| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
உருவேலபாடிஹாரியகதா²
Uruvelapāṭihāriyakathā
37. பமுகோ²தி புப்³ப³ங்க³மோ. பாமொக்கோ²தி உத்தமோ விஸுத்³த⁴பஞ்ஞோ.
37.Pamukhoti pubbaṅgamo. Pāmokkhoti uttamo visuddhapañño.
38. அனுபஹச்சாதி அவினாஸெத்வா. தேஜஸா தேஜந்தி அத்தனோ தேஜேன நாக³ஸ்ஸ தேஜங். பரியாதி³யெய்யந்தி அபி⁴ப⁴வெய்யங், வினாஸெய்யங் வாதி. மக்க²ந்தி கோத⁴ங். நத்வேவ ச கோ² அரஹா யதா² அஹந்தி அத்தானங் ‘‘அரஹா அஹ’’ந்தி மஞ்ஞமானோ வத³தி.
38.Anupahaccāti avināsetvā. Tejasā tejanti attano tejena nāgassa tejaṃ. Pariyādiyeyyanti abhibhaveyyaṃ, vināseyyaṃ vāti. Makkhanti kodhaṃ. Natveva ca kho arahā yathā ahanti attānaṃ ‘‘arahā aha’’nti maññamāno vadati.
39. நேரஞ்ஜராயங் ப⁴க³வாதிஆதி³கா கா³தா²யோ பச்சா² பக்கி²த்தா.
39.Nerañjarāyaṃ bhagavātiādikā gāthāyo pacchā pakkhittā.
44-9. விஸ்ஸஜ்ஜெய்யந்தி ஸுக்கா²பனத்தா²ய பஸாரெத்வா ட²பெய்யந்தி அத்தோ². ‘‘ப⁴ந்தே ஆஹர ஹத்த²’’ந்தி ஏவங் வத³ந்தோ விய ஓணதோதி ஆஹரஹத்தோ². உய்யோஜெத்வாதி விஸ்ஸஜ்ஜெத்வா. மந்தா³முகி²யோதி அக்³கி³பா⁴ஜனானி வுச்சந்தி.
44-9.Vissajjeyyanti sukkhāpanatthāya pasāretvā ṭhapeyyanti attho. ‘‘Bhante āhara hattha’’nti evaṃ vadanto viya oṇatoti āharahattho. Uyyojetvāti vissajjetvā. Mandāmukhiyoti aggibhājanāni vuccanti.
51. சிரபடிகாதி சிரகாலதோ பட்டா²ய.
51.Cirapaṭikāti cirakālato paṭṭhāya.
52. கேஸமிஸ்ஸந்திஆதீ³ஸு கேஸா ஏவ கேஸமிஸ்ஸங். ஏஸ நயோ ஸப்³ப³த்த². கா²ரிகாஜந்தி கா²ரிபா⁴ரோ.
52.Kesamissantiādīsu kesā eva kesamissaṃ. Esa nayo sabbattha. Khārikājanti khāribhāro.
உருவேலபாடிஹாரியகதா² நிட்டி²தா.
Uruvelapāṭihāriyakathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 12. உருவேலபாடிஹாரியகதா² • 12. Uruvelapāṭihāriyakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உருவேலபாடிஹாரியகதா²வண்ணனா • Uruvelapāṭihāriyakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / உருவேலபாடிஹாரியகதா²வண்ணனா • Uruvelapāṭihāriyakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / உருவேலபாடிஹாரியகதா²வண்ணனா • Uruvelapāṭihāriyakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 12. உருவேலபாடிஹாரியகதா² • 12. Uruvelapāṭihāriyakathā
