| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁၀. ဥပောသထသုတ္တဝဏ္ဏနာ
10. Uposathasuttavaṇṇanā
၂၀. ဒသမေ နိသိန္နော ဟောတီတိ ဥပောသထကရဏတ္ထာယ ဥပာသိကာယ ရတနပာသာဒေ နိသိန္နော။ နိသဇ္ဇ ပန ဘိက္ခူနံ စိတ္တာနိ ဩလောကေန္တော ဧကံ ဒုသ္သီလပုဂ္ဂလံ ဒိသ္ဝာ ‘‘သစာဟံ ဣမသ္မိံ ပုဂ္ဂလေ နိသိန္နေယေဝ ပာတိမောက္ခံ ဥဒ္ဒိသိသ္သာမိ, သတ္တဓာ တသ္သ မုဒ္ဓာ ဖလိသ္သတီ’’တိ တသ္သ အနုကမ္ပာယ တုဏ္ဟီယေဝ အဟောသိ။ အဘိက္ကန္တာတိ အတိက္ကန္တာ ပရိက္ခီဏာ။ ဥဒ္ဓသ္တေ အရုဏေတိ ဥဂ္ဂတေ အရုဏသီသေ။ နန္ဒိမုခိယာတိ တုဋ္ဌမုခိယာ။ အပရိသုဒ္ဓာ, အာနန္ဒ, ပရိသာတိ ‘‘အသုကပုဂ္ဂလော အပရိသုဒ္ဓော’’တိ အဝတ္ဝာ ‘‘အပရိသုဒ္ဓာ, အာနန္ဒ, ပရိသာ’’တိ အာဟ။ သေသံ သဗ္ဗတ္ထ ဥတ္တာနမေဝာတိ။
20. Dasame nisinno hotīti uposathakaraṇatthāya upāsikāya ratanapāsāde nisinno. Nisajja pana bhikkhūnaṃ cittāni olokento ekaṃ dussīlapuggalaṃ disvā ‘‘sacāhaṃ imasmiṃ puggale nisinneyeva pātimokkhaṃ uddisissāmi, sattadhā tassa muddhā phalissatī’’ti tassa anukampāya tuṇhīyeva ahosi. Abhikkantāti atikkantā parikkhīṇā. Uddhaste aruṇeti uggate aruṇasīse. Nandimukhiyāti tuṭṭhamukhiyā. Aparisuddhā, ānanda, parisāti ‘‘asukapuggalo aparisuddho’’ti avatvā ‘‘aparisuddhā, ānanda, parisā’’ti āha. Sesaṃ sabbattha uttānamevāti.
မဟာဝဂ္ဂော ဒုတိယော။
Mahāvaggo dutiyo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. ဥပောသထသုတ္တံ • 10. Uposathasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁၀. ဥပောသထသုတ္တဝဏ္ဏနာ • 10. Uposathasuttavaṇṇanā
