| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. уббадибаадигасуд̇д̇аван̣н̣анаа
10. Uppaṭipāṭikasuttavaṇṇanā
510. д̣̇асамам̣ яат̇аад̇хаммарасзна бадибаадияаа вуд̇д̇амби имасмим̣ инд̣̇рияавибхан̇г̇з сзсасуд̇д̇аани вияа ад̣̇зсид̇ад̇д̇аа уббадибаадигасуд̇д̇ам̣ наамаад̇и взд̣̇ид̇аб̣б̣ам̣. д̇ад̇т̇а нимид̇д̇анд̇иаад̣̇ийни саб̣б̣аани бажжаяавзважанаанзва. д̣̇угкинд̣̇рияан̃жа баж̇аанаад̇ийд̇и д̣̇угкасажжавасзнзва баж̇аанаад̇и. д̣̇угкинд̣̇рияасамуд̣̇аяанд̇и ган̣дагзна ваа вид̣̇д̇хасса ман̇гулзна ваа д̣̇адтасса бажжад̇т̇аран̣з ваа валияаа пудтасса д̣̇угкасахаг̇ад̇ам̣ гааяавин̃н̃аан̣ам̣ уббаж̇ж̇ад̇и, д̇ам̣ зд̇асса самуд̣̇аяод̇и баж̇аанаад̇и.
510. Dasamaṃ yathādhammarasena paṭipāṭiyā vuttampi imasmiṃ indriyavibhaṅge sesasuttāni viya adesitattā uppaṭipāṭikasuttaṃ nāmāti veditabbaṃ. Tattha nimittantiādīni sabbāni paccayavevacanāneva. Dukkhindriyañca pajānātīti dukkhasaccavaseneva pajānāti. Dukkhindriyasamudayanti kaṇṭakena vā viddhassa maṅkulena vā daṭṭhassa paccattharaṇe vā valiyā phuṭṭhassa dukkhasahagataṃ kāyaviññāṇaṃ uppajjati, taṃ etassa samudayoti pajānāti.
барад̇о д̣̇оманассинд̣̇рияасамуд̣̇аяанд̇иаад̣̇ийсуби д̇зсам̣ д̇зсам̣ гааран̣авасзнзва самуд̣̇аяо взд̣̇ид̇аб̣б̣о. бад̇д̇ажийвараад̣̇ийнам̣ ваа хи сан̇каараанам̣ сад̣̇д̇хивихааригаад̣̇ийнам̣ ваа сад̇д̇аанам̣ винаасзна д̣̇оманассинд̣̇рияам̣ уббаж̇ж̇ад̇ийд̇и д̇зсам̣ винаасам̣ д̇асса самуд̣̇аяод̇и баж̇аанаад̇и. субхож̇анам̣ бхун̃ж̇ид̇ваа варасаяанз нибаннасса хад̇т̇абаад̣̇асамб̣ааханад̇аалаван̣даваад̇аад̣̇исампассзна сукинд̣̇рияам̣ уббаж̇ж̇ад̇и, д̇ам̣ пассам̣ д̇асса самуд̣̇аяод̇и баж̇аанаад̇и. вуд̇д̇аббагаараанам̣ бана сад̇д̇асан̇каараанам̣ манаабаанам̣ бадилаабхавасзна соманассинд̣̇рияам̣ уббаж̇ж̇ад̇и, д̇ам̣ бадилаабхам̣ д̇асса самуд̣̇аяод̇и баж̇аанаад̇и. маж̇жхад̇д̇аагаарзна бана убзгкинд̣̇рияам̣ уббаж̇ж̇ад̇и, д̇ам̣ сад̇д̇асан̇каарзсу маж̇жхад̇д̇аагаарам̣ д̇асса самуд̣̇аяод̇и баж̇аанаад̇и.
Parato domanassindriyasamudayantiādīsupi tesaṃ tesaṃ kāraṇavaseneva samudayo veditabbo. Pattacīvarādīnaṃ vā hi saṅkhārānaṃ saddhivihārikādīnaṃ vā sattānaṃ vināsena domanassindriyaṃ uppajjatīti tesaṃ vināsaṃ tassa samudayoti pajānāti. Subhojanaṃ bhuñjitvā varasayane nipannassa hatthapādasambāhanatālavaṇṭavātādisamphassena sukhindriyaṃ uppajjati, taṃ phassaṃ tassa samudayoti pajānāti. Vuttappakārānaṃ pana sattasaṅkhārānaṃ manāpānaṃ paṭilābhavasena somanassindriyaṃ uppajjati, taṃ paṭilābhaṃ tassa samudayoti pajānāti. Majjhattākārena pana upekkhindriyaṃ uppajjati, taṃ sattasaṅkhāresu majjhattākāraṃ tassa samudayoti pajānāti.
гад̇т̇а жуббаннам̣ д̣̇угкинд̣̇рияам̣ абарисзсам̣ нируж̇жхад̇и, ид̇ха, бхигкавз, бхигку вивижжзва гаамзхийд̇иаад̣̇ийсу бана аяам̣ згад̇ова винижчаяагат̇аа – д̣̇угкинд̣̇рияан̃хи батамаж̇жхаанасса убажаарагкан̣зязва нируж̇жхад̇и бахийнам̣ ход̇и, д̣̇оманассаад̣̇ийни д̣̇уд̇ияаж̇жхаанаад̣̇ийнам̣. звам̣ санд̇зби д̇зсам̣ ад̇исаяанирод̇хад̇д̇аа аяам̣ жхаанзсуязва нирод̇хо вуд̇д̇о. ад̇исаяанирод̇хо хи д̇зсам̣ батамаж̇жхаанаад̣̇ийсу, на нирод̇хоязва, нирод̇хоязва бана убажаарагкан̣з, наад̇исаяанирод̇хо. д̇ат̇аа хи наанааваж̇ж̇анз батамаж̇жхаанубажаарз нируд̣̇д̇хассааби д̣̇угкинд̣̇рияасса д̣ам̣самагасаад̣̇исампассзна ваа висамаасанубад̇аабзна ваа сияаа уббад̇д̇и, на д̇взва анд̇оаббанааяам̣. убажаарз ваа нируд̣̇д̇хамбзд̇ам̣ на судту нируд̣̇д̇хам̣ ход̇и бадибагкзна авихад̇ад̇д̇аа. анд̇оаббанааяам̣ бана бийд̇ипаран̣зна саб̣б̣о гааяо сукогганд̇о ход̇и, сукогганд̇агааяасса жа судту нируд̣̇д̇хам̣ ход̇и д̣̇угкинд̣̇рияам̣ бадибагкзна вихад̇ад̇д̇аа. наанааваж̇ж̇анзязва жа д̣̇уд̇ияаж̇жхаанубажаарз бахийнасса д̣̇оманассинд̣̇рияасса яасмаа зд̇ам̣ вид̇аггавижаарабажжаязби гааяагиламат̇з жид̇д̇убагхаад̇з жа сад̇и уббаж̇ж̇ад̇и, вид̇аггавижаараабхаавз нзва уббаж̇ж̇ад̇и. яад̇т̇а бана уббаж̇ж̇ад̇и, д̇ад̇т̇а вид̇аггавижаарабхаавз, аббахийнаа зва жа д̣̇уд̇ияаж̇жхаанубажаарз вид̇аггавижаараад̇и д̇ад̇т̇асса сияаа уббад̇д̇и. на д̇взва д̣̇уд̇ияаж̇жхаанз бахийнабажжаяад̇д̇аа. д̇ат̇аа д̇ад̇ияаж̇жхаанубажаарз бахийнассааби сукинд̣̇рияасса бийд̇исамудтаанабан̣ийд̇аруубапудтагааяасса сияаа уббад̇д̇и, на д̇взва д̇ад̇ияаж̇жхаанз. д̇ад̇ияаж̇жхаанз хи сукасса бажжаяабхууд̇аа бийд̇и саб̣б̣асо нируд̣̇д̇хаа. д̇ат̇аа жад̇уд̇т̇аж̇жхаанубажаарз бахийнассааби соманассинд̣̇рияасса аасаннад̇д̇аа аббанааббад̇д̇ааяа убзгкааяа абхаавзна саммаа анад̇игганд̇ад̇д̇аа жа сияаа уббад̇д̇и, на д̇взва жад̇уд̇т̇аж̇жхаанз. д̇асмаа ‘‘зд̇т̇а жуббаннам̣ д̣̇угкинд̣̇рияам̣ абарисзсам̣ нируж̇жхад̇ий’’д̇и д̇ад̇т̇а д̇ад̇т̇а абарисзсаг̇г̇ахан̣ам̣ гад̇ам̣.
Kattha cuppannaṃ dukkhindriyaṃ aparisesaṃ nirujjhati, idha, bhikkhave, bhikkhu vivicceva kāmehītiādīsu pana ayaṃ ekatova vinicchayakathā – dukkhindriyañhi paṭhamajjhānassa upacārakkhaṇeyeva nirujjhati pahīnaṃ hoti, domanassādīni dutiyajjhānādīnaṃ. Evaṃ santepi tesaṃ atisayanirodhattā ayaṃ jhānesuyeva nirodho vutto. Atisayanirodho hi tesaṃ paṭhamajjhānādīsu, na nirodhoyeva, nirodhoyeva pana upacārakkhaṇe, nātisayanirodho. Tathā hi nānāvajjane paṭhamajjhānupacāre niruddhassāpi dukkhindriyassa ḍaṃsamakasādisamphassena vā visamāsanupatāpena vā siyā uppatti, na tveva antoappanāyaṃ. Upacāre vā niruddhampetaṃ na suṭṭhu niruddhaṃ hoti paṭipakkhena avihatattā. Antoappanāyaṃ pana pītipharaṇena sabbo kāyo sukhokkanto hoti, sukhokkantakāyassa ca suṭṭhu niruddhaṃ hoti dukkhindriyaṃ paṭipakkhena vihatattā. Nānāvajjaneyeva ca dutiyajjhānupacāre pahīnassa domanassindriyassa yasmā etaṃ vitakkavicārapaccayepi kāyakilamathe cittupaghāte ca sati uppajjati, vitakkavicārābhāve neva uppajjati. Yattha pana uppajjati, tattha vitakkavicārabhāve, appahīnā eva ca dutiyajjhānupacāre vitakkavicārāti tatthassa siyā uppatti. Na tveva dutiyajjhāne pahīnapaccayattā. Tathā tatiyajjhānupacāre pahīnassāpi sukhindriyassa pītisamuṭṭhānapaṇītarūpaphuṭṭhakāyassa siyā uppatti, na tveva tatiyajjhāne. Tatiyajjhāne hi sukhassa paccayabhūtā pīti sabbaso niruddhā. Tathā catutthajjhānupacāre pahīnassāpi somanassindriyassa āsannattā appanāppattāya upekkhāya abhāvena sammā anatikkantattā ca siyā uppatti, na tveva catutthajjhāne. Tasmā ‘‘ettha cuppannaṃ dukkhindriyaṃ aparisesaṃ nirujjhatī’’ti tattha tattha aparisesaggahaṇaṃ kataṃ.
яам̣ банзд̇т̇а д̇ад̣̇ад̇т̇ааяа жид̇д̇ам̣ убасам̣харад̇ийд̇и вуд̇д̇ам̣, д̇ад̇т̇а алаабхий самаано уббаад̣̇анад̇т̇ааяа жид̇д̇ам̣ убасам̣харад̇и, лаабхий самаано самаабаж̇ж̇анад̇т̇ааяаад̇и звамад̇т̇о взд̣̇ид̇аб̣б̣о. имзсу д̣̇вийсуби суд̇д̇зсу саммасанаваарова гат̇ид̇од̇и.
Yaṃ panettha tadatthāya cittaṃ upasaṃharatīti vuttaṃ, tattha alābhī samāno uppādanatthāya cittaṃ upasaṃharati, lābhī samāno samāpajjanatthāyāti evamattho veditabbo. Imesu dvīsupi suttesu sammasanavārova kathitoti.
сукинд̣̇рияаваг̇г̇о жад̇уд̇т̇о.
Sukhindriyavaggo catuttho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. уббадибаадигасуд̇д̇ам̣ • 10. Uppaṭipāṭikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. уббадибаадигасуд̇д̇аван̣н̣анаа • 10. Uppaṭipāṭikasuttavaṇṇanā
