| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. убосат̇асуд̇д̇ам̣
3. Uposathasuttaṃ
344. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у, го бажжаяо, язна мид̇хзгажжз ан̣д̣аж̇аа нааг̇аа убосат̇ам̣ убавасанд̇и воссадтагааяаа жа бхаванд̇ий’’д̇и?
344. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacce aṇḍajā nāgā uposathaṃ upavasanti vossaṭṭhakāyā ca bhavantī’’ti?
‘‘ид̇ха , бхигку, згажжаанам̣ ан̣д̣аж̇аанам̣ нааг̇аанам̣ звам̣ ход̇и – ‘маяам̣ ко буб̣б̣з гааязна д̣̇ваяагаарино ахумха, ваажааяа д̣̇ваяагаарино, манасаа д̣̇ваяагаарино. д̇з маяам̣ гааязна д̣̇ваяагаарино, ваажааяа д̣̇ваяагаарино, манасаа д̣̇ваяагаарино, гааяасса бхзд̣̇аа барам̣ маран̣аа ан̣д̣аж̇аанам̣ нааг̇аанам̣ сахаб̣яад̇ам̣ убабаннаа. сажаж̇ж̇а маяам̣ гааязна сужарид̇ам̣ жарзяяаама, ваажааяа сужарид̇ам̣ жарзяяаама, манасаа сужарид̇ам̣ жарзяяаама, звам̣ маяам̣ гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяаама. ханд̣̇а, маяам̣ зд̇арахи гааязна сужарид̇ам̣ жараама, ваажааяа сужарид̇ам̣ жараама, манасаа сужарид̇ам̣ жараамаа’д̇и. аяам̣ ко, бхигку, хзд̇у, аяам̣ бажжаяо, язна мид̇хзгажжз ан̣д̣аж̇аа нааг̇аа убосат̇ам̣ убавасанд̇и воссадтагааяаа жа бхаванд̇ий’’д̇и. д̇ад̇ияам̣.
‘‘Idha , bhikkhu, ekaccānaṃ aṇḍajānaṃ nāgānaṃ evaṃ hoti – ‘mayaṃ kho pubbe kāyena dvayakārino ahumha, vācāya dvayakārino, manasā dvayakārino. Te mayaṃ kāyena dvayakārino, vācāya dvayakārino, manasā dvayakārino, kāyassa bhedā paraṃ maraṇā aṇḍajānaṃ nāgānaṃ sahabyataṃ upapannā. Sacajja mayaṃ kāyena sucaritaṃ careyyāma, vācāya sucaritaṃ careyyāma, manasā sucaritaṃ careyyāma, evaṃ mayaṃ kāyassa bhedā paraṃ maraṇā sugatiṃ saggaṃ lokaṃ upapajjeyyāma. Handa, mayaṃ etarahi kāyena sucaritaṃ carāma, vācāya sucaritaṃ carāma, manasā sucaritaṃ carāmā’ti. Ayaṃ kho, bhikkhu, hetu, ayaṃ paccayo, yena midhekacce aṇḍajā nāgā uposathaṃ upavasanti vossaṭṭhakāyā ca bhavantī’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-50. бан̣ийд̇ад̇арасуд̇д̇аад̣̇иван̣н̣анаа • 2-50. Paṇītatarasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-50. бан̣ийд̇ад̇арасуд̇д̇аад̣̇иван̣н̣анаа • 2-50. Paṇītatarasuttādivaṇṇanā
