| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
4. уббаад̣̇аасуд̇д̇аван̣н̣анаа
4. Uppādāsuttavaṇṇanā
137. жад̇уд̇т̇з уббаад̣̇аа ваа д̇ат̇ааг̇ад̇аананд̇и д̇ат̇ааг̇ад̇аанам̣ уббаад̣̇зби взнзяяабуг̇г̇алаанам̣ маг̇г̇апалуббад̇д̇и вияа сан̇каараанам̣ анижжаад̣̇исабхааво на д̇ат̇ааг̇ад̇уббаад̣̇ааяад̇д̇о, ат̇а ко д̇ат̇ааг̇ад̇аанам̣ уббаад̣̇зби ануббаад̣̇зби ход̇имзваад̇и вуд̇д̇ам̣ ход̇и. тид̇аава саа д̇хаад̇ууд̇и тид̇о зва со анижжасабхааво б̣яабхижаараабхаавад̇о на гад̣̇аажи сан̇каараа анижжаа на ход̇и. гаамам̣ асан̇кад̇аа вияа д̇хаад̇у на нижжо со сабхааво, д̇ат̇ааби саб̣б̣агаалигоязваад̇и ад̇хиббааяо.
137. Catutthe uppādā vā tathāgatānanti tathāgatānaṃ uppādepi veneyyapuggalānaṃ maggaphaluppatti viya saṅkhārānaṃ aniccādisabhāvo na tathāgatuppādāyatto, atha kho tathāgatānaṃ uppādepi anuppādepi hotimevāti vuttaṃ hoti. Ṭhitāva sā dhātūti ṭhito eva so aniccasabhāvo byabhicārābhāvato na kadāci saṅkhārā aniccā na hoti. Kāmaṃ asaṅkhatā viya dhātu na nicco so sabhāvo, tathāpi sabbakālikoyevāti adhippāyo.
абаро наяо – тид̇аава саа д̇хаад̇ууд̇и ‘‘саб̣б̣з сан̇каараа анижжаа’’д̇и зсаа д̇хаад̇у зса сабхааво д̇ат̇ааг̇ад̇аанам̣ уббаад̣̇ад̇о буб̣б̣з уд̣̇д̇хан̃жа аббадивиж̇жхияамаано на д̇ат̇ааг̇ад̇зхи уббаад̣̇ид̇о, ат̇а ко саб̣б̣агаалам̣ саб̣б̣з сан̇каараа анижжаа, тид̇аава саа д̇хаад̇у, гзвалам̣ бана саяамбхун̃аан̣зна абхисамб̣уж̇жханад̇о ‘‘аяам̣ д̇хаммо д̇ат̇ааг̇ад̇зна абхисамб̣уд̣̇д̇хо’’д̇и бавзд̣̇анад̇о жа д̇ат̇ааг̇ад̇о д̇хаммассаамийд̇и вужжад̇и абуб̣б̣асса д̇асса уббаад̣̇анад̇о. д̇зна вуд̇д̇ам̣ ‘‘тид̇аава саа д̇хаад̇уу’’д̇и.
Aparo nayo – ṭhitāva sā dhātūti ‘‘sabbe saṅkhārā aniccā’’ti esā dhātu esa sabhāvo tathāgatānaṃ uppādato pubbe uddhañca appaṭivijjhiyamāno na tathāgatehi uppādito, atha kho sabbakālaṃ sabbe saṅkhārā aniccā, ṭhitāva sā dhātu, kevalaṃ pana sayambhuñāṇena abhisambujjhanato ‘‘ayaṃ dhammo tathāgatena abhisambuddho’’ti pavedanato ca tathāgato dhammassāmīti vuccati apubbassa tassa uppādanato. Tena vuttaṃ ‘‘ṭhitāva sā dhātū’’ti.
абхисамб̣уж̇жхад̇ийд̇и н̃аан̣зна абхисамб̣уж̇жхад̇и. абхисамзд̇ийд̇и н̃аан̣зна абхисамааг̇ажчад̇и. аажигкад̇ийд̇и гат̇зд̇и. д̣̇зсзд̇ийд̇и д̣̇ассзд̇и. бан̃н̃аабзд̇ийд̇и ж̇аанаабзд̇и. бадтабзд̇ийд̇и н̃аан̣амукз табзд̇и. виварад̇ийд̇и виварид̇ваа д̣̇ассзд̇и. вибхаж̇ад̇ийд̇и вибхааг̇ад̇о д̣̇ассзд̇и. уд̇д̇аанийгарод̇ийд̇и баагадам̣ гарод̇и.
Abhisambujjhatīti ñāṇena abhisambujjhati. Abhisametīti ñāṇena abhisamāgacchati. Ācikkhatīti katheti. Desetīti dasseti. Paññāpetīti jānāpeti. Paṭṭhapetīti ñāṇamukhe ṭhapeti. Vivaratīti vivaritvā dasseti. Vibhajatīti vibhāgato dasseti. Uttānīkarotīti pākaṭaṃ karoti.
ат̇а ваа абхисамб̣уж̇жхад̇ийд̇и бажжагкагаран̣зна абхимукам̣ б̣уж̇жхад̇и, яаат̇аавад̇о бадивиж̇жхад̇и. д̇ад̇о зва абхисамзд̇и абхимукам̣ самааг̇ажчад̇и. аад̣̇ид̇о гат̇знд̇о аажигкад̇и, уд̣̇д̣̇исад̇ийд̇и ад̇т̇о. д̇амзва уд̣̇д̣̇зсам̣ барияосаабзнд̇о д̣̇зсзд̇и. яат̇аауд̣̇д̣̇идтамад̇т̇ам̣ нид̣̇ассанавасзна багаарзхи н̃аабзнд̇о бан̃н̃аабзд̇и. багаарзхи зд̇амад̇т̇ам̣ бад̇идтабзнд̇о бадтабзд̇и. яат̇аауд̣̇д̣̇идтам̣ бадинид̣̇ассанавасзна виварад̇и вибхаж̇ад̇и. вивадам̣ вибхад̇д̇ан̃жа ад̇т̇ам̣ хзд̇ууд̣̇аахаран̣ад̣̇ассанзхи баагадам̣ гаронд̇о уд̇д̇аанийгарод̇и.
Atha vā abhisambujjhatīti paccakkhakaraṇena abhimukhaṃ bujjhati, yāthāvato paṭivijjhati. Tato eva abhisameti abhimukhaṃ samāgacchati. Ādito kathento ācikkhati, uddisatīti attho. Tameva uddesaṃ pariyosāpento deseti. Yathāuddiṭṭhamatthaṃ nidassanavasena pakārehi ñāpento paññāpeti. Pakārehi etamatthaṃ patiṭṭhapento paṭṭhapeti. Yathāuddiṭṭhaṃ paṭinidassanavasena vivarati vibhajati. Vivaṭaṃ vibhattañca atthaṃ hetūdāharaṇadassanehi pākaṭaṃ karonto uttānīkaroti.
уббаад̣̇аасуд̇д̇аван̣н̣анаа нидтид̇аа.
Uppādāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. уббаад̣̇аасуд̇д̇ам̣ • 4. Uppādāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. уббаад̣̇аасуд̇д̇аван̣н̣анаа • 4. Uppādāsuttavaṇṇanā
