| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
12. ураг̇абзд̇авад̇т̇уван̣н̣анаа
12. Uragapetavatthuvaṇṇanā
ураг̇ова д̇ажам̣ ж̇ин̣н̣анд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ убаасагам̣ аараб̣бха гат̇зси. саавад̇т̇ияам̣ гира ан̃н̃ад̇арасса убаасагасса буд̇д̇о гааламагааси. со буд̇д̇амаран̣ахзд̇у барид̣̇звасогасамаабанно б̣ахи нигкамид̇ваа гин̃жи гаммам̣ гаад̇ум̣ асаггонд̇о г̇зхзязва адтааси. ат̇а сад̇т̇аа бажжуусавзлааяам̣ махаагарун̣аасамаабад̇д̇ид̇о вудтааяа б̣уд̣̇д̇хажагкунаа логам̣ вологзнд̇о д̇ам̣ убаасагам̣ д̣̇исваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа д̇асса г̇зхам̣ г̇анд̇ваа д̣̇ваарз адтааси. убаасаго жа сад̇т̇у ааг̇ад̇абхаавам̣ суд̇ваа сийгхам̣ удтааяа г̇анд̇ваа бажжуг̇г̇аманам̣ гад̇ваа хад̇т̇ад̇о бад̇д̇ам̣ г̇ахзд̇ваа г̇зхам̣ бавзсзд̇ваа аасанам̣ бан̃н̃абзд̇ваа ад̣̇ааси. нисийд̣̇и бхаг̇аваа бан̃н̃ад̇д̇з аасанз. убаасагоби бхаг̇аванд̇ам̣ ванд̣̇ид̇ваа згаманд̇ам̣ нисийд̣̇и. д̇ам̣ бхаг̇аваа ‘‘гим̣, убаасага, согабарзд̇о вияа д̣̇иссад̇ий’’д̇и ааха. ‘‘аама, бхаг̇аваа, бияо мз буд̇д̇о гаалагад̇о, д̇знаахам̣ сожаамий’’д̇и. ат̇асса бхаг̇аваа согавинод̣̇анам̣ гаронд̇о ураг̇аж̇аад̇агам̣ (ж̇аа. 1.5.19 аад̣̇аяо) гат̇зси.
Uragova tacaṃ jiṇṇanti idaṃ satthā jetavane viharanto aññataraṃ upāsakaṃ ārabbha kathesi. Sāvatthiyaṃ kira aññatarassa upāsakassa putto kālamakāsi. So puttamaraṇahetu paridevasokasamāpanno bahi nikkhamitvā kiñci kammaṃ kātuṃ asakkonto geheyeva aṭṭhāsi. Atha satthā paccūsavelāyaṃ mahākaruṇāsamāpattito vuṭṭhāya buddhacakkhunā lokaṃ volokento taṃ upāsakaṃ disvā pubbaṇhasamayaṃ nivāsetvā pattacīvaramādāya tassa gehaṃ gantvā dvāre aṭṭhāsi. Upāsako ca satthu āgatabhāvaṃ sutvā sīghaṃ uṭṭhāya gantvā paccuggamanaṃ katvā hatthato pattaṃ gahetvā gehaṃ pavesetvā āsanaṃ paññapetvā adāsi. Nisīdi bhagavā paññatte āsane. Upāsakopi bhagavantaṃ vanditvā ekamantaṃ nisīdi. Taṃ bhagavā ‘‘kiṃ, upāsaka, sokapareto viya dissatī’’ti āha. ‘‘Āma, bhagavā, piyo me putto kālakato, tenāhaṃ socāmī’’ti. Athassa bhagavā sokavinodanaṃ karonto uragajātakaṃ (jā. 1.5.19 ādayo) kathesi.
ад̇ийд̇з гира гаасирадтз б̣аараан̣асияам̣ д̇хаммабаалам̣ наама б̣раахман̣агулам̣ ахоси. д̇ад̇т̇а б̣раахман̣о б̣раахман̣ий буд̇д̇о д̇хийд̇аа сун̣исаа д̣̇аасийд̇и имз саб̣б̣зби маран̣аануссад̇ибхааванаабхирад̇аа ахзсум̣. д̇зсу яо г̇зхад̇о нигкамад̇и, со сзсаж̇анз овад̣̇ид̇ваа нирабзгкова нигкамад̇и. ат̇згад̣̇ивасам̣ б̣раахман̣о буд̇д̇зна сад̣̇д̇хим̣ гхарад̇о нигкамид̇ваа кзд̇д̇ам̣ г̇анд̇ваа гасад̇и. буд̇д̇о сугкад̇ин̣абан̣н̣агадтаани аалимбзд̇и. д̇ад̇т̇зго ган̣хасаббо д̣аахабхаязна ругкасусирад̇о нигкамид̇ваа имам̣ б̣раахман̣асса буд̇д̇ам̣ д̣ам̣си. со висавзг̇зна мужчид̇о д̇ад̇т̇зва барибад̇ид̇ваа гаалагад̇о, сагго д̣̇зварааж̇аа худ̇ваа ниб̣б̣ад̇д̇и. б̣раахман̣о буд̇д̇ам̣ мад̇ам̣ д̣̇исваа гамманд̇асамийбзна г̇ажчанд̇ам̣ згам̣ бурисам̣ звамааха – ‘‘самма, мама гхарам̣ г̇анд̇ваа б̣раахман̣им̣ звам̣ вад̣̇зхи ‘нхааяид̇ваа суд̣̇д̇хавад̇т̇анивад̇т̇аа згасса бхад̇д̇ам̣ маалааг̇анд̇хаад̣̇ийни жа г̇ахзд̇ваа д̇урид̇ам̣ ааг̇ажчад̇уу’д̇и’’. со д̇ад̇т̇а г̇анд̇ваа д̇ат̇аа аарожзси, г̇зхаж̇аноби д̇ат̇аа агааси. б̣раахман̣о нхад̇ваа бхун̃ж̇ид̇ваа вилимбид̇ваа бариж̇анабаривуд̇о буд̇д̇асса сарийрам̣ жид̇агам̣ ааробзд̇ваа аг̇г̇им̣ д̣̇ад̇ваа д̣̇ааругканд̇хам̣ д̣аханд̇о вияа ниссого ниссанд̇аабо анижжасан̃н̃ам̣ манаси гаронд̇о адтааси.
Atīte kira kāsiraṭṭhe bārāṇasiyaṃ dhammapālaṃ nāma brāhmaṇakulaṃ ahosi. Tattha brāhmaṇo brāhmaṇī putto dhītā suṇisā dāsīti ime sabbepi maraṇānussatibhāvanābhiratā ahesuṃ. Tesu yo gehato nikkhamati, so sesajane ovaditvā nirapekkhova nikkhamati. Athekadivasaṃ brāhmaṇo puttena saddhiṃ gharato nikkhamitvā khettaṃ gantvā kasati. Putto sukkhatiṇapaṇṇakaṭṭhāni ālimpeti. Tattheko kaṇhasappo ḍāhabhayena rukkhasusirato nikkhamitvā imaṃ brāhmaṇassa puttaṃ ḍaṃsi. So visavegena mucchito tattheva paripatitvā kālakato, sakko devarājā hutvā nibbatti. Brāhmaṇo puttaṃ mataṃ disvā kammantasamīpena gacchantaṃ ekaṃ purisaṃ evamāha – ‘‘samma, mama gharaṃ gantvā brāhmaṇiṃ evaṃ vadehi ‘nhāyitvā suddhavatthanivatthā ekassa bhattaṃ mālāgandhādīni ca gahetvā turitaṃ āgacchatū’ti’’. So tattha gantvā tathā ārocesi, gehajanopi tathā akāsi. Brāhmaṇo nhatvā bhuñjitvā vilimpitvā parijanaparivuto puttassa sarīraṃ citakaṃ āropetvā aggiṃ datvā dārukkhandhaṃ ḍahanto viya nissoko nissantāpo aniccasaññaṃ manasi karonto aṭṭhāsi.
ат̇а б̣раахман̣асса буд̇д̇о сагго худ̇ваа ниб̣б̣ад̇д̇и, со жа амхаагам̣ б̣од̇хисад̇д̇о ахоси. со ад̇д̇ано буримаж̇аад̇им̣ гад̇абун̃н̃ан̃жа бажжавзгкид̇ваа бид̇арам̣ н̃аад̇агз жа анугамбамаано б̣раахман̣авзсзна д̇ад̇т̇а ааг̇анд̇ваа н̃аад̇агз асожанд̇з д̣̇исваа ‘‘амбхо, миг̇ам̣ жхаабзт̇а, амхаагам̣ мам̣сам̣ д̣̇зт̇а, чаад̇омхий’’д̇и ааха. ‘‘на миг̇о, мануссо б̣раахман̣аа’’д̇и ааха. ‘‘гим̣ д̇умхаагам̣ бажжад̇т̇иго зсо’’д̇и? ‘‘на бажжад̇т̇иго, урз ж̇аад̇о орасо махааг̇ун̣аванд̇о д̇арун̣абуд̇д̇о’’д̇и ааха. ‘‘гимад̇т̇ам̣ д̇умхз д̇ат̇ааруубз г̇ун̣авад̇и д̇арун̣абуд̇д̇з мад̇з на сожат̇аа’’д̇и? д̇ам̣ суд̇ваа б̣раахман̣о асожанагааран̣ам̣ гат̇знд̇о –
Atha brāhmaṇassa putto sakko hutvā nibbatti, so ca amhākaṃ bodhisatto ahosi. So attano purimajātiṃ katapuññañca paccavekkhitvā pitaraṃ ñātake ca anukampamāno brāhmaṇavesena tattha āgantvā ñātake asocante disvā ‘‘ambho, migaṃ jhāpetha, amhākaṃ maṃsaṃ detha, chātomhī’’ti āha. ‘‘Na migo, manusso brāhmaṇā’’ti āha. ‘‘Kiṃ tumhākaṃ paccatthiko eso’’ti? ‘‘Na paccatthiko, ure jāto oraso mahāguṇavanto taruṇaputto’’ti āha. ‘‘Kimatthaṃ tumhe tathārūpe guṇavati taruṇaputte mate na socathā’’ti? Taṃ sutvā brāhmaṇo asocanakāraṇaṃ kathento –
85.
85.
‘‘ураг̇ова д̇ажам̣ ж̇ин̣н̣ам̣, хид̇ваа г̇ажчад̇и сам̣ д̇анум̣;
‘‘Uragova tacaṃ jiṇṇaṃ, hitvā gacchati saṃ tanuṃ;
звам̣ сарийрз ниб̣бхог̇з, бзд̇з гаалагад̇з сад̇и.
Evaṃ sarīre nibbhoge, pete kālakate sati.
86.
86.
‘‘д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;
‘‘Ḍayhamāno na jānāti, ñātīnaṃ paridevitaṃ;
д̇асмаа зд̇ам̣ на род̣̇аами, г̇ад̇о со д̇асса яаа г̇ад̇ий’’д̇и. –
Tasmā etaṃ na rodāmi, gato so tassa yā gatī’’ti. –
д̣̇вз г̇аат̇аа абхааси.
Dve gāthā abhāsi.
85-86. д̇ад̇т̇а ураг̇од̇и урзна г̇ажчад̇ийд̇и ураг̇о. саббассзд̇ам̣ ад̇хиважанам̣. д̇ажам̣ ж̇ин̣н̣анд̇и ж̇аж̇ж̇арабхаавзна ж̇ин̣н̣ам̣ бураан̣ам̣ ад̇д̇ано д̇ажам̣ ниммогам̣. хид̇ваа г̇ажчад̇и сам̣ д̇анунд̇и яат̇аа ураг̇о ад̇д̇ано ж̇ин̣н̣ад̇ажам̣ ругканд̇арз ваа гадтанд̇арз ваа мууланд̇арз ваа баасаан̣анд̇арз ваа ган̃жугам̣ омун̃жанд̇о вияа сарийрад̇о омун̃жид̇ваа бахааяа чад̣д̣зд̇ваа яат̇аагаамам̣ г̇ажчад̇и, звамзва сам̣саарз бариб̣бхаманд̇о сад̇д̇о бораан̣асса гаммасса баригкийн̣ад̇д̇аа ж̇аж̇ж̇арийбхууд̇ам̣ сам̣ д̇анум̣ ад̇д̇ано сарийрам̣ хид̇ваа г̇ажчад̇и, яат̇аагаммам̣ г̇ажчад̇и, бунаб̣бхававасзна убабаж̇ж̇ад̇ийд̇и ад̇т̇о. званд̇и д̣аяхамаанам̣ буд̇д̇асса сарийрам̣ д̣̇ассзнд̇о ааха. сарийрз ниб̣бхог̇зд̇и асса вияа ан̃н̃зсамби гааяз звам̣ бхог̇авирахид̇з нирад̇т̇агз ж̇аад̇з. бзд̇зд̇и ааяуусмаавин̃н̃аан̣ад̇о абаг̇ад̇з. гаалагад̇з сад̇ийд̇и мад̇з ж̇аад̇з. д̇асмаад̇и яасмаа д̣аяхамаано гааяо абзд̇авин̃н̃аан̣ад̇д̇аа д̣аахад̣̇угкам̣ вияа н̃аад̇ийнам̣ руд̣̇ид̇ам̣ барид̣̇звид̇амби на ж̇аанаад̇и, д̇асмаа зд̇ам̣ мама буд̇д̇ам̣ нимид̇д̇ам̣ гад̇ваа на род̣̇аами. г̇ад̇о со д̇асса яаа г̇ад̇ийд̇и яад̣̇и мад̇асад̇д̇аа на ужчиж̇ж̇анд̇и, мад̇асса бана гад̇огаасасса гаммасса васзна яаа г̇ад̇и баадиган̇каа, д̇ам̣ жуд̇иананд̇арамзва г̇ад̇о, со на буриман̃аад̇ийнам̣ руд̣̇ид̇ам̣ барид̣̇звид̇ам̣ ваа бажжаасийсад̇и, нааби язбхуяязна буриман̃аад̇ийнам̣ руд̣̇ид̇зна гаажи ад̇т̇асид̣̇д̇хийд̇и ад̇хиббааяо.
85-86. Tattha uragoti urena gacchatīti urago. Sappassetaṃ adhivacanaṃ. Tacaṃ jiṇṇanti jajjarabhāvena jiṇṇaṃ purāṇaṃ attano tacaṃ nimmokaṃ. Hitvā gacchati saṃ tanunti yathā urago attano jiṇṇatacaṃ rukkhantare vā kaṭṭhantare vā mūlantare vā pāsāṇantare vā kañcukaṃ omuñcanto viya sarīrato omuñcitvā pahāya chaḍḍetvā yathākāmaṃ gacchati, evameva saṃsāre paribbhamanto satto porāṇassa kammassa parikkhīṇattā jajjarībhūtaṃ saṃ tanuṃ attano sarīraṃ hitvā gacchati, yathākammaṃ gacchati, punabbhavavasena upapajjatīti attho. Evanti ḍayhamānaṃ puttassa sarīraṃ dassento āha. Sarīre nibbhogeti assa viya aññesampi kāye evaṃ bhogavirahite niratthake jāte. Peteti āyuusmāviññāṇato apagate. Kālakate satīti mate jāte. Tasmāti yasmā ḍayhamāno kāyo apetaviññāṇattā ḍāhadukkhaṃ viya ñātīnaṃ ruditaṃ paridevitampi na jānāti, tasmā etaṃ mama puttaṃ nimittaṃ katvā na rodāmi. Gato sotassa yā gatīti yadi matasattā na ucchijjanti, matassa pana katokāsassa kammassa vasena yā gati pāṭikaṅkhā, taṃ cutianantarameva gato, so na purimañātīnaṃ ruditaṃ paridevitaṃ vā paccāsīsati, nāpi yebhuyyena purimañātīnaṃ ruditena kāci atthasiddhīti adhippāyo.
звам̣ б̣раахман̣зна ад̇д̇ано асожанагааран̣з гат̇ид̇з барияааяаманасигаарагосаллз багаасид̇з б̣раахман̣аруубо сагго б̣раахман̣им̣ ааха – ‘‘амма, д̇уяхам̣ со мад̇о гим̣ ход̇ий’’д̇и? ‘‘д̣̇аса маасз гужчинаа барихарид̇ваа т̇ан̃н̃ам̣ бааязд̇ваа хад̇т̇абаад̣̇з сан̣табзд̇ваа сам̣вад̣дхид̇о буд̇д̇о мз, саамий’’д̇и. ‘‘яад̣̇и звам̣ бид̇аа д̇аава бурисабхаавзна маа род̣̇ад̇у, маад̇у наама хад̣̇аяам̣ муд̣̇угам̣, д̇вам̣ гасмаа на род̣̇асий’’д̇и? д̇ам̣ суд̇ваа саа арод̣̇анагааран̣ам̣ гат̇знд̇ий –
Evaṃ brāhmaṇena attano asocanakāraṇe kathite pariyāyamanasikārakosalle pakāsite brāhmaṇarūpo sakko brāhmaṇiṃ āha – ‘‘amma, tuyhaṃ so mato kiṃ hotī’’ti? ‘‘Dasa māse kucchinā pariharitvā thaññaṃ pāyetvā hatthapāde saṇṭhapetvā saṃvaḍḍhito putto me, sāmī’’ti. ‘‘Yadi evaṃ pitā tāva purisabhāvena mā rodatu, mātu nāma hadayaṃ mudukaṃ, tvaṃ kasmā na rodasī’’ti? Taṃ sutvā sā arodanakāraṇaṃ kathentī –
87.
87.
‘‘анаб̣бхид̇о д̇ад̇о ааг̇аа, наанун̃н̃аад̇о ид̇о г̇ад̇о;
‘‘Anabbhito tato āgā, nānuññāto ito gato;
яат̇ааг̇ад̇о д̇ат̇аа г̇ад̇о, д̇ад̇т̇а гаа барид̣̇званаа.
Yathāgato tathā gato, tattha kā paridevanā.
88.
88.
‘‘д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;
‘‘Ḍayhamāno na jānāti, ñātīnaṃ paridevitaṃ;
д̇асмаа зд̇ам̣ на род̣̇аами, г̇ад̇о со д̇асса яаа г̇ад̇ий’’д̇и. –
Tasmā etaṃ na rodāmi, gato so tassa yā gatī’’ti. –
г̇аат̇аад̣̇ваяамааха. д̇ад̇т̇а анаб̣бхид̇од̇и анавхаад̇о, ‘‘зхи маяхам̣ буд̇д̇абхаавам̣ убаг̇ажчаа’’д̇и звам̣ абаггосид̇о. д̇ад̇од̇и яад̇т̇а буб̣б̣з тид̇о, д̇ад̇о баралогад̇о. ааг̇аад̇и ааг̇ан̃чи. наанун̃н̃аад̇од̇и ананумад̇о, ‘‘г̇ажча, д̇аад̇а, баралога’’нд̇и звам̣ амхзхи ависсадто. ид̇од̇и ид̇халогад̇о. г̇ад̇од̇и абаг̇ад̇о. яат̇ааг̇ад̇од̇и язнаагаарзна ааг̇ад̇о, амхзхи анаб̣бхид̇о зва ааг̇ад̇од̇и ад̇т̇о. д̇ат̇аа г̇ад̇од̇и д̇знзваагаарзна г̇ад̇о. яат̇аа сагзнзва гаммунаа ааг̇ад̇о, д̇ат̇аа сагзнзва гаммунаа г̇ад̇од̇и. зд̇зна гаммассагад̇ам̣ д̣̇ассзд̇и. д̇ад̇т̇а гаа барид̣̇званаад̇и звам̣ авасавад̇д̇игз сам̣саарабавад̇д̇з маран̣ам̣ бадижжа гаа наама барид̣̇званаа, аяуд̇д̇аа саа бан̃н̃авад̇аа агаран̣ийяаад̇и д̣̇ассзд̇и.
Gāthādvayamāha. Tattha anabbhitoti anavhāto, ‘‘ehi mayhaṃ puttabhāvaṃ upagacchā’’ti evaṃ apakkosito. Tatoti yattha pubbe ṭhito, tato paralokato. Āgāti āgañchi. Nānuññātoti ananumato, ‘‘gaccha, tāta, paraloka’’nti evaṃ amhehi avissaṭṭho. Itoti idhalokato. Gatoti apagato. Yathāgatoti yenākārena āgato, amhehi anabbhito eva āgatoti attho. Tathā gatoti tenevākārena gato. Yathā sakeneva kammunā āgato, tathā sakeneva kammunā gatoti. Etena kammassakataṃ dasseti. Tattha kā paridevanāti evaṃ avasavattike saṃsārapavatte maraṇaṃ paṭicca kā nāma paridevanā, ayuttā sā paññavatā akaraṇīyāti dasseti.
звам̣ б̣раахман̣ияаа важанам̣ суд̇ваа д̇асса бхаг̇иним̣ бужчи – ‘‘амма, д̇уяхам̣ со гим̣ ход̇ий’’д̇и? ‘‘бхаад̇аа мз, саамий’’д̇и. ‘‘амма, бхаг̇инияо наама бхаад̇уусу синзхаа, д̇вам̣ гасмаа на род̣̇асий’’д̇и? сааби арод̣̇анагааран̣ам̣ гат̇знд̇ий –
Evaṃ brāhmaṇiyā vacanaṃ sutvā tassa bhaginiṃ pucchi – ‘‘amma, tuyhaṃ so kiṃ hotī’’ti? ‘‘Bhātā me, sāmī’’ti. ‘‘Amma, bhaginiyo nāma bhātūsu sinehā, tvaṃ kasmā na rodasī’’ti? Sāpi arodanakāraṇaṃ kathentī –
89.
89.
‘‘сажз род̣̇з гисса ассам̣, д̇ад̇т̇а мз гим̣ палам̣ сияаа;
‘‘Sace rode kissa assaṃ, tattha me kiṃ phalaṃ siyā;
н̃аад̇имид̇д̇асухаж̇ж̇аанам̣, бхияяо но арад̇ий сияаа.
Ñātimittasuhajjānaṃ, bhiyyo no aratī siyā.
90.
90.
‘‘д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;
‘‘Ḍayhamāno na jānāti, ñātīnaṃ paridevitaṃ;
д̇асмаа зд̇ам̣ на род̣̇аами, г̇ад̇о со д̇асса яаа г̇ад̇ий’’д̇и. –
Tasmā etaṃ na rodāmi, gato so tassa yā gatī’’ti. –
г̇аат̇аад̣̇ваяамааха. д̇ад̇т̇а сажз род̣̇з гисаа ассанд̇и яад̣̇и ахам̣ род̣̇зяяам̣, гисаа барисугкасарийраа бхавзяяам̣. д̇ад̇т̇а мз гим̣ палам̣ сияаад̇и д̇асмим̣ маяхам̣ бхаад̇у маран̣анимид̇д̇з род̣̇анз гим̣ наама палам̣, го аанисам̣со бхавзяяа? на д̇зна маяхам̣ бхаад̇иго ааг̇ажчзяяа, нааби со д̇зна суг̇ад̇им̣ г̇ажчзяяаад̇и ад̇хиббааяо. н̃аад̇имид̇д̇асухаж̇ж̇аанам̣, бхияяо но арад̇ий сияаад̇и амхаагам̣ н̃аад̇ийнам̣ мид̇д̇аанам̣ сухад̣̇аяаанан̃жа мама сожанзна бхаад̇умаран̣ад̣̇угкад̇о бхияяоби арад̇и д̣̇угкамзва сияаад̇и.
Gāthādvayamāha. Tattha sace rode kisā assanti yadi ahaṃ rodeyyaṃ, kisā parisukkhasarīrā bhaveyyaṃ. Tattha me kiṃ phalaṃ siyāti tasmiṃ mayhaṃ bhātu maraṇanimitte rodane kiṃ nāma phalaṃ, ko ānisaṃso bhaveyya? Na tena mayhaṃ bhātiko āgaccheyya, nāpi so tena sugatiṃ gaccheyyāti adhippāyo. Ñātimittasuhajjānaṃ, bhiyyo no aratī siyāti amhākaṃ ñātīnaṃ mittānaṃ suhadayānañca mama socanena bhātumaraṇadukkhato bhiyyopi arati dukkhameva siyāti.
звам̣ бхаг̇инияаа важанам̣ суд̇ваа д̇асса бхарияам̣ бужчи – ‘‘д̇уяхам̣ со гим̣ ход̇ий’’д̇и? ‘‘бхад̇д̇аа мз, саамий’’д̇и. ‘‘бхад̣̇д̣̇з, ид̇т̇ияо наама бхад̇д̇ари синзхаа хонд̇и, д̇асмин̃жа мад̇з вид̇хаваа анаат̇аа хонд̇и, гасмаа д̇вам̣ на род̣̇асий’’д̇и? сааби ад̇д̇ано арод̣̇анагааран̣ам̣ гат̇знд̇ий –
Evaṃ bhaginiyā vacanaṃ sutvā tassa bhariyaṃ pucchi – ‘‘tuyhaṃ so kiṃ hotī’’ti? ‘‘Bhattā me, sāmī’’ti. ‘‘Bhadde, itthiyo nāma bhattari sinehā honti, tasmiñca mate vidhavā anāthā honti, kasmā tvaṃ na rodasī’’ti? Sāpi attano arodanakāraṇaṃ kathentī –
91.
91.
‘‘яат̇ааби д̣̇аараго жанд̣̇ам̣, г̇ажчанд̇аманурод̣̇ад̇и;
‘‘Yathāpi dārako candaṃ, gacchantamanurodati;
звам̣самбад̣̇амзвзд̇ам̣, яо бзд̇аманусожад̇и.
Evaṃsampadamevetaṃ, yo petamanusocati.
92.
92.
‘‘д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;
‘‘Ḍayhamāno na jānāti, ñātīnaṃ paridevitaṃ;
д̇асмаа зд̇ам̣ на род̣̇аами, г̇ад̇о со д̇асса яаа г̇ад̇ий’’д̇и. – г̇аат̇аад̣̇ваяамааха;
Tasmā etaṃ na rodāmi, gato so tassa yā gatī’’ti. – gāthādvayamāha;
д̇ад̇т̇а д̣̇аарагод̇и б̣аалад̣̇аараго. жанд̣̇анд̇и жанд̣̇аман̣д̣алам̣. г̇ажчанд̇анд̇и набхам̣ аб̣бхуссуггамаанам̣. анурод̣̇ад̇ийд̇и ‘‘маяхам̣ рат̇ажаггам̣ г̇ахзд̇ваа д̣̇зхий’’д̇и анурод̣̇ад̇и. звам̣самбад̣̇амзвзд̇анд̇и яо бзд̇ам̣ мад̇ам̣ анусожад̇и, д̇ассзд̇ам̣ анусожанам̣ звам̣самбад̣̇ам̣ зваруубам̣, аагаасзна г̇ажчанд̇асса жанд̣̇асса г̇ахзд̇угаамад̇аасад̣̇исам̣ алаб̣бханзяяавад̇т̇усмим̣ ижчаабхаавад̇од̇и ад̇хиббааяо.
Tattha dārakoti bāladārako. Candanti candamaṇḍalaṃ. Gacchantanti nabhaṃ abbhussukkamānaṃ. Anurodatīti ‘‘mayhaṃ rathacakkaṃ gahetvā dehī’’ti anurodati. Evaṃsampadamevetanti yo petaṃ mataṃ anusocati, tassetaṃ anusocanaṃ evaṃsampadaṃ evarūpaṃ, ākāsena gacchantassa candassa gahetukāmatāsadisaṃ alabbhaneyyavatthusmiṃ icchābhāvatoti adhippāyo.
звам̣ д̇асса бхарияааяа важанам̣ суд̇ваа д̣̇аасим̣ бужчи – ‘‘амма, д̇уяхам̣ со гим̣ ход̇ий’’д̇и? ‘‘аяяо мз, саамий’’д̇и. ‘‘яад̣̇и звам̣ д̇зна д̇вам̣ бот̇зд̇ваа взяяааважжам̣ гаарид̇аа бхависсаси, д̇асмаа ман̃н̃з ‘сумуд̇д̇аахам̣ д̇знаа’д̇и на род̣̇асий’’д̇и? ‘‘саами, маа мам̣ звам̣ аважа, на жзд̇ам̣ анужчавигам̣ , ад̇ивияа канд̇имзд̇д̇аануд̣̇д̣̇аяаасамбанно яуд̇д̇аваад̣̇ий маяхам̣ аяяабуд̇д̇о урз сам̣вад̣дхабуд̇д̇о вияа ахосий’’д̇и. ат̇а ‘‘гасмаа на род̣̇асий’’д̇и? сааби ад̇д̇ано арод̣̇анагааран̣ам̣ гат̇знд̇ий –
Evaṃ tassa bhariyāya vacanaṃ sutvā dāsiṃ pucchi – ‘‘amma, tuyhaṃ so kiṃ hotī’’ti? ‘‘Ayyo me, sāmī’’ti. ‘‘Yadi evaṃ tena tvaṃ pothetvā veyyāvaccaṃ kāritā bhavissasi, tasmā maññe ‘sumuttāhaṃ tenā’ti na rodasī’’ti? ‘‘Sāmi, mā maṃ evaṃ avaca, na cetaṃ anucchavikaṃ , ativiya khantimettānuddayāsampanno yuttavādī mayhaṃ ayyaputto ure saṃvaḍḍhaputto viya ahosī’’ti. Atha ‘‘kasmā na rodasī’’ti? Sāpi attano arodanakāraṇaṃ kathentī –
93.
93.
‘‘яат̇ааби б̣рахмз уд̣̇агумбхо, бхинно аббадисанд̇хияо;
‘‘Yathāpi brahme udakumbho, bhinno appaṭisandhiyo;
звам̣самбад̣̇амзвзд̇ам̣, яо бзд̇аманусожад̇и.
Evaṃsampadamevetaṃ, yo petamanusocati.
94.
94.
‘‘д̣аяхамаано на ж̇аанаад̇и, н̃аад̇ийнам̣ барид̣̇звид̇ам̣;
‘‘Ḍayhamāno na jānāti, ñātīnaṃ paridevitaṃ;
д̇асмаа зд̇ам̣ на род̣̇аами, г̇ад̇о со д̇асса яаа г̇ад̇ий’’д̇и. –
Tasmā etaṃ na rodāmi, gato so tassa yā gatī’’ti. –
г̇аат̇аад̣̇ваяамааха. д̇ад̇т̇а яат̇ааби б̣рахмз уд̣̇агуб̣бхо, бхинно аббадисанд̇хияод̇и б̣раахман̣а сзяяат̇ааби уд̣̇агагхадо муг̇г̇араббахаараад̣̇инаа бхинно аббадисанд̇хияо буна баагад̇иго на ход̇и. сзсамзд̇т̇а вуд̇д̇анаяад̇д̇аа уд̇д̇аанад̇т̇амзва.
Gāthādvayamāha. Tattha yathāpi brahme udakubbho, bhinno appaṭisandhiyoti brāhmaṇa seyyathāpi udakaghaṭo muggarappahārādinā bhinno appaṭisandhiyo puna pākatiko na hoti. Sesamettha vuttanayattā uttānatthameva.
сагго д̇зсам̣ гат̇ам̣ суд̇ваа басаннамаанасо ‘‘саммад̣̇зва д̇умхзхи маран̣ассад̇и бхаавид̇аа, ид̇о бадтааяа на д̇умхзхи гасиаад̣̇игаран̣агижжам̣ ад̇т̇ий’’д̇и д̇зсам̣ г̇зхам̣ сад̇д̇арад̇анабхарид̇ам̣ гад̇ваа ‘‘аббамад̇д̇аа д̣̇аанам̣ д̣̇зт̇а, сийлам̣ рагкат̇а, убосат̇агаммам̣ гарот̇аа’’д̇и овад̣̇ид̇ваа ад̇д̇аанан̃жа д̇зсам̣ нивзд̣̇зд̇ваа сагадтаанамзва г̇ад̇о. д̇зби б̣раахман̣аад̣̇аяо д̣̇аанаад̣̇ийни бун̃н̃аани гаронд̇аа яаавад̇ааяугам̣ тад̇ваа д̣̇звалогз уббаж̇ж̇им̣су.
Sakko tesaṃ kathaṃ sutvā pasannamānaso ‘‘sammadeva tumhehi maraṇassati bhāvitā, ito paṭṭhāya na tumhehi kasiādikaraṇakiccaṃ atthī’’ti tesaṃ gehaṃ sattaratanabharitaṃ katvā ‘‘appamattā dānaṃ detha, sīlaṃ rakkhatha, uposathakammaṃ karothā’’ti ovaditvā attānañca tesaṃ nivedetvā sakaṭṭhānameva gato. Tepi brāhmaṇādayo dānādīni puññāni karontā yāvatāyukaṃ ṭhatvā devaloke uppajjiṃsu.
сад̇т̇аа имам̣ ж̇аад̇агам̣ аахарид̇ваа д̇асса убаасагасса согасаллам̣ самуд̣̇д̇харид̇ваа убари сажжаани багаасзси, сажжабарияосаанз убаасаго сод̇аабад̇д̇ипалз бад̇идтахийд̇и.
Satthā imaṃ jātakaṃ āharitvā tassa upāsakassa sokasallaṃ samuddharitvā upari saccāni pakāsesi, saccapariyosāne upāsako sotāpattiphale patiṭṭhahīti.
ураг̇абзд̇авад̇т̇уван̣н̣анаа нидтид̇аа.
Uragapetavatthuvaṇṇanā niṭṭhitā.
ид̇и куд̣̇д̣̇ага-адтагат̇ааяа бзд̇авад̇т̇усмим̣
Iti khuddaka-aṭṭhakathāya petavatthusmiṃ
д̣̇ваад̣̇асавад̇т̇убадиман̣д̣ид̇асса
Dvādasavatthupaṭimaṇḍitassa
батамасса ураг̇аваг̇г̇асса ад̇т̇асам̣ван̣н̣анаа нидтид̇аа.
Paṭhamassa uragavaggassa atthasaṃvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 12. ураг̇абзд̇авад̇т̇у • 12. Uragapetavatthu
