| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. убосат̇асуд̇д̇ам̣
10. Uposathasuttaṃ
190. згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. д̇зна ко бана самаязна бхаг̇аваа д̇ад̣̇ахубосат̇з бхигкусан̇гхабаривуд̇о нисинно ход̇и. ат̇а ко бхаг̇аваа д̇ун̣хийбхууд̇ам̣ д̇ун̣хийбхууд̇ам̣ бхигкусан̇гхам̣ анувилогзд̇ваа бхигкуу ааманд̇зси –
190. Ekaṃ samayaṃ bhagavā sāvatthiyaṃ viharati pubbārāme migāramātupāsāde. Tena kho pana samayena bhagavā tadahuposathe bhikkhusaṅghaparivuto nisinno hoti. Atha kho bhagavā tuṇhībhūtaṃ tuṇhībhūtaṃ bhikkhusaṅghaṃ anuviloketvā bhikkhū āmantesi –
‘‘абалаабааяам̣, бхигкавз, барисаа ниббалаабааяам̣, бхигкавз, барисаа суд̣̇д̇хаа саарз бад̇идтид̇аа. д̇ат̇ааруубо аяам̣ , бхигкавз, бхигкусан̇гхо, д̇ат̇ааруубааяам̣, бхигкавз, барисаа. яат̇ааруубаа барисаа д̣̇уллабхаа д̣̇ассанааяаби логасмим̣, д̇ат̇ааруубо аяам̣, бхигкавз, бхигкусан̇гхо, д̇ат̇ааруубааяам̣, бхигкавз, барисаа. яат̇ааруубаа барисаа аахунзяяаа баахунзяяаа д̣̇агкин̣зяяаа ан̃ж̇алигаран̣ийяаа ануд̇д̇арам̣ бун̃н̃агкзд̇д̇ам̣ логасса, д̇ат̇ааруубо аяам̣, бхигкавз, бхигкусан̇гхо, д̇ат̇ааруубааяам̣, бхигкавз, барисаа . яат̇ааруубааяа барисааяа аббам̣ д̣̇иннам̣ б̣аху ход̇и б̣аху д̣̇иннам̣ б̣ахуд̇арам̣, д̇ат̇ааруубо аяам̣, бхигкавз, бхигкусан̇гхо, д̇ат̇ааруубааяам̣, бхигкавз, барисаа. яат̇ааруубам̣ барисам̣ алам̣ яож̇анаг̇ан̣анааниби д̣̇ассанааяа г̇анд̇ум̣ аби будосзнааби, д̇ат̇ааруубо аяам̣, бхигкавз, бхигкусан̇гхо, (д̇ат̇ааруубааяам̣, бхигкавз, барисаа) 1.
‘‘Apalāpāyaṃ, bhikkhave, parisā nippalāpāyaṃ, bhikkhave, parisā suddhā sāre patiṭṭhitā. Tathārūpo ayaṃ , bhikkhave, bhikkhusaṅgho, tathārūpāyaṃ, bhikkhave, parisā. Yathārūpā parisā dullabhā dassanāyapi lokasmiṃ, tathārūpo ayaṃ, bhikkhave, bhikkhusaṅgho, tathārūpāyaṃ, bhikkhave, parisā. Yathārūpā parisā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa, tathārūpo ayaṃ, bhikkhave, bhikkhusaṅgho, tathārūpāyaṃ, bhikkhave, parisā . Yathārūpāya parisāya appaṃ dinnaṃ bahu hoti bahu dinnaṃ bahutaraṃ, tathārūpo ayaṃ, bhikkhave, bhikkhusaṅgho, tathārūpāyaṃ, bhikkhave, parisā. Yathārūpaṃ parisaṃ alaṃ yojanagaṇanānipi dassanāya gantuṃ api puṭosenāpi, tathārūpo ayaṃ, bhikkhave, bhikkhusaṅgho, (tathārūpāyaṃ, bhikkhave, parisā) 2.
‘‘санд̇и , бхигкавз, бхигкуу имасмим̣ бхигкусан̇гхз д̣̇зваббад̇д̇аа вихаранд̇и; санд̇и, бхигкавз, бхигкуу имасмим̣ бхигкусан̇гхз б̣рахмаббад̇д̇аа вихаранд̇и; санд̇и, бхигкавз, бхигкуу имасмим̣ бхигкусан̇гхз аанзн̃ж̇аббад̇д̇аа вихаранд̇и; санд̇и, бхигкавз, бхигкуу имасмим̣ бхигкусан̇гхз арияаббад̇д̇аа вихаранд̇и.
‘‘Santi , bhikkhave, bhikkhū imasmiṃ bhikkhusaṅghe devappattā viharanti; santi, bhikkhave, bhikkhū imasmiṃ bhikkhusaṅghe brahmappattā viharanti; santi, bhikkhave, bhikkhū imasmiṃ bhikkhusaṅghe āneñjappattā viharanti; santi, bhikkhave, bhikkhū imasmiṃ bhikkhusaṅghe ariyappattā viharanti.
‘‘гат̇ан̃жа, бхигкавз, бхигку д̣̇зваббад̇д̇о ход̇и? ид̇ха, бхигкавз, бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и; вид̇аггавижаараанам̣ вуубасамаа…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. звам̣ ко, бхигкавз, бхигку д̣̇зваббад̇д̇о ход̇и.
‘‘Kathañca, bhikkhave, bhikkhu devappatto hoti? Idha, bhikkhave, bhikkhu vivicceva kāmehi…pe… paṭhamaṃ jhānaṃ upasampajja viharati; vitakkavicārānaṃ vūpasamā…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati. Evaṃ kho, bhikkhave, bhikkhu devappatto hoti.
‘‘гат̇ан̃жа, бхигкавз, бхигку б̣рахмаббад̇д̇о ход̇и? ид̇ха, бхигкавз, бхигку мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. гарун̣аа… муд̣̇ид̇аа… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. звам̣ ко, бхигкавз, бхигку б̣рахмаббад̇д̇о ход̇и.
‘‘Kathañca, bhikkhave, bhikkhu brahmappatto hoti? Idha, bhikkhave, bhikkhu mettāsahagatena cetasā ekaṃ disaṃ pharitvā viharati, tathā dutiyaṃ tathā tatiyaṃ tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena pharitvā viharati. Karuṇā… muditā… upekkhāsahagatena cetasā ekaṃ disaṃ pharitvā viharati, tathā dutiyaṃ tathā tatiyaṃ tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati. Evaṃ kho, bhikkhave, bhikkhu brahmappatto hoti.
‘‘гат̇ан̃жа, бхигкавз, бхигку аанзн̃ж̇аббад̇д̇о ход̇и? ид̇ха, бхигкавз, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. звам̣ ко, бхигкавз, бхигку аанзн̃ж̇аббад̇д̇о ход̇и.
‘‘Kathañca, bhikkhave, bhikkhu āneñjappatto hoti? Idha, bhikkhave, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Evaṃ kho, bhikkhave, bhikkhu āneñjappatto hoti.
‘‘гат̇ан̃жа, бхигкавз, бхигку арияаббад̇д̇о ход̇и? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. звам̣ ко, бхигкавз, бхигку арияаббад̇д̇о ход̇ий’’д̇и. д̣̇асамам̣.
‘‘Kathañca, bhikkhave, bhikkhu ariyappatto hoti? Idha, bhikkhave, bhikkhu ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Evaṃ kho, bhikkhave, bhikkhu ariyappatto hotī’’ti. Dasamaṃ.
д̇ассуд̣̇д̣̇аанам̣ –
Tassuddānaṃ –
яод̇хаа баадибхог̇асуд̇ам̣, абхаяам̣ б̣раахман̣асажжзна бан̃жамам̣;
Yodhā pāṭibhogasutaṃ, abhayaṃ brāhmaṇasaccena pañcamaṃ;
уммаг̇г̇авассагааро, убаго сажчигирияаа жа убосат̇од̇и.
Ummaggavassakāro, upako sacchikiriyā ca uposathoti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. убосат̇асуд̇д̇аван̣н̣анаа • 10. Uposathasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. убосат̇асуд̇д̇аван̣н̣анаа • 10. Uposathasuttavaṇṇanā
