| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
10. උපොසථසුත්‌තවණ්‌ණනා
10. Uposathasuttavaṇṇanā
190. දසමෙ තුණ්‌හීභූතං තුණ්‌හීභූතන්‌ති ආමෙඩිතවචනං බ්‍යාපනිච්‌ඡාවසෙන වුත්‌තන්‌ති ආහ ‘‘යතො යතො අනුවිලොකෙතී’’ති. අනුවිලොකෙත්‌වාති එත්‌ථ අනු-සද්‌දොපි බ්‍යාපනිච්‌ඡාවචනමෙවාති අනු අනු විලොකෙත්‌වාති අත්‌ථො, පඤ්‌චපසාදප්‌පටිමණ්‌ඩිතානි අක්‌ඛීනි උම්‌මීලෙත්‌වා තතො තතො විලොකෙත්‌වාති වුත්‌තං හොති. අලන්‌ති යුත්‌තං, ඔපායිකන්‌ති අත්‌ථො ‘‘අලමෙව නිබ්‌බින්‌දිතු’’න්‌තිආදීසු (දී. නි. 2.272; සං. නි. 2.124-126) විය. පුටබන්‌ධනෙන පරිහරිත්‌වා අසිතබ්‌බං පුටොසං සම්‌බලං අ-කාරස්‌ස ඔ-කාරං කත්‌වා. තෙනාහ ‘‘පාථෙය්‍ය’’න්‌ති. සෙසමෙත්‌ථ සුවිඤ්‌ඤෙය්‍යමෙව.
190. Dasame tuṇhībhūtaṃ tuṇhībhūtanti āmeḍitavacanaṃ byāpanicchāvasena vuttanti āha ‘‘yato yato anuviloketī’’ti. Anuviloketvāti ettha anu-saddopi byāpanicchāvacanamevāti anu anu viloketvāti attho, pañcapasādappaṭimaṇḍitāni akkhīni ummīletvā tato tato viloketvāti vuttaṃ hoti. Alanti yuttaṃ, opāyikanti attho ‘‘alameva nibbinditu’’ntiādīsu (dī. ni. 2.272; saṃ. ni. 2.124-126) viya. Puṭabandhanena pariharitvā asitabbaṃ puṭosaṃ sambalaṃ a-kārassa o-kāraṃ katvā. Tenāha ‘‘pātheyya’’nti. Sesamettha suviññeyyameva.
උපොසථසුත්‌තවණ්‌ණනා නිට්‌ඨිතා.
Uposathasuttavaṇṇanā niṭṭhitā.
බ්‍රාහ්‌මණවග්‌ගවණ්‌ණනා නිට්‌ඨිතා.
Brāhmaṇavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 10. උපොසථසුත්‌තං • 10. Uposathasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. උපොසථසුත්‌තවණ්‌ණනා • 10. Uposathasuttavaṇṇanā
