| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
5. убосат̇асуд̇д̇аван̣н̣анаа
5. Uposathasuttavaṇṇanā
45. бан̃жамз д̇ад̣̇ахууд̇и д̇асмим̣ ахани д̇асмим̣ д̣̇ивасз. убосат̇зд̇и зд̇т̇а убавасанд̇и зд̇т̇аад̇и убосат̇о, убавасанд̇ийд̇и сийлзна ваа анасанзна ваа убзд̇аа худ̇ваа васанд̇ийд̇и ад̇т̇о. аяан̃хи убосат̇асад̣̇д̣̇о ‘‘адтан̇г̇асаманнааг̇ад̇ам̣ убосат̇ам̣ убавасаамий’’д̇иаад̣̇ийсу (а. ни. 3.71; 10.46) сийлз ааг̇ад̇о. ‘‘убосат̇о ваа бавааран̣аа ваа’’д̇иаад̣̇ийсу (махаава. 155) баад̇имогкуд̣̇д̣̇зсаад̣̇ивинаяагаммз. ‘‘г̇обаалагуубосат̇о ниг̇ан̣туубосат̇о’’д̇иаад̣̇ийсу (а. ни. 3.71) убаваасз. ‘‘убосат̇о наама нааг̇арааж̇аа’’д̇иаад̣̇ийсу (д̣̇ий. ни. 2.246) бан̃н̃ад̇д̇ияам̣. ‘‘аж̇ж̇убосат̇о баннарасо’’д̇иаад̣̇ийсу (махаава. 168) д̣̇ивасз. ид̇хааби д̣̇ивасзязва д̣̇адтаб̣б̣о, д̇асмаа ‘‘д̇ад̣̇ахубосат̇з’’д̇и д̇асмим̣ убосат̇ад̣̇ивасабхууд̇з аханийд̇и ад̇т̇о. нисинно ход̇ийд̇и махаабхигкусан̇гхабаривуд̇о оваад̣̇абаад̇имогкам̣ уд̣̇д̣̇исид̇ум̣ нисинно ход̇и. нисаж̇ж̇а бана бхигкуунам̣ жид̇д̇аани ологзнд̇о згам̣ д̣̇уссийлабуг̇г̇алам̣ д̣̇исваа, ‘‘сажаахам̣ имасмим̣ буг̇г̇алз ид̇ха нисиннзязва баад̇имогкам̣ уд̣̇д̣̇исиссаами, сад̇д̇ад̇хаасса муд̣̇д̇хаа палиссад̇ий’’д̇и д̇асмим̣ анугамбааяа д̇ун̣хийязва ахоси.
45. Pañcame tadahūti tasmiṃ ahani tasmiṃ divase. Uposatheti ettha upavasanti etthāti uposatho, upavasantīti sīlena vā anasanena vā upetā hutvā vasantīti attho. Ayañhi uposathasaddo ‘‘aṭṭhaṅgasamannāgataṃ uposathaṃ upavasāmī’’tiādīsu (a. ni. 3.71; 10.46) sīle āgato. ‘‘Uposatho vā pavāraṇā vā’’tiādīsu (mahāva. 155) pātimokkhuddesādivinayakamme. ‘‘Gopālakūposatho nigaṇṭhūposatho’’tiādīsu (a. ni. 3.71) upavāse. ‘‘Uposatho nāma nāgarājā’’tiādīsu (dī. ni. 2.246) paññattiyaṃ. ‘‘Ajjuposatho pannaraso’’tiādīsu (mahāva. 168) divase. Idhāpi divaseyeva daṭṭhabbo, tasmā ‘‘tadahuposathe’’ti tasmiṃ uposathadivasabhūte ahanīti attho. Nisinno hotīti mahābhikkhusaṅghaparivuto ovādapātimokkhaṃ uddisituṃ nisinno hoti. Nisajja pana bhikkhūnaṃ cittāni olokento ekaṃ dussīlapuggalaṃ disvā, ‘‘sacāhaṃ imasmiṃ puggale idha nisinneyeva pātimokkhaṃ uddisissāmi, sattadhāssa muddhā phalissatī’’ti tasmiṃ anukampāya tuṇhīyeva ahosi.
зд̇т̇а жа уд̣̇д̇хасд̇ам̣ арун̣анд̇и арун̣уг̇г̇аманам̣ вад̇вааби ‘‘уд̣̇д̣̇исад̇у, бханд̇з бхаг̇аваа, бхигкуунам̣ баад̇имогка’’нд̇и т̇зро бхаг̇аванд̇ам̣ баад̇имогкуд̣̇д̣̇зсам̣ яаажи д̇асмим̣ гаалз ‘‘на, бхигкавз, анубосат̇з убосат̇о гаад̇аб̣б̣о’’д̇исигкаабад̣̇асса (махаава. 183) абан̃н̃ад̇д̇ад̇д̇аа. абарисуд̣̇д̇хаа, аананд̣̇а, барисаад̇и д̇игкад̇д̇ум̣ т̇зрзна баад̇имогкуд̣̇д̣̇зсасса яаажид̇ад̇д̇аа ануд̣̇д̣̇зсасса гааран̣ам̣ гат̇знд̇о ‘‘асугабуг̇г̇ало абарисуд̣̇д̇хо’’д̇и авад̇ваа ‘‘абарисуд̣̇д̇хаа, аананд̣̇а, барисаа’’д̇и ааха. гасмаа бана бхаг̇аваа д̇ияаамарад̇д̇им̣ д̇ат̇аа вийд̇инаамзси? д̇ад̇о бадтааяа оваад̣̇абаад̇имогкам̣ ануд̣̇д̣̇исид̇угаамо д̇асса вад̇т̇ум̣ баагадам̣ гаад̇ум̣.
Ettha ca uddhastaṃ aruṇanti aruṇuggamanaṃ vatvāpi ‘‘uddisatu, bhante bhagavā, bhikkhūnaṃ pātimokkha’’nti thero bhagavantaṃ pātimokkhuddesaṃ yāci tasmiṃ kāle ‘‘na, bhikkhave, anuposathe uposatho kātabbo’’tisikkhāpadassa (mahāva. 183) apaññattattā. Aparisuddhā, ānanda, parisāti tikkhattuṃ therena pātimokkhuddesassa yācitattā anuddesassa kāraṇaṃ kathento ‘‘asukapuggalo aparisuddho’’ti avatvā ‘‘aparisuddhā, ānanda, parisā’’ti āha. Kasmā pana bhagavā tiyāmarattiṃ tathā vītināmesi? Tato paṭṭhāya ovādapātimokkhaṃ anuddisitukāmo tassa vatthuṃ pākaṭaṃ kātuṃ.
ад̣̇д̣̇асаад̇и гат̇ам̣ ад̣̇д̣̇аса. ад̇д̇ано жзд̇обарияан̃аан̣зна д̇ассам̣ барисад̇и бхигкуунам̣ жид̇д̇аани бариж̇аананд̇о д̇асса могхабурисасса д̣̇уссийляажид̇д̇ам̣ басси. яасмаа бана жид̇д̇з д̣̇идтз д̇ам̣саман̇г̇ийбуг̇г̇ало д̣̇идто наама ход̇и, д̇асмаа ‘‘ад̣̇д̣̇асаа ко ааяасмаа махаамог̇г̇аллаано д̇ам̣ буг̇г̇алам̣ д̣̇уссийла’’нд̇иаад̣̇и вуд̇д̇ам̣ . яат̇зва хи анааг̇ад̇з сад̇д̇асу д̣̇ивасзсу бавад̇д̇амаанам̣ барзсам̣ жид̇д̇ам̣ жзд̇обарияан̃аан̣алаабхий ж̇аанаад̇и, звам̣ ад̇ийд̇збийд̇и. д̣̇уссийланд̇и ниссийлам̣, сийлавирахид̇анд̇и ад̇т̇о. баабад̇хамманд̇и д̣̇уссийлад̇д̇аа зва хийнаж̇жхаасаяад̇ааяа лаамагасабхаавам̣. асужинд̇и абарисуд̣̇д̇хзхи гааяагаммаад̣̇ийхи саманнааг̇ад̇ад̇д̇аа на сужим̣. сан̇гассарасамаажааранд̇и гин̃жид̣̇зва асааруббам̣ д̣̇исваа ‘‘ид̣̇ам̣ иминаа гад̇ам̣ бхависсад̇ий’’д̇и звам̣ барзсам̣ аасан̇ганийяад̇ааяа сан̇гааяа сарид̇аб̣б̣асамаажаарам̣, ат̇а ваа гзнажид̣̇зва гаран̣ийязна манд̇аяанд̇з бхигкуу д̣̇исваа ‘‘гажжи ну ко имз маяаа гад̇агаммам̣ ж̇аанид̇ваа манд̇знд̇ий’’д̇и ад̇д̇аноязва сан̇гааяа сарид̇аб̣б̣асамаажаарам̣.
Addasāti kathaṃ addasa. Attano cetopariyañāṇena tassaṃ parisati bhikkhūnaṃ cittāni parijānanto tassa moghapurisassa dussīlyacittaṃ passi. Yasmā pana citte diṭṭhe taṃsamaṅgīpuggalo diṭṭho nāma hoti, tasmā ‘‘addasā kho āyasmā mahāmoggallāno taṃ puggalaṃ dussīla’’ntiādi vuttaṃ. Yatheva hi anāgate sattasu divasesu pavattamānaṃ paresaṃ cittaṃ cetopariyañāṇalābhī jānāti, evaṃ atītepīti. Dussīlanti nissīlaṃ, sīlavirahitanti attho. Pāpadhammanti dussīlattā eva hīnajjhāsayatāya lāmakasabhāvaṃ. Asucinti aparisuddhehi kāyakammādīhi samannāgatattā na suciṃ. Saṅkassarasamācāranti kiñcideva asāruppaṃ disvā ‘‘idaṃ iminā kataṃ bhavissatī’’ti evaṃ paresaṃ āsaṅkanīyatāya saṅkāya saritabbasamācāraṃ, atha vā kenacideva karaṇīyena mantayante bhikkhū disvā ‘‘kacci nu kho ime mayā katakammaṃ jānitvā mantentī’’ti attanoyeva saṅkāya saritabbasamācāraṃ.
лаж̇ж̇ид̇аб̣б̣ад̇ааяа бадижчаад̣̇зд̇аб̣б̣агааран̣ад̇о бадижчаннам̣ гамманд̇ам̣ зд̇ассаад̇и бадижчаннагамманд̇ам̣. гужчид̇асаман̣авзсад̇хаарид̇ааяа на саман̣анд̇и ассаман̣ам̣. салаагаг̇г̇ахан̣аад̣̇ийсу ‘‘гид̇д̇агаа саман̣аа’’д̇и жа г̇ан̣анааяа ‘‘ахамби саман̣омхий’’д̇и мижчаабадин̃н̃ааяа саман̣абадин̃н̃ам̣. асздтажаарид̇ааяа аб̣рахмажаарим̣. ан̃н̃з б̣рахмажаарино сунивад̇т̇з субааруд̇з субад̇д̇ад̇харз г̇ааманиг̇амаад̣̇ийсу бин̣д̣ааяа жарид̇ваа ж̇ийвигам̣ габбзнд̇з д̣̇исваа аб̣рахмажаарий самаано саяамби д̇аад̣̇исзна аагаарзна бадибаж̇ж̇анд̇о убосат̇аад̣̇ийсу санд̣̇иссанд̇о ‘‘ахамби б̣рахмажаарий’’д̇и бадин̃н̃ам̣ д̣̇знд̇о вияа ход̇ийд̇и б̣рахмажаарибадин̃н̃ам̣. бууд̇инаа гаммзна сийлавибад̇д̇ияаа анд̇о анубавидтад̇д̇аа анд̇обууд̇им̣. чахи д̣̇ваарзхи рааг̇аад̣̇игилзсавассанзна д̇инд̇ад̇д̇аа авассуд̇ам̣. сан̃ж̇аад̇арааг̇аад̣̇игажаварад̇д̇аа сийлаванд̇зхи чад̣д̣зд̇аб̣б̣ад̇д̇аа жа гасамб̣уж̇аад̇ам̣. маж̇жхз бхигкусан̇гхасса нисиннанд̇и сан̇гхабарияаабанно вияа бхигкусан̇гхасса анд̇о нисиннам̣. д̣̇идтосийд̇и аяам̣ бана на багад̇ад̇д̇од̇и бхаг̇авад̇аа д̣̇идто аси. яасмаа жа звам̣ д̣̇идто, д̇асмаа над̇т̇и д̇з д̇ава бхигкуухи сад̣̇д̇хим̣ згагаммаад̣̇исам̣ваасо. яасмаа бана со сам̣ваасо д̇ава над̇т̇и, д̇асмаа удтзхи, аавусод̇и звамзд̇т̇а бад̣̇аяож̇анаа взд̣̇ид̇аб̣б̣аа.
Lajjitabbatāya paṭicchādetabbakāraṇato paṭicchannaṃ kammantaṃ etassāti paṭicchannakammantaṃ. Kucchitasamaṇavesadhāritāya na samaṇanti assamaṇaṃ. Salākaggahaṇādīsu ‘‘kittakā samaṇā’’ti ca gaṇanāya ‘‘ahampi samaṇomhī’’ti micchāpaṭiññāya samaṇapaṭiññaṃ. Aseṭṭhacāritāya abrahmacāriṃ. Aññe brahmacārino sunivatthe supārute supattadhare gāmanigamādīsu piṇḍāya caritvā jīvikaṃ kappente disvā abrahmacārī samāno sayampi tādisena ākārena paṭipajjanto uposathādīsu sandissanto ‘‘ahampi brahmacārī’’ti paṭiññaṃ dento viya hotīti brahmacāripaṭiññaṃ. Pūtinā kammena sīlavipattiyā anto anupaviṭṭhattā antopūtiṃ. Chahi dvārehi rāgādikilesavassanena tintattā avassutaṃ. Sañjātarāgādikacavarattā sīlavantehi chaḍḍetabbattā ca kasambujātaṃ. Majjhe bhikkhusaṅghassa nisinnanti saṅghapariyāpanno viya bhikkhusaṅghassa anto nisinnaṃ. Diṭṭhosīti ayaṃ pana na pakatattoti bhagavatā diṭṭho asi. Yasmā ca evaṃ diṭṭho, tasmā natthi te tava bhikkhūhi saddhiṃ ekakammādisaṃvāso. Yasmā pana so saṃvāso tava natthi, tasmā uṭṭhehi, āvusoti evamettha padayojanā veditabbā.
д̇ад̇ияамби ко со буг̇г̇ало д̇ун̣хий ахосийд̇и анзгаваарам̣ вад̇вааби т̇зро ‘‘саяамзва ниб̣б̣инно орамиссад̇ий’’д̇и ваа, ‘‘ид̣̇аани имзсам̣ бадибад̇д̇им̣ ж̇ааниссаамий’’д̇и ваа ад̇хиббааязна д̇ун̣хий ахоси. б̣аахааяам̣ г̇ахзд̇ваад̇и бхаг̇авад̇аа маяаа жа яаат̇аавад̇о д̣̇идто, яаавад̇ад̇ияам̣ удтзхийд̇и вуд̇д̇о на удтаад̇и, ‘‘ид̣̇аанисса ниггад̣дханагаало маа сан̇гхасса убосат̇анд̇арааяо ахосий’’д̇и д̇ам̣ б̣аахааяам̣ аг̇г̇ахзси, д̇ат̇аа г̇ахзд̇ваа. б̣ахид̣̇ваарагодтагаа нигкаамзд̇ваад̇и д̣̇ваарагодтагасаалад̇о б̣ахи нигкаамзд̇ваа. б̣ахийд̇и бана нигкаамид̇адтаанад̣̇ассанам̣, ат̇а ваа б̣ахид̣̇ваарагодтагаад̇и б̣ахид̣̇ваарагодтагад̇оби нигкаамзд̇ваа, на анд̇од̣̇ваарагодтагад̇о, звам̣ убхаяат̇ааби вихаарад̇о б̣ахи гад̇ваад̇и ад̇т̇о. суужигхадигам̣ д̣̇ад̇ваад̇и аг̇г̇ал̣асуужин̃жа убаригхадиган̃жа аад̣̇ахид̇ваа, судтуд̇арам̣ гаваадам̣ т̇агзд̇ваад̇и ад̇т̇о. яаава б̣аахааг̇ахан̣ааби наамаад̇и иминаа ‘‘абарисуд̣̇д̇хаа, аананд̣̇а, барисаа’’д̇и важанам̣ суд̇ваа зва хи д̇зна баггамид̇аб̣б̣ам̣ сияаа, звам̣ абаггамид̇ваа яаава б̣аахааг̇ахан̣ааби наама со могхабурисо ааг̇амзссад̇ийд̇и ажчарияамид̣̇анд̇и д̣̇ассзд̇и. ид̣̇амби г̇арахан̣ажчарияамзваад̇и взд̣̇ид̇аб̣б̣ам̣.
Tatiyampi kho so puggalo tuṇhī ahosīti anekavāraṃ vatvāpi thero ‘‘sayameva nibbinno oramissatī’’ti vā, ‘‘idāni imesaṃ paṭipattiṃ jānissāmī’’ti vā adhippāyena tuṇhī ahosi. Bāhāyaṃ gahetvāti bhagavatā mayā ca yāthāvato diṭṭho, yāvatatiyaṃ uṭṭhehīti vutto na uṭṭhāti, ‘‘idānissa nikkaḍḍhanakālo mā saṅghassa uposathantarāyo ahosī’’ti taṃ bāhāyaṃ aggahesi, tathā gahetvā. Bahidvārakoṭṭhakā nikkhāmetvāti dvārakoṭṭhakasālato bahi nikkhāmetvā. Bahīti pana nikkhāmitaṭṭhānadassanaṃ, atha vā bahidvārakoṭṭhakāti bahidvārakoṭṭhakatopi nikkhāmetvā, na antodvārakoṭṭhakato, evaṃ ubhayathāpi vihārato bahi katvāti attho. Sūcighaṭikaṃ datvāti aggaḷasūciñca uparighaṭikañca ādahitvā, suṭṭhutaraṃ kavāṭaṃ thaketvāti attho. Yāva bāhāgahaṇāpi nāmāti iminā ‘‘aparisuddhā, ānanda, parisā’’ti vacanaṃ sutvā eva hi tena pakkamitabbaṃ siyā, evaṃ apakkamitvā yāva bāhāgahaṇāpi nāma so moghapuriso āgamessatīti acchariyamidanti dasseti. Idampi garahaṇacchariyamevāti veditabbaṃ.
ат̇а бхаг̇аваа жинд̇зси – ‘‘ид̣̇аани бхигкусан̇гхо аб̣б̣уд̣̇аж̇аад̇о, абарисуд̣̇д̇хаа буг̇г̇алаа убосат̇ам̣ ааг̇ажчанд̇и, на жа д̇ат̇ааг̇ад̇аа абарисуд̣̇д̇хааяа барисааяа убосат̇ам̣ гаронд̇и, баад̇имогкам̣ уд̣̇д̣̇исанд̇и, ануд̣̇д̣̇исанд̇з жа бхигкусан̇гхасса убосат̇о бажчиж̇ж̇ад̇и, яам̣нуунаахам̣ ид̇о бадтааяа бхигкуунам̣язва баад̇имогкуд̣̇д̣̇зсам̣ ануж̇аанзяяа’’нд̇и. звам̣ бана жинд̇зд̇ваа бхигкуунам̣язва баад̇имогкуд̣̇д̣̇зсам̣ ануж̇аани. д̇зна вуд̇д̇ам̣ – ‘‘ат̇а ко бхаг̇аваа…бз… баад̇имогкам̣ уд̣̇д̣̇исзяяаат̇аа’’д̇и.
Atha bhagavā cintesi – ‘‘idāni bhikkhusaṅgho abbudajāto, aparisuddhā puggalā uposathaṃ āgacchanti, na ca tathāgatā aparisuddhāya parisāya uposathaṃ karonti, pātimokkhaṃ uddisanti, anuddisante ca bhikkhusaṅghassa uposatho pacchijjati, yaṃnūnāhaṃ ito paṭṭhāya bhikkhūnaṃyeva pātimokkhuddesaṃ anujāneyya’’nti. Evaṃ pana cintetvā bhikkhūnaṃyeva pātimokkhuddesaṃ anujāni. Tena vuttaṃ – ‘‘atha kho bhagavā…pe… pātimokkhaṃ uddiseyyāthā’’ti.
д̇ад̇т̇а на д̣̇аанааханд̇и ид̣̇аани ахам̣ убосат̇ам̣ на гариссаами, баад̇имогкам̣ на уд̣̇д̣̇исиссаамийд̇и бажжзгам̣ на-гаарзна самб̣анд̇хо. д̣̇увид̇хан̃хи баад̇имогкам̣ аан̣аабаад̇имогкам̣ оваад̣̇абаад̇имогканд̇и. д̇зсу ‘‘сун̣аад̇у мз, бханд̇з’’д̇иаад̣̇игам̣ (махаава. 134) аан̣аабаад̇имогкам̣, д̇ам̣ саавагаава уд̣̇д̣̇исанд̇и, на б̣уд̣̇д̇хаа, аяам̣ анвад̣̇д̇хамаасам̣ уд̣̇д̣̇исияад̇и. ‘‘канд̇ий барамам̣…бз… саб̣б̣абаабасса агаран̣ам̣…бз… ануубаваад̣̇о ануубагхаад̇о…бз… зд̇ам̣ б̣уд̣̇д̇хаана саасана’’нд̇и (д̣̇ий. ни. 2.90; д̇ха. ба. 183-185) имаа бана д̇иссо г̇аат̇аа оваад̣̇абаад̇имогкам̣ наама, д̇ам̣ б̣уд̣̇д̇хаава уд̣̇д̣̇исанд̇и, на саавагаа, чаннамби вассаанам̣ ажжаязна уд̣̇д̣̇исанд̇и. д̣̇ийгхааяугаб̣уд̣̇д̇хаанан̃хи д̇харамаанагаалз аяамзва баад̇имогкуд̣̇д̣̇зсо , аббааяугаб̣уд̣̇д̇хаанам̣ бана батамаб̣од̇хияам̣язва. д̇ад̇о барам̣ ид̇аро, д̇ан̃жа ко бхигкуу зва уд̣̇д̣̇исанд̇и, на б̣уд̣̇д̇хаа, д̇асмаа амхаагамби бхаг̇аваа вийсад̇ивассамад̇д̇ам̣ оваад̣̇абаад̇имогкам̣ уд̣̇д̣̇исид̇ваа имам̣ анд̇арааяам̣ д̣̇исваа д̇ад̇о барам̣ на уд̣̇д̣̇иси. адтаананд̇и агааран̣ам̣. анавагаасод̇и д̇ассзва взважанам̣. гааран̣ан̃хи яат̇аа д̇идтад̇и зд̇т̇а палам̣ д̇ад̣̇ааяад̇д̇авуд̇д̇ид̇ааяаад̇и таананд̇и вужжад̇и, звам̣ анавагаасод̇иби вужжад̇ийд̇и. яанд̇и гирияаабараамасанам̣, д̇ам̣ хздтаа вуд̇д̇анаязна яож̇зд̇аб̣б̣ам̣.
Tattha na dānāhanti idāni ahaṃ uposathaṃ na karissāmi, pātimokkhaṃ na uddisissāmīti paccekaṃ na-kārena sambandho. Duvidhañhi pātimokkhaṃ āṇāpātimokkhaṃ ovādapātimokkhanti. Tesu ‘‘suṇātu me, bhante’’tiādikaṃ (mahāva. 134) āṇāpātimokkhaṃ, taṃ sāvakāva uddisanti, na buddhā, ayaṃ anvaddhamāsaṃ uddisiyati. ‘‘Khantī paramaṃ…pe… sabbapāpassa akaraṇaṃ…pe… anūpavādo anūpaghāto…pe… etaṃ buddhāna sāsana’’nti (dī. ni. 2.90; dha. pa. 183-185) imā pana tisso gāthā ovādapātimokkhaṃ nāma, taṃ buddhāva uddisanti, na sāvakā, channampi vassānaṃ accayena uddisanti. Dīghāyukabuddhānañhi dharamānakāle ayameva pātimokkhuddeso , appāyukabuddhānaṃ pana paṭhamabodhiyaṃyeva. Tato paraṃ itaro, tañca kho bhikkhū eva uddisanti, na buddhā, tasmā amhākampi bhagavā vīsativassamattaṃ ovādapātimokkhaṃ uddisitvā imaṃ antarāyaṃ disvā tato paraṃ na uddisi. Aṭṭhānanti akāraṇaṃ. Anavakāsoti tasseva vevacanaṃ. Kāraṇañhi yathā tiṭṭhati ettha phalaṃ tadāyattavuttitāyāti ṭhānanti vuccati, evaṃ anavakāsotipi vuccatīti. Yanti kiriyāparāmasanaṃ, taṃ heṭṭhā vuttanayena yojetabbaṃ.
адтимз, бхигкавз, махаасамуд̣̇д̣̇зд̇и го анусанд̇хи? явааяам̣ абарисуд̣̇д̇хааяа барисааяа баад̇имогкасса ануд̣̇д̣̇зсо вуд̇д̇о, со имасмим̣ д̇хаммавинаяз ажчарияо аб̣бхуд̇о д̇хаммод̇и д̇ам̣ абарзхи сад̇д̇ахи ажчарияаб̣бхуд̇ад̇хаммзхи сад̣̇д̇хим̣ вибхаж̇ид̇ваа д̣̇ассзд̇угаамо батамам̣ д̇аава д̇зсам̣ убамаабхаавзна махаасамуд̣̇д̣̇з адта ажчарияаб̣бхуд̇ад̇хаммз д̣̇ассзнд̇о сад̇т̇аа ‘‘адтимз, бхигкавз, махаасамуд̣̇д̣̇з’’д̇иаад̣̇имааха.
Aṭṭhime, bhikkhave, mahāsamuddeti ko anusandhi? Yvāyaṃ aparisuddhāya parisāya pātimokkhassa anuddeso vutto, so imasmiṃ dhammavinaye acchariyo abbhuto dhammoti taṃ aparehi sattahi acchariyabbhutadhammehi saddhiṃ vibhajitvā dassetukāmo paṭhamaṃ tāva tesaṃ upamābhāvena mahāsamudde aṭṭha acchariyabbhutadhamme dassento satthā ‘‘aṭṭhime, bhikkhave, mahāsamudde’’tiādimāha.
багад̇ид̣̇зваа вияа на суранд̇и на исанд̇и на вирожанд̇ийд̇и асураа, сураа наама д̣̇зваа, д̇зсам̣ бадибагкаад̇и ваа асураа, взбажид̇д̇ибахаараад̣̇аад̣̇аяо. д̇зсам̣ бхаванам̣ синзрусса хздтаабхааг̇з, д̇з д̇ад̇т̇а бависанд̇аа нигкаманд̇аа синзрубаад̣̇з ман̣д̣абаад̣̇им̣ нимминид̇ваа гийл̣анд̇аава абхираманд̇и. д̇ад̇т̇а д̇зсам̣ абхирад̇и имз г̇ун̣з д̣̇исваад̇и ааха – ‘‘яз д̣̇исваа д̣̇исваа асураа махаасамуд̣̇д̣̇з абхираманд̇ий’’д̇и. д̇ад̇т̇а абхираманд̇ийд̇и рад̇им̣ винд̣̇анд̇и, анугган̣тамаанаа васанд̇ийд̇и ад̇т̇о.
Pakatidevā viya na suranti na isanti na virocantīti asurā, surā nāma devā, tesaṃ paṭipakkhāti vā asurā, vepacittipahārādādayo. Tesaṃ bhavanaṃ sinerussa heṭṭhābhāge, te tattha pavisantā nikkhamantā sinerupāde maṇḍapādiṃ nimminitvā kīḷantāva abhiramanti. Tattha tesaṃ abhirati ime guṇe disvāti āha – ‘‘ye disvā disvā asurā mahāsamudde abhiramantī’’ti. Tattha abhiramantīti ratiṃ vindanti, anukkaṇṭhamānā vasantīti attho.
анубуб̣б̣аниннод̇иаад̣̇ийни саб̣б̣аани анубадибаадияаа ниннабхаавассзва взважанаани. на ааяад̇агзнзва бабаад̇од̇и на чиннад̇адо махаасоб̣бхо вияа аад̣̇ид̇о зва бабаад̇о. со хи д̇ийрад̣̇зсад̇о бадтааяа зган̇г̇улад̣̇ван̇г̇улавид̣̇ад̇т̇ирад̇анаяадтиусабхаад̣дхаг̇аавуд̇аг̇аавуд̇ад̣дхаяож̇анаад̣̇ивасзна г̇амбхийро худ̇ваа г̇ажчанд̇о г̇ажчанд̇о синзрубаад̣̇амуулз жад̇ураасийд̇ияож̇анасахассаг̇амбхийро худ̇ваа тид̇од̇и д̣̇ассзд̇и.
Anupubbaninnotiādīni sabbāni anupaṭipāṭiyā ninnabhāvasseva vevacanāni. Na āyatakeneva papātoti na chinnataṭo mahāsobbho viya ādito eva papāto. So hi tīradesato paṭṭhāya ekaṅguladvaṅgulavidatthiratanayaṭṭhiusabhaaḍḍhagāvutagāvutaḍḍhayojanādivasena gambhīro hutvā gacchanto gacchanto sinerupādamūle caturāsītiyojanasahassagambhīro hutvā ṭhitoti dasseti.
тид̇ад̇хаммод̇и тид̇асабхааво авадтид̇асабхааво. на мад̇зна гун̣абзна сам̣васад̇ийд̇и язна гзнажи хад̇т̇иассаад̣̇ийнам̣ гал̣зварзна сад̣̇д̇хим̣ на сам̣васад̇и. д̇ийрам̣ ваахзд̇ийд̇и д̇ийрам̣ абанзд̇и. т̇алам̣ уссаарзд̇ийд̇и хад̇т̇зна г̇ахзд̇ваа вияа вийжиббахаарзнзва т̇алз кибад̇и. г̇ан̇г̇аа яамунаад̇и анод̇ад̇д̇ад̣̇ахасса д̣̇агкин̣амукад̇о нигканд̇анад̣̇ий бан̃жа д̇хаараа худ̇ваа бавад̇д̇адтаанз г̇ан̇г̇аад̇иаад̣̇инаа бан̃жад̇хаа сан̇кам̣ г̇ад̇аа.
Ṭhitadhammoti ṭhitasabhāvo avaṭṭhitasabhāvo. Na matena kuṇapena saṃvasatīti yena kenaci hatthiassādīnaṃ kaḷevarena saddhiṃ na saṃvasati. Tīraṃ vāhetīti tīraṃ apaneti. Thalaṃ ussāretīti hatthena gahetvā viya vīcippahāreneva thale khipati. Gaṅgā yamunāti anotattadahassa dakkhiṇamukhato nikkhantanadī pañca dhārā hutvā pavattaṭṭhāne gaṅgātiādinā pañcadhā saṅkhaṃ gatā.
д̇ад̇рааяам̣ имаасам̣ над̣̇ийнам̣ аад̣̇ид̇о бадтааяа уббад̇д̇игат̇аа – аяан̃хи ж̇амб̣уд̣̇ийбо д̣̇асасахассаяож̇анабаримаан̣о, д̇ад̇т̇а жад̇усахассаяож̇анаббамаан̣о бад̣̇зсо уд̣̇агзна аж̇жход̇т̇адо самуд̣̇д̣̇од̇и сан̇кам̣ г̇ад̇о, д̇исахассаяож̇анаббамаан̣з мануссаа васанд̇и, д̇исахассаяож̇анаббамаан̣з химаваа бад̇идтид̇о уб̣б̣зд̇хзна бан̃жаяож̇анасад̇иго жад̇ураасийд̇игуудасахассабадиман̣д̣ид̇о саманд̇ад̇о санд̣̇амаанабан̃жасад̇анад̣̇ийвижид̇д̇о, яад̇т̇а ааяаамзна вид̇т̇аарзна г̇амбхийрад̇ааяа жа бан̣н̣аасаяож̇анаббамаан̣о д̣̇ияад̣дхаяож̇анасад̇абариман̣д̣ало анод̇ад̇д̇ад̣̇ахо ган̣н̣амун̣д̣ад̣̇ахо рат̇агаарад̣̇ахо чад̣̇д̣̇анд̇ад̣̇ахо гун̣аалад̣̇ахо манд̣̇аагинид̣̇ахо сийхабабаад̇ад̣̇аход̇и сад̇д̇а махаасараа бад̇идтид̇аа.
Tatrāyaṃ imāsaṃ nadīnaṃ ādito paṭṭhāya uppattikathā – ayañhi jambudīpo dasasahassayojanaparimāṇo, tattha catusahassayojanappamāṇo padeso udakena ajjhotthaṭo samuddoti saṅkhaṃ gato, tisahassayojanappamāṇe manussā vasanti, tisahassayojanappamāṇe himavā patiṭṭhito ubbedhena pañcayojanasatiko caturāsītikūṭasahassapaṭimaṇḍito samantato sandamānapañcasatanadīvicitto, yattha āyāmena vitthārena gambhīratāya ca paṇṇāsayojanappamāṇo diyaḍḍhayojanasataparimaṇḍalo anotattadaho kaṇṇamuṇḍadaho rathakāradaho chaddantadaho kuṇāladaho mandākinidaho sīhapapātadahoti satta mahāsarā patiṭṭhitā.
д̇зсу анод̇ад̇д̇ад̣̇ахо суд̣̇ассанагуудам̣ жид̇д̇агуудам̣ гаал̣агуудам̣ г̇анд̇хамаад̣̇анагуудам̣ гзлаасагууданд̇и имзхи бан̃жахи баб̣б̣ад̇агуудзхи баригкид̇д̇о. д̇ад̇т̇а суд̣̇ассанагуудам̣ сован̣н̣амаяам̣ д̇ияож̇анасад̇уб̣б̣зд̇хам̣ анд̇ован̇гам̣ гаагамукасан̣таанам̣ д̇амзва сарам̣ бадижчаад̣̇зд̇ваа тид̇ам̣, жид̇д̇агуудам̣ сад̇д̇арад̇анамаяам̣. гаал̣агуудам̣ ан̃ж̇анамаяам̣. г̇анд̇хамаад̣̇анагуудам̣ масаараг̇алламаяам̣ аб̣бханд̇арз муг̇г̇аван̣н̣ам̣; муулаг̇анд̇хо, саараг̇анд̇хо, пзг̇г̇уг̇анд̇хо, д̇ажаг̇анд̇хо, бабадигааг̇анд̇хо, канд̇хаг̇анд̇хо, расаг̇анд̇хо, бубпаг̇анд̇хо, палаг̇анд̇хо, бад̇д̇аг̇анд̇ход̇и имзхи д̣̇асахи г̇анд̇хзхи уссаннам̣, наанаббагаараосад̇хасан̃чаннам̣, гаал̣абагкубосат̇ад̣̇ивасз аад̣̇ид̇д̇ам̣ вияа ан̇г̇аарам̣ баж̇ж̇аланд̇ам̣ д̇идтад̇и. гзлаасагуудам̣ раж̇ад̇амаяам̣. саб̣б̣аани жзд̇аани суд̣̇ассанзна самаануб̣б̣зд̇хасан̣таанаани д̇амзва сарам̣ бадижчаад̣̇зд̇ваа тид̇аани. д̇ад̇т̇а д̣̇зваанубхаавзна нааг̇аанубхаавзна жа д̣̇зво вассад̇и, над̣̇ияо жа санд̣̇анд̇и, д̇ам̣ саб̣б̣амби уд̣̇агам̣ анод̇ад̇д̇амзва бависад̇и, жанд̣̇имасуурияаа д̣̇агкин̣зна ваа уд̇д̇арзна ваа г̇ажчанд̇аа баб̣б̣ад̇анд̇арзна д̇ад̇т̇а обхаасам̣ гаронд̇и, уж̇угам̣ г̇ажчанд̇аа на гаронд̇и, д̇знзвасса ‘‘анод̇ад̇д̇а’’нд̇и сан̇каа уд̣̇абаад̣̇и.
Tesu anotattadaho sudassanakūṭaṃ cittakūṭaṃ kāḷakūṭaṃ gandhamādanakūṭaṃ kelāsakūṭanti imehi pañcahi pabbatakūṭehi parikkhitto. Tattha sudassanakūṭaṃ sovaṇṇamayaṃ tiyojanasatubbedhaṃ antovaṅkaṃ kākamukhasaṇṭhānaṃ tameva saraṃ paṭicchādetvā ṭhitaṃ, cittakūṭaṃ sattaratanamayaṃ. Kāḷakūṭaṃ añjanamayaṃ. Gandhamādanakūṭaṃ masāragallamayaṃ abbhantare muggavaṇṇaṃ; mūlagandho, sāragandho, pheggugandho, tacagandho, papaṭikāgandho, khandhagandho, rasagandho, pupphagandho, phalagandho, pattagandhoti imehi dasahi gandhehi ussannaṃ, nānappakāraosadhasañchannaṃ, kāḷapakkhuposathadivase ādittaṃ viya aṅgāraṃ pajjalantaṃ tiṭṭhati. Kelāsakūṭaṃ rajatamayaṃ. Sabbāni cetāni sudassanena samānubbedhasaṇṭhānāni tameva saraṃ paṭicchādetvā ṭhitāni. Tattha devānubhāvena nāgānubhāvena ca devo vassati, nadiyo ca sandanti, taṃ sabbampi udakaṃ anotattameva pavisati, candimasūriyā dakkhiṇena vā uttarena vā gacchantā pabbatantarena tattha obhāsaṃ karonti, ujukaṃ gacchantā na karonti, tenevassa ‘‘anotatta’’nti saṅkhā udapādi.
д̇ад̇т̇а рад̇анамаяаманун̃н̃асобаанасилаад̇алаани ниммажчагажчабаани палигасад̣̇исаани ниммалууд̣̇агаани д̇ад̣̇убабхог̇асад̇д̇аанам̣ гамманиб̣б̣ад̇д̇аанзва нахаанад̇ид̇т̇аани жа хонд̇и, яад̇т̇а б̣уд̣̇д̇хабажжзгаб̣уд̣̇д̇хаа ид̣̇д̇химанд̇о саавагаа исаяо жа нахаанаад̣̇ийни гаронд̇и, д̣̇зваяагкаад̣̇аяо уд̣̇агагийл̣ам̣ гийл̣анд̇и.
Tattha ratanamayamanuññasopānasilātalāni nimmacchakacchapāni phalikasadisāni nimmalūdakāni tadupabhogasattānaṃ kammanibbattāneva nahānatitthāni ca honti, yattha buddhapaccekabuddhā iddhimanto sāvakā isayo ca nahānādīni karonti, devayakkhādayo udakakīḷaṃ kīḷanti.
д̇асса жад̇уусу бассзсу сийхамукам̣, хад̇т̇имукам̣, ассамукам̣, усабхамуканд̇и жад̇д̇аари уд̣̇аганигкаманамукаани хонд̇и, язхи жад̇ассо над̣̇ияо санд̣̇анд̇и. сийхамукзна нигканд̇анад̣̇ийд̇ийрз гзсарасийхаа б̣ахуд̇араа хонд̇и, д̇ат̇аа хад̇т̇имукаад̣̇ийхи хад̇т̇иассаусабхаа. бурад̇т̇имад̣̇исад̇о нигканд̇анад̣̇ий анод̇ад̇д̇ам̣ д̇игкад̇д̇ум̣ бад̣̇агкин̣ам̣ гад̇ваа ид̇араа д̇иссо над̣̇ияо анубаг̇амма баажийнахимаванд̇знзва амануссабат̇ам̣ г̇анд̇ваа махаасамуд̣̇д̣̇ам̣ бависад̇и. бажчимад̣̇исад̇о уд̇д̇арад̣̇исад̇о жа нигканд̇анад̣̇ияоби д̇ат̇зва бад̣̇агкин̣ам̣ гад̇ваа бажчимахимаванд̇знзва уд̇д̇арахимаванд̇знзва жа амануссабат̇ам̣ г̇анд̇ваа махаасамуд̣̇д̣̇ам̣ бависанд̇и.
Tassa catūsu passesu sīhamukhaṃ, hatthimukhaṃ, assamukhaṃ, usabhamukhanti cattāri udakanikkhamanamukhāni honti, yehi catasso nadiyo sandanti. Sīhamukhena nikkhantanadītīre kesarasīhā bahutarā honti, tathā hatthimukhādīhi hatthiassausabhā. Puratthimadisato nikkhantanadī anotattaṃ tikkhattuṃ padakkhiṇaṃ katvā itarā tisso nadiyo anupagamma pācīnahimavanteneva amanussapathaṃ gantvā mahāsamuddaṃ pavisati. Pacchimadisato uttaradisato ca nikkhantanadiyopi tatheva padakkhiṇaṃ katvā pacchimahimavanteneva uttarahimavanteneva ca amanussapathaṃ gantvā mahāsamuddaṃ pavisanti.
д̣̇агкин̣ад̣̇исад̇о нигканд̇анад̣̇ий бана д̇ам̣ д̇игкад̇д̇ум̣ бад̣̇агкин̣ам̣ гад̇ваа д̣̇агкин̣зна уж̇угам̣ баасаан̣абидтзнзва садтияож̇анаани г̇анд̇ваа баб̣б̣ад̇ам̣ бахарид̇ваа удтааяа баригкзбзна д̇иг̇аавуд̇аббамаан̣ауд̣̇агад̇хаараа худ̇ваа аагаасзна садтияож̇анаани г̇анд̇ваа д̇ияаг̇г̇ал̣з наама баасаан̣з бад̇ид̇аа, баасаан̣о уд̣̇агад̇хаараавзг̇зна бхинно. д̇ад̇т̇а бан̃н̃аасаяож̇анаббамаан̣аа д̇ияаг̇г̇ал̣аа наама богкаран̣ий ж̇аад̇аа, богкаран̣ияаа гуулам̣ бхинд̣̇ид̇ваа баасаан̣ам̣ бависид̇ваа садтияож̇анаани г̇анд̇ваа д̇ад̇о гханабат̇авим̣ бхинд̣̇ид̇ваа уман̇г̇зна садтияож̇анаани г̇анд̇ваа вин̃жхам̣ наама д̇иражчаанабаб̣б̣ад̇ам̣ бахарид̇ваа хад̇т̇ад̇алз бан̃жан̇г̇улисад̣̇исаа бан̃жад̇хаараа худ̇ваа бавад̇д̇анд̇и.
Dakkhiṇadisato nikkhantanadī pana taṃ tikkhattuṃ padakkhiṇaṃ katvā dakkhiṇena ujukaṃ pāsāṇapiṭṭheneva saṭṭhiyojanāni gantvā pabbataṃ paharitvā uṭṭhāya parikkhepena tigāvutappamāṇaudakadhārā hutvā ākāsena saṭṭhiyojanāni gantvā tiyaggaḷe nāma pāsāṇe patitā, pāsāṇo udakadhārāvegena bhinno. Tattha paññāsayojanappamāṇā tiyaggaḷā nāma pokkharaṇī jātā, pokkharaṇiyā kūlaṃ bhinditvā pāsāṇaṃ pavisitvā saṭṭhiyojanāni gantvā tato ghanapathaviṃ bhinditvā umaṅgena saṭṭhiyojanāni gantvā viñjhaṃ nāma tiracchānapabbataṃ paharitvā hatthatale pañcaṅgulisadisā pañcadhārā hutvā pavattanti.
саа д̇игкад̇д̇ум̣ анод̇ад̇д̇ам̣ бад̣̇агкин̣ам̣ гад̇ваа г̇ад̇адтаанз ‘‘ааваддаг̇ан̇г̇аа’’д̇и вужжад̇и, уж̇угам̣ баасаан̣абидтзна садтияож̇анаани г̇ад̇адтаанз ‘‘ган̣хаг̇ан̇г̇аа’’д̇и, аагаасзна садтияож̇анаани г̇ад̇адтаанз ‘‘аагаасаг̇ан̇г̇аа’’д̇и, д̇ияаг̇г̇ал̣абаасаан̣з бан̃н̃аасаяож̇аногаасз тид̇аа ‘‘д̇ияаг̇г̇ал̣абогкаран̣ий’’д̇и, гуулам̣ бхинд̣̇ид̇ваа баасаан̣ам̣ бависид̇ваа садтияож̇анаани г̇ад̇адтаанз ‘‘б̣ахалаг̇ан̇г̇аа’’д̇и, уман̇г̇зна садтияож̇анаани г̇ад̇адтаанз ‘‘уман̇г̇аг̇ан̇г̇аа’’д̇и вужжад̇и, вин̃жхам̣ наама д̇иражчаанабаб̣б̣ад̇ам̣ бахарид̇ваа бан̃жад̇хаараа худ̇ваа бавад̇д̇адтаанз г̇ан̇г̇аа, яамунаа, ажиравад̇ий, сарабхуу, махийд̇и бан̃жад̇хаа сан̇кам̣ г̇ад̇аа. звамзд̇аа бан̃жа махаанад̣̇ияо химаванд̇ад̇о бавад̇д̇анд̇ийд̇и взд̣̇ид̇аб̣б̣аа.
Sā tikkhattuṃ anotattaṃ padakkhiṇaṃ katvā gataṭṭhāne ‘‘āvaṭṭagaṅgā’’ti vuccati, ujukaṃ pāsāṇapiṭṭhena saṭṭhiyojanāni gataṭṭhāne ‘‘kaṇhagaṅgā’’ti, ākāsena saṭṭhiyojanāni gataṭṭhāne ‘‘ākāsagaṅgā’’ti, tiyaggaḷapāsāṇe paññāsayojanokāse ṭhitā ‘‘tiyaggaḷapokkharaṇī’’ti, kūlaṃ bhinditvā pāsāṇaṃ pavisitvā saṭṭhiyojanāni gataṭṭhāne ‘‘bahalagaṅgā’’ti, umaṅgena saṭṭhiyojanāni gataṭṭhāne ‘‘umaṅgagaṅgā’’ti vuccati, viñjhaṃ nāma tiracchānapabbataṃ paharitvā pañcadhārā hutvā pavattaṭṭhāne gaṅgā, yamunā, aciravatī, sarabhū, mahīti pañcadhā saṅkhaṃ gatā. Evametā pañca mahānadiyo himavantato pavattantīti veditabbā.
д̇ад̇т̇а над̣̇ий ниннаг̇аад̇иаад̣̇игам̣ г̇од̇д̇ам̣, г̇ан̇г̇аа яамунаад̇иаад̣̇игам̣ наамам̣. саванд̇ияод̇и яаа гаажи савамаанаа санд̣̇амаанаа г̇ажчанд̇ияо махаанад̣̇ияо ваа гуннад̣̇ияо ваа. аббзнд̇ийд̇и аллийяанд̇и осаранд̇и. д̇хаараад̇и вудтид̇хаараа. буурад̇д̇анд̇и бун̣н̣абхааво. махаасамуд̣̇д̣̇асса хи аяам̣ д̇хаммад̇аа – ‘‘имасмим̣ гаалз д̣̇зво манд̣̇о ж̇аад̇о, ж̇аалагкибаад̣̇ийни аад̣̇ааяа мажчагажчабз г̇ан̣хиссаамаа’’д̇и ваа ‘‘имасмим̣ гаалз ад̇имаханд̇ий вудти, на лабхиссаама ну ко бидтибасааран̣адтаана’’нд̇и ваа д̇ам̣ на саггаа вад̇д̇ум̣. батамагаббигагаалад̇о бадтааяа хи яам̣ вассид̇ваа синзрумзкалам̣ аахажжа уд̣̇агам̣ тид̇ам̣, д̇ам̣ д̇ад̇о зган̇г̇уламад̇д̇амби уд̣̇агам̣ нзва хздтаа од̇арад̇и, на уд̣̇д̇хам̣ уд̇д̇арад̇и.
Tattha nadī ninnagātiādikaṃ gottaṃ, gaṅgā yamunātiādikaṃ nāmaṃ. Savantiyoti yā kāci savamānā sandamānā gacchantiyo mahānadiyo vā kunnadiyo vā. Appentīti allīyanti osaranti. Dhārāti vuṭṭhidhārā. Pūrattanti puṇṇabhāvo. Mahāsamuddassa hi ayaṃ dhammatā – ‘‘imasmiṃ kāle devo mando jāto, jālakkhipādīni ādāya macchakacchape gaṇhissāmā’’ti vā ‘‘imasmiṃ kāle atimahantī vuṭṭhi, na labhissāma nu kho piṭṭhipasāraṇaṭṭhāna’’nti vā taṃ na sakkā vattuṃ. Paṭhamakappikakālato paṭṭhāya hi yaṃ vassitvā sinerumekhalaṃ āhacca udakaṃ ṭhitaṃ, taṃ tato ekaṅgulamattampi udakaṃ neva heṭṭhā otarati, na uddhaṃ uttarati.
згарасод̇и асамбхиннарасо. муд̇д̇аад̇и куд̣̇д̣̇агамаханд̇аваддад̣̇ийгхаад̣̇ибхзд̣̇аа анзгавид̇хаа муд̇д̇аа. ман̣ийд̇и рад̇д̇анийлаад̣̇ибхзд̣̇о анзгавид̇хо ман̣и. взл̣урияод̇и вам̣саван̣н̣асирийсабубпаван̣н̣аад̣̇исан̣таанад̇о анзгавид̇хо. сан̇код̇и д̣̇агкин̣аавад̇д̇ад̇амб̣агужчигад̇хаманасан̇каад̣̇ибхзд̣̇о анзгавид̇хо. силаад̇и сзд̇агаал̣амуг̇г̇аван̣н̣аад̣̇ибхзд̣̇аа анзгавид̇хаа. баваал̣анд̇и куд̣̇д̣̇агамаханд̇аманд̣̇арад̇д̇агханарад̇д̇аад̣̇ибхзд̣̇ам̣ анзгавид̇хам̣. лохид̇ан̇г̇од̇и бад̣̇умарааг̇аад̣̇ибхзд̣̇о анзгавид̇хо масаараг̇алланд̇и габ̣араман̣и. ‘‘жид̇д̇апалига’’нд̇иби вад̣̇анд̇и.
Ekarasoti asambhinnaraso. Muttāti khuddakamahantavaṭṭadīghādibhedā anekavidhā muttā. Maṇīti rattanīlādibhedo anekavidho maṇi. Veḷuriyoti vaṃsavaṇṇasirīsapupphavaṇṇādisaṇṭhānato anekavidho. Saṅkhoti dakkhiṇāvattatambakucchikadhamanasaṅkhādibhedo anekavidho. Silāti setakāḷamuggavaṇṇādibhedā anekavidhā. Pavāḷanti khuddakamahantamandarattaghanarattādibhedaṃ anekavidhaṃ. Lohitaṅgoti padumarāgādibhedo anekavidho masāragallanti kabaramaṇi. ‘‘Cittaphalika’’ntipi vadanti.
махад̇ам̣ бхууд̇аананд̇и маханд̇аанам̣ сад̇д̇аанам̣. д̇имид̇имин̇г̇алаад̣̇игаа д̇иссо мажчаж̇аад̇ияо. д̇имим̣ г̇иланасамад̇т̇аа д̇имин̇г̇алаа, д̇имин̃жа д̇имин̇г̇алан̃жа г̇иланасамад̇т̇аа ‘‘д̇имид̇имин̇г̇алаа’’д̇и вад̣̇анд̇и. нааг̇аад̇и уумибидтиваасиноби вимаанадтаганааг̇ааби.
Mahataṃbhūtānanti mahantānaṃ sattānaṃ. Timitimiṅgalādikā tisso macchajātiyo. Timiṃ gilanasamatthā timiṅgalā, timiñca timiṅgalañca gilanasamatthā ‘‘timitimiṅgalā’’ti vadanti. Nāgāti ūmipiṭṭhivāsinopi vimānaṭṭhakanāgāpi.
звамзва код̇и гин̃жааби сад̇т̇аа имасмим̣ д̇хаммавинаяз сол̣асаби б̣аад̇д̇им̣саби д̇ад̇о бхияяоби ажчарияаб̣бхуд̇ад̇хаммз вибхаж̇ид̇ваа д̣̇ассзд̇ум̣ саггод̇и, д̇ад̣̇аа убамаабхаавзна бана г̇ахид̇аанам̣ адтаннам̣ ануруубавасзна адтзва д̇з убамзд̇аб̣б̣ад̇хаммз вибхаж̇ид̇ваа д̣̇ассзнд̇о ‘‘звамзва ко, бхигкавз, имасмим̣ д̇хаммавинаяз адта ажчарияаа аб̣бхуд̇аа д̇хаммаа’’д̇иаад̣̇имааха.
Evamevakhoti kiñcāpi satthā imasmiṃ dhammavinaye soḷasapi bāttiṃsapi tato bhiyyopi acchariyabbhutadhamme vibhajitvā dassetuṃ sakkoti, tadā upamābhāvena pana gahitānaṃ aṭṭhannaṃ anurūpavasena aṭṭheva te upametabbadhamme vibhajitvā dassento ‘‘evameva kho, bhikkhave, imasmiṃ dhammavinaye aṭṭha acchariyā abbhutā dhammā’’tiādimāha.
д̇ад̇т̇а анубуб̣б̣асигкааяа д̇иссо бхигкаа г̇ахид̇аа, анубуб̣б̣агирияааяа д̇зраса д̇худ̇ан̇г̇ад̇хаммаа, анубуб̣б̣абадибад̣̇ааяа сад̇д̇а анубассанаа адтаараса махаавибассанаа адтад̇им̣са аарамман̣авибхад̇д̇ияо сад̇д̇ад̇им̣са б̣од̇хибагкияад̇хаммаа жа г̇ахид̇аа. на ааяад̇агзнзва ан̃н̃аабадивзд̇ход̇и ман̣д̣уугасса уббад̇ид̇ваа г̇аманам̣ вияа аад̣̇ид̇ова сийлабууран̣аад̣̇ийни агад̇ваа арахад̇д̇абадивзд̇хо наама над̇т̇и, бадибаадияаа бана сийласамаад̇хибан̃н̃ааяо буурзд̇ваава арахад̇д̇аббад̇д̇ийд̇и ад̇т̇о.
Tattha anupubbasikkhāya tisso bhikkhā gahitā, anupubbakiriyāya terasa dhutaṅgadhammā, anupubbapaṭipadāya satta anupassanā aṭṭhārasa mahāvipassanā aṭṭhatiṃsa ārammaṇavibhattiyo sattatiṃsa bodhipakkhiyadhammā ca gahitā. Na āyatakeneva aññāpaṭivedhoti maṇḍūkassa uppatitvā gamanaṃ viya āditova sīlapūraṇādīni akatvā arahattapaṭivedho nāma natthi, paṭipāṭiyā pana sīlasamādhipaññāyo pūretvāva arahattappattīti attho.
мама саавагаад̇и сод̇аабаннаад̣̇игз арияабуг̇г̇алз санд̇хааяа вад̣̇ад̇и. на сам̣васад̇ийд̇и убосат̇агаммаад̣̇ивасзна сам̣ваасам̣ на гарод̇и. угкибад̇ийд̇и абанзд̇и. аарагааваад̇и д̣̇уурзязва. на д̇зна ниб̣б̣аанад̇хаад̇уяаа уунад̇д̇ам̣ ваа буурад̇д̇ам̣ ваад̇и асан̇кязяязби махаагаббз б̣уд̣̇д̇хзсу ануббаж̇ж̇анд̇зсу згасад̇д̇оби бариниб̣б̣аад̇ум̣ на саггод̇и, д̇ад̣̇ааби ‘‘д̇ужчаа ниб̣б̣аанад̇хаад̇уу’’д̇и на саггаа вад̇д̇ум̣, б̣уд̣̇д̇хагаалз бана згзгасмим̣ самааг̇амз асан̇кязяяааби сад̇д̇аа амад̇ам̣ аараад̇хзнд̇и, д̇ад̣̇ааби на саггаа вад̇д̇ум̣ ‘‘буураа ниб̣б̣аанад̇хаад̇уу’’д̇и. вимуд̇д̇ирасод̇и гилзсзхи вимужжанарасо. саб̣б̣аа хи саасанасса самбад̇д̇и яаавад̣̇зва анубаад̣̇ааяа аасавзхи жид̇д̇асса вимуд̇д̇ияаа ход̇и.
Mama sāvakāti sotāpannādike ariyapuggale sandhāya vadati. Na saṃvasatīti uposathakammādivasena saṃvāsaṃ na karoti. Ukkhipatīti apaneti. Ārakāvāti dūreyeva. Na tena nibbānadhātuyā ūnattaṃ vā pūrattaṃ vāti asaṅkhyeyyepi mahākappe buddhesu anuppajjantesu ekasattopi parinibbātuṃ na sakkoti, tadāpi ‘‘tucchā nibbānadhātū’’ti na sakkā vattuṃ, buddhakāle pana ekekasmiṃ samāgame asaṅkhyeyyāpi sattā amataṃ ārādhenti, tadāpi na sakkā vattuṃ ‘‘pūrā nibbānadhātū’’ti. Vimuttirasoti kilesehi vimuccanaraso. Sabbā hi sāsanassa sampatti yāvadeva anupādāya āsavehi cittassa vimuttiyā hoti.
рад̇анаанийд̇и рад̇иж̇ананадтзна рад̇анаани. сад̇ибадтаанаад̣̇аяо хи бхаавияамаанаа буб̣б̣абхааг̇зби анаббагам̣ бийд̇ибаамож̇ж̇ам̣ ниб̣б̣ад̇д̇знд̇и, баг̇зва абарабхааг̇з. вуд̇д̇ан̃хзд̇ам̣ –
Ratanānīti ratijananaṭṭhena ratanāni. Satipaṭṭhānādayo hi bhāviyamānā pubbabhāgepi anappakaṃ pītipāmojjaṃ nibbattenti, pageva aparabhāge. Vuttañhetaṃ –
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 374) –
Labhatī pītipāmojjaṃ, amataṃ taṃ vijānata’’nti. (dha. pa. 374) –
логияарад̇ананимид̇д̇ам̣ бана бийд̇ибаамож̇ж̇ам̣ на д̇асса галабхааг̇амби аг̇гхад̇ийд̇и аяамад̇т̇о хздтаа д̣̇ассид̇о зва. абижа –
Lokiyaratananimittaṃ pana pītipāmojjaṃ na tassa kalabhāgampi agghatīti ayamattho heṭṭhā dassito eva. Apica –
‘‘жид̇д̇ийгад̇ам̣ махаг̇гхан̃жа, ад̇улам̣ д̣̇уллабхад̣̇ассанам̣;
‘‘Cittīkataṃ mahagghañca, atulaṃ dullabhadassanaṃ;
аномасад̇д̇абарибхог̇ам̣, ‘рад̇ана’нд̇и бавужжад̇ий’’д̇и.
Anomasattaparibhogaṃ, ‘ratana’nti pavuccatī’’ti.
яад̣̇и жа жид̇д̇ийгад̇аад̣̇ибхаавзна рад̇анам̣ наама ход̇и, сад̇ибадтаанаад̣̇ийнам̣язва бхууд̇ад̇о рад̇анабхааво. б̣од̇хибагкияад̇хаммаанан̃хи со аанубхааво, яам̣ саавагаа саавагабаарамийн̃аан̣ам̣, бажжзгаб̣уд̣̇д̇хаа бажжзгаб̣од̇хин̃аан̣ам̣, саммаасамб̣уд̣̇д̇хаа саммаасамб̣од̇хим̣ ад̇хиг̇ажчанд̇ийд̇и аасаннагааран̣ад̇д̇аа. барамбарагааран̣ан̃хи д̣̇аанаад̣̇иубаниссаяод̇и звам̣ рад̇иж̇ананадтзна жид̇д̇ийгад̇аад̣̇иад̇т̇зна жа рад̇анабхааво б̣од̇хибагкияад̇хаммаанам̣ саад̇исаяо. д̇зна вуд̇д̇ам̣ – ‘‘д̇ад̇римаани рад̇анаани, сзяяат̇ид̣̇ам̣, жад̇д̇ааро сад̇ибадтаанаа’’д̇иаад̣̇и.
Yadi ca cittīkatādibhāvena ratanaṃ nāma hoti, satipaṭṭhānādīnaṃyeva bhūtato ratanabhāvo. Bodhipakkhiyadhammānañhi so ānubhāvo, yaṃ sāvakā sāvakapāramīñāṇaṃ, paccekabuddhā paccekabodhiñāṇaṃ, sammāsambuddhā sammāsambodhiṃ adhigacchantīti āsannakāraṇattā. Paramparakāraṇañhi dānādiupanissayoti evaṃ ratijananaṭṭhena cittīkatādiatthena ca ratanabhāvo bodhipakkhiyadhammānaṃ sātisayo. Tena vuttaṃ – ‘‘tatrimāni ratanāni, seyyathidaṃ, cattāro satipaṭṭhānā’’tiādi.
д̇ад̇т̇а аарамман̣з багканд̣̇ид̇ваа убадтаанадтзна бадтаанам̣, сад̇иязва бадтаанам̣ сад̇ибадтаанам̣. аарамман̣асса бана гааяаад̣̇ивасзна жад̇уб̣б̣ид̇хад̇д̇аа вуд̇д̇ам̣ ‘‘жад̇д̇ааро сад̇ибадтаанаа’’д̇и. д̇ат̇аа хи гааяавзд̣̇анаажид̇д̇ад̇хаммзсу субхасуканижжаад̇д̇асан̃н̃аанам̣ бахаанад̇о асубхад̣̇угкаанижжаанад̇д̇ад̇ааг̇ахан̣ад̇о жа нзсам̣ гааяаанубассанаад̣̇ибхааво вибхад̇д̇о.
Tattha ārammaṇe pakkhanditvā upaṭṭhānaṭṭhena paṭṭhānaṃ, satiyeva paṭṭhānaṃ satipaṭṭhānaṃ. Ārammaṇassa pana kāyādivasena catubbidhattā vuttaṃ ‘‘cattāro satipaṭṭhānā’’ti. Tathā hi kāyavedanācittadhammesu subhasukhaniccaattasaññānaṃ pahānato asubhadukkhāniccānattatāgahaṇato ca nesaṃ kāyānupassanādibhāvo vibhatto.
саммаа бад̣̇аханд̇и зд̇зна, саяам̣ ваа саммаа бад̣̇ахад̇и, басад̇т̇ам̣, сунд̣̇арам̣ ваа бад̣̇аханд̇и саммаббад̇хаанам̣. буг̇г̇аласса ваа саммад̣̇зва бад̇хаанабхаавагаран̣ад̇о саммаббад̇хаанам̣. вийрияассзд̇ам̣ ад̇хиважанам̣. д̇амби ануббаннуббаннаанам̣ агусалаанам̣ ануббаад̣̇анабахаанавасзна ануббаннуббаннаанам̣ гусалаанам̣ д̇хаммаанам̣ уббаад̣̇анабхааванавасзна жа жад̇угижжам̣ гад̇ваа вуд̇д̇ам̣ ‘‘жад̇д̇ааро саммаббад̇хаанаа’’д̇и.
Sammā padahanti etena, sayaṃ vā sammā padahati, pasatthaṃ, sundaraṃ vā padahanti sammappadhānaṃ. Puggalassa vā sammadeva padhānabhāvakaraṇato sammappadhānaṃ. Vīriyassetaṃ adhivacanaṃ. Tampi anuppannuppannānaṃ akusalānaṃ anuppādanapahānavasena anuppannuppannānaṃ kusalānaṃ dhammānaṃ uppādanabhāvanavasena ca catukiccaṃ katvā vuttaṃ ‘‘cattāro sammappadhānā’’ti.
иж̇жхад̇ийд̇и ид̣̇д̇хи, самиж̇жхад̇и нибпаж̇ж̇ад̇ийд̇и ад̇т̇о. иж̇жханд̇и ваа зд̇ааяа сад̇д̇аа ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇и ид̣̇д̇хи. ид̇и батамзна ад̇т̇зна ид̣̇д̇хи зва баад̣̇о ид̣̇д̇хибаад̣̇о, ид̣̇д̇хигодтаасод̇и ад̇т̇о . д̣̇уд̇иязна ад̇т̇зна ид̣̇д̇хияаа баад̣̇о бад̇идтаа ад̇хиг̇амуубааяод̇и ид̣̇д̇хибаад̣̇о. д̇зна хи убаруубаривисзсасан̇каад̇ам̣ ид̣̇д̇хим̣ баж̇ж̇анд̇и баабун̣анд̇и, свааяам̣ ид̣̇д̇хибаад̣̇о яасмаа чанд̣̇аад̣̇игз жад̇д̇ааро ад̇хибад̇ид̇хаммз д̇хурз ж̇здтагз гад̇ваа ниб̣б̣ад̇д̇ияад̇и, д̇асмаа вуд̇д̇ам̣ ‘‘жад̇д̇ааро ид̣̇д̇хибаад̣̇аа’’д̇и.
Ijjhatīti iddhi, samijjhati nipphajjatīti attho. Ijjhanti vā etāya sattā iddhā vuddhā ukkaṃsagatā hontīti iddhi. Iti paṭhamena atthena iddhi eva pādo iddhipādo, iddhikoṭṭhāsoti attho . Dutiyena atthena iddhiyā pādo patiṭṭhā adhigamūpāyoti iddhipādo. Tena hi uparūparivisesasaṅkhātaṃ iddhiṃ pajjanti pāpuṇanti, svāyaṃ iddhipādo yasmā chandādike cattāro adhipatidhamme dhure jeṭṭhake katvā nibbattiyati, tasmā vuttaṃ ‘‘cattāro iddhipādā’’ti.
бан̃жинд̣̇рияаанийд̇и сад̣̇д̇хаад̣̇ийни бан̃жа инд̣̇рияаани. д̇ад̇т̇а ассад̣̇д̇хияам̣ абхибхавид̇ваа ад̇химогкалагкан̣з инд̣̇адтам̣ гаарзд̇ийд̇и сад̣̇д̇хинд̣̇рияам̣, госаж̇ж̇ам̣ абхибхавид̇ваа баг̇г̇ахалагкан̣з , бамаад̣̇ам̣ абхибхавид̇ваа убадтааналагкан̣з, вигкзбам̣ абхибхавид̇ваа авигкзбалагкан̣з, ан̃н̃аан̣ам̣ абхибхавид̇ваа д̣̇ассаналагкан̣з инд̣̇адтам̣ гаарзд̇ийд̇и бан̃н̃инд̣̇рияам̣.
Pañcindriyānīti saddhādīni pañca indriyāni. Tattha assaddhiyaṃ abhibhavitvā adhimokkhalakkhaṇe indaṭṭhaṃ kāretīti saddhindriyaṃ, kosajjaṃ abhibhavitvā paggahalakkhaṇe , pamādaṃ abhibhavitvā upaṭṭhānalakkhaṇe, vikkhepaṃ abhibhavitvā avikkhepalakkhaṇe, aññāṇaṃ abhibhavitvā dassanalakkhaṇe indaṭṭhaṃ kāretīti paññindriyaṃ.
д̇ааниязва ассад̣̇д̇хияаад̣̇ийхи анабхибхаванийяад̇о агамбияадтзна самбаяуд̇д̇ад̇хаммзсу т̇ирабхаавзна ‘‘б̣алааний’’д̇и взд̣̇ид̇аб̣б̣аани.
Tāniyeva assaddhiyādīhi anabhibhavanīyato akampiyaṭṭhena sampayuttadhammesu thirabhāvena ‘‘balānī’’ti veditabbāni.
сад̇д̇а б̣ож̇жхан̇г̇аад̇и б̣од̇хияаа, б̣од̇хисса ваа ан̇г̇аад̇и б̣ож̇жхан̇г̇аа. яаа хи зсаа д̇хаммасаамаг̇г̇ий яааяа логуд̇д̇арамаг̇г̇агкан̣з уббаж̇ж̇амаанааяа лийнуд̣̇д̇хажжабад̇идтаанааяууханагаамасукад̇д̇агиламат̇аануяог̇а- ужчзд̣̇асассад̇аабхинивзсаад̣̇ийнам̣ анзгзсам̣ убад̣̇д̣̇аваанам̣ бадибагкабхууд̇ааяа сад̇ид̇хаммавижаяавийрияабийд̇ибассад̣̇д̇хисамаад̇хиубзгкаасан̇каад̇ааяа д̇хаммасаамаг̇г̇ияаа арияасааваго б̣уж̇жхад̇и, гилзсанид̣̇д̣̇ааяа вудтахад̇и, жад̇д̇аари ваа арияасажжаани бадивиж̇жхад̇и, ниб̣б̣аанамзва ваа сажчигарод̇ийд̇и ‘‘б̣од̇хий’’д̇и вужжад̇и, д̇ассаа д̇хаммасаамаг̇г̇исан̇каад̇ааяа б̣од̇хияаа ан̇г̇аад̇иби б̣ож̇жхан̇г̇аа жхаанан̇г̇амаг̇г̇ан̇г̇аад̣̇аяо вияа. яобзса вуд̇д̇аббагаарааяа д̇хаммасаамаг̇г̇ияаа б̣уж̇жхад̇ийд̇и гад̇ваа арияасааваго ‘‘б̣од̇хий’’д̇и вужжад̇и, д̇асса б̣од̇хисса ан̇г̇аад̇иби б̣ож̇жхан̇г̇аа сзнан̇г̇арат̇ан̇г̇аад̣̇аяо вияа. д̇знааху бораан̣аа – ‘‘б̣уж̇жханагасса буг̇г̇аласса ан̇г̇аад̇и б̣ож̇жхан̇г̇аа’’д̇и. ‘‘б̣од̇хияаа сам̣вад̇д̇анд̇ийд̇и б̣ож̇жхан̇г̇аа’’д̇иаад̣̇инаа наязнаби б̣ож̇жхан̇г̇аанам̣ б̣ож̇жхан̇г̇ад̇т̇о взд̣̇ид̇аб̣б̣о.
Satta bojjhaṅgāti bodhiyā, bodhissa vā aṅgāti bojjhaṅgā. Yā hi esā dhammasāmaggī yāya lokuttaramaggakkhaṇe uppajjamānāya līnuddhaccapatiṭṭhānāyūhanakāmasukhattakilamathānuyoga- ucchedasassatābhinivesādīnaṃ anekesaṃ upaddavānaṃ paṭipakkhabhūtāya satidhammavicayavīriyapītipassaddhisamādhiupekkhāsaṅkhātāya dhammasāmaggiyā ariyasāvako bujjhati, kilesaniddāya vuṭṭhahati, cattāri vā ariyasaccāni paṭivijjhati, nibbānameva vā sacchikarotīti ‘‘bodhī’’ti vuccati, tassā dhammasāmaggisaṅkhātāya bodhiyā aṅgātipi bojjhaṅgā jhānaṅgamaggaṅgādayo viya. Yopesa vuttappakārāya dhammasāmaggiyā bujjhatīti katvā ariyasāvako ‘‘bodhī’’ti vuccati, tassa bodhissa aṅgātipi bojjhaṅgā senaṅgarathaṅgādayo viya. Tenāhu porāṇā – ‘‘bujjhanakassa puggalassa aṅgāti bojjhaṅgā’’ti. ‘‘Bodhiyā saṃvattantīti bojjhaṅgā’’tiādinā nayenapi bojjhaṅgānaṃ bojjhaṅgattho veditabbo.
арияо адтан̇г̇иго маг̇г̇од̇и д̇ам̣д̇ам̣маг̇г̇аваж̇жхагилзсзхи аарагад̇д̇аа арияабхаавагарад̇д̇аа арияапалабадилаабхагарад̇д̇аа жа арияо. саммаад̣̇идтиаад̣̇ийни адтан̇г̇аани асса ад̇т̇и, адта ан̇г̇ааниязва ваа адтан̇г̇иго. гилзсз маарзнд̇о г̇ажчад̇и, ниб̣б̣аанад̇т̇игзхи маг̇г̇ияад̇и, саяам̣ ваа ниб̣б̣аанам̣ маг̇г̇ад̇ийд̇и маг̇г̇од̇и. звамзд̇зсам̣ сад̇ибадтаанаад̣̇ийнам̣ ад̇т̇авибхааг̇о взд̣̇ид̇аб̣б̣о.
Ariyo aṭṭhaṅgiko maggoti taṃtaṃmaggavajjhakilesehi ārakattā ariyabhāvakarattā ariyaphalapaṭilābhakarattā ca ariyo. Sammādiṭṭhiādīni aṭṭhaṅgāni assa atthi, aṭṭha aṅgāniyeva vā aṭṭhaṅgiko. Kilese mārento gacchati, nibbānatthikehi maggiyati, sayaṃ vā nibbānaṃ maggatīti maggoti. Evametesaṃ satipaṭṭhānādīnaṃ atthavibhāgo veditabbo.
сод̇аабаннод̇и маг̇г̇асан̇каад̇ам̣ сод̇ам̣ аабаж̇ж̇ид̇ваа баабун̣ид̇ваа тид̇о, сод̇аабад̇д̇ипаладтод̇и ад̇т̇о. сод̇аабад̇д̇ипаласажчигирияааяа бадибаннод̇и сод̇аабад̇д̇ипаласса ад̇д̇абажжагкагаран̣ааяа бадибаж̇ж̇амаано батамамаг̇г̇адто, яо адтамагод̇иби вужжад̇и. сагад̣̇ааг̇аамийд̇и сагид̣̇зва имам̣ логам̣ бадисанд̇хиг̇г̇ахан̣авасзна ааг̇аманасийло д̣̇уд̇ияапаладто. анааг̇аамийд̇и бадисанд̇хиг̇г̇ахан̣авасзна гаамалогам̣ анааг̇аманасийло д̇ад̇ияапаладто . яо бана сад̣̇д̇хаанусаарий д̇хаммаанусаарий згаб̣ийж̇ийд̇и звамаад̣̇иго арияабуг̇г̇алавибхааг̇о, со зд̇зсам̣язва бабхзд̣̇од̇и. сзсам̣ вуд̇д̇анаяамзва.
Sotāpannoti maggasaṅkhātaṃ sotaṃ āpajjitvā pāpuṇitvā ṭhito, sotāpattiphalaṭṭhoti attho. Sotāpattiphalasacchikiriyāya paṭipannoti sotāpattiphalassa attapaccakkhakaraṇāya paṭipajjamāno paṭhamamaggaṭṭho, yo aṭṭhamakotipi vuccati. Sakadāgāmīti sakideva imaṃ lokaṃ paṭisandhiggahaṇavasena āgamanasīlo dutiyaphalaṭṭho. Anāgāmīti paṭisandhiggahaṇavasena kāmalokaṃ anāgamanasīlo tatiyaphalaṭṭho . Yo pana saddhānusārī dhammānusārī ekabījīti evamādiko ariyapuggalavibhāgo, so etesaṃyeva pabhedoti. Sesaṃ vuttanayameva.
зд̇амад̇т̇ам̣ вид̣̇ид̇ваад̇и зд̇ам̣ ад̇д̇ано д̇хаммавинаяз мад̇агун̣абасад̣̇исзна д̣̇уссийлабуг̇г̇алзна сад̣̇д̇хим̣ сам̣ваасаабхаавасан̇каад̇ам̣ ад̇т̇ам̣ вид̣̇ид̇ваа. имам̣ уд̣̇аананд̇и имам̣ асам̣ваасаарахасам̣ваасаарахавибхааг̇агааран̣абарид̣̇ийбанам̣ уд̣̇аанам̣ уд̣̇аанзси.
Etamatthaṃ viditvāti etaṃ attano dhammavinaye matakuṇapasadisena dussīlapuggalena saddhiṃ saṃvāsābhāvasaṅkhātaṃ atthaṃ viditvā. Imaṃ udānanti imaṃ asaṃvāsārahasaṃvāsārahavibhāgakāraṇaparidīpanaṃ udānaṃ udānesi.
д̇ад̇т̇а чаннамад̇ивассад̇ийд̇и аабад̇д̇им̣ аабаж̇ж̇ид̇ваа бадижчаад̣̇знд̇о ан̃н̃ам̣ навам̣ аабад̇д̇им̣ аабаж̇ж̇ад̇и, д̇ад̇о барам̣ д̇ад̇о баранд̇и звам̣ аабад̇д̇ивассам̣ гилзсавассам̣ ад̇ивияа вассад̇и. вивадам̣ наад̇ивассад̇ийд̇и аабад̇д̇им̣ аабанно д̇ам̣ аббадижчаад̣̇зд̇ваа виваранд̇о саб̣рахмажаарийнам̣ багаасзнд̇о яат̇аад̇хаммам̣ яат̇аавинаяам̣ бадигаронд̇о д̣̇зсзнд̇о вудтаханд̇о ан̃н̃ам̣ навам̣ аабад̇д̇им̣ на аабаж̇ж̇ад̇и, д̇знасса вивадам̣ буна аабад̇д̇ивассам̣ гилзсавассам̣ на вассад̇и. яасмаа жа зд̇ад̣̇звам̣, д̇асмаа чаннам̣ чаад̣̇ид̇ам̣ аабад̇д̇им̣ виварзт̇а багаасзт̇а. звам̣ д̇ам̣ наад̇ивассад̇ийд̇и звам̣ санд̇з д̇ам̣ аабад̇д̇иаабаж̇ж̇анагам̣ аабаннабуг̇г̇алам̣ ад̇д̇абхаавам̣ ад̇ивиж̇жхид̇ваа гилзсавассам̣ на вассад̇и на д̇змзд̇и. звам̣ со гилзсзхи анавассуд̇о барисуд̣̇д̇хасийло самаахид̇о худ̇ваа вибассанам̣ бадтабзд̇ваа саммасанд̇о ануггамзна ниб̣б̣аанам̣ баабун̣аад̇ийд̇и ад̇хиббааяо.
Tattha channamativassatīti āpattiṃ āpajjitvā paṭicchādento aññaṃ navaṃ āpattiṃ āpajjati, tato paraṃ tato paranti evaṃ āpattivassaṃ kilesavassaṃ ativiya vassati. Vivaṭaṃ nātivassatīti āpattiṃ āpanno taṃ appaṭicchādetvā vivaranto sabrahmacārīnaṃ pakāsento yathādhammaṃ yathāvinayaṃ paṭikaronto desento vuṭṭhahanto aññaṃ navaṃ āpattiṃ na āpajjati, tenassa vivaṭaṃ puna āpattivassaṃ kilesavassaṃ na vassati. Yasmā ca etadevaṃ, tasmā channaṃ chāditaṃ āpattiṃ vivaretha pakāsetha. Evaṃ taṃ nātivassatīti evaṃ sante taṃ āpattiāpajjanakaṃ āpannapuggalaṃ attabhāvaṃ ativijjhitvā kilesavassaṃ na vassati na temeti. Evaṃ so kilesehi anavassuto parisuddhasīlo samāhito hutvā vipassanaṃ paṭṭhapetvā sammasanto anukkamena nibbānaṃ pāpuṇātīti adhippāyo.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 5. убосат̇асуд̇д̇ам̣ • 5. Uposathasuttaṃ
