| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
11. д̣̇ваад̣̇асаганибаад̇о
11. Dvādasakanipāto
1. уббалаван̣н̣аат̇зрийг̇аат̇ааван̣н̣анаа
1. Uppalavaṇṇātherīgāthāvaṇṇanā
д̣̇ваад̣̇асаганибаад̇з убхо маад̇аа жа д̇хийд̇аа жаад̇иаад̣̇игаа уббалаван̣н̣ааяа т̇зрияаа г̇аат̇аа. аяамби бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа, махааж̇анзна сад̣̇д̇хим̣ сад̇т̇у санд̇игам̣ г̇анд̇ваа, д̇хаммам̣ сун̣анд̇ий сад̇т̇аарам̣ згам̣ бхигкуним̣ ид̣̇д̇химанд̇аанам̣ аг̇г̇адтаанз табзнд̇ам̣ д̣̇исваа сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа д̇ам̣ таананд̇арам̣ бад̇т̇зси. саа яааваж̇ийвам̣ гусалам̣ гад̇ваа д̣̇звамануссзсум̣ сам̣саранд̇ий гассабаб̣уд̣̇д̇хагаалз б̣аараан̣асинаг̇арз гигисса гаасиран̃н̃о г̇зхз бадисанд̇хим̣ г̇ахзд̇ваа сад̇д̇аннам̣ бхаг̇инийнам̣ аб̣бханд̇араа худ̇ваа вийсад̇ивассасахассаани б̣рахмажарияам̣ жарид̇ваа бхигкусан̇гхасса баривзн̣ам̣ гад̇ваа д̣̇звалогз ниб̣б̣ад̇д̇аа.
Dvādasakanipāte ubho mātā ca dhītā cātiādikā uppalavaṇṇāya theriyā gāthā. Ayampi padumuttarassa bhagavato kāle haṃsavatīnagare kulagehe nibbattitvā viññutaṃ patvā, mahājanena saddhiṃ satthu santikaṃ gantvā, dhammaṃ suṇantī satthāraṃ ekaṃ bhikkhuniṃ iddhimantānaṃ aggaṭṭhāne ṭhapentaṃ disvā sattāhaṃ buddhappamukhassa bhikkhusaṅghassa mahādānaṃ datvā taṃ ṭhānantaraṃ patthesi. Sā yāvajīvaṃ kusalaṃ katvā devamanussesuṃ saṃsarantī kassapabuddhakāle bārāṇasinagare kikissa kāsirañño gehe paṭisandhiṃ gahetvā sattannaṃ bhaginīnaṃ abbhantarā hutvā vīsativassasahassāni brahmacariyaṃ caritvā bhikkhusaṅghassa pariveṇaṃ katvā devaloke nibbattā.
д̇ад̇о жавид̇ваа буна мануссалогам̣ ааг̇ажчанд̇ий згасмим̣ г̇аамагз сахад̇т̇аа гаммам̣ гад̇ваа ж̇ийванагадтаанз ниб̣б̣ад̇д̇аа. саа згад̣̇ивасам̣ кзд̇д̇агудим̣ г̇ажчанд̇ий анд̇араамаг̇г̇з згасмим̣ сарз баад̇ова бубпид̇ам̣ бад̣̇умабубпам̣ д̣̇исваа д̇ам̣ сарам̣ оруяха д̇ан̃жзва бубпам̣ лааж̇абагкибанад̇т̇ааяа бад̣̇уминибад̇д̇ан̃жа г̇ахзд̇ваа гзд̣̇аарз саалисийсаани чинд̣̇ид̇ваа гудигааяа нисиннаа лааж̇з бхаж̇ж̇ид̇ваа бан̃жа лааж̇асад̇аани гад̇ваа табзси. д̇асмим̣ кан̣з г̇анд̇хамаад̣̇анабаб̣б̣ад̇з нирод̇хасамаабад̇д̇ид̇о вудтид̇о зго бажжзгаб̣уд̣̇д̇хо ааг̇анд̇ваа д̇ассаа авид̣̇уурз таанз адтааси. саа бажжзгаб̣уд̣̇д̇хам̣ д̣̇исваа лааж̇зхи сад̣̇д̇хим̣ бад̣̇умабубпам̣ г̇ахзд̇ваа, гудид̇о оруяха лааж̇з бажжзгаб̣уд̣̇д̇хасса бад̇д̇з багкибид̇ваа бад̣̇умабубпзна бад̇д̇ам̣ бид̇хааяа ад̣̇ааси. ат̇ассаа бажжзгаб̣уд̣̇д̇хз т̇огам̣ г̇ад̇з зд̇ад̣̇ахоси – ‘‘баб̣б̣аж̇ид̇аа наама бубпзна анад̇т̇игаа, ахам̣ бубпам̣ г̇ахзд̇ваа бил̣анд̇хиссаамий’’д̇и г̇анд̇ваа бажжзгаб̣уд̣̇д̇хасса хад̇т̇ад̇о бубпам̣ г̇ахзд̇ваа буна жинд̇зси – ‘‘сажз, аяяо, бубпзна анад̇т̇иго абхависсаа, бад̇д̇амад̇т̇агз табзд̇ум̣ наад̣̇асса, ад̣̇д̇хаа аяяасса ад̇т̇о бхависсад̇ий’’д̇и буна г̇анд̇ваа бад̇д̇амад̇т̇агз табзд̇ваа бажжзгаб̣уд̣̇д̇хам̣ камаабзд̇ваа, ‘‘бханд̇з, имзсам̣ мз лааж̇аанам̣ ниссанд̣̇зна лааж̇аг̇ан̣анааяа буд̇д̇аа ассу, бад̣̇умабубпасса ниссанд̣̇зна ниб̣б̣ад̇д̇аниб̣б̣ад̇д̇адтаанз бад̣̇з бад̣̇з бад̣̇умабубпам̣ удтахад̇уу’’д̇и бад̇т̇анам̣ агааси. бажжзгуб̣уд̣̇д̇хо д̇ассаа бассанд̇ияаава аагаасзна г̇анд̇хамаад̣̇анабаб̣б̣ад̇ам̣ г̇анд̇ваа д̇ам̣ бад̣̇умам̣ нанд̣̇амуулагабаб̣бхаарз бажжзгаб̣уд̣̇д̇хаанам̣ аггаманасобаанасамийбз баад̣̇абун̃чанам̣ гад̇ваа табзси.
Tato cavitvā puna manussalokaṃ āgacchantī ekasmiṃ gāmake sahatthā kammaṃ katvā jīvanakaṭṭhāne nibbattā. Sā ekadivasaṃ khettakuṭiṃ gacchantī antarāmagge ekasmiṃ sare pātova pupphitaṃ padumapupphaṃ disvā taṃ saraṃ oruyha tañceva pupphaṃ lājapakkhipanatthāya paduminipattañca gahetvā kedāre sālisīsāni chinditvā kuṭikāya nisinnā lāje bhajjitvā pañca lājasatāni katvā ṭhapesi. Tasmiṃ khaṇe gandhamādanapabbate nirodhasamāpattito vuṭṭhito eko paccekabuddho āgantvā tassā avidūre ṭhāne aṭṭhāsi. Sā paccekabuddhaṃ disvā lājehi saddhiṃ padumapupphaṃ gahetvā, kuṭito oruyha lāje paccekabuddhassa patte pakkhipitvā padumapupphena pattaṃ pidhāya adāsi. Athassā paccekabuddhe thokaṃ gate etadahosi – ‘‘pabbajitā nāma pupphena anatthikā, ahaṃ pupphaṃ gahetvā piḷandhissāmī’’ti gantvā paccekabuddhassa hatthato pupphaṃ gahetvā puna cintesi – ‘‘sace, ayyo, pupphena anatthiko abhavissā, pattamatthake ṭhapetuṃ nādassa, addhā ayyassa attho bhavissatī’’ti puna gantvā pattamatthake ṭhapetvā paccekabuddhaṃ khamāpetvā, ‘‘bhante, imesaṃ me lājānaṃ nissandena lājagaṇanāya puttā assu, padumapupphassa nissandena nibbattanibbattaṭṭhāne pade pade padumapupphaṃ uṭṭhahatū’’ti patthanaṃ akāsi. Paccekubuddho tassā passantiyāva ākāsena gandhamādanapabbataṃ gantvā taṃ padumaṃ nandamūlakapabbhāre paccekabuddhānaṃ akkamanasopānasamīpe pādapuñchanaṃ katvā ṭhapesi.
сааби д̇асса гаммасса ниссанд̣̇зна д̣̇звалогз бадисанд̇хим̣ г̇ан̣хи. ниб̣б̣ад̇д̇агаалад̇о бадтааяа жассаа бад̣̇з бад̣̇з махаабад̣̇умабубпам̣ удтааси. саа д̇ад̇о жавид̇ваа баб̣б̣ад̇абаад̣̇з згасмим̣ бад̣̇умасарз бад̣̇умаг̇аб̣бхз ниб̣б̣ад̇д̇и. д̇ам̣ ниссааяа зго д̇аабасо васад̇и. со баад̇ова мукад̇хованад̇т̇ааяа сарам̣ г̇анд̇ваа д̇ам̣ бубпам̣ д̣̇исваа жинд̇зси – ‘‘ид̣̇ам̣ бубпам̣ сзсзхи маханд̇ад̇арам̣, сзсаани жа бубпид̇аани ид̣̇ам̣ магулид̇амзва, бхавид̇аб̣б̣амзд̇т̇а гааран̣знаа’’д̇и уд̣̇агам̣ од̇арид̇ваа д̇ам̣ бубпам̣ г̇ан̣хи. д̇ам̣ д̇зна г̇ахид̇амад̇д̇амзва бубпид̇ам̣. д̇аабасо анд̇обад̣̇умаг̇аб̣бхз нибаннад̣̇ааригам̣ ад̣̇д̣̇аса. д̣̇идтагаалад̇о бадтааяа жа д̇хийд̇усинзхам̣ лабхид̇ваа бад̣̇умзнзва сад̣̇д̇хим̣ бан̣н̣асаалам̣ нзд̇ваа ман̃жагз нибаж̇ж̇аабзси. ат̇ассаа бун̃н̃аанубхаавзна ан̇г̇удтагз кийрам̣ ниб̣б̣ад̇д̇и. со д̇асмим̣ бубпз милаад̇з ан̃н̃ам̣ навам̣ бубпам̣ аахарид̇ваа д̇ам̣ нибаж̇ж̇аабзси. ат̇ассаа аад̇хааванавид̇хааванзна гийл̣ид̇ум̣ самад̇т̇агаалад̇о бадтааяа бад̣̇аваарз бад̣̇аваарз бад̣̇умабубпам̣ удтаад̇и, гун̇гумараасисса вияа ассаа сарийраван̣н̣о ход̇и. саа абад̇д̇аа д̣̇зваван̣н̣ам̣, ад̇игганд̇аа маанусаван̣н̣ам̣ ахоси. саа бид̇ари палаапалад̇т̇ааяа г̇ад̇з бан̣н̣асаалааяам̣ охияад̇и.
Sāpi tassa kammassa nissandena devaloke paṭisandhiṃ gaṇhi. Nibbattakālato paṭṭhāya cassā pade pade mahāpadumapupphaṃ uṭṭhāsi. Sā tato cavitvā pabbatapāde ekasmiṃ padumasare padumagabbhe nibbatti. Taṃ nissāya eko tāpaso vasati. So pātova mukhadhovanatthāya saraṃ gantvā taṃ pupphaṃ disvā cintesi – ‘‘idaṃ pupphaṃ sesehi mahantataraṃ, sesāni ca pupphitāni idaṃ makulitameva, bhavitabbamettha kāraṇenā’’ti udakaṃ otaritvā taṃ pupphaṃ gaṇhi. Taṃ tena gahitamattameva pupphitaṃ. Tāpaso antopadumagabbhe nipannadārikaṃ addasa. Diṭṭhakālato paṭṭhāya ca dhītusinehaṃ labhitvā padumeneva saddhiṃ paṇṇasālaṃ netvā mañcake nipajjāpesi. Athassā puññānubhāvena aṅguṭṭhake khīraṃ nibbatti. So tasmiṃ pupphe milāte aññaṃ navaṃ pupphaṃ āharitvā taṃ nipajjāpesi. Athassā ādhāvanavidhāvanena kīḷituṃ samatthakālato paṭṭhāya padavāre padavāre padumapupphaṃ uṭṭhāti, kuṅkumarāsissa viya assā sarīravaṇṇo hoti. Sā apattā devavaṇṇaṃ, atikkantā mānusavaṇṇaṃ ahosi. Sā pitari phalāphalatthāya gate paṇṇasālāyaṃ ohiyati.
ат̇згад̣̇ивасам̣ д̇ассаа ваяаббад̇д̇агаалз бид̇ари палаапалад̇т̇ааяа г̇ад̇з зго ванажараго д̇ам̣ д̣̇исваа жинд̇зси – ‘‘мануссаанам̣ наама звам̣вид̇хам̣ руубам̣ над̇т̇и, виймам̣сиссаами на’’нд̇и д̇аабасасса ааг̇аманам̣ уд̣̇игканд̇о нисийд̣̇и. саа бид̇ари ааг̇ажчанд̇з бадибат̇ам̣ г̇анд̇ваа д̇асса хад̇т̇ад̇о гааж̇агаман̣д̣алум̣ аг̇г̇ахзси, ааг̇анд̇ваа нисиннасса жасса ад̇д̇ано гаран̣авад̇д̇ам̣ д̣̇ассзси. д̇ад̣̇аа со ванажараго мануссабхаавам̣ н̃ад̇ваа д̇аабасам̣ абхиваад̣̇зд̇ваа нисийд̣̇и. д̇аабасо д̇ам̣ ванажарагам̣ ванамуулапалзхи жа баанийязна жа ниманд̇зд̇ваа, ‘‘бхо буриса, имасмим̣язва таанз васиссаси, уд̣̇ааху г̇амиссасий’’д̇и бужчи. ‘‘г̇амиссаами, бханд̇з, ид̇ха гим̣ гариссаамий’’д̇и? ‘‘ид̣̇ам̣ д̇аяаа д̣̇идтагааран̣ам̣ зд̇д̇о г̇анд̇ваа агат̇зд̇ум̣ сагкиссасий’’д̇и? ‘‘сажз, аяяо, на ижчад̇и, гим̣гааран̣аа гат̇зссаамий’’д̇и д̇аабасам̣ ванд̣̇ид̇ваа буна ааг̇аманагаалз маг̇г̇асан̃ж̇аананад̇т̇ам̣ саакаасан̃н̃ан̃жа ругкасан̃н̃ан̃жа гаронд̇о баггаами.
Athekadivasaṃ tassā vayappattakāle pitari phalāphalatthāya gate eko vanacarako taṃ disvā cintesi – ‘‘manussānaṃ nāma evaṃvidhaṃ rūpaṃ natthi, vīmaṃsissāmi na’’nti tāpasassa āgamanaṃ udikkhanto nisīdi. Sā pitari āgacchante paṭipathaṃ gantvā tassa hatthato kājakamaṇḍaluṃ aggahesi, āgantvā nisinnassa cassa attano karaṇavattaṃ dassesi. Tadā so vanacarako manussabhāvaṃ ñatvā tāpasaṃ abhivādetvā nisīdi. Tāpaso taṃ vanacarakaṃ vanamūlaphalehi ca pānīyena ca nimantetvā, ‘‘bho purisa, imasmiṃyeva ṭhāne vasissasi, udāhu gamissasī’’ti pucchi. ‘‘Gamissāmi, bhante, idha kiṃ karissāmī’’ti? ‘‘Idaṃ tayā diṭṭhakāraṇaṃ etto gantvā akathetuṃ sakkhissasī’’ti? ‘‘Sace, ayyo, na icchati, kiṃkāraṇā kathessāmī’’ti tāpasaṃ vanditvā puna āgamanakāle maggasañjānanatthaṃ sākhāsaññañca rukkhasaññañca karonto pakkāmi.
со б̣аараан̣асим̣ г̇анд̇ваа рааж̇аанам̣ ад̣̇д̣̇аса. рааж̇аа ‘‘гасмаа ааг̇ад̇осий’’д̇и бужчи. ‘‘ахам̣, д̣̇зва, д̇умхаагам̣ ванажараго баб̣б̣ад̇абаад̣̇з ажчарияам̣ ид̇т̇ирад̇анам̣ д̣̇исваа ааг̇ад̇омхий’’д̇и саб̣б̣ам̣ бавад̇д̇им̣ гат̇зси. со д̇асса важанам̣ суд̇ваа взг̇зна баб̣б̣ад̇абаад̣̇ам̣ г̇анд̇ваа авид̣̇уурз таанз канд̇хааваарам̣ ниваасзд̇ваа ванажарагзна жзва ан̃н̃зхи жа бурисзхи сад̣̇д̇хим̣ д̇аабасасса бхад̇д̇агижжам̣ гад̇ваа нисиннавзлааяа д̇ад̇т̇а г̇анд̇ваа абхиваад̣̇зд̇ваа бадисант̇аарам̣ гад̇ваа згаманд̇ам̣ нисийд̣̇и. рааж̇аа д̇аабасасса баб̣б̣аж̇ид̇абаригкаарабхан̣д̣ам̣ баад̣̇амуулз табзд̇ваа, ‘‘бханд̇з, имасмим̣ таанз гим̣ гарома, г̇амиссаамаа’’д̇и ааха. ‘‘г̇ажча, махаарааж̇аа’’д̇и. ‘‘аама, г̇ажчаами, бханд̇з, аяяасса бана самийбз висабхааг̇абарисаа ад̇т̇ий’’д̇и ассумхаа, асааруббаа зсаа баб̣б̣аж̇ид̇аанам̣, маяаа сад̣̇д̇хим̣ г̇ажчад̇у, бханд̇зд̇и. мануссаанам̣ наама жид̇д̇ам̣ д̣̇уд̇д̇осаяам̣, гат̇ам̣ б̣ахуунам̣ маж̇жхз васиссад̇ийд̇и? амхаагам̣ ружид̇агаалад̇о бадтааяа сзсаанам̣ ж̇здтагадтаанз табзд̇ваа бадиж̇аг̇г̇иссаама, бханд̇зд̇и.
So bārāṇasiṃ gantvā rājānaṃ addasa. Rājā ‘‘kasmā āgatosī’’ti pucchi. ‘‘Ahaṃ, deva, tumhākaṃ vanacarako pabbatapāde acchariyaṃ itthiratanaṃ disvā āgatomhī’’ti sabbaṃ pavattiṃ kathesi. So tassa vacanaṃ sutvā vegena pabbatapādaṃ gantvā avidūre ṭhāne khandhāvāraṃ nivāsetvā vanacarakena ceva aññehi ca purisehi saddhiṃ tāpasassa bhattakiccaṃ katvā nisinnavelāya tattha gantvā abhivādetvā paṭisanthāraṃ katvā ekamantaṃ nisīdi. Rājā tāpasassa pabbajitaparikkhārabhaṇḍaṃ pādamūle ṭhapetvā, ‘‘bhante, imasmiṃ ṭhāne kiṃ karoma, gamissāmā’’ti āha. ‘‘Gaccha, mahārājā’’ti. ‘‘Āma, gacchāmi, bhante, ayyassa pana samīpe visabhāgaparisā atthī’’ti assumhā, asāruppā esā pabbajitānaṃ, mayā saddhiṃ gacchatu, bhanteti. Manussānaṃ nāma cittaṃ duttosayaṃ, kathaṃ bahūnaṃ majjhe vasissatīti? Amhākaṃ rucitakālato paṭṭhāya sesānaṃ jeṭṭhakaṭṭhāne ṭhapetvā paṭijaggissāma, bhanteti.
со ран̃н̃о гат̇ам̣ суд̇ваа д̣̇ахарагаалз г̇ахид̇анаамавасзнзва, ‘‘амма, бад̣̇умавад̇ий’’д̇и д̇хийд̇арам̣ баггоси. саа згаважанзнзва бан̣н̣асаалад̇о нигкамид̇ваа бид̇арам̣ абхиваад̣̇зд̇ваа адтааси. ат̇а нам̣ бид̇аа ааха – ‘‘д̇вам̣, амма, ваяаббад̇д̇аа, имасмим̣ таанз ран̃н̃аа д̣̇идтагаалад̇о бадтааяа васид̇ум̣ аяуд̇д̇аа, ран̃н̃аа сад̣̇д̇хим̣ г̇ажча, аммаа’’д̇и. саа ‘‘саад̇ху, д̇аад̇аа’’д̇и бид̇у важанам̣ самбадижчид̇ваа абхиваад̣̇зд̇ваа род̣̇амаанаа адтааси. рааж̇аа ‘‘имиссаа бид̇у жид̇д̇ам̣ г̇ан̣хиссаамий’’д̇и д̇асмим̣язва таанз гахаабан̣араасимхи табзд̇ваа абхисзгам̣ агааси. ат̇а нам̣ г̇ахзд̇ваа ад̇д̇ано наг̇арам̣ аанзд̇ваа ааг̇ад̇агаалад̇о бадтааяа сзсид̇т̇ияо анологзд̇ваа д̇ааяа сад̣̇д̇хим̣язва рамад̇и. д̇аа ид̇т̇ияо иссаабагад̇аа д̇ам̣ ран̃н̃о анд̇арз барибхинд̣̇ид̇угаамаа звамаахам̣су – ‘‘нааяам̣, махаарааж̇а, мануссаж̇аад̇игаа, гахам̣ наама д̇умхзхи мануссаанам̣ вижаран̣адтаанз бад̣̇умаани удтаханд̇аани д̣̇идтабуб̣б̣аани, ад̣̇д̇хаа аяам̣ яагкиний, нийхарат̇а нам̣, махаарааж̇аа’’д̇и. рааж̇аа д̇аасам̣ гат̇ам̣ суд̇ваа д̇ун̣хий ахоси.
So rañño kathaṃ sutvā daharakāle gahitanāmavaseneva, ‘‘amma, padumavatī’’ti dhītaraṃ pakkosi. Sā ekavacaneneva paṇṇasālato nikkhamitvā pitaraṃ abhivādetvā aṭṭhāsi. Atha naṃ pitā āha – ‘‘tvaṃ, amma, vayappattā, imasmiṃ ṭhāne raññā diṭṭhakālato paṭṭhāya vasituṃ ayuttā, raññā saddhiṃ gaccha, ammā’’ti. Sā ‘‘sādhu, tātā’’ti pitu vacanaṃ sampaṭicchitvā abhivādetvā rodamānā aṭṭhāsi. Rājā ‘‘imissā pitu cittaṃ gaṇhissāmī’’ti tasmiṃyeva ṭhāne kahāpaṇarāsimhi ṭhapetvā abhisekaṃ akāsi. Atha naṃ gahetvā attano nagaraṃ ānetvā āgatakālato paṭṭhāya sesitthiyo anoloketvā tāya saddhiṃyeva ramati. Tā itthiyo issāpakatā taṃ rañño antare paribhinditukāmā evamāhaṃsu – ‘‘nāyaṃ, mahārāja, manussajātikā, kahaṃ nāma tumhehi manussānaṃ vicaraṇaṭṭhāne padumāni uṭṭhahantāni diṭṭhapubbāni, addhā ayaṃ yakkhinī, nīharatha naṃ, mahārājā’’ti. Rājā tāsaṃ kathaṃ sutvā tuṇhī ahosi.
ат̇ассаабарзна самаязна бажжанд̇о губид̇о. со ‘‘г̇аруг̇аб̣бхаа бад̣̇умавад̇ий’’д̇и наг̇арз табзд̇ваа бажжанд̇ам̣ аг̇амааси. ат̇а д̇аа ид̇т̇ияо д̇ассаа убадтааяигааяа лан̃ж̇ам̣ д̣̇ад̇ваа ‘‘имиссаа д̣̇аарагам̣ ж̇аад̇амад̇д̇амзва абанзд̇ваа згам̣ д̣̇ааругхадигам̣ лохид̇зна магкид̇ваа санд̇игз табзхий’’д̇и аахам̣су. бад̣̇умавад̇ияааби нажирассзва г̇аб̣бхавудтаанам̣ ахоси. махаабад̣̇умагумааро згагова гужчияам̣ бадисанд̇хим̣ г̇ан̣хи. авасзсаа згуунабан̃жасад̇аа д̣̇аарагаа махаабад̣̇умагумаарасса маад̇угужчид̇о нигкамид̇ваа нибаннагаалз сам̣сзд̣̇аж̇аа худ̇ваа ниб̣б̣ад̇д̇им̣су. ат̇ассаа ‘‘на д̇аава аяам̣ сад̇им̣ бадилабхад̇ий’’д̇и н̃ад̇ваа саа убадтааяигаа згам̣ д̣̇ааругхадигам̣ лохид̇зна магкид̇ваа самийбз табзд̇ваа д̇аасам̣ ид̇т̇ийнам̣ сан̃н̃ам̣ ад̣̇ааси. д̇ааби бан̃жасад̇аа ид̇т̇ияо згзгаа згзгам̣ д̣̇аарагам̣ г̇ахзд̇ваа жунд̣̇агаарагаанам̣ санд̇игам̣ бзсзд̇ваа гаран̣д̣агз аахараабзд̇ваа ад̇д̇анаа ад̇д̇анаа г̇ахид̇ад̣̇аарагз д̇ад̇т̇а нибаж̇ж̇аабзд̇ваа б̣ахи лан̃чанам̣ гад̇ваа табаяим̣су.
Athassāparena samayena paccanto kupito. So ‘‘garugabbhā padumavatī’’ti nagare ṭhapetvā paccantaṃ agamāsi. Atha tā itthiyo tassā upaṭṭhāyikāya lañjaṃ datvā ‘‘imissā dārakaṃ jātamattameva apanetvā ekaṃ dārughaṭikaṃ lohitena makkhitvā santike ṭhapehī’’ti āhaṃsu. Padumavatiyāpi nacirasseva gabbhavuṭṭhānaṃ ahosi. Mahāpadumakumāro ekakova kucchiyaṃ paṭisandhiṃ gaṇhi. Avasesā ekūnapañcasatā dārakā mahāpadumakumārassa mātukucchito nikkhamitvā nipannakāle saṃsedajā hutvā nibbattiṃsu. Athassā ‘‘na tāva ayaṃ satiṃ paṭilabhatī’’ti ñatvā sā upaṭṭhāyikā ekaṃ dārughaṭikaṃ lohitena makkhitvā samīpe ṭhapetvā tāsaṃ itthīnaṃ saññaṃ adāsi. Tāpi pañcasatā itthiyo ekekā ekekaṃ dārakaṃ gahetvā cundakārakānaṃ santikaṃ pesetvā karaṇḍake āharāpetvā attanā attanā gahitadārake tattha nipajjāpetvā bahi lañchanaṃ katvā ṭhapayiṃsu.
бад̣̇умавад̇ийби ко сан̃н̃ам̣ лабхид̇ваа д̇ам̣ убадтааяигам̣ ‘‘гим̣ виж̇аад̇амхи, аммаа’’д̇и бужчи. саа д̇ам̣ санд̇аж̇ж̇зд̇ваа ‘‘гуд̇о д̇вам̣ д̣̇аарагам̣ лабхиссасий’’д̇и вад̇ваа ‘‘аяам̣ д̇ава гужчид̇о нигканд̇ад̣̇аараго’’д̇и лохид̇амагкид̇ам̣ д̣̇ааругхадигам̣ бурад̇о табзси. саа д̇ам̣ д̣̇исваа д̣̇оманассаббад̇д̇аа ‘‘сийгхам̣ д̇ам̣ паалзд̇ваа абанзхи, сажз гожи бассзяяа, лаж̇ж̇ид̇аб̣б̣ам̣ бхавзяяаа’’д̇и ааха. саа д̇ассаа гат̇ам̣ суд̇ваа ад̇т̇агаамаа вияа д̣̇ааругхадигам̣ паалзд̇ваа уд̣̇д̇ханз багкиби.
Padumavatīpi kho saññaṃ labhitvā taṃ upaṭṭhāyikaṃ ‘‘kiṃ vijātamhi, ammā’’ti pucchi. Sā taṃ santajjetvā ‘‘kuto tvaṃ dārakaṃ labhissasī’’ti vatvā ‘‘ayaṃ tava kucchito nikkhantadārako’’ti lohitamakkhitaṃ dārughaṭikaṃ purato ṭhapesi. Sā taṃ disvā domanassappattā ‘‘sīghaṃ taṃ phāletvā apanehi, sace koci passeyya, lajjitabbaṃ bhaveyyā’’ti āha. Sā tassā kathaṃ sutvā atthakāmā viya dārughaṭikaṃ phāletvā uddhane pakkhipi.
рааж̇ааби бажжанд̇ад̇о ааг̇анд̇ваа нагкад̇д̇ам̣ бадимаанзнд̇о б̣ахинаг̇арз канд̇хааваарам̣ б̣анд̇хид̇ваа нисийд̣̇и. ат̇а д̇аа бан̃жасад̇аа ид̇т̇ияо ран̃н̃о бажжуг̇г̇аманам̣ ааг̇анд̇ваа аахам̣су – ‘‘д̇вам̣, махаарааж̇а, на амхаагам̣ сад̣̇д̣̇ахаси, амхзхи вуд̇д̇ам̣ агааран̣ам̣ вияа ход̇и, д̇вам̣ махзсияаа убадтааяигам̣ баггосаабзд̇ваа бадибужча, д̣̇ааругхадигам̣ д̇з д̣̇звий виж̇аад̇аа’’д̇и. рааж̇аа д̇ам̣ гааран̣ам̣ анубабаригкид̇ваава ‘‘амануссаж̇аад̇игаа бхависсад̇ий’’д̇и д̇ам̣ г̇зхад̇о ниггад̣дхи. д̇ассаа рааж̇аг̇зхад̇о саха нигкаманзнзва бад̣̇умабубпаани анд̇арад̇хааяим̣су, сарийражчавийби виван̣н̣аа ахоси. саа згигаава анд̇аравийт̇ияаа бааяааси. ат̇а нам̣ згаа ваяаббад̇д̇аа махаллигаа ид̇т̇ий д̣̇исваа д̇хийд̇усинзхам̣ уббаад̣̇зд̇ваа ‘‘гахам̣ г̇ажчаси, аммаа’’д̇и ааха. ‘‘ааг̇анд̇угамхи, васанадтаанам̣ ологзнд̇ий вижараамий’’д̇и. ‘‘ид̇хааг̇ажча, аммаа’’д̇и васанадтаанам̣ д̣̇ад̇ваа бхож̇анам̣ бадияаад̣̇зси.
Rājāpi paccantato āgantvā nakkhattaṃ paṭimānento bahinagare khandhāvāraṃ bandhitvā nisīdi. Atha tā pañcasatā itthiyo rañño paccuggamanaṃ āgantvā āhaṃsu – ‘‘tvaṃ, mahārāja, na amhākaṃ saddahasi, amhehi vuttaṃ akāraṇaṃ viya hoti, tvaṃ mahesiyā upaṭṭhāyikaṃ pakkosāpetvā paṭipuccha, dārughaṭikaṃ te devī vijātā’’ti. Rājā taṃ kāraṇaṃ anupaparikkhitvāva ‘‘amanussajātikā bhavissatī’’ti taṃ gehato nikkaḍḍhi. Tassā rājagehato saha nikkhamaneneva padumapupphāni antaradhāyiṃsu, sarīracchavīpi vivaṇṇā ahosi. Sā ekikāva antaravīthiyā pāyāsi. Atha naṃ ekā vayappattā mahallikā itthī disvā dhītusinehaṃ uppādetvā ‘‘kahaṃ gacchasi, ammā’’ti āha. ‘‘Āgantukamhi, vasanaṭṭhānaṃ olokentī vicarāmī’’ti. ‘‘Idhāgaccha, ammā’’ti vasanaṭṭhānaṃ datvā bhojanaṃ paṭiyādesi.
д̇ассаа иминаава нияаамзна д̇ад̇т̇а васамаанааяа д̇аа бан̃жасад̇аа ид̇т̇ияо згажид̇д̇аа худ̇ваа рааж̇аанам̣ аахам̣су – ‘‘махаарааж̇а, д̇умхзсу яуд̣̇д̇хам̣ г̇ад̇зсу амхзхи г̇ан̇г̇аад̣̇звад̇ааяа ‘амхаагам̣ д̣̇звз виж̇ид̇асан̇г̇аамз ааг̇ад̇з б̣алигаммам̣ гад̇ваа уд̣̇агагийл̣ам̣ гариссаамаа’д̇и бад̇т̇ид̇ам̣ ад̇т̇и, зд̇амад̇т̇ам̣, д̣̇зва, ж̇аанаабзмаа’’д̇и. рааж̇аа д̇аасам̣ важанзна д̇удто г̇ан̇г̇ааяа уд̣̇агагийл̣ам̣ гаад̇ум̣ аг̇амааси. д̇ааби ад̇д̇анаа ад̇д̇анаа г̇ахид̇агаран̣д̣агам̣ бадижчаннам̣ гад̇ваа аад̣̇ааяа над̣̇им̣ г̇анд̇ваа д̇зсам̣ гаран̣д̣агаанам̣ бадижчаад̣̇анад̇т̇ам̣ баарубид̇ваа баарубид̇ваа уд̣̇агз бад̇ид̇ваа гаран̣д̣агз виссаж̇ж̇зсум̣ . д̇зби ко гаран̣д̣агаа саб̣б̣з саха г̇анд̇ваа хздтаасод̇з басаарид̇аж̇ааламхи лаг̇г̇им̣су. д̇ад̇о уд̣̇агагийл̣ам̣ гийл̣ид̇ваа ран̃н̃о уд̇д̇ин̣н̣агаалз ж̇аалам̣ угкибанд̇аа д̇з гаран̣д̣агз д̣̇исваа ран̃н̃о санд̇игам̣ аанаяим̣су.
Tassā imināva niyāmena tattha vasamānāya tā pañcasatā itthiyo ekacittā hutvā rājānaṃ āhaṃsu – ‘‘mahārāja, tumhesu yuddhaṃ gatesu amhehi gaṅgādevatāya ‘amhākaṃ deve vijitasaṅgāme āgate balikammaṃ katvā udakakīḷaṃ karissāmā’ti patthitaṃ atthi, etamatthaṃ, deva, jānāpemā’’ti. Rājā tāsaṃ vacanena tuṭṭho gaṅgāya udakakīḷaṃ kātuṃ agamāsi. Tāpi attanā attanā gahitakaraṇḍakaṃ paṭicchannaṃ katvā ādāya nadiṃ gantvā tesaṃ karaṇḍakānaṃ paṭicchādanatthaṃ pārupitvā pārupitvā udake patitvā karaṇḍake vissajjesuṃ . Tepi kho karaṇḍakā sabbe saha gantvā heṭṭhāsote pasāritajālamhi laggiṃsu. Tato udakakīḷaṃ kīḷitvā rañño uttiṇṇakāle jālaṃ ukkhipantā te karaṇḍake disvā rañño santikaṃ ānayiṃsu.
рааж̇аа гаран̣д̣агз ологзд̇ваа ‘‘гим̣, д̇аад̇аа, гаран̣д̣агзсуу’’д̇и ааха. ‘‘на ж̇аанаама, д̣̇зваа’’д̇и. со д̇з гаран̣д̣агз вивараабзд̇ваа ологзнд̇о батамам̣ махаабад̣̇умагумаарасса гаран̣д̣агам̣ вивараабзси. д̇зсам̣ бана саб̣б̣зсамби гаран̣д̣агзсу нибаж̇ж̇аабид̇ад̣̇ивасзсуязва бун̃н̃ид̣̇д̇хияаа ан̇г̇удтад̇о кийрам̣ ниб̣б̣ад̇д̇и. сагго д̣̇зварааж̇аа д̇асса ран̃н̃о нигган̇кабхаавад̇т̇ам̣ анд̇огаран̣д̣агз агкараани ликаабзси – ‘‘имз гумаараа бад̣̇умавад̇ияаа гужчимхи ниб̣б̣ад̇д̇аа б̣аараан̣асиран̃н̃о буд̇д̇аа, ат̇а нз бад̣̇умавад̇ияаа сабад̇д̇ияо бан̃жасад̇аа ид̇т̇ияо гаран̣д̣агзсу багкибид̇ваа уд̣̇агз кибим̣су, рааж̇аа имам̣ гааран̣ам̣ ж̇аанаад̇уу’’д̇и. гаран̣д̣агз вивадамад̇д̇з рааж̇аа агкараани ваажзд̇ваа д̣̇аарагз д̣̇исваа махаабад̣̇умагумаарам̣ угкибид̇ваа взг̇зна рат̇з яож̇зд̇ваа ‘‘ассз габбзт̇а, ахам̣ аж̇ж̇а анд̇онаг̇арам̣ бависид̇ваа згажжаанам̣ маад̇уг̇аамаанам̣ бияам̣ гариссаамий’’д̇и баасаад̣̇аварам̣ ааруяха хад̇т̇иг̇ийвааяа сахассабхан̣д̣игам̣ табзд̇ваа наг̇арз бхзрим̣ жараабзси – ‘‘яо бад̣̇умавад̇им̣ бассад̇и, со имам̣ сахассам̣ г̇ан̣хаад̇уу’’д̇и.
Rājā karaṇḍake oloketvā ‘‘kiṃ, tātā, karaṇḍakesū’’ti āha. ‘‘Na jānāma, devā’’ti. So te karaṇḍake vivarāpetvā olokento paṭhamaṃ mahāpadumakumārassa karaṇḍakaṃ vivarāpesi. Tesaṃ pana sabbesampi karaṇḍakesu nipajjāpitadivasesuyeva puññiddhiyā aṅguṭṭhato khīraṃ nibbatti. Sakko devarājā tassa rañño nikkaṅkhabhāvatthaṃ antokaraṇḍake akkharāni likhāpesi – ‘‘ime kumārā padumavatiyā kucchimhi nibbattā bārāṇasirañño puttā, atha ne padumavatiyā sapattiyo pañcasatā itthiyo karaṇḍakesu pakkhipitvā udake khipiṃsu, rājā imaṃ kāraṇaṃ jānātū’’ti. Karaṇḍake vivaṭamatte rājā akkharāni vācetvā dārake disvā mahāpadumakumāraṃ ukkhipitvā vegena rathe yojetvā ‘‘asse kappetha, ahaṃ ajja antonagaraṃ pavisitvā ekaccānaṃ mātugāmānaṃ piyaṃ karissāmī’’ti pāsādavaraṃ āruyha hatthigīvāya sahassabhaṇḍikaṃ ṭhapetvā nagare bheriṃ carāpesi – ‘‘yo padumavatiṃ passati, so imaṃ sahassaṃ gaṇhātū’’ti.
д̇ам̣ гат̇ам̣ суд̇ваа бад̣̇умавад̇ий маад̇у сан̃н̃ам̣ ад̣̇ааси – ‘‘хад̇т̇иг̇ийвад̇о сахассам̣ г̇ан̣ха, аммаа’’д̇и. ‘‘наахам̣ зваруубам̣ г̇ан̣хид̇ум̣ висахаамий’’д̇и ааха. саа д̣̇уд̇ияамби д̇ад̇ияамби вуд̇д̇з ‘‘гим̣ вад̇ваа г̇ан̣хаами, аммаа’’д̇и ааха. ‘‘‘мама д̇хийд̇аа бад̣̇умавад̇им̣ д̣̇звим̣ бассад̇ий’д̇и вад̇ваа г̇ан̣хаахий’’д̇и. саа ‘‘яам̣ ваа д̇ам̣ ваа ход̇уу’’д̇и г̇анд̇ваа сахассажан̇годагам̣ г̇ан̣хи. ат̇а нам̣ мануссаа бужчим̣су – ‘‘бад̣̇умавад̇им̣ д̣̇звим̣ бассаси, аммаа’’д̇и? ‘‘ахам̣ на бассаами, д̇хийд̇аа гира мз бассад̇ий’’д̇и ааха. д̇з ‘‘гахам̣ бана саа, аммаа’’д̇и вад̇ваа д̇ааяа сад̣̇д̇хим̣ г̇анд̇ваа бад̣̇умавад̇им̣ сан̃ж̇аанид̇ваа баад̣̇зсу нибад̇им̣су. д̇асмим̣ гаалз саа ‘‘бад̣̇умавад̇ий д̣̇звий аяа’’нд̇и н̃ад̇ваа ‘‘бхаарияам̣ вад̇а ид̇т̇ияаа гаммам̣ гад̇ам̣, яаа звам̣вид̇хасса ран̃н̃о махзсий самаанаа зваруубз таанз нираарагкаа васий’’д̇и ааха.
Taṃ kathaṃ sutvā padumavatī mātu saññaṃ adāsi – ‘‘hatthigīvato sahassaṃ gaṇha, ammā’’ti. ‘‘Nāhaṃ evarūpaṃ gaṇhituṃ visahāmī’’ti āha. Sā dutiyampi tatiyampi vutte ‘‘kiṃ vatvā gaṇhāmi, ammā’’ti āha. ‘‘‘Mama dhītā padumavatiṃ deviṃ passatī’ti vatvā gaṇhāhī’’ti. Sā ‘‘yaṃ vā taṃ vā hotū’’ti gantvā sahassacaṅkoṭakaṃ gaṇhi. Atha naṃ manussā pucchiṃsu – ‘‘padumavatiṃ deviṃ passasi, ammā’’ti? ‘‘Ahaṃ na passāmi, dhītā kira me passatī’’ti āha. Te ‘‘kahaṃ pana sā, ammā’’ti vatvā tāya saddhiṃ gantvā padumavatiṃ sañjānitvā pādesu nipatiṃsu. Tasmiṃ kāle sā ‘‘padumavatī devī aya’’nti ñatvā ‘‘bhāriyaṃ vata itthiyā kammaṃ kataṃ, yā evaṃvidhassa rañño mahesī samānā evarūpe ṭhāne nirārakkhā vasī’’ti āha.
д̇зби рааж̇абурисаа бад̣̇умавад̇ияаа нивзсанам̣ сзд̇асаан̣ийхи баригкибаабзд̇ваа д̣̇ваарз аарагкам̣ табзд̇ваа г̇анд̇ваа ран̃н̃о аарожзсум̣. рааж̇аа суван̣н̣асивигам̣ бзсзси. саа ‘‘ахам̣ звам̣ на г̇амиссаами, мама васанадтаанад̇о бадтааяа яаава рааж̇аг̇зхам̣ зд̇т̇анд̇арз варабод̇т̇агажид̇д̇ад̇т̇аран̣з ад̇т̇араабзд̇ваа убари суван̣н̣ад̇аарагавижид̇д̇ам̣ жзлавид̇аанам̣ б̣анд̇хаабзд̇ваа басаад̇ханад̇т̇ааяа саб̣б̣аалан̇гаарзсу бахид̇зсу бад̣̇асаава г̇амиссаами, звам̣ мз нааг̇араа самбад̇д̇им̣ бассиссанд̇ий’’д̇и ааха. рааж̇аа ‘‘бад̣̇умавад̇ияаа яат̇ааружим̣ гарот̇аа’’д̇и ааха. д̇ад̇о бад̣̇умавад̇ий саб̣б̣абасаад̇ханам̣ басаад̇хзд̇ваа ‘‘рааж̇аг̇зхам̣ г̇амиссаамий’’д̇и маг̇г̇ам̣ бадибаж̇ж̇и. ат̇ассаа агганд̇аагганд̇адтаанз варабод̇т̇агажид̇д̇ад̇т̇аран̣аани бхинд̣̇ид̇ваа бад̣̇умабубпаани удтахим̣су. саа махааж̇анасса ад̇д̇ано самбад̇д̇им̣ д̣̇ассзд̇ваа рааж̇анивзсанам̣ ааруяха саб̣б̣зби д̇з жзлажид̇д̇ад̇т̇аран̣з д̇ассаа махаллигааяа босааванигамуулам̣ гад̇ваа д̣̇аабзси.
Tepi rājapurisā padumavatiyā nivesanaṃ setasāṇīhi parikkhipāpetvā dvāre ārakkhaṃ ṭhapetvā gantvā rañño ārocesuṃ. Rājā suvaṇṇasivikaṃ pesesi. Sā ‘‘ahaṃ evaṃ na gamissāmi, mama vasanaṭṭhānato paṭṭhāya yāva rājagehaṃ etthantare varapotthakacittattharaṇe attharāpetvā upari suvaṇṇatārakavicittaṃ celavitānaṃ bandhāpetvā pasādhanatthāya sabbālaṅkāresu pahitesu padasāva gamissāmi, evaṃ me nāgarā sampattiṃ passissantī’’ti āha. Rājā ‘‘padumavatiyā yathāruciṃ karothā’’ti āha. Tato padumavatī sabbapasādhanaṃ pasādhetvā ‘‘rājagehaṃ gamissāmī’’ti maggaṃ paṭipajji. Athassā akkantaakkantaṭṭhāne varapotthakacittattharaṇāni bhinditvā padumapupphāni uṭṭhahiṃsu. Sā mahājanassa attano sampattiṃ dassetvā rājanivesanaṃ āruyha sabbepi te celacittattharaṇe tassā mahallikāya posāvanikamūlaṃ katvā dāpesi.
рааж̇ааби ко д̇аа бан̃жасад̇аа ид̇т̇ияо баггосаабзд̇ваа ‘‘имааяо д̇з, д̣̇зви, д̣̇аасияо гад̇ваа д̣̇змий’’д̇и ааха. ‘‘саад̇ху, махаарааж̇а, зд̇аасам̣ маяхам̣ д̣̇иннабхаавам̣ сагаланаг̇арз ж̇аанаабзхий’’д̇и. рааж̇аа наг̇арз бхзрим̣ жараабзси ‘‘бад̣̇умавад̇ияаа д̣̇уб̣бхигаа бан̃жасад̇аа ид̇т̇ияо зд̇иссаава д̣̇аасияо гад̇ваа д̣̇иннаа’’д̇и. саа ‘‘д̇аасам̣ сагаланааг̇арзна д̣̇аасибхааво саллагкид̇о’’д̇и н̃ад̇ваа ‘‘ахам̣ мама д̣̇аасияо бхуж̇иссаа гаад̇ум̣ лабхаами, д̣̇зваа’’д̇и рааж̇аанам̣ бужчи. ‘‘д̇ава ижчаа, д̣̇звий’’д̇и. ‘‘звам̣ санд̇з д̇амзва бхзрижааригам̣ баггосаабзд̇ваа – ‘бад̣̇умавад̇ид̣̇звияаа ад̇д̇ано д̣̇аасияо гад̇ваа д̣̇иннаа бан̃жасад̇аа ид̇т̇ияо саб̣б̣аава бхуж̇иссаа гад̇аа’д̇и буна бхзрим̣ жараабзт̇аа’’д̇и ааха. саа д̇аасам̣ бхуж̇иссабхаавз гад̇з згуунаани бан̃жабуд̇д̇асад̇аани д̇аасам̣язва хад̇т̇з босанад̇т̇ааяа д̣̇ад̇ваа саяам̣ махаабад̣̇умагумаарам̣язва г̇ан̣хи.
Rājāpi kho tā pañcasatā itthiyo pakkosāpetvā ‘‘imāyo te, devi, dāsiyo katvā demī’’ti āha. ‘‘Sādhu, mahārāja, etāsaṃ mayhaṃ dinnabhāvaṃ sakalanagare jānāpehī’’ti. Rājā nagare bheriṃ carāpesi ‘‘padumavatiyā dubbhikā pañcasatā itthiyo etissāva dāsiyo katvā dinnā’’ti. Sā ‘‘tāsaṃ sakalanāgarena dāsibhāvo sallakkhito’’ti ñatvā ‘‘ahaṃ mama dāsiyo bhujissā kātuṃ labhāmi, devā’’ti rājānaṃ pucchi. ‘‘Tava icchā, devī’’ti. ‘‘Evaṃ sante tameva bhericārikaṃ pakkosāpetvā – ‘padumavatideviyā attano dāsiyo katvā dinnā pañcasatā itthiyo sabbāva bhujissā katā’ti puna bheriṃ carāpethā’’ti āha. Sā tāsaṃ bhujissabhāve kate ekūnāni pañcaputtasatāni tāsaṃyeva hatthe posanatthāya datvā sayaṃ mahāpadumakumāraṃyeva gaṇhi.
ат̇аабарабхааг̇з д̇зсам̣ гумаараанам̣ гийл̣анаваяз самбад̇д̇з рааж̇аа уяяаанз наанаавид̇хам̣ гийл̣анадтаанам̣ гаарзси. д̇з ад̇д̇ано сол̣асавассуд̣̇д̣̇зсигагаалз саб̣б̣зва згад̇о худ̇ваа уяяаанз бад̣̇умасан̃чаннааяа ман̇г̇алабогкаран̣ияаа гийл̣анд̇аа навабад̣̇умаани бубпид̇аани бураан̣абад̣̇умаани жа ван̣дад̇о бад̇анд̇аани д̣̇исваа ‘‘имасса д̇аава анубаад̣̇иннагасса зваруубаа ж̇араа баабун̣аад̇и, гиман̇г̇ам̣ бана амхаагам̣ сарийрасса. ид̣̇амби хи звам̣г̇ад̇игамзва бхависсад̇ий’’д̇и аарамман̣ам̣ г̇ахзд̇ваа саб̣б̣зва бажжзгаб̣од̇хин̃аан̣ам̣ ниб̣б̣ад̇д̇зд̇ваа удтааяудтааяа бад̣̇умаган̣н̣игаасу баллан̇гзна нисийд̣̇им̣су.
Athāparabhāge tesaṃ kumārānaṃ kīḷanavaye sampatte rājā uyyāne nānāvidhaṃ kīḷanaṭṭhānaṃ kāresi. Te attano soḷasavassuddesikakāle sabbeva ekato hutvā uyyāne padumasañchannāya maṅgalapokkharaṇiyā kīḷantā navapadumāni pupphitāni purāṇapadumāni ca vaṇṭato patantāni disvā ‘‘imassa tāva anupādinnakassa evarūpā jarā pāpuṇāti, kimaṅgaṃ pana amhākaṃ sarīrassa. Idampi hi evaṃgatikameva bhavissatī’’ti ārammaṇaṃ gahetvā sabbeva paccekabodhiñāṇaṃ nibbattetvā uṭṭhāyuṭṭhāya padumakaṇṇikāsu pallaṅkena nisīdiṃsu.
ат̇а д̇зхи сад̣̇д̇хим̣ г̇ад̇арааж̇абурисаа б̣ахуг̇ад̇ам̣ д̣̇ивасам̣ н̃ад̇ваа ‘‘аяяабуд̇д̇аа, д̇умхаагам̣ взлам̣ ж̇аанаат̇аа’’д̇и аахам̣су. д̇з д̇ун̣хий ахзсум̣. бурисаа г̇анд̇ваа ран̃н̃о аарожзсум̣ – ‘‘гумаараа, д̣̇зва, бад̣̇умаган̣н̣игаасу нисиннаа, амхзсу гат̇знд̇зсуби важийбхзд̣̇ам̣ на гаронд̇ий’’д̇и. ‘‘яат̇ааружияаа нзсам̣ нисийд̣̇ид̇ум̣ д̣̇зт̇аа’’д̇и. д̇з саб̣б̣арад̇д̇им̣ г̇ахид̇аарагкаа бад̣̇умаган̣н̣игаасу нисиннанияаамзнзва арун̣ам̣ удтаабзсум̣. бурисаа бунад̣̇ивасз убасан̇гамид̇ваа ‘‘д̣̇зваа, взлам̣ ж̇аанаат̇аа’’д̇и аахам̣су. ‘‘на маяам̣ д̣̇зваа, бажжзгаб̣уд̣̇д̇хаа наама маяам̣ амхаа’’д̇и. ‘‘аяяаа, д̇умхз бхаарияам̣ гат̇ам̣ гат̇зт̇а, бажжзгаб̣уд̣̇д̇хаа наама д̇умхаад̣̇исаа на хонд̇и, д̣̇ван̇г̇улагзсамассуд̇хараа гааяз бадимуггаадтабаригкаараа хонд̇ий’’д̇и. д̇з д̣̇агкин̣ахад̇т̇зна сийсам̣ бараамасим̣су, д̇аавад̣̇зва г̇ихилин̇г̇ам̣ анд̇арад̇хааяи. адта баригкаараа гааяз бадимуггаа жа ахзсум̣. д̇ад̇о бассанд̇ассзва махааж̇анасса аагаасзна нанд̣̇амуулагабаб̣бхаарам̣ аг̇амам̣су.
Atha tehi saddhiṃ gatarājapurisā bahugataṃ divasaṃ ñatvā ‘‘ayyaputtā, tumhākaṃ velaṃ jānāthā’’ti āhaṃsu. Te tuṇhī ahesuṃ. Purisā gantvā rañño ārocesuṃ – ‘‘kumārā, deva, padumakaṇṇikāsu nisinnā, amhesu kathentesupi vacībhedaṃ na karontī’’ti. ‘‘Yathāruciyā nesaṃ nisīdituṃ dethā’’ti. Te sabbarattiṃ gahitārakkhā padumakaṇṇikāsu nisinnaniyāmeneva aruṇaṃ uṭṭhāpesuṃ. Purisā punadivase upasaṅkamitvā ‘‘devā, velaṃ jānāthā’’ti āhaṃsu. ‘‘Na mayaṃ devā, paccekabuddhā nāma mayaṃ amhā’’ti. ‘‘Ayyā, tumhe bhāriyaṃ kathaṃ kathetha, paccekabuddhā nāma tumhādisā na honti, dvaṅgulakesamassudharā kāye paṭimukkaaṭṭhaparikkhārā hontī’’ti. Te dakkhiṇahatthena sīsaṃ parāmasiṃsu, tāvadeva gihiliṅgaṃ antaradhāyi. Aṭṭha parikkhārā kāye paṭimukkā ca ahesuṃ. Tato passantasseva mahājanassa ākāsena nandamūlakapabbhāraṃ agamaṃsu.
сааби ко бад̣̇умавад̇ий д̣̇звий ‘‘ахам̣ б̣ахубуд̇д̇аа худ̇ваа нибуд̇д̇аа ж̇аад̇аа’’д̇и хад̣̇аяасогам̣ бад̇ваа д̇знзва согзна гаалан̇гад̇ваа рааж̇аг̇аханаг̇арз д̣̇ваараг̇аамагз сахад̇т̇зна гаммам̣ гад̇ваа ж̇ийванадтаанз ниб̣б̣ад̇д̇и. ат̇аабарабхааг̇з гулагхарам̣ г̇ад̇аа згад̣̇ивасам̣ саамигасса кзд̇д̇ам̣ яааг̇ум̣ харамаанаа д̇зсам̣ ад̇д̇ано буд̇д̇аанам̣ анд̇арз адта бажжзгаб̣уд̣̇д̇хз бхигкаажааравзлааяа аагаасзна г̇ажчанд̇з д̣̇исваа сийгхам̣ сийгхам̣ г̇анд̇ваа саамигасса аарожзси – ‘‘басса, аяяа, бажжзгаб̣уд̣̇д̇хз, зд̇з ниманд̇зд̇ваа бхож̇зссаамаа’’д̇и . со ааха – ‘‘саман̣асагун̣аа наамзд̇з ан̃н̃ад̇т̇ааби звам̣ жаранд̇и, на зд̇з бажжзгаб̣уд̣̇д̇хаа’’д̇и д̇з д̇зсам̣ гат̇знд̇аанам̣язва авид̣̇уурз таанз од̇арим̣су. саа ид̇т̇ий д̇ам̣ д̣̇ивасам̣ ад̇д̇ано бхад̇д̇акаж̇ж̇абхож̇анам̣ д̇зсам̣ д̣̇ад̇ваа ‘‘свзби адта ж̇анаа маяхам̣ бхигкам̣ г̇ан̣хат̇аа’’д̇и ааха. ‘‘саад̇ху, убаасигз, д̇ава саггааро зд̇д̇агова ход̇у, аасанаани жа адтзва хонд̇у, ан̃н̃зби б̣ахуу бажжзгаб̣уд̣̇д̇хз д̣̇исваа д̇ава жид̇д̇ам̣ басийд̣̇зяяаасий’’д̇и. саа бунад̣̇ивасз адта аасанаани бан̃н̃аабзд̇ваа адтаннам̣ саггаарасаммаанам̣ бадияаад̣̇зд̇ваа нисийд̣̇и.
Sāpi kho padumavatī devī ‘‘ahaṃ bahuputtā hutvā niputtā jātā’’ti hadayasokaṃ patvā teneva sokena kālaṅkatvā rājagahanagare dvāragāmake sahatthena kammaṃ katvā jīvanaṭṭhāne nibbatti. Athāparabhāge kulagharaṃ gatā ekadivasaṃ sāmikassa khettaṃ yāguṃ haramānā tesaṃ attano puttānaṃ antare aṭṭha paccekabuddhe bhikkhācāravelāya ākāsena gacchante disvā sīghaṃ sīghaṃ gantvā sāmikassa ārocesi – ‘‘passa, ayya, paccekabuddhe, ete nimantetvā bhojessāmā’’ti . So āha – ‘‘samaṇasakuṇā nāmete aññatthāpi evaṃ caranti, na ete paccekabuddhā’’ti te tesaṃ kathentānaṃyeva avidūre ṭhāne otariṃsu. Sā itthī taṃ divasaṃ attano bhattakhajjabhojanaṃ tesaṃ datvā ‘‘svepi aṭṭha janā mayhaṃ bhikkhaṃ gaṇhathā’’ti āha. ‘‘Sādhu, upāsike, tava sakkāro ettakova hotu, āsanāni ca aṭṭheva hontu, aññepi bahū paccekabuddhe disvā tava cittaṃ pasīdeyyāsī’’ti. Sā punadivase aṭṭha āsanāni paññāpetvā aṭṭhannaṃ sakkārasammānaṃ paṭiyādetvā nisīdi.
ниманд̇ид̇абажжзгаб̣уд̣̇д̇хаа сзсаанам̣ сан̃н̃ам̣ ад̣̇ам̣су – ‘‘маарисаа аж̇ж̇а ан̃н̃ад̇т̇а аг̇анд̇ваа саб̣б̣зва д̇умхаагам̣ маад̇у сан̇г̇ахам̣ гарот̇аа’’д̇и. д̇з д̇зсам̣ важанам̣ суд̇ваа саб̣б̣зва згад̇о аагаасзна ааг̇анд̇ваа маад̇угхарад̣̇ваарз баад̇урахзсум̣. сааби батамам̣ лад̣̇д̇хасан̃н̃ад̇ааяа б̣ахууби д̣̇исваа на гамбид̇т̇а. саб̣б̣зби д̇з г̇зхам̣ бавзсзд̇ваа аасанзсу нисийд̣̇аабзси. д̇зсу бадибаадияаа нисийд̣̇анд̇зсу навамо ан̃н̃аани адта аасанаани маабзд̇ваа саяам̣ д̇хураасанз нисийд̣̇ад̇и, яаава аасанаани вад̣дханд̇и, д̇аава г̇зхам̣ вад̣дхад̇и. звам̣ д̇зсу саб̣б̣зсуби нисиннзсу саа ид̇т̇ий адтаннам̣ бажжзгаб̣уд̣̇д̇хаанам̣ бадияаад̣̇ид̇ам̣ саггаарам̣ бан̃жасад̇аанамби яаавад̣̇ад̇т̇ам̣ д̣̇ад̇ваа адта нийлуббалахад̇т̇агз аахарид̇ваа ниманд̇ид̇абажжзгаб̣уд̣̇д̇хаанам̣язва баад̣̇амуулз табзд̇ваа ааха – ‘‘маяхам̣, бханд̇з, ниб̣б̣ад̇д̇аниб̣б̣ад̇д̇адтаанз сарийраван̣н̣о имзсам̣ нийлуббалаанам̣ анд̇ог̇аб̣бхаван̣н̣о вияа ход̇уу’’д̇и бад̇т̇анам̣ агааси. бажжзгаб̣уд̣̇д̇хаа маад̇у анумод̣̇анам̣ гад̇ваа г̇анд̇хамаад̣̇анам̣язва аг̇амам̣су.
Nimantitapaccekabuddhā sesānaṃ saññaṃ adaṃsu – ‘‘mārisā ajja aññattha agantvā sabbeva tumhākaṃ mātu saṅgahaṃ karothā’’ti. Te tesaṃ vacanaṃ sutvā sabbeva ekato ākāsena āgantvā mātugharadvāre pāturahesuṃ. Sāpi paṭhamaṃ laddhasaññatāya bahūpi disvā na kampittha. Sabbepi te gehaṃ pavesetvā āsanesu nisīdāpesi. Tesu paṭipāṭiyā nisīdantesu navamo aññāni aṭṭha āsanāni māpetvā sayaṃ dhurāsane nisīdati, yāva āsanāni vaḍḍhanti, tāva gehaṃ vaḍḍhati. Evaṃ tesu sabbesupi nisinnesu sā itthī aṭṭhannaṃ paccekabuddhānaṃ paṭiyāditaṃ sakkāraṃ pañcasatānampi yāvadatthaṃ datvā aṭṭha nīluppalahatthake āharitvā nimantitapaccekabuddhānaṃyeva pādamūle ṭhapetvā āha – ‘‘mayhaṃ, bhante, nibbattanibbattaṭṭhāne sarīravaṇṇo imesaṃ nīluppalānaṃ antogabbhavaṇṇo viya hotū’’ti patthanaṃ akāsi. Paccekabuddhā mātu anumodanaṃ katvā gandhamādanaṃyeva agamaṃsu.
сааби яааваж̇ийвам̣ гусалам̣ гад̇ваа д̇ад̇о жуд̇аа д̣̇звалогз ниб̣б̣ад̇д̇ид̇ваа имасмим̣ б̣уд̣̇д̇хуббаад̣̇з саавад̇т̇ияам̣ сздтигулз бадисанд̇хим̣ г̇ан̣хи. нийлуббалаг̇аб̣бхасамаанаван̣н̣ад̇ааяа жассаа уббалаван̣н̣аад̇взва наамам̣ агам̣су. ат̇ассаа ваяаббад̇д̇агаалз сагалаж̇амб̣уд̣̇ийбз рааж̇аано жа сздтино жа сздтисса санд̇игам̣ д̣̇ууд̇ам̣ бахин̣им̣су ‘‘д̇хийд̇арам̣ амхаагам̣ д̣̇зд̇уу’’д̇и. абахин̣анд̇о наама наахоси. д̇ад̇о сздти жинд̇зси – ‘‘ахам̣ саб̣б̣зсам̣ манам̣ г̇ахзд̇ум̣ на сагкиссаами, убааяам̣ банзгам̣ гариссаамий’’д̇и д̇хийд̇арам̣ баггосаабзд̇ваа ‘‘баб̣б̣аж̇ид̇ум̣, амма, сагкиссасий’’д̇и ааха. д̇ассаа бажчимабхавигад̇д̇аа бид̇у важанам̣ сийсз аасид̇д̇асад̇абаагад̇злам̣ вияа ахоси. д̇асмаа бид̇арам̣ ‘‘баб̣б̣аж̇иссаами, д̇аад̇аа’’д̇и ааха. со д̇ассаа саггаарам̣ гад̇ваа бхигкунубассаяам̣ нзд̇ваа баб̣б̣ааж̇зси. д̇ассаа ажирабаб̣б̣аж̇ид̇ааяа зва убосат̇ааг̇аарз гаалавааро баабун̣и. саа бад̣̇ийбам̣ ж̇аалзд̇ваа убосат̇ааг̇аарам̣ саммаж̇ж̇ид̇ваа д̣̇ийбасикааяа нимид̇д̇ам̣ г̇ан̣хид̇ваа тид̇аава бунаббунам̣ ологаяамаанаа д̇зж̇огасин̣аарамман̣ам̣ жхаанам̣ ниб̣б̣ад̇д̇зд̇ваа д̇ад̣̇зва баад̣̇агам̣ гад̇ваа арахад̇д̇ам̣ баабун̣и. арахад̇д̇апалзна сад̣̇д̇хим̣язва жа абхин̃н̃аабадисамбхид̣̇ааби иж̇жхим̣су. висзсад̇о бана ид̣̇д̇хивигуб̣б̣анз жин̣н̣авасий ахоси. д̇зна вуд̇д̇ам̣ абад̣̇аанз (аба. т̇зрий 2.2.уббалаван̣н̣аат̇зрийабад̣̇аана, ан̃н̃аман̃н̃ависад̣̇исам̣) –
Sāpi yāvajīvaṃ kusalaṃ katvā tato cutā devaloke nibbattitvā imasmiṃ buddhuppāde sāvatthiyaṃ seṭṭhikule paṭisandhiṃ gaṇhi. Nīluppalagabbhasamānavaṇṇatāya cassā uppalavaṇṇātveva nāmaṃ akaṃsu. Athassā vayappattakāle sakalajambudīpe rājāno ca seṭṭhino ca seṭṭhissa santikaṃ dūtaṃ pahiṇiṃsu ‘‘dhītaraṃ amhākaṃ detū’’ti. Apahiṇanto nāma nāhosi. Tato seṭṭhi cintesi – ‘‘ahaṃ sabbesaṃ manaṃ gahetuṃ na sakkhissāmi, upāyaṃ panekaṃ karissāmī’’ti dhītaraṃ pakkosāpetvā ‘‘pabbajituṃ, amma, sakkhissasī’’ti āha. Tassā pacchimabhavikattā pitu vacanaṃ sīse āsittasatapākatelaṃ viya ahosi. Tasmā pitaraṃ ‘‘pabbajissāmi, tātā’’ti āha. So tassā sakkāraṃ katvā bhikkhunupassayaṃ netvā pabbājesi. Tassā acirapabbajitāya eva uposathāgāre kālavāro pāpuṇi. Sā padīpaṃ jāletvā uposathāgāraṃ sammajjitvā dīpasikhāya nimittaṃ gaṇhitvā ṭhitāva punappunaṃ olokayamānā tejokasiṇārammaṇaṃ jhānaṃ nibbattetvā tadeva pādakaṃ katvā arahattaṃ pāpuṇi. Arahattaphalena saddhiṃyeva ca abhiññāpaṭisambhidāpi ijjhiṃsu. Visesato pana iddhivikubbane ciṇṇavasī ahosi. Tena vuttaṃ apadāne (apa. therī 2.2.uppalavaṇṇātherīapadāna, aññamaññavisadisaṃ) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘д̇ад̣̇аахам̣ хам̣савад̇ияам̣, ж̇аад̇аа сздтигулз ахум̣;
‘‘Tadāhaṃ haṃsavatiyaṃ, jātā seṭṭhikule ahuṃ;
наанаарад̇анабаж̇ж̇од̇з, махаасукасамаббид̇аа.
Nānāratanapajjote, mahāsukhasamappitā.
‘‘убзд̇ваа д̇ам̣ махаавийрам̣, ассосим̣ д̇хаммад̣̇зсанам̣;
‘‘Upetvā taṃ mahāvīraṃ, assosiṃ dhammadesanaṃ;
д̇ад̇о ж̇аад̇аббасаад̣̇аахам̣, убзми саран̣ам̣ ж̇инам̣.
Tato jātappasādāhaṃ, upemi saraṇaṃ jinaṃ.
‘‘бхаг̇аваа ид̣̇д̇химанд̇ийнам̣, аг̇г̇ам̣ ван̣н̣зси нааяаго;
‘‘Bhagavā iddhimantīnaṃ, aggaṃ vaṇṇesi nāyako;
бхигкуним̣ лаж̇ж̇иним̣ д̇аад̣̇им̣, самаад̇хижхаанаговид̣̇ам̣.
Bhikkhuniṃ lajjiniṃ tādiṃ, samādhijhānakovidaṃ.
‘‘д̇ад̣̇аа муд̣̇ид̇ажид̇д̇аахам̣, д̇ам̣ таанам̣ абхиган̇киний;
‘‘Tadā muditacittāhaṃ, taṃ ṭhānaṃ abhikaṅkhinī;
ниманд̇ид̇ваа д̣̇асаб̣алам̣, сасан̇гхам̣ логанааяагам̣.
Nimantitvā dasabalaṃ, sasaṅghaṃ lokanāyakaṃ.
‘‘бхож̇аяид̇ваана сад̇д̇аахам̣, д̣̇ад̇ваана жа д̇ижийварам̣;
‘‘Bhojayitvāna sattāhaṃ, datvāna ca ticīvaraṃ;
сад̇д̇амаалам̣ г̇ахзд̇ваана, уббалаад̣̇зваг̇анд̇хигам̣.
Sattamālaṃ gahetvāna, uppalādevagandhikaṃ.
‘‘сад̇т̇у баад̣̇з табзд̇ваана, н̃аан̣амхи абхибууж̇аяим̣;
‘‘Satthu pāde ṭhapetvāna, ñāṇamhi abhipūjayiṃ;
нибажжа сирасаа баад̣̇з, ид̣̇ам̣ важанамаб̣равим̣.
Nipacca sirasā pāde, idaṃ vacanamabraviṃ.
‘‘яаад̣̇исаа ван̣н̣ид̇аа вийра, ид̇о адтамагз муни;
‘‘Yādisā vaṇṇitā vīra, ito aṭṭhamake muni;
д̇аад̣̇исаахам̣ бхависсаами, яад̣̇и сиж̇жхад̇и нааяага.
Tādisāhaṃ bhavissāmi, yadi sijjhati nāyaka.
‘‘д̇ад̣̇аа авожа мам̣ сад̇т̇аа, виссадтаа ход̇и д̣̇ааригз;
‘‘Tadā avoca maṃ satthā, vissaṭṭhā hoti dārike;
анааг̇ад̇амхи ад̣̇д̇хаанз, лажчасз д̇ам̣ манорат̇ам̣.
Anāgatamhi addhāne, lacchase taṃ manorathaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇аа, орасаа д̇хамманиммид̇аа;
‘‘Tassa dhammesu dāyādā, orasā dhammanimmitā;
наамзнуббалаван̣н̣аад̇и, руубзна жа яасассиний.
Nāmenuppalavaṇṇāti, rūpena ca yasassinī.
‘‘абхин̃н̃аасу васиббад̇д̇аа, сад̇т̇усаасанагааригаа;
‘‘Abhiññāsu vasippattā, satthusāsanakārikā;
саб̣б̣аасавабаригкийн̣аа, хзссасий сад̇т̇у саавигаа.
Sabbāsavaparikkhīṇā, hessasī satthu sāvikā.
‘‘д̇ад̣̇аахам̣ муд̣̇ид̇аа худ̇ваа, яааваж̇ийвам̣ д̇ад̣̇аа ж̇инам̣;
‘‘Tadāhaṃ muditā hutvā, yāvajīvaṃ tadā jinaṃ;
мзд̇д̇ажид̇д̇аа барижарим̣, сасан̇гхам̣ логанааяагам̣.
Mettacittā paricariṃ, sasaṅghaṃ lokanāyakaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘д̇ад̇о жуд̇аахам̣ мануж̇з, убабаннаа саяамбхуно;
‘‘Tato cutāhaṃ manuje, upapannā sayambhuno;
уббалзхи бадижчаннам̣, бин̣д̣абаад̇амад̣̇аасахам̣.
Uppalehi paṭicchannaṃ, piṇḍapātamadāsahaṃ.
‘‘зганавуд̇ид̇о габбз, вибассий наама нааяаго;
‘‘Ekanavutito kappe, vipassī nāma nāyako;
уббаж̇ж̇и жааруд̣̇ассано, саб̣б̣ад̇хаммзсу жагкумаа.
Uppajji cārudassano, sabbadhammesu cakkhumā.
‘‘сздтид̇хийд̇аа д̇ад̣̇аа худ̇ваа, б̣аараан̣асибуруд̇д̇амз;
‘‘Seṭṭhidhītā tadā hutvā, bārāṇasipuruttame;
ниманд̇зд̇ваана самб̣уд̣̇д̇хам̣, сасан̇гхам̣ логанааяагам̣.
Nimantetvāna sambuddhaṃ, sasaṅghaṃ lokanāyakaṃ.
‘‘махаад̣̇аанам̣ д̣̇ад̣̇ид̇ваана, уббалзхи винааяагам̣;
‘‘Mahādānaṃ daditvāna, uppalehi vināyakaṃ;
бууж̇аяид̇ваа жзд̇асаава, ван̣н̣асобхам̣ абад̇т̇аяим̣.
Pūjayitvā cetasāva, vaṇṇasobhaṃ apatthayiṃ.
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘убадтааго махзсисса, д̇ад̣̇аа ааси нариссаро;
‘‘Upaṭṭhāko mahesissa, tadā āsi narissaro;
гаасирааж̇аа гигий наама, б̣аараан̣асибуруд̇д̇амз.
Kāsirājā kikī nāma, bārāṇasipuruttame.
‘‘д̇ассаасим̣ д̣̇уд̇ияаа д̇хийд̇аа, саман̣аг̇уд̇д̇асавхаяаа;
‘‘Tassāsiṃ dutiyā dhītā, samaṇaguttasavhayā;
д̇хаммам̣ суд̇ваа ж̇инаг̇г̇асса, баб̣б̣аж̇ж̇ам̣ самарожаяим̣.
Dhammaṃ sutvā jinaggassa, pabbajjaṃ samarocayiṃ.
‘‘ануж̇аани на но д̇аад̇о, аг̇аарзва д̇ад̣̇аа маяам̣;
‘‘Anujāni na no tāto, agāreva tadā mayaṃ;
вийсавассасахассаани, вижаримха ад̇анд̣̇ид̇аа.
Vīsavassasahassāni, vicarimha atanditā.
‘‘гомаариб̣рахмажарияам̣, рааж̇аган̃н̃аа сукзд̇хид̇аа;
‘‘Komāribrahmacariyaṃ, rājakaññā sukhedhitā;
б̣уд̣̇д̇хобадтаананирад̇аа, муд̣̇ид̇аа сад̇д̇ад̇хийд̇аро.
Buddhopaṭṭhānaniratā, muditā sattadhītaro.
‘‘саман̣ий саман̣аг̇уд̇д̇аа жа, бхигкуний бхигкуд̣̇ааяигаа;
‘‘Samaṇī samaṇaguttā ca, bhikkhunī bhikkhudāyikā;
д̇хаммаа жзва суд̇хаммаа жа, сад̇д̇амий сан̇гхад̣̇ааяигаа.
Dhammā ceva sudhammā ca, sattamī saṅghadāyikā.
‘‘ахам̣ кзмаа жа саббан̃н̃аа, бадаажаараа жа гун̣д̣алаа;
‘‘Ahaṃ khemā ca sappaññā, paṭācārā ca kuṇḍalā;
гисааг̇од̇амий д̇хаммад̣̇иннаа, висаакаа ход̇и сад̇д̇амий.
Kisāgotamī dhammadinnā, visākhā hoti sattamī.
‘‘д̇зхи гаммзхи сугад̇зхи, жзд̇анаабан̣ид̇хийхи жа;
‘‘Tehi kammehi sukatehi, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘д̇ад̇о жуд̇аа мануссзсу, убабаннаа махаагулз;
‘‘Tato cutā manussesu, upapannā mahākule;
бийд̇ам̣ мадтам̣ варам̣ д̣̇уссам̣, ад̣̇ам̣ арахад̇о ахам̣.
Pītaṃ maṭṭhaṃ varaṃ dussaṃ, adaṃ arahato ahaṃ.
‘‘д̇ад̇о жуд̇ааридтабурз, ж̇аад̇аа виббагулз ахам̣;
‘‘Tato cutāriṭṭhapure, jātā vippakule ahaṃ;
д̇хийд̇аа д̇иридиважчасса, уммаад̣̇анд̇ий манохараа.
Dhītā tiriṭivacchassa, ummādantī manoharā.
‘‘д̇ад̇о жуд̇аа ж̇анабад̣̇з, гулз ан̃н̃ад̇арз ахам̣;
‘‘Tato cutā janapade, kule aññatare ahaṃ;
басууд̇аа наад̇ипийд̇амхи, саалим̣ г̇обзмахам̣ д̇ад̣̇аа.
Pasūtā nātiphītamhi, sāliṃ gopemahaṃ tadā.
‘‘д̣̇исваа бажжзгасамб̣уд̣̇д̇хам̣, бан̃жалааж̇асад̇аанихам̣;
‘‘Disvā paccekasambuddhaṃ, pañcalājasatānihaṃ;
д̣̇ад̇ваа бад̣̇умажчаннаани, бан̃жа буд̇д̇асад̇аанихам̣.
Datvā padumacchannāni, pañca puttasatānihaṃ.
‘‘бад̇т̇аяим̣ д̇зби бад̇т̇зсум̣, мад̇хум̣ д̣̇ад̇ваа саяамбхуно;
‘‘Patthayiṃ tepi patthesuṃ, madhuṃ datvā sayambhuno;
д̇ад̇о жуд̇аа аран̃н̃зхам̣, аж̇ааяим̣ бад̣̇умод̣̇арз.
Tato cutā araññehaṃ, ajāyiṃ padumodare.
‘‘гаасиран̃н̃о махзсийхам̣, худ̇ваа саггад̇абууж̇ид̇аа;
‘‘Kāsirañño mahesīhaṃ, hutvā sakkatapūjitā;
аж̇аним̣ рааж̇абуд̇д̇аанам̣, ануунам̣ сад̇абан̃жагам̣.
Ajaniṃ rājaputtānaṃ, anūnaṃ satapañcakaṃ.
‘‘яад̣̇аа д̇з яоб̣б̣анаббад̇д̇аа, гийл̣анд̇аа ж̇алагийл̣ид̇ам̣;
‘‘Yadā te yobbanappattā, kīḷantā jalakīḷitaṃ;
д̣̇исваа обад̇д̇абад̣̇умам̣, аасум̣ бажжзганааяагаа.
Disvā opattapadumaṃ, āsuṃ paccekanāyakā.
‘‘саахам̣ д̇зхи винаабхууд̇аа, суд̇авийрзхи согиний;
‘‘Sāhaṃ tehi vinābhūtā, sutavīrehi sokinī;
жуд̇аа исиг̇илибассз, г̇аамагамхи аж̇ааяихам̣.
Cutā isigilipasse, gāmakamhi ajāyihaṃ.
‘‘яад̣̇аа б̣уд̣̇д̇хо суд̇амад̇ий, суд̇аанам̣ бхад̇д̇уноби жа;
‘‘Yadā buddho sutamatī, sutānaṃ bhattunopi ca;
яааг̇ум̣ аад̣̇ааяа г̇ажчанд̇ий, адта бажжзганааяагз.
Yāguṃ ādāya gacchantī, aṭṭha paccekanāyake.
‘‘бхигкааяа г̇аамам̣ г̇ажчанд̇з, д̣̇исваа буд̇д̇з ануссарим̣;
‘‘Bhikkhāya gāmaṃ gacchante, disvā putte anussariṃ;
кийрад̇хаараа виниг̇г̇ажчи, д̇ад̣̇аа мз буд̇д̇абзмасаа.
Khīradhārā viniggacchi, tadā me puttapemasā.
‘‘д̇ад̇о д̇зсам̣ ад̣̇ам̣ яааг̇ум̣, басаннаа сзхи баан̣ибхи;
‘‘Tato tesaṃ adaṃ yāguṃ, pasannā sehi pāṇibhi;
д̇ад̇о жуд̇аахам̣ д̇ид̣̇асам̣, нанд̣̇анам̣ убабаж̇ж̇ахам̣.
Tato cutāhaṃ tidasaṃ, nandanaṃ upapajjahaṃ.
‘‘анубход̇ваа сукам̣ д̣̇угкам̣, сам̣сарид̇ваа бхаваабхавз;
‘‘Anubhotvā sukhaṃ dukkhaṃ, saṃsaritvā bhavābhave;
д̇авад̇т̇ааяа махаавийра, барижжад̇д̇ан̃жа ж̇ийвид̇ам̣.
Tavatthāya mahāvīra, pariccattañca jīvitaṃ.
‘‘д̇хийд̇аа д̇уяхам̣ махаавийра, бан̃н̃аванд̇а ж̇уд̇инд̇хара;
‘‘Dhītā tuyhaṃ mahāvīra, paññavanta jutindhara;
б̣ахун̃жа д̣̇уггарам̣ гаммам̣, гад̇ам̣ мз ад̇ид̣̇уггарам̣.
Bahuñca dukkaraṃ kammaṃ, kataṃ me atidukkaraṃ.
‘‘раахуло жа ахан̃жзва, нзгаж̇аад̇исад̇з б̣ахуу;
‘‘Rāhulo ca ahañceva, nekajātisate bahū;
згасмим̣ самбхавз ж̇аад̇аа, самаанажчанд̣̇амаанасаа.
Ekasmiṃ sambhave jātā, samānacchandamānasā.
‘‘ниб̣б̣ад̇д̇и згад̇о ход̇и, ж̇аад̇ияааби жа згад̇о;
‘‘Nibbatti ekato hoti, jātiyāpi ca ekato;
бажчимз бхавз самбад̇д̇з, убхоби наанаасамбхаваа.
Pacchime bhave sampatte, ubhopi nānāsambhavā.
‘‘буримаанам̣ ж̇инаг̇г̇аанам̣, сан̇г̇амам̣ д̇з нид̣̇ассид̇ам̣;
‘‘Purimānaṃ jinaggānaṃ, saṅgamaṃ te nidassitaṃ;
ад̇хигаарам̣ б̣ахум̣ маяхам̣, д̇уяхад̇т̇ааяа махаамуни.
Adhikāraṃ bahuṃ mayhaṃ, tuyhatthāya mahāmuni.
‘‘яам̣ маяаа буурид̇ам̣ гаммам̣, гусалам̣ сара мз муни;
‘‘Yaṃ mayā pūritaṃ kammaṃ, kusalaṃ sara me muni;
д̇авад̇т̇ааяа махаавийра, бун̃н̃ам̣ убажид̇ам̣ маяаа.
Tavatthāya mahāvīra, puññaṃ upacitaṃ mayā.
‘‘абхаб̣б̣адтаанз важ̇ж̇зд̇ваа, ваараяанд̇и анаажаарам̣;
‘‘Abhabbaṭṭhāne vajjetvā, vārayanti anācāraṃ;
д̇авад̇т̇ааяа махаавийра, жад̇д̇ам̣ мз ж̇ийвид̇ам̣ б̣ахум̣.
Tavatthāya mahāvīra, cattaṃ me jīvitaṃ bahuṃ.
‘‘звам̣ б̣ахувид̇хам̣ д̣̇угкам̣, самбад̇д̇и жа б̣ахуб̣б̣ид̇хаа;
‘‘Evaṃ bahuvidhaṃ dukkhaṃ, sampatti ca bahubbidhā;
бажчимз бхавз самбад̇д̇з, ж̇аад̇аа саавад̇т̇ияам̣ бурз.
Pacchime bhave sampatte, jātā sāvatthiyaṃ pure.
‘‘махаад̇ханасздтигулз, сукид̇з саж̇ж̇ид̇з д̇ат̇аа;
‘‘Mahādhanaseṭṭhikule, sukhite sajjite tathā;
наанаарад̇анабаж̇ж̇од̇з, саб̣б̣агаамасамид̣̇д̇хинз.
Nānāratanapajjote, sabbakāmasamiddhine.
‘‘саггад̇аа бууж̇ид̇аа жзва, маанид̇аабажид̇аа д̇ат̇аа;
‘‘Sakkatā pūjitā ceva, mānitāpacitā tathā;
руубасийримануббад̇д̇аа, гулзсу абхисаггад̇аа.
Rūpasīrimanuppattā, kulesu abhisakkatā.
‘‘ад̇ийва бад̇т̇ид̇аа жаасим̣, руубасобхасирийхи жа;
‘‘Atīva patthitā cāsiṃ, rūpasobhasirīhi ca;
бад̇т̇ид̇аа сздтибуд̇д̇зхи, анзгзхи сад̇зхиби.
Patthitā seṭṭhiputtehi, anekehi satehipi.
‘‘аг̇аарам̣ баж̇ахид̇ваана, баб̣б̣аж̇им̣ анаг̇аарияам̣;
‘‘Agāraṃ pajahitvāna, pabbajiṃ anagāriyaṃ;
ад̣дхамаасз асамбад̇д̇з, жад̇усажжамабаабун̣им̣.
Aḍḍhamāse asampatte, catusaccamapāpuṇiṃ.
‘‘ид̣̇д̇хияаа абхиниммид̇ваа, жад̇урассам̣ рат̇ам̣ ахам̣;
‘‘Iddhiyā abhinimmitvā, caturassaṃ rathaṃ ahaṃ;
б̣уд̣̇д̇хасса баад̣̇з ванд̣̇иссам̣, логанаат̇асса д̇аад̣̇ино.
Buddhassa pāde vandissaṃ, lokanāthassa tādino.
‘‘ид̣̇д̇хийсу жа васий хоми, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī homi, dibbāya sotadhātuyā;
жзд̇обарияан̃аан̣асса, васий хоми махаамунз.
Cetopariyañāṇassa, vasī homi mahāmune.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
‘‘ад̇т̇ад̇хамманируд̇д̇ийсу, бадибхаанз д̇ат̇зва жа;
‘‘Atthadhammaniruttīsu, paṭibhāne tatheva ca;
н̃аан̣ам̣ мз вималам̣ суд̣̇д̇хам̣, бабхаавзна махзсино.
Ñāṇaṃ me vimalaṃ suddhaṃ, pabhāvena mahesino.
‘‘жийварам̣ бин̣д̣абаад̇ан̃жа, бажжаяам̣ саяанаасанам̣;
‘‘Cīvaraṃ piṇḍapātañca, paccayaṃ sayanāsanaṃ;
кан̣зна убанаамзнд̇и, сахассаани саманд̇ад̇о.
Khaṇena upanāmenti, sahassāni samantato.
‘‘ж̇ино д̇амхи г̇ун̣з д̇удто, зд̇ад̣̇аг̇г̇з табзси мам̣;
‘‘Jino tamhi guṇe tuṭṭho, etadagge ṭhapesi maṃ;
аг̇г̇аа ид̣̇д̇химад̇ийнанд̇и , барисаасу винааяаго.
Aggā iddhimatīnanti , parisāsu vināyako.
‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;
‘‘Pariciṇṇo mayā satthā, kataṃ buddhassa sāsanaṃ;
охид̇о г̇аруго бхааро, бхаванзд̇д̇исамуухад̇аа.
Ohito garuko bhāro, bhavanettisamūhatā.
‘‘яассад̇т̇ааяа баб̣б̣аж̇ид̇аа, аг̇аарасмаанаг̇аарияам̣;
‘‘Yassatthāya pabbajitā, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо.
So me attho anuppatto, sabbasaṃyojanakkhayo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
аяам̣ бана т̇зрий яад̣̇аа бхаг̇аваа саавад̇т̇инаг̇арад̣̇ваарз яамагабаадихаарияам̣ гаад̇ум̣ ган̣д̣амб̣аругкамуулам̣ убаг̇ан̃чи, д̇ад̣̇аа сад̇т̇аарам̣ убасан̇гамид̇ваа ванд̣̇ид̇ваа звамааха – ‘‘ахам̣, бханд̇з, баадихаарияам̣ гариссаами, яад̣̇и бхаг̇аваа ануж̇аанаад̇ий’’д̇и сийханаад̣̇ам̣ над̣̇и. сад̇т̇аа ид̣̇ам̣ гааран̣ам̣ адтуббад̇д̇им̣ гад̇ваа ж̇зд̇аванамахаавихаарз арияаг̇ан̣амаж̇жхз нисинно бадибаадияаа бхигкунияо таананд̇арз табзнд̇о имам̣ т̇зрим̣ ид̣̇д̇химанд̇ийнам̣ аг̇г̇адтаанз табзси. саа жхаанасукзна паласукзна ниб̣б̣аанасукзна жа вийд̇инаамзнд̇ий згад̣̇ивасам̣ гаамаанам̣ аад̣̇ийнавам̣ огаарам̣ сам̣гилзсан̃жа бажжавзгкамаанаа г̇ан̇г̇аад̇ийрияад̇т̇зрасса маад̇уяаа д̇хийд̇ааяа сад̣̇д̇хим̣ сабад̇д̇иваасам̣ уд̣̇д̣̇исса сам̣взг̇аж̇аад̇ааяа вуд̇д̇аг̇аат̇аа бажжанубхаасанд̇ий –
Ayaṃ pana therī yadā bhagavā sāvatthinagaradvāre yamakapāṭihāriyaṃ kātuṃ kaṇḍambarukkhamūlaṃ upagañchi, tadā satthāraṃ upasaṅkamitvā vanditvā evamāha – ‘‘ahaṃ, bhante, pāṭihāriyaṃ karissāmi, yadi bhagavā anujānātī’’ti sīhanādaṃ nadi. Satthā idaṃ kāraṇaṃ aṭṭhuppattiṃ katvā jetavanamahāvihāre ariyagaṇamajjhe nisinno paṭipāṭiyā bhikkhuniyo ṭhānantare ṭhapento imaṃ theriṃ iddhimantīnaṃ aggaṭṭhāne ṭhapesi. Sā jhānasukhena phalasukhena nibbānasukhena ca vītināmentī ekadivasaṃ kāmānaṃ ādīnavaṃ okāraṃ saṃkilesañca paccavekkhamānā gaṅgātīriyattherassa mātuyā dhītāya saddhiṃ sapattivāsaṃ uddissa saṃvegajātāya vuttagāthā paccanubhāsantī –
224.
224.
‘‘убхо маад̇аа жа д̇хийд̇аа жа, маяам̣ аасум̣ сабад̇д̇ияо;
‘‘Ubho mātā ca dhītā ca, mayaṃ āsuṃ sapattiyo;
д̇ассаа мз аху сам̣взг̇о, аб̣бхуд̇о ломахам̣сано.
Tassā me ahu saṃvego, abbhuto lomahaṃsano.
225.
225.
‘‘д̇хирад̇т̇у гаамаа асужий, д̣̇уг̇г̇анд̇хаа б̣ахуган̣дагаа;
‘‘Dhiratthu kāmā asucī, duggandhā bahukaṇṭakā;
яад̇т̇а маад̇аа жа д̇хийд̇аа жа, сабхарияаа маяам̣ ахум̣.
Yattha mātā ca dhītā ca, sabhariyā mayaṃ ahuṃ.
226.
226.
‘‘гаамзсваад̣̇ийнавам̣ д̣̇исваа, нзгкаммам̣ д̣̇адту кзмад̇о;
‘‘Kāmesvādīnavaṃ disvā, nekkhammaṃ daṭṭhu khemato;
саа баб̣б̣аж̇им̣ рааж̇аг̇ахз, аг̇аарасмаанаг̇аарияа’’нд̇и. –
Sā pabbajiṃ rājagahe, agārasmānagāriya’’nti. –
имаа д̇иссо г̇аат̇аа абхааси.
Imā tisso gāthā abhāsi.
д̇ад̇т̇а убхо маад̇аа жа д̇хийд̇аа жа, маяам̣ аасум̣ сабад̇д̇ияод̇и маад̇аа жа д̇хийд̇аа жаад̇и убхо маяам̣ ан̃н̃аман̃н̃ам̣ сабад̇д̇ияо ахумха.
Tattha ubho mātā ca dhītā ca, mayaṃ āsuṃ sapattiyoti mātā ca dhītā cāti ubho mayaṃ aññamaññaṃ sapattiyo ahumha.
саавад̇т̇ияам̣ гира ан̃н̃ад̇арасса ваан̣иж̇асса бхарияааяа бажжуусавзлааяам̣ гужчияам̣ г̇аб̣бхо сан̣тааси, саа д̇ам̣ на ан̃н̃ааси. ваан̣иж̇о вибхаад̇ааяа рад̇д̇ияаа сагадзсу бхан̣д̣ам̣ ааробзд̇ваа рааж̇аг̇ахам̣ уд̣̇д̣̇исса г̇ад̇о. д̇ассаа г̇ажчанд̇з гаалз г̇аб̣бхо вад̣дхзд̇ваа барибаагам̣ аг̇амааси. ат̇а нам̣ сассу звамааха – ‘‘мама буд̇д̇о жираббавуд̇т̇о д̇ван̃жа г̇аб̣бхиний, баабагам̣ д̇аяаа гад̇а’’нд̇и. саа ‘‘д̇ава буд̇д̇ад̇о ан̃н̃ам̣ бурисам̣ на ж̇аанаамий’’д̇и ааха. д̇ам̣ суд̇вааби сассу асад̣̇д̣̇аханд̇ий д̇ам̣ гхарад̇о ниггад̣дхи. саа саамигам̣ г̇авзсанд̇ий ануггамзна рааж̇аг̇ахам̣ самбад̇д̇аа. д̇аавад̣̇зва жассаа гаммаж̇аваад̇зсу жаланд̇зсу маг̇г̇асамийбз ан̃н̃ад̇арам̣ саалам̣ бавидтааяа г̇аб̣бхавудтаанам̣ ахоси. саа суван̣н̣аб̣имб̣асад̣̇исам̣ буд̇д̇ам̣ виж̇ааяид̇ваа анаат̇асаалааяам̣ саяаабзд̇ваа уд̣̇агагижжад̇т̇ам̣ б̣ахи нигканд̇аа. ат̇ан̃н̃ад̇аро абуд̇д̇аго сад̇т̇аваахо д̇зна маг̇г̇зна г̇ажчанд̇о ‘‘ассаамигааяа д̣̇аараго, мама буд̇д̇о бхависсад̇ий’’д̇и д̇ам̣ д̇хаад̇ияаа хад̇т̇з ад̣̇ааси. ат̇асса маад̇аа уд̣̇агагижжам̣ гад̇ваа уд̣̇агам̣ г̇ахзд̇ваа бадинивад̇д̇ид̇ваа буд̇д̇ам̣ абассанд̇ий согаабхибхууд̇аа барид̣̇звид̇ваа рааж̇аг̇ахам̣ аббависид̇ваава маг̇г̇ам̣ бадибаж̇ж̇и. д̇ам̣ ан̃н̃ад̇аро жораж̇здтаго анд̇араамаг̇г̇з д̣̇исваа бадиб̣ад̣̇д̇хажид̇д̇о ад̇д̇ано баж̇аабад̇им̣ агааси. саа д̇асса г̇зхз васанд̇ий згам̣ д̇хийд̇арам̣ виж̇ааяи. ат̇а саа згад̣̇ивасам̣ д̇хийд̇арам̣ г̇ахзд̇ваа тид̇аа саамигзна бхан̣д̣ид̇ваа д̇хийд̇арам̣ ман̃жагз киби. д̣̇ааригааяа сийсам̣ т̇огам̣ бхинд̣̇и. д̇ад̇о сааби саамигам̣ бхааяид̇ваа рааж̇аг̇ахамзва бажжааг̇анд̇ваа сзривижаарзна вижарад̇и. д̇ассаа буд̇д̇о батамаяоб̣б̣анз тид̇о ‘‘маад̇аа’’д̇и аж̇аананд̇о ад̇д̇ано баж̇аабад̇им̣ агааси. абарабхааг̇з д̇ам̣ жораж̇здтагад̇хийд̇арам̣ бхаг̇инибхаавам̣ аж̇аананд̇о виваахам̣ гад̇ваа ад̇д̇ано г̇зхам̣ аанзси. звам̣ со ад̇д̇ано маад̇арам̣ бхаг̇инин̃жа баж̇аабад̇ий гад̇ваа ваасзси. д̇зна д̇аа убхоби сабад̇д̇иваасам̣ васим̣су. ат̇згад̣̇ивасам̣ маад̇аа д̇хийд̇у гзсаваддим̣ можзд̇ваа уугам̣ ологзнд̇ий сийсз ван̣ам̣ д̣̇исваа ‘‘аббзванаамааяам̣ мама д̇хийд̇аа бхавзяяаа’’д̇и бужчид̇ваа сам̣взг̇аж̇аад̇аа худ̇ваа рааж̇аг̇ахз бхигкунубассаяам̣ г̇анд̇ваа баб̣б̣аж̇ид̇ваа гад̇абуб̣б̣агижжаа вивзгаваасам̣ васанд̇ий ад̇д̇ано жа буб̣б̣абадибад̇д̇им̣ бажжавзгкид̇ваа ‘‘убхо маад̇аа’’д̇иаад̣̇игаа г̇аат̇аа абхааси. д̇аа бана д̇ааяа вуд̇д̇аг̇аат̇аава гаамзсу аад̣̇ийнавад̣̇ассанавасзна бажжанубхаасанд̇ий аяам̣ т̇зрий ‘‘убхо маад̇аа жа д̇хийд̇аа жаа’’д̇иаад̣̇имааха. д̇зна вуд̇д̇ам̣ – ‘‘саа жхаанасукзна паласукзна ниб̣б̣аанасукзна жа вийд̇инаамзнд̇ий имаа д̇иссо г̇аат̇аа абхаасий’’д̇и.
Sāvatthiyaṃ kira aññatarassa vāṇijassa bhariyāya paccūsavelāyaṃ kucchiyaṃ gabbho saṇṭhāsi, sā taṃ na aññāsi. Vāṇijo vibhātāya rattiyā sakaṭesu bhaṇḍaṃ āropetvā rājagahaṃ uddissa gato. Tassā gacchante kāle gabbho vaḍḍhetvā paripākaṃ agamāsi. Atha naṃ sassu evamāha – ‘‘mama putto cirappavuttho tvañca gabbhinī, pāpakaṃ tayā kata’’nti. Sā ‘‘tava puttato aññaṃ purisaṃ na jānāmī’’ti āha. Taṃ sutvāpi sassu asaddahantī taṃ gharato nikkaḍḍhi. Sā sāmikaṃ gavesantī anukkamena rājagahaṃ sampattā. Tāvadeva cassā kammajavātesu calantesu maggasamīpe aññataraṃ sālaṃ paviṭṭhāya gabbhavuṭṭhānaṃ ahosi. Sā suvaṇṇabimbasadisaṃ puttaṃ vijāyitvā anāthasālāyaṃ sayāpetvā udakakiccatthaṃ bahi nikkhantā. Athaññataro aputtako satthavāho tena maggena gacchanto ‘‘assāmikāya dārako, mama putto bhavissatī’’ti taṃ dhātiyā hatthe adāsi. Athassa mātā udakakiccaṃ katvā udakaṃ gahetvā paṭinivattitvā puttaṃ apassantī sokābhibhūtā paridevitvā rājagahaṃ appavisitvāva maggaṃ paṭipajji. Taṃ aññataro corajeṭṭhako antarāmagge disvā paṭibaddhacitto attano pajāpatiṃ akāsi. Sā tassa gehe vasantī ekaṃ dhītaraṃ vijāyi. Atha sā ekadivasaṃ dhītaraṃ gahetvā ṭhitā sāmikena bhaṇḍitvā dhītaraṃ mañcake khipi. Dārikāya sīsaṃ thokaṃ bhindi. Tato sāpi sāmikaṃ bhāyitvā rājagahameva paccāgantvā serivicārena vicarati. Tassā putto paṭhamayobbane ṭhito ‘‘mātā’’ti ajānanto attano pajāpatiṃ akāsi. Aparabhāge taṃ corajeṭṭhakadhītaraṃ bhaginibhāvaṃ ajānanto vivāhaṃ katvā attano gehaṃ ānesi. Evaṃ so attano mātaraṃ bhaginiñca pajāpatī katvā vāsesi. Tena tā ubhopi sapattivāsaṃ vasiṃsu. Athekadivasaṃ mātā dhītu kesavaṭṭiṃ mocetvā ūkaṃ olokentī sīse vaṇaṃ disvā ‘‘appevanāmāyaṃ mama dhītā bhaveyyā’’ti pucchitvā saṃvegajātā hutvā rājagahe bhikkhunupassayaṃ gantvā pabbajitvā katapubbakiccā vivekavāsaṃ vasantī attano ca pubbapaṭipattiṃ paccavekkhitvā ‘‘ubho mātā’’tiādikā gāthā abhāsi. Tā pana tāya vuttagāthāva kāmesu ādīnavadassanavasena paccanubhāsantī ayaṃ therī ‘‘ubho mātā ca dhītā cā’’tiādimāha. Tena vuttaṃ – ‘‘sā jhānasukhena phalasukhena nibbānasukhena ca vītināmentī imā tisso gāthā abhāsī’’ti.
д̇ад̇т̇а асужийд̇и гилзсаасужибаг̇гхаран̣зна асужий. д̣̇уг̇г̇анд̇хаад̇и висаг̇анд̇хавааяанзна бууд̇иг̇анд̇хаа. б̣ахуган̣дагаад̇и висууяигаббавад̇д̇ияаа сужарид̇авинивиж̇жханадтзна б̣ахувид̇хагилзсаган̣дагаа. д̇ат̇аа хи д̇з сад̇д̇исуулуубамаа гаамаад̇и вуд̇д̇аа. яад̇т̇аад̇и язсу гаамзсу барибхун̃ж̇ид̇аб̣б̣зсу. сабхарияаад̇и самаанабхарияаа, сабад̇д̇ияод̇и ад̇т̇о.
Tattha asucīti kilesāsucipaggharaṇena asucī. Duggandhāti visagandhavāyanena pūtigandhā. Bahukaṇṭakāti visūyikappavattiyā sucaritavinivijjhanaṭṭhena bahuvidhakilesakaṇṭakā. Tathā hi te sattisūlūpamā kāmāti vuttā. Yatthāti yesu kāmesu paribhuñjitabbesu. Sabhariyāti samānabhariyā, sapattiyoti attho.
227.
227.
‘‘буб̣б̣зниваасам̣ ж̇аанаами, д̣̇иб̣б̣ажагкум̣ висод̇хид̇ам̣;
‘‘Pubbenivāsaṃ jānāmi, dibbacakkhuṃ visodhitaṃ;
жзд̇обарижжан̃аан̣ан̃жа, сод̇ад̇хаад̇у висод̇хид̇аа.
Cetopariccañāṇañca, sotadhātu visodhitā.
228.
228.
‘‘ид̣̇д̇хийби мз сажчигад̇аа, бад̇д̇о мз аасавагкаяо;
‘‘Iddhīpi me sacchikatā, patto me āsavakkhayo;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
‘‘буб̣б̣знивааса’’нд̇иаад̣̇игаа д̣̇вз г̇аат̇аа ад̇д̇ано ад̇хиг̇ад̇ависзсам̣ бажжавзгкид̇ваа бийд̇исоманассаж̇аад̇ааяа т̇зрияаа вуд̇д̇аа. д̇ад̇т̇а жзд̇обарижжан̃аан̣анд̇и жзд̇обарияан̃аан̣ам̣, сажчигад̇ам̣, бад̇д̇анд̇и ваа самб̣анд̇хо.
‘‘Pubbenivāsa’’ntiādikā dve gāthā attano adhigatavisesaṃ paccavekkhitvā pītisomanassajātāya theriyā vuttā. Tattha cetopariccañāṇanti cetopariyañāṇaṃ, sacchikataṃ, pattanti vā sambandho.
229.
229.
‘‘ид̣̇д̇хияаа абхиниммид̇ваа, жад̇урассам̣ рат̇ам̣ ахам̣;
‘‘Iddhiyā abhinimmitvā, caturassaṃ rathaṃ ahaṃ;
б̣уд̣̇д̇хасса баад̣̇з ванд̣̇ид̇ваа, логанаат̇асса д̇аад̣̇ино’’д̇и. –
Buddhassa pāde vanditvā, lokanāthassa tādino’’ti. –
аяам̣ г̇аат̇аа яад̣̇аа бхаг̇аваа яамагабаадихаарияам̣ гаад̇ум̣ ган̣д̣амб̣аругкамуулам̣ убасан̇гами, д̇ад̣̇аа аяам̣ т̇зрий зваруубам̣ рат̇ам̣ нимминид̇ваа д̇зна сад̣̇д̇хим̣ сад̇т̇у санд̇игам̣ г̇анд̇ваа бхаг̇аваа ‘‘ахам̣ баадихаарияам̣ гариссаами д̇ид̇т̇ияамад̣̇аниммат̇анааяа, ануж̇аанаат̇аа’’д̇и вад̇ваа сад̇т̇у санд̇игз адтааси, д̇ам̣ сад̣̇д̇хааяа вуд̇д̇аа. д̇ад̇т̇а ид̣̇д̇хияаа абхиниммид̇ваа, жад̇урассам̣ рат̇ам̣ аханд̇и жад̇уухи ассзхи яож̇ид̇ам̣ рат̇ам̣ ид̣̇д̇хияаа абхинимминид̇ваа б̣уд̣̇д̇хасса бхаг̇авад̇о баад̣̇з ванд̣̇ид̇ваа згаманд̇ам̣ адтаасинд̇и ад̇хиббааяо.
Ayaṃ gāthā yadā bhagavā yamakapāṭihāriyaṃ kātuṃ kaṇḍambarukkhamūlaṃ upasaṅkami, tadā ayaṃ therī evarūpaṃ rathaṃ nimminitvā tena saddhiṃ satthu santikaṃ gantvā bhagavā ‘‘ahaṃ pāṭihāriyaṃ karissāmi titthiyamadanimmathanāya, anujānāthā’’ti vatvā satthu santike aṭṭhāsi, taṃ saddhāya vuttā. Tattha iddhiyā abhinimmitvā, caturassaṃ rathaṃ ahanti catūhi assehi yojitaṃ rathaṃ iddhiyā abhinimminitvā buddhassa bhagavato pāde vanditvā ekamantaṃ aṭṭhāsinti adhippāyo.
230.
230.
‘‘субубпид̇аг̇г̇ам̣ убаг̇амма баад̣̇абам̣, згаа д̇увам̣ д̇идтаси сааламуулз;
‘‘Supupphitaggaṃ upagamma pādapaṃ, ekā tuvaṃ tiṭṭhasi sālamūle;
на жааби д̇з д̣̇уд̇ияо ад̇т̇и гожи, б̣аалз на д̇вам̣ бхааяаси д̇худ̇д̇агаанам̣’’.
Na cāpi te dutiyo atthi koci, bāle na tvaṃ bhāyasi dhuttakānaṃ’’.
д̇ад̇т̇а субубпид̇аг̇г̇анд̇и судту бубпид̇ааг̇г̇ам̣, аг̇г̇ад̇о бадтааяа саб̣б̣апаалибулланд̇ий ад̇т̇о. баад̣̇абанд̇и ругкам̣, ид̇ха бана сааларугко ад̇хиббзд̇о. згаа д̇уванд̇и згигаа д̇вам̣ ид̇ха д̇идтаси. на жааби д̇з д̣̇уд̇ияо ад̇т̇и гожийд̇и д̇ава сахааяабхууд̇о аарагкаго гожиби над̇т̇и, руубасамбад̇д̇ияаа ваа д̇уяхам̣ д̣̇уд̇ияо гожиби над̇т̇и, асад̣̇исаруубаа згигаава имасмим̣ ж̇анавивид̇д̇з таанз д̇идтаси. б̣аалз на д̇вам̣ бхааяаси д̇худ̇д̇агаананд̇и д̇арун̣игз д̇вам̣ д̇худ̇д̇абурисаанам̣ гат̇ам̣ на бхааяаси, сагин̃жанагаарино д̇худ̇д̇аад̇и ад̇хиббааяо. имам̣ гира г̇аат̇ам̣ мааро згад̣̇ивасам̣ т̇зрим̣ субубпид̇з саалаванз д̣̇иваавихаарам̣ нисиннам̣ д̣̇исваа убасан̇гамид̇ваа вивзгад̇о вижчинд̣̇ид̇угаамо виймам̣санд̇о ааха. ат̇а нам̣ т̇зрий санд̇аж̇ж̇знд̇ий ад̇д̇ано аанубхаававасзна –
Tattha supupphitagganti suṭṭhu pupphitaaggaṃ, aggato paṭṭhāya sabbaphālipullantī attho. Pādapanti rukkhaṃ, idha pana sālarukkho adhippeto. Ekā tuvanti ekikā tvaṃ idha tiṭṭhasi. Na cāpi te dutiyo atthi kocīti tava sahāyabhūto ārakkhako kocipi natthi, rūpasampattiyā vā tuyhaṃ dutiyo kocipi natthi, asadisarūpā ekikāva imasmiṃ janavivitte ṭhāne tiṭṭhasi. Bāle na tvaṃ bhāyasi dhuttakānanti taruṇike tvaṃ dhuttapurisānaṃ kathaṃ na bhāyasi, sakiñcanakārino dhuttāti adhippāyo. Imaṃ kira gāthaṃ māro ekadivasaṃ theriṃ supupphite sālavane divāvihāraṃ nisinnaṃ disvā upasaṅkamitvā vivekato vicchinditukāmo vīmaṃsanto āha. Atha naṃ therī santajjentī attano ānubhāvavasena –
231.
231.
‘‘сад̇ам̣ сахассааниби д̇худ̇д̇агаанам̣, самааг̇ад̇аа зд̣̇исагаа бхавзяяум̣;
‘‘Sataṃ sahassānipi dhuttakānaṃ, samāgatā edisakā bhaveyyuṃ;
ломам̣ на ин̃ж̇з наби самбавзд̇хз, гим̣ мз д̇увам̣ маара гариссасзго.
Lomaṃ na iñje napi sampavedhe, kiṃ me tuvaṃ māra karissaseko.
232.
232.
‘‘зсаа анд̇арад̇хааяаами, гужчим̣ ваа бависаами д̇з;
‘‘Esā antaradhāyāmi, kucchiṃ vā pavisāmi te;
бхамуганд̇арз д̇идтаами, д̇идтанд̇им̣ мам̣ на д̣̇агкаси.
Bhamukantare tiṭṭhāmi, tiṭṭhantiṃ maṃ na dakkhasi.
233.
233.
‘‘жид̇д̇амхи васийбхууд̇аахам̣, ид̣̇д̇хибаад̣̇аа субхаавид̇аа;
‘‘Cittamhi vasībhūtāhaṃ, iddhipādā subhāvitā;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣.
Chaḷabhiññā sacchikatā, kataṃ buddhassa sāsanaṃ.
234.
234.
‘‘сад̇д̇исуулуубамаа гаамаа, канд̇хаасам̣ ад̇хигудданаа;
‘‘Sattisūlūpamā kāmā, khandhāsaṃ adhikuṭṭanā;
яам̣ д̇вам̣ гаамарад̇им̣ б̣рууси, арад̇ий д̣̇аани саа мама.
Yaṃ tvaṃ kāmaratiṃ brūsi, aratī dāni sā mama.
235.
235.
‘‘саб̣б̣ад̇т̇а вихад̇аа нанд̣̇ий, д̇амоканд̇хо бад̣̇аалид̇о;
‘‘Sabbattha vihatā nandī, tamokhandho padālito;
звам̣ ж̇аанаахи баабима, нихад̇о д̇вамаси анд̇агаа’’д̇и. –
Evaṃ jānāhi pāpima, nihato tvamasi antakā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а сад̇ам̣ сахассааниби д̇худ̇д̇агаанам̣ , самааг̇ад̇аа зд̣̇исагаа бхавзяяунд̇и яаад̣̇исаго д̇вам̣ зд̣̇исагаа зваруубаа анзгасад̇асахассамад̇д̇ааби д̇худ̇д̇агаа самааг̇ад̇аа яад̣̇и бхавзяяум̣. ломам̣ на ин̃ж̇з наби самбавзд̇хзд̇и ломамад̇д̇амби на ин̃ж̇зяяа на самбавзд̇хзяяа. гим̣ мз д̇увам̣ маара гариссасзгод̇и маара, д̇вам̣ згагова маяхам̣ гим̣ гариссаси?
Tattha sataṃ sahassānipi dhuttakānaṃ, samāgatā edisakā bhaveyyunti yādisako tvaṃ edisakā evarūpā anekasatasahassamattāpi dhuttakā samāgatā yadi bhaveyyuṃ. Lomaṃ na iñje napi sampavedheti lomamattampi na iñjeyya na sampavedheyya. Kiṃ me tuvaṃ māra karissasekoti māra, tvaṃ ekakova mayhaṃ kiṃ karissasi?
ид̣̇аани маарасса ад̇д̇ано гин̃жиби гаад̇ум̣ асамад̇т̇ад̇ам̣язва вибхаавзнд̇ий ‘‘зсаа анд̇арад̇хааяаамий’’д̇и г̇аат̇амааха. д̇ассад̇т̇о – маара, зсаахам̣ д̇ава бурад̇о тид̇аава анд̇арад̇хааяаами ад̣̇ассанам̣ г̇ажчаами, аж̇аананд̇ассзва д̇з гужчим̣ ваа бависаами, бхамуганд̇арз ваа д̇идтаами, звам̣ д̇идтанд̇ин̃жа мам̣ д̇вам̣ на бассаси.
Idāni mārassa attano kiñcipi kātuṃ asamatthataṃyeva vibhāventī ‘‘esā antaradhāyāmī’’ti gāthamāha. Tassattho – māra, esāhaṃ tava purato ṭhitāva antaradhāyāmi adassanaṃ gacchāmi, ajānantasseva te kucchiṃ vā pavisāmi, bhamukantare vā tiṭṭhāmi, evaṃ tiṭṭhantiñca maṃ tvaṃ na passasi.
гасмаад̇и жз? жид̇д̇амхи васийбхууд̇аахам̣, ид̣̇д̇хибаад̣̇аа субхаавид̇аа, ахам̣ жамхи маара, маяхам̣ жид̇д̇ам̣ васийбхааваббад̇д̇ам̣, жад̇д̇аароби ид̣̇д̇хибаад̣̇аа маяаа судту бхаавид̇аа б̣ахулийгад̇аа, д̇асмаа ахам̣ яат̇аавуд̇д̇ааяа ид̣̇д̇хивисаяад̇ааяа бахомийд̇и. сзсам̣ саб̣б̣ам̣ хздтаа вуд̇д̇анаяад̇д̇аа уд̇д̇аанамзва.
Kasmāti ce? Cittamhi vasībhūtāhaṃ, iddhipādā subhāvitā, ahaṃ camhi māra, mayhaṃ cittaṃ vasībhāvappattaṃ, cattāropi iddhipādā mayā suṭṭhu bhāvitā bahulīkatā, tasmā ahaṃ yathāvuttāya iddhivisayatāya pahomīti. Sesaṃ sabbaṃ heṭṭhā vuttanayattā uttānameva.
уббалаван̣н̣аат̇зрийг̇аат̇ааван̣н̣анаа нидтид̇аа.
Uppalavaṇṇātherīgāthāvaṇṇanā niṭṭhitā.
д̣̇ваад̣̇асанибаад̇аван̣н̣анаа нидтид̇аа.
Dvādasanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. уббалаван̣н̣аат̇зрийг̇аат̇аа • 1. Uppalavaṇṇātherīgāthā
