| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. уббалахад̇т̇ияад̇т̇зраабад̣̇аанаван̣н̣анаа
3. Uppalahatthiyattheraapadānavaṇṇanā
д̇иварааяам̣ ниваасийханд̇иаад̣̇игам̣ ааяасмад̇о уббалахад̇т̇агад̇т̇зрасса абад̣̇аанам̣. аяамби буримаж̇инаварзсу гад̇агусало д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз маалаагаарагулз ниб̣б̣ад̇д̇о вуд̣̇д̇химанвааяа маалаагаарагаммзна анзгаани бубпаани виггин̣анд̇о ж̇ийвад̇и. ат̇згад̣̇ивасам̣ бубпаани г̇ахзд̇ваа жаранд̇о бхаг̇аванд̇ам̣ рад̇анаг̇гхигамива жарамаанам̣ д̣̇исваа рад̇д̇уббалагалаабзна бууж̇зси. со д̇ад̇о жуд̇о д̇знзва бун̃н̃зна суг̇ад̇ийсу бун̃н̃аманубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вуд̣̇д̇химанвааяа сад̣̇д̇хааж̇аад̇о баб̣б̣аж̇ид̇ваа нажирассзва арахаа ахоси.
Tivarāyaṃ nivāsīhantiādikaṃ āyasmato uppalahatthakattherassa apadānaṃ. Ayampi purimajinavaresu katakusalo tattha tattha bhave vivaṭṭūpanissayāni puññāni upacinanto siddhatthassa bhagavato kāle mālākārakule nibbatto vuddhimanvāya mālākārakammena anekāni pupphāni vikkiṇanto jīvati. Athekadivasaṃ pupphāni gahetvā caranto bhagavantaṃ ratanagghikamiva caramānaṃ disvā rattuppalakalāpena pūjesi. So tato cuto teneva puññena sugatīsu puññamanubhavitvā imasmiṃ buddhuppāde kulagehe nibbatto vuddhimanvāya saddhājāto pabbajitvā nacirasseva arahā ahosi.
13. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о д̇иварааяам̣ ниваасийханд̇иаад̣̇имааха. д̇ад̇т̇а д̇ивараад̇и д̇ийхи ваарзхи гаарид̇ам̣ сан̃жарид̇ам̣ бадижчаннам̣ наг̇арам̣, д̇ассам̣ д̇иварааяам̣ ниваасий, васанасийло ниваасанадтаанаг̇зхз ваа васанд̇о аханд̇и ад̇т̇о. ахосим̣ маалиго д̇ад̣̇аад̇и д̇ад̣̇аа ниб̣б̣аанад̇т̇ааяа бун̃н̃асамбхаарагаран̣асамаяз маалиго маалаагаарова бубпаани гаяавиггаяам̣ гад̇ваа ж̇ийванд̇о ахосинд̇и ад̇т̇о.
13. So aparabhāge attano pubbakammaṃ saritvā somanassajāto pubbacaritāpadānaṃ pakāsento tivarāyaṃ nivāsīhantiādimāha. Tattha tivarāti tīhi vārehi kāritaṃ sañcaritaṃ paṭicchannaṃ nagaraṃ, tassaṃ tivarāyaṃ nivāsī, vasanasīlo nivāsanaṭṭhānagehe vā vasanto ahanti attho. Ahosiṃ māliko tadāti tadā nibbānatthāya puññasambhārakaraṇasamaye māliko mālākārova pupphāni kayavikkayaṃ katvā jīvanto ahosinti attho.
14. бубпахад̇т̇амад̣̇аасаханд̇и сид̣̇д̇хад̇т̇ам̣ бхаг̇аванд̇ам̣ д̣̇исваа уббалагалаабам̣ ад̣̇аасим̣ бууж̇зсинд̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
14.Pupphahatthamadāsahanti siddhatthaṃ bhagavantaṃ disvā uppalakalāpaṃ adāsiṃ pūjesinti attho. Sesaṃ sabbattha uttānatthamevāti.
уббалахад̇т̇агад̇т̇зраабад̣̇аанаван̣н̣анаа самад̇д̇аа.
Uppalahatthakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. уббалахад̇т̇ияад̇т̇зраабад̣̇аанам̣ • 3. Uppalahatthiyattheraapadānaṃ
