| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
12. உருவேலபாடிஹாரியகதா²
12. Uruvelapāṭihāriyakathā
38. பரியாதி³யெய்யந்தி எத்த² தா³தா⁴துஸ்ஸ பரீதி ச ஆதி ச உபஸக்³க³வஸேன அபி⁴ப⁴வனத்தோ²தி ஆஹ ‘‘அபி⁴ப⁴வெய்ய’’ந்தி.
38.Pariyādiyeyyanti ettha dādhātussa parīti ca āti ca upasaggavasena abhibhavanatthoti āha ‘‘abhibhaveyya’’nti.
39. பச்சா² பக்கி²த்தாதி ஸங்கீ³திதோ பரங் பொத்த²காரூள்ஹேஹி ட²பிதாதி அத்தோ².
39.Pacchāpakkhittāti saṅgītito paraṃ potthakārūḷhehi ṭhapitāti attho.
44. ‘‘ஏவங் வத³ந்தோ விய ஓணதோ’’தி இமினா ‘‘ஆஹரஹத்தோ²’’திபத³ஸ்ஸ தத்³தி⁴தபா⁴வங் த³ஸ்ஸேதி. வித்தி²ண்ணமுக²த்தா மந்த³ங் ஹீனங் அதிமுக²மேதாஸந்தி வசனத்தே²ன அக்³கி³கபாலா மந்தா³முகி²யோதி வுச்சந்தீதி ஆஹ ‘‘அக்³கி³பா⁴ஜனானி வுச்சந்தீ’’தி.
44. ‘‘Evaṃ vadanto viya oṇato’’ti iminā ‘‘āharahattho’’tipadassa taddhitabhāvaṃ dasseti. Vitthiṇṇamukhattā mandaṃ hīnaṃ atimukhametāsanti vacanatthena aggikapālā mandāmukhiyoti vuccantīti āha ‘‘aggibhājanāni vuccantī’’ti.
51. யஸ்மா யோ நாக³த³மனகாலோ சிரங் பததி பவத்ததி, தஸ்மா ஸோ சிரபதிகோதி வுச்சதி, தஸ்மா சிரபதிகா பட்டா²ய அபி⁴ப்பஸன்னாதி யோஜனா. இதி இமமத்த²ங் த³ஸ்ஸெந்தோ ஆஹ ‘‘சிரகாலதோ பட்டா²யா’’தி.
51. Yasmā yo nāgadamanakālo ciraṃ patati pavattati, tasmā so cirapatikoti vuccati, tasmā cirapatikā paṭṭhāya abhippasannāti yojanā. Iti imamatthaṃ dassento āha ‘‘cirakālato paṭṭhāyā’’ti.
52. ஸப்³ப³த்தா²தி ஸப்³பே³ஸு ‘‘ஜடாமிஸ்ஸ’’ந்திஆதி³பதே³ஸு. கா²ரிகாஜந்தி எத்த² கமண்ட³லுஆதி³கா தாபஸபரிக்கா²ரா கா²ரீதி வுச்சந்தி, கா²ரிஸங்கா²தேன பா⁴ரேன பூரிதோ காஜோ கா²ரிகாஜோதி அத்த²ங் ஏகதே³ஸேன த³ஸ்ஸெந்தோ ஆஹ ‘‘கா²ரிபா⁴ரோ’’தி.
52.Sabbatthāti sabbesu ‘‘jaṭāmissa’’ntiādipadesu. Khārikājanti ettha kamaṇḍaluādikā tāpasaparikkhārā khārīti vuccanti, khārisaṅkhātena bhārena pūrito kājo khārikājoti atthaṃ ekadesena dassento āha ‘‘khāribhāro’’ti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 12. உருவேலபாடிஹாரியகதா² • 12. Uruvelapāṭihāriyakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / உருவேலபாடிஹாரியகதா² • Uruvelapāṭihāriyakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உருவேலபாடிஹாரியகதா²வண்ணனா • Uruvelapāṭihāriyakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / உருவேலபாடிஹாரியகதா²வண்ணனா • Uruvelapāṭihāriyakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / உருவேலபாடிஹாரியகதா²வண்ணனா • Uruvelapāṭihāriyakathāvaṇṇanā
