| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. убосат̇асуд̇д̇аван̣н̣анаа
10. Uposathasuttavaṇṇanā
190. д̣̇асамз д̇ун̣хийбхууд̇ам̣ д̇ун̣хийбхууд̇анд̇и яад̇о яад̇о анувилогзд̇и, д̇ад̇о д̇ад̇о д̇ун̣хийбхууд̇амзва. бхигкуу ааманд̇зсийд̇и бадибад̇д̇исамбаннз бхигкуу басаннзхи жагкуухи анувилогзд̇ваа уббаннад̇хаммабаамож̇ж̇о т̇омзд̇угаамад̇ааяа ааманд̇зси. абалаабаад̇и балаабарахид̇аа. ид̇арам̣ д̇ассзва взважанам̣. суд̣̇д̇хаад̇и ниммалаа. саарз бад̇идтид̇аад̇и сийлаад̣̇исаарз бад̇идтид̇аа. аланд̇и яуд̇д̇ам̣. яож̇анаг̇ан̣анаанийд̇и згам̣ яож̇анам̣ яож̇анамзва, д̣̇асаби яож̇анаани яож̇анаанзва. д̇ад̇о уд̣̇д̇хам̣ ‘‘яож̇анаг̇ан̣анааний’’д̇и вужжад̇и. ид̇ха бана яож̇анасад̇амби яож̇анасахассамби ад̇хиббзд̇ам̣. будосзнаабийд̇и будосам̣ вужжад̇и баат̇зяяам̣, баат̇зяяам̣ г̇ахзд̇вааби убасан̇гамид̇ум̣ яуд̇д̇амзваад̇и ад̇т̇о. будам̣сзнаад̇иби баато. д̇ассад̇т̇о – будо ам̣сз ассаад̇и будам̣со, д̇зна будам̣сзна, ам̣сзна баат̇зяяабудам̣ ваханд̇знаабийд̇и вуд̇д̇ам̣ ход̇и.
190. Dasame tuṇhībhūtaṃ tuṇhībhūtanti yato yato anuviloketi, tato tato tuṇhībhūtameva. Bhikkhū āmantesīti paṭipattisampanne bhikkhū pasannehi cakkhūhi anuviloketvā uppannadhammapāmojjo thometukāmatāya āmantesi. Apalāpāti palāparahitā. Itaraṃ tasseva vevacanaṃ. Suddhāti nimmalā. Sāre patiṭṭhitāti sīlādisāre patiṭṭhitā. Alanti yuttaṃ. Yojanagaṇanānīti ekaṃ yojanaṃ yojanameva, dasapi yojanāni yojanāneva. Tato uddhaṃ ‘‘yojanagaṇanānī’’ti vuccati. Idha pana yojanasatampi yojanasahassampi adhippetaṃ. Puṭosenāpīti puṭosaṃ vuccati pātheyyaṃ, pātheyyaṃ gahetvāpi upasaṅkamituṃ yuttamevāti attho. Puṭaṃsenātipi pāṭho. Tassattho – puṭo aṃse assāti puṭaṃso, tena puṭaṃsena, aṃsena pātheyyapuṭaṃ vahantenāpīti vuttaṃ hoti.
ид̣̇аани зваруубзхи зваруубзхи жа г̇ун̣зхи саманнааг̇ад̇аа зд̇т̇а бхигкуу ад̇т̇ийд̇и д̣̇ассзд̇ум̣ санд̇и бхигкавзд̇иаад̣̇имааха. д̇ад̇т̇а д̣̇зваббад̇д̇аад̇и убабад̇д̇ид̣̇званиб̣б̣ад̇д̇агам̣ д̣̇иб̣б̣авихаарам̣ д̣̇иб̣б̣авихаарзна жа арахад̇д̇ам̣ бад̇д̇аа. б̣рахмаббад̇д̇аад̇и нид̣̇д̣̇осадтзна б̣рахмабхаавасаад̇хагам̣ б̣рахмавихаарам̣ б̣рахмавихаарзна жа арахад̇д̇ам̣ бад̇д̇аа. аанзн̃ж̇аббад̇д̇аад̇и анин̃ж̇анабхаавасаад̇хагам̣ аанзн̃ж̇ам̣ аанзн̃ж̇зна жа арахад̇д̇ам̣ бад̇д̇аа. арияаббад̇д̇аад̇и бут̇уж̇ж̇анабхаавам̣ ад̇иггамма арияабхаавам̣ бад̇д̇аа. звам̣ ко, бхигкавз, бхигку д̣̇зваббад̇д̇о ход̇ийд̇иаад̣̇ийсу звам̣ руубааважаражад̇уд̇т̇аж̇жхаанз тад̇ваа жид̇д̇ам̣ виваддзд̇ваа арахад̇д̇ам̣ бад̇д̇о д̣̇зваббад̇д̇о наама ход̇и , жад̇уусу б̣рахмавихаарзсу тад̇ваа жид̇д̇ам̣ виваддзд̇ваа арахад̇д̇ам̣ бад̇д̇о б̣рахмаббад̇д̇о наама, жад̇уусу аруубаж̇жхаанзсу тад̇ваа жид̇д̇ам̣ виваддзд̇ваа арахад̇д̇ам̣ бад̇д̇о аанзн̃ж̇аббад̇д̇о наама. ид̣̇ам̣ д̣̇угканд̇иаад̣̇ийхи жад̇уухи сажжзхи жад̇д̇ааро маг̇г̇аа д̇ийн̣и жа палаани гат̇ид̇аани. д̇асмаа имам̣ арияад̇хаммам̣ бад̇д̇о бхигку арияаббад̇д̇о наама ход̇ийд̇и.
Idāni evarūpehi evarūpehi ca guṇehi samannāgatā ettha bhikkhū atthīti dassetuṃ santi bhikkhavetiādimāha. Tattha devappattāti upapattidevanibbattakaṃ dibbavihāraṃ dibbavihārena ca arahattaṃ pattā. Brahmappattāti niddosaṭṭhena brahmabhāvasādhakaṃ brahmavihāraṃ brahmavihārena ca arahattaṃ pattā. Āneñjappattāti aniñjanabhāvasādhakaṃ āneñjaṃ āneñjena ca arahattaṃ pattā. Ariyappattāti puthujjanabhāvaṃ atikkamma ariyabhāvaṃ pattā. Evaṃ kho, bhikkhave, bhikkhu devappatto hotītiādīsu evaṃ rūpāvacaracatutthajjhāne ṭhatvā cittaṃ vivaṭṭetvā arahattaṃ patto devappatto nāma hoti , catūsu brahmavihāresu ṭhatvā cittaṃ vivaṭṭetvā arahattaṃ patto brahmappatto nāma, catūsu arūpajjhānesu ṭhatvā cittaṃ vivaṭṭetvā arahattaṃ patto āneñjappatto nāma. Idaṃ dukkhantiādīhi catūhi saccehi cattāro maggā tīṇi ca phalāni kathitāni. Tasmā imaṃ ariyadhammaṃ patto bhikkhu ariyappatto nāma hotīti.
б̣раахман̣аваг̇г̇о жад̇уд̇т̇о.
Brāhmaṇavaggo catuttho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. убосат̇асуд̇д̇ам̣ • 10. Uposathasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. убосат̇асуд̇д̇аван̣н̣анаа • 10. Uposathasuttavaṇṇanā
