| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੪. ਉਪ੍ਪਾਦਾਸੁਤ੍ਤવਣ੍ਣਨਾ
4. Uppādāsuttavaṇṇanā
੧੩੭. ਚਤੁਤ੍ਥੇ ਉਪ੍ਪਾਦਾ વਾ ਤਥਾਗਤਾਨਨ੍ਤਿ ਤਥਾਗਤਾਨਂ ਉਪ੍ਪਾਦੇਪਿ વੇਨੇਯ੍ਯਪੁਗ੍ਗਲਾਨਂ ਮਗ੍ਗਫਲੁਪ੍ਪਤ੍ਤਿ વਿਯ ਸਙ੍ਖਾਰਾਨਂ ਅਨਿਚ੍ਚਾਦਿਸਭਾવੋ ਨ ਤਥਾਗਤੁਪ੍ਪਾਦਾਯਤ੍ਤੋ, ਅਥ ਖੋ ਤਥਾਗਤਾਨਂ ਉਪ੍ਪਾਦੇਪਿ ਅਨੁਪ੍ਪਾਦੇਪਿ ਹੋਤਿਮੇવਾਤਿ વੁਤ੍ਤਂ ਹੋਤਿ। ਠਿਤਾવ ਸਾ ਧਾਤੂਤਿ ਠਿਤੋ ਏવ ਸੋ ਅਨਿਚ੍ਚਸਭਾવੋ ਬ੍ਯਭਿਚਾਰਾਭਾવਤੋ ਨ ਕਦਾਚਿ ਸਙ੍ਖਾਰਾ ਅਨਿਚ੍ਚਾ ਨ ਹੋਤਿ। ਕਾਮਂ ਅਸਙ੍ਖਤਾ વਿਯ ਧਾਤੁ ਨ ਨਿਚ੍ਚੋ ਸੋ ਸਭਾવੋ, ਤਥਾਪਿ ਸਬ੍ਬਕਾਲਿਕੋਯੇવਾਤਿ ਅਧਿਪ੍ਪਾਯੋ।
137. Catutthe uppādā vā tathāgatānanti tathāgatānaṃ uppādepi veneyyapuggalānaṃ maggaphaluppatti viya saṅkhārānaṃ aniccādisabhāvo na tathāgatuppādāyatto, atha kho tathāgatānaṃ uppādepi anuppādepi hotimevāti vuttaṃ hoti. Ṭhitāva sā dhātūti ṭhito eva so aniccasabhāvo byabhicārābhāvato na kadāci saṅkhārā aniccā na hoti. Kāmaṃ asaṅkhatā viya dhātu na nicco so sabhāvo, tathāpi sabbakālikoyevāti adhippāyo.
ਅਪਰੋ ਨਯੋ – ਠਿਤਾવ ਸਾ ਧਾਤੂਤਿ ‘‘ਸਬ੍ਬੇ ਸਙ੍ਖਾਰਾ ਅਨਿਚ੍ਚਾ’’ਤਿ ਏਸਾ ਧਾਤੁ ਏਸ ਸਭਾવੋ ਤਥਾਗਤਾਨਂ ਉਪ੍ਪਾਦਤੋ ਪੁਬ੍ਬੇ ਉਦ੍ਧਞ੍ਚ ਅਪ੍ਪਟਿવਿਜ੍ਝਿਯਮਾਨੋ ਨ ਤਥਾਗਤੇਹਿ ਉਪ੍ਪਾਦਿਤੋ, ਅਥ ਖੋ ਸਬ੍ਬਕਾਲਂ ਸਬ੍ਬੇ ਸਙ੍ਖਾਰਾ ਅਨਿਚ੍ਚਾ, ਠਿਤਾવ ਸਾ ਧਾਤੁ, ਕੇવਲਂ ਪਨ ਸਯਮ੍ਭੁਞਾਣੇਨ ਅਭਿਸਮ੍ਬੁਜ੍ਝਨਤੋ ‘‘ਅਯਂ ਧਮ੍ਮੋ ਤਥਾਗਤੇਨ ਅਭਿਸਮ੍ਬੁਦ੍ਧੋ’’ਤਿ ਪવੇਦਨਤੋ ਚ ਤਥਾਗਤੋ ਧਮ੍ਮਸ੍ਸਾਮੀਤਿ વੁਚ੍ਚਤਿ ਅਪੁਬ੍ਬਸ੍ਸ ਤਸ੍ਸ ਉਪ੍ਪਾਦਨਤੋ। ਤੇਨ વੁਤ੍ਤਂ ‘‘ਠਿਤਾવ ਸਾ ਧਾਤੂ’’ਤਿ।
Aparo nayo – ṭhitāva sā dhātūti ‘‘sabbe saṅkhārā aniccā’’ti esā dhātu esa sabhāvo tathāgatānaṃ uppādato pubbe uddhañca appaṭivijjhiyamāno na tathāgatehi uppādito, atha kho sabbakālaṃ sabbe saṅkhārā aniccā, ṭhitāva sā dhātu, kevalaṃ pana sayambhuñāṇena abhisambujjhanato ‘‘ayaṃ dhammo tathāgatena abhisambuddho’’ti pavedanato ca tathāgato dhammassāmīti vuccati apubbassa tassa uppādanato. Tena vuttaṃ ‘‘ṭhitāva sā dhātū’’ti.
ਅਭਿਸਮ੍ਬੁਜ੍ਝਤੀਤਿ ਞਾਣੇਨ ਅਭਿਸਮ੍ਬੁਜ੍ਝਤਿ। ਅਭਿਸਮੇਤੀਤਿ ਞਾਣੇਨ ਅਭਿਸਮਾਗਚ੍ਛਤਿ। ਆਚਿਕ੍ਖਤੀਤਿ ਕਥੇਤਿ। ਦੇਸੇਤੀਤਿ ਦਸ੍ਸੇਤਿ। ਪਞ੍ਞਾਪੇਤੀਤਿ ਜਾਨਾਪੇਤਿ। ਪਟ੍ਠਪੇਤੀਤਿ ਞਾਣਮੁਖੇ ਠਪੇਤਿ। વਿવਰਤੀਤਿ વਿવਰਿਤ੍વਾ ਦਸ੍ਸੇਤਿ। વਿਭਜਤੀਤਿ વਿਭਾਗਤੋ ਦਸ੍ਸੇਤਿ। ਉਤ੍ਤਾਨੀਕਰੋਤੀਤਿ ਪਾਕਟਂ ਕਰੋਤਿ।
Abhisambujjhatīti ñāṇena abhisambujjhati. Abhisametīti ñāṇena abhisamāgacchati. Ācikkhatīti katheti. Desetīti dasseti. Paññāpetīti jānāpeti. Paṭṭhapetīti ñāṇamukhe ṭhapeti. Vivaratīti vivaritvā dasseti. Vibhajatīti vibhāgato dasseti. Uttānīkarotīti pākaṭaṃ karoti.
ਅਥ વਾ ਅਭਿਸਮ੍ਬੁਜ੍ਝਤੀਤਿ ਪਚ੍ਚਕ੍ਖਕਰਣੇਨ ਅਭਿਮੁਖਂ ਬੁਜ੍ਝਤਿ, ਯਾਥਾવਤੋ ਪਟਿવਿਜ੍ਝਤਿ। ਤਤੋ ਏવ ਅਭਿਸਮੇਤਿ ਅਭਿਮੁਖਂ ਸਮਾਗਚ੍ਛਤਿ। ਆਦਿਤੋ ਕਥੇਨ੍ਤੋ ਆਚਿਕ੍ਖਤਿ, ਉਦ੍ਦਿਸਤੀਤਿ ਅਤ੍ਥੋ। ਤਮੇવ ਉਦ੍ਦੇਸਂ ਪਰਿਯੋਸਾਪੇਨ੍ਤੋ ਦੇਸੇਤਿ। ਯਥਾਉਦ੍ਦਿਟ੍ਠਮਤ੍ਥਂ ਨਿਦਸ੍ਸਨવਸੇਨ ਪਕਾਰੇਹਿ ਞਾਪੇਨ੍ਤੋ ਪਞ੍ਞਾਪੇਤਿ। ਪਕਾਰੇਹਿ ਏਤਮਤ੍ਥਂ ਪਤਿਟ੍ਠਪੇਨ੍ਤੋ ਪਟ੍ਠਪੇਤਿ। ਯਥਾਉਦ੍ਦਿਟ੍ਠਂ ਪਟਿਨਿਦਸ੍ਸਨવਸੇਨ વਿવਰਤਿ વਿਭਜਤਿ। વਿવਟਂ વਿਭਤ੍ਤਞ੍ਚ ਅਤ੍ਥਂ ਹੇਤੂਦਾਹਰਣਦਸ੍ਸਨੇਹਿ ਪਾਕਟਂ ਕਰੋਨ੍ਤੋ ਉਤ੍ਤਾਨੀਕਰੋਤਿ।
Atha vā abhisambujjhatīti paccakkhakaraṇena abhimukhaṃ bujjhati, yāthāvato paṭivijjhati. Tato eva abhisameti abhimukhaṃ samāgacchati. Ādito kathento ācikkhati, uddisatīti attho. Tameva uddesaṃ pariyosāpento deseti. Yathāuddiṭṭhamatthaṃ nidassanavasena pakārehi ñāpento paññāpeti. Pakārehi etamatthaṃ patiṭṭhapento paṭṭhapeti. Yathāuddiṭṭhaṃ paṭinidassanavasena vivarati vibhajati. Vivaṭaṃ vibhattañca atthaṃ hetūdāharaṇadassanehi pākaṭaṃ karonto uttānīkaroti.
ਉਪ੍ਪਾਦਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Uppādāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਉਪ੍ਪਾਦਾਸੁਤ੍ਤਂ • 4. Uppādāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਉਪ੍ਪਾਦਾਸੁਤ੍ਤવਣ੍ਣਨਾ • 4. Uppādāsuttavaṇṇanā
