| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៥. ឧប្បលវណ្ណាសុត្តវណ្ណនា
5. Uppalavaṇṇāsuttavaṇṇanā
១៦៦. បញ្ចមេ សុបុប្ផិតគ្គន្តិ អគ្គតោ បដ្ឋាយ សុដ្ឋុ បុប្ផិតំ សាលរុក្ខំ។ ន ចត្ថិ តេ ទុតិយា វណ្ណធាតូតិ តវ វណ្ណធាតុសទិសា ទុតិយា វណ្ណធាតុ នត្ថិ, តយា សទិសា អញ្ញា ភិក្ខុនី នត្ថីតិ វទតិ។ ឥធាគតា តាទិសិកា ភវេយ្យុន្តិ យថា ត្វំ ឥធាគតា កិញ្ចិ សន្ថវំ វា សិនេហំ វា ន លភសិ, ឯវមេវំ តេបិ តយាវ សទិសា ភវេយ្យុំ។ បខុមន្តរិកាយន្តិ ទ្វិន្នំ អក្ខីនំ មជ្ឈេ នាសវំសេបិ តិដ្ឋន្តិំ មំ ន បស្សសិ។ វសីភូតម្ហីតិ វសីភូតា អស្មិ។ បញ្ចមំ។
166. Pañcame supupphitagganti aggato paṭṭhāya suṭṭhu pupphitaṃ sālarukkhaṃ. Na catthi te dutiyā vaṇṇadhātūti tava vaṇṇadhātusadisā dutiyā vaṇṇadhātu natthi, tayā sadisā aññā bhikkhunī natthīti vadati. Idhāgatā tādisikā bhaveyyunti yathā tvaṃ idhāgatā kiñci santhavaṃ vā sinehaṃ vā na labhasi, evamevaṃ tepi tayāva sadisā bhaveyyuṃ. Pakhumantarikāyanti dvinnaṃ akkhīnaṃ majjhe nāsavaṃsepi tiṭṭhantiṃ maṃ na passasi. Vasībhūtamhīti vasībhūtā asmi. Pañcamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៥. ឧប្បលវណ្ណាសុត្តំ • 5. Uppalavaṇṇāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៥. ឧប្បលវណ្ណាសុត្តវណ្ណនា • 5. Uppalavaṇṇāsuttavaṇṇanā
