| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౫. ఉప్పలవణ్ణాసుత్తవణ్ణనా
5. Uppalavaṇṇāsuttavaṇṇanā
౧౬౬. పఞ్చమే సుపుప్ఫితగ్గన్తి అగ్గతో పట్ఠాయ సుట్ఠు పుప్ఫితం సాలరుక్ఖం. న చత్థి తే దుతియా వణ్ణధాతూతి తవ వణ్ణధాతుసదిసా దుతియా వణ్ణధాతు నత్థి, తయా సదిసా అఞ్ఞా భిక్ఖునీ నత్థీతి వదతి. ఇధాగతా తాదిసికా భవేయ్యున్తి యథా త్వం ఇధాగతా కిఞ్చి సన్థవం వా సినేహం వా న లభసి, ఏవమేవం తేపి తయావ సదిసా భవేయ్యుం. పఖుమన్తరికాయన్తి ద్విన్నం అక్ఖీనం మజ్ఝే నాసవంసేపి తిట్ఠన్తిం మం న పస్ససి. వసీభూతమ్హీతి వసీభూతా అస్మి. పఞ్చమం.
166. Pañcame supupphitagganti aggato paṭṭhāya suṭṭhu pupphitaṃ sālarukkhaṃ. Na catthi te dutiyā vaṇṇadhātūti tava vaṇṇadhātusadisā dutiyā vaṇṇadhātu natthi, tayā sadisā aññā bhikkhunī natthīti vadati. Idhāgatā tādisikā bhaveyyunti yathā tvaṃ idhāgatā kiñci santhavaṃ vā sinehaṃ vā na labhasi, evamevaṃ tepi tayāva sadisā bhaveyyuṃ. Pakhumantarikāyanti dvinnaṃ akkhīnaṃ majjhe nāsavaṃsepi tiṭṭhantiṃ maṃ na passasi. Vasībhūtamhīti vasībhūtā asmi. Pañcamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౫. ఉప్పలవణ్ణాసుత్తం • 5. Uppalavaṇṇāsuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౫. ఉప్పలవణ్ణాసుత్తవణ్ణనా • 5. Uppalavaṇṇāsuttavaṇṇanā
