| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
10. уббаж̇ж̇анд̇исуд̇д̇аван̣н̣анаа
10. Uppajjantisuttavaṇṇanā
60. д̣̇асамз яаавагийванд̇и яад̇д̇агам̣ гаалам̣. яад̇од̇и яад̣̇аа, яад̇о бадтааяа, яасмим̣ гаалзд̇и ваа ад̇т̇о. звамзд̇ам̣, аананд̣̇аад̇и, аананд̣̇а, д̇ат̇ааг̇ад̇з уббаннз д̇ат̇ааг̇ад̇асса д̇ат̇ааг̇ад̇асаавагаанам̣язва жа лаабхасаггааро абхивад̣дхад̇и, д̇ид̇т̇ияаа бана нид̇д̇зж̇аа вихад̇аббабхаа бахийналаабхасаггаараа хонд̇ийд̇и яам̣ д̇аяаа вуд̇д̇ам̣, зд̇ам̣ звам̣, на зд̇асса ан̃н̃ат̇аабхааво. жаггавад̇д̇ино хи жаггарад̇анасса баад̇убхаавзна лого жаггарад̇анам̣ мун̃жид̇ваа ан̃н̃ад̇т̇а бууж̇аасаггаарасаммаанам̣ на бавад̇д̇зд̇и, жаггарад̇анамзва бана саб̣б̣о лого саб̣б̣абхаавзхи саггарод̇и г̇арум̣ гарод̇и маанзд̇и бууж̇зд̇и. ид̇и ваддаанусаарибун̃н̃амад̇д̇аниссанд̣̇ассаби д̇аава маханд̇о аанубхааво, гиман̇г̇ам̣ бана виваддаанусаарибун̃н̃апалуубад̇т̇амбхасса ананд̇аабаримзяяаг̇ун̣аг̇ан̣аад̇хаарасса б̣уд̣̇д̇харад̇анасса д̇хаммарад̇анасса сан̇гхарад̇анасса жаад̇и д̣̇ассзд̇и.
60. Dasame yāvakīvanti yattakaṃ kālaṃ. Yatoti yadā, yato paṭṭhāya, yasmiṃ kāleti vā attho. Evametaṃ, ānandāti, ānanda, tathāgate uppanne tathāgatassa tathāgatasāvakānaṃyeva ca lābhasakkāro abhivaḍḍhati, titthiyā pana nittejā vihatappabhā pahīnalābhasakkārā hontīti yaṃ tayā vuttaṃ, etaṃ evaṃ, na etassa aññathābhāvo. Cakkavattino hi cakkaratanassa pātubhāvena loko cakkaratanaṃ muñcitvā aññattha pūjāsakkārasammānaṃ na pavatteti, cakkaratanameva pana sabbo loko sabbabhāvehi sakkaroti garuṃ karoti māneti pūjeti. Iti vaṭṭānusāripuññamattanissandassapi tāva mahanto ānubhāvo, kimaṅgaṃ pana vivaṭṭānusāripuññaphalūpatthambhassa anantāparimeyyaguṇagaṇādhārassa buddharatanassa dhammaratanassa saṅgharatanassa cāti dasseti.
бхаг̇аваа хи саммаасамб̣од̇хим̣ бад̇ваа бавад̇д̇аварад̇хаммажагго ануггамзна логз згасадтияаа араханд̇зсу ж̇аад̇зсу садти араханд̇з ж̇анабад̣̇ажааригааяа виссаж̇ж̇зд̇ваа урувзлам̣ бад̇ваа урувзлагассабаббамукз сахассаж̇адилз арахад̇д̇з бад̇идтаабзд̇ваа д̇зхи баривуд̇о ладтивануяяаанз нисийд̣̇ид̇ваа б̣имб̣исаараббамукаанам̣ ан̇г̇амаг̇ад̇хаваасийнам̣ д̣̇ваад̣̇аса нахуд̇аани саасанз од̇аарзд̇ваа яад̣̇аа рааж̇аг̇ахз вихааси, д̇ад̇о бадтааяа бхаг̇авад̇о бхигкусан̇гхасса жа яат̇аа яат̇аа убаруубари ул̣ааралаабхасаггааро абхивад̣дхад̇и, д̇ат̇аа д̇ат̇аа саб̣б̣ад̇ид̇т̇ияаанам̣ лаабхасаггааро барихааяи зва.
Bhagavā hi sammāsambodhiṃ patvā pavattavaradhammacakko anukkamena loke ekasaṭṭhiyā arahantesu jātesu saṭṭhi arahante janapadacārikāya vissajjetvā uruvelaṃ patvā uruvelakassapappamukhe sahassajaṭile arahatte patiṭṭhāpetvā tehi parivuto laṭṭhivanuyyāne nisīditvā bimbisārappamukhānaṃ aṅgamagadhavāsīnaṃ dvādasa nahutāni sāsane otāretvā yadā rājagahe vihāsi, tato paṭṭhāya bhagavato bhikkhusaṅghassa ca yathā yathā uparūpari uḷāralābhasakkāro abhivaḍḍhati, tathā tathā sabbatitthiyānaṃ lābhasakkāro parihāyi eva.
ат̇згад̣̇ивасам̣ ааяасмаа аананд̣̇о д̣̇иваадтаанз нисинно бхаг̇авад̇о жа арияасан̇гхасса жа саммаабадибад̇д̇им̣ бажжавзгкид̇ваа бийд̇исоманассаж̇аад̇о ‘‘гат̇ам̣ ну ко д̇ид̇т̇ияаана’’нд̇и д̇зсам̣ бадибад̇д̇им̣ ааваж̇ж̇зси. ат̇асса нзсам̣ саб̣б̣ат̇ааби д̣̇уббадибад̇д̇иязва убадтааси. со ‘‘звам̣махаанубхаавз наама бун̃н̃уубаниссаяасса д̇хаммаануд̇хаммаббадибад̇д̇ияаа жа уггам̣сабаарамиббад̇д̇з бхаг̇авад̇и, арияасан̇гхз жа д̇харанд̇з гат̇ам̣ имз ан̃н̃ад̇ид̇т̇ияаа звам̣ д̣̇уббадибаннаа агад̇абун̃н̃аа вараагаа лаабхино саггад̇аа бхависсанд̇ий’’д̇и д̇ид̇т̇ияаанам̣ лаабхасаггаарахааним̣ ниссааяа гаарун̃н̃ам̣ уббаад̣̇зд̇ваа ат̇а ад̇д̇ано баривид̇аггам̣ ‘‘яаавагийван̃жа, бханд̇з’’д̇иаад̣̇инаа бхаг̇авад̇о аарожзси. бхаг̇аваа жа д̇ам̣, ‘‘аананд̣̇а, д̇аяаа мижчаа баривид̇аггид̇а’’нд̇и авад̇ваа суван̣н̣аалин̇г̇асад̣̇исам̣ г̇ийвам̣ уннаамзд̇ваа субубпид̇асад̇абад̇д̇асассиригам̣ махаамукам̣ абхиббасаннад̇арам̣ гад̇ваа ‘‘звамзд̇ам̣, аананд̣̇аа’’д̇и самбахам̣сид̇ваа ‘‘яаавагийван̃жаа’’д̇иаад̣̇инаа д̇асса важанам̣ бажжанумод̣̇и. д̇зна вуд̇д̇ам̣ – ‘‘ат̇а ко ааяасмаа аананд̣̇о…бз… бхигкусан̇гхо жаа’’д̇и. ат̇а бхаг̇аваа д̇ассам̣ адтуббад̇д̇ияам̣ ад̇ийд̇зби маяи ануббаннз згажжз нийжаж̇анаа саммаанам̣ лабхид̇ваа мама уббаад̣̇ад̇о бадтааяа хад̇алаабхасаггаараа ахзсунд̇и б̣аавзруж̇аад̇агам̣ (ж̇аа. 1.4.153 аад̣̇аяо) гат̇зси.
Athekadivasaṃ āyasmā ānando divāṭṭhāne nisinno bhagavato ca ariyasaṅghassa ca sammāpaṭipattiṃ paccavekkhitvā pītisomanassajāto ‘‘kathaṃ nu kho titthiyāna’’nti tesaṃ paṭipattiṃ āvajjesi. Athassa nesaṃ sabbathāpi duppaṭipattiyeva upaṭṭhāsi. So ‘‘evaṃmahānubhāve nāma puññūpanissayassa dhammānudhammappaṭipattiyā ca ukkaṃsapāramippatte bhagavati, ariyasaṅghe ca dharante kathaṃ ime aññatitthiyā evaṃ duppaṭipannā akatapuññā varākā lābhino sakkatā bhavissantī’’ti titthiyānaṃ lābhasakkārahāniṃ nissāya kāruññaṃ uppādetvā atha attano parivitakkaṃ ‘‘yāvakīvañca, bhante’’tiādinā bhagavato ārocesi. Bhagavā ca taṃ, ‘‘ānanda, tayā micchā parivitakkita’’nti avatvā suvaṇṇāliṅgasadisaṃ gīvaṃ unnāmetvā supupphitasatapattasassirikaṃ mahāmukhaṃ abhippasannataraṃ katvā ‘‘evametaṃ, ānandā’’ti sampahaṃsitvā ‘‘yāvakīvañcā’’tiādinā tassa vacanaṃ paccanumodi. Tena vuttaṃ – ‘‘atha kho āyasmā ānando…pe… bhikkhusaṅgho cā’’ti. Atha bhagavā tassaṃ aṭṭhuppattiyaṃ atītepi mayi anuppanne ekacce nīcajanā sammānaṃ labhitvā mama uppādato paṭṭhāya hatalābhasakkārā ahesunti bāverujātakaṃ (jā. 1.4.153 ādayo) kathesi.
зд̇амад̇т̇ам̣ вид̣̇ид̇ваад̇и д̣̇идтиг̇ад̇игаанам̣ д̇аава саггаарасаммаано яаава на саммаасамб̣уд̣̇д̇хаа логз уббаж̇ж̇анд̇и, д̇зсам̣ бана уббаад̣̇ад̇о бадтааяа д̇з хад̇алаабхасаггаараа ниббабхаа нид̇д̇зж̇аава хонд̇и, д̣̇уббадибад̇д̇ияаа д̣̇угкад̇о жа на мужжанд̇ийд̇и зд̇амад̇т̇ам̣ саб̣б̣аагаарад̇о вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
Etamatthaṃviditvāti diṭṭhigatikānaṃ tāva sakkārasammāno yāva na sammāsambuddhā loke uppajjanti, tesaṃ pana uppādato paṭṭhāya te hatalābhasakkārā nippabhā nittejāva honti, duppaṭipattiyā dukkhato ca na muccantīti etamatthaṃ sabbākārato viditvā tadatthadīpanaṃ imaṃ udānaṃ udānesi.
д̇ад̇т̇а обхаасад̇и д̇аава со гимийд̇и со каж̇ж̇уубанагагими д̇аавад̣̇зва обхаасад̇и ж̇од̇ад̇и д̣̇иб̣б̣ад̇и. яаава на уннамад̇з бабхан̇гарод̇и д̇ийсуби махаад̣̇ийбзсу згагкан̣з аалогагаран̣зна ‘‘бабхан̇гаро’’д̇и лад̣̇д̇ханаамо суурияо яаава на уг̇г̇амад̇и на уд̣̇зд̇и. ануг̇г̇ад̇з хи суурияз лад̣̇д̇хогаасаа каж̇ж̇уубанагаа вибаривад̇д̇амаанааби ган̣дагапаласад̣̇исаа д̇амаси виж̇ж̇од̇анд̇и. са взрожанамхи уг̇г̇ад̇з, хад̇аббабхо ход̇и на жааби бхаасад̇ийд̇и саманд̇ад̇о анд̇хагаарам̣ вид̇хамид̇ваа гиран̣асахассзна вирожанасабхаавад̇ааяа взрожананаамагз аад̣̇ижжз удтид̇з со каж̇ж̇уубанаго хад̇аббабхо нид̇д̇зж̇о гаал̣аго ход̇и, рад̇д̇анд̇хагаарз вияа на бхаасад̇и на д̣̇иб̣б̣ад̇и.
Tattha obhāsati tāva so kimīti so khajjūpanakakimi tāvadeva obhāsati jotati dibbati. Yāva na unnamate pabhaṅkaroti tīsupi mahādīpesu ekakkhaṇe ālokakaraṇena ‘‘pabhaṅkaro’’ti laddhanāmo sūriyo yāva na uggamati na udeti. Anuggate hi sūriye laddhokāsā khajjūpanakā viparivattamānāpi kaṇṭakaphalasadisā tamasi vijjotanti. Sa verocanamhi uggate, hatappabho hoti na cāpi bhāsatīti samantato andhakāraṃ vidhamitvā kiraṇasahassena virocanasabhāvatāya verocananāmake ādicce uṭṭhite so khajjūpanako hatappabho nittejo kāḷako hoti, rattandhakāre viya na bhāsati na dibbati.
звам̣ обхаасид̇амзва д̇аггигаананд̇и яат̇аа д̇зна каж̇ж̇уубанагзна суурияуг̇г̇аманад̇о бурзязва обхаасид̇ам̣ ход̇и, звам̣ д̇аггзд̇ваа вид̇аггзд̇ваа баригаббанамад̇д̇зна д̣̇идтийнам̣ г̇ахан̣ад̇о ‘‘д̇аггигаа’’д̇и лад̣̇д̇ханаамзхи д̇ид̇т̇иязхи обхаасид̇ам̣ ад̇д̇ано самаяад̇зж̇зна д̣̇ийбзд̇ваа ад̇хидтид̇ам̣ д̇аава, яаава саммаасамб̣уд̣̇д̇хаа логз нуббаж̇ж̇анд̇и. на д̇аггигаа суж̇жханд̇и на жааби саавагаад̇и яад̣̇аа бана саммаасамб̣уд̣̇д̇хаа логз уббаж̇ж̇анд̇и, д̇ад̣̇аа д̣̇идтиг̇ад̇игаа на суж̇жханд̇и на собханд̇и, на жааби д̇зсам̣ саавагаа собханд̇и, ан̃н̃ад̣̇ад̇т̇у вихад̇асобхаа рад̇д̇икид̇д̇аа вияа сараа на бан̃н̃ааяанд̇зва. ат̇а ваа яаава саммаасамб̣уд̣̇д̇хаа логз нуббаж̇ж̇анд̇и, д̇аавад̣̇зва д̇аггигаанам̣ обхаасид̇ам̣ ад̇д̇ано самаязна ж̇од̇анам̣ б̣аалалаабанам̣, на д̇ад̇о барам̣. гасмаа? яасмаа на д̇аггигаа суж̇жханд̇и, на жааби саавагаа. д̇з хи д̣̇урагкаад̇ад̇хаммавинаяаа саммаабадибад̇д̇ирахид̇аа на сам̣саарад̇о суж̇жханд̇и анияяаанигасаасанад̇д̇аа. д̇знааха ‘‘д̣̇уд̣̇д̣̇идтий на д̣̇угкаа бамужжарз’’д̇и. д̇аггигаа хи аяаат̇аавалад̣̇д̇хигад̇ааяа д̣̇уд̣̇д̣̇идтино мижчаабхинивидтад̣̇идтигаа вибарийд̇ад̣̇ассанаа д̇ам̣ д̣̇идтим̣ аниссаж̇ж̇ид̇ваа сам̣саарад̣̇угкад̇о на гад̣̇аажиби мужжанд̇ийд̇и.
Evaṃ obhāsitameva takkikānanti yathā tena khajjūpanakena sūriyuggamanato pureyeva obhāsitaṃ hoti, evaṃ takketvā vitakketvā parikappanamattena diṭṭhīnaṃ gahaṇato ‘‘takkikā’’ti laddhanāmehi titthiyehi obhāsitaṃ attano samayatejena dīpetvā adhiṭṭhitaṃ tāva, yāva sammāsambuddhā loke nuppajjanti. Na takkikā sujjhanti na cāpi sāvakāti yadā pana sammāsambuddhā loke uppajjanti, tadā diṭṭhigatikā na sujjhanti na sobhanti, na cāpi tesaṃ sāvakā sobhanti, aññadatthu vihatasobhā rattikhittā viya sarā na paññāyanteva. Atha vā yāva sammāsambuddhā loke nuppajjanti, tāvadeva takkikānaṃ obhāsitaṃ attano samayena jotanaṃ bālalāpanaṃ, na tato paraṃ. Kasmā? Yasmā na takkikā sujjhanti, na cāpi sāvakā. Te hi durakkhātadhammavinayā sammāpaṭipattirahitā na saṃsārato sujjhanti aniyyānikasāsanattā. Tenāha ‘‘duddiṭṭhī na dukkhā pamuccare’’ti. Takkikā hi ayāthāvaladdhikatāya duddiṭṭhino micchābhiniviṭṭhadiṭṭhikā viparītadassanā taṃ diṭṭhiṃ anissajjitvā saṃsāradukkhato na kadācipi muccantīti.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
нидтид̇аа жа ж̇ажжанд̇хаваг̇г̇аван̣н̣анаа.
Niṭṭhitā ca jaccandhavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 10. уббаж̇ж̇анд̇исуд̇д̇ам̣ • 10. Uppajjantisuttaṃ
