| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. урувзлагассабад̇т̇зраабад̣̇аанаван̣н̣анаа
8. Uruvelakassapattheraapadānavaṇṇanā
адтамаабад̣̇аанз бад̣̇умуд̇д̇аро наама ж̇инод̇иаад̣̇игам̣ ааяасмад̇о урувзлагассабад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇о ваяаббад̇д̇о сад̇т̇у санд̇игз д̇хаммам̣ суд̇ваа сад̇т̇аарам̣ згам̣ бхигкум̣ махаабариваараанам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ бад̇т̇знд̇о махаад̣̇аанам̣ д̣̇ад̇ваа бан̣ид̇хаанам̣ агааси. бхаг̇аваа жасса ананд̇арааяад̇ам̣ д̣̇исваа ‘‘анааг̇ад̇з г̇од̇амаб̣уд̣̇д̇хасса саасанз махаабариваараанам̣ аг̇г̇о бхависсад̇ий’’д̇и б̣яаагааси. со д̇ад̇т̇а яаавад̇ааяугам̣ бун̃н̃аани гад̇ваа д̇ад̇о жавид̇ваа д̣̇звамануссзсу сам̣саранд̇о ид̇о д̣̇взнавуд̇игаббамад̇т̇агз пуссасса бхаг̇авад̇о взмаад̇игаганидтабхаад̇аа худ̇ваа ниб̣б̣ад̇д̇о, ан̃н̃збисса д̣̇вз ганидтабхаад̇аро ахзсум̣. д̇з д̇аяо б̣уд̣̇д̇хаббамукабхигкусан̇гхам̣ ниманд̇зд̇ваа барамааяа бууж̇ааяа бууж̇зд̇ваа яааваж̇ийвам̣ гусалам̣ гад̇ваа д̣̇звамануссзсу сам̣саранд̇о амхаагам̣ бхаг̇авад̇о уббад̇д̇ид̇о бурзд̇арамзва б̣аараан̣асияам̣ б̣раахман̣агулз д̇аяо бхаад̇аро худ̇ваа ниб̣б̣ад̇д̇аа г̇од̇д̇авасзна д̇аяоби гассабаад̇и звам̣ наамагаа ахзсум̣. д̇з д̇аяо ваяаббад̇д̇аа д̇аяо взд̣̇з уг̇г̇ан̣хим̣су. д̇зсам̣ ж̇здтабхаад̇игасса бан̃жамаан̣авагасад̇аани бариваараа, маж̇жхимасса д̇ийн̣и, ганидтасса д̣̇вз, д̇з ад̇д̇ано г̇ант̇зсу саарам̣ ологзнд̇аа д̣̇идтад̇хаммигамзва ад̇т̇ам̣ д̣̇исваа баб̣б̣аж̇ж̇ам̣ рожзсум̣. д̇зсу ж̇здтабхаад̇аа ад̇д̇ано бариваарзна сад̣̇д̇хим̣ урувзлам̣ г̇анд̇ваа исибаб̣б̣аж̇ж̇ам̣ баб̣б̣аж̇ид̇ваа урувзлагассабо наама ж̇аад̇о, маж̇жхимо г̇ан̇г̇аанад̣̇ийван̇гз баб̣б̣аж̇ид̇о над̣̇ийгассабо наама ж̇аад̇о, ганидто г̇аяаасийсз баб̣б̣аж̇ид̇о г̇аяаагассабо наама ж̇аад̇о. звам̣ д̇зсу исибаб̣б̣аж̇ж̇ам̣ баб̣б̣аж̇ид̇ваа д̇ад̇т̇а д̇ад̇т̇а васанд̇зсу б̣ахуунам̣ д̣̇ивасаанам̣ ажжаязна амхаагам̣ б̣од̇хисад̇д̇о махаабхинигкаманам̣ нигкамид̇ваа бадивид̣̇д̇хасаб̣б̣ан̃н̃уд̇ан̃н̃аан̣о ануггамзна д̇хаммажаггам̣ бавад̇д̇зд̇ваа бан̃жаваг̇г̇ияад̇т̇зрз арахад̇д̇з бад̇идтаабзд̇ваа яасагулабуд̇д̇аббамукз бан̃жабан̃н̃аасаж̇анз сахааяагз винзд̇ваа садти араханд̇з ‘‘жарат̇а, бхигкавз, жаарига’’нд̇и (махаава. 32) виссаж̇ж̇зд̇ваа д̇им̣сабхад̣̇д̣̇аваг̇г̇ияз винзд̇ваа урувзлагассабасса васанадтаанам̣ г̇анд̇ваа васанад̇т̇ааяа аг̇яааг̇аарам̣ бависид̇ваа д̇ад̇т̇а г̇ад̇анааг̇ад̣̇аманаад̣̇ийхи ад̣дхуд̣дхасахассзхи баадихаариязхи урувзлагассабам̣ сабариваарам̣ винзд̇ваа баб̣б̣ааж̇зси. д̇асса баб̣б̣аж̇ж̇аавид̇хаанан̃жа ид̣̇д̇хибаадихаарияагаран̣ан̃жа саб̣б̣ам̣ над̣̇ийгассабасса абад̣̇аанадтагат̇ааяам̣ аави бхависсад̇и. д̇асса баб̣б̣аж̇ид̇абхаавам̣ суд̇ваа ид̇арзби д̣̇вз бхаад̇аро сабарисаа ааг̇анд̇ваа сад̇т̇у санд̇игз баб̣б̣аж̇им̣су. саб̣б̣зва д̇з ид̣̇д̇химаяабад̇д̇ажийварад̇хараа зхибхигкугаа ахзсум̣. сад̇т̇аа д̇ам̣ саман̣асахассам̣ аад̣̇ааяа г̇аяаасийсам̣ г̇анд̇ваа бидтибаасаан̣з нисинно аад̣̇ид̇д̇абарияааяад̣̇зсанааяа (махаава. 54) д̇з саб̣б̣з арахад̇д̇з бад̇идтаабзси.
Aṭṭhamāpadāne padumuttaro nāma jinotiādikaṃ āyasmato uruvelakassapattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto vayappatto satthu santike dhammaṃ sutvā satthāraṃ ekaṃ bhikkhuṃ mahāparivārānaṃ aggaṭṭhāne ṭhapentaṃ disvā sayampi taṃ ṭhānantaraṃ patthento mahādānaṃ datvā paṇidhānaṃ akāsi. Bhagavā cassa anantarāyataṃ disvā ‘‘anāgate gotamabuddhassa sāsane mahāparivārānaṃ aggo bhavissatī’’ti byākāsi. So tattha yāvatāyukaṃ puññāni katvā tato cavitvā devamanussesu saṃsaranto ito dvenavutikappamatthake phussassa bhagavato vemātikakaniṭṭhabhātā hutvā nibbatto, aññepissa dve kaniṭṭhabhātaro ahesuṃ. Te tayo buddhappamukhabhikkhusaṅghaṃ nimantetvā paramāya pūjāya pūjetvā yāvajīvaṃ kusalaṃ katvā devamanussesu saṃsaranto amhākaṃ bhagavato uppattito puretarameva bārāṇasiyaṃ brāhmaṇakule tayo bhātaro hutvā nibbattā gottavasena tayopi kassapāti evaṃ nāmakā ahesuṃ. Te tayo vayappattā tayo vede uggaṇhiṃsu. Tesaṃ jeṭṭhabhātikassa pañcamāṇavakasatāni parivārā, majjhimassa tīṇi, kaniṭṭhassa dve, te attano ganthesu sāraṃ olokentā diṭṭhadhammikameva atthaṃ disvā pabbajjaṃ rocesuṃ. Tesu jeṭṭhabhātā attano parivārena saddhiṃ uruvelaṃ gantvā isipabbajjaṃ pabbajitvā uruvelakassapo nāma jāto, majjhimo gaṅgānadīvaṅke pabbajito nadīkassapo nāma jāto, kaniṭṭho gayāsīse pabbajito gayākassapo nāma jāto. Evaṃ tesu isipabbajjaṃ pabbajitvā tattha tattha vasantesu bahūnaṃ divasānaṃ accayena amhākaṃ bodhisatto mahābhinikkhamanaṃ nikkhamitvā paṭividdhasabbaññutaññāṇo anukkamena dhammacakkaṃ pavattetvā pañcavaggiyatthere arahatte patiṭṭhāpetvā yasakulaputtappamukhe pañcapaññāsajane sahāyake vinetvā saṭṭhi arahante ‘‘caratha, bhikkhave, cārika’’nti (mahāva. 32) vissajjetvā tiṃsabhaddavaggiye vinetvā uruvelakassapassa vasanaṭṭhānaṃ gantvā vasanatthāya agyāgāraṃ pavisitvā tattha gatanāgadamanādīhi aḍḍhuḍḍhasahassehi pāṭihāriyehi uruvelakassapaṃ saparivāraṃ vinetvā pabbājesi. Tassa pabbajjāvidhānañca iddhipāṭihāriyakaraṇañca sabbaṃ nadīkassapassa apadānaṭṭhakathāyaṃ āvi bhavissati. Tassa pabbajitabhāvaṃ sutvā itarepi dve bhātaro saparisā āgantvā satthu santike pabbajiṃsu. Sabbeva te iddhimayapattacīvaradharā ehibhikkhukā ahesuṃ. Satthā taṃ samaṇasahassaṃ ādāya gayāsīsaṃ gantvā piṭṭhipāsāṇe nisinno ādittapariyāyadesanāya (mahāva. 54) te sabbe arahatte patiṭṭhāpesi.
251. со звам̣ арахад̇д̇ам̣ бад̇ваа соманассаж̇аад̇о ад̇д̇ано буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро наама ж̇инод̇иаад̣̇имааха. ануд̇д̇аанабад̣̇амзва ван̣н̣аяиссаама.
251. So evaṃ arahattaṃ patvā somanassajāto attano pubbacaritāpadānaṃ pakāsento padumuttaro nāma jinotiādimāha. Anuttānapadameva vaṇṇayissāma.
268. со жа саб̣б̣ам̣ д̇амам̣ ханд̇ваад̇и со пуссо бхаг̇аваа рааг̇ад̣̇осамохаад̣̇игилзсанд̇хагаарам̣ вид̣̇д̇хам̣сзд̇ваа. виж̇адзд̇ваа махааж̇аданд̇и д̇ан̣хаамаанаад̣̇ийхи д̣̇ияад̣дхасахассзхи гилзсаг̇ан̣зхи махааб̣яаагулам̣ ж̇адам̣ виж̇адзд̇ваа бад̣̇аалзд̇ваа паалзд̇ваад̇и ад̇т̇о. сад̣̇звагам̣ д̣̇звалогасахид̇ам̣ сагалам̣ логасанниваасам̣д̇аббаяанд̇о санд̇аббаяанд̇о бийн̣знд̇о амад̇ам̣ вудтим̣ махааниб̣б̣аанавудтид̇хаарам̣ вассад̇з баг̇гхараабзд̇ийд̇и яож̇анаа.
268.Soca sabbaṃ tamaṃ hantvāti so phusso bhagavā rāgadosamohādikilesandhakāraṃ viddhaṃsetvā. Vijaṭetvā mahājaṭanti taṇhāmānādīhi diyaḍḍhasahassehi kilesagaṇehi mahābyākulaṃ jaṭaṃ vijaṭetvā padāletvā phāletvāti attho. Sadevakaṃ devalokasahitaṃ sakalaṃ lokasannivāsaṃtappayanto santappayanto pīṇento amataṃ vuṭṭhiṃ mahānibbānavuṭṭhidhāraṃ vassate paggharāpetīti yojanā.
269. д̇ад̣̇аа хи б̣аараан̣асияанд̇и ‘‘б̣аараса мануссаа’’д̇иаад̣̇ийсу вияа б̣аараса д̣̇ваад̣̇асараасий худ̇ваа бураа, химаванд̇ад̇о исаяо жа бажжзгамунисан̇каад̇аа исаяо жа г̇анд̇хамаад̣̇анад̇о аагаасзнааг̇анд̇ваа зд̇т̇а г̇ажчанд̇и од̇аранд̇и бависанд̇ийд̇и б̣аараан̣асий, ат̇а ваа саммаасамб̣уд̣̇д̇хасан̇каад̇аанам̣ анзгасад̇асахассаанам̣ д̇хаммажаггабавад̇д̇анад̇т̇ааяа од̇арадтаанам̣ наг̇арам̣ лин̇г̇авибаллаасам̣ гад̇ваа ид̇т̇илин̇г̇авасзна б̣аараан̣асийд̇и вужжад̇и, д̇иссам̣ б̣аараан̣асияам̣.
269.Tadā hi bārāṇasiyanti ‘‘bārasa manussā’’tiādīsu viya bārasa dvādasarāsī hutvā purā, himavantato isayo ca paccekamunisaṅkhātā isayo ca gandhamādanato ākāsenāgantvā ettha gacchanti otaranti pavisantīti bārāṇasī, atha vā sammāsambuddhasaṅkhātānaṃ anekasatasahassānaṃ dhammacakkapavattanatthāya otaraṭṭhānaṃ nagaraṃ liṅgavipallāsaṃ katvā itthiliṅgavasena bārāṇasīti vuccati, tissaṃ bārāṇasiyaṃ.
273. нигкид̇д̇асад̇т̇ам̣ бажжанд̇анд̇и чад̣д̣ид̇асад̇т̇ам̣ баад̇ид̇ааавуд̇хам̣ бажжанд̇аж̇анабад̣̇ам̣ ниб̣б̣исзванам̣ гад̇ваа бунарубажжад̇анд̇и бунараби д̇ам̣ наг̇арам̣ убзжжа убаг̇амма самбад̇д̇аад̇и ад̇т̇о. сзсам̣ сувин̃н̃зяяамзваад̇и.
273.Nikkhittasatthaṃpaccantanti chaḍḍitasatthaṃ pātitaāvudhaṃ paccantajanapadaṃ nibbisevanaṃ katvā punarupaccatanti punarapi taṃ nagaraṃ upecca upagamma sampattāti attho. Sesaṃ suviññeyyamevāti.
урувзлагассабад̇т̇зраабад̣̇аанаван̣н̣анаа самад̇д̇аа.
Uruvelakassapattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. урувзл̣агассабад̇т̇зраабад̣̇аанам̣ • 8. Uruveḷakassapattheraapadānaṃ
