| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. уббадибаадигасуд̇д̇ам̣
10. Uppaṭipāṭikasuttaṃ
510. ‘‘бан̃жимаани, бхигкавз, инд̣̇рияаани. гад̇амаани бан̃жа? д̣̇угкинд̣̇рияам̣ , д̣̇оманассинд̣̇рияам̣, сукинд̣̇рияам̣, соманассинд̣̇рияам̣, убзгкинд̣̇рияам̣. ид̇ха, бхигкавз, бхигкуно аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и д̣̇угкинд̣̇рияам̣. со звам̣ баж̇аанаад̇и – ‘уббаннам̣ ко мз ид̣̇ам̣ д̣̇угкинд̣̇рияам̣, д̇ан̃жа ко санимид̇д̇ам̣ санид̣̇аанам̣ сасан̇каарам̣ саббажжаяам̣. д̇ан̃жа анимид̇д̇ам̣ анид̣̇аанам̣ асан̇каарам̣ аббажжаяам̣ д̣̇угкинд̣̇рияам̣ уббаж̇ж̇иссад̇ийд̇и – нзд̇ам̣ таанам̣ виж̇ж̇ад̇и’. со д̣̇угкинд̣̇рияан̃жа баж̇аанаад̇и, д̣̇угкинд̣̇рияасамуд̣̇аяан̃жа баж̇аанаад̇и, д̣̇угкинд̣̇рияанирод̇хан̃жа баж̇аанаад̇и, яад̇т̇а жуббаннам̣ д̣̇угкинд̣̇рияам̣ абарисзсам̣ нируж̇жхад̇и д̇ан̃жа баж̇аанаад̇и. гад̇т̇а жуббаннам̣ д̣̇угкинд̣̇рияам̣ абарисзсам̣ нируж̇жхад̇и? ид̇ха, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и, зд̇т̇а жуббаннам̣ д̣̇угкинд̣̇рияам̣ абарисзсам̣ нируж̇жхад̇и. аяам̣ вужжад̇и, бхигкавз, ‘бхигку ан̃н̃ааси д̣̇угкинд̣̇рияасса нирод̇хам̣, д̇ад̣̇ад̇т̇ааяа жид̇д̇ам̣ убасам̣харад̇и’’’.
510. ‘‘Pañcimāni, bhikkhave, indriyāni. Katamāni pañca? Dukkhindriyaṃ , domanassindriyaṃ, sukhindriyaṃ, somanassindriyaṃ, upekkhindriyaṃ. Idha, bhikkhave, bhikkhuno appamattassa ātāpino pahitattassa viharato uppajjati dukkhindriyaṃ. So evaṃ pajānāti – ‘uppannaṃ kho me idaṃ dukkhindriyaṃ, tañca kho sanimittaṃ sanidānaṃ sasaṅkhāraṃ sappaccayaṃ. Tañca animittaṃ anidānaṃ asaṅkhāraṃ appaccayaṃ dukkhindriyaṃ uppajjissatīti – netaṃ ṭhānaṃ vijjati’. So dukkhindriyañca pajānāti, dukkhindriyasamudayañca pajānāti, dukkhindriyanirodhañca pajānāti, yattha cuppannaṃ dukkhindriyaṃ aparisesaṃ nirujjhati tañca pajānāti. Kattha cuppannaṃ dukkhindriyaṃ aparisesaṃ nirujjhati? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati, ettha cuppannaṃ dukkhindriyaṃ aparisesaṃ nirujjhati. Ayaṃ vuccati, bhikkhave, ‘bhikkhu aññāsi dukkhindriyassa nirodhaṃ, tadatthāya cittaṃ upasaṃharati’’’.
‘‘ид̇ха бана, бхигкавз, бхигкуно аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и д̣̇оманассинд̣̇рияам̣. со звам̣ баж̇аанаад̇и – ‘уббаннам̣ ко мз ид̣̇ам̣ д̣̇оманассинд̣̇рияам̣, д̇ан̃жа ко санимид̇д̇ам̣ санид̣̇аанам̣ сасан̇каарам̣ саббажжаяам̣. д̇ан̃жа анимид̇д̇ам̣ анид̣̇аанам̣ асан̇каарам̣ аббажжаяам̣ д̣̇оманассинд̣̇рияам̣ уббаж̇ж̇иссад̇ийд̇и – нзд̇ам̣ таанам̣ виж̇ж̇ад̇и’ . со д̣̇оманассинд̣̇рияан̃жа баж̇аанаад̇и, д̣̇оманассинд̣̇рияасамуд̣̇аяан̃жа баж̇аанаад̇и, д̣̇оманассинд̣̇рияанирод̇хан̃жа баж̇аанаад̇и, яад̇т̇а жуббаннам̣ д̣̇оманассинд̣̇рияам̣ абарисзсам̣ нируж̇жхад̇и д̇ан̃жа баж̇аанаад̇и. гад̇т̇а жуббаннам̣ д̣̇оманассинд̣̇рияам̣ абарисзсам̣ нируж̇жхад̇и? ид̇ха, бхигкавз, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и, зд̇т̇а жуббаннам̣ д̣̇оманассинд̣̇рияам̣ абарисзсам̣ нируж̇жхад̇и. аяам̣ вужжад̇и, бхигкавз, ‘бхигку ан̃н̃ааси д̣̇оманассинд̣̇рияасса нирод̇хам̣, д̇ад̣̇ад̇т̇ааяа жид̇д̇ам̣ убасам̣харад̇и’’’.
‘‘Idha pana, bhikkhave, bhikkhuno appamattassa ātāpino pahitattassa viharato uppajjati domanassindriyaṃ. So evaṃ pajānāti – ‘uppannaṃ kho me idaṃ domanassindriyaṃ, tañca kho sanimittaṃ sanidānaṃ sasaṅkhāraṃ sappaccayaṃ. Tañca animittaṃ anidānaṃ asaṅkhāraṃ appaccayaṃ domanassindriyaṃ uppajjissatīti – netaṃ ṭhānaṃ vijjati’ . So domanassindriyañca pajānāti, domanassindriyasamudayañca pajānāti, domanassindriyanirodhañca pajānāti, yattha cuppannaṃ domanassindriyaṃ aparisesaṃ nirujjhati tañca pajānāti. Kattha cuppannaṃ domanassindriyaṃ aparisesaṃ nirujjhati? Idha, bhikkhave, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati, ettha cuppannaṃ domanassindriyaṃ aparisesaṃ nirujjhati. Ayaṃ vuccati, bhikkhave, ‘bhikkhu aññāsi domanassindriyassa nirodhaṃ, tadatthāya cittaṃ upasaṃharati’’’.
‘‘ид̇ха бана, бхигкавз, бхигкуно аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и сукинд̣̇рияам̣. со звам̣ баж̇аанаад̇и – ‘уббаннам̣ ко мз ид̣̇ам̣ сукинд̣̇рияам̣, д̇ан̃жа ко санимид̇д̇ам̣ санид̣̇аанам̣ сасан̇каарам̣ саббажжаяам̣. д̇ан̃жа анимид̇д̇ам̣ анид̣̇аанам̣ асан̇каарам̣ аббажжаяам̣ сукинд̣̇рияам̣ уббаж̇ж̇иссад̇ийд̇и – нзд̇ам̣ таанам̣ виж̇ж̇ад̇и’. со сукинд̣̇рияан̃жа баж̇аанаад̇и, сукинд̣̇рияасамуд̣̇аяан̃жа баж̇аанаад̇и, сукинд̣̇рияанирод̇хан̃жа баж̇аанаад̇и, яад̇т̇а жуббаннам̣ сукинд̣̇рияам̣ абарисзсам̣ нируж̇жхад̇и д̇ан̃жа баж̇аанаад̇и. гад̇т̇а жуббаннам̣ сукинд̣̇рияам̣ абарисзсам̣ нируж̇жхад̇и? ид̇ха, бхигкавз, бхигку бийд̇ияаа жа вирааг̇аа убзгкаго жа вихарад̇и сад̇о жа самбаж̇аано сукан̃жа гааязна бадисам̣взд̣̇зд̇и яам̣ д̇ам̣ арияаа аажигканд̇и ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и, зд̇т̇а жуббаннам̣ сукинд̣̇рияам̣ абарисзсам̣ нируж̇жхад̇и. аяам̣ вужжад̇и, бхигкавз, ‘бхигку ан̃н̃ааси сукинд̣̇рияасса нирод̇хам̣, д̇ад̣̇ад̇т̇ааяа жид̇д̇ам̣ убасам̣харад̇и’’’.
‘‘Idha pana, bhikkhave, bhikkhuno appamattassa ātāpino pahitattassa viharato uppajjati sukhindriyaṃ. So evaṃ pajānāti – ‘uppannaṃ kho me idaṃ sukhindriyaṃ, tañca kho sanimittaṃ sanidānaṃ sasaṅkhāraṃ sappaccayaṃ. Tañca animittaṃ anidānaṃ asaṅkhāraṃ appaccayaṃ sukhindriyaṃ uppajjissatīti – netaṃ ṭhānaṃ vijjati’. So sukhindriyañca pajānāti, sukhindriyasamudayañca pajānāti, sukhindriyanirodhañca pajānāti, yattha cuppannaṃ sukhindriyaṃ aparisesaṃ nirujjhati tañca pajānāti. Kattha cuppannaṃ sukhindriyaṃ aparisesaṃ nirujjhati? Idha, bhikkhave, bhikkhu pītiyā ca virāgā upekkhako ca viharati sato ca sampajāno sukhañca kāyena paṭisaṃvedeti yaṃ taṃ ariyā ācikkhanti ‘upekkhako satimā sukhavihārī’ti tatiyaṃ jhānaṃ upasampajja viharati, ettha cuppannaṃ sukhindriyaṃ aparisesaṃ nirujjhati. Ayaṃ vuccati, bhikkhave, ‘bhikkhu aññāsi sukhindriyassa nirodhaṃ, tadatthāya cittaṃ upasaṃharati’’’.
‘‘ид̇ха бана, бхигкавз, бхигкуно аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и соманассинд̣̇рияам̣. со звам̣ баж̇аанаад̇и – ‘уббаннам̣ ко мз ид̣̇ам̣ соманассинд̣̇рияам̣, д̇ан̃жа ко санимид̇д̇ам̣ санид̣̇аанам̣ сасан̇каарам̣ саббажжаяам̣. д̇ан̃жа анимид̇д̇ам̣ анид̣̇аанам̣ асан̇каарам̣ аббажжаяам̣ соманассинд̣̇рияам̣ уббаж̇ж̇иссад̇ийд̇и – нзд̇ам̣ таанам̣ виж̇ж̇ад̇и’. со соманассинд̣̇рияан̃жа баж̇аанаад̇и, соманассинд̣̇рияасамуд̣̇аяан̃жа баж̇аанаад̇и, соманассинд̣̇рияанирод̇хан̃жа баж̇аанаад̇и, яад̇т̇а жуббаннам̣ соманассинд̣̇рияам̣ абарисзсам̣ нируж̇жхад̇и д̇ан̃жа баж̇аанаад̇и. гад̇т̇а жуббаннам̣ соманассинд̣̇рияам̣ абарисзсам̣ нируж̇жхад̇и? ид̇ха, бхигкавз, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и, зд̇т̇а жуббаннам̣ соманассинд̣̇рияам̣ абарисзсам̣ нируж̇жхад̇и. аяам̣ вужжад̇и, бхигкавз, ‘бхигку ан̃н̃ааси соманассинд̣̇рияасса нирод̇хам̣, д̇ад̣̇ад̇т̇ааяа жид̇д̇ам̣ убасам̣харад̇и’’’.
‘‘Idha pana, bhikkhave, bhikkhuno appamattassa ātāpino pahitattassa viharato uppajjati somanassindriyaṃ. So evaṃ pajānāti – ‘uppannaṃ kho me idaṃ somanassindriyaṃ, tañca kho sanimittaṃ sanidānaṃ sasaṅkhāraṃ sappaccayaṃ. Tañca animittaṃ anidānaṃ asaṅkhāraṃ appaccayaṃ somanassindriyaṃ uppajjissatīti – netaṃ ṭhānaṃ vijjati’. So somanassindriyañca pajānāti, somanassindriyasamudayañca pajānāti, somanassindriyanirodhañca pajānāti, yattha cuppannaṃ somanassindriyaṃ aparisesaṃ nirujjhati tañca pajānāti. Kattha cuppannaṃ somanassindriyaṃ aparisesaṃ nirujjhati? Idha, bhikkhave, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati, ettha cuppannaṃ somanassindriyaṃ aparisesaṃ nirujjhati. Ayaṃ vuccati, bhikkhave, ‘bhikkhu aññāsi somanassindriyassa nirodhaṃ, tadatthāya cittaṃ upasaṃharati’’’.
‘‘ид̇ха бана, бхигкавз, бхигкуно аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и убзгкинд̣̇рияам̣. со звам̣ баж̇аанаад̇и – ‘уббаннам̣ ко мз ид̣̇ам̣ убзгкинд̣̇рияам̣, д̇ан̃жа ко санимид̇д̇ам̣ санид̣̇аанам̣ сасан̇каарам̣ саббажжаяам̣. д̇ан̃жа анимид̇д̇ам̣ анид̣̇аанам̣ асан̇каарам̣ аббажжаяам̣ убзгкинд̣̇рияам̣ уббаж̇ж̇иссад̇ийд̇и – нзд̇ам̣ таанам̣ виж̇ж̇ад̇и’. со убзгкинд̣̇рияан̃жа баж̇аанаад̇и, убзгкинд̣̇рияасамуд̣̇аяан̃жа баж̇аанаад̇и, убзгкинд̣̇рияанирод̇хан̃жа баж̇аанаад̇и, яад̇т̇а жуббаннам̣ убзгкинд̣̇рияам̣ абарисзсам̣ нируж̇жхад̇и д̇ан̃жа баж̇аанаад̇и. гад̇т̇а жуббаннам̣ убзгкинд̣̇рияам̣ абарисзсам̣ нируж̇жхад̇и? ид̇ха, бхигкавз, бхигку саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и, зд̇т̇а жуббаннам̣ убзгкинд̣̇рияам̣ абарисзсам̣ нируж̇жхад̇и. аяам̣ вужжад̇и, бхигкавз, ‘бхигку ан̃н̃ааси убзгкинд̣̇рияасса нирод̇хам̣, д̇ад̣̇ад̇т̇ааяа жид̇д̇ам̣ убасам̣харад̇ий’’’д̇и. д̣̇асамам̣.
‘‘Idha pana, bhikkhave, bhikkhuno appamattassa ātāpino pahitattassa viharato uppajjati upekkhindriyaṃ. So evaṃ pajānāti – ‘uppannaṃ kho me idaṃ upekkhindriyaṃ, tañca kho sanimittaṃ sanidānaṃ sasaṅkhāraṃ sappaccayaṃ. Tañca animittaṃ anidānaṃ asaṅkhāraṃ appaccayaṃ upekkhindriyaṃ uppajjissatīti – netaṃ ṭhānaṃ vijjati’. So upekkhindriyañca pajānāti, upekkhindriyasamudayañca pajānāti, upekkhindriyanirodhañca pajānāti, yattha cuppannaṃ upekkhindriyaṃ aparisesaṃ nirujjhati tañca pajānāti. Kattha cuppannaṃ upekkhindriyaṃ aparisesaṃ nirujjhati? Idha, bhikkhave, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, ettha cuppannaṃ upekkhindriyaṃ aparisesaṃ nirujjhati. Ayaṃ vuccati, bhikkhave, ‘bhikkhu aññāsi upekkhindriyassa nirodhaṃ, tadatthāya cittaṃ upasaṃharatī’’’ti. Dasamaṃ.
сукинд̣̇рияаваг̇г̇о жад̇уд̇т̇о.
Sukhindriyavaggo catuttho.
д̇ассуд̣̇д̣̇аанам̣ –
Tassuddānaṃ –
суд̣̇д̇хиган̃жа сод̇о арахаа, д̣̇увз саман̣аб̣раахман̣аа;
Suddhikañca soto arahā, duve samaṇabrāhmaṇā;
вибхан̇г̇зна д̇аяо вуд̇д̇аа, гадто уббадибаадиганд̇и.
Vibhaṅgena tayo vuttā, kaṭṭho uppaṭipāṭikanti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. уббадибаадигасуд̇д̇аван̣н̣анаа • 10. Uppaṭipāṭikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. уббадибаадигасуд̇д̇аван̣н̣анаа • 10. Uppaṭipāṭikasuttavaṇṇanā
