| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. உப்பாத³ஸுத்தங்
9. Uppādasuttaṃ
30. ஸாவத்தி²னிதா³னங். ‘‘யோ, பி⁴க்க²வே, ரூபஸ்ஸ உப்பாதோ³ டி²தி அபி⁴னிப்³ப³த்தி பாதுபா⁴வோ , து³க்க²ஸ்ஸேஸோ உப்பாதோ³ ரோகா³னங் டி²தி ஜராமரணஸ்ஸ பாதுபா⁴வோ. யோ வேத³னாய…பே॰… யோ ஸஞ்ஞாய…பே॰… யோ ஸங்கா²ரானங்…பே॰… யோ விஞ்ஞாணஸ்ஸ உப்பாதோ³ டி²தி அபி⁴னிப்³ப³த்தி பாதுபா⁴வோ, து³க்க²ஸ்ஸேஸோ உப்பாதோ³ ரோகா³னங் டி²தி ஜராமரணஸ்ஸ பாதுபா⁴வோ. யோ ச கோ², பி⁴க்க²வே, ரூபஸ்ஸ நிரோதோ⁴ வூபஸமோ அத்த²ங்க³மோ, து³க்க²ஸ்ஸேஸோ நிரோதோ⁴ ரோகா³னங் வூபஸமோ ஜராமரணஸ்ஸ அத்த²ங்க³மோ. யோ வேத³னாய …பே॰… யோ ஸஞ்ஞாய… யோ ஸங்கா²ரானங்… யோ விஞ்ஞாணஸ்ஸ நிரோதோ⁴ வூபஸமோ அத்த²ங்க³மோ, து³க்க²ஸ்ஸேஸோ நிரோதோ⁴ ரோகா³னங் வூபஸமோ ஜராமரணஸ்ஸ அத்த²ங்க³மோ’’தி. நவமங்.
30. Sāvatthinidānaṃ. ‘‘Yo, bhikkhave, rūpassa uppādo ṭhiti abhinibbatti pātubhāvo , dukkhasseso uppādo rogānaṃ ṭhiti jarāmaraṇassa pātubhāvo. Yo vedanāya…pe… yo saññāya…pe… yo saṅkhārānaṃ…pe… yo viññāṇassa uppādo ṭhiti abhinibbatti pātubhāvo, dukkhasseso uppādo rogānaṃ ṭhiti jarāmaraṇassa pātubhāvo. Yo ca kho, bhikkhave, rūpassa nirodho vūpasamo atthaṅgamo, dukkhasseso nirodho rogānaṃ vūpasamo jarāmaraṇassa atthaṅgamo. Yo vedanāya …pe… yo saññāya… yo saṅkhārānaṃ… yo viññāṇassa nirodho vūpasamo atthaṅgamo, dukkhasseso nirodho rogānaṃ vūpasamo jarāmaraṇassa atthaṅgamo’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-9. ச²ந்த³ராக³ஸுத்தாதி³வண்ணனா • 4-9. Chandarāgasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-9. ச²ந்த³ராக³ஸுத்தாதி³வண்ணனா • 4-9. Chandarāgasuttādivaṇṇanā
