| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. чагганибаад̇о
6. Chakkanipāto
1. урувзлагассабад̇т̇зраг̇аат̇ааван̣н̣анаа
1. Uruvelakassapattheragāthāvaṇṇanā
чагганибаад̇з д̣̇исваана баадихийраанийд̇иаад̣̇игаа ааяасмад̇о урувзлагассабад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа, ваяаббад̇д̇о сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ махаабарисаанам̣ аг̇г̇адтаанз табзнд̇ам̣ д̣̇исваа, саяамби д̇ам̣ таананд̇арам̣ бад̇т̇зд̇ваа махаад̣̇аанам̣ д̣̇ад̇ваа бан̣ид̇хаанамагааси. бхаг̇аваа жасса ананд̇арааяад̇ам̣ д̣̇исваа, ‘‘анааг̇ад̇з г̇од̇амаб̣уд̣̇д̇хасса саасанз махаабарисаанам̣ аг̇г̇о бхависсад̇ий’’д̇и б̣яаагааси.
Chakkanipāte disvāna pāṭihīrānītiādikā āyasmato uruvelakassapattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinanto padumuttarassa bhagavato kāle kulagehe nibbattitvā, vayappatto satthu santike dhammaṃ suṇanto satthāraṃ ekaṃ bhikkhuṃ mahāparisānaṃ aggaṭṭhāne ṭhapentaṃ disvā, sayampi taṃ ṭhānantaraṃ patthetvā mahādānaṃ datvā paṇidhānamakāsi. Bhagavā cassa anantarāyataṃ disvā, ‘‘anāgate gotamabuddhassa sāsane mahāparisānaṃ aggo bhavissatī’’ti byākāsi.
со д̇ад̇т̇а яааваж̇ийвам̣ бун̃н̃аани гад̇ваа д̇ад̇о жавид̇ваа д̣̇звамануссзсу сам̣саранд̇о ид̇о д̣̇ваанавуд̇игаббамад̇т̇агз пуссасса бхаг̇авад̇о взмаад̇игаганидтабхаад̇аа худ̇ваа ниб̣б̣ад̇д̇и. ан̃н̃збисса д̣̇вз ганидтабхаад̇аро ахзсум̣. д̇з д̇аяоби б̣уд̣̇д̇хаббамукам̣ сан̇гхам̣ барамааяа бууж̇ааяа бууж̇зд̇ваа яааваж̇ийвам̣ гусалам̣ гад̇ваа д̣̇звамануссзсу сам̣саранд̇о амхаагам̣ бхаг̇авад̇о ниб̣б̣ад̇д̇ид̇о бурзд̇арамзва б̣аараан̣асияам̣ б̣раахман̣агулз бхаад̇аро худ̇ваа, ануггамзна ниб̣б̣ад̇д̇аа г̇од̇д̇авасзна д̇аяоби гассабаа зва наама ж̇аад̇аа. д̇з ваяаббад̇д̇аа д̇аяо взд̣̇з уг̇г̇ан̣хим̣су. д̇зсам̣ ж̇здтабхаад̇игасса бан̃жа маан̣авагасад̇аани баривааро, маж̇жхимасса д̇ийн̣и, ганидтасса д̣̇вз. д̇з ад̇д̇ано г̇ант̇з саарам̣ ологзнд̇аа д̣̇идтад̇хаммигамзва ад̇т̇ам̣ д̣̇исваа баб̣б̣аж̇ж̇ам̣ рожзсум̣. д̇зсу ж̇здтабхаад̇аа ад̇д̇ано бариваарзна сад̣̇д̇хим̣ урувзлам̣ г̇анд̇ваа исибаб̣б̣аж̇ж̇ам̣ баб̣б̣аж̇ид̇ваа урувзлагассабо наама ж̇аад̇о махааг̇ан̇г̇аанад̣̇ийван̇гз баб̣б̣аж̇ид̇о над̣̇ийгассабо наама ж̇аад̇о, г̇аяаасийсз баб̣б̣аж̇ид̇о г̇аяаагассабо наама ж̇аад̇о.
So tattha yāvajīvaṃ puññāni katvā tato cavitvā devamanussesu saṃsaranto ito dvānavutikappamatthake phussassa bhagavato vemātikakaniṭṭhabhātā hutvā nibbatti. Aññepissa dve kaniṭṭhabhātaro ahesuṃ. Te tayopi buddhappamukhaṃ saṅghaṃ paramāya pūjāya pūjetvā yāvajīvaṃ kusalaṃ katvā devamanussesu saṃsaranto amhākaṃ bhagavato nibbattito puretarameva bārāṇasiyaṃ brāhmaṇakule bhātaro hutvā, anukkamena nibbattā gottavasena tayopi kassapā eva nāma jātā. Te vayappattā tayo vede uggaṇhiṃsu. Tesaṃ jeṭṭhabhātikassa pañca māṇavakasatāni parivāro, majjhimassa tīṇi, kaniṭṭhassa dve. Te attano ganthe sāraṃ olokentā diṭṭhadhammikameva atthaṃ disvā pabbajjaṃ rocesuṃ. Tesu jeṭṭhabhātā attano parivārena saddhiṃ uruvelaṃ gantvā isipabbajjaṃ pabbajitvā uruvelakassapo nāma jāto mahāgaṅgānadīvaṅke pabbajito nadīkassapo nāma jāto, gayāsīse pabbajito gayākassapo nāma jāto.
звам̣ д̇зсу исибаб̣б̣аж̇ж̇ам̣ баб̣б̣аж̇ид̇ваа д̇ад̇т̇а д̇ад̇т̇а васанд̇зсу б̣ахуунам̣ д̣̇ивасаанам̣ ажжаязна амхаагам̣ б̣од̇хисад̇д̇о махаабхинигкаманам̣ нигкамид̇ваа, бадивид̣̇д̇хасаб̣б̣ан̃н̃уд̇ан̃н̃аан̣о ануггамзна д̇хаммажаггам̣ бавад̇д̇зд̇ваа, бан̃жаваг̇г̇ияад̇т̇зрз арахад̇д̇з бад̇идтаабзд̇ваа яасаббамукз бан̃жабан̃н̃ааса сахааяагз винзд̇ваа садти араханд̇з ‘‘жарат̇а, бхигкавз, жаарига’’нд̇и виссаж̇ж̇зд̇ваа, бхад̣̇д̣̇аваг̇г̇ияз винзд̇ваа урувзлагассабасса васанадтаанам̣ г̇анд̇ваа васанад̇т̇ааяа аг̇яааг̇аарам̣ бависид̇ваа , д̇ад̇т̇а гад̇анааг̇ад̣̇аманам̣ аад̣̇им̣ гад̇ваа ад̣дхуд̣дхасахассзхи баадихаариязхи урувзлагассабам̣ сабарисам̣ винзд̇ваа баб̣б̣ааж̇зси. д̇асса баб̣б̣аж̇ид̇абхаавам̣ н̃ад̇ваа ид̇арзби д̣̇вз бхаад̇аро сабарисаа ааг̇анд̇ваа сад̇т̇у санд̇игз баб̣б̣аж̇им̣су. саб̣б̣зва зхибхигкуу ид̣̇д̇химаяабад̇д̇ажийварад̇хараа ахзсум̣.
Evaṃ tesu isipabbajjaṃ pabbajitvā tattha tattha vasantesu bahūnaṃ divasānaṃ accayena amhākaṃ bodhisatto mahābhinikkhamanaṃ nikkhamitvā, paṭividdhasabbaññutaññāṇo anukkamena dhammacakkaṃ pavattetvā, pañcavaggiyatthere arahatte patiṭṭhāpetvā yasappamukhe pañcapaññāsa sahāyake vinetvā saṭṭhi arahante ‘‘caratha, bhikkhave, cārika’’nti vissajjetvā, bhaddavaggiye vinetvā uruvelakassapassa vasanaṭṭhānaṃ gantvā vasanatthāya agyāgāraṃ pavisitvā , tattha katanāgadamanaṃ ādiṃ katvā aḍḍhuḍḍhasahassehi pāṭihāriyehi uruvelakassapaṃ saparisaṃ vinetvā pabbājesi. Tassa pabbajitabhāvaṃ ñatvā itarepi dve bhātaro saparisā āgantvā satthu santike pabbajiṃsu. Sabbeva ehibhikkhū iddhimayapattacīvaradharā ahesuṃ.
сад̇т̇аа д̇ам̣ саман̣асахассам̣ аад̣̇ааяа г̇аяаасийсам̣ г̇анд̇ваа бидтибаасаан̣з нисинно аад̣̇ид̇д̇абарияааяад̣̇зсанааяа саб̣б̣з арахад̇д̇з бад̇идтаабзси. д̇зна вуд̇д̇ам̣ абад̣̇аанз (аба. т̇зра 2.54.251-295) –
Satthā taṃ samaṇasahassaṃ ādāya gayāsīsaṃ gantvā piṭṭhipāsāṇe nisinno ādittapariyāyadesanāya sabbe arahatte patiṭṭhāpesi. Tena vuttaṃ apadāne (apa. thera 2.54.251-295) –
‘‘бад̣̇умуд̇д̇аро наама ж̇ино, саб̣б̣алогавид̣̇уу муни;
‘‘Padumuttaro nāma jino, sabbalokavidū muni;
ид̇о сад̇асахассамхи, габбз уббаж̇ж̇и жагкумаа.
Ito satasahassamhi, kappe uppajji cakkhumā.
‘‘оваад̣̇аго вин̃н̃аабаго, д̇аараго саб̣б̣абаан̣инам̣;
‘‘Ovādako viññāpako, tārako sabbapāṇinaṃ;
д̣̇зсанаагусало б̣уд̣̇д̇хо, д̇аарзси ж̇анад̇ам̣ б̣ахум̣.
Desanākusalo buddho, tāresi janataṃ bahuṃ.
‘‘анугамбаго гаарун̣иго, хид̇зсий саб̣б̣абаан̣инам̣;
‘‘Anukampako kāruṇiko, hitesī sabbapāṇinaṃ;
самбад̇д̇з д̇ид̇т̇ияз саб̣б̣з, бан̃жасийлз бад̇идтаби.
Sampatte titthiye sabbe, pañcasīle patiṭṭhapi.
‘‘звам̣ нираагулам̣ ааси, сун̃н̃ад̇ам̣ д̇ид̇т̇иязхи жа;
‘‘Evaṃ nirākulaṃ āsi, suññataṃ titthiyehi ca;
вижид̇д̇ам̣ араханд̇зхи, васийбхууд̇зхи д̇аад̣̇ибхи.
Vicittaṃ arahantehi, vasībhūtehi tādibhi.
‘‘рад̇анаанадтабан̃н̃аасам̣, уг̇г̇ад̇о со махаамуни;
‘‘Ratanānaṭṭhapaññāsaṃ, uggato so mahāmuni;
ган̃жанаг̇гхияасан̇гаасо, б̣аад̇д̇им̣саваралагкан̣о.
Kañcanagghiyasaṅkāso, bāttiṃsavaralakkhaṇo.
‘‘вассасад̇асахассаани, ааяу виж̇ж̇ад̇и д̇аавад̣̇з;
‘‘Vassasatasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
‘‘д̇ад̣̇аахам̣ хам̣савад̇ияаа, б̣раахман̣о саад̇хусаммад̇о;
‘‘Tadāhaṃ haṃsavatiyā, brāhmaṇo sādhusammato;
убзжжа логабаж̇ж̇од̇ам̣, ассосим̣ д̇хаммад̣̇зсанам̣.
Upecca lokapajjotaṃ, assosiṃ dhammadesanaṃ.
‘‘д̇ад̣̇аа махаабарисад̇им̣, махаабарисасаавагам̣;
‘‘Tadā mahāparisatiṃ, mahāparisasāvakaṃ;
табзнд̇ам̣ зд̇ад̣̇аг̇г̇амхи, суд̇ваана муд̣̇ид̇о ахам̣.
Ṭhapentaṃ etadaggamhi, sutvāna mudito ahaṃ.
‘‘махад̇аа бариваарзна, ниманд̇зд̇ваа махааж̇инам̣;
‘‘Mahatā parivārena, nimantetvā mahājinaṃ;
б̣раахман̣аанам̣ сахассзна, сахад̣̇аанамад̣̇аасахам̣.
Brāhmaṇānaṃ sahassena, sahadānamadāsahaṃ.
‘‘махаад̣̇аанам̣ д̣̇ад̣̇ид̇ваана, абхиваад̣̇ияа нааяагам̣;
‘‘Mahādānaṃ daditvāna, abhivādiya nāyakaṃ;
згаманд̇ам̣ тид̇о хадто, ид̣̇ам̣ важанамаб̣равим̣.
Ekamantaṃ ṭhito haṭṭho, idaṃ vacanamabraviṃ.
‘‘д̇аяи сад̣̇д̇хааяа мз вийра, ад̇хигаараг̇ун̣зна жа;
‘‘Tayi saddhāya me vīra, adhikāraguṇena ca;
барисаа махад̇ий ход̇у, ниб̣б̣ад̇д̇асса д̇ахим̣ д̇ахим̣.
Parisā mahatī hotu, nibbattassa tahiṃ tahiṃ.
‘‘д̇ад̣̇аа авожа барисам̣, г̇аж̇аг̇аж̇ж̇ид̇асуссаро;
‘‘Tadā avoca parisaṃ, gajagajjitasussaro;
гаравийгаруд̇о сад̇т̇аа, зд̇ам̣ бассат̇а б̣раахман̣ам̣.
Karavīkaruto satthā, etaṃ passatha brāhmaṇaṃ.
‘‘хзмаван̣н̣ам̣ махааб̣аахум̣, гамалаананаложанам̣;
‘‘Hemavaṇṇaṃ mahābāhuṃ, kamalānanalocanaṃ;
уд̣̇аг̇г̇ад̇ануж̇ам̣ хадтам̣, сад̣̇д̇хаванд̇ам̣ г̇ун̣з мама.
Udaggatanujaṃ haṭṭhaṃ, saddhavantaṃ guṇe mama.
‘‘зса бад̇т̇аяад̇з таанам̣, сийхагхосасса бхигкуно;
‘‘Esa patthayate ṭhānaṃ, sīhaghosassa bhikkhuno;
анааг̇ад̇амхи ад̣̇д̇хаанз, лажчасз д̇ам̣ манорат̇ам̣.
Anāgatamhi addhāne, lacchase taṃ manorathaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
гассабо наама г̇од̇д̇зна, хзссад̇и сад̇т̇у сааваго.
Kassapo nāma gottena, hessati satthu sāvako.
‘‘ид̇о д̣̇взнавуд̇з габбз, аху сад̇т̇аа ануд̇д̇аро;
‘‘Ito dvenavute kappe, ahu satthā anuttaro;
ануубамо асад̣̇исо, пуссо логаг̇г̇анааяаго.
Anūpamo asadiso, phusso lokagganāyako.
‘‘со жа саб̣б̣ам̣ д̇амам̣ ханд̇ваа, виж̇адзд̇ваа махааж̇адам̣;
‘‘So ca sabbaṃ tamaṃ hantvā, vijaṭetvā mahājaṭaṃ;
вассад̇з амад̇ам̣ вудтим̣, д̇аббаяанд̇о сад̣̇звагам̣.
Vassate amataṃ vuṭṭhiṃ, tappayanto sadevakaṃ.
‘‘д̇ад̣̇аа хи б̣аараан̣асияам̣, рааж̇аабажжаа ахумхасз;
‘‘Tadā hi bārāṇasiyaṃ, rājāpaccā ahumhase;
бхаад̇аромха д̇аяо саб̣б̣з, сам̣висадтаава рааж̇ино.
Bhātaromha tayo sabbe, saṃvisaṭṭhāva rājino.
‘‘вийран̇г̇аруубаа б̣алино, сан̇г̇аамз абарааж̇ид̇аа;
‘‘Vīraṅgarūpā balino, saṅgāme aparājitā;
д̇ад̣̇аа губид̇абажжанд̇о, амхз ааха махийбад̇и.
Tadā kupitapaccanto, amhe āha mahīpati.
‘‘зт̇а г̇анд̇ваана бажжанд̇ам̣, сод̇хзд̇ваа аддавийб̣алам̣;
‘‘Etha gantvāna paccantaṃ, sodhetvā aṭṭavībalaṃ;
кзмам̣ виж̇ирид̇ам̣ гад̇ваа, буна д̣̇зт̇аад̇и бхаасат̇а.
Khemaṃ vijiritaṃ katvā, puna dethāti bhāsatha.
‘‘д̇ад̇о маяам̣ авожумха, яад̣̇и д̣̇зяяааси нааяагам̣;
‘‘Tato mayaṃ avocumha, yadi deyyāsi nāyakaṃ;
убадтаанааяа амхаагам̣, саад̇хаяиссаама во д̇ад̇о.
Upaṭṭhānāya amhākaṃ, sādhayissāma vo tato.
‘‘д̇ад̇о маяам̣ лад̣̇д̇хавараа, бхуумибаалзна бзсид̇аа;
‘‘Tato mayaṃ laddhavarā, bhūmipālena pesitā;
нигкид̇д̇асад̇т̇ам̣ бажжанд̇ам̣, гад̇ваа бунарубзжжа д̇ам̣.
Nikkhittasatthaṃ paccantaṃ, katvā punarupecca taṃ.
‘‘яаажид̇ваа сад̇т̇убадтаанам̣, рааж̇аанам̣ логанааяагам̣;
‘‘Yācitvā satthupaṭṭhānaṃ, rājānaṃ lokanāyakaṃ;
мунивийрам̣ лабхид̇ваана, яааваж̇ийвам̣ яаж̇имха д̇ам̣.
Munivīraṃ labhitvāna, yāvajīvaṃ yajimha taṃ.
‘‘махаг̇гхаани жа вад̇т̇аани, бан̣ийд̇аани расаани жа;
‘‘Mahagghāni ca vatthāni, paṇītāni rasāni ca;
сзнаасанаани раммаани, бхзсаж̇ж̇аани хид̇аани жа.
Senāsanāni rammāni, bhesajjāni hitāni ca.
‘‘д̣̇ад̇ваа сасан̇гхамунино, д̇хаммзнуббаад̣̇ид̇аани но;
‘‘Datvā sasaṅghamunino, dhammenuppāditāni no;
сийлаванд̇о гаарун̣игаа, бхааванааяуд̇д̇амаанасаа.
Sīlavanto kāruṇikā, bhāvanāyuttamānasā.
‘‘сад̣̇д̇хаа барижарид̇ваана, мзд̇д̇ажид̇д̇зна нааяагам̣;
‘‘Saddhā paricaritvāna, mettacittena nāyakaṃ;
ниб̣б̣уд̇з д̇амхи логаг̇г̇з, бууж̇ам̣ гад̇ваа яат̇ааб̣алам̣.
Nibbute tamhi lokagge, pūjaṃ katvā yathābalaṃ.
‘‘д̇ад̇о жуд̇аа санд̇усид̇ам̣, г̇ад̇аа д̇ад̇т̇а махаасукам̣;
‘‘Tato cutā santusitaṃ, gatā tattha mahāsukhaṃ;
анубхууд̇аа маяам̣ саб̣б̣з, б̣уд̣̇д̇хабууж̇ааяид̣̇ам̣ палам̣.
Anubhūtā mayaṃ sabbe, buddhapūjāyidaṃ phalaṃ.
‘‘мааяаагааро яат̇аа ран̇г̇з, д̣̇ассзси вигад̇им̣ б̣ахум̣;
‘‘Māyākāro yathā raṅge, dassesi vikatiṃ bahuṃ;
д̇ат̇аа бхавз бхаманд̇охам̣, вид̣̇зхаад̇хибад̇ий ахум̣.
Tathā bhave bhamantohaṃ, videhādhipatī ahuṃ.
‘‘г̇ун̣аажзласса ваагязна, мижчаад̣̇идтиг̇ад̇аасаяо;
‘‘Guṇācelassa vākyena, micchādiṭṭhigatāsayo;
нарагам̣ маг̇г̇амааруул̣хо, ружааяа мама д̇хийд̇уяаа.
Narakaṃ maggamārūḷho, rucāya mama dhītuyā.
‘‘оваад̣̇ам̣ наад̣̇ияид̇ваана, б̣рахмунаа наарад̣̇знахам̣;
‘‘Ovādaṃ nādiyitvāna, brahmunā nāradenahaṃ;
б̣ахуд̇хаа сам̣сид̇о санд̇о, д̣̇идтим̣ хид̇ваана баабигам̣.
Bahudhā saṃsito santo, diṭṭhiṃ hitvāna pāpikaṃ.
‘‘буураяид̇ваа висзсзна, д̣̇аса гаммабат̇аанихам̣;
‘‘Pūrayitvā visesena, dasa kammapathānihaṃ;
хид̇ваана д̣̇зхамаг̇амим̣, саг̇г̇ам̣ сабхаванам̣ яат̇аа.
Hitvāna dehamagamiṃ, saggaṃ sabhavanaṃ yathā.
‘‘бажчимз бхавз самбад̇д̇з, б̣рахмаб̣анд̇ху ахосахам̣;
‘‘Pacchime bhave sampatte, brahmabandhu ahosahaṃ;
б̣аараан̣асияам̣ пийд̇ааяам̣, ж̇аад̇о виббамахаагулз.
Bārāṇasiyaṃ phītāyaṃ, jāto vippamahākule.
‘‘мажжуб̣яаад̇хиж̇араабхийд̇о, ог̇аахзд̇ваа махааванам̣;
‘‘Maccubyādhijarābhīto, ogāhetvā mahāvanaṃ;
ниб̣б̣аанам̣ бад̣̇амзсанд̇о, ж̇адилзсу бариб̣б̣аж̇им̣.
Nibbānaṃ padamesanto, jaṭilesu paribbajiṃ.
‘‘д̇ад̣̇аа д̣̇вз бхаад̇аро маяхам̣, баб̣б̣аж̇им̣су маяаа саха;
‘‘Tadā dve bhātaro mayhaṃ, pabbajiṃsu mayā saha;
урувзлааяам̣ маабзд̇ваа, ассамам̣ нивасим̣ ахам̣.
Uruvelāyaṃ māpetvā, assamaṃ nivasiṃ ahaṃ.
‘‘гассабо наама г̇од̇д̇зна, урувзланиваасиго;
‘‘Kassapo nāma gottena, uruvelanivāsiko;
д̇ад̇о мз ааси бан̃н̃ад̇д̇и, урувзлагассабо ид̇и.
Tato me āsi paññatti, uruvelakassapo iti.
‘‘над̣̇ийсагаасз бхаад̇аа мз, над̣̇ийгассабасавхаяо;
‘‘Nadīsakāse bhātā me, nadīkassapasavhayo;
аасий сагаасанаамзна, г̇аяааяам̣ г̇аяаагассабо.
Āsī sakāsanāmena, gayāyaṃ gayākassapo.
‘‘д̣̇вз сад̇аани ганидтасса, д̇ийн̣и, маж̇жхасса бхаад̇уно;
‘‘Dve satāni kaniṭṭhassa, tīṇi, majjhassa bhātuno;
мама бан̃жа сад̇аануунаа, сиссаа саб̣б̣з мамаануг̇аа.
Mama pañca satānūnā, sissā sabbe mamānugā.
‘‘д̇ад̣̇аа убзжжа мам̣ б̣уд̣̇д̇хо, гад̇ваана вивид̇хаани мз;
‘‘Tadā upecca maṃ buddho, katvāna vividhāni me;
баадихийраани логаг̇г̇о, винзси нарасаарат̇и.
Pāṭihīrāni lokaggo, vinesi narasārathi.
‘‘сахассабариваарзна, ахосим̣ зхибхигкуго;
‘‘Sahassaparivārena, ahosiṃ ehibhikkhuko;
д̇зхзва саха саб̣б̣зхи, арахад̇д̇амабаабун̣им̣.
Teheva saha sabbehi, arahattamapāpuṇiṃ.
‘‘д̇з жзван̃н̃з жа б̣ахаво, сиссаа мам̣ бариваараяум̣;
‘‘Te cevaññe ca bahavo, sissā maṃ parivārayuṃ;
бхаасид̇ун̃жа самад̇т̇охам̣, д̇ад̇о мам̣ исисад̇д̇амо.
Bhāsituñca samatthohaṃ, tato maṃ isisattamo.
‘‘махаабарисабхаавасмим̣, зд̇ад̣̇аг̇г̇з табзси мам̣;
‘‘Mahāparisabhāvasmiṃ, etadagge ṭhapesi maṃ;
ахо б̣уд̣̇д̇хз гад̇ам̣ гаарам̣, сапалам̣ мз аж̇ааяат̇а.
Aho buddhe kataṃ kāraṃ, saphalaṃ me ajāyatha.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа сийханаад̣̇ам̣ над̣̇анд̇о –
Arahattaṃ pana patvā attano paṭipattiṃ paccavekkhitvā sīhanādaṃ nadanto –
375.
375.
‘‘д̣̇исваана баадихийраани, г̇од̇амасса яасассино;
‘‘Disvāna pāṭihīrāni, gotamassa yasassino;
на д̇ааваахам̣ бан̣ибад̇им̣, иссаамаанзна ван̃жид̇о.
Na tāvāhaṃ paṇipatiṃ, issāmānena vañcito.
376.
376.
‘‘мама сан̇габбаман̃н̃ааяа, жод̣̇зси нарасаарат̇и;
‘‘Mama saṅkappamaññāya, codesi narasārathi;
д̇ад̇о мз ааси сам̣взг̇о, аб̣бхуд̇о ломахам̣сано.
Tato me āsi saṃvego, abbhuto lomahaṃsano.
377.
377.
‘‘буб̣б̣з ж̇адилабхууд̇асса, яаа мз сид̣̇д̇хи барид̇д̇игаа;
‘‘Pubbe jaṭilabhūtassa, yā me siddhi parittikā;
д̇аахам̣ д̇ад̣̇аа нираагад̇ваа, баб̣б̣аж̇им̣ ж̇инасаасанз.
Tāhaṃ tadā nirākatvā, pabbajiṃ jinasāsane.
378.
378.
‘‘буб̣б̣з яан̃н̃зна санд̇удто, гаамад̇хаад̇убурагкад̇о;
‘‘Pubbe yaññena santuṭṭho, kāmadhātupurakkhato;
бажчаа рааг̇ан̃жа д̣̇осан̃жа, мохан̃жааби самууханим̣.
Pacchā rāgañca dosañca, mohañcāpi samūhaniṃ.
379.
379.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
ид̣̇д̇химаа баражид̇д̇ан̃н̃уу, д̣̇иб̣б̣асод̇ан̃жа баабун̣им̣.
Iddhimā paracittaññū, dibbasotañca pāpuṇiṃ.
380.
380.
‘‘яасса жад̇т̇ааяа баб̣б̣аж̇ид̇о, аг̇аарасмаанаг̇аарияам̣;
‘‘Yassa catthāya pabbajito, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо’’д̇и. –
So me attho anuppatto, sabbasaṃyojanakkhayo’’ti. –
имаа ча г̇аат̇аа абхааси.
Imā cha gāthā abhāsi.
д̇ад̇т̇а д̣̇исваана баадихийраанийд̇и нааг̇арааж̇ад̣̇аманаад̣̇ийни ад̣дхуд̣дхасахассаани баадихаарияаани д̣̇исваа. ‘‘баадихийрам̣, баадихзрам̣, баадихаарияа’’нд̇и хи ад̇т̇ад̇о згам̣, б̣яан̃ж̇анамзва наанам̣. яасассино’’д̇и ‘‘ид̇иби со бхаг̇аваа’’д̇иаад̣̇инаа сад̣̇звагз логз яат̇аабхужжам̣ бад̇т̇адагид̇д̇исад̣̇д̣̇асса. на д̇ааваахам̣ бан̣ибад̇инд̇и яаава мам̣ бхаг̇аваа ‘‘нзва ко д̇вам̣, гассаба, арахаа, нааби арахад̇д̇амаг̇г̇ам̣ самаабанно, сааби д̇з бадибад̣̇аа над̇т̇и, яааяа д̇вам̣ арахаа ваа асса, арахад̇д̇амаг̇г̇ам̣ ваа самаабанно’’д̇и на д̇аж̇ж̇зси, д̇аава ахам̣ на бан̣ибаад̇анам̣ агаасим̣. гим̣гааран̣аа? иссаамаанзна ван̃жид̇о, ‘‘имасса маяи саавагад̇д̇ам̣ убаг̇ад̇з мама лаабхасаггааро барихааяиссад̇и, имасса зва вад̣дхиссад̇ий’’д̇и звам̣ барасамбад̇д̇иасаханалагкан̣ааяа иссааяа жзва, ‘‘ахам̣ г̇ан̣абаамогко б̣ахуж̇анасаммад̇о’’д̇и звам̣ аб̣бхуннад̇илагкан̣зна маанзна жа ван̃жид̇о, баламбхид̇о худ̇ваад̇и ад̇т̇о.
Tattha disvāna pāṭihīrānīti nāgarājadamanādīni aḍḍhuḍḍhasahassāni pāṭihāriyāni disvā. ‘‘Pāṭihīraṃ, pāṭiheraṃ, pāṭihāriya’’nti hi atthato ekaṃ, byañjanameva nānaṃ. Yasassino’’ti ‘‘itipi so bhagavā’’tiādinā sadevake loke yathābhuccaṃ patthaṭakittisaddassa. Na tāvāhaṃ paṇipatinti yāva maṃ bhagavā ‘‘neva kho tvaṃ, kassapa, arahā, nāpi arahattamaggaṃ samāpanno, sāpi te paṭipadā natthi, yāya tvaṃ arahā vā assa, arahattamaggaṃ vā samāpanno’’ti na tajjesi, tāva ahaṃ na paṇipātanaṃ akāsiṃ. Kiṃkāraṇā? Issāmānena vañcito, ‘‘imassa mayi sāvakattaṃ upagate mama lābhasakkāro parihāyissati, imassa eva vaḍḍhissatī’’ti evaṃ parasampattiasahanalakkhaṇāya issāya ceva, ‘‘ahaṃ gaṇapāmokkho bahujanasammato’’ti evaṃ abbhunnatilakkhaṇena mānena ca vañcito, palambhito hutvāti attho.
мама сан̇габбаман̃н̃ааяаад̇и маяхам̣ мижчаасан̇габбам̣ ж̇аанид̇ваа, яам̣ яам̣ бхаг̇аваа уд̇д̇ари мануссад̇хаммаа ид̣̇д̇хибаадихаарияам̣ д̣̇ассзд̇и, д̇ам̣ д̇ам̣ д̣̇исваа ‘‘махид̣̇д̇хиго ко махаасаман̣о махаанубхааво’’д̇и жинд̇зд̇вааби ‘‘на д̇взва ко арахаа яат̇аа аха’’нд̇и звам̣ бавад̇д̇ам̣ мижчаавид̇аггам̣ ж̇аананд̇оби н̃аан̣абарибаагам̣ ааг̇амзнд̇о аж̇жхубзгкид̇ваа бажчаа нзран̃ж̇арааяа маж̇жхз саманд̇ад̇о уд̣̇агам̣ уссаарзд̇ваа рзн̣ухад̇ааяа бхуумияаа жан̇гамид̇ваа д̇зна аабхад̇анаавааяа тид̇о д̇ад̣̇ааби ‘‘махид̣̇д̇хиго’’д̇иаад̣̇игам̣ жинд̇зд̇ваа буна ‘‘на д̇взва ко арахаа яат̇аа аха’’нд̇и бавад̇д̇ид̇ам̣ мижчаасан̇габбам̣ н̃ад̇ваад̇и ад̇т̇о. жод̣̇зси нарасаарат̇ийд̇и д̇ад̣̇аа мз н̃аан̣абарибаагам̣ н̃ад̇ваа ‘‘нзва ко д̇вам̣ арахаа’’д̇иаад̣̇инаа бурисад̣̇аммасаарат̇и сад̇т̇аа мам̣ жод̣̇зси ниг̇г̇ан̣хи. д̇ад̇о мз ааси сам̣взг̇о, аб̣бхуд̇о ломахам̣санод̇и д̇ад̇о яат̇аавуд̇д̇ажод̣̇анаахзд̇у зд̇д̇агам̣ гаалам̣ абхууд̇абуб̣б̣ад̇ааяа аб̣бхуд̇о ломахам̣санавасзна бавад̇д̇ияаа ломахам̣сано ‘‘анарахаава самаано ‘арахаа’д̇и ман̃н̃и’’нд̇и сам̣взг̇о саход̇д̇аббо н̃аан̣уббаад̣̇о маяхам̣ ахоси.
Mama saṅkappamaññāyāti mayhaṃ micchāsaṅkappaṃ jānitvā, yaṃ yaṃ bhagavā uttari manussadhammā iddhipāṭihāriyaṃ dasseti, taṃ taṃ disvā ‘‘mahiddhiko kho mahāsamaṇo mahānubhāvo’’ti cintetvāpi ‘‘na tveva kho arahā yathā aha’’nti evaṃ pavattaṃ micchāvitakkaṃ jānantopi ñāṇaparipākaṃ āgamento ajjhupekkhitvā pacchā nerañjarāya majjhe samantato udakaṃ ussāretvā reṇuhatāya bhūmiyā caṅkamitvā tena ābhatanāvāya ṭhito tadāpi ‘‘mahiddhiko’’tiādikaṃ cintetvā puna ‘‘na tveva kho arahā yathā aha’’nti pavattitaṃ micchāsaṅkappaṃ ñatvāti attho. Codesi narasārathīti tadā me ñāṇaparipākaṃ ñatvā ‘‘neva kho tvaṃ arahā’’tiādinā purisadammasārathi satthā maṃ codesi niggaṇhi. Tato me āsi saṃvego, abbhuto lomahaṃsanoti tato yathāvuttacodanāhetu ettakaṃ kālaṃ abhūtapubbatāya abbhuto lomahaṃsanavasena pavattiyā lomahaṃsano ‘‘anarahāva samāno ‘arahā’ti maññi’’nti saṃvego sahottappo ñāṇuppādo mayhaṃ ahosi.
ж̇адилабхууд̇ассаад̇и д̇аабасабхууд̇асса. сид̣̇д̇хийд̇и лаабхасаггаарасамид̣̇д̇хи. барид̇д̇игаад̇и аббамад̇д̇игаа. д̇ааханд̇и д̇ам̣ ахам̣. д̇ад̣̇аад̇и бхаг̇авад̇о жод̣̇анааяа сам̣взг̇уббад̇д̇игаалз. нираагад̇ваад̇и абанзд̇ваа чад̣д̣зд̇ваа, анабзгко худ̇ваад̇и ад̇т̇о. ‘‘ид̣̇д̇хийд̇и бхааванаамаяаид̣̇д̇хий’’д̇и вад̣̇анд̇и. д̇ад̣̇аяуд̇д̇ам̣ д̇ад̣̇аа д̇асса ажхааналаабхийбхаавад̇о. д̇ат̇аа хи вуд̇д̇ам̣ ‘‘гаамад̇хаад̇убурагкад̇о’’д̇и.
Jaṭilabhūtassāti tāpasabhūtassa. Siddhīti lābhasakkārasamiddhi. Parittikāti appamattikā. Tāhanti taṃ ahaṃ. Tadāti bhagavato codanāya saṃveguppattikāle. Nirākatvāti apanetvā chaḍḍetvā, anapekkho hutvāti attho. ‘‘Iddhīti bhāvanāmayaiddhī’’ti vadanti. Tadayuttaṃ tadā tassa ajhānalābhībhāvato. Tathā hi vuttaṃ ‘‘kāmadhātupurakkhato’’ti.
яан̃н̃зна санд̇удтод̇и ‘‘яан̃н̃ам̣ яаж̇ид̇ваа саг̇г̇асукам̣ анубхависсаами, аламзд̇д̇аавад̇аа’’д̇и яан̃н̃аяаж̇анзна санд̇удто нидтид̇агижжасан̃н̃ий. гаамад̇хаад̇убурагкад̇од̇и гаамасуг̇ад̇им̣ аараб̣бха уббаннад̇ан̣хо яан̃н̃аяаж̇анзна гаамалогам̣ бурагкад̇ваа тид̇о. со жз яан̃н̃о баан̣аад̇ибаад̇абадисам̣яуд̇д̇о ход̇и, на д̇зна суг̇ад̇им̣ саггаа лад̣̇д̇хум̣. на хи агусаласса идто ганд̇о вибааго ниб̣б̣ад̇д̇ад̇и. яаа бана д̇ад̇т̇а д̣̇аанаад̣̇игусалажзд̇анаа, д̇ааяа сад̇и бажжаяасамавааяз суг̇ад̇им̣ г̇ажчзяяа. бажчаад̇и д̇аабасабаб̣б̣аж̇ж̇аад̇о бажчаа сад̇т̇у оваад̣̇зна д̇аабасалад̣̇д̇хим̣ бахааяа жад̇усажжагаммадтаанаануяог̇агаалз. самууханинд̇и вибассанам̣ уссуггаабзд̇ваа маг̇г̇абадибаадияаа рааг̇ан̃жа д̣̇осан̃жа мохан̃жа анавасзсад̇о самуг̇гхаад̇зсим̣.
Yaññena santuṭṭhoti ‘‘yaññaṃ yajitvā saggasukhaṃ anubhavissāmi, alamettāvatā’’ti yaññayajanena santuṭṭho niṭṭhitakiccasaññī. Kāmadhātupurakkhatoti kāmasugatiṃ ārabbha uppannataṇho yaññayajanena kāmalokaṃ purakkhatvā ṭhito. So ce yañño pāṇātipātapaṭisaṃyutto hoti, na tena sugatiṃ sakkā laddhuṃ. Na hi akusalassa iṭṭho kanto vipāko nibbattati. Yā pana tattha dānādikusalacetanā, tāya sati paccayasamavāye sugatiṃ gaccheyya. Pacchāti tāpasapabbajjāto pacchā satthu ovādena tāpasaladdhiṃ pahāya catusaccakammaṭṭhānānuyogakāle. Samūhaninti vipassanaṃ ussukkāpetvā maggapaṭipāṭiyā rāgañca dosañca mohañca anavasesato samugghātesiṃ.
яасмаа банааяам̣ т̇зро арияамаг̇г̇зна рааг̇аад̣̇аяо самуухананд̇оязва чал̣абхин̃н̃о ахоси, д̇асмаа д̇ам̣ ад̇д̇ано чал̣абхин̃н̃абхаавам̣ д̣̇ассзнд̇о ‘‘буб̣б̣зниваасам̣ ж̇аанаамий’’д̇иаад̣̇имааха. д̇ад̇т̇а буб̣б̣зниваасам̣ ж̇аанаамийд̇и ад̇д̇ано барзсан̃жа буб̣б̣зниваасам̣ ад̇ийд̇аасу ж̇аад̇ийсу ниб̣б̣ад̇д̇агканд̇хз канд̇хабадиб̣ад̣̇д̇хз жа буб̣б̣зниваасан̃аан̣зна хад̇т̇ад̇алз аамалагам̣ вияа бажжагкад̇о ж̇аанаами б̣уж̇жхаами. д̣̇иб̣б̣ажагку висод̇хид̇анд̇и д̣̇иб̣б̣ажагкун̃аан̣ам̣ висод̇хид̇ам̣, багад̇ижагкунаа аабаат̇аг̇ад̇ам̣ багад̇ируубам̣ вияа д̣̇иб̣б̣ам̣ маанусамби д̣̇уурам̣ д̇иродтид̇ам̣ ад̇исукуман̃жа руубам̣ вибхаавзд̇ум̣ самад̇т̇ан̃аан̣ам̣ бхааванааяа маяаа висуд̣̇д̇хам̣ гад̇ваа бадилад̣̇д̇ханд̇и ад̇т̇о. ид̣̇д̇химаад̇и ад̇хидтаанид̣̇д̇хивигуб̣б̣анид̣̇д̇хиаад̣̇ийхи ид̣̇д̇хийхи ид̣̇д̇химаа, ид̣̇д̇хивид̇хан̃аан̣алаабхийд̇и ад̇т̇о. сарааг̇аад̣̇ибхзд̣̇асса барзсам̣ жид̇д̇асса ж̇аананад̇о баражид̇д̇ан̃н̃уу, жзд̇обарияан̃аан̣алаабхийд̇и вуд̇д̇ам̣ ход̇и. д̣̇иб̣б̣асод̇ан̃жа баабун̣инд̇и д̣̇иб̣б̣асод̇ан̃аан̣ан̃жа бадилабхим̣.
Yasmā panāyaṃ thero ariyamaggena rāgādayo samūhanantoyeva chaḷabhiñño ahosi, tasmā taṃ attano chaḷabhiññabhāvaṃ dassento ‘‘pubbenivāsaṃ jānāmī’’tiādimāha. Tattha pubbenivāsaṃ jānāmīti attano paresañca pubbenivāsaṃ atītāsu jātīsu nibbattakkhandhe khandhapaṭibaddhe ca pubbenivāsañāṇena hatthatale āmalakaṃ viya paccakkhato jānāmi bujjhāmi. Dibbacakkhu visodhitanti dibbacakkhuñāṇaṃ visodhitaṃ, pakaticakkhunā āpāthagataṃ pakatirūpaṃ viya dibbaṃ mānusampi dūraṃ tiroṭṭhitaṃ atisukhumañca rūpaṃ vibhāvetuṃ samatthañāṇaṃ bhāvanāya mayā visuddhaṃ katvā paṭiladdhanti attho. Iddhimāti adhiṭṭhāniddhivikubbaniddhiādīhi iddhīhi iddhimā, iddhividhañāṇalābhīti attho. Sarāgādibhedassa paresaṃ cittassa jānanato paracittaññū, cetopariyañāṇalābhīti vuttaṃ hoti. Dibbasotañca pāpuṇinti dibbasotañāṇañca paṭilabhiṃ.
со мз ад̇т̇о ануббад̇д̇о, саб̣б̣асам̣яож̇анагкаяод̇и яо саб̣б̣зсам̣ сам̣яож̇анаанам̣ каяабхууд̇о каязна ваа лад̣̇д̇хаб̣б̣о, со сад̣̇ад̇т̇о барамад̇т̇о жа маяаа арияамаг̇г̇аад̇хиг̇амзна ад̇хиг̇ад̇од̇и. звамзд̇ааяа г̇аат̇ааяа т̇зрасса ан̃н̃ааб̣яаагаран̣ам̣ ахосийд̇и взд̣̇ид̇аб̣б̣о.
Some attho anuppatto, sabbasaṃyojanakkhayoti yo sabbesaṃ saṃyojanānaṃ khayabhūto khayena vā laddhabbo, so sadattho paramattho ca mayā ariyamaggādhigamena adhigatoti. Evametāya gāthāya therassa aññābyākaraṇaṃ ahosīti veditabbo.
урувзлагассабад̇т̇зраг̇аат̇ааван̣н̣анаа нидтид̇аа.
Uruvelakassapattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. урувзл̣агассабад̇т̇зраг̇аат̇аа • 1. Uruveḷakassapattheragāthā
