| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
१०. उपोसथसुत्तवण्णना
10. Uposathasuttavaṇṇanā
१९०. दसमे तुण्हीभूतं तुण्हीभूतन्ति आमेडितवचनं ब्यापनिच्छावसेन वुत्तन्ति आह ‘‘यतो यतो अनुविलोकेती’’ति। अनुविलोकेत्वाति एत्थ अनु-सद्दोपि ब्यापनिच्छावचनमेवाति अनु अनु विलोकेत्वाति अत्थो, पञ्चपसादप्पटिमण्डितानि अक्खीनि उम्मीलेत्वा ततो ततो विलोकेत्वाति वुत्तं होति। अलन्ति युत्तं, ओपायिकन्ति अत्थो ‘‘अलमेव निब्बिन्दितु’’न्तिआदीसु (दी॰ नि॰ २.२७२; सं॰ नि॰ २.१२४-१२६) विय। पुटबन्धनेन परिहरित्वा असितब्बं पुटोसं सम्बलं अ-कारस्स ओ-कारं कत्वा। तेनाह ‘‘पाथेय्य’’न्ति। सेसमेत्थ सुविञ्ञेय्यमेव।
190. Dasame tuṇhībhūtaṃ tuṇhībhūtanti āmeḍitavacanaṃ byāpanicchāvasena vuttanti āha ‘‘yato yato anuviloketī’’ti. Anuviloketvāti ettha anu-saddopi byāpanicchāvacanamevāti anu anu viloketvāti attho, pañcapasādappaṭimaṇḍitāni akkhīni ummīletvā tato tato viloketvāti vuttaṃ hoti. Alanti yuttaṃ, opāyikanti attho ‘‘alameva nibbinditu’’ntiādīsu (dī. ni. 2.272; saṃ. ni. 2.124-126) viya. Puṭabandhanena pariharitvā asitabbaṃ puṭosaṃ sambalaṃ a-kārassa o-kāraṃ katvā. Tenāha ‘‘pātheyya’’nti. Sesamettha suviññeyyameva.
उपोसथसुत्तवण्णना निट्ठिता।
Uposathasuttavaṇṇanā niṭṭhitā.
ब्राह्मणवग्गवण्णना निट्ठिता।
Brāhmaṇavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १०. उपोसथसुत्तं • 10. Uposathasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / १०. उपोसथसुत्तवण्णना • 10. Uposathasuttavaṇṇanā
