| Library / Tipiṭaka / တိပိဋက • Tipiṭaka / သမ္မောဟဝိနောဒနီ-အဋ္ဌကထာ • Sammohavinodanī-aṭṭhakathā |
၂. ဥပ္ပတ္တာနုပ္ပတ္တိဝာရဝဏ္ဏနာ
2. Uppattānuppattivāravaṇṇanā
၉၉၁. ဒုတိယဝာရေ ယေ ဓမ္မာ ကာမဘဝေ ကာမဓာတုသမ္ဘူတာနဉ္စ သတ္တာနံ ဥပ္ပဇ္ဇန္တိ – ကာမဓာတုယံ ပရိယာပန္နာ ဝာ အပရိယာပန္နာ ဝာ – တေ သဗ္ဗေ သင္ဂဟေတ္ဝာ ကာမဓာတုယာ ပဉ္စက္ခန္ဓာတိအာဒိ ဝုတ္တံ။ ရူပဓာတုအာဒီသုပိ ဧသေဝ နယော။ ယသ္မာ ပန ရူပဓာတုပရိယာပန္နာနံ သတ္တာနံ ဃာနာယတနာဒီနံ အဘာဝေန ဂန္ဓာယတနာဒီနိ အာယတနာဒိကိစ္စံ န ကရောန္တိ, တသ္မာ ရူပဓာတုယာ ဆ အာယတနာနိ, နဝ ဓာတုယောတိအာဒိ ဝုတ္တံ ။ ယသ္မာ စ ဩကာသဝသေန ဝာ သတ္တုပ္ပတ္တိဝသေန ဝာ အပရိယာပန္နဓာတု နာမ နတ္ထိ, တသ္မာ အပရိယာပန္နဓာတုယာတိ အဝတ္ဝာ ယံ ယံ အပရိယာပန္နံ တံ တဒေဝ ဒသ္သေတုံ အပရိယာပန္နေ ကတိ ခန္ဓာတိအာဒိ ဝုတ္တံ။
991. Dutiyavāre ye dhammā kāmabhave kāmadhātusambhūtānañca sattānaṃ uppajjanti – kāmadhātuyaṃ pariyāpannā vā apariyāpannā vā – te sabbe saṅgahetvā kāmadhātuyā pañcakkhandhātiādi vuttaṃ. Rūpadhātuādīsupi eseva nayo. Yasmā pana rūpadhātupariyāpannānaṃ sattānaṃ ghānāyatanādīnaṃ abhāvena gandhāyatanādīni āyatanādikiccaṃ na karonti, tasmā rūpadhātuyā cha āyatanāni, nava dhātuyotiādi vuttaṃ . Yasmā ca okāsavasena vā sattuppattivasena vā apariyāpannadhātu nāma natthi, tasmā apariyāpannadhātuyāti avatvā yaṃ yaṃ apariyāpannaṃ taṃ tadeva dassetuṃ apariyāpanne kati khandhātiādi vuttaṃ.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဝိဘင္ဂပာဠိ • Vibhaṅgapāḷi / ၁၈. ဓမ္မဟဒယဝိဘင္ဂော • 18. Dhammahadayavibhaṅgo
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဝိဘင္ဂ-မူလဋီကာ • Vibhaṅga-mūlaṭīkā / ၁၈. ဓမ္မဟဒယဝိဘင္ဂော • 18. Dhammahadayavibhaṅgo
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဝိဘင္ဂ-အနုဋီကာ • Vibhaṅga-anuṭīkā / ၁၈. ဓမ္မဟဒယဝိဘင္ဂော • 18. Dhammahadayavibhaṅgo
