| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༥. ཨུཔྤལཝཎྞཱསུཏྟཝཎྞནཱ
5. Uppalavaṇṇāsuttavaṇṇanā
༡༦༦. པཉྩམེ སུཔུཔྥིཏགྒནྟི ཨགྒཏོ པཊྛཱཡ སུཊྛུ པུཔྥིཏཾ སཱལརུཀྑཾ། ན ཙཏྠི ཏེ དུཏིཡཱ ཝཎྞདྷཱཏཱུཏི ཏཝ ཝཎྞདྷཱཏུསདིསཱ དུཏིཡཱ ཝཎྞདྷཱཏུ ནཏྠི, ཏཡཱ སདིསཱ ཨཉྙཱ བྷིཀྑུནཱི ནཏྠཱིཏི ཝདཏི། ཨིདྷཱགཏཱ ཏཱདིསིཀཱ བྷཝེཡྻུནྟི ཡཐཱ ཏྭཾ ཨིདྷཱགཏཱ ཀིཉྩི སནྠཝཾ ཝཱ སིནེཧཾ ཝཱ ན ལབྷསི, ཨེཝམེཝཾ ཏེཔི ཏཡཱཝ སདིསཱ བྷཝེཡྻུཾ། པཁུམནྟརིཀཱཡནྟི དྭིནྣཾ ཨཀྑཱིནཾ མཛ྄ཛྷེ ནཱསཝཾསེཔི ཏིཊྛནྟིཾ མཾ ན པསྶསི། ཝསཱིབྷཱུཏམྷཱིཏི ཝསཱིབྷཱུཏཱ ཨསྨི། པཉྩམཾ།
166. Pañcame supupphitagganti aggato paṭṭhāya suṭṭhu pupphitaṃ sālarukkhaṃ. Na catthi te dutiyā vaṇṇadhātūti tava vaṇṇadhātusadisā dutiyā vaṇṇadhātu natthi, tayā sadisā aññā bhikkhunī natthīti vadati. Idhāgatā tādisikā bhaveyyunti yathā tvaṃ idhāgatā kiñci santhavaṃ vā sinehaṃ vā na labhasi, evamevaṃ tepi tayāva sadisā bhaveyyuṃ. Pakhumantarikāyanti dvinnaṃ akkhīnaṃ majjhe nāsavaṃsepi tiṭṭhantiṃ maṃ na passasi. Vasībhūtamhīti vasībhūtā asmi. Pañcamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༥. ཨུཔྤལཝཎྞཱསུཏྟཾ • 5. Uppalavaṇṇāsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༥. ཨུཔྤལཝཎྞཱསུཏྟཝཎྞནཱ • 5. Uppalavaṇṇāsuttavaṇṇanā
