| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៨. ឧប្បថសុត្តវណ្ណនា
8. Uppathasuttavaṇṇanā
៥៨. អដ្ឋមេ រាគោ ឧប្បថោតិ សុគតិញ្ច និព្ពានញ្ច គច្ឆន្តស្ស អមគ្គោ។ រត្តិន្ទិវក្ខយោតិ រត្តិទិវេហិ, រត្តិទិវេសុ វា ខីយតិ។ ឥត្ថី មលន្តិ សេសំ ពាហិរមលំ ភស្មខារាទីហិ ធោវិត្វា សក្កា សោធេតុំ, មាតុគាមមលេន ទុដ្ឋោ បន ន សក្កា សុទ្ធោ នាម កាតុន្តិ ឥត្ថី ‘‘មល’’ន្តិ វុត្តា។ ឯត្ថាតិ ឯត្ថ ឥត្ថិយំ បជា សជ្ជតិ។ តបោតិ ឥន្ទ្រិយសំវរធុតង្គគុណវីរិយទុក្ករការិកានំ នាមំ, ឥធ បន ឋបេត្វា ទុក្ករការិកំ សព្ពាបិ កិលេសសន្តាបិកា បដិបទា វដ្ដតិ។ ព្រហ្មចរិយន្តិ មេថុនវិរតិ។ អដ្ឋមំ។
58. Aṭṭhame rāgo uppathoti sugatiñca nibbānañca gacchantassa amaggo. Rattindivakkhayoti rattidivehi, rattidivesu vā khīyati. Itthī malanti sesaṃ bāhiramalaṃ bhasmakhārādīhi dhovitvā sakkā sodhetuṃ, mātugāmamalena duṭṭho pana na sakkā suddho nāma kātunti itthī ‘‘mala’’nti vuttā. Etthāti ettha itthiyaṃ pajā sajjati. Tapoti indriyasaṃvaradhutaṅgaguṇavīriyadukkarakārikānaṃ nāmaṃ, idha pana ṭhapetvā dukkarakārikaṃ sabbāpi kilesasantāpikā paṭipadā vaṭṭati. Brahmacariyanti methunavirati. Aṭṭhamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៨. ឧប្បថសុត្តំ • 8. Uppathasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៨. ឧប្បថសុត្តវណ្ណនា • 8. Uppathasuttavaṇṇanā
