| Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi |
១៧. ឧប្បន្នត្តិកំ
17. Uppannattikaṃ
៧. បញ្ហាវារោ
7. Pañhāvāro
១. បច្ចយានុលោមំ
1. Paccayānulomaṃ
១. វិភង្គវារោ
1. Vibhaṅgavāro
ហេតុបច្ចយោ
Hetupaccayo
១. ឧប្បន្នោ ធម្មោ ឧប្បន្នស្ស ធម្មស្ស ហេតុបច្ចយេន បច្ចយោ – ឧប្បន្នា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ បដិសន្ធិក្ខណេ ឧប្បន្នា ហេតូ សម្បយុត្តកានំ ខន្ធានំ កដត្តា ច រូបានំ ហេតុបច្ចយេន បច្ចយោ។ (១)
1. Uppanno dhammo uppannassa dhammassa hetupaccayena paccayo – uppannā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe uppannā hetū sampayuttakānaṃ khandhānaṃ kaṭattā ca rūpānaṃ hetupaccayena paccayo. (1)
អារម្មណបច្ចយោ
Ārammaṇapaccayo
២. ឧប្បន្នោ ធម្មោ ឧប្បន្នស្ស ធម្មស្ស អារម្មណបច្ចយេន បច្ចយោ – ឧប្បន្នំ ចក្ខុំ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា…បេ.… ឧទ្ធច្ចំ…បេ.… ទោមនស្សំ ឧប្បជ្ជតិ។ ឧប្បន្នំ សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ… ឧប្បន្នេ ខន្ធេ អនិច្ចតោ ទុក្ខតោ អនត្តតោ វិបស្សតិ…បេ.… ទោមនស្សំ ឧប្បជ្ជតិ។ ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស …បេ.… ផោដ្ឋព្ពាយតនំ កាយវិញ្ញាណស្ស…បេ.… ឧប្បន្នា ខន្ធា ឥទ្ធិវិធញាណស្ស អាវជ្ជនាយ អារម្មណបច្ចយេន បច្ចយោ។ (១)
2. Uppanno dhammo uppannassa dhammassa ārammaṇapaccayena paccayo – uppannaṃ cakkhuṃ aniccato dukkhato anattato vipassati, assādeti abhinandati, taṃ ārabbha rāgo uppajjati, diṭṭhi uppajjati, vicikicchā…pe… uddhaccaṃ…pe… domanassaṃ uppajjati. Uppannaṃ sotaṃ… ghānaṃ… jivhaṃ… kāyaṃ… rūpe… sadde… gandhe… rase… phoṭṭhabbe… vatthuṃ… uppanne khandhe aniccato dukkhato anattato vipassati…pe… domanassaṃ uppajjati. Dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa …pe… phoṭṭhabbāyatanaṃ kāyaviññāṇassa…pe… uppannā khandhā iddhividhañāṇassa āvajjanāya ārammaṇapaccayena paccayo. (1)
៣. អនុប្បន្នោ ធម្មោ ឧប្បន្នស្ស ធម្មស្ស អារម្មណបច្ចយេន បច្ចយោ – អនុប្បន្នេ រូបេ… សទ្ទេ… គន្ធេ… រសេ… ផោដ្ឋព្ពេ… អនុប្បន្នេ ខន្ធេ អនិច្ចតោ ទុក្ខតោ អនត្តតោ វិបស្សតិ…បេ.… ទោមនស្សំ ឧប្បជ្ជតិ។ អនុប្បន្នា ខន្ធា ឥទ្ធិវិធញាណស្ស, ចេតោបរិយញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)
3. Anuppanno dhammo uppannassa dhammassa ārammaṇapaccayena paccayo – anuppanne rūpe… sadde… gandhe… rase… phoṭṭhabbe… anuppanne khandhe aniccato dukkhato anattato vipassati…pe… domanassaṃ uppajjati. Anuppannā khandhā iddhividhañāṇassa, cetopariyañāṇassa, anāgataṃsañāṇassa, āvajjanāya ārammaṇapaccayena paccayo. (1)
៤. ឧប្បាទី ធម្មោ ឧប្បន្នស្ស ធម្មស្ស អារម្មណបច្ចយេន បច្ចយោ – ឧប្បាទិំ ចក្ខុំ…បេ.… កាយំ… រូបេ… គន្ធេ… រសេ… ផោដ្ឋព្ពេ… វត្ថុំ… ឧប្បាទី ខន្ធេ អនិច្ចតោ ទុក្ខតោ អនត្តតោ…បេ.… ទោមនស្សំ ឧប្បជ្ជតិ។ ឧប្បាទី ខន្ធា ឥទ្ធិវិធញាណស្ស, ចេតោបរិយញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)
4. Uppādī dhammo uppannassa dhammassa ārammaṇapaccayena paccayo – uppādiṃ cakkhuṃ…pe… kāyaṃ… rūpe… gandhe… rase… phoṭṭhabbe… vatthuṃ… uppādī khandhe aniccato dukkhato anattato…pe… domanassaṃ uppajjati. Uppādī khandhā iddhividhañāṇassa, cetopariyañāṇassa, anāgataṃsañāṇassa, āvajjanāya ārammaṇapaccayena paccayo. (1)
អធិបតិបច្ចយោ
Adhipatipaccayo
៥. ឧប្បន្នោ ធម្មោ ឧប្បន្នស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ឧប្បន្នំ ចក្ខុំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ ឧប្បន្នំ សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ… ឧប្បន្នេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ…បេ.…។ សហជាតាធិបតិ – ឧប្បន្នា អធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)
5. Uppanno dhammo uppannassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – uppannaṃ cakkhuṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Uppannaṃ sotaṃ… ghānaṃ… jivhaṃ… kāyaṃ… rūpe… sadde… gandhe… rase… phoṭṭhabbe… vatthuṃ… uppanne khandhe garuṃ katvā assādeti abhinandati, taṃ garuṃ katvā rāgo uppajjati…pe…. Sahajātādhipati – uppannā adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
អនុប្បន្នោ ធម្មោ ឧប្បន្នស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – អនុប្បន្នេ រូបេ… សទ្ទេ… គន្ធេ… រសេ… ផោដ្ឋព្ពេ… អនុប្បន្នេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ (១)
Anuppanno dhammo uppannassa dhammassa adhipatipaccayena paccayo. Ārammaṇādhipati – anuppanne rūpe… sadde… gandhe… rase… phoṭṭhabbe… anuppanne khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (1)
ឧប្បាទី ធម្មោ ឧប្បន្នស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ឧប្បាទិំ ចក្ខុំ…បេ.… កាយំ… រូបេ…បេ.… ផោដ្ឋព្ពេ… វត្ថុំ… ឧប្បាទី ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ (១)
Uppādī dhammo uppannassa dhammassa adhipatipaccayena paccayo. Ārammaṇādhipati – uppādiṃ cakkhuṃ…pe… kāyaṃ… rūpe…pe… phoṭṭhabbe… vatthuṃ… uppādī khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (1)
សហជាតបច្ចយោ
Sahajātapaccayo
៦. ឧប្បន្នោ ធម្មោ ឧប្បន្នស្ស ធម្មស្ស សហជាតបច្ចយេន បច្ចយោ – ឧប្បន្នោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ.… ទ្វេ ខន្ធា ទ្វិន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ។ បដិសន្ធិក្ខណេ ឧប្បន្នោ ឯកោ ខន្ធោ តិណ្ណន្នំ ខន្ធានំ កដត្តា ច រូបានំ សហជាតបច្ចយេន បច្ចយោ…បេ.… ទ្វេ ខន្ធា ទ្វិន្នំ ខន្ធានំ កដត្តា ច រូបានំ សហជាតបច្ចយេន បច្ចយោ។ ខន្ធា វត្ថុស្ស សហជាតបច្ចយេន បច្ចយោ។ វត្ថុ ខន្ធានំ សហជាតបច្ចយេន បច្ចយោ។ ឯកំ មហាភូតំ តិណ្ណន្នំ មហាភូតានំ សហជាតបច្ចយេន បច្ចយោ…បេ.… ទ្វេ មហាភូតា…បេ.… មហាភូតា ចិត្តសមុដ្ឋានានំ រូបានំ កដត្តារូបានំ ឧបាទារូបានំ សហជាតបច្ចយេន បច្ចយោ។ ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ.… ទ្វេ មហាភូតា…បេ.… មហាភូតា កដត្តារូបានំ ឧបាទារូបានំ សហជាតបច្ចយេន បច្ចយោ។ (១)
6. Uppanno dhammo uppannassa dhammassa sahajātapaccayena paccayo – uppanno eko khandho tiṇṇannaṃ khandhānaṃ cittasamuṭṭhānānañca rūpānaṃ sahajātapaccayena paccayo…pe… dve khandhā dvinnaṃ khandhānaṃ cittasamuṭṭhānānañca rūpānaṃ sahajātapaccayena paccayo. Paṭisandhikkhaṇe uppanno eko khandho tiṇṇannaṃ khandhānaṃ kaṭattā ca rūpānaṃ sahajātapaccayena paccayo…pe… dve khandhā dvinnaṃ khandhānaṃ kaṭattā ca rūpānaṃ sahajātapaccayena paccayo. Khandhā vatthussa sahajātapaccayena paccayo. Vatthu khandhānaṃ sahajātapaccayena paccayo. Ekaṃ mahābhūtaṃ tiṇṇannaṃ mahābhūtānaṃ sahajātapaccayena paccayo…pe… dve mahābhūtā…pe… mahābhūtā cittasamuṭṭhānānaṃ rūpānaṃ kaṭattārūpānaṃ upādārūpānaṃ sahajātapaccayena paccayo. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… dve mahābhūtā…pe… mahābhūtā kaṭattārūpānaṃ upādārūpānaṃ sahajātapaccayena paccayo. (1)
អញ្ញមញ្ញបច្ចយោ
Aññamaññapaccayo
៧. ឧប្បន្នោ ធម្មោ ឧប្បន្នស្ស ធម្មស្ស អញ្ញមញ្ញបច្ចយេន បច្ចយោ – ឧប្បន្នោ ឯកោ ខន្ធោ តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ ឧប្បន្នោ ឯកោ ខន្ធោ តិណ្ណន្នំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ។ ទ្វេ ខន្ធា…បេ.… ខន្ធា វត្ថុស្ស អញ្ញមញ្ញបច្ចយេន បច្ចយោ។ វត្ថុ ខន្ធានំ អញ្ញមញ្ញបច្ចយេន បច្ចយោ។ ឯកំ មហាភូតំ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ តិណ្ណន្នំ មហាភូតានំ អញ្ញមញ្ញបច្ចយេន បច្ចយោ…បេ.… ទ្វេ មហាភូតា…បេ.…។ (១)
7. Uppanno dhammo uppannassa dhammassa aññamaññapaccayena paccayo – uppanno eko khandho tiṇṇannaṃ khandhānaṃ aññamaññapaccayena paccayo…pe… dve khandhā…pe… paṭisandhikkhaṇe uppanno eko khandho tiṇṇannaṃ khandhānaṃ vatthussa ca aññamaññapaccayena paccayo. Dve khandhā…pe… khandhā vatthussa aññamaññapaccayena paccayo. Vatthu khandhānaṃ aññamaññapaccayena paccayo. Ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ tiṇṇannaṃ mahābhūtānaṃ aññamaññapaccayena paccayo…pe… dve mahābhūtā…pe…. (1)
និស្សយបច្ចយោ
Nissayapaccayo
៨. ឧប្បន្នោ ធម្មោ ឧប្បន្នស្ស ធម្មស្ស និស្សយបច្ចយេន បច្ចយោ – ឧប្បន្នោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ និស្សយបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ…បេ.… ខន្ធា វត្ថុស្ស…បេ.… វត្ថុ ខន្ធានំ…បេ.… ឯកំ មហាភូតំ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ.… មហាភូតា ចិត្តសមុដ្ឋានានំ រូបានំ កដត្តារូបានំ ឧបាទារូបានំ ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ ឧប្បន្នានំ ខន្ធានំ និស្សយបច្ចយេន បច្ចយោ។ (១)
8. Uppanno dhammo uppannassa dhammassa nissayapaccayena paccayo – uppanno eko khandho tiṇṇannaṃ khandhānaṃ cittasamuṭṭhānānañca rūpānaṃ nissayapaccayena paccayo…pe… dve khandhā…pe… paṭisandhikkhaṇe…pe… khandhā vatthussa…pe… vatthu khandhānaṃ…pe… ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… mahābhūtā cittasamuṭṭhānānaṃ rūpānaṃ kaṭattārūpānaṃ upādārūpānaṃ cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu uppannānaṃ khandhānaṃ nissayapaccayena paccayo. (1)
ឧបនិស្សយបច្ចយោ
Upanissayapaccayo
៩. ឧប្បន្នោ ធម្មោ ឧប្បន្នស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ.… បកតូបនិស្សយោ – ឧប្បន្នំ ឧតុំ ឧបនិស្សាយ ឈានំ ឧប្បាទេតិ, វិបស្សនំ…បេ.… មគ្គំ…បេ.… អភិញ្ញំ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ។ ឧប្បន្នំ ភោជនំ…បេ.… សេនាសនំ ឧបនិស្សាយ ឈានំ ឧប្បាទេតិ វិបស្សនំ…បេ.… មគ្គំ…បេ.… អភិញ្ញំ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ។ ឧប្បន្នំ ឧតុ… ភោជនំ… សេនាសនំ ឧប្បន្នាយ សទ្ធាយ…បេ.… បញ្ញាយ, កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (១)
9. Uppanno dhammo uppannassa dhammassa upanissayapaccayena paccayo – ārammaṇūpanissayo, pakatūpanissayo…pe… pakatūpanissayo – uppannaṃ utuṃ upanissāya jhānaṃ uppādeti, vipassanaṃ…pe… maggaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Uppannaṃ bhojanaṃ…pe… senāsanaṃ upanissāya jhānaṃ uppādeti vipassanaṃ…pe… maggaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Uppannaṃ utu… bhojanaṃ… senāsanaṃ uppannāya saddhāya…pe… paññāya, kāyikassa sukhassa, kāyikassa dukkhassa, maggassa, phalasamāpattiyā upanissayapaccayena paccayo. (1)
អនុប្បន្នោ ធម្មោ ឧប្បន្នស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ.…។ បកតូបនិស្សយោ – អនុប្បន្នំ វណ្ណសម្បទំ បត្ថយមានោ ទានំ ទេតិ, សីលំ សមាទិយតិ, ឧបោសថកម្មំ ករោតិ។ អនុប្បន្នំ សទ្ទសម្បទំ… គន្ធសម្បទំ… រសសម្បទំ… ផោដ្ឋព្ពសម្បទំ… អនុប្បន្នេ ខន្ធេ បត្ថយមានោ ទានំ ទេតិ, សីលំ សមាទិយតិ, ឧបោសថកម្មំ ករោតិ។ អនុប្បន្នា វណ្ណសម្បទា…បេ.… អនុប្បន្នា ខន្ធា ឧប្បន្នាយ សទ្ធាយ…បេ.… បញ្ញាយ, កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (១)
Anuppanno dhammo uppannassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – anuppannaṃ vaṇṇasampadaṃ patthayamāno dānaṃ deti, sīlaṃ samādiyati, uposathakammaṃ karoti. Anuppannaṃ saddasampadaṃ… gandhasampadaṃ… rasasampadaṃ… phoṭṭhabbasampadaṃ… anuppanne khandhe patthayamāno dānaṃ deti, sīlaṃ samādiyati, uposathakammaṃ karoti. Anuppannā vaṇṇasampadā…pe… anuppannā khandhā uppannāya saddhāya…pe… paññāya, kāyikassa sukhassa, kāyikassa dukkhassa, maggassa, phalasamāpattiyā upanissayapaccayena paccayo. (1)
ឧប្បាទី ធម្មោ ឧប្បន្នស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ.…។ បកតូបនិស្សយោ – ឧប្បាទិំ ចក្ខុសម្បទំ បត្ថយមានោ ទានំ ទេតិ, សីលំ សមាទិយតិ, ឧបោសថកម្មំ ករោតិ។ ឧប្បាទិំ សោតសម្បទំ…បេ.… កាយសម្បទំ…បេ.… វណ្ណសម្បទំ … គន្ធសម្បទំ… រសសម្បទំ… ផោដ្ឋព្ពសម្បទំ… ឧប្បាទី ខន្ធេ បត្ថយមានោ ទានំ ទេតិ, សីលំ សមាទិយតិ, ឧបោសថកម្មំ ករោតិ។ ឧប្បាទី ចក្ខុសម្បទា…បេ.… កាយសម្បទា… វណ្ណសម្បទា…បេ.… ផោដ្ឋព្ពសម្បទា… ឧប្បាទី ខន្ធា ឧប្បន្នាយ សទ្ធាយ…បេ.… បញ្ញាយ, កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (១)
Uppādī dhammo uppannassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – uppādiṃ cakkhusampadaṃ patthayamāno dānaṃ deti, sīlaṃ samādiyati, uposathakammaṃ karoti. Uppādiṃ sotasampadaṃ…pe… kāyasampadaṃ…pe… vaṇṇasampadaṃ … gandhasampadaṃ… rasasampadaṃ… phoṭṭhabbasampadaṃ… uppādī khandhe patthayamāno dānaṃ deti, sīlaṃ samādiyati, uposathakammaṃ karoti. Uppādī cakkhusampadā…pe… kāyasampadā… vaṇṇasampadā…pe… phoṭṭhabbasampadā… uppādī khandhā uppannāya saddhāya…pe… paññāya, kāyikassa sukhassa, kāyikassa dukkhassa, maggassa, phalasamāpattiyā upanissayapaccayena paccayo. (1)
បុរេជាតបច្ចយោ
Purejātapaccayo
១០. ឧប្បន្នោ ធម្មោ ឧប្បន្នស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… វត្ថុ ឧប្បន្នានំ ខន្ធានំ បុរេជាតបច្ចយេន បច្ចយោ។ (១)
10. Uppanno dhammo uppannassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato dukkhato anattato vipassati, assādeti abhinandati, taṃ ārabbha rāgo uppajjati…pe… domanassaṃ uppajjati dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… vatthu uppannānaṃ khandhānaṃ purejātapaccayena paccayo. (1)
បច្ឆាជាតបច្ចយោ
Pacchājātapaccayo
១១. ឧប្បន្នោ ធម្មោ ឧប្បន្នស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ឧប្បន្នា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)
11. Uppanno dhammo uppannassa dhammassa pacchājātapaccayena paccayo – pacchājātā uppannā khandhā purejātassa imassa kāyassa pacchājātapaccayena paccayo. (1)
កម្មបច្ចយោ
Kammapaccayo
១២. ឧប្បន្នោ ធម្មោ ឧប្បន្នស្ស ធម្មស្ស កម្មបច្ចយេន បច្ចយោ – ឧប្បន្នា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ បដិសន្ធិក្ខណេ ឧប្បន្នា ចេតនា សម្បយុត្តកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)
12. Uppanno dhammo uppannassa dhammassa kammapaccayena paccayo – uppannā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe uppannā cetanā sampayuttakānaṃ khandhānaṃ kaṭattā ca rūpānaṃ kammapaccayena paccayo. (1)
វិបាកបច្ចយោ
Vipākapaccayo
១៣. ឧប្បន្នោ ធម្មោ ឧប្បន្នស្ស ធម្មស្ស វិបាកបច្ចយេន បច្ចយោ – វិបាកោ ឧប្បន្នោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ ឧប្បន្នោ ឯកោ ខន្ធោ តិណ្ណន្នំ ខន្ធានំ កដត្តា ច រូបានំ…បេ.… ទ្វេ ខន្ធា…បេ.… ខន្ធា វត្ថុស្ស វិបាកបច្ចយេន បច្ចយោ។ (១)
13. Uppanno dhammo uppannassa dhammassa vipākapaccayena paccayo – vipāko uppanno eko khandho tiṇṇannaṃ khandhānaṃ cittasamuṭṭhānānañca rūpānaṃ vipākapaccayena paccayo…pe… dve khandhā…pe… paṭisandhikkhaṇe uppanno eko khandho tiṇṇannaṃ khandhānaṃ kaṭattā ca rūpānaṃ…pe… dve khandhā…pe… khandhā vatthussa vipākapaccayena paccayo. (1)
អាហារបច្ចយោ
Āhārapaccayo
១៤. ឧប្បន្នោ ធម្មោ ឧប្បន្នស្ស ធម្មស្ស អាហារបច្ចយេន បច្ចយោ – ឧប្បន្នា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ។ បដិសន្ធិក្ខណេ…បេ.… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ។ (១)
14. Uppanno dhammo uppannassa dhammassa āhārapaccayena paccayo – uppannā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo. Paṭisandhikkhaṇe…pe… kabaḷīkāro āhāro imassa kāyassa āhārapaccayena paccayo. (1)
ឥន្ទ្រិយបច្ចយោ
Indriyapaccayo
១៥. ឧប្បន្នោ ធម្មោ ឧប្បន្នស្ស ធម្មស្ស ឥន្ទ្រិយបច្ចយេន បច្ចយោ – ឧប្បន្នា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ។ បដិសន្ធិក្ខណេ…បេ.… ចក្ខុន្ទ្រិយំ ចក្ខុវិញ្ញាណស្ស…បេ.… កាយិន្ទ្រិយំ កាយវិញ្ញាណស្ស…បេ.… រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ។ (១)
15. Uppanno dhammo uppannassa dhammassa indriyapaccayena paccayo – uppannā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo. Paṭisandhikkhaṇe…pe… cakkhundriyaṃ cakkhuviññāṇassa…pe… kāyindriyaṃ kāyaviññāṇassa…pe… rūpajīvitindriyaṃ kaṭattārūpānaṃ indriyapaccayena paccayo. (1)
ឈានបច្ចយាទិ
Jhānapaccayādi
១៦. ឧប្បន្នោ ធម្មោ ឧប្បន្នស្ស ធម្មស្ស ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ… វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ។ សហជាតា – ឧប្បន្នា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បដិសន្ធិក្ខណេ ឧប្បន្នា ខន្ធា កដត្តារូបានំ វិប្បយុត្តបច្ចយេន បច្ចយោ។ ខន្ធា វត្ថុស្ស, វត្ថុ ខន្ធានំ វិប្បយុត្តបច្ចយេន បច្ចយោ។ បុរេជាតំ – ចក្ខាយតនំ ចក្ខុវិញ្ញាណស្ស …បេ.… កាយាយតនំ កាយវិញ្ញាណស្ស… វត្ថុ ឧប្បន្នានំ ខន្ធានំ វិប្បយុត្តបច្ចយេន បច្ចយោ។ បច្ឆាជាតា – ឧប្បន្នា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)
16. Uppanno dhammo uppannassa dhammassa jhānapaccayena paccayo… maggapaccayena paccayo… sampayuttapaccayena paccayo… vippayuttapaccayena paccayo – sahajātaṃ, purejātaṃ, pacchājātaṃ. Sahajātā – uppannā khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe uppannā khandhā kaṭattārūpānaṃ vippayuttapaccayena paccayo. Khandhā vatthussa, vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa …pe… kāyāyatanaṃ kāyaviññāṇassa… vatthu uppannānaṃ khandhānaṃ vippayuttapaccayena paccayo. Pacchājātā – uppannā khandhā purejātassa imassa kāyassa vippayuttapaccayena paccayo. (1)
អត្ថិបច្ចយោ
Atthipaccayo
១៧. ឧប្បន្នោ ធម្មោ ឧប្បន្នស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតោ – ឧប្បន្នោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ…បេ.… ឯកំ មហាភូតំ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ.…។ បុរេជាតំ – ចក្ខុំ អនិច្ចតោ…បេ.… វត្ថុំ អនិច្ចតោ…បេ.… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតុធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស អត្ថិបច្ចយេន បច្ចយោ។ ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ ឧប្បន្នានំ ខន្ធានំ អត្ថិបច្ចយេន បច្ចយោ។ បច្ឆាជាតា – ឧប្បន្នា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ កពឡីការោ អាហារោ ឥមស្ស កាយស្ស អត្ថិបច្ចយេន បច្ចយោ។ រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ។ (១)
17. Uppanno dhammo uppannassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – uppanno eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe… ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe…. Purejātaṃ – cakkhuṃ aniccato…pe… vatthuṃ aniccato…pe… domanassaṃ uppajjati, dibbena cakkhunā rūpaṃ passati, dibbāya sotudhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. Cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu uppannānaṃ khandhānaṃ atthipaccayena paccayo. Pacchājātā – uppannā khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa atthipaccayena paccayo. Rūpajīvitindriyaṃ kaṭattārūpānaṃ atthipaccayena paccayo. (1)
អវិគតបច្ចយោ
Avigatapaccayo
១៨. ឧប្បន្នោ ធម្មោ ឧប្បន្នស្ស ធម្មស្ស អវិគតបច្ចយេន បច្ចយោ…បេ.…។
18. Uppanno dhammo uppannassa dhammassa avigatapaccayena paccayo…pe….
១. បច្ចយានុលោមំ
1. Paccayānulomaṃ
២. សង្ខ្យាវារោ
2. Saṅkhyāvāro
១៩. ហេតុយា ឯកំ, អារម្មណេ តីណិ, អធិបតិយា តីណិ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ តីណិ, បុរេជាតេ ឯកំ, បច្ឆាជាតេ កម្មេ វិបាកេ អាហារេ ឥន្ទ្រិយេ ឈានេ មគ្គេ សម្បយុត្តេ វិប្បយុត្តេ អត្ថិយា អវិគតេ ឯកំ (ឯវំ គណេតព្ពំ)។
19. Hetuyā ekaṃ, ārammaṇe tīṇi, adhipatiyā tīṇi, sahajāte ekaṃ, aññamaññe ekaṃ, nissaye ekaṃ, upanissaye tīṇi, purejāte ekaṃ, pacchājāte kamme vipāke āhāre indriye jhāne magge sampayutte vippayutte atthiyā avigate ekaṃ (evaṃ gaṇetabbaṃ).
អនុលោមំ។
Anulomaṃ.
បច្ចនីយុទ្ធារោ
Paccanīyuddhāro
២០. ឧប្បន្នោ ធម្មោ ឧប្បន្នស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)
20. Uppanno dhammo uppannassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… āhārapaccayena paccayo… indriyapaccayena paccayo. (1)
អនុប្បន្នោ ធម្មោ ឧប្បន្នស្ស ធម្មស្ស អារម្មណបច្ចយេន បច្ចយោ, ឧបនិស្សយបច្ចយេន បច្ចយោ។ (១)
Anuppanno dhammo uppannassa dhammassa ārammaṇapaccayena paccayo, upanissayapaccayena paccayo. (1)
ឧប្បាទី ធម្មោ ឧប្បន្នស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ។ (១)
Uppādī dhammo uppannassa dhammassa ārammaṇapaccayena paccayo… upanissayapaccayena paccayo. (1)
២. បច្ចយបច្ចនីយំ
2. Paccayapaccanīyaṃ
២. សង្ខ្យាវារោ
2. Saṅkhyāvāro
២១. នហេតុយា តីណិ, នអារម្មណេ តីណិ, នអធិបតិយា តីណិ…បេ.… នវិប្បយុត្តេ តីណិ, នោអត្ថិយា ទ្វេ, នោនត្ថិយា តីណិ, នោវិគតេ តីណិ, នោអវិគតេ ទ្វេ (ឯវំ គណេតព្ពំ)។
21. Nahetuyā tīṇi, naārammaṇe tīṇi, naadhipatiyā tīṇi…pe… navippayutte tīṇi, noatthiyā dve, nonatthiyā tīṇi, novigate tīṇi, noavigate dve (evaṃ gaṇetabbaṃ).
បច្ចនីយំ។
Paccanīyaṃ.
៣. បច្ចយានុលោមបច្ចនីយំ
3. Paccayānulomapaccanīyaṃ
២២. ហេតុបច្ចយា នអារម្មណេ ឯកំ…បេ.… នោនត្ថិយា នោវិគតេ ឯកំ។
22. Hetupaccayā naārammaṇe ekaṃ…pe… nonatthiyā novigate ekaṃ.
អនុលោមបច្ចនីយំ។
Anulomapaccanīyaṃ.
៤. បច្ចនីយានុលោមំ
4. Paccanīyānulomaṃ
២៣. នហេតុបច្ចយា អារម្មណេ តីណិ, អធិបតិយា តីណិ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ តីណិ, បុរេជាតេ ឯកំ, បច្ឆាជាតេ ឯកំ, កម្មេ វិបាកេ អាហារេ ឥន្ទ្រិយេ ឈានេ មគ្គេ សម្បយុត្តេ វិប្បយុត្តេ អត្ថិយា អវិគតេ ឯកំ។
23. Nahetupaccayā ārammaṇe tīṇi, adhipatiyā tīṇi, sahajāte ekaṃ, aññamaññe ekaṃ, nissaye ekaṃ, upanissaye tīṇi, purejāte ekaṃ, pacchājāte ekaṃ, kamme vipāke āhāre indriye jhāne magge sampayutte vippayutte atthiyā avigate ekaṃ.
បច្ចនីយានុលោមំ។
Paccanīyānulomaṃ.
ឧប្បន្នត្តិកំ និដ្ឋិតំ។
Uppannattikaṃ niṭṭhitaṃ.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៥-២២. សង្កិលិដ្ឋត្តិកាទិវណ្ណនា • 5-22. Saṅkiliṭṭhattikādivaṇṇanā
