| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[354] 4. ураг̇аж̇аад̇агаван̣н̣анаа
[354] 4. Uragajātakavaṇṇanā
ураг̇ова д̇ажам̣ ж̇ин̣н̣анд̇и ид̣̇ам̣ сад̇т̇аа ж̇зд̇аванз вихаранд̇о мад̇абуд̇д̇агам̣ гудумб̣игам̣ аараб̣бха гат̇зси. вад̇т̇у бана мад̇абхарияамад̇абид̇игавад̇т̇усад̣̇исамзва. ид̇хааби д̇ат̇зва сад̇т̇аа д̇асса нивзсанам̣ г̇анд̇ваа д̇ам̣ ааг̇анд̇ваа ванд̣̇ид̇ваа нисиннам̣ ‘‘гим̣, аавусо, сожасий’’д̇и бужчид̇ваа ‘‘аама, бханд̇з , буд̇д̇асса мз мад̇агаалад̇о бадтааяа сожаамий’’д̇и вуд̇д̇з ‘‘аавусо, бхиж̇ж̇анад̇хаммам̣ наама бхиж̇ж̇ад̇и, нассанад̇хаммам̣ наама нассад̇и, д̇ан̃жа ко на згасмим̣язва гулз, нааби згасмин̃н̃зва г̇аамз, ат̇а ко абаримаан̣зсу жаггаваал̣зсу д̇ийсу бхавзсу амаран̣ад̇хаммо наама над̇т̇и, д̇аб̣бхаавзнзва таад̇ум̣ самад̇т̇о згасан̇каароби сассад̇о наама над̇т̇и, саб̣б̣з сад̇д̇аа маран̣ад̇хаммаа, саб̣б̣з сан̇каараа бхиж̇ж̇анад̇хаммаа, бораан̣агабан̣д̣ид̇ааби буд̇д̇з мад̇з ‘маран̣ад̇хаммам̣ мад̇ам̣, нассанад̇хаммам̣ надта’нд̇и на сожим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Uragovatacaṃ jiṇṇanti idaṃ satthā jetavane viharanto mataputtakaṃ kuṭumbikaṃ ārabbha kathesi. Vatthu pana matabhariyamatapitikavatthusadisameva. Idhāpi tatheva satthā tassa nivesanaṃ gantvā taṃ āgantvā vanditvā nisinnaṃ ‘‘kiṃ, āvuso, socasī’’ti pucchitvā ‘‘āma, bhante , puttassa me matakālato paṭṭhāya socāmī’’ti vutte ‘‘āvuso, bhijjanadhammaṃ nāma bhijjati, nassanadhammaṃ nāma nassati, tañca kho na ekasmiṃyeva kule, nāpi ekasmiññeva gāme, atha kho aparimāṇesu cakkavāḷesu tīsu bhavesu amaraṇadhammo nāma natthi, tabbhāveneva ṭhātuṃ samattho ekasaṅkhāropi sassato nāma natthi, sabbe sattā maraṇadhammā, sabbe saṅkhārā bhijjanadhammā, porāṇakapaṇḍitāpi putte mate ‘maraṇadhammaṃ mataṃ, nassanadhammaṃ naṭṭha’nti na sociṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣аараан̣асияам̣ д̣̇ваараг̇аамагз б̣раахман̣агулз ниб̣б̣ад̇д̇ид̇ваа гудумб̣ам̣ сан̣табзд̇ваа гасигаммзна ж̇ийвигам̣ габбзси. д̇асса буд̇д̇о жа д̇хийд̇аа жаад̇и д̣̇вз д̣̇аарагаа ахзсум̣. со буд̇д̇асса ваяаббад̇д̇асса самаанагулад̇о гумааригам̣ аахарид̇ваа ад̣̇ааси, ид̇и д̇з д̣̇аасияаа сад̣̇д̇хим̣ ча ж̇анаа ахзсум̣ – б̣од̇хисад̇д̇о, бхарияаа, буд̇д̇о, д̇хийд̇аа, сун̣исаа, д̣̇аасийд̇и. д̇з самаг̇г̇аа саммод̣̇амаанаа бияасам̣ваасаа ахзсум̣. б̣од̇хисад̇д̇о сзсаанам̣ бан̃жаннам̣ звам̣ оваад̣̇ам̣ д̣̇зд̇и ‘‘д̇умхз яат̇аалад̣̇д̇ханияаамзнзва д̣̇аанам̣ д̣̇зт̇а, сийлам̣ рагкат̇а, убосат̇агаммам̣ гарот̇а, маран̣ассад̇им̣ бхаавзт̇а, д̇умхаагам̣ маран̣абхаавам̣ саллагкзт̇а, имзсан̃хи сад̇д̇аанам̣ маран̣ам̣ д̇хувам̣, ж̇ийвид̇ам̣ ад̣̇д̇хувам̣, саб̣б̣з сан̇каараа анижжаа каяаваяад̇хамминова, рад̇д̇ин̃жа д̣̇иваа жа аббамад̇д̇аа хот̇аа’’д̇и. д̇з ‘‘саад̇хуу’’д̇и оваад̣̇ам̣ самбадижчид̇ваа аббамад̇д̇аа маран̣ассад̇им̣ бхаавзнд̇и.
Atīte bārāṇasiyaṃ brahmadatte rajjaṃ kārente bodhisatto bārāṇasiyaṃ dvāragāmake brāhmaṇakule nibbattitvā kuṭumbaṃ saṇṭhapetvā kasikammena jīvikaṃ kappesi. Tassa putto ca dhītā cāti dve dārakā ahesuṃ. So puttassa vayappattassa samānakulato kumārikaṃ āharitvā adāsi, iti te dāsiyā saddhiṃ cha janā ahesuṃ – bodhisatto, bhariyā, putto, dhītā, suṇisā, dāsīti. Te samaggā sammodamānā piyasaṃvāsā ahesuṃ. Bodhisatto sesānaṃ pañcannaṃ evaṃ ovādaṃ deti ‘‘tumhe yathāladdhaniyāmeneva dānaṃ detha, sīlaṃ rakkhatha, uposathakammaṃ karotha, maraṇassatiṃ bhāvetha, tumhākaṃ maraṇabhāvaṃ sallakkhetha, imesañhi sattānaṃ maraṇaṃ dhuvaṃ, jīvitaṃ addhuvaṃ, sabbe saṅkhārā aniccā khayavayadhamminova, rattiñca divā ca appamattā hothā’’ti. Te ‘‘sādhū’’ti ovādaṃ sampaṭicchitvā appamattā maraṇassatiṃ bhāventi.
ат̇згад̣̇ивасам̣ б̣од̇хисад̇д̇о буд̇д̇зна сад̣̇д̇хим̣ кзд̇д̇ам̣ г̇анд̇ваа гасад̇и. буд̇д̇о гажаварам̣ сан̇гад̣дхид̇ваа жхаабзд̇и. д̇ассаавид̣̇уурз згасмим̣ ваммигз аасийвисо ад̇т̇и. д̇хуумо д̇асса агкийни бахари. со гуд̣̇д̇хо нигкамид̇ваа ‘‘имам̣ ниссааяа маяхам̣ бхаяа’’нд̇и жад̇ассо д̣̇аатаа нимуж̇ж̇аабзнд̇о д̇ам̣ д̣ам̣си, со баривад̇д̇ид̇ваа бад̇ид̇о. б̣од̇хисад̇д̇о баривад̇д̇ид̇ваа д̇ам̣ бад̇ид̇ам̣ д̣̇исваа г̇он̣з табзд̇ваа г̇анд̇ваа д̇асса мад̇абхаавам̣ н̃ад̇ваа д̇ам̣ угкибид̇ваа згасмим̣ ругкамуулз нибаж̇ж̇аабзд̇ваа баарубид̇ваа нзва род̣̇и на барид̣̇зви – ‘‘бхиж̇ж̇анад̇хаммам̣ бана бхиннам̣, маран̣ад̇хаммам̣ мад̇ам̣, саб̣б̣з сан̇каараа анижжаа маран̣анибпад̇д̇игаа’’д̇и анижжабхаавамзва саллагкзд̇ваа гаси. со кзд̇д̇асамийбзна г̇ажчанд̇ам̣ згам̣ бадивиссагам̣ бурисам̣ д̣̇исваа ‘‘д̇аад̇а, г̇зхам̣ г̇ажчасий’’д̇и бужчид̇ваа ‘‘аамаа’’д̇и вуд̇д̇з д̇зна хи амхаагамби гхарам̣ г̇анд̇ваа б̣раахман̣им̣ вад̣̇зяяааси ‘‘аж̇ж̇а гира буб̣б̣з вияа д̣̇виннам̣ бхад̇д̇ам̣ анаахарид̇ваа згассзваахаарам̣ аахарзяяаат̇а, буб̣б̣з жа згигаава д̣̇аасий аахаарам̣ аахарад̇и, аж̇ж̇а бана жад̇д̇аароби ж̇анаа суд̣̇д̇хавад̇т̇анивад̇т̇аа г̇анд̇хабубпахад̇т̇аа ааг̇ажчзяяаат̇аа’’д̇и. со ‘‘саад̇хуу’’д̇и г̇анд̇ваа б̣раахман̣ияаа д̇ат̇зва гат̇зси. гзна д̇з, д̇аад̇а, имам̣ саасанам̣ д̣̇иннанд̇и. б̣раахман̣зна , аяязд̇и. саа ‘‘буд̇д̇о мз мад̇о’’д̇и ан̃н̃ааси, гамбанамад̇д̇амбиссаа наахоси. звам̣ субхаавид̇ажид̇д̇аа суд̣̇д̇хавад̇т̇анивад̇т̇аа г̇анд̇хабубпахад̇т̇аа д̣̇аасим̣ бана аахаарам̣ аахараабзд̇ваа сзсзхи сад̣̇д̇хим̣ кзд̇д̇ам̣ аг̇амааси. згассаби род̣̇ид̇ам̣ ваа барид̣̇звид̇ам̣ ваа наахоси.
Athekadivasaṃ bodhisatto puttena saddhiṃ khettaṃ gantvā kasati. Putto kacavaraṃ saṅkaḍḍhitvā jhāpeti. Tassāvidūre ekasmiṃ vammike āsīviso atthi. Dhūmo tassa akkhīni pahari. So kuddho nikkhamitvā ‘‘imaṃ nissāya mayhaṃ bhaya’’nti catasso dāṭhā nimujjāpento taṃ ḍaṃsi, so parivattitvā patito. Bodhisatto parivattitvā taṃ patitaṃ disvā goṇe ṭhapetvā gantvā tassa matabhāvaṃ ñatvā taṃ ukkhipitvā ekasmiṃ rukkhamūle nipajjāpetvā pārupitvā neva rodi na paridevi – ‘‘bhijjanadhammaṃ pana bhinnaṃ, maraṇadhammaṃ mataṃ, sabbe saṅkhārā aniccā maraṇanipphattikā’’ti aniccabhāvameva sallakkhetvā kasi. So khettasamīpena gacchantaṃ ekaṃ paṭivissakaṃ purisaṃ disvā ‘‘tāta, gehaṃ gacchasī’’ti pucchitvā ‘‘āmā’’ti vutte tena hi amhākampi gharaṃ gantvā brāhmaṇiṃ vadeyyāsi ‘‘ajja kira pubbe viya dvinnaṃ bhattaṃ anāharitvā ekassevāhāraṃ āhareyyātha, pubbe ca ekikāva dāsī āhāraṃ āharati, ajja pana cattāropi janā suddhavatthanivatthā gandhapupphahatthā āgaccheyyāthā’’ti. So ‘‘sādhū’’ti gantvā brāhmaṇiyā tatheva kathesi. Kena te, tāta, imaṃ sāsanaṃ dinnanti. Brāhmaṇena , ayyeti. Sā ‘‘putto me mato’’ti aññāsi, kampanamattampissā nāhosi. Evaṃ subhāvitacittā suddhavatthanivatthā gandhapupphahatthā dāsiṃ pana āhāraṃ āharāpetvā sesehi saddhiṃ khettaṃ agamāsi. Ekassapi roditaṃ vā paridevitaṃ vā nāhosi.
б̣од̇хисад̇д̇о буд̇д̇асса нибанначааяааяамзва нисийд̣̇ид̇ваа бхун̃ж̇и. бхуд̇д̇аавасаанз саб̣б̣зби д̣̇аарууни уд̣̇д̇харид̇ваа д̇ам̣ жид̇агам̣ ааробзд̇ваа г̇анд̇хабубпзхи бууж̇зд̇ваа жхаабзсум̣. згасса жа згаб̣инд̣̇уби ассу наахоси, саб̣б̣зби субхаавид̇амаран̣ассад̇ино хонд̇и. д̇зсам̣ сийлад̇зж̇зна саггасса аасанам̣ ун̣хаагаарам̣ д̣̇ассзси. со ‘‘го ну ко мам̣ таанаа жаавзд̇угаамо’’д̇и убад̇хаарзнд̇о д̇зсам̣ г̇ун̣ад̇зж̇зна ун̣хабхаавам̣ н̃ад̇ваа басаннамаанасо худ̇ваа ‘‘маяаа зд̇зсам̣ санд̇игам̣ г̇анд̇ваа сийханаад̣̇ам̣ над̣̇аабзд̇ваа сийханаад̣̇абарияосаанз зд̇зсам̣ нивзсанам̣ сад̇д̇арад̇анабарибун̣н̣ам̣ гад̇ваа ааг̇анд̇ум̣ ваддад̇ий’’д̇и взг̇зна д̇ад̇т̇а г̇анд̇ваа аал̣ааханабассз тид̇о ‘‘д̇аад̇а, гим̣ гарот̇аа’’д̇и ааха. ‘‘згам̣ мануссам̣ жхаабзма, саамий’’д̇и. ‘‘на д̇умхз мануссам̣ жхаабзссат̇а, згам̣ бана миг̇ам̣ маарзд̇ваа бажат̇а ман̃н̃з’’д̇и. ‘‘над̇т̇зд̇ам̣ саами, мануссамзва жхаабзмаа’’д̇и. ‘‘д̇зна хи взримануссо во бхависсад̇ий’’д̇и. ат̇а нам̣ б̣од̇хисад̇д̇о ‘‘орасабуд̇д̇о но саами, на взриго’’д̇и ааха. ‘‘д̇зна хи во аббияабуд̇д̇о бхависсад̇ий’’д̇и? ‘‘ад̇ивияа бияабуд̇д̇о, саамий’’д̇и. ‘‘ат̇а гасмаа на род̣̇асий’’д̇и? со арод̣̇анагааран̣ам̣ гат̇знд̇о батамам̣ г̇аат̇амааха –
Bodhisatto puttassa nipannachāyāyameva nisīditvā bhuñji. Bhuttāvasāne sabbepi dārūni uddharitvā taṃ citakaṃ āropetvā gandhapupphehi pūjetvā jhāpesuṃ. Ekassa ca ekabindupi assu nāhosi, sabbepi subhāvitamaraṇassatino honti. Tesaṃ sīlatejena sakkassa āsanaṃ uṇhākāraṃ dassesi. So ‘‘ko nu kho maṃ ṭhānā cāvetukāmo’’ti upadhārento tesaṃ guṇatejena uṇhabhāvaṃ ñatvā pasannamānaso hutvā ‘‘mayā etesaṃ santikaṃ gantvā sīhanādaṃ nadāpetvā sīhanādapariyosāne etesaṃ nivesanaṃ sattaratanaparipuṇṇaṃ katvā āgantuṃ vaṭṭatī’’ti vegena tattha gantvā āḷāhanapasse ṭhito ‘‘tāta, kiṃ karothā’’ti āha. ‘‘Ekaṃ manussaṃ jhāpema, sāmī’’ti. ‘‘Na tumhe manussaṃ jhāpessatha, ekaṃ pana migaṃ māretvā pacatha maññe’’ti. ‘‘Natthetaṃ sāmi, manussameva jhāpemā’’ti. ‘‘Tena hi verimanusso vo bhavissatī’’ti. Atha naṃ bodhisatto ‘‘orasaputto no sāmi, na veriko’’ti āha. ‘‘Tena hi vo appiyaputto bhavissatī’’ti? ‘‘Ativiya piyaputto, sāmī’’ti. ‘‘Atha kasmā na rodasī’’ti? So arodanakāraṇaṃ kathento paṭhamaṃ gāthamāha –
19.
19.
‘‘ураг̇ова д̇ажам̣ ж̇ин̣н̣ам̣, хид̇ваа г̇ажчад̇и сам̣ д̇анум̣;
‘‘Uragova tacaṃ jiṇṇaṃ, hitvā gacchati saṃ tanuṃ;
звам̣ сарийрз ниб̣бхог̇з, бзд̇з гаалагад̇з сад̇и.
Evaṃ sarīre nibbhoge, pete kālakate sati.
20.
20.
‘‘д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;
‘‘Ḍayhamāno na jānāti, ñātīnaṃ paridevitaṃ;
д̇асмаа зд̇ам̣ на сожаами, г̇ад̇о со д̇асса яаа г̇ад̇ий’’д̇и.
Tasmā etaṃ na socāmi, gato so tassa yā gatī’’ti.
д̇ад̇т̇а сам̣ д̇анунд̇и ад̇д̇ано сарийрам̣. ниб̣бхог̇зд̇и ж̇ийвид̇инд̣̇рияасса абхаавзна бхог̇арахид̇з. бзд̇зд̇и баралогам̣ бадиг̇ад̇з. гаалагад̇зд̇и гад̇агаалз, мад̇зд̇и ад̇т̇о. ид̣̇ам̣ вуд̇д̇ам̣ ход̇и – саами, мама буд̇д̇о яат̇аа наама ураг̇о ж̇ин̣н̣ад̇ажам̣ нижчинд̣̇ид̇ваа анологзд̇ваа анабзгко чад̣д̣зд̇ваа г̇ажчзяяа, звам̣ ад̇д̇ано сарийрам̣ чад̣д̣зд̇ваа г̇ажчад̇и, д̇асса ж̇ийвид̇инд̣̇рияарахид̇з сарийрз звам̣ ниб̣бхог̇з д̇асмин̃жа мз буд̇д̇з бзд̇з буна бадиг̇ад̇з маран̣агаалам̣ гад̇ваа тид̇з сад̇и го гаарун̃н̃зна ваа барид̣̇звзна ваа ад̇т̇о. аяан̃хи яат̇аа суулзхи виж̇жхид̇ваа д̣аяхамаано сукад̣̇угкам̣ на ж̇аанаад̇и, звам̣ н̃аад̇ийнам̣ барид̣̇звид̇амби на ж̇аанаад̇и, д̇зна гааран̣знаахам̣ зд̇ам̣ на сожаами. яаа д̇асса ад̇д̇ано г̇ад̇и, д̇ам̣ со г̇ад̇од̇и.
Tattha saṃ tanunti attano sarīraṃ. Nibbhogeti jīvitindriyassa abhāvena bhogarahite. Peteti paralokaṃ paṭigate. Kālakateti katakāle, mateti attho. Idaṃ vuttaṃ hoti – sāmi, mama putto yathā nāma urago jiṇṇatacaṃ nicchinditvā anoloketvā anapekkho chaḍḍetvā gaccheyya, evaṃ attano sarīraṃ chaḍḍetvā gacchati, tassa jīvitindriyarahite sarīre evaṃ nibbhoge tasmiñca me putte pete puna paṭigate maraṇakālaṃ katvā ṭhite sati ko kāruññena vā paridevena vā attho. Ayañhi yathā sūlehi vijjhitvā ḍayhamāno sukhadukkhaṃ na jānāti, evaṃ ñātīnaṃ paridevitampi na jānāti, tena kāraṇenāhaṃ etaṃ na socāmi. Yā tassa attano gati, taṃ so gatoti.
сагго б̣од̇хисад̇д̇асса важанам̣ суд̇ваа б̣раахман̣им̣ бужчи ‘‘амма, д̇уяхам̣ со гим̣ ход̇ий’’д̇и? ‘‘д̣̇аса маасз гужчинаа барихарид̇ваа т̇ан̃н̃ам̣ бааязд̇ваа хад̇т̇абаад̣̇з сан̣табзд̇ваа вад̣дхид̇абуд̇д̇о мз, саамий’’д̇и. ‘‘амма, бид̇аа д̇аава бурисабхаавзна маа род̣̇ад̇у, маад̇у хад̣̇аяам̣ бана муд̣̇угам̣ ход̇и, д̇вам̣ гасмаа на род̣̇асий’’д̇и? саа арод̣̇анагааран̣ам̣ гат̇знд̇ий –
Sakko bodhisattassa vacanaṃ sutvā brāhmaṇiṃ pucchi ‘‘amma, tuyhaṃ so kiṃ hotī’’ti? ‘‘Dasa māse kucchinā pariharitvā thaññaṃ pāyetvā hatthapāde saṇṭhapetvā vaḍḍhitaputto me, sāmī’’ti. ‘‘Amma, pitā tāva purisabhāvena mā rodatu, mātu hadayaṃ pana mudukaṃ hoti, tvaṃ kasmā na rodasī’’ti? Sā arodanakāraṇaṃ kathentī –
21.
21.
‘‘анавхид̇о д̇ад̇о ааг̇аа, ананун̃н̃аад̇о ид̇о г̇ад̇о;
‘‘Anavhito tato āgā, ananuññāto ito gato;
яат̇ааг̇ад̇о д̇ат̇аа г̇ад̇о, д̇ад̇т̇а гаа барид̣̇званаа.
Yathāgato tathā gato, tattha kā paridevanā.
22.
22.
‘‘д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;
‘‘Ḍayhamāno na jānāti, ñātīnaṃ paridevitaṃ;
д̇асмаа зд̇ам̣ на сожаами, г̇ад̇о со д̇асса яаа г̇ад̇ий’’д̇и. – г̇аат̇аад̣̇ваяамааха –
Tasmā etaṃ na socāmi, gato so tassa yā gatī’’ti. – gāthādvayamāha –
д̇ад̇т̇а анавхид̇од̇и аяам̣ д̇аад̇а маяаа баралогад̇о анавхид̇о аяаажид̇о. ааг̇аад̇и амхаагам̣ г̇зхам̣ ааг̇ад̇о. ид̇од̇и ид̇о мануссалогад̇о г̇ажчанд̇оби маяаа ананун̃н̃аад̇ова г̇ад̇о. яат̇ааг̇ад̇од̇и ааг̇ажчанд̇оби яат̇аа ад̇д̇анова ружияаа ааг̇ад̇о, г̇ажчанд̇оби д̇ат̇зва г̇ад̇о. д̇ад̇т̇аад̇и д̇асмим̣ д̇асса ид̇о г̇аманз гаа барид̣̇званаа. д̣аяхамаанод̇и г̇аат̇аа вуд̇д̇анаязна взд̣̇ид̇аб̣б̣аа.
Tattha anavhitoti ayaṃ tāta mayā paralokato anavhito ayācito. Āgāti amhākaṃ gehaṃ āgato. Itoti ito manussalokato gacchantopi mayā ananuññātova gato. Yathāgatoti āgacchantopi yathā attanova ruciyā āgato, gacchantopi tatheva gato. Tatthāti tasmiṃ tassa ito gamane kā paridevanā. Ḍayhamānoti gāthā vuttanayena veditabbā.
сагго б̣раахман̣ияаа гат̇ам̣ суд̇ваа д̇асса бхаг̇иним̣ бужчи ‘‘амма, д̇уяхам̣ со гим̣ ход̇ий’’д̇и? ‘‘бхаад̇аа мз, саамий’’д̇и. ‘‘амма, бхаг̇инияо наама бхаад̇уусу синзхаа хонд̇и, д̇вам̣ гасмаа на род̣̇асий’’д̇и? саа арод̣̇анагааран̣ам̣ гат̇знд̇ий –
Sakko brāhmaṇiyā kathaṃ sutvā tassa bhaginiṃ pucchi ‘‘amma, tuyhaṃ so kiṃ hotī’’ti? ‘‘Bhātā me, sāmī’’ti. ‘‘Amma, bhaginiyo nāma bhātūsu sinehā honti, tvaṃ kasmā na rodasī’’ti? Sā arodanakāraṇaṃ kathentī –
23.
23.
‘‘сажз род̣̇з гисаа ассам̣, д̇ассаа мз гим̣ палам̣ сияаа;
‘‘Sace rode kisā assaṃ, tassā me kiṃ phalaṃ siyā;
н̃аад̇имид̇д̇асухаж̇ж̇аанам̣, бхияяо но арад̇ий сияаа.
Ñātimittasuhajjānaṃ, bhiyyo no aratī siyā.
24.
24.
д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;
Ḍayhamāno na jānāti, ñātīnaṃ paridevitaṃ;
д̇асмаа зд̇ам̣ на сожаами, г̇ад̇о со д̇асса яаа г̇ад̇ий’’д̇и. – г̇аат̇аад̣̇ваяамааха –
Tasmā etaṃ na socāmi, gato so tassa yā gatī’’ti. – gāthādvayamāha –
д̇ад̇т̇а сажзд̇и яад̣̇и ахам̣ бхаад̇ари мад̇з род̣̇зяяам̣, гисасарийраа ассам̣. бхаад̇у бана мз д̇аббажжаяаа вуд̣дхи наама над̇т̇ийд̇и д̣̇ассзд̇и. д̇ассаа мзд̇и д̇ассаа маяхам̣ род̣̇анд̇ияаа гим̣ палам̣ го аанисам̣со бхавзяяа. маяхам̣ авуд̣̇д̇хи бана бан̃н̃ааяад̇ийд̇и д̣̇ийбзд̇и. н̃аад̇имид̇д̇асухаж̇ж̇аананд̇и н̃аад̇имид̇д̇асухад̣̇аанам̣ . аяамзва ваа баато. бхияяо нод̇и яз амхаагам̣ н̃аад̇ий жа мид̇д̇аа жа сухад̣̇аяаа жа, д̇зсам̣ ад̇хигад̇араа арад̇и сияаа.
Tattha saceti yadi ahaṃ bhātari mate rodeyyaṃ, kisasarīrā assaṃ. Bhātu pana me tappaccayā vuḍḍhi nāma natthīti dasseti. Tassā meti tassā mayhaṃ rodantiyā kiṃ phalaṃ ko ānisaṃso bhaveyya. Mayhaṃ avuddhi pana paññāyatīti dīpeti. Ñātimittasuhajjānanti ñātimittasuhadānaṃ . Ayameva vā pāṭho. Bhiyyo noti ye amhākaṃ ñātī ca mittā ca suhadayā ca, tesaṃ adhikatarā arati siyā.
сагго бхаг̇инияаа гат̇ам̣ суд̇ваа бхарияам̣ бужчи ‘‘амма, д̇уяхам̣ со гим̣ ход̇ий’’д̇и? ‘‘бад̇и мз, саамий’’д̇и. ‘‘ид̇т̇ияо наама бад̇имхи мад̇з вид̇хаваа хонд̇и анаат̇аа, д̇вам̣ гасмаа на род̣̇асий’’д̇и. саабисса арод̣̇анагааран̣ам̣ гат̇знд̇ий –
Sakko bhaginiyā kathaṃ sutvā bhariyaṃ pucchi ‘‘amma, tuyhaṃ so kiṃ hotī’’ti? ‘‘Pati me, sāmī’’ti. ‘‘Itthiyo nāma patimhi mate vidhavā honti anāthā, tvaṃ kasmā na rodasī’’ti. Sāpissa arodanakāraṇaṃ kathentī –
25.
25.
‘‘яат̇ааби д̣̇аараго жанд̣̇ам̣, г̇ажчанд̇аманурод̣̇ад̇и;
‘‘Yathāpi dārako candaṃ, gacchantamanurodati;
звам̣самбад̣̇амзвзд̇ам̣, яо бзд̇аманусожад̇и.
Evaṃsampadamevetaṃ, yo petamanusocati.
26.
26.
‘‘д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;
‘‘Ḍayhamāno na jānāti, ñātīnaṃ paridevitaṃ;
д̇асмаа зд̇ам̣ на сожаами, г̇ад̇о со д̇асса яаа г̇ад̇ий’’д̇и. – г̇аат̇аад̣̇ваяамааха –
Tasmā etaṃ na socāmi, gato so tassa yā gatī’’ti. – gāthādvayamāha –
д̇ассад̇т̇о – яат̇аа наама яад̇т̇а гад̇т̇ажи яуд̇д̇ааяуд̇д̇ам̣ лаб̣бханийяаалаб̣бханийяам̣ аж̇аананд̇о б̣аалад̣̇аараго маад̇у ужчан̇г̇з нисинно бун̣н̣амаасияам̣ бун̣н̣ам̣ жанд̣̇ам̣ аагаасз г̇ажчанд̇ам̣ д̣̇исваа ‘‘амма, жанд̣̇ам̣ мз д̣̇зхи, амма, жанд̣̇ам̣ мз д̣̇зхий’’д̇и бунаббунам̣ род̣̇ад̇и, звам̣самбад̣̇амзвзд̇ам̣, звам̣нибпад̇д̇игамзва зд̇ам̣ д̇асса рун̣н̣ам̣ ход̇и, яо бзд̇ам̣ гаалагад̇ам̣ анусожад̇и. ид̇оби жа б̣аалад̇арам̣. гим̣гааран̣аа? со хи виж̇ж̇амаанажанд̣̇ам̣ анурод̣̇ад̇и, маяхам̣ бана бад̇и мад̇о зд̇арахи авиж̇ж̇амаано суулзхи виж̇жхид̇ваа д̣аяхамааноби на гин̃жи ж̇аанаад̇ийд̇и.
Tassattho – yathā nāma yattha katthaci yuttāyuttaṃ labbhanīyālabbhanīyaṃ ajānanto bāladārako mātu ucchaṅge nisinno puṇṇamāsiyaṃ puṇṇaṃ candaṃ ākāse gacchantaṃ disvā ‘‘amma, candaṃ me dehi, amma, candaṃ me dehī’’ti punappunaṃ rodati, evaṃsampadamevetaṃ, evaṃnipphattikameva etaṃ tassa ruṇṇaṃ hoti, yo petaṃ kālakataṃ anusocati. Itopi ca bālataraṃ. Kiṃkāraṇā? So hi vijjamānacandaṃ anurodati, mayhaṃ pana pati mato etarahi avijjamāno sūlehi vijjhitvā ḍayhamānopi na kiñci jānātīti.
сагго бхарияааяа важанам̣ суд̇ваа д̣̇аасим̣ бужчи ‘‘амма, д̇уяхам̣ со гим̣ ход̇ий’’д̇и? ‘‘аяяо мз, саамий’’д̇и. ‘‘нану д̇вам̣ иминаа бийл̣зд̇ваа бот̇зд̇ваа барибхуд̇д̇аа бхависсаси, д̇асмаа ‘‘сумуд̇д̇аа аха’’нд̇и на род̣̇асий’’д̇и. ‘саами, маа звам̣ аважа, на зд̇ам̣ зд̇асса анужчавигам̣, канд̇имзд̇д̇аануд̣̇д̣̇аяасамбанно мз аяяабуд̇д̇о, урз сам̣вад̣дхид̇абуд̇д̇о вияа ахосий’д̇и. ‘‘ат̇а гасмаа на род̣̇асий’’д̇и? саабисса арод̣̇анагааран̣ам̣ гат̇знд̇ий –
Sakko bhariyāya vacanaṃ sutvā dāsiṃ pucchi ‘‘amma, tuyhaṃ so kiṃ hotī’’ti? ‘‘Ayyo me, sāmī’’ti. ‘‘Nanu tvaṃ iminā pīḷetvā pothetvā paribhuttā bhavissasi, tasmā ‘‘sumuttā aha’’nti na rodasī’’ti. ‘Sāmi, mā evaṃ avaca, na etaṃ etassa anucchavikaṃ, khantimettānuddayasampanno me ayyaputto, ure saṃvaḍḍhitaputto viya ahosī’ti. ‘‘Atha kasmā na rodasī’’ti? Sāpissa arodanakāraṇaṃ kathentī –
27.
27.
‘‘яат̇ааби уд̣̇агагумбхо, бхинно аббадисанд̇хияо;
‘‘Yathāpi udakakumbho, bhinno appaṭisandhiyo;
звам̣самбад̣̇амзвзд̇ам̣, яо бзд̇аманусожад̇и.
Evaṃsampadamevetaṃ, yo petamanusocati.
28.
28.
‘‘д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;
‘‘Ḍayhamāno na jānāti, ñātīnaṃ paridevitaṃ;
д̇асмаа зд̇ам̣ на сожаами, г̇ад̇о со д̇асса яаа г̇ад̇ий’’д̇и. – г̇аат̇аад̣̇ваяамааха –
Tasmā etaṃ na socāmi, gato so tassa yā gatī’’ti. – gāthādvayamāha –
д̇ассад̇т̇о – яат̇аа наама уд̣̇агагумбхо угкибияамаано бад̇ид̇ваа сад̇д̇ад̇хаа бхинно буна д̇аани габаалаани бадибаадияаа табзд̇ваа сам̣вид̣̇ахид̇ваа бадибаагад̇игам̣ гаад̇ум̣ на саггод̇и, яо бзд̇аманусожад̇и, д̇ассаби зд̇аманусожанам̣ звам̣нибпад̇д̇игамзва ход̇и, мад̇асса буна ж̇ийваабзд̇ум̣ асаггун̣зяяад̇д̇аа ид̣̇д̇химад̇о ваа ид̣̇д̇хаанубхаавзна бхиннам̣ гумбхам̣ сам̣вид̣̇ахид̇ваа уд̣̇агасса буурзд̇ум̣ саггаа бхавзяяа, гаалагад̇о бана ид̣̇д̇хиб̣алзнааби на саггаа бадибаагад̇ид̇ам̣ гаад̇унд̇и. ид̇араа г̇аат̇аа вуд̇д̇ад̇т̇ааязва.
Tassattho – yathā nāma udakakumbho ukkhipiyamāno patitvā sattadhā bhinno puna tāni kapālāni paṭipāṭiyā ṭhapetvā saṃvidahitvā paṭipākatikaṃ kātuṃ na sakkoti, yo petamanusocati, tassapi etamanusocanaṃ evaṃnipphattikameva hoti, matassa puna jīvāpetuṃ asakkuṇeyyattā iddhimato vā iddhānubhāvena bhinnaṃ kumbhaṃ saṃvidahitvā udakassa pūretuṃ sakkā bhaveyya, kālakato pana iddhibalenāpi na sakkā paṭipākatitaṃ kātunti. Itarā gāthā vuttatthāyeva.
сагго саб̣б̣зсам̣ д̇хаммагат̇ам̣ суд̇ваа басийд̣̇ид̇ваа ‘‘д̇умхзхи аббамад̇д̇зхи маран̣ассад̇и бхаавид̇аа, д̇умхз ид̇о бадтааяа сахад̇т̇зна гаммам̣ маа гарид̇т̇а, ахам̣, сагго д̣̇зварааж̇аа, ахам̣ во г̇зхз сад̇д̇а рад̇анаани абаримаан̣аани гариссаами, д̇умхз д̣̇аанам̣ д̣̇зт̇а , сийлам̣ рагкат̇а, убосат̇агаммам̣ гарот̇а, аббамад̇д̇аа хот̇аа’’д̇и д̇зсам̣ оваад̣̇ам̣ д̣̇ад̇ваа г̇зхам̣ абаримид̇ад̇ханам̣ гад̇ваа баггаами.
Sakko sabbesaṃ dhammakathaṃ sutvā pasīditvā ‘‘tumhehi appamattehi maraṇassati bhāvitā, tumhe ito paṭṭhāya sahatthena kammaṃ mā karittha, ahaṃ, sakko devarājā, ahaṃ vo gehe satta ratanāni aparimāṇāni karissāmi, tumhe dānaṃ detha , sīlaṃ rakkhatha, uposathakammaṃ karotha, appamattā hothā’’ti tesaṃ ovādaṃ datvā gehaṃ aparimitadhanaṃ katvā pakkāmi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз гудумб̣иго сод̇аабад̇д̇ипалз бад̇идтахи. д̇ад̣̇аа д̣̇аасий куж̇ж̇уд̇д̇араа ахоси, д̇хийд̇аа уббалаван̣н̣аа, буд̇д̇о раахуло, маад̇аа кзмаа, б̣раахман̣о бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne kuṭumbiko sotāpattiphale patiṭṭhahi. Tadā dāsī khujjuttarā ahosi, dhītā uppalavaṇṇā, putto rāhulo, mātā khemā, brāhmaṇo pana ahameva ahosinti.
ураг̇аж̇аад̇агаван̣н̣анаа жад̇уд̇т̇аа.
Uragajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 354. ураг̇аж̇аад̇агам̣ • 354. Uragajātakaṃ
