā te pahīyanti. Ayaṃ vuccati, visākhe, ‘ariyasāvako dhammuposathaṃ upavasati, dhammena saddhiṃ saṃvasati, dhammañcassa ārabbha cittaṃ pasīdati, pāmojjaṃ uppajjati, ye cittassa upakkilesā te pahīyanti’. Evaṃ kho, visākhe, upakkiliṭṭhassa cittassa upakkamena pariyodapanā hoti.
‘‘убаггилидтасса , висаакз, жид̇д̇асса убаггамзна барияод̣̇абанаа ход̇и. гат̇ан̃жа, висаакз, убаггилидтасса жид̇д̇асса убаггамзна барияод̣̇абанаа ход̇и? ид̇ха, висаакз, арияасааваго сан̇гхам̣ ануссарад̇и – ‘суббадибанно бхаг̇авад̇о саавагасан̇гхо, уж̇уббадибанно бхаг̇авад̇о саавагасан̇гхо, н̃ааяаббадибанно бхаг̇авад̇о саавагасан̇гхо, саамийжиббадибанно бхаг̇авад̇о саавагасан̇гхо, яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа зса бхаг̇авад̇о саавагасан̇гхо аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’д̇и. д̇асса сан̇гхам̣ ануссарад̇о жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и, сзяяат̇ааби, висаакз, убаггилидтасса вад̇т̇асса убаггамзна барияод̣̇абанаа ход̇и.
‘‘Upakkiliṭṭhassa , visākhe, cittassa upakkamena pariyodapanā hoti. Kathañca, visākhe, upakkiliṭṭhassa cittassa upakkamena pariyodapanā hoti? Idha, visākhe, ariyasāvako saṅghaṃ anussarati – ‘suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho, yadidaṃ cattāri purisayugāni aṭṭha purisapuggalā esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’ti. Tassa saṅghaṃ anussarato cittaṃ pasīdati, pāmojjaṃ uppajjati, ye cittassa upakkilesā te pahīyanti, seyyathāpi, visākhe, upakkiliṭṭhassa vatthassa upakkamena pariyodapanā hoti.
‘‘гат̇ан̃жа, висаакз, убаггилидтасса вад̇т̇асса убаггамзна барияод̣̇абанаа ход̇и? усман̃жа 9 бадижжа, кааран̃жа бадижжа, г̇омаяан̃жа бадижжа, уд̣̇аган̃жа бадижжа, бурисасса жа д̇аж̇ж̇ам̣ вааяаамам̣ бадижжа. звам̣ ко, висаакз, убаггилидтасса вад̇т̇асса убаггамзна барияод̣̇абанаа ход̇и. звамзвам̣ ко, висаакз, убаггилидтасса жид̇д̇асса убаггамзна барияод̣̇абанаа ход̇и.
‘‘Kathañca, visākhe, upakkiliṭṭhassa vatthassa upakkamena pariyodapanā hoti? Usmañca 10 paṭicca, khārañca paṭicca, gomayañca paṭicca, udakañca paṭicca, purisassa ca tajjaṃ vāyāmaṃ paṭicca. Evaṃ kho, visākhe, upakkiliṭṭhassa vatthassa upakkamena pariyodapanā hoti. Evamevaṃ kho, visākhe, upakkiliṭṭhassa cittassa upakkamena pariyodapanā hoti.
‘‘гат̇ан̃жа, висаакз, убаггилидтасса жид̇д̇асса убаггамзна барияод̣̇абанаа ход̇и? ид̇ха, висаакз, арияасааваго сан̇гхам̣ ануссарад̇и – ‘суббадибанно бхаг̇авад̇о саавагасан̇гхо…бз… ануд̇д̇арам̣ бун̃н̃агкзд̇д̇ам̣ логассаа’д̇и. д̇асса сан̇гхам̣ ануссарад̇о жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и. аяам̣ вужжад̇и, висаакз, ‘арияасааваго сан̇гхубосат̇ам̣ убавасад̇и, сан̇гхзна сад̣̇д̇хим̣ сам̣васад̇и, сан̇гхан̃жасса аараб̣бха жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и’. звам̣ ко, висаакз, убаггилидтасса жид̇д̇асса убаггамзна барияод̣̇абанаа ход̇и.
‘‘Kathañca, visākhe, upakkiliṭṭhassa cittassa upakkamena pariyodapanā hoti? Idha, visākhe, ariyasāvako saṅghaṃ anussarati – ‘suppaṭipanno bhagavato sāvakasaṅgho…pe… anuttaraṃ puññakkhettaṃ lokassā’ti. Tassa saṅghaṃ anussarato cittaṃ pasīdati, pāmojjaṃ uppajjati, ye cittassa upakkilesā te pahīyanti. Ayaṃ vuccati, visākhe, ‘ariyasāvako saṅghuposathaṃ upavasati, saṅghena saddhiṃ saṃvasati, saṅghañcassa ārabbha cittaṃ pasīdati, pāmojjaṃ uppajjati, ye cittassa upakkilesā te pahīyanti’. Evaṃ kho, visākhe, upakkiliṭṭhassa cittassa upakkamena pariyodapanā hoti.
‘‘убаггилидтасса, висаакз, жид̇д̇асса убаггамзна барияод̣̇абанаа ход̇и. гат̇ан̃жа, висаакз, убаггилидтасса жид̇д̇асса убаггамзна барияод̣̇абанаа ход̇и? ид̇ха, висаакз, арияасааваго ад̇д̇ано сийлаани ануссарад̇и акан̣д̣аани ажчид̣̇д̣̇аани асаб̣алаани агаммаасаани бхуж̇иссаани вин̃н̃уббасад̇т̇аани абараамадтаани самаад̇хисам̣вад̇д̇анигаани. д̇асса сийлам̣ ануссарад̇о жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и, сзяяат̇ааби, висаакз, убаггилидтасса аад̣̇аасасса убаггамзна барияод̣̇абанаа ход̇и.
‘‘Upakkiliṭṭhassa, visākhe, cittassa upakkamena pariyodapanā hoti. Kathañca, visākhe, upakkiliṭṭhassa cittassa upakkamena pariyodapanā hoti? Idha, visākhe, ariyasāvako attano sīlāni anussarati akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṃvattanikāni. Tassa sīlaṃ anussarato cittaṃ pasīdati, pāmojjaṃ uppajjati, ye cittassa upakkilesā te pahīyanti, seyyathāpi, visākhe, upakkiliṭṭhassa ādāsassa upakkamena pariyodapanā hoti.
‘‘гат̇ан̃жа , висаакз, убаггилидтасса аад̣̇аасасса убаггамзна барияод̣̇абанаа ход̇и? д̇злан̃жа бадижжа , чаариган̃жа бадижжа, ваалан̣д̣убаган̃жа бадижжа, бурисасса жа д̇аж̇ж̇ам̣ вааяаамам̣ бадижжа. звам̣ ко, висаакз, убаггилидтасса аад̣̇аасасса убаггамзна барияод̣̇абанаа ход̇и. звамзвам̣ ко, висаакз, убаггилидтасса жид̇д̇асса убаггамзна барияод̣̇абанаа ход̇и.
‘‘Kathañca , visākhe, upakkiliṭṭhassa ādāsassa upakkamena pariyodapanā hoti? Telañca paṭicca , chārikañca paṭicca, vālaṇḍupakañca paṭicca, purisassa ca tajjaṃ vāyāmaṃ paṭicca. Evaṃ kho, visākhe, upakkiliṭṭhassa ādāsassa upakkamena pariyodapanā hoti. Evamevaṃ kho, visākhe, upakkiliṭṭhassa cittassa upakkamena pariyodapanā hoti.
‘‘гат̇ан̃жа, висаакз, убаггилидтасса жид̇д̇асса убаггамзна барияод̣̇абанаа ход̇и? ид̇ха , висаакз, арияасааваго ад̇д̇ано сийлаани ануссарад̇и акан̣д̣аани…бз… самаад̇хисам̣вад̇д̇анигаани. д̇асса сийлам̣ ануссарад̇о жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и. аяам̣ вужжад̇и, висаакз, ‘арияасааваго сийлубосат̇ам̣ убавасад̇и, сийлзна сад̣̇д̇хим̣ сам̣васад̇и, сийлан̃жасса аараб̣бха жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и’. звам̣ ко, висаакз, убаггилидтасса жид̇д̇асса убаггамзна барияод̣̇абанаа ход̇и.
‘‘Kathañca, visākhe, upakkiliṭṭhassa cittassa upakkamena pariyodapanā hoti? Idha , visākhe, ariyasāvako attano sīlāni anussarati akhaṇḍāni…pe… samādhisaṃvattanikāni. Tassa sīlaṃ anussarato cittaṃ pasīdati, pāmojjaṃ uppajjati, ye cittassa upakkilesā te pahīyanti. Ayaṃ vuccati, visākhe, ‘ariyasāvako sīluposathaṃ upavasati, sīlena saddhiṃ saṃvasati, sīlañcassa ārabbha cittaṃ pasīdati, pāmojjaṃ uppajjati, ye cittassa upakkilesā te pahīyanti’. Evaṃ kho, visākhe, upakkiliṭṭhassa cittassa upakkamena pariyodapanā hoti.
‘‘убаггилидтасса, висаакз, жид̇д̇асса убаггамзна барияод̣̇абанаа ход̇и. гат̇ан̃жа, висаакз, убаггилидтасса жид̇д̇асса убаггамзна барияод̣̇абанаа ход̇и? ид̇ха висаакз, арияасааваго д̣̇звад̇аа ануссарад̇и – ‘санд̇и д̣̇зваа жаад̇умахаарааж̇игаа 11, санд̇и д̣̇зваа д̇аавад̇им̣саа, санд̇и д̣̇зваа яаамаа, санд̇и д̣̇зваа д̇усид̇аа, санд̇и д̣̇зваа ниммаанарад̇ино, санд̇и д̣̇зваа бараниммид̇авасавад̇д̇ино, санд̇и д̣̇зваа б̣рахмагааяигаа, санд̇и д̣̇зваа д̇ад̇уд̇д̇ари 12. яат̇ааруубааяа сад̣̇д̇хааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇убабаннаа 13, маяхамби д̇ат̇ааруубаа сад̣̇д̇хаа сам̣виж̇ж̇ад̇и. яат̇ааруубзна сийлзна саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇убабаннаа, маяхамби д̇ат̇ааруубам̣ сийлам̣ сам̣виж̇ж̇ад̇и. яат̇ааруубзна суд̇зна саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇убабаннаа, маяхамби д̇ат̇ааруубам̣ суд̇ам̣ сам̣виж̇ж̇ад̇и. яат̇ааруубзна жааг̇зна саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇убабаннаа, маяхамби д̇ат̇ааруубо жааг̇о сам̣виж̇ж̇ад̇и. яат̇ааруубааяа бан̃н̃ааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇убабаннаа, маяхамби д̇ат̇ааруубаа бан̃н̃аа сам̣виж̇ж̇ад̇ий’д̇и. д̇асса ад̇д̇ано жа д̇аасан̃жа д̣̇звад̇аанам̣ сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссарад̇о жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и, сзяяат̇ааби, висаакз, убаггилидтасса ж̇аад̇аруубасса убаггамзна барияод̣̇абанаа ход̇и.
‘‘Upakkiliṭṭhassa, visākhe, cittassa upakkamena pariyodapanā hoti. Kathañca, visākhe, upakkiliṭṭhassa cittassa upakkamena pariyodapanā hoti? Idha visākhe, ariyasāvako devatā anussarati – ‘santi devā cātumahārājikā 14, santi devā tāvatiṃsā, santi devā yāmā, santi devā tusitā, santi devā nimmānaratino, santi devā paranimmitavasavattino, santi devā brahmakāyikā, santi devā tatuttari 15. Yathārūpāya saddhāya samannāgatā tā devatā ito cutā tatthupapannā 16, mayhampi tathārūpā saddhā saṃvijjati. Yathārūpena sīlena samannāgatā tā devatā ito cutā tatthupapannā, mayhampi tathārūpaṃ sīlaṃ saṃvijjati. Yathārūpena sutena samannāgatā tā devatā ito cutā tatthupapannā, mayhampi tathārūpaṃ sutaṃ saṃvijjati. Yathārūpena cāgena samannāgatā tā devatā ito cutā tatthupapannā, mayhampi tathārūpo cāgo saṃvijjati. Yathārūpāya paññāya samannāgatā tā devatā ito cutā tatthupapannā, mayhampi tathārūpā paññā saṃvijjatī’ti. Tassa attano ca tāsañca devatānaṃ saddhañca sīlañca sutañca cāgañca paññañca anussarato cittaṃ pasīdati, pāmojjaṃ uppajjati, ye cittassa upakkilesā te pahīyanti, seyyathāpi, visākhe, upakkiliṭṭhassa jātarūpassa upakkamena pariyodapanā hoti.
‘‘гат̇ан̃жа , висаакз, убаггилидтасса ж̇аад̇аруубасса убаггамзна барияод̣̇абанаа ход̇и? угган̃жа бадижжа, лон̣ан̃жа бадижжа, г̇зруган̃жа бадижжа, наал̣игасан̣д̣аасан̃жа 17 бадижжа, бурисасса жа д̇аж̇ж̇ам̣ вааяаамам̣ бадижжа. звам̣ ко, висаакз, убаггилидтасса ж̇аад̇аруубасса убаггамзна барияод̣̇абанаа ход̇и. звамзвам̣ ко, висаакз, убаггилидтасса жид̇д̇асса убаггамзна барияод̣̇абанаа ход̇и.
‘‘Kathañca , visākhe, upakkiliṭṭhassa jātarūpassa upakkamena pariyodapanā hoti? Ukkañca paṭicca, loṇañca paṭicca, gerukañca paṭicca, nāḷikasaṇḍāsañca 18 paṭicca, purisassa ca tajjaṃ vāyāmaṃ paṭicca. Evaṃ kho, visākhe, upakkiliṭṭhassa jātarūpassa upakkamena pariyodapanā hoti. Evamevaṃ kho, visākhe, upakkiliṭṭhassa cittassa upakkamena pariyodapanā hoti.
‘‘гат̇ан̃жа , висаакз, убаггилидтасса жид̇д̇асса убаггамзна барияод̣̇абанаа ход̇и? ид̇ха, висаакз, арияасааваго д̣̇звад̇аа ануссарад̇и – ‘санд̇и д̣̇зваа жаад̇умахаарааж̇игаа, санд̇и д̣̇зваа д̇аавад̇им̣саа…бз… санд̇и д̣̇зваа д̇ад̇уд̇д̇ари. яат̇ааруубааяа сад̣̇д̇хааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇убабаннаа, маяхамби д̇ат̇ааруубаа сад̣̇д̇хаа сам̣виж̇ж̇ад̇и. яат̇ааруубзна сийлзна…бз… суд̇зна…бз… жааг̇зна…бз… бан̃н̃ааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇убабаннаа, маяхамби д̇ат̇ааруубаа бан̃н̃аа сам̣виж̇ж̇ад̇ий’д̇и. д̇асса ад̇д̇ано жа д̇аасан̃жа д̣̇звад̇аанам̣ сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссарад̇о жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и. аяам̣ вужжад̇и, висаакз, ‘арияасааваго д̣̇звад̇убосат̇ам̣ убавасад̇и, д̣̇звад̇аахи сад̣̇д̇хим̣ сам̣васад̇и, д̣̇звад̇аа аараб̣бха жид̇д̇ам̣ басийд̣̇ад̇и, баамож̇ж̇ам̣ уббаж̇ж̇ад̇и, яз жид̇д̇асса убаггилзсаа д̇з бахийяанд̇и’. звам̣ ко, висаакз, убаггилидтасса жид̇д̇асса убаггамзна барияод̣̇абанаа ход̇и.
‘‘Kathañca , visākhe, upakkiliṭṭhassa cittassa upakkamena pariyodapanā hoti? Idha, visākhe, ariyasāvako devatā anussarati – ‘santi devā cātumahārājikā, santi devā tāvatiṃsā…pe… santi devā tatuttari. Yathārūpāya saddhāya samannāgatā tā devatā ito cutā tatthupapannā, mayhampi tathārūpā saddhā saṃvijjati. Yathārūpena sīlena…pe… sutena…pe… cāgena…pe… paññāya samannāgatā tā devatā ito cutā tatthupapannā, mayhampi tathārūpā paññā saṃvijjatī’ti. Tassa attano ca tāsañca devatānaṃ saddhañca sīlañca sutañca cāgañca paññañca anussarato cittaṃ pasīdati, pāmojjaṃ uppajjati, ye cittassa upakkilesā te pahīyanti. Ayaṃ vuccati, visākhe, ‘ariyasāvako devatuposathaṃ upavasati, devatāhi saddhiṃ saṃvasati, devatā ārabbha cittaṃ pasīdati, pāmojjaṃ uppajjati, ye cittassa upakkilesā te pahīyanti’. Evaṃ kho, visākhe, upakkiliṭṭhassa cittassa upakkamena pariyodapanā hoti.
‘‘са ко со, висаакз, арияасааваго ид̇и бадисан̃жигкад̇и – ‘яааваж̇ийвам̣ араханд̇о баан̣аад̇ибаад̇ам̣ бахааяа баан̣аад̇ибаад̇аа бадивирад̇аа нихид̇ад̣̇ан̣д̣аа нихид̇асад̇т̇аа лаж̇ж̇ий д̣̇аяаабаннаа саб̣б̣абаан̣абхууд̇ахид̇аанугамбий вихаранд̇и; ахамбаж̇ж̇а иман̃жа рад̇д̇им̣ иман̃жа д̣̇ивасам̣ баан̣аад̇ибаад̇ам̣ бахааяа баан̣аад̇ибаад̇аа бадивирад̇о нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихараами. иминааби 19 ан̇г̇зна арахад̇ам̣ анугароми, убосат̇о жа мз убавуд̇т̇о бхависсад̇и.
‘‘Sa kho so, visākhe, ariyasāvako iti paṭisañcikkhati – ‘yāvajīvaṃ arahanto pāṇātipātaṃ pahāya pāṇātipātā paṭiviratā nihitadaṇḍā nihitasatthā lajjī dayāpannā sabbapāṇabhūtahitānukampī viharanti; ahampajja imañca rattiṃ imañca divasaṃ pāṇātipātaṃ pahāya pāṇātipātā paṭivirato nihitadaṇḍo nihitasattho lajjī dayāpanno sabbapāṇabhūtahitānukampī viharāmi. Imināpi 20 aṅgena arahataṃ anukaromi, uposatho ca me upavuttho bhavissati.
‘‘яааваж̇ийвам̣ араханд̇о ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇аа д̣̇иннаад̣̇ааяий д̣̇иннабаадиган̇кий, ат̇знзна сужибхууд̇зна ад̇д̇анаа вихаранд̇и; ахамбаж̇ж̇а иман̃жа рад̇д̇им̣ иман̃жа д̣̇ивасам̣ ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о д̣̇иннаад̣̇ааяий д̣̇иннабаадиган̇кий, ат̇знзна сужибхууд̇зна ад̇д̇анаа вихараами. иминааби ан̇г̇зна арахад̇ам̣ анугароми, убосат̇о жа мз убавуд̇т̇о бхависсад̇и.
‘‘Yāvajīvaṃ arahanto adinnādānaṃ pahāya adinnādānā paṭiviratā dinnādāyī dinnapāṭikaṅkhī, athenena sucibhūtena attanā viharanti; ahampajja imañca rattiṃ imañca divasaṃ adinnādānaṃ pahāya adinnādānā paṭivirato dinnādāyī dinnapāṭikaṅkhī, athenena sucibhūtena attanā viharāmi. Imināpi aṅgena arahataṃ anukaromi, uposatho ca me upavuttho bhavissati.
‘‘яааваж̇ийвам̣ араханд̇о аб̣рахмажарияам̣ бахааяа б̣рахмажаарий аараажаарий 21 вирад̇аа мзт̇унаа г̇аамад̇хаммаа; ахамбаж̇ж̇а иман̃жа рад̇д̇им̣ иман̃жа д̣̇ивасам̣ аб̣рахмажарияам̣ бахааяа б̣рахмажаарий аараажаарий вирад̇о мзт̇унаа г̇аамад̇хаммаа. иминааби ан̇г̇зна арахад̇ам̣ анугароми, убосат̇о жа мз убавуд̇т̇о бхависсад̇и.
‘‘Yāvajīvaṃ arahanto abrahmacariyaṃ pahāya brahmacārī ārācārī 22 viratā methunā gāmadhammā; ahampajja imañca rattiṃ imañca divasaṃ abrahmacariyaṃ pahāya brahmacārī ārācārī virato methunā gāmadhammā. Imināpi aṅgena arahataṃ anukaromi, uposatho ca me upavuttho bhavissati.
‘‘яааваж̇ийвам̣ араханд̇о мусааваад̣̇ам̣ бахааяа мусааваад̣̇аа бадивирад̇аа сажжаваад̣̇ий сажжасанд̇хаа т̇зд̇аа бажжаяигаа ависам̣ваад̣̇агаа логасса; ахамбаж̇ж̇а иман̃жа рад̇д̇им̣ иман̃жа д̣̇ивасам̣ мусааваад̣̇ам̣ бахааяа мусааваад̣̇аа бадивирад̇о сажжаваад̣̇ий сажжасанд̇хо т̇зд̇о бажжаяиго ависам̣ваад̣̇аго логасса. иминааби ан̇г̇зна арахад̇ам̣ анугароми, убосат̇о жа мз убавуд̇т̇о бхависсад̇и.
‘‘Yāvajīvaṃ arahanto musāvādaṃ pahāya musāvādā paṭiviratā saccavādī saccasandhā thetā paccayikā avisaṃvādakā lokassa; ahampajja imañca rattiṃ imañca divasaṃ musāvādaṃ pahāya musāvādā paṭivirato saccavādī saccasandho theto paccayiko avisaṃvādako lokassa. Imināpi aṅgena arahataṃ anukaromi, uposatho ca me upavuttho bhavissati.
‘‘яааваж̇ийвам̣ араханд̇о сураамзраяамаж̇ж̇абамаад̣̇адтаанам̣ бахааяа сураамзраяамаж̇ж̇абамаад̣̇адтаанаа бадивирад̇аа; ахамбаж̇ж̇а иман̃жа рад̇д̇им̣ иман̃жа д̣̇ивасам̣ сураамзраяамаж̇ж̇абамаад̣̇адтаанам̣ бахааяа сураамзраяамаж̇ж̇абамаад̣̇адтаанаа бадивирад̇о. иминааби ан̇г̇зна арахад̇ам̣ анугароми, убосат̇о жа мз убавуд̇т̇о бхависсад̇и.
‘‘Yāvajīvaṃ arahanto surāmerayamajjapamādaṭṭhānaṃ pahāya surāmerayamajjapamādaṭṭhānā paṭiviratā; ahampajja imañca rattiṃ imañca divasaṃ surāmerayamajjapamādaṭṭhānaṃ pahāya surāmerayamajjapamādaṭṭhānā paṭivirato. Imināpi aṅgena arahataṃ anukaromi, uposatho ca me upavuttho bhavissati.
‘‘яааваж̇ийвам̣ араханд̇о згабхад̇д̇игаа рад̇д̇уубарад̇аа вирад̇аа вигаалабхож̇анаа; ахамбаж̇ж̇а иман̃жа рад̇д̇им̣ иман̃жа д̣̇ивасам̣ згабхад̇д̇иго рад̇д̇уубарад̇о вирад̇о вигаалабхож̇анаа. иминааби ан̇г̇зна арахад̇ам̣ анугароми, убосат̇о жа мз убавуд̇т̇о бхависсад̇и.
‘‘Yāvajīvaṃ arahanto ekabhattikā rattūparatā viratā vikālabhojanā; ahampajja imañca rattiṃ imañca divasaṃ ekabhattiko rattūparato virato vikālabhojanā. Imināpi aṅgena arahataṃ anukaromi, uposatho ca me upavuttho bhavissati.
‘‘яааваж̇ийвам̣ араханд̇о нажжаг̇ийд̇аваад̣̇ид̇ависуугад̣̇ассанамаалааг̇анд̇хавилзбанад̇хааран̣аман̣д̣анавибхуусанадтаанаа бадивирад̇аа; ахамбаж̇ж̇а иман̃жа рад̇д̇им̣ иман̃жа д̣̇ивасам̣ нажжаг̇ийд̇аваад̣̇ид̇ависуугад̣̇ассанамаалааг̇анд̇хавилзбанад̇хааран̣аман̣д̣анавибхуусанадтаанаа бадивирад̇о . иминааби ан̇г̇зна арахад̇ам̣ анугароми, убосат̇о жа мз убавуд̇т̇о бхависсад̇и.
‘‘Yāvajīvaṃ arahanto naccagītavāditavisūkadassanamālāgandhavilepanadhāraṇamaṇḍanavibhūsanaṭṭhānā paṭiviratā; ahampajja imañca rattiṃ imañca divasaṃ naccagītavāditavisūkadassanamālāgandhavilepanadhāraṇamaṇḍanavibhūsanaṭṭhānā paṭivirato . Imināpi aṅgena arahataṃ anukaromi, uposatho ca me upavuttho bhavissati.
‘‘яааваж̇ийвам̣ араханд̇о ужжаасаяанамахаасаяанам̣ бахааяа ужжаасаяанамахаасаяанаа бадивирад̇аа нийжасзяяам̣ габбзнд̇и ман̃жагз ваа д̇ин̣асант̇аарагз ваа; ахамбаж̇ж̇а иман̃жа рад̇д̇им̣ иман̃жа д̣̇ивасам̣ ужжаасаяанамахаасаяанам̣ бахааяа ужжаасаяанамахаасаяанаа бадивирад̇о нийжасзяяам̣ габбзми ман̃жагз ваа д̇ин̣асант̇аарагз ваа. иминааби ан̇г̇зна арахад̇ам̣ анугароми, убосат̇о жа мз убавуд̇т̇о бхависсад̇ий’’д̇и.
‘‘Yāvajīvaṃ arahanto uccāsayanamahāsayanaṃ pahāya uccāsayanamahāsayanā paṭiviratā nīcaseyyaṃ kappenti mañcake vā tiṇasanthārake vā; ahampajja imañca rattiṃ imañca divasaṃ uccāsayanamahāsayanaṃ pahāya uccāsayanamahāsayanā paṭivirato nīcaseyyaṃ kappemi mañcake vā tiṇasanthārake vā. Imināpi aṅgena arahataṃ anukaromi, uposatho ca me upavuttho bhavissatī’’ti.
‘‘звам̣ ко, висаакз, арияубосат̇о ход̇и. звам̣ убавуд̇т̇о ко, висаакз, арияубосат̇о махабпало ход̇и махаанисам̣со махааж̇уд̇иго махаавибпааро’’.
‘‘Evaṃ kho, visākhe, ariyuposatho hoti. Evaṃ upavuttho kho, visākhe, ariyuposatho mahapphalo hoti mahānisaṃso mahājutiko mahāvipphāro’’.
‘‘гийвамахабпало ход̇и гийвамахаанисам̣со гийвамахааж̇уд̇иго гийвамахаавибпааро’’? ‘‘сзяяат̇ааби, висаакз, яо имзсам̣ сол̣асаннам̣ махааж̇анабад̣̇аанам̣ бахууд̇арад̇д̇арад̇анаанам̣ 23 иссарияаад̇хибажжам̣ раж̇ж̇ам̣ гаарзяяа , сзяяат̇ид̣̇ам̣ – ан̇г̇аанам̣, маг̇ад̇хаанам̣, гаасийнам̣, госалаанам̣, важ̇ж̇ийнам̣, маллаанам̣, жзд̇ийнам̣, ван̇г̇аанам̣, гуруунам̣, бан̃жаалаанам̣, мажчаанам̣ 24, суурасзнаанам̣, ассагаанам̣, аванд̇ийнам̣, г̇анд̇хаараанам̣, гамб̣ож̇аанам̣, адтан̇г̇асаманнааг̇ад̇асса убосат̇асса зд̇ам̣ 25 галам̣ нааг̇гхад̇и сол̣асим̣. д̇ам̣ гисса хзд̇у? габан̣ам̣, висаакз, маанусагам̣ раж̇ж̇ам̣ д̣̇иб̣б̣ам̣ сукам̣ убанид̇хааяа’’.
‘‘Kīvamahapphalo hoti kīvamahānisaṃso kīvamahājutiko kīvamahāvipphāro’’? ‘‘Seyyathāpi, visākhe, yo imesaṃ soḷasannaṃ mahājanapadānaṃ pahūtarattaratanānaṃ 26 issariyādhipaccaṃ rajjaṃ kāreyya , seyyathidaṃ – aṅgānaṃ, magadhānaṃ, kāsīnaṃ, kosalānaṃ, vajjīnaṃ, mallānaṃ, cetīnaṃ, vaṅgānaṃ, kurūnaṃ, pañcālānaṃ, macchānaṃ 27, sūrasenānaṃ, assakānaṃ, avantīnaṃ, gandhārānaṃ, kambojānaṃ, aṭṭhaṅgasamannāgatassa uposathassa etaṃ 28 kalaṃ nāgghati soḷasiṃ. Taṃ kissa hetu? Kapaṇaṃ, visākhe, mānusakaṃ rajjaṃ dibbaṃ sukhaṃ upanidhāya’’.
‘‘яаани, висаакз, маанусагаани бан̃н̃ааса вассаани, жаад̇умахаарааж̇игаанам̣ д̣̇зваанам̣ зсо зго рад̇д̇инд̣̇иво 29. д̇ааяа рад̇д̇ияаа д̇им̣сарад̇д̇ияо маасо. д̇зна маасзна д̣̇ваад̣̇асамаасияо сам̣важчаро. д̇зна сам̣важчарзна д̣̇иб̣б̣аани бан̃жа вассасад̇аани жаад̇умахаарааж̇игаанам̣ д̣̇зваанам̣ ааяуббамаан̣ам̣. таанам̣ ко банзд̇ам̣, висаакз, виж̇ж̇ад̇и яам̣ ид̇хзгажжо ид̇т̇ий ваа бурисо ваа адтан̇г̇асаманнааг̇ад̇ам̣ убосат̇ам̣ убавасид̇ваа гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇зяяа. ид̣̇ам̣ ко банзд̇ам̣, висаакз, санд̇хааяа бхаасид̇ам̣ – ‘габан̣ам̣ маанусагам̣ раж̇ж̇ам̣ д̣̇иб̣б̣ам̣ сукам̣ убанид̇хааяа’’’.
‘‘Yāni, visākhe, mānusakāni paññāsa vassāni, cātumahārājikānaṃ devānaṃ eso eko rattindivo 30. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni pañca vassasatāni cātumahārājikānaṃ devānaṃ āyuppamāṇaṃ. Ṭhānaṃ kho panetaṃ, visākhe, vijjati yaṃ idhekacco itthī vā puriso vā aṭṭhaṅgasamannāgataṃ uposathaṃ upavasitvā kāyassa bhedā paraṃ maraṇā cātumahārājikānaṃ devānaṃ sahabyataṃ upapajjeyya. Idaṃ kho panetaṃ, visākhe, sandhāya bhāsitaṃ – ‘kapaṇaṃ mānusakaṃ rajjaṃ dibbaṃ sukhaṃ upanidhāya’’’.
‘‘яам̣ , висаакз, маанусагам̣ вассасад̇ам̣, д̇аавад̇им̣саанам̣ д̣̇зваанам̣ зсо зго рад̇д̇инд̣̇иво. д̇ааяа рад̇д̇ияаа д̇им̣сарад̇д̇ияо маасо. д̇зна маасзна д̣̇ваад̣̇асамаасияо сам̣важчаро. д̇зна сам̣важчарзна д̣̇иб̣б̣ам̣ вассасахассам̣ д̇аавад̇им̣саанам̣ д̣̇зваанам̣ ааяуббамаан̣ам̣. таанам̣ ко банзд̇ам̣, висаакз, виж̇ж̇ад̇и яам̣ ид̇хзгажжо ид̇т̇ий ваа бурисо ваа адтан̇г̇асаманнааг̇ад̇ам̣ убосат̇ам̣ убавасид̇ваа гааяасса бхзд̣̇аа барам̣ маран̣аа д̇аавад̇им̣саанам̣ д̣̇зваанам̣ сахаб̣яад̇ам̣ убабаж̇ж̇зяяа. ид̣̇ам̣ ко банзд̇ам̣, висаакз, санд̇хааяа бхаасид̇ам̣ – ‘габан̣ам̣ маанусагам̣ раж̇ж̇ам̣ д̣̇иб̣б̣ам̣ сукам̣ убанид̇хааяа’’’.
‘‘Yaṃ , visākhe, mānusakaṃ vassasataṃ, tāvatiṃsānaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbaṃ vassasahassaṃ tāvatiṃsānaṃ devānaṃ āyuppamāṇaṃ. Ṭhānaṃ kho panetaṃ, visākhe, vijjati yaṃ idhekacco itthī vā puriso vā aṭṭhaṅgasamannāgataṃ uposathaṃ upavasitvā kāyassa bhedā paraṃ maraṇā tāvatiṃsānaṃ devānaṃ sahabyataṃ upapajjeyya. Idaṃ kho panetaṃ, visākhe, sandhāya bhāsitaṃ – ‘kapaṇaṃ mānusakaṃ rajjaṃ dibbaṃ sukhaṃ upanidhāya’’’.
‘‘яаани, висаакз, маанусагаани д̣̇вз вассасад̇аани, яаамаанам̣ д̣̇зваанам̣ зсо зго рад̇д̇инд̣̇иво. д̇ааяа рад̇д̇ияаа д̇им̣сарад̇д̇ияо маасо. д̇зна маасзна д̣̇ваад̣̇асамаасияо сам̣важчаро. д̇зна сам̣важчарзна д̣̇иб̣б̣аани д̣̇вз вассасахассаани яаамаанам̣ д̣̇зваанам̣ ааяуббамаан̣ам̣. таанам̣ ко банзд̇ам̣, висаакз, виж̇ж̇ад̇и яам̣ ид̇хзгажжо ид̇т̇ий ваа бурисо ваа адтан̇г̇асаманнааг̇ад̇ам̣ убосат̇ам̣ убавасид̇ваа гааяасса бхзд̣̇аа барам̣ маран̣аа яаамаанам̣ д̣̇зваанам̣ сахаб̣яад̇ам̣ убабаж̇ж̇зяяа. ид̣̇ам̣ ко банзд̇ам̣, висаакз, санд̇хааяа бхаасид̇ам̣ – ‘габан̣ам̣ маанусагам̣ раж̇ж̇ам̣ д̣̇иб̣б̣ам̣ сукам̣ убанид̇хааяа’’’.
‘‘Yāni, visākhe, mānusakāni dve vassasatāni, yāmānaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni dve vassasahassāni yāmānaṃ devānaṃ āyuppamāṇaṃ. Ṭhānaṃ kho panetaṃ, visākhe, vijjati yaṃ idhekacco itthī vā puriso vā aṭṭhaṅgasamannāgataṃ uposathaṃ upavasitvā kāyassa bhedā paraṃ maraṇā yāmānaṃ devānaṃ sahabyataṃ upapajjeyya. Idaṃ kho panetaṃ, visākhe, sandhāya bhāsitaṃ – ‘kapaṇaṃ mānusakaṃ rajjaṃ dibbaṃ sukhaṃ upanidhāya’’’.
‘‘яаани, висаакз, маанусагаани жад̇д̇аари вассасад̇аани, д̇усид̇аанам̣ д̣̇зваанам̣ зсо зго рад̇д̇инд̣̇иво. д̇ааяа рад̇д̇ияаа д̇им̣сарад̇д̇ияо маасо. д̇зна маасзна д̣̇ваад̣̇асамаасияо сам̣важчаро. д̇зна сам̣важчарзна д̣̇иб̣б̣аани жад̇д̇аари вассасахассаани д̇усид̇аанам̣ д̣̇зваанам̣ ааяуббамаан̣ам̣. таанам̣ ко банзд̇ам̣, висаакз, виж̇ж̇ад̇и яам̣ ид̇хзгажжо ид̇т̇ий ваа бурисо ваа адтан̇г̇асаманнааг̇ад̇ам̣ убосат̇ам̣ убавасид̇ваа гааяасса бхзд̣̇аа барам̣ маран̣аа д̇усид̇аанам̣ д̣̇зваанам̣ сахаб̣яад̇ам̣ убабаж̇ж̇зяяа. ид̣̇ам̣ ко банзд̇ам̣, висаакз, санд̇хааяа бхаасид̇ам̣ – ‘габан̣ам̣ маанусагам̣ раж̇ж̇ам̣ д̣̇иб̣б̣ам̣ сукам̣ убанид̇хааяа’’’.
‘‘Yāni, visākhe, mānusakāni cattāri vassasatāni, tusitānaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni cattāri vassasahassāni tusitānaṃ devānaṃ āyuppamāṇaṃ. Ṭhānaṃ kho panetaṃ, visākhe, vijjati yaṃ idhekacco itthī vā puriso vā aṭṭhaṅgasamannāgataṃ uposathaṃ upavasitvā kāyassa bhedā paraṃ maraṇā tusitānaṃ devānaṃ sahabyataṃ upapajjeyya. Idaṃ kho panetaṃ, visākhe, sandhāya bhāsitaṃ – ‘kapaṇaṃ mānusakaṃ rajjaṃ dibbaṃ sukhaṃ upanidhāya’’’.
‘‘яаани, висаакз, маанусагаани адта вассасад̇аани, ниммаанарад̇ийнам̣ д̣̇зваанам̣ зсо зго рад̇д̇инд̣̇иво. д̇ааяа рад̇д̇ияаа д̇им̣сарад̇д̇ияо маасо. д̇зна маасзна д̣̇ваад̣̇асамаасияо сам̣важчаро. д̇зна сам̣важчарзна д̣̇иб̣б̣аани адта вассасахассаани ниммаанарад̇ийнам̣ д̣̇зваанам̣ ааяуббамаан̣ам̣. таанам̣ ко банзд̇ам̣, висаакз, виж̇ж̇ад̇и яам̣ ид̇хзгажжо ид̇т̇ий ваа бурисо ваа адтан̇г̇асаманнааг̇ад̇ам̣ убосат̇ам̣ убавасид̇ваа гааяасса бхзд̣̇аа барам̣ маран̣аа ниммаанарад̇ийнам̣ д̣̇зваанам̣ сахаб̣яад̇ам̣ убабаж̇ж̇зяяа. ид̣̇ам̣ ко банзд̇ам̣, висаакз, санд̇хааяа бхаасид̇ам̣ – ‘габан̣ам̣ маанусагам̣ раж̇ж̇ам̣ д̣̇иб̣б̣ам̣ сукам̣ убанид̇хааяа’’’.
‘‘Yāni, visākhe, mānusakāni aṭṭha vassasatāni, nimmānaratīnaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni aṭṭha vassasahassāni nimmānaratīnaṃ devānaṃ āyuppamāṇaṃ. Ṭhānaṃ kho panetaṃ, visākhe, vijjati yaṃ idhekacco itthī vā puriso vā aṭṭhaṅgasamannāgataṃ uposathaṃ upavasitvā kāyassa bhedā paraṃ maraṇā nimmānaratīnaṃ devānaṃ sahabyataṃ upapajjeyya. Idaṃ kho panetaṃ, visākhe, sandhāya bhāsitaṃ – ‘kapaṇaṃ mānusakaṃ rajjaṃ dibbaṃ sukhaṃ upanidhāya’’’.
‘‘яаани, висаакз, маанусагаани сол̣аса вассасад̇аани, бараниммид̇авасавад̇д̇ийнам̣ д̣̇зваанам̣ зсо зго рад̇д̇инд̣̇иво. д̇ааяа рад̇д̇ияаа д̇им̣сарад̇д̇ияо маасо. д̇зна маасзна д̣̇ваад̣̇асамаасияо сам̣важчаро. д̇зна сам̣важчарзна д̣̇иб̣б̣аани сол̣аса вассасахассаани бараниммид̇авасавад̇д̇ийнам̣ д̣̇зваанам̣ ааяуббамаан̣ам̣. таанам̣ ко банзд̇ам̣, висаакз, виж̇ж̇ад̇и яам̣ ид̇хзгажжо ид̇т̇ий ваа бурисо ваа адтан̇г̇асаманнааг̇ад̇ам̣ убосат̇ам̣ убавасид̇ваа гааяасса бхзд̣̇аа барам̣ маран̣аа бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇зяяа. ид̣̇ам̣ ко банзд̇ам̣, висаакз, санд̇хааяа бхаасид̇ам̣ – ‘габан̣ам̣ маанусагам̣ раж̇ж̇ам̣ д̣̇иб̣б̣ам̣ сукам̣ убанид̇хааяаа’’’д̇и.
‘‘Yāni, visākhe, mānusakāni soḷasa vassasatāni, paranimmitavasavattīnaṃ devānaṃ eso eko rattindivo. Tāya rattiyā tiṃsarattiyo māso. Tena māsena dvādasamāsiyo saṃvaccharo. Tena saṃvaccharena dibbāni soḷasa vassasahassāni paranimmitavasavattīnaṃ devānaṃ āyuppamāṇaṃ. Ṭhānaṃ kho panetaṃ, visākhe, vijjati yaṃ idhekacco itthī vā puriso vā aṭṭhaṅgasamannāgataṃ uposathaṃ upavasitvā kāyassa bhedā paraṃ maraṇā paranimmitavasavattīnaṃ devānaṃ sahabyataṃ upapajjeyya. Idaṃ kho panetaṃ, visākhe, sandhāya bhāsitaṃ – ‘kapaṇaṃ mānusakaṃ rajjaṃ dibbaṃ sukhaṃ upanidhāyā’’’ti.
мусаа на бхаасз на жа маж̇ж̇або сияаа;
Musā na bhāse na ca majjapo siyā;
аб̣рахмажарияаа вирамзяяа мзт̇унаа,
Abrahmacariyā virameyya methunā,
рад̇д̇им̣ на бхун̃ж̇зяяа вигаалабхож̇анам̣.
Rattiṃ na bhuñjeyya vikālabhojanaṃ.
‘‘маалам̣ на д̇хаарз на жа г̇анд̇хамаажарз,
‘‘Mālaṃ na dhāre na ca gandhamācare,
ман̃жз чамааяам̣ ва саязт̇а сант̇ад̇з;
Mañce chamāyaṃ va sayetha santhate;
зд̇ан̃хи адтан̇г̇игамаахубосат̇ам̣,
Etañhi aṭṭhaṅgikamāhuposathaṃ,
б̣уд̣̇д̇хзна д̣̇угканд̇аг̇унаа багаасид̇ам̣.
Buddhena dukkhantagunā pakāsitaṃ.
‘‘жанд̣̇о жа суурияо жа убхо суд̣̇ассанаа,
‘‘Cando ca sūriyo ca ubho sudassanā,
обхаасаяам̣ анубарияанд̇и яаавад̇аа;
Obhāsayaṃ anupariyanti yāvatā;
д̇амонуд̣̇аа д̇з бана анд̇алигкаг̇аа,
Tamonudā te pana antalikkhagā,
набхз бабхаасанд̇и д̣̇исаавирожанаа.
Nabhe pabhāsanti disāvirocanā.
‘‘зд̇асмим̣ яам̣ виж̇ж̇ад̇и анд̇арз д̇ханам̣,
‘‘Etasmiṃ yaṃ vijjati antare dhanaṃ,
муд̇д̇аа ман̣и взл̣урияан̃жа бхад̣̇д̣̇агам̣;
Muttā maṇi veḷuriyañca bhaddakaṃ;
син̇г̇ий суван̣н̣ам̣ ат̇а вааби ган̃жанам̣,
Siṅgī suvaṇṇaṃ atha vāpi kañcanaṃ,
яам̣ ж̇аад̇аруубам̣ хадаганд̇и вужжад̇и.
Yaṃ jātarūpaṃ haṭakanti vuccati.
‘‘адтан̇г̇убзд̇асса убосат̇асса,
‘‘Aṭṭhaṅgupetassa uposathassa,
галамби д̇з наанубхаванд̇и сол̣асим̣;
Kalampi te nānubhavanti soḷasiṃ;
жанд̣̇аббабхаа д̇аараг̇ан̣аа жа саб̣б̣з.
Candappabhā tāragaṇā ca sabbe.
‘‘д̇асмаа хи наарий жа наро жа сийлаваа,
‘‘Tasmā hi nārī ca naro ca sīlavā,
адтан̇г̇убзд̇ам̣ убавассубосат̇ам̣;
Aṭṭhaṅgupetaṃ upavassuposathaṃ;
бун̃н̃аани гад̇ваана сукуд̣̇раяаани,
Puññāni katvāna sukhudrayāni,
анинд̣̇ид̇аа саг̇г̇амубзнд̇и таана’’нд̇и. д̣̇асамам̣;
Aninditā saggamupenti ṭhāna’’nti. dasamaṃ;
махааваг̇г̇о сад̇д̇амо.
Mahāvaggo sattamo.
д̇ассуд̣̇д̣̇аанам̣ –
Tassuddānaṃ –
д̇ид̇т̇абхаяан̃жа взнааг̇о, сарабхо гзсамуд̇д̇ияаа;
Titthabhayañca venāgo, sarabho kesamuttiyā;
саал̣хо жааби гат̇аавад̇т̇у, д̇ид̇т̇ияамуулубосат̇од̇и.
Sāḷho cāpi kathāvatthu, titthiyamūluposathoti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. убосат̇асуд̇д̇аван̣н̣анаа • 10. Uposathasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. убосат̇асуд̇д̇аван̣н̣анаа • 10. Uposathasuttavaṇṇanā
