| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
6. уббаад̣̇агагаммаааяуббамаан̣аваараван̣н̣анаа
6. Uppādakakammaāyuppamāṇavāravaṇṇanā
(1.) уббаад̣̇агагаммам̣
(1.) Uppādakakammaṃ
1021. чадтаваарз бан̃жахи гаамаг̇ун̣зхи наанаббагаарзхи ваа ид̣̇д̇хивисзсзхи д̣̇иб̣б̣анд̇ийд̇и д̣̇зваа. саммуд̇ид̣̇зваад̇и ‘д̣̇зво, д̣̇звий’д̇и звам̣ логасаммуд̇ияаа д̣̇зваа. убабад̇д̇ид̣̇зваад̇и д̣̇звалогз уббаннад̇д̇аа убабад̇д̇ияаа д̣̇зваа. висуд̣̇д̇хид̣̇зваад̇и саб̣б̣зсам̣ д̣̇зваанам̣ бууж̇аарахаа саб̣б̣агилзсависуд̣̇д̇хияаа д̣̇зваа. рааж̇аанод̇и муд̣̇д̇хаабхисид̇д̇акад̇д̇ияаа. д̣̇звияод̇и д̇зсам̣ махзсияо. гумаараад̇и абхисид̇д̇арааж̇уунам̣ абхисид̇д̇ад̣̇звияаа гужчисмим̣ уббаннагумаараа.
1021. Chaṭṭhavāre pañcahi kāmaguṇehi nānappakārehi vā iddhivisesehi dibbantīti devā. Sammutidevāti ‘devo, devī’ti evaṃ lokasammutiyā devā. Upapattidevāti devaloke uppannattā upapattiyā devā. Visuddhidevāti sabbesaṃ devānaṃ pūjārahā sabbakilesavisuddhiyā devā. Rājānoti muddhābhisittakhattiyā. Deviyoti tesaṃ mahesiyo. Kumārāti abhisittarājūnaṃ abhisittadeviyā kucchismiṃ uppannakumārā.
убосат̇агаммам̣ гад̇ваад̇и жаад̇уд̣̇д̣̇асаад̣̇ийсу адтан̇г̇асаманнааг̇ад̇ам̣ убосат̇ам̣ убавасид̇ваа. ид̣̇аани яасмаа барид̇д̇ад̣̇аанаад̣̇ибун̃н̃агаммам̣ мануссасобхаг̇яад̇ааяа бажжаяо, мад̇д̇асо гад̇ам̣ мануссасобхаг̇яад̇ааяа ад̇химад̇д̇ам̣, ад̇химад̇д̇абхаавзби наанаббагаарабхзд̣̇ад̇о наанаббагаарасса кад̇д̇ияамахаасаалаад̣̇ибхаавасса бажжаяо, д̇асмаа д̇асса васзна убабад̇д̇ибхзд̣̇ам̣ д̣̇ассзнд̇о аббзгажжз г̇ахабад̇имахаасаалаананд̇иаад̣̇имааха. д̇ад̇т̇а махаасааро зд̇зсанд̇и махаасаараа; ра-гаарасса бана ла-гаарам̣ гад̇ваа махаасаалаад̇и вуд̇д̇ам̣. г̇ахабад̇ияова махаасаалаа, г̇ахабад̇ийсу ваа махаасаалаад̇и г̇ахабад̇имахаасаалаа. сзсзсуби зсзва наяо. д̇ад̇т̇а яасса г̇зхз бажчиманд̇зна жад̇д̇аалийсагодид̇ханам̣ нид̇хаанаг̇ад̇ам̣ ход̇и, гахаабан̣аанан̃жа бан̃жа амб̣ан̣аани д̣̇ивасавал̣ан̃ж̇о нигкамад̇и – аяам̣ г̇ахабад̇имахаасаало наама. яасса бана г̇зхз бажчиманд̇зна асийд̇игодид̇ханам̣ нид̇хаанаг̇ад̇ам̣ ход̇и, гахаабан̣аанан̃жа д̣̇асаамб̣ан̣аани д̣̇ивасавал̣ан̃ж̇о нигкамад̇и – аяам̣ б̣раахман̣амахаасаало наама. яасса бана г̇зхз бажчиманд̇зна годисад̇ад̇ханам̣ нид̇хаанаг̇ад̇ам̣ ход̇и, гахаабан̣аанан̃жа вийсад̇и амб̣ан̣аани д̣̇ивасавал̣ан̃ж̇о нигкамад̇и – аяам̣ кад̇д̇ияамахаасаало наама.
Uposathakammaṃkatvāti cātuddasādīsu aṭṭhaṅgasamannāgataṃ uposathaṃ upavasitvā. Idāni yasmā parittadānādipuññakammaṃ manussasobhagyatāya paccayo, mattaso kataṃ manussasobhagyatāya adhimattaṃ, adhimattabhāvepi nānappakārabhedato nānappakārassa khattiyamahāsālādibhāvassa paccayo, tasmā tassa vasena upapattibhedaṃ dassento appekacce gahapatimahāsālānantiādimāha. Tattha mahāsāro etesanti mahāsārā; ra-kārassa pana la-kāraṃ katvā mahāsālāti vuttaṃ. Gahapatiyova mahāsālā, gahapatīsu vā mahāsālāti gahapatimahāsālā. Sesesupi eseva nayo. Tattha yassa gehe pacchimantena cattālīsakoṭidhanaṃ nidhānagataṃ hoti, kahāpaṇānañca pañca ambaṇāni divasavaḷañjo nikkhamati – ayaṃ gahapatimahāsālo nāma. Yassa pana gehe pacchimantena asītikoṭidhanaṃ nidhānagataṃ hoti, kahāpaṇānañca dasaambaṇāni divasavaḷañjo nikkhamati – ayaṃ brāhmaṇamahāsālo nāma. Yassa pana gehe pacchimantena koṭisatadhanaṃ nidhānagataṃ hoti, kahāpaṇānañca vīsati ambaṇāni divasavaḷañjo nikkhamati – ayaṃ khattiyamahāsālo nāma.
сахаб̣яад̇анд̇и сахабхаавам̣; сабхааг̇аа худ̇ваа ниб̣б̣ад̇д̇анд̇ийд̇и ад̇т̇о. жаад̇умахаарааж̇игаананд̇иаад̣̇ийсу жаад̇умахаарааж̇игаа наама синзрубаб̣б̣ад̇асса взмаж̇жхз хонд̇и. д̇зсу баб̣б̣ад̇адтагааби ад̇т̇и, аагаасадтааби; д̇зсам̣ барамбараа жаггаваал̣абаб̣б̣ад̇ам̣ бад̇д̇аа. кид̣д̣аабад̣̇осигаа, манобад̣̇осигаа, сийд̇авалаахагаа, ун̣хавалаахагаа, жанд̣̇имаа д̣̇звабуд̇д̇о, суурияо д̣̇звабуд̇д̇од̇и зд̇з саб̣б̣зби жаад̇умахаарааж̇игад̣̇звалогадтагаа зва.
Sahabyatanti sahabhāvaṃ; sabhāgā hutvā nibbattantīti attho. Cātumahārājikānantiādīsu cātumahārājikā nāma sinerupabbatassa vemajjhe honti. Tesu pabbataṭṭhakāpi atthi, ākāsaṭṭhāpi; tesaṃ paramparā cakkavāḷapabbataṃ pattā. Khiḍḍāpadosikā, manopadosikā, sītavalāhakā, uṇhavalāhakā, candimā devaputto, sūriyo devaputtoti ete sabbepi cātumahārājikadevalokaṭṭhakā eva.
д̇зд̇д̇им̣са ж̇анаа д̇ад̇т̇а убабаннаад̇и д̇аавад̇им̣саа. абижа д̇аавад̇им̣саад̇и д̇зсам̣ д̣̇зваанам̣ наамамзваад̇и вуд̇д̇ам̣. д̇зби ад̇т̇и баб̣б̣ад̇адтагаа, ад̇т̇и аагаасадтагаа. д̇зсам̣ барамбараа жаггаваал̣абаб̣б̣ад̇ам̣ бад̇д̇аа. д̇ат̇аа яаамаад̣̇ийнам̣. згад̣̇звалогзби хи д̣̇зваанам̣ барамбараа жаггаваал̣абаб̣б̣ад̇ам̣ аббад̇д̇аа наама над̇т̇и. д̇ад̇т̇а д̣̇иб̣б̣ам̣ сукам̣ яаад̇аа баяаад̇аа самбад̇д̇аад̇и яаамаа. д̇удтаа бахадтаад̇и д̇усид̇аа. багад̇ибадияад̇д̇аарамман̣ад̇о ад̇ирзгзна рамид̇угаамагаалз яат̇ааружид̇з бхог̇з нимминид̇ваа раманд̇ийд̇и ниммаанарад̇ий. жид̇д̇аажаарам̣ н̃ад̇ваа барзхи ниммид̇зсу бхог̇зсу васам̣ вад̇д̇знд̇ийд̇и бараниммид̇авасавад̇д̇ий.
Tettiṃsa janā tattha upapannāti tāvatiṃsā. Apica tāvatiṃsāti tesaṃ devānaṃ nāmamevāti vuttaṃ. Tepi atthi pabbataṭṭhakā, atthi ākāsaṭṭhakā. Tesaṃ paramparā cakkavāḷapabbataṃ pattā. Tathā yāmādīnaṃ. Ekadevalokepi hi devānaṃ paramparā cakkavāḷapabbataṃ appattā nāma natthi. Tattha dibbaṃ sukhaṃ yātā payātā sampattāti yāmā. Tuṭṭhā pahaṭṭhāti tusitā. Pakatipaṭiyattārammaṇato atirekena ramitukāmakāle yathārucite bhoge nimminitvā ramantīti nimmānaratī. Cittācāraṃ ñatvā parehi nimmitesu bhogesu vasaṃ vattentīti paranimmitavasavattī.
(2.) ааяуббамаан̣ам̣
(2.) Āyuppamāṇaṃ
1022. аббам̣ ваа бхияяод̇и д̣̇уд̇ияам̣ вассасад̇ам̣ аббад̇ваа вийсааяа ваа д̇им̣сааяа ваа жад̇д̇аалийсааяа ваа бан̃н̃аасааяа ваа садтияаа ваа вассзхи ад̇хигамби вассасад̇анд̇и ад̇т̇о. саб̣б̣амби хзд̇ам̣ д̣̇уд̇ияам̣ вассасад̇ам̣ аббад̇д̇ад̇д̇аа аббанд̇и вуд̇д̇ам̣.
1022. Appaṃvā bhiyyoti dutiyaṃ vassasataṃ appatvā vīsāya vā tiṃsāya vā cattālīsāya vā paññāsāya vā saṭṭhiyā vā vassehi adhikampi vassasatanti attho. Sabbampi hetaṃ dutiyaṃ vassasataṃ appattattā appanti vuttaṃ.
1024. б̣рахмабаарисаж̇ж̇аад̣̇ийсу махааб̣рахмаанам̣ баарисаж̇ж̇аа барижааригаад̇и б̣рахмабаарисаж̇ж̇аа. д̇зсам̣ бурохид̇абхаавз тид̇аад̇и б̣рахмабурохид̇аа. ван̣н̣аванд̇ад̇ааяа жзва д̣̇ийгхааяугад̇ааяа жа маханд̇о б̣рахмаад̇и махааб̣рахмаа, д̇зсам̣ махааб̣рахмаанам̣. имз д̇аяоби ж̇анаа батамаж̇жхаанабхуумияам̣ згад̇алз васанд̇и; ааяуанд̇арам̣ бана нзсам̣ наанаа.
1024. Brahmapārisajjādīsu mahābrahmānaṃ pārisajjā paricārikāti brahmapārisajjā. Tesaṃ purohitabhāve ṭhitāti brahmapurohitā. Vaṇṇavantatāya ceva dīghāyukatāya ca mahanto brahmāti mahābrahmā, tesaṃ mahābrahmānaṃ. Ime tayopi janā paṭhamajjhānabhūmiyaṃ ekatale vasanti; āyuantaraṃ pana nesaṃ nānā.
1025. барид̇д̇аа аабхаа зд̇зсанд̇и барид̇д̇аабхаа. аббамаан̣аа аабхаа зд̇зсанд̇и аббамаан̣аабхаа. д̣̇ан̣д̣ад̣̇ийбигааяа ажжи вияа зд̇зсам̣ сарийрад̇о аабхаа чиж̇ж̇ид̇ваа чиж̇ж̇ид̇ваа бад̇анд̇ий вияа сарад̇и висарад̇ийд̇и аабхассараа. имзби д̇аяо ж̇анаа д̣̇уд̇ияаж̇жхаанабхуумияам̣ згад̇алз васанд̇и; ааяуанд̇арам̣ бана нзсам̣ наанаа.
1025. Parittā ābhā etesanti parittābhā. Appamāṇā ābhā etesanti appamāṇābhā. Daṇḍadīpikāya acci viya etesaṃ sarīrato ābhā chijjitvā chijjitvā patantī viya sarati visaratīti ābhassarā. Imepi tayo janā dutiyajjhānabhūmiyaṃ ekatale vasanti; āyuantaraṃ pana nesaṃ nānā.
1026. барид̇д̇аа субхаа зд̇зсанд̇и барид̇д̇асубхаа. аббамаан̣аа субхаа зд̇зсанд̇и аббамаан̣асубхаа. субхзна огин̣н̣аа вигин̣н̣аа, субхзна сарийраббабхааван̣н̣зна згаг̇гханаа, суван̣н̣аман̃ж̇усааяа табид̇асамбаж̇ж̇алид̇аган̃жанабин̣д̣асассирийгаад̇и субхагин̣хаа. имзби д̇аяо ж̇анаа д̇ад̇ияаж̇жхаанабхуумияам̣ згад̇алз васанд̇и; ааяуанд̇арам̣ бана нзсам̣ наанаа.
1026. Parittā subhā etesanti parittasubhā. Appamāṇā subhā etesanti appamāṇasubhā. Subhena okiṇṇā vikiṇṇā, subhena sarīrappabhāvaṇṇena ekagghanā, suvaṇṇamañjusāya ṭhapitasampajjalitakañcanapiṇḍasassirīkāti subhakiṇhā. Imepi tayo janā tatiyajjhānabhūmiyaṃ ekatale vasanti; āyuantaraṃ pana nesaṃ nānā.
1027. аарамман̣анаанад̇д̇ад̇аад̇и аарамман̣асса наанад̇д̇абхааво. манасигааранаанад̇д̇ад̇аад̣̇ийсуби зсзва наяо. зд̇т̇а згасса бат̇авийгасин̣ам̣ аарамман̣ам̣ ход̇и…бз… згасса од̣̇аад̇агасин̣анд̇и ид̣̇ам̣ аарамман̣анаанад̇д̇ам̣. зго бат̇авийгасин̣ам̣ манаси гарод̇и…бз… зго од̣̇аад̇агасин̣анд̇и ид̣̇ам̣ манасигааранаанад̇д̇ам̣. згасса бат̇авийгасин̣з чанд̣̇о ход̇и…бз… згасса од̣̇аад̇агасин̣зд̇и ид̣̇ам̣ чанд̣̇анаанад̇д̇ам̣. зго бат̇авийгасин̣з бад̇т̇анам̣ гарод̇и…бз… зго од̣̇аад̇агасин̣зд̇и ид̣̇ам̣ бан̣ид̇хинаанад̇д̇ам̣. зго бат̇авийгасин̣авасзна ад̇химужжад̇и…бз… зго од̣̇аад̇агасин̣авасзнаад̇и ид̣̇ам̣ ад̇химогканаанад̇д̇ам̣. зго бат̇авийгасин̣авасзна жид̇д̇ам̣ абхинийхарад̇и…бз… зго од̣̇аад̇агасин̣авасзнаад̇и ид̣̇ам̣ абхинийхааранаанад̇д̇ам̣. згасса бат̇авийгасин̣абарижчинд̣̇анагабан̃н̃аа ход̇и…бз… згасса од̣̇аад̇агасин̣абарижчинд̣̇анагабан̃н̃аад̇и ид̣̇ам̣ бан̃н̃аанаанад̇д̇ам̣. д̇ад̇т̇а аарамман̣аманасигаараа буб̣б̣абхааг̇зна гат̇ид̇аа. чанд̣̇абан̣ид̇хиад̇химогкаабхинийхаараа аббанааяаби вад̇д̇анд̇и убажаарзби. бан̃н̃аа бана логияалогуд̇д̇арамиссагаа гат̇ид̇аа.
1027. Ārammaṇanānattatāti ārammaṇassa nānattabhāvo. Manasikāranānattatādīsupi eseva nayo. Ettha ekassa pathavīkasiṇaṃ ārammaṇaṃ hoti…pe… ekassa odātakasiṇanti idaṃ ārammaṇanānattaṃ. Eko pathavīkasiṇaṃ manasi karoti…pe… eko odātakasiṇanti idaṃ manasikāranānattaṃ. Ekassa pathavīkasiṇe chando hoti…pe… ekassa odātakasiṇeti idaṃ chandanānattaṃ. Eko pathavīkasiṇe patthanaṃ karoti…pe… eko odātakasiṇeti idaṃ paṇidhinānattaṃ. Eko pathavīkasiṇavasena adhimuccati…pe… eko odātakasiṇavasenāti idaṃ adhimokkhanānattaṃ. Eko pathavīkasiṇavasena cittaṃ abhinīharati…pe… eko odātakasiṇavasenāti idaṃ abhinīhāranānattaṃ. Ekassa pathavīkasiṇaparicchindanakapaññā hoti…pe… ekassa odātakasiṇaparicchindanakapaññāti idaṃ paññānānattaṃ. Tattha ārammaṇamanasikārā pubbabhāgena kathitā. Chandapaṇidhiadhimokkhābhinīhārā appanāyapi vattanti upacārepi. Paññā pana lokiyalokuttaramissakā kathitā.
асан̃н̃асад̇д̇аананд̇и сан̃н̃аавирахид̇аанам̣ сад̇д̇аанам̣. згажжз хи д̇ид̇т̇ааяад̇анз баб̣б̣аж̇ид̇ваа ‘жид̇д̇ам̣ ниссааяа раж̇ж̇анад̣̇уссанамуяханаани наама хонд̇ий’д̇и жид̇д̇з д̣̇осам̣ д̣̇исваа ‘ажид̇д̇агабхааво наама собхано, д̣̇идтад̇хамманиб̣б̣аанамзд̇а’нд̇и сан̃н̃аавирааг̇ам̣ ж̇анзд̇ваа д̇ад̇руубаг̇ам̣ бан̃жамам̣ самаабад̇д̇им̣ бхаавзд̇ваа д̇ад̇т̇а ниб̣б̣ад̇д̇анд̇и. д̇зсам̣ убабад̇д̇игкан̣з зго руубагканд̇хоязва ниб̣б̣ад̇д̇ад̇и. тад̇ваа ниб̣б̣ад̇д̇о тид̇аго зва ход̇и, нисийд̣̇ид̇ваа ниб̣б̣ад̇д̇о нисиннагова нибаж̇ж̇ид̇ваа ниб̣б̣ад̇д̇о нибаннова. жид̇д̇агаммаруубагасад̣̇исаа худ̇ваа бан̃жа габбасад̇аани д̇идтанд̇и. д̇зсам̣ барияосаанз со руубагааяо анд̇арад̇хааяад̇и, гаамааважарасан̃н̃аа уббаж̇ж̇ад̇и; д̇зна ид̇ха сан̃н̃уббаад̣̇зна д̇з д̣̇зваа д̇амхаа гааяаа жуд̇аад̇и бан̃н̃ааяанд̇и.
Asaññasattānanti saññāvirahitānaṃ sattānaṃ. Ekacce hi titthāyatane pabbajitvā ‘cittaṃ nissāya rajjanadussanamuyhanāni nāma hontī’ti citte dosaṃ disvā ‘acittakabhāvo nāma sobhano, diṭṭhadhammanibbānameta’nti saññāvirāgaṃ janetvā tatrūpagaṃ pañcamaṃ samāpattiṃ bhāvetvā tattha nibbattanti. Tesaṃ upapattikkhaṇe eko rūpakkhandhoyeva nibbattati. Ṭhatvā nibbatto ṭhitako eva hoti, nisīditvā nibbatto nisinnakova nipajjitvā nibbatto nipannova. Cittakammarūpakasadisā hutvā pañca kappasatāni tiṭṭhanti. Tesaṃ pariyosāne so rūpakāyo antaradhāyati, kāmāvacarasaññā uppajjati; tena idha saññuppādena te devā tamhā kāyā cutāti paññāyanti.
вибулаа палаа зд̇зсанд̇и взхабпалаа. ад̇д̇ано самбад̇д̇ияаа на хааяанд̇и на вихааяанд̇ийд̇и авихаа. на ган̃жи сад̇д̇ам̣ д̇аббанд̇ийд̇и ад̇аббаа. сунд̣̇араа д̣̇ассанаа абхируубаа баасаад̣̇игаад̇и суд̣̇ассаа. судта бассанд̇и, сунд̣̇арамзд̇зсам̣ ваа д̣̇ассананд̇и суд̣̇ассий. саб̣б̣зхи зва г̇ун̣зхи жа бхавасамбад̇д̇ияаа жа ж̇здтаа, над̇т̇зд̇т̇а ганидтаад̇и аганидтаа.
Vipulā phalā etesanti vehapphalā. Attano sampattiyā na hāyanti na vihāyantīti avihā. Na kañci sattaṃ tappantīti atappā. Sundarā dassanā abhirūpā pāsādikāti sudassā. Suṭṭha passanti, sundarametesaṃ vā dassananti sudassī. Sabbehi eva guṇehi ca bhavasampattiyā ca jeṭṭhā, natthettha kaniṭṭhāti akaniṭṭhā.
1028. аагаасаанан̃жааяад̇анам̣ убаг̇ад̇аад̇и аагаасаанан̃жааяад̇ануубаг̇аа. ид̇арзсуби зсзва наяо . ид̇и ча гаамааважараа, нава б̣рахмалогаа, бан̃жа суд̣̇д̇хааваасаа, жад̇д̇ааро аруубаа асан̃н̃асад̇д̇авзхабпалзхи сад̣̇д̇хим̣ чаб̣б̣ийсад̇и д̣̇звалогаа; мануссалогзна сад̣̇д̇хим̣ сад̇д̇авийсад̇и.
1028. Ākāsānañcāyatanaṃ upagatāti ākāsānañcāyatanūpagā. Itaresupi eseva nayo . Iti cha kāmāvacarā, nava brahmalokā, pañca suddhāvāsā, cattāro arūpā asaññasattavehapphalehi saddhiṃ chabbīsati devalokā; manussalokena saddhiṃ sattavīsati.
д̇ад̇т̇а саммаасамб̣уд̣̇д̇хзна мануссаанам̣ д̣̇зваанан̃жа ааяум̣ барижчинд̣̇амаанзна жад̇уусу абааязсу бхуммад̣̇звзсу жа ааяу барижчиннам̣ д̇ам̣ гасмаад̇и? нираяз д̇аава гаммамзва бамаан̣ам̣. яаава гаммам̣ на кийяад̇и, на д̇аава жаванд̇и. д̇ат̇аа сзсаабааязсу. бхуммад̣̇зваанамби гаммамзва бамаан̣ам̣. д̇ад̇т̇а ниб̣б̣ад̇д̇аа хи гзжи сад̇д̇аахамад̇д̇ам̣ д̇идтанд̇и, гзжи ад̣̇д̇хамаасам̣, гзжи маасам̣, габбам̣ д̇идтамаанааби ад̇т̇иязва.
Tattha sammāsambuddhena manussānaṃ devānañca āyuṃ paricchindamānena catūsu apāyesu bhummadevesu ca āyu paricchinnaṃ taṃ kasmāti? Niraye tāva kammameva pamāṇaṃ. Yāva kammaṃ na khīyati, na tāva cavanti. Tathā sesaapāyesu. Bhummadevānampi kammameva pamāṇaṃ. Tattha nibbattā hi keci sattāhamattaṃ tiṭṭhanti, keci addhamāsaṃ, keci māsaṃ, kappaṃ tiṭṭhamānāpi atthiyeva.
д̇ад̇т̇а мануссзсу г̇ихибхаавз тид̇ааязва сод̇аабаннааби хонд̇и, сагад̣̇ааг̇аамипаламби анааг̇аамипаламби арахад̇д̇апаламби баабун̣анд̇и. д̇зсу сод̇аабаннаад̣̇аяо яааваж̇ийвам̣ д̇идтанд̇и. кийн̣аасаваа бана бариниб̣б̣ааяанд̇и ваа баб̣б̣аж̇анд̇и ваа. гасмаа? арахад̇д̇ам̣ наама сздтаг̇ун̣о, г̇ихилин̇г̇ам̣ хийнам̣, д̇ам̣ хийнад̇ааяа уд̇д̇амам̣ г̇ун̣ам̣ д̇хаарзд̇ум̣ на саггод̇и. д̇асмаа д̇з бариниб̣б̣аад̇угаамаа ваа баб̣б̣аж̇ид̇угаамаа ваа хонд̇и.
Tattha manussesu gihibhāve ṭhitāyeva sotāpannāpi honti, sakadāgāmiphalampi anāgāmiphalampi arahattaphalampi pāpuṇanti. Tesu sotāpannādayo yāvajīvaṃ tiṭṭhanti. Khīṇāsavā pana parinibbāyanti vā pabbajanti vā. Kasmā? Arahattaṃ nāma seṭṭhaguṇo, gihiliṅgaṃ hīnaṃ, taṃ hīnatāya uttamaṃ guṇaṃ dhāretuṃ na sakkoti. Tasmā te parinibbātukāmā vā pabbajitukāmā vā honti.
бхуммад̣̇зваа бана арахад̇д̇ам̣ бад̇вааби яааваж̇ийвам̣ д̇идтанд̇и. часу гаамааважарад̣̇звзсу сод̇аабаннасагад̣̇ааг̇аамино яааваж̇ийвам̣ д̇идтанд̇и; анааг̇ааминаа руубабхавам̣ г̇анд̇ум̣ ваддад̇и, кийн̣аасавзна бариниб̣б̣аад̇ум̣. гасмаа ? нилийяаногаасасса абхааваа. руубааважарааруубааважарзсу саб̣б̣зби яааваж̇ийвам̣ д̇идтанд̇и. д̇ад̇т̇а руубааважарз ниб̣б̣ад̇д̇аа сод̇аабаннасагад̣̇ааг̇аамино на буна ид̇хааг̇ажчанд̇и, д̇ад̇т̇зва бариниб̣б̣ааяанд̇и. зд̇з хи жхаанаанааг̇аамино наама.
Bhummadevā pana arahattaṃ patvāpi yāvajīvaṃ tiṭṭhanti. Chasu kāmāvacaradevesu sotāpannasakadāgāmino yāvajīvaṃ tiṭṭhanti; anāgāminā rūpabhavaṃ gantuṃ vaṭṭati, khīṇāsavena parinibbātuṃ. Kasmā ? Nilīyanokāsassa abhāvā. Rūpāvacarārūpāvacaresu sabbepi yāvajīvaṃ tiṭṭhanti. Tattha rūpāvacare nibbattā sotāpannasakadāgāmino na puna idhāgacchanti, tattheva parinibbāyanti. Ete hi jhānaanāgāmino nāma.
адтасамаабад̇д̇илаабхийнам̣ бана гим̣ нияамзд̇и? баг̇ун̣аж̇жхаанам̣. яад̣̇звасса баг̇ун̣ам̣ ход̇и, д̇зна уббаж̇ж̇ад̇и. саб̣б̣зсу бана баг̇ун̣зсу гим̣ нияамзд̇и? бад̇т̇анаа. яад̇т̇а убабад̇д̇им̣ бад̇т̇зд̇и д̇ад̇т̇зва убабаж̇ж̇ад̇и. бад̇т̇анааяа асад̇и гим̣ нияамзд̇и? маран̣асамаяз самаабаннаа самаабад̇д̇и. маран̣асамаяз самаабаннаа над̇т̇и, гим̣ нияамзд̇и? нзвасан̃н̃аанаасан̃н̃ааяад̇анасамаабад̇д̇и. згам̣сзна хи со нзвасан̃н̃аанаасан̃н̃ааяад̇анз убабаж̇ж̇ад̇и. навасу б̣рахмалогзсу ниб̣б̣ад̇д̇аарияасаавагаанам̣ д̇ад̇руубабад̇д̇иби ход̇и убаруубабад̇д̇иби на хздтуубабад̇д̇и. бут̇уж̇ж̇анаанам̣ бана д̇ад̇руубабад̇д̇иби ход̇и убаруубабад̇д̇иби хздтуубабад̇д̇иби. бан̃жасу суд̣̇д̇хааваасзсу жад̇уусу жа аруубзсу арияасаавагаанам̣ д̇ад̇руубабад̇д̇иби ход̇и убаруубабад̇д̇иби. батамаж̇жхаанабхуумияам̣ ниб̣б̣ад̇д̇о анааг̇аамий нава б̣рахмалогз сод̇хзд̇ваа мад̇т̇агз тид̇о бариниб̣б̣аад̇и. взхабпалаа, аганидтаа, нзвасан̃н̃аанаасан̃н̃ааяад̇ананд̇и имз д̇аяо д̣̇звалогаа сздтабхаваа наама. имзсу д̇ийсу таанзсу ниб̣б̣ад̇д̇аанааг̇аамино нзва уд̣̇д̇хам̣ г̇ажчанд̇и, на ад̇хо, д̇ад̇т̇а д̇ад̇т̇зва бариниб̣б̣ааяанд̇ийд̇и. ид̣̇амзд̇т̇а багин̣н̣агам̣.
Aṭṭhasamāpattilābhīnaṃ pana kiṃ niyameti? Paguṇajjhānaṃ. Yadevassa paguṇaṃ hoti, tena uppajjati. Sabbesu pana paguṇesu kiṃ niyameti? Patthanā. Yattha upapattiṃ pattheti tattheva upapajjati. Patthanāya asati kiṃ niyameti? Maraṇasamaye samāpannā samāpatti. Maraṇasamaye samāpannā natthi, kiṃ niyameti? Nevasaññānāsaññāyatanasamāpatti. Ekaṃsena hi so nevasaññānāsaññāyatane upapajjati. Navasu brahmalokesu nibbattaariyasāvakānaṃ tatrūpapattipi hoti uparūpapattipi na heṭṭhūpapatti. Puthujjanānaṃ pana tatrūpapattipi hoti uparūpapattipi heṭṭhūpapattipi. Pañcasu suddhāvāsesu catūsu ca arūpesu ariyasāvakānaṃ tatrūpapattipi hoti uparūpapattipi. Paṭhamajjhānabhūmiyaṃ nibbatto anāgāmī nava brahmaloke sodhetvā matthake ṭhito parinibbāti. Vehapphalā, akaniṭṭhā, nevasaññānāsaññāyatananti ime tayo devalokā seṭṭhabhavā nāma. Imesu tīsu ṭhānesu nibbattaanāgāmino neva uddhaṃ gacchanti, na adho, tattha tattheva parinibbāyantīti. Idamettha pakiṇṇakaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 18. д̇хаммахад̣̇аяавибхан̇г̇о • 18. Dhammahadayavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 18. д̇хаммахад̣̇аяавибхан̇г̇о • 18. Dhammahadayavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 18. д̇хаммахад̣̇аяавибхан̇г̇о • 18. Dhammahadayavibhaṅgo
