| Library / Tipiṭaka / ತಿಪಿಟಕ • Tipiṭaka / ಸಮ್ಮೋಹವಿನೋದನೀ-ಅಟ್ಠಕಥಾ • Sammohavinodanī-aṭṭhakathā |
೨. ಉಪ್ಪತ್ತಾನುಪ್ಪತ್ತಿವಾರವಣ್ಣನಾ
2. Uppattānuppattivāravaṇṇanā
೯೯೧. ದುತಿಯವಾರೇ ಯೇ ಧಮ್ಮಾ ಕಾಮಭವೇ ಕಾಮಧಾತುಸಮ್ಭೂತಾನಞ್ಚ ಸತ್ತಾನಂ ಉಪ್ಪಜ್ಜನ್ತಿ – ಕಾಮಧಾತುಯಂ ಪರಿಯಾಪನ್ನಾ ವಾ ಅಪರಿಯಾಪನ್ನಾ ವಾ – ತೇ ಸಬ್ಬೇ ಸಙ್ಗಹೇತ್ವಾ ಕಾಮಧಾತುಯಾ ಪಞ್ಚಕ್ಖನ್ಧಾತಿಆದಿ ವುತ್ತಂ। ರೂಪಧಾತುಆದೀಸುಪಿ ಏಸೇವ ನಯೋ। ಯಸ್ಮಾ ಪನ ರೂಪಧಾತುಪರಿಯಾಪನ್ನಾನಂ ಸತ್ತಾನಂ ಘಾನಾಯತನಾದೀನಂ ಅಭಾವೇನ ಗನ್ಧಾಯತನಾದೀನಿ ಆಯತನಾದಿಕಿಚ್ಚಂ ನ ಕರೋನ್ತಿ, ತಸ್ಮಾ ರೂಪಧಾತುಯಾ ಛ ಆಯತನಾನಿ, ನವ ಧಾತುಯೋತಿಆದಿ ವುತ್ತಂ । ಯಸ್ಮಾ ಚ ಓಕಾಸವಸೇನ ವಾ ಸತ್ತುಪ್ಪತ್ತಿವಸೇನ ವಾ ಅಪರಿಯಾಪನ್ನಧಾತು ನಾಮ ನತ್ಥಿ, ತಸ್ಮಾ ಅಪರಿಯಾಪನ್ನಧಾತುಯಾತಿ ಅವತ್ವಾ ಯಂ ಯಂ ಅಪರಿಯಾಪನ್ನಂ ತಂ ತದೇವ ದಸ್ಸೇತುಂ ಅಪರಿಯಾಪನ್ನೇ ಕತಿ ಖನ್ಧಾತಿಆದಿ ವುತ್ತಂ।
991. Dutiyavāre ye dhammā kāmabhave kāmadhātusambhūtānañca sattānaṃ uppajjanti – kāmadhātuyaṃ pariyāpannā vā apariyāpannā vā – te sabbe saṅgahetvā kāmadhātuyā pañcakkhandhātiādi vuttaṃ. Rūpadhātuādīsupi eseva nayo. Yasmā pana rūpadhātupariyāpannānaṃ sattānaṃ ghānāyatanādīnaṃ abhāvena gandhāyatanādīni āyatanādikiccaṃ na karonti, tasmā rūpadhātuyā cha āyatanāni, nava dhātuyotiādi vuttaṃ . Yasmā ca okāsavasena vā sattuppattivasena vā apariyāpannadhātu nāma natthi, tasmā apariyāpannadhātuyāti avatvā yaṃ yaṃ apariyāpannaṃ taṃ tadeva dassetuṃ apariyāpanne kati khandhātiādi vuttaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ವಿಭಙ್ಗಪಾಳಿ • Vibhaṅgapāḷi / ೧೮. ಧಮ್ಮಹದಯವಿಭಙ್ಗೋ • 18. Dhammahadayavibhaṅgo
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ವಿಭಙ್ಗ-ಮೂಲಟೀಕಾ • Vibhaṅga-mūlaṭīkā / ೧೮. ಧಮ್ಮಹದಯವಿಭಙ್ಗೋ • 18. Dhammahadayavibhaṅgo
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ವಿಭಙ್ಗ-ಅನುಟೀಕಾ • Vibhaṅga-anuṭīkā / ೧೮. ಧಮ್ಮಹದಯವಿಭಙ್ಗೋ • 18. Dhammahadayavibhaṅgo
