| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၁၀. ဥပောသထသုတ္တဝဏ္ဏနာ
10. Uposathasuttavaṇṇanā
၁၉၀. ဒသမေ တုဏ္ဟီဘူတံ တုဏ္ဟီဘူတန္တိ အာမေဍိတဝစနံ ဗ္ယာပနိစ္ဆာဝသေန ဝုတ္တန္တိ အာဟ ‘‘ယတော ယတော အနုဝိလောကေတီ’’တိ။ အနုဝိလောကေတ္ဝာတိ ဧတ္ထ အနု-သဒ္ဒောပိ ဗ္ယာပနိစ္ဆာဝစနမေဝာတိ အနု အနု ဝိလောကေတ္ဝာတိ အတ္ထော, ပဉ္စပသာဒပ္ပဋိမဏ္ဍိတာနိ အက္ခီနိ ဥမ္မီလေတ္ဝာ တတော တတော ဝိလောကေတ္ဝာတိ ဝုတ္တံ ဟောတိ။ အလန္တိ ယုတ္တံ, ဩပာယိကန္တိ အတ္ထော ‘‘အလမေဝ နိဗ္ဗိန္ဒိတု’’န္တိအာဒီသု (ဒီ. နိ. ၂.၂၇၂; သံ. နိ. ၂.၁၂၄-၁၂၆) ဝိယ။ ပုဋဗန္ဓနေန ပရိဟရိတ္ဝာ အသိတဗ္ဗံ ပုဋောသံ သမ္ဗလံ အ-ကာရသ္သ ဩ-ကာရံ ကတ္ဝာ။ တေနာဟ ‘‘ပာထေယ္ယ’’န္တိ။ သေသမေတ္ထ သုဝိညေယ္ယမေဝ။
190. Dasame tuṇhībhūtaṃ tuṇhībhūtanti āmeḍitavacanaṃ byāpanicchāvasena vuttanti āha ‘‘yato yato anuviloketī’’ti. Anuviloketvāti ettha anu-saddopi byāpanicchāvacanamevāti anu anu viloketvāti attho, pañcapasādappaṭimaṇḍitāni akkhīni ummīletvā tato tato viloketvāti vuttaṃ hoti. Alanti yuttaṃ, opāyikanti attho ‘‘alameva nibbinditu’’ntiādīsu (dī. ni. 2.272; saṃ. ni. 2.124-126) viya. Puṭabandhanena pariharitvā asitabbaṃ puṭosaṃ sambalaṃ a-kārassa o-kāraṃ katvā. Tenāha ‘‘pātheyya’’nti. Sesamettha suviññeyyameva.
ဥပောသထသုတ္တဝဏ္ဏနာ နိဋ္ဌိတာ။
Uposathasuttavaṇṇanā niṭṭhitā.
ဗ္ရာဟ္မဏဝဂ္ဂဝဏ္ဏနာ နိဋ္ဌိတာ။
Brāhmaṇavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. ဥပောသထသုတ္တံ • 10. Uposathasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၀. ဥပောသထသုတ္တဝဏ္ဏနာ • 10. Uposathasuttavaṇṇanā
