| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
12. урувзлабаадихаарияагат̇аа
12. Uruvelapāṭihāriyakathā
37. ат̇а ко бхаг̇аваа анубуб̣б̣зна жааригам̣ жарамаано язна урувзлаа д̇ад̣̇авасари. д̇зна ко бана самаязна урувзлааяам̣ д̇аяо ж̇адилаа бадивасанд̇и – урувзлагассабо, над̣̇ийгассабо, г̇аяаагассабод̇и. д̇зсу урувзлагассабо ж̇адило бан̃жаннам̣ ж̇адиласад̇аанам̣ нааяаго ход̇и, винааяаго аг̇г̇о бамуко баамогко. над̣̇ийгассабо ж̇адило д̇ин̣н̣ам̣ ж̇адиласад̇аанам̣ нааяаго ход̇и, винааяаго аг̇г̇о бамуко баамогко. г̇аяаагассабо ж̇адило д̣̇виннам̣ ж̇адиласад̇аанам̣ нааяаго ход̇и, винааяаго аг̇г̇о бамуко баамогко. ат̇а ко бхаг̇аваа язна урувзлагассабасса ж̇адиласса ассамо д̇знубасан̇гами, убасан̇гамид̇ваа урувзлагассабам̣ ж̇адилам̣ зд̇ад̣̇авожа – ‘‘сажз д̇з, гассаба , аг̇ару, васзяяаама згарад̇д̇ам̣ аг̇яааг̇аарз’’д̇и? ‘‘на ко мз, махаасаман̣а, г̇ару, жан̣д̣зд̇т̇а нааг̇арааж̇аа ид̣̇д̇химаа аасивисо гхорависо, со д̇ам̣ маа вихзтзсий’’д̇и. д̣̇уд̇ияамби ко бхаг̇аваа урувзлагассабам̣ ж̇адилам̣ зд̇ад̣̇авожа – ‘‘сажз д̇з, гассаба, аг̇ару, васзяяаама згарад̇д̇ам̣ аг̇яааг̇аарз’’д̇и? ‘‘на ко мз, махаасаман̣а, г̇ару, жан̣д̣зд̇т̇а нааг̇арааж̇аа ид̣̇д̇химаа аасивисо гхорависо, со д̇ам̣ маа вихзтзсий’’д̇и. д̇ад̇ияамби ко бхаг̇аваа урувзлагассабам̣ ж̇адилам̣ зд̇ад̣̇авожа – ‘‘сажз д̇з, гассаба, аг̇ару, васзяяаама згарад̇д̇ам̣ аг̇яааг̇аарз’’д̇и? ‘‘на ко мз, махаасаман̣а, г̇ару, жан̣д̣зд̇т̇а нааг̇арааж̇аа ид̣̇д̇химаа аасивисо гхорависо, со д̇ам̣ маа вихзтзсий’’д̇и. ‘‘аббзва мам̣ на вихзтзяяа, ин̇гха д̇вам̣, гассаба, ануж̇аанаахи аг̇яааг̇аара’’нд̇и. ‘‘вихара, махаасаман̣а, яат̇аасука’’нд̇и. ат̇а ко бхаг̇аваа аг̇яааг̇аарам̣ бависид̇ваа д̇ин̣асант̇аарагам̣ бан̃н̃абзд̇ваа нисийд̣̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа.
37. Atha kho bhagavā anupubbena cārikaṃ caramāno yena uruvelā tadavasari. Tena kho pana samayena uruvelāyaṃ tayo jaṭilā paṭivasanti – uruvelakassapo, nadīkassapo, gayākassapoti. Tesu uruvelakassapo jaṭilo pañcannaṃ jaṭilasatānaṃ nāyako hoti, vināyako aggo pamukho pāmokkho. Nadīkassapo jaṭilo tiṇṇaṃ jaṭilasatānaṃ nāyako hoti, vināyako aggo pamukho pāmokkho. Gayākassapo jaṭilo dvinnaṃ jaṭilasatānaṃ nāyako hoti, vināyako aggo pamukho pāmokkho. Atha kho bhagavā yena uruvelakassapassa jaṭilassa assamo tenupasaṅkami, upasaṅkamitvā uruvelakassapaṃ jaṭilaṃ etadavoca – ‘‘sace te, kassapa , agaru, vaseyyāma ekarattaṃ agyāgāre’’ti? ‘‘Na kho me, mahāsamaṇa, garu, caṇḍettha nāgarājā iddhimā āsiviso ghoraviso, so taṃ mā viheṭhesī’’ti. Dutiyampi kho bhagavā uruvelakassapaṃ jaṭilaṃ etadavoca – ‘‘sace te, kassapa, agaru, vaseyyāma ekarattaṃ agyāgāre’’ti? ‘‘Na kho me, mahāsamaṇa, garu, caṇḍettha nāgarājā iddhimā āsiviso ghoraviso, so taṃ mā viheṭhesī’’ti. Tatiyampi kho bhagavā uruvelakassapaṃ jaṭilaṃ etadavoca – ‘‘sace te, kassapa, agaru, vaseyyāma ekarattaṃ agyāgāre’’ti? ‘‘Na kho me, mahāsamaṇa, garu, caṇḍettha nāgarājā iddhimā āsiviso ghoraviso, so taṃ mā viheṭhesī’’ti. ‘‘Appeva maṃ na viheṭheyya, iṅgha tvaṃ, kassapa, anujānāhi agyāgāra’’nti. ‘‘Vihara, mahāsamaṇa, yathāsukha’’nti. Atha kho bhagavā agyāgāraṃ pavisitvā tiṇasanthārakaṃ paññapetvā nisīdi pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā.
38. ад̣̇д̣̇асаа ко со нааг̇о бхаг̇аванд̇ам̣ бавидтам̣, д̣̇исваана д̣̇уммано 1 бад̇хуубааяи 2. ат̇а ко бхаг̇авад̇о зд̇ад̣̇ахоси – ‘‘яам̣нуунаахам̣ имасса нааг̇асса анубахажжа чавин̃жа жамман̃жа мам̣сан̃жа нхаарун̃жа адтин̃жа адтимин̃ж̇ан̃жа д̇зж̇асаа д̇зж̇ам̣ барияаад̣̇иязяяа’’нд̇и. ат̇а ко бхаг̇аваа д̇ат̇ааруубам̣ ид̣̇д̇хаабхисан̇каарам̣ абхисан̇карид̇ваа бад̇хуубааяи. ат̇а ко со нааг̇о магкам̣ асахамаано баж̇ж̇али. бхаг̇авааби д̇зж̇од̇хаад̇ум̣ самаабаж̇ж̇ид̇ваа баж̇ж̇али. убхиннам̣ саж̇од̇ибхууд̇аанам̣ аг̇яааг̇аарам̣ аад̣̇ид̇д̇ам̣ вияа ход̇и самбаж̇ж̇алид̇ам̣ саж̇од̇ибхууд̇ам̣. ат̇а ко д̇з ж̇адилаа аг̇яааг̇аарам̣ бариваарзд̇ваа звамаахам̣су – ‘‘абхируубо вад̇а бхо махаасаман̣о нааг̇зна вихзтияад̇ий’’д̇и. ат̇а ко бхаг̇аваа д̇ассаа рад̇д̇ияаа ажжаязна д̇асса нааг̇асса анубахажжа чавин̃жа жамман̃жа мам̣сан̃жа нхаарун̃жа адтин̃жа адтимин̃ж̇ан̃жа д̇зж̇асаа д̇зж̇ам̣ барияаад̣̇ияид̇ваа бад̇д̇з багкибид̇ваа урувзлагассабасса ж̇адиласса д̣̇ассзси – ‘‘аяам̣ д̇з, гассаба, нааг̇о барияаад̣̇инно 3 асса д̇зж̇асаа д̇зж̇о’’д̇и. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама жан̣д̣асса нааг̇арааж̇асса ид̣̇д̇химад̇о аасивисасса гхорависасса д̇зж̇асаа д̇зж̇ам̣ барияаад̣̇ияиссад̇и, над̇взва жа ко арахаа яат̇аа аха’’нд̇и.
38. Addasā kho so nāgo bhagavantaṃ paviṭṭhaṃ, disvāna dummano 4 padhūpāyi 5. Atha kho bhagavato etadahosi – ‘‘yaṃnūnāhaṃ imassa nāgassa anupahacca chaviñca cammañca maṃsañca nhāruñca aṭṭhiñca aṭṭhimiñjañca tejasā tejaṃ pariyādiyeyya’’nti. Atha kho bhagavā tathārūpaṃ iddhābhisaṅkhāraṃ abhisaṅkharitvā padhūpāyi. Atha kho so nāgo makkhaṃ asahamāno pajjali. Bhagavāpi tejodhātuṃ samāpajjitvā pajjali. Ubhinnaṃ sajotibhūtānaṃ agyāgāraṃ ādittaṃ viya hoti sampajjalitaṃ sajotibhūtaṃ. Atha kho te jaṭilā agyāgāraṃ parivāretvā evamāhaṃsu – ‘‘abhirūpo vata bho mahāsamaṇo nāgena viheṭhiyatī’’ti. Atha kho bhagavā tassā rattiyā accayena tassa nāgassa anupahacca chaviñca cammañca maṃsañca nhāruñca aṭṭhiñca aṭṭhimiñjañca tejasā tejaṃ pariyādiyitvā patte pakkhipitvā uruvelakassapassa jaṭilassa dassesi – ‘‘ayaṃ te, kassapa, nāgo pariyādinno 6 assa tejasā tejo’’ti. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma caṇḍassa nāgarājassa iddhimato āsivisassa ghoravisassa tejasā tejaṃ pariyādiyissati, natveva ca kho arahā yathā aha’’nti.
39.
39.
нзран̃ж̇арааяам̣ бхаг̇аваа, урувзлагассабам̣ ж̇адилам̣ авожа;
Nerañjarāyaṃ bhagavā, uruvelakassapaṃ jaṭilaṃ avoca;
‘‘сажз д̇з гассаба аг̇ару, вихарзму аж̇ж̇ан̣хо аг̇г̇исааламхий’’д̇и 7.
‘‘Sace te kassapa agaru, viharemu ajjaṇho aggisālamhī’’ti 8.
‘‘на ко мз махаасаман̣а г̇ару;
‘‘Na kho me mahāsamaṇa garu;
паасугаамова д̇ам̣ ниваарзми;
Phāsukāmova taṃ nivāremi;
жан̣д̣зд̇т̇а нааг̇арааж̇аа;
Caṇḍettha nāgarājā;
ид̣̇д̇химаа аасивисо гхорависо;
Iddhimā āsiviso ghoraviso;
со д̇ам̣ маа вихзтзсий’’д̇и.
So taṃ mā viheṭhesī’’ti.
‘‘аббзва мам̣ на вихзтзяяа;
‘‘Appeva maṃ na viheṭheyya;
ин̇гха д̇вам̣ гассаба ануж̇аанаахи аг̇яааг̇аара’’нд̇и;
Iṅgha tvaṃ kassapa anujānāhi agyāgāra’’nti;
д̣̇иннанд̇и нам̣ вид̣̇ид̇ваа;
Dinnanti naṃ viditvā;
д̣̇исваа исим̣ бавидтам̣, ахинааг̇о д̣̇уммано бад̇хуубааяи;
Disvā isiṃ paviṭṭhaṃ, ahināgo dummano padhūpāyi;
суманаманасо ад̇химано 11, мануссанааг̇оби д̇ад̇т̇а бад̇хуубааяи.
Sumanamanaso adhimano 12, manussanāgopi tattha padhūpāyi.
магкан̃жа асахамаано, ахинааг̇о баавагова баж̇ж̇али;
Makkhañca asahamāno, ahināgo pāvakova pajjali;
д̇зж̇од̇хаад̇усу гусало, мануссанааг̇оби д̇ад̇т̇а баж̇ж̇али.
Tejodhātusu kusalo, manussanāgopi tattha pajjali.
убхиннам̣ саж̇од̇ибхууд̇аанам̣;
Ubhinnaṃ sajotibhūtānaṃ;
аг̇яааг̇аарам̣ аад̣̇ид̇д̇ам̣ ход̇и самбаж̇ж̇алид̇ам̣ саж̇од̇ибхууд̇ам̣;
Agyāgāraṃ ādittaṃ hoti sampajjalitaṃ sajotibhūtaṃ;
уд̣̇ижчарз ж̇адилаа;
Udicchare jaṭilā;
‘‘абхируубо вад̇а бхо махаасаман̣о;
‘‘Abhirūpo vata bho mahāsamaṇo;
нааг̇зна вихзтияад̇ий’’д̇и бхан̣анд̇и.
Nāgena viheṭhiyatī’’ti bhaṇanti.
анзгаван̣н̣аа ажжияо хонд̇и.
Anekavaṇṇā acciyo honti.
нийлаа ат̇а лохид̇игаа;
Nīlā atha lohitikā;
ман̃ж̇идтаа бийд̇агаа палигаван̣н̣ааяо;
Mañjiṭṭhā pītakā phalikavaṇṇāyo;
ан̇г̇ийрасасса гааяз;
Aṅgīrasassa kāye;
анзгаван̣н̣аа ажжияо хонд̇и.
Anekavaṇṇā acciyo honti.
бад̇д̇амхи од̣̇ахид̇ваа;
Pattamhi odahitvā;
ахинааг̇ам̣ б̣раахман̣асса д̣̇ассзси;
Ahināgaṃ brāhmaṇassa dassesi;
‘‘аяам̣ д̇з гассаба нааг̇о;
‘‘Ayaṃ te kassapa nāgo;
барияаад̣̇инно асса д̇зж̇асаа д̇зж̇о’’д̇и.
Pariyādinno assa tejasā tejo’’ti.
ат̇а ко урувзлагассабо ж̇адило бхаг̇авад̇о иминаа ид̣̇д̇хибаадихаариязна абхиббасанно бхаг̇аванд̇ам̣ зд̇ад̣̇авожа – ‘‘ид̇хзва, махаасаман̣а, вихара, ахам̣ д̇з 19 д̇хувабхад̇д̇знаа’’д̇и.
Atha kho uruvelakassapo jaṭilo bhagavato iminā iddhipāṭihāriyena abhippasanno bhagavantaṃ etadavoca – ‘‘idheva, mahāsamaṇa, vihara, ahaṃ te 20 dhuvabhattenā’’ti.
батамам̣ баадихаарияам̣.
Paṭhamaṃ pāṭihāriyaṃ.
40. ат̇а ко бхаг̇аваа урувзлагассабасса ж̇адиласса ассамасса авид̣̇уурз ан̃н̃ад̇арасмим̣ ванасан̣д̣з вихааси. ат̇а ко жад̇д̇ааро махаарааж̇аано абхигганд̇ааяа рад̇д̇ияаа абхигганд̇аван̣н̣аа гзвалагаббам̣ ванасан̣д̣ам̣ обхаасзд̇ваа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа жад̇уд̣̇д̣̇исаа адтам̣су сзяяат̇ааби маханд̇аа аг̇г̇игканд̇хаа. ат̇а ко урувзлагассабо ж̇адило д̇ассаа рад̇д̇ияаа ажжаязна язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ зд̇ад̣̇авожа – ‘‘гаало, махаасаман̣а, нидтид̇ам̣ бхад̇д̇ам̣. гз ну ко д̇з, махаасаман̣а, абхигганд̇ааяа рад̇д̇ияаа абхигганд̇аван̣н̣аа гзвалагаббам̣ ванасан̣д̣ам̣ обхаасзд̇ваа язна д̇вам̣ д̇знубасан̇гамим̣су , убасан̇гамид̇ваа д̇ам̣ абхиваад̣̇зд̇ваа жад̇уд̣̇д̣̇исаа адтам̣су ‘‘сзяяат̇ааби маханд̇аа аг̇г̇игканд̇хаа’’д̇и. ‘‘зд̇з ко, гассаба, жад̇д̇ааро махаарааж̇аано язнаахам̣ д̇знубасан̇гамим̣су д̇хаммассаванааяаа’’д̇и. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама жад̇д̇аароби махаарааж̇аано убасан̇гамиссанд̇и д̇хаммассаванааяа, на д̇взва жа ко арахаа яат̇аа аха’’нд̇и. ат̇а ко бхаг̇аваа урувзлагассабасса ж̇адиласса бхад̇д̇ам̣ бхун̃ж̇ид̇ваа д̇асмим̣язва ванасан̣д̣з вихааси.
40. Atha kho bhagavā uruvelakassapassa jaṭilassa assamassa avidūre aññatarasmiṃ vanasaṇḍe vihāsi. Atha kho cattāro mahārājāno abhikkantāya rattiyā abhikkantavaṇṇā kevalakappaṃ vanasaṇḍaṃ obhāsetvā yena bhagavā tenupasaṅkamiṃsu, upasaṅkamitvā bhagavantaṃ abhivādetvā catuddisā aṭṭhaṃsu seyyathāpi mahantā aggikkhandhā. Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavantaṃ etadavoca – ‘‘kālo, mahāsamaṇa, niṭṭhitaṃ bhattaṃ. Ke nu kho te, mahāsamaṇa, abhikkantāya rattiyā abhikkantavaṇṇā kevalakappaṃ vanasaṇḍaṃ obhāsetvā yena tvaṃ tenupasaṅkamiṃsu , upasaṅkamitvā taṃ abhivādetvā catuddisā aṭṭhaṃsu ‘‘seyyathāpi mahantā aggikkhandhā’’ti. ‘‘Ete kho, kassapa, cattāro mahārājāno yenāhaṃ tenupasaṅkamiṃsu dhammassavanāyā’’ti. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma cattāropi mahārājāno upasaṅkamissanti dhammassavanāya, na tveva ca kho arahā yathā aha’’nti. Atha kho bhagavā uruvelakassapassa jaṭilassa bhattaṃ bhuñjitvā tasmiṃyeva vanasaṇḍe vihāsi.
д̣̇уд̇ияам̣ баадихаарияам̣.
Dutiyaṃ pāṭihāriyaṃ.
41. ат̇а ко сагго д̣̇зваанаминд̣̇о абхигганд̇ааяа рад̇д̇ияаа абхигганд̇аван̣н̣о гзвалагаббам̣ ванасан̣д̣ам̣ обхаасзд̇ваа язна бхаг̇аваа д̇знубасан̇гами , убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси сзяяат̇ааби махаааг̇г̇игканд̇хо, буримаахи ван̣н̣анибхаахи абхигганд̇ад̇аро жа бан̣ийд̇ад̇аро жа. ат̇а ко урувзлагассабо ж̇адило д̇ассаа рад̇д̇ияаа ажжаязна язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ зд̇ад̣̇авожа – ‘‘гаало, махаасаман̣а, нидтид̇ам̣ бхад̇д̇ам̣. го ну ко со, махаасаман̣а, абхигганд̇ааяа рад̇д̇ияаа абхигганд̇аван̣н̣о гзвалагаббам̣ ванасан̣д̣ам̣ обхаасзд̇ваа язна д̇вам̣ д̇знубасан̇гами, убасан̇гамид̇ваа д̇ам̣ абхиваад̣̇зд̇ваа згаманд̇ам̣ адтааси сзяяат̇ааби махаааг̇г̇игканд̇хо, буримаахи ван̣н̣анибхаахи абхигганд̇ад̇аро жа бан̣ийд̇ад̇аро жаа’’д̇и? ‘‘зсо ко, гассаба, сагго д̣̇зваанаминд̣̇о язнаахам̣ д̇знубасан̇гами д̇хаммассаванааяаа’’д̇и. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама саггоби д̣̇зваанаминд̣̇о убасан̇гамиссад̇и д̇хаммассаванааяа, на д̇взва жа ко арахаа яат̇аа аха’’нд̇и. ат̇а ко бхаг̇аваа урувзлагассабасса ж̇адиласса бхад̇д̇ам̣ бхун̃ж̇ид̇ваа д̇асмим̣язва ванасан̣д̣з вихааси.
41. Atha kho sakko devānamindo abhikkantāya rattiyā abhikkantavaṇṇo kevalakappaṃ vanasaṇḍaṃ obhāsetvā yena bhagavā tenupasaṅkami , upasaṅkamitvā bhagavantaṃ abhivādetvā ekamantaṃ aṭṭhāsi seyyathāpi mahāaggikkhandho, purimāhi vaṇṇanibhāhi abhikkantataro ca paṇītataro ca. Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavantaṃ etadavoca – ‘‘kālo, mahāsamaṇa, niṭṭhitaṃ bhattaṃ. Ko nu kho so, mahāsamaṇa, abhikkantāya rattiyā abhikkantavaṇṇo kevalakappaṃ vanasaṇḍaṃ obhāsetvā yena tvaṃ tenupasaṅkami, upasaṅkamitvā taṃ abhivādetvā ekamantaṃ aṭṭhāsi seyyathāpi mahāaggikkhandho, purimāhi vaṇṇanibhāhi abhikkantataro ca paṇītataro cā’’ti? ‘‘Eso kho, kassapa, sakko devānamindo yenāhaṃ tenupasaṅkami dhammassavanāyā’’ti. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma sakkopi devānamindo upasaṅkamissati dhammassavanāya, na tveva ca kho arahā yathā aha’’nti. Atha kho bhagavā uruvelakassapassa jaṭilassa bhattaṃ bhuñjitvā tasmiṃyeva vanasaṇḍe vihāsi.
д̇ад̇ияам̣ баадихаарияам̣.
Tatiyaṃ pāṭihāriyaṃ.
42. ат̇а ко б̣рахмаа сахамбад̇и абхигганд̇ааяа рад̇д̇ияаа абхигганд̇аван̣н̣о гзвалагаббам̣ ванасан̣д̣ам̣ обхаасзд̇ваа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси сзяяат̇ааби махаааг̇г̇игканд̇хо, буримаахи ван̣н̣анибхаахи абхигганд̇ад̇аро жа бан̣ийд̇ад̇аро жа. ат̇а ко урувзлагассабо ж̇адило д̇ассаа рад̇д̇ияаа ажжаязна язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ зд̇ад̣̇авожа – ‘‘гаало, махаасаман̣а, нидтид̇ам̣ бхад̇д̇ам̣. го ну ко со, махаасаман̣а, абхигганд̇ааяа рад̇д̇ияаа абхигганд̇аван̣н̣о гзвалагаббам̣ ванасан̣д̣ам̣ обхаасзд̇ваа язна д̇вам̣ д̇знубасан̇гами, убасан̇гамид̇ваа д̇ам̣ абхиваад̣̇зд̇ваа згаманд̇ам̣ адтааси сзяяат̇ааби махаааг̇г̇игканд̇хо, буримаахи ван̣н̣анибхаахи абхигганд̇ад̇аро жа бан̣ийд̇ад̇аро жаа’’д̇и? ‘‘зсо ко, гассаба, б̣рахмаа сахамбад̇и язнаахам̣ д̇знубасан̇гами д̇хаммассаванааяаа’’д̇и. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама б̣рахмааби сахамбад̇и убасан̇гамиссад̇и д̇хаммассаванааяа, на д̇взва жа ко арахаа яат̇аа аха’’нд̇и. ат̇а ко бхаг̇аваа урувзлагассабасса ж̇адиласса бхад̇д̇ам̣ бхун̃ж̇ид̇ваа д̇асмим̣язва ванасан̣д̣з вихааси.
42. Atha kho brahmā sahampati abhikkantāya rattiyā abhikkantavaṇṇo kevalakappaṃ vanasaṇḍaṃ obhāsetvā yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ aṭṭhāsi seyyathāpi mahāaggikkhandho, purimāhi vaṇṇanibhāhi abhikkantataro ca paṇītataro ca. Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavantaṃ etadavoca – ‘‘kālo, mahāsamaṇa, niṭṭhitaṃ bhattaṃ. Ko nu kho so, mahāsamaṇa, abhikkantāya rattiyā abhikkantavaṇṇo kevalakappaṃ vanasaṇḍaṃ obhāsetvā yena tvaṃ tenupasaṅkami, upasaṅkamitvā taṃ abhivādetvā ekamantaṃ aṭṭhāsi seyyathāpi mahāaggikkhandho, purimāhi vaṇṇanibhāhi abhikkantataro ca paṇītataro cā’’ti? ‘‘Eso kho, kassapa, brahmā sahampati yenāhaṃ tenupasaṅkami dhammassavanāyā’’ti. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma brahmāpi sahampati upasaṅkamissati dhammassavanāya, na tveva ca kho arahā yathā aha’’nti. Atha kho bhagavā uruvelakassapassa jaṭilassa bhattaṃ bhuñjitvā tasmiṃyeva vanasaṇḍe vihāsi.
жад̇уд̇т̇ам̣ баадихаарияам̣.
Catutthaṃ pāṭihāriyaṃ.
43. д̇зна ко бана самаязна урувзлагассабасса ж̇адиласса махааяан̃н̃о бажжубадтид̇о ход̇и, гзвалагаббаа жа ан̇г̇амаг̇ад̇хаа бахууд̇ам̣ каад̣̇анийяам̣ бхож̇анийяам̣ аад̣̇ааяа абхиггамид̇угаамаа хонд̇и . ат̇а ко урувзлагассабасса ж̇адиласса зд̇ад̣̇ахоси – ‘‘зд̇арахи ко мз махааяан̃н̃о бажжубадтид̇о, гзвалагаббаа жа ан̇г̇амаг̇ад̇хаа бахууд̇ам̣ каад̣̇анийяам̣ бхож̇анийяам̣ аад̣̇ааяа абхиггамиссанд̇и. сажз махаасаман̣о махааж̇анагааяз ид̣̇д̇хибаадихаарияам̣ гариссад̇и , махаасаман̣асса лаабхасаггааро абхивад̣дхиссад̇и, мама лаабхасаггааро барихааяиссад̇и. ахо нууна махаасаман̣о сваад̇анааяа нааг̇ажчзяяаа’’д̇и. ат̇а ко бхаг̇аваа урувзлагассабасса ж̇адиласса жзд̇асаа жзд̇обаривид̇аггаман̃н̃ааяа уд̇д̇арагурум̣ г̇анд̇ваа д̇ад̇о бин̣д̣абаад̇ам̣ аахарид̇ваа анод̇ад̇д̇ад̣̇ахз барибхун̃ж̇ид̇ваа д̇ад̇т̇зва д̣̇иваавихаарам̣ агааси. ат̇а ко урувзлагассабо ж̇адило д̇ассаа рад̇д̇ияаа ажжаязна язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ зд̇ад̣̇авожа – ‘‘гаало, махаасаман̣а, нидтид̇ам̣ бхад̇д̇ам̣. гим̣ ну ко, махаасаман̣а, хияяо нааг̇амааси? аби жа маяам̣ д̇ам̣ сараама – гим̣ ну ко махаасаман̣о нааг̇ажчад̇ийд̇и? каад̣̇анийяасса жа бхож̇анийяасса жа д̇з бадивийсо 21 табид̇о’’д̇и. нану д̇з, гассаба, зд̇ад̣̇ахоси – ‘‘‘зд̇арахи ко мз махааяан̃н̃о бажжубадтид̇о, гзвалагаббаа жа ан̇г̇амаг̇ад̇хаа бахууд̇ам̣ каад̣̇анийяам̣ бхож̇анийяам̣ аад̣̇ааяа абхиггамиссанд̇и, сажз махаасаман̣о махааж̇анагааяз ид̣̇д̇хибаадихаарияам̣ гариссад̇и, махаасаман̣асса лаабхасаггааро абхивад̣дхиссад̇и, мама лаабхасаггааро барихааяиссад̇и, ахо нууна махаасаман̣о сваад̇анааяа нааг̇ажчзяяаа’д̇и. со ко ахам̣, гассаба, д̇ава жзд̇асаа жзд̇обаривид̇аггам̣ ан̃н̃ааяа уд̇д̇арагурум̣ г̇анд̇ваа д̇ад̇о бин̣д̣абаад̇ам̣ аахарид̇ваа анод̇ад̇д̇ад̣̇ахз барибхун̃ж̇ид̇ваа д̇ад̇т̇зва д̣̇иваавихаарам̣ агааси’’нд̇и. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама жзд̇асааби жид̇д̇ам̣ баж̇ааниссад̇и , на д̇взва жа ко арахаа яат̇аа аха’’нд̇и. ат̇а ко бхаг̇аваа урувзлагассабасса ж̇адиласса бхад̇д̇ам̣ бхун̃ж̇ид̇ваа д̇асмим̣язва ванасан̣д̣з вихааси.
43. Tena kho pana samayena uruvelakassapassa jaṭilassa mahāyañño paccupaṭṭhito hoti, kevalakappā ca aṅgamagadhā pahūtaṃ khādanīyaṃ bhojanīyaṃ ādāya abhikkamitukāmā honti . Atha kho uruvelakassapassa jaṭilassa etadahosi – ‘‘etarahi kho me mahāyañño paccupaṭṭhito, kevalakappā ca aṅgamagadhā pahūtaṃ khādanīyaṃ bhojanīyaṃ ādāya abhikkamissanti. Sace mahāsamaṇo mahājanakāye iddhipāṭihāriyaṃ karissati , mahāsamaṇassa lābhasakkāro abhivaḍḍhissati, mama lābhasakkāro parihāyissati. Aho nūna mahāsamaṇo svātanāya nāgaccheyyā’’ti. Atha kho bhagavā uruvelakassapassa jaṭilassa cetasā cetoparivitakkamaññāya uttarakuruṃ gantvā tato piṇḍapātaṃ āharitvā anotattadahe paribhuñjitvā tattheva divāvihāraṃ akāsi. Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavantaṃ etadavoca – ‘‘kālo, mahāsamaṇa, niṭṭhitaṃ bhattaṃ. Kiṃ nu kho, mahāsamaṇa, hiyyo nāgamāsi? Api ca mayaṃ taṃ sarāma – kiṃ nu kho mahāsamaṇo nāgacchatīti? Khādanīyassa ca bhojanīyassa ca te paṭivīso 22 ṭhapito’’ti. Nanu te, kassapa, etadahosi – ‘‘‘etarahi kho me mahāyañño paccupaṭṭhito, kevalakappā ca aṅgamagadhā pahūtaṃ khādanīyaṃ bhojanīyaṃ ādāya abhikkamissanti, sace mahāsamaṇo mahājanakāye iddhipāṭihāriyaṃ karissati, mahāsamaṇassa lābhasakkāro abhivaḍḍhissati, mama lābhasakkāro parihāyissati, aho nūna mahāsamaṇo svātanāya nāgaccheyyā’ti. So kho ahaṃ, kassapa, tava cetasā cetoparivitakkaṃ aññāya uttarakuruṃ gantvā tato piṇḍapātaṃ āharitvā anotattadahe paribhuñjitvā tattheva divāvihāraṃ akāsi’’nti. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma cetasāpi cittaṃ pajānissati , na tveva ca kho arahā yathā aha’’nti. Atha kho bhagavā uruvelakassapassa jaṭilassa bhattaṃ bhuñjitvā tasmiṃyeva vanasaṇḍe vihāsi.
бан̃жамам̣ баадихаарияам̣.
Pañcamaṃ pāṭihāriyaṃ.
44. д̇зна ко бана самаязна бхаг̇авад̇о бам̣сугуулам̣ уббаннам̣ ход̇и. ат̇а ко бхаг̇авад̇о зд̇ад̣̇ахоси – ‘‘гад̇т̇а ну ко ахам̣ бам̣сугуулам̣ д̇ховзяяа’’нд̇и? ат̇а ко сагго д̣̇зваанаминд̣̇о бхаг̇авад̇о жзд̇асаа жзд̇обаривид̇аггаман̃н̃ааяа баан̣инаа богкаран̣им̣ кан̣ид̇ваа бхаг̇аванд̇ам̣ зд̇ад̣̇авожа – ‘‘ид̇ха, бханд̇з, бхаг̇аваа бам̣сугуулам̣ д̇ховад̇уу’’д̇и. ат̇а ко бхаг̇авад̇о зд̇ад̣̇ахоси – ‘‘гимхи ну ко ахам̣ бам̣сугуулам̣ баримад̣̇д̣̇зяяа’’нд̇и? ат̇а ко сагго д̣̇зваанаминд̣̇о бхаг̇авад̇о жзд̇асаа жзд̇обаривид̇аггаман̃н̃ааяа махад̇им̣ силам̣ убанигкиби – ид̇ха, бханд̇з, бхаг̇аваа бам̣сугуулам̣ баримад̣̇д̣̇ад̇ууд̇и. ат̇а ко бхаг̇авад̇о зд̇ад̣̇ахоси – ‘‘гимхи ну ко ахам̣ 23 ааламб̣ид̇ваа уд̇д̇арзяяа’’нд̇и? ат̇а ко гагуд̇хз ад̇хивад̇т̇аа д̣̇звад̇аа бхаг̇авад̇о жзд̇асаа жзд̇обаривид̇аггаман̃н̃ааяа саакам̣ онаамзси – ид̇ха, бханд̇з, бхаг̇аваа ааламб̣ид̇ваа уд̇д̇арад̇ууд̇и. ат̇а ко бхаг̇авад̇о зд̇ад̣̇ахоси – ‘‘гимхи ну ко ахам̣ бам̣сугуулам̣ виссаж̇ж̇зяяа’’нд̇и? ат̇а ко сагго д̣̇зваанаминд̣̇о бхаг̇авад̇о жзд̇асаа жзд̇обаривид̇аггаман̃н̃ааяа махад̇им̣ силам̣ убанигкиби – ид̇ха, бханд̇з, бхаг̇аваа бам̣сугуулам̣ виссаж̇ж̇зд̇ууд̇и. ат̇а ко урувзлагассабо ж̇адило д̇ассаа рад̇д̇ияаа ажжаязна язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ зд̇ад̣̇авожа – ‘‘гаало , махаасаман̣а, нидтид̇ам̣ бхад̇д̇ам̣. гим̣ ну ко, махаасаман̣а, нааяам̣ буб̣б̣з ид̇ха богкаран̣ий, сааяам̣ ид̇ха богкаран̣ий. наяимаа силаа буб̣б̣з убанигкид̇д̇аа. гзнимаа силаа убанигкид̇д̇аа? наяимасса гагуд̇хасса буб̣б̣з саакаа онад̇аа, сааяам̣ саакаа онад̇аа’’д̇и. ид̇ха мз, гассаба, бам̣сугуулам̣ уббаннам̣ ахоси. д̇асса маяхам̣, гассаба, зд̇ад̣̇ахоси – ‘‘гад̇т̇а ну ко ахам̣ бам̣сугуулам̣ д̇ховзяяа’’нд̇и? ат̇а ко, гассаба, сагго д̣̇зваанаминд̣̇о мама жзд̇асаа жзд̇обаривид̇аггаман̃н̃ааяа баан̣инаа богкаран̣им̣ кан̣ид̇ваа мам̣ зд̇ад̣̇авожа – ‘‘ид̇ха, бханд̇з, бхаг̇аваа бам̣сугуулам̣ д̇ховад̇уу’’д̇и. сааяам̣ гассаба амануссзна баан̣инаа кан̣ид̇аа богкаран̣ий. д̇асса маяхам̣, гассаба, зд̇ад̣̇ахоси – ‘‘гимхи ну ко ахам̣ бам̣сугуулам̣ баримад̣̇д̣̇зяяа’’нд̇и? ат̇а ко, гассаба, сагго д̣̇зваанаминд̣̇о мама жзд̇асаа жзд̇обаривид̇аггаман̃н̃ааяа махад̇им̣ силам̣ убанигкиби – ‘‘ид̇ха, бханд̇з, бхаг̇аваа бам̣сугуулам̣ баримад̣̇д̣̇ад̇уу’’д̇и. сааяам̣ гассаба амануссзна убанигкид̇д̇аа силаа. д̇асса маяхам̣, гассаба, зд̇ад̣̇ахоси – ‘‘гимхи ну ко ахам̣ ааламб̣ид̇ваа уд̇д̇арзяяа’’нд̇и? ат̇а ко, гассаба, гагуд̇хз ад̇хивад̇т̇аа д̣̇звад̇аа ж̇а мама жзд̇асаа жзд̇обаривид̇аггаман̃н̃ааяа саакам̣ онаамзси – ‘‘ид̇ха, бханд̇з, бхаг̇аваа ааламб̣ид̇ваа уд̇д̇араж̇д̇уу’’д̇и. свааяам̣ аахарахад̇т̇о гагуд̇хо. д̇асса маяхам̣, гассаба, зд̇ад̣̇ахоси – ‘‘гимхи ну ко ахам̣ бам̣сугуулам̣ виссаж̇ж̇зяяа’’нд̇и? ат̇а ко, гассаба, сагго д̣̇зваанаминд̣̇о мама жзд̇асаа жзд̇обаривид̇аггаман̃н̃ааяа махад̇им̣ силам̣ убанигкиби – ‘‘ид̇ха, бханд̇з, бхаг̇аваа бам̣сугуулам̣ виссаж̇ж̇зд̇уу’’д̇и . сааяам̣ гассаба амануссзна убанигкид̇д̇аа силаад̇и. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама саггоби д̣̇зваанаминд̣̇о взяяааважжам̣ гариссад̇и, на д̇взва жа ко арахаа яат̇аа аха’’нд̇и. ат̇а ко бхаг̇аваа урувзлагассабасса ж̇адиласса бхад̇д̇ам̣ бхун̃ж̇ид̇ваа д̇асмим̣язва ванасан̣д̣з вихааси.
44. Tena kho pana samayena bhagavato paṃsukūlaṃ uppannaṃ hoti. Atha kho bhagavato etadahosi – ‘‘kattha nu kho ahaṃ paṃsukūlaṃ dhoveyya’’nti? Atha kho sakko devānamindo bhagavato cetasā cetoparivitakkamaññāya pāṇinā pokkharaṇiṃ khaṇitvā bhagavantaṃ etadavoca – ‘‘idha, bhante, bhagavā paṃsukūlaṃ dhovatū’’ti. Atha kho bhagavato etadahosi – ‘‘kimhi nu kho ahaṃ paṃsukūlaṃ parimaddeyya’’nti? Atha kho sakko devānamindo bhagavato cetasā cetoparivitakkamaññāya mahatiṃ silaṃ upanikkhipi – idha, bhante, bhagavā paṃsukūlaṃ parimaddatūti. Atha kho bhagavato etadahosi – ‘‘kimhi nu kho ahaṃ 24 ālambitvā uttareyya’’nti? Atha kho kakudhe adhivatthā devatā bhagavato cetasā cetoparivitakkamaññāya sākhaṃ onāmesi – idha, bhante, bhagavā ālambitvā uttaratūti. Atha kho bhagavato etadahosi – ‘‘kimhi nu kho ahaṃ paṃsukūlaṃ vissajjeyya’’nti? Atha kho sakko devānamindo bhagavato cetasā cetoparivitakkamaññāya mahatiṃ silaṃ upanikkhipi – idha, bhante, bhagavā paṃsukūlaṃ vissajjetūti. Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavantaṃ etadavoca – ‘‘kālo , mahāsamaṇa, niṭṭhitaṃ bhattaṃ. Kiṃ nu kho, mahāsamaṇa, nāyaṃ pubbe idha pokkharaṇī, sāyaṃ idha pokkharaṇī. Nayimā silā pubbe upanikkhittā. Kenimā silā upanikkhittā? Nayimassa kakudhassa pubbe sākhā onatā, sāyaṃ sākhā onatā’’ti. Idha me, kassapa, paṃsukūlaṃ uppannaṃ ahosi. Tassa mayhaṃ, kassapa, etadahosi – ‘‘kattha nu kho ahaṃ paṃsukūlaṃ dhoveyya’’nti? Atha kho, kassapa, sakko devānamindo mama cetasā cetoparivitakkamaññāya pāṇinā pokkharaṇiṃ khaṇitvā maṃ etadavoca – ‘‘idha, bhante, bhagavā paṃsukūlaṃ dhovatū’’ti. Sāyaṃ kassapa amanussena pāṇinā khaṇitā pokkharaṇī. Tassa mayhaṃ, kassapa, etadahosi – ‘‘kimhi nu kho ahaṃ paṃsukūlaṃ parimaddeyya’’nti? Atha kho, kassapa, sakko devānamindo mama cetasā cetoparivitakkamaññāya mahatiṃ silaṃ upanikkhipi – ‘‘idha, bhante, bhagavā paṃsukūlaṃ parimaddatū’’ti. Sāyaṃ kassapa amanussena upanikkhittā silā. Tassa mayhaṃ, kassapa, etadahosi – ‘‘kimhi nu kho ahaṃ ālambitvā uttareyya’’nti? Atha kho, kassapa, kakudhe adhivatthā devatā ja mama cetasā cetoparivitakkamaññāya sākhaṃ onāmesi – ‘‘idha, bhante, bhagavā ālambitvā uttarajtū’’ti. Svāyaṃ āharahattho kakudho. Tassa mayhaṃ, kassapa, etadahosi – ‘‘kimhi nu kho ahaṃ paṃsukūlaṃ vissajjeyya’’nti? Atha kho, kassapa, sakko devānamindo mama cetasā cetoparivitakkamaññāya mahatiṃ silaṃ upanikkhipi – ‘‘idha, bhante, bhagavā paṃsukūlaṃ vissajjetū’’ti . Sāyaṃ kassapa amanussena upanikkhittā silāti. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma sakkopi devānamindo veyyāvaccaṃ karissati, na tveva ca kho arahā yathā aha’’nti. Atha kho bhagavā uruvelakassapassa jaṭilassa bhattaṃ bhuñjitvā tasmiṃyeva vanasaṇḍe vihāsi.
ат̇а ко урувзлагассабо ж̇адило д̇ассаа рад̇д̇ияаа ажжаязна язна бхаг̇аваа д̇знубасан̇гами, убасан̇гамид̇ваа бхаг̇авад̇о гаалам̣ аарожзси – ‘‘гаало, махаасаман̣а, нидтид̇ам̣ бхад̇д̇а’’нд̇и. ‘‘г̇ажча д̇вам̣, гассаба, ааяаамаха’’нд̇и урувзлагассабам̣ ж̇адилам̣ уяяож̇зд̇ваа яааяа ж̇амб̣уяаа ‘ж̇амб̣уд̣̇ийбо’ бан̃н̃ааяад̇и, д̇ад̇о палам̣ г̇ахзд̇ваа батамад̇арам̣ ааг̇анд̇ваа аг̇яааг̇аарз нисийд̣̇и. ад̣̇д̣̇асаа ко урувзлагассабо ж̇адило бхаг̇аванд̇ам̣ аг̇яааг̇аарз нисиннам̣, д̣̇исваана бхаг̇аванд̇ам̣ зд̇ад̣̇авожа – ‘‘гад̇амзна д̇вам̣, махаасаман̣а, маг̇г̇зна ааг̇ад̇о? ахам̣ д̇аяаа батамад̇арам̣ багганд̇о, со д̇вам̣ батамад̇арам̣ ааг̇анд̇ваа аг̇яааг̇аарз нисинно’’д̇и. ‘‘ид̇хаахам̣, гассаба, д̇ам̣ уяяож̇зд̇ваа яааяа ж̇амб̣уяаа ‘ж̇амб̣уд̣̇ийбо’ бан̃н̃ааяад̇и, д̇ад̇о палам̣ г̇ахзд̇ваа батамад̇арам̣ ааг̇анд̇ваа аг̇яааг̇аарз нисинно. ид̣̇ам̣ ко, гассаба, ж̇амб̣упалам̣ ван̣н̣асамбаннам̣ г̇анд̇хасамбаннам̣ расасамбаннам̣. сажз ааган̇каси барибхун̃ж̇аа’’д̇и. ‘‘алам̣, махаасаман̣а, д̇вам̣язва д̇ам̣ арахаси , д̇вам̣язва д̇ам̣ 25 барибхун̃ж̇аахий’’д̇и. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама мам̣ батамад̇арам̣ уяяож̇зд̇ваа яааяа ж̇амб̣уяаа ‘ж̇амб̣уд̣̇ийбо’ бан̃н̃ааяад̇и, д̇ад̇о палам̣ г̇ахзд̇ваа батамад̇арам̣ ааг̇анд̇ваа аг̇яааг̇аарз нисийд̣̇иссад̇и, на д̇взва жа ко арахаа яат̇аа аха’’нд̇и. ат̇а ко бхаг̇аваа урувзлагассабасса ж̇адиласса бхад̇д̇ам̣ бхун̃ж̇ид̇ваа д̇асмим̣язва ванасан̣д̣з вихааси.
Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavato kālaṃ ārocesi – ‘‘kālo, mahāsamaṇa, niṭṭhitaṃ bhatta’’nti. ‘‘Gaccha tvaṃ, kassapa, āyāmaha’’nti uruvelakassapaṃ jaṭilaṃ uyyojetvā yāya jambuyā ‘jambudīpo’ paññāyati, tato phalaṃ gahetvā paṭhamataraṃ āgantvā agyāgāre nisīdi. Addasā kho uruvelakassapo jaṭilo bhagavantaṃ agyāgāre nisinnaṃ, disvāna bhagavantaṃ etadavoca – ‘‘katamena tvaṃ, mahāsamaṇa, maggena āgato? Ahaṃ tayā paṭhamataraṃ pakkanto, so tvaṃ paṭhamataraṃ āgantvā agyāgāre nisinno’’ti. ‘‘Idhāhaṃ, kassapa, taṃ uyyojetvā yāya jambuyā ‘jambudīpo’ paññāyati, tato phalaṃ gahetvā paṭhamataraṃ āgantvā agyāgāre nisinno. Idaṃ kho, kassapa, jambuphalaṃ vaṇṇasampannaṃ gandhasampannaṃ rasasampannaṃ. Sace ākaṅkhasi paribhuñjā’’ti. ‘‘Alaṃ, mahāsamaṇa, tvaṃyeva taṃ arahasi , tvaṃyeva taṃ 26 paribhuñjāhī’’ti. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma maṃ paṭhamataraṃ uyyojetvā yāya jambuyā ‘jambudīpo’ paññāyati, tato phalaṃ gahetvā paṭhamataraṃ āgantvā agyāgāre nisīdissati, na tveva ca kho arahā yathā aha’’nti. Atha kho bhagavā uruvelakassapassa jaṭilassa bhattaṃ bhuñjitvā tasmiṃyeva vanasaṇḍe vihāsi.
45. ат̇а ко урувзлагассабо ж̇адило д̇ассаа рад̇д̇ияаа ажжаязна язна бхаг̇аваа д̇знубасан̇гами, убасан̇гамид̇ваа бхаг̇авад̇о гаалам̣ аарожзси – ‘‘гаало, махаасаман̣а, нидтид̇ам̣ бхад̇д̇а’’нд̇и. г̇ажча д̇вам̣, гассаба, ааяаамаханд̇и урувзлагассабам̣ ж̇адилам̣ уяяож̇зд̇ваа яааяа ж̇амб̣уяаа ‘ж̇амб̣уд̣̇ийбо’ бан̃н̃ааяад̇и, д̇ассаа авид̣̇уурз амб̣о…бз… д̇ассаа авид̣̇уурз аамалагий…бз… д̇ассаа авид̣̇уурз харийд̇агий…бз… д̇аавад̇им̣сам̣ г̇анд̇ваа баарижчад̇д̇агабубпам̣ г̇ахзд̇ваа батамад̇арам̣ ааг̇анд̇ваа аг̇яааг̇аарз нисийд̣̇и. ад̣̇д̣̇асаа ко урувзлагассабо ж̇адило бхаг̇аванд̇ам̣ аг̇яааг̇аарз нисиннам̣, д̣̇исваана бхаг̇аванд̇ам̣ зд̇ад̣̇авожа – ‘‘гад̇амзна д̇вам̣, махаасаман̣а, маг̇г̇зна ааг̇ад̇о? ахам̣ д̇аяаа батамад̇арам̣ багганд̇о, со д̇вам̣ батамад̇арам̣ ааг̇анд̇ваа аг̇яааг̇аарз нисинно’’д̇и. ‘‘ид̇хаахам̣ , гассаба, д̇ам̣ уяяож̇зд̇ваа д̇аавад̇им̣сам̣ г̇анд̇ваа баарижчад̇д̇агабубпам̣ г̇ахзд̇ваа батамад̇арам̣ ааг̇анд̇ваа аг̇яааг̇аарз нисинно. ид̣̇ам̣ ко, гассаба, баарижчад̇д̇агабубпам̣ ван̣н̣асамбаннам̣ г̇анд̇хасамбаннам̣ 27. (сажз ааган̇каси г̇ан̣хаа’’д̇и. ‘‘алам̣, махаасаман̣а, д̇вам̣язва д̇ам̣ арахаси, д̇вам̣язва д̇ам̣ г̇ан̣хаа’’д̇и) 28. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама мам̣ батамад̇арам̣ уяяож̇зд̇ваа д̇аавад̇им̣сам̣ г̇анд̇ваа баарижчад̇д̇агабубпам̣ г̇ахзд̇ваа батамад̇арам̣ ааг̇анд̇ваа аг̇яааг̇аарз нисийд̣̇иссад̇и, на д̇взва жа ко арахаа яат̇аа аха’’нд̇и.
45. Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavato kālaṃ ārocesi – ‘‘kālo, mahāsamaṇa, niṭṭhitaṃ bhatta’’nti. Gaccha tvaṃ, kassapa, āyāmahanti uruvelakassapaṃ jaṭilaṃ uyyojetvā yāya jambuyā ‘jambudīpo’ paññāyati, tassā avidūre ambo…pe… tassā avidūre āmalakī…pe… tassā avidūre harītakī…pe… tāvatiṃsaṃ gantvā pāricchattakapupphaṃ gahetvā paṭhamataraṃ āgantvā agyāgāre nisīdi. Addasā kho uruvelakassapo jaṭilo bhagavantaṃ agyāgāre nisinnaṃ, disvāna bhagavantaṃ etadavoca – ‘‘katamena tvaṃ, mahāsamaṇa, maggena āgato? Ahaṃ tayā paṭhamataraṃ pakkanto, so tvaṃ paṭhamataraṃ āgantvā agyāgāre nisinno’’ti. ‘‘Idhāhaṃ , kassapa, taṃ uyyojetvā tāvatiṃsaṃ gantvā pāricchattakapupphaṃ gahetvā paṭhamataraṃ āgantvā agyāgāre nisinno. Idaṃ kho, kassapa, pāricchattakapupphaṃ vaṇṇasampannaṃ gandhasampannaṃ 29. (Sace ākaṅkhasi gaṇhā’’ti. ‘‘Alaṃ, mahāsamaṇa, tvaṃyeva taṃ arahasi, tvaṃyeva taṃ gaṇhā’’ti) 30. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma maṃ paṭhamataraṃ uyyojetvā tāvatiṃsaṃ gantvā pāricchattakapupphaṃ gahetvā paṭhamataraṃ āgantvā agyāgāre nisīdissati, na tveva ca kho arahā yathā aha’’nti.
46. д̇зна ко бана самаязна д̇з ж̇адилаа аг̇г̇им̣ барижарид̇угаамаа на саггонд̇и гадтаани паалзд̇ум̣ . ат̇а ко д̇зсам̣ ж̇адилаанам̣ зд̇ад̣̇ахоси – ‘‘ниссам̣саяам̣ ко махаасаман̣асса ид̣̇д̇хаанубхааво, яат̇аа маяам̣ на саггома гадтаани паалзд̇у’’нд̇и. ат̇а ко бхаг̇аваа урувзлагассабам̣ ж̇адилам̣ зд̇ад̣̇авожа – ‘‘паалияанд̇у, гассаба, гадтааний’’д̇и. ‘‘паалияанд̇у, махаасаман̣аа’’д̇и. сагид̣̇зва бан̃жа гадтасад̇аани паалияим̣су. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама гадтааниби паалияиссанд̇и, на д̇взва жа ко арахаа яат̇аа аха’’нд̇и.
46. Tena kho pana samayena te jaṭilā aggiṃ paricaritukāmā na sakkonti kaṭṭhāni phāletuṃ . Atha kho tesaṃ jaṭilānaṃ etadahosi – ‘‘nissaṃsayaṃ kho mahāsamaṇassa iddhānubhāvo, yathā mayaṃ na sakkoma kaṭṭhāni phāletu’’nti. Atha kho bhagavā uruvelakassapaṃ jaṭilaṃ etadavoca – ‘‘phāliyantu, kassapa, kaṭṭhānī’’ti. ‘‘Phāliyantu, mahāsamaṇā’’ti. Sakideva pañca kaṭṭhasatāni phāliyiṃsu. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma kaṭṭhānipi phāliyissanti, na tveva ca kho arahā yathā aha’’nti.
47. д̇зна ко бана самаязна д̇з ж̇адилаа аг̇г̇им̣ барижарид̇угаамаа на саггонд̇и аг̇г̇им̣ уж̇ж̇алзд̇ум̣ 31. ат̇а ко д̇зсам̣ ж̇адилаанам̣ зд̇ад̣̇ахоси – ‘‘ниссам̣саяам̣ ко махаасаман̣асса ид̣̇д̇хаанубхааво, яат̇аа маяам̣ на саггома аг̇г̇им̣ уж̇ж̇алзд̇у’’нд̇и. ат̇а ко бхаг̇аваа урувзлагассабам̣ ж̇адилам̣ зд̇ад̣̇авожа – ‘‘уж̇ж̇алияанд̇у, гассаба, аг̇г̇ий’’д̇и. ‘‘уж̇ж̇алияанд̇у, махаасаман̣аа’’д̇и. сагид̣̇зва бан̃жа аг̇г̇исад̇аани уж̇ж̇алияим̣су. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама аг̇г̇ийби уж̇ж̇алияиссанд̇и, на д̇взва жа ко арахаа яат̇аа аха’’нд̇и.
47. Tena kho pana samayena te jaṭilā aggiṃ paricaritukāmā na sakkonti aggiṃ ujjaletuṃ 32. Atha kho tesaṃ jaṭilānaṃ etadahosi – ‘‘nissaṃsayaṃ kho mahāsamaṇassa iddhānubhāvo, yathā mayaṃ na sakkoma aggiṃ ujjaletu’’nti. Atha kho bhagavā uruvelakassapaṃ jaṭilaṃ etadavoca – ‘‘ujjaliyantu, kassapa, aggī’’ti. ‘‘Ujjaliyantu, mahāsamaṇā’’ti. Sakideva pañca aggisatāni ujjaliyiṃsu. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma aggīpi ujjaliyissanti, na tveva ca kho arahā yathā aha’’nti.
48. д̇зна ко бана самаязна д̇з ж̇адилаа аг̇г̇им̣ барижарид̇ваа на саггонд̇и аг̇г̇им̣ виж̇жхаабзд̇ум̣. ат̇а ко д̇зсам̣ ж̇адилаанам̣ зд̇ад̣̇ахоси – ‘‘ниссам̣саяам̣ ко махаасаман̣асса ид̣̇д̇хаанубхааво, яат̇аа маяам̣ на саггома аг̇г̇им̣ виж̇жхаабзд̇у’’нд̇и. ат̇а ко бхаг̇аваа урувзлагассабам̣ ж̇адилам̣ зд̇ад̣̇авожа – ‘‘виж̇жхааяанд̇у, гассаба, аг̇г̇ий’’д̇и. ‘‘виж̇жхааяанд̇у, махаасаман̣аа’’д̇и. сагид̣̇зва бан̃жа аг̇г̇исад̇аани виж̇жхааяим̣су. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама аг̇г̇ийби виж̇жхааяиссанд̇и, на д̇взва жа ко арахаа яат̇аа аха’’нд̇и.
48. Tena kho pana samayena te jaṭilā aggiṃ paricaritvā na sakkonti aggiṃ vijjhāpetuṃ. Atha kho tesaṃ jaṭilānaṃ etadahosi – ‘‘nissaṃsayaṃ kho mahāsamaṇassa iddhānubhāvo, yathā mayaṃ na sakkoma aggiṃ vijjhāpetu’’nti. Atha kho bhagavā uruvelakassapaṃ jaṭilaṃ etadavoca – ‘‘vijjhāyantu, kassapa, aggī’’ti. ‘‘Vijjhāyantu, mahāsamaṇā’’ti. Sakideva pañca aggisatāni vijjhāyiṃsu. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma aggīpi vijjhāyissanti, na tveva ca kho arahā yathā aha’’nti.
49. д̇зна ко бана самаязна д̇з ж̇адилаа сийд̇аасу хзманд̇игаасу рад̇д̇ийсу анд̇арадтагаасу химабаад̇асамаяз наж̇ж̇аа нзран̃ж̇арааяа уммуж̇ж̇анд̇иби, нимуж̇ж̇анд̇иби, уммуж̇ж̇ананимуж̇ж̇анамби гаронд̇и. ат̇а ко бхаг̇аваа бан̃жамад̇д̇аани манд̣̇аамукисад̇аани абхиниммини, яад̇т̇а д̇з ж̇адилаа уд̇д̇арид̇ваа висиб̣б̣зсум̣ . ат̇а ко д̇зсам̣ ж̇адилаанам̣ зд̇ад̣̇ахоси – ‘‘ниссам̣саяам̣ ко махаасаман̣асса ид̣̇д̇хаанубхааво, яат̇аяимаа манд̣̇аамукияо ниммид̇аа’’д̇и. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама д̇аава б̣ахуу манд̣̇аамукияоби абхинимминиссад̇и, на д̇взва жа ко арахаа яат̇аа аха’’нд̇и.
49. Tena kho pana samayena te jaṭilā sītāsu hemantikāsu rattīsu antaraṭṭhakāsu himapātasamaye najjā nerañjarāya ummujjantipi, nimujjantipi, ummujjananimujjanampi karonti. Atha kho bhagavā pañcamattāni mandāmukhisatāni abhinimmini, yattha te jaṭilā uttaritvā visibbesuṃ . Atha kho tesaṃ jaṭilānaṃ etadahosi – ‘‘nissaṃsayaṃ kho mahāsamaṇassa iddhānubhāvo, yathayimā mandāmukhiyo nimmitā’’ti. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma tāva bahū mandāmukhiyopi abhinimminissati, na tveva ca kho arahā yathā aha’’nti.
50. д̇зна ко бана самаязна махаа агааламзгхо баавасси, махаа уд̣̇агаваахаго сан̃ж̇ааяи. яасмим̣ бад̣̇зсз бхаг̇аваа вихарад̇и, со бад̣̇зсо уд̣̇агзна на од̇т̇адо 33 ход̇и. ат̇а ко бхаг̇авад̇о зд̇ад̣̇ахоси – ‘‘яам̣нуунаахам̣ саманд̇аа уд̣̇агам̣ уссаарзд̇ваа маж̇жхз рзн̣ухад̇ааяа бхуумияаа жан̇гамзяяа’’нд̇и. ат̇а ко бхаг̇аваа саманд̇аа уд̣̇агам̣ уссаарзд̇ваа маж̇жхз рзн̣ухад̇ааяа бхуумияаа жан̇гами. ат̇а ко урувзлагассабо ж̇адило – маахзва ко махаасаман̣о уд̣̇агзна вуул̣хо ахосийд̇и наавааяа самб̣ахулзхи ж̇адилзхи сад̣̇д̇хим̣ яасмим̣ бад̣̇зсз бхаг̇аваа вихарад̇и д̇ам̣ бад̣̇зсам̣ аг̇амааси. ад̣̇д̣̇асаа ко урувзлагассабо ж̇адило бхаг̇аванд̇ам̣ саманд̇аа уд̣̇агам̣ уссаарзд̇ваа маж̇жхз рзн̣ухад̇ааяа бхуумияаа жан̇гаманд̇ам̣, д̣̇исваана бхаг̇аванд̇ам̣ зд̇ад̣̇авожа – ‘‘ид̣̇ам̣ ну д̇вам̣, махаасаман̣аа’’д̇и? ‘‘аяамахамасми 34, гассабаа’’д̇и бхаг̇аваа взхаасам̣ аб̣бхуг̇г̇анд̇ваа наавааяа бажжудтааси. ат̇а ко урувзлагассабасса ж̇адиласса зд̇ад̣̇ахоси – ‘‘махид̣̇д̇хиго ко махаасаман̣о махаанубхааво, яад̇ра хи наама уд̣̇агамби на баваахиссад̇и 35, на д̇взва жа ко арахаа яат̇аа аха’’нд̇и.
50. Tena kho pana samayena mahā akālamegho pāvassi, mahā udakavāhako sañjāyi. Yasmiṃ padese bhagavā viharati, so padeso udakena na otthaṭo 36 hoti. Atha kho bhagavato etadahosi – ‘‘yaṃnūnāhaṃ samantā udakaṃ ussāretvā majjhe reṇuhatāya bhūmiyā caṅkameyya’’nti. Atha kho bhagavā samantā udakaṃ ussāretvā majjhe reṇuhatāya bhūmiyā caṅkami. Atha kho uruvelakassapo jaṭilo – māheva kho mahāsamaṇo udakena vūḷho ahosīti nāvāya sambahulehi jaṭilehi saddhiṃ yasmiṃ padese bhagavā viharati taṃ padesaṃ agamāsi. Addasā kho uruvelakassapo jaṭilo bhagavantaṃ samantā udakaṃ ussāretvā majjhe reṇuhatāya bhūmiyā caṅkamantaṃ, disvāna bhagavantaṃ etadavoca – ‘‘idaṃ nu tvaṃ, mahāsamaṇā’’ti? ‘‘Ayamahamasmi 37, kassapā’’ti bhagavā vehāsaṃ abbhuggantvā nāvāya paccuṭṭhāsi. Atha kho uruvelakassapassa jaṭilassa etadahosi – ‘‘mahiddhiko kho mahāsamaṇo mahānubhāvo, yatra hi nāma udakampi na pavāhissati 38, na tveva ca kho arahā yathā aha’’nti.
51. ат̇а ко бхаг̇авад̇о зд̇ад̣̇ахоси – ‘‘жирамби ко имасса могхабурисасса звам̣ бхависсад̇и – ‘махид̣̇д̇хиго ко махаасаман̣о махаанубхааво, на д̇взва жа ко арахаа яат̇аа аха’нд̇и; яам̣нуунаахам̣ имам̣ ж̇адилам̣ сам̣взж̇зяяа’’нд̇и. ат̇а ко бхаг̇аваа урувзлагассабам̣ ж̇адилам̣ зд̇ад̣̇авожа – ‘‘нзва жа ко д̇вам̣, гассаба, арахаа, нааби арахад̇д̇амаг̇г̇асамаабанно. сааби д̇з бадибад̣̇аа над̇т̇и, яааяа д̇вам̣ арахаа ваа ассаси, арахад̇д̇амаг̇г̇ам̣ ваа самаабанно’’д̇и. ат̇а ко урувзлагассабо ж̇адило бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожа – ‘‘лабхзяяаахам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и. д̇вам̣ коси, гассаба, бан̃жаннам̣ ж̇адиласад̇аанам̣ нааяаго винааяаго аг̇г̇о бамуко баамогко. д̇зби д̇аава абалогзхи, яат̇аа д̇з ман̃н̃иссанд̇и д̇ат̇аа д̇з гариссанд̇ийд̇и. ат̇а ко урувзлагассабо ж̇адило язна д̇з ж̇адилаа д̇знубасан̇гами, убасан̇гамид̇ваа д̇з ж̇адилз зд̇ад̣̇авожа – ‘‘ижчаамахам̣ , бхо, махаасаман̣з б̣рахмажарияам̣ жарид̇ум̣, яат̇аа бхаванд̇о ман̃н̃анд̇и д̇ат̇аа гаронд̇уу’’д̇и. ‘‘жирабадигаа маяам̣, бхо, махаасаман̣з абхиббасаннаа, сажз бхавам̣, махаасаман̣з б̣рахмажарияам̣ жариссад̇и, саб̣б̣зва маяам̣ махаасаман̣з б̣рахмажарияам̣ жариссаамаа’’д̇и. ат̇а ко д̇з ж̇адилаа гзсамиссам̣ ж̇адаамиссам̣ кааригааж̇амиссам̣ аг̇г̇ихуд̇амиссам̣ уд̣̇агз баваахзд̇ваа язна бхаг̇аваа д̇знубасан̇гамим̣су, убасан̇гамид̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожум̣ – ‘‘лабхзяяаама маяам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяаама убасамбад̣̇а’’нд̇и. ‘‘зт̇а бхигкаво’’д̇и бхаг̇аваа авожа – ‘‘сваагкаад̇о д̇хаммо, жарат̇а б̣рахмажарияам̣ саммаа д̣̇угкасса анд̇агирияааяаа’’д̇и. саава д̇зсам̣ ааяасманд̇аанам̣ убасамбад̣̇аа ахоси.
51. Atha kho bhagavato etadahosi – ‘‘cirampi kho imassa moghapurisassa evaṃ bhavissati – ‘mahiddhiko kho mahāsamaṇo mahānubhāvo, na tveva ca kho arahā yathā aha’nti; yaṃnūnāhaṃ imaṃ jaṭilaṃ saṃvejeyya’’nti. Atha kho bhagavā uruvelakassapaṃ jaṭilaṃ etadavoca – ‘‘neva ca kho tvaṃ, kassapa, arahā, nāpi arahattamaggasamāpanno. Sāpi te paṭipadā natthi, yāya tvaṃ arahā vā assasi, arahattamaggaṃ vā samāpanno’’ti. Atha kho uruvelakassapo jaṭilo bhagavato pādesu sirasā nipatitvā bhagavantaṃ etadavoca – ‘‘labheyyāhaṃ, bhante, bhagavato santike pabbajjaṃ, labheyyaṃ upasampada’’nti. Tvaṃ khosi, kassapa, pañcannaṃ jaṭilasatānaṃ nāyako vināyako aggo pamukho pāmokkho. Tepi tāva apalokehi, yathā te maññissanti tathā te karissantīti. Atha kho uruvelakassapo jaṭilo yena te jaṭilā tenupasaṅkami, upasaṅkamitvā te jaṭile etadavoca – ‘‘icchāmahaṃ , bho, mahāsamaṇe brahmacariyaṃ carituṃ, yathā bhavanto maññanti tathā karontū’’ti. ‘‘Cirapaṭikā mayaṃ, bho, mahāsamaṇe abhippasannā, sace bhavaṃ, mahāsamaṇe brahmacariyaṃ carissati, sabbeva mayaṃ mahāsamaṇe brahmacariyaṃ carissāmā’’ti. Atha kho te jaṭilā kesamissaṃ jaṭāmissaṃ khārikājamissaṃ aggihutamissaṃ udake pavāhetvā yena bhagavā tenupasaṅkamiṃsu, upasaṅkamitvā bhagavato pādesu sirasā nipatitvā bhagavantaṃ etadavocuṃ – ‘‘labheyyāma mayaṃ, bhante, bhagavato santike pabbajjaṃ, labheyyāma upasampada’’nti. ‘‘Etha bhikkhavo’’ti bhagavā avoca – ‘‘svākkhāto dhammo, caratha brahmacariyaṃ sammā dukkhassa antakiriyāyā’’ti. Sāva tesaṃ āyasmantānaṃ upasampadā ahosi.
52. ад̣̇д̣̇асаа ко над̣̇ийгассабо ж̇адило гзсамиссам̣ ж̇адаамиссам̣ кааригааж̇амиссам̣ аг̇г̇ихуд̇амиссам̣ уд̣̇агз вуяхамаанз, д̣̇исваанасса зд̇ад̣̇ахоси – ‘‘маахзва мз бхаад̇уно убасаг̇г̇о ахосий’’д̇и. ж̇адилз баахзси – г̇ажчат̇а мз бхаад̇арам̣ ж̇аанаат̇аад̇и. сааман̃жа д̇ийхи ж̇адиласад̇зхи сад̣̇д̇хим̣ язнааяасмаа урувзлагассабо д̇знубасан̇гами, убасан̇гамид̇ваа ааяасманд̇ам̣ урувзлагассабам̣ зд̇ад̣̇авожа – ‘‘ид̣̇ам̣ ну ко, гассаба, сзяяо’’д̇и? ‘‘аамаавусо, ид̣̇ам̣ сзяяо’’д̇и. ат̇а ко д̇з ж̇адилаа гзсамиссам̣ ж̇адаамиссам̣ кааригааж̇амиссам̣ аг̇г̇ихуд̇амиссам̣ уд̣̇агз баваахзд̇ваа язна бхаг̇аваа д̇знубасан̇гамим̣су, убасан̇гамид̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожум̣ – ‘‘лабхзяяаама маяам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяаама убасамбад̣̇а’’нд̇и. ‘‘зт̇а бхигкаво’’д̇и бхаг̇аваа авожа – ‘‘сваагкаад̇о д̇хаммо, жарат̇а б̣рахмажарияам̣ саммаа д̣̇угкасса анд̇агирияааяаа’’д̇и. саава д̇зсам̣ ааяасманд̇аанам̣ убасамбад̣̇аа ахоси.
52. Addasā kho nadīkassapo jaṭilo kesamissaṃ jaṭāmissaṃ khārikājamissaṃ aggihutamissaṃ udake vuyhamāne, disvānassa etadahosi – ‘‘māheva me bhātuno upasaggo ahosī’’ti. Jaṭile pāhesi – gacchatha me bhātaraṃ jānāthāti. Sāmañca tīhi jaṭilasatehi saddhiṃ yenāyasmā uruvelakassapo tenupasaṅkami, upasaṅkamitvā āyasmantaṃ uruvelakassapaṃ etadavoca – ‘‘idaṃ nu kho, kassapa, seyyo’’ti? ‘‘Āmāvuso, idaṃ seyyo’’ti. Atha kho te jaṭilā kesamissaṃ jaṭāmissaṃ khārikājamissaṃ aggihutamissaṃ udake pavāhetvā yena bhagavā tenupasaṅkamiṃsu, upasaṅkamitvā bhagavato pādesu sirasā nipatitvā bhagavantaṃ etadavocuṃ – ‘‘labheyyāma mayaṃ, bhante, bhagavato santike pabbajjaṃ, labheyyāma upasampada’’nti. ‘‘Etha bhikkhavo’’ti bhagavā avoca – ‘‘svākkhāto dhammo, caratha brahmacariyaṃ sammā dukkhassa antakiriyāyā’’ti. Sāva tesaṃ āyasmantānaṃ upasampadā ahosi.
53. ад̣̇д̣̇асаа ко г̇аяаагассабо ж̇адило гзсамиссам̣ ж̇адаамиссам̣ кааригааж̇амиссам̣ аг̇г̇ихуд̇амиссам̣ уд̣̇агз вуяхамаанз, д̣̇исваанасса зд̇ад̣̇ахоси – ‘‘маахзва мз бхаад̇уунам̣ убасаг̇г̇о ахосий’’д̇и. ж̇адилз баахзси – г̇ажчат̇а мз бхаад̇аро ж̇аанаат̇аад̇и. сааман̃жа д̣̇вийхи ж̇адиласад̇зхи сад̣̇д̇хим̣ язнааяасмаа урувзлагассабо д̇знубасан̇гами, убасан̇гамид̇ваа ааяасманд̇ам̣ урувзлагассабам̣ зд̇ад̣̇авожа – ‘‘ид̣̇ам̣ ну ко, гассаба, сзяяо’’д̇и? ‘‘аамаавусо, ид̣̇ам̣ сзяяо’’д̇и. ат̇а ко д̇з ж̇адилаа гзсамиссам̣ ж̇адаамиссам̣ кааригааж̇амиссам̣ аг̇г̇ихуд̇амиссам̣ уд̣̇агз баваахзд̇ваа язна бхаг̇аваа д̇знубасан̇гамим̣су, убасан̇гамид̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожум̣ – ‘‘лабхзяяаама маяам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяаама убасамбад̣̇а’’нд̇и. ‘‘зт̇а бхигкаво’’д̇и бхаг̇аваа авожа – ‘‘сваагкаад̇о д̇хаммо, жарат̇а б̣рахмажарияам̣ саммаа д̣̇угкасса анд̇агирияааяаа’’д̇и. саава д̇зсам̣ ааяасманд̇аанам̣ убасамбад̣̇аа ахоси.
53. Addasā kho gayākassapo jaṭilo kesamissaṃ jaṭāmissaṃ khārikājamissaṃ aggihutamissaṃ udake vuyhamāne, disvānassa etadahosi – ‘‘māheva me bhātūnaṃ upasaggo ahosī’’ti. Jaṭile pāhesi – gacchatha me bhātaro jānāthāti. Sāmañca dvīhi jaṭilasatehi saddhiṃ yenāyasmā uruvelakassapo tenupasaṅkami, upasaṅkamitvā āyasmantaṃ uruvelakassapaṃ etadavoca – ‘‘idaṃ nu kho, kassapa, seyyo’’ti? ‘‘Āmāvuso, idaṃ seyyo’’ti. Atha kho te jaṭilā kesamissaṃ jaṭāmissaṃ khārikājamissaṃ aggihutamissaṃ udake pavāhetvā yena bhagavā tenupasaṅkamiṃsu, upasaṅkamitvā bhagavato pādesu sirasā nipatitvā bhagavantaṃ etadavocuṃ – ‘‘labheyyāma mayaṃ, bhante, bhagavato santike pabbajjaṃ, labheyyāma upasampada’’nti. ‘‘Etha bhikkhavo’’ti bhagavā avoca – ‘‘svākkhāto dhammo, caratha brahmacariyaṃ sammā dukkhassa antakiriyāyā’’ti. Sāva tesaṃ āyasmantānaṃ upasampadā ahosi.
бхаг̇авад̇о ад̇хидтаанзна бан̃жа гадтасад̇аани на паалияим̣су, паалияим̣су; аг̇г̇ий на уж̇ж̇алияим̣су, уж̇ж̇алияим̣су; на виж̇жхааяим̣су, виж̇жхааяим̣су; бан̃жаманд̣̇аамукисад̇аани абхиниммини. зд̇зна наязна ад̣дхуд̣дхабаадихаарияасахассаани хонд̇и.
Bhagavato adhiṭṭhānena pañca kaṭṭhasatāni na phāliyiṃsu, phāliyiṃsu; aggī na ujjaliyiṃsu, ujjaliyiṃsu; na vijjhāyiṃsu, vijjhāyiṃsu; pañcamandāmukhisatāni abhinimmini. Etena nayena aḍḍhuḍḍhapāṭihāriyasahassāni honti.
54. ат̇а ко бхаг̇аваа урувзлааяам̣ яат̇аабхиранд̇ам̣ вихарид̇ваа язна г̇аяаасийсам̣ д̇зна баггаами махад̇аа бхигкусан̇гхзна сад̣̇д̇хим̣ бхигкусахассзна саб̣б̣зхзва бураан̣аж̇адилзхи. д̇ад̇ра суд̣̇ам̣ бхаг̇аваа г̇аяааяам̣ вихарад̇и г̇аяаасийсз сад̣̇д̇хим̣ бхигкусахассзна. д̇ад̇ра ко бхаг̇аваа бхигкуу ааманд̇зси –
54. Atha kho bhagavā uruvelāyaṃ yathābhirantaṃ viharitvā yena gayāsīsaṃ tena pakkāmi mahatā bhikkhusaṅghena saddhiṃ bhikkhusahassena sabbeheva purāṇajaṭilehi. Tatra sudaṃ bhagavā gayāyaṃ viharati gayāsīse saddhiṃ bhikkhusahassena. Tatra kho bhagavā bhikkhū āmantesi –
39 ‘‘саб̣б̣ам̣ , бхигкавз, аад̣̇ид̇д̇ам̣. гин̃жа, бхигкавз, саб̣б̣ам̣ аад̣̇ид̇д̇ам̣? жагку аад̣̇ид̇д̇ам̣, руубаа аад̣̇ид̇д̇аа, жагкувин̃н̃аан̣ам̣ аад̣̇ид̇д̇ам̣, жагкусампассо аад̣̇ид̇д̇о, яамид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби аад̣̇ид̇д̇ам̣. гзна аад̣̇ид̇д̇ам̣? рааг̇аг̇г̇инаа д̣̇осаг̇г̇инаа мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇анд̇и вад̣̇аами. сод̇ам̣ аад̣̇ид̇д̇ам̣, сад̣̇д̣̇аа аад̣̇ид̇д̇аа, сод̇авин̃н̃аан̣ам̣ аад̣̇ид̇д̇ам̣, сод̇асампассо аад̣̇ид̇д̇о, яамид̣̇ам̣ сод̇асампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби аад̣̇ид̇д̇ам̣. гзна аад̣̇ид̇д̇ам̣? рааг̇аг̇г̇инаа д̣̇осаг̇г̇инаа мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇анд̇и вад̣̇аами. гхаанам̣ аад̣̇ид̇д̇ам̣, г̇анд̇хаа аад̣̇ид̇д̇аа, гхаанавин̃н̃аан̣ам̣ аад̣̇ид̇д̇ам̣, гхаанасампассо аад̣̇ид̇д̇о, яамид̣̇ам̣ гхаанасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби аад̣̇ид̇д̇ам̣. гзна аад̣̇ид̇д̇ам̣? рааг̇аг̇г̇инаа д̣̇осаг̇г̇инаа мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇анд̇и вад̣̇аами. ж̇ивхаа аад̣̇ид̇д̇аа, расаа аад̣̇ид̇д̇аа, ж̇ивхаавин̃н̃аан̣ам̣ аад̣̇ид̇д̇ам̣ ж̇ивхаасампассо аад̣̇ид̇д̇о, яамид̣̇ам̣ ж̇ивхаасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби аад̣̇ид̇д̇ам̣. гзна аад̣̇ид̇д̇ам̣? рааг̇аг̇г̇инаа д̣̇осаг̇г̇инаа мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇анд̇и вад̣̇аами. гааяо аад̣̇ид̇д̇о, подтаб̣б̣аа аад̣̇ид̇д̇аа, гааяавин̃н̃аан̣ам̣ аад̣̇ид̇д̇ам̣ гааяасампассо аад̣̇ид̇д̇о, яамид̣̇ам̣ гааяасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби аад̣̇ид̇д̇ам̣. гзна аад̣̇ид̇д̇ам̣? рааг̇аг̇г̇инаа д̣̇осаг̇г̇инаа мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇анд̇и вад̣̇аами. мано аад̣̇ид̇д̇о, д̇хаммаа аад̣̇ид̇д̇аа, мановин̃н̃аан̣ам̣ аад̣̇ид̇д̇ам̣ маносампассо аад̣̇ид̇д̇о, яамид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби аад̣̇ид̇д̇ам̣. гзна аад̣̇ид̇д̇ам̣? рааг̇аг̇г̇инаа д̣̇осаг̇г̇инаа мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇анд̇и вад̣̇аами.
40 ‘‘Sabbaṃ , bhikkhave, ādittaṃ. Kiñca, bhikkhave, sabbaṃ ādittaṃ? Cakkhu ādittaṃ, rūpā ādittā, cakkhuviññāṇaṃ ādittaṃ, cakkhusamphasso āditto, yamidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ādittaṃ. Kena ādittaṃ? Rāgagginā dosagginā mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi. Sotaṃ ādittaṃ, saddā ādittā, sotaviññāṇaṃ ādittaṃ, sotasamphasso āditto, yamidaṃ sotasamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ādittaṃ. Kena ādittaṃ? Rāgagginā dosagginā mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi. Ghānaṃ ādittaṃ, gandhā ādittā, ghānaviññāṇaṃ ādittaṃ, ghānasamphasso āditto, yamidaṃ ghānasamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ādittaṃ. Kena ādittaṃ? Rāgagginā dosagginā mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi. Jivhā ādittā, rasā ādittā, jivhāviññāṇaṃ ādittaṃ jivhāsamphasso āditto, yamidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ādittaṃ. Kena ādittaṃ? Rāgagginā dosagginā mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi. Kāyo āditto, phoṭṭhabbā ādittā, kāyaviññāṇaṃ ādittaṃ kāyasamphasso āditto, yamidaṃ kāyasamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ādittaṃ. Kena ādittaṃ? Rāgagginā dosagginā mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi. Mano āditto, dhammā ādittā, manoviññāṇaṃ ādittaṃ manosamphasso āditto, yamidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi ādittaṃ. Kena ādittaṃ? Rāgagginā dosagginā mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi.
‘‘звам̣ бассам̣, бхигкавз, суд̇аваа арияасааваго жагкусмимби ниб̣б̣инд̣̇ад̇и, руубзсуби ниб̣б̣инд̣̇ад̇и, жагкувин̃н̃аан̣зби ниб̣б̣инд̣̇ад̇и, жагкусампассзби ниб̣б̣инд̣̇ад̇и, яамид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа, д̇асмимби ниб̣б̣инд̣̇ад̇и. сод̇асмимби ниб̣б̣инд̣̇ад̇и, сад̣̇д̣̇зсуби ниб̣б̣инд̣̇ад̇и…бз… гхаанасмимби ниб̣б̣инд̣̇ад̇и , г̇анд̇хзсуби ниб̣б̣инд̣̇ад̇и…бз… ж̇ивхааяаби ниб̣б̣инд̣̇ад̇и, расзсуби ниб̣б̣инд̣̇ад̇и…бз… гааяасмимби ниб̣б̣инд̣̇ад̇и, подтаб̣б̣зсуби ниб̣б̣инд̣̇ад̇и…бз… манасмимби ниб̣б̣инд̣̇ад̇и, д̇хаммзсуби ниб̣б̣инд̣̇ад̇и, мановин̃н̃аан̣зби ниб̣б̣инд̣̇ад̇и, маносампассзби ниб̣б̣инд̣̇ад̇и, яамид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇асмимби ниб̣б̣инд̣̇ад̇и, ниб̣б̣инд̣̇ам̣ вираж̇ж̇ад̇и, вирааг̇аа вимужжад̇и, вимуд̇д̇асмим̣ вимуд̇д̇амид̇и н̃аан̣ам̣ ход̇и. кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаад̇и баж̇аанаад̇ий’’д̇и.
‘‘Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati, yamidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tasmimpi nibbindati. Sotasmimpi nibbindati, saddesupi nibbindati…pe… ghānasmimpi nibbindati , gandhesupi nibbindati…pe… jivhāyapi nibbindati, rasesupi nibbindati…pe… kāyasmimpi nibbindati, phoṭṭhabbesupi nibbindati…pe… manasmimpi nibbindati, dhammesupi nibbindati, manoviññāṇepi nibbindati, manosamphassepi nibbindati, yamidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati, nibbindaṃ virajjati, virāgā vimuccati, vimuttasmiṃ vimuttamiti ñāṇaṃ hoti. Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānātī’’ti.
имасмин̃жа бана взяяаагаран̣асмим̣ бхан̃н̃амаанз д̇асса бхигкусахассасса анубаад̣̇ааяа аасавзхи жид̇д̇аани вимужжим̣су.
Imasmiñca pana veyyākaraṇasmiṃ bhaññamāne tassa bhikkhusahassassa anupādāya āsavehi cittāni vimucciṃsu.
аад̣̇ид̇д̇абарияааяасуд̇д̇ам̣ нидтид̇ам̣.
Ādittapariyāyasuttaṃ niṭṭhitaṃ.
урувзлабаадихаарияам̣ д̇ад̇ияабхаан̣авааро нидтид̇о.
Uruvelapāṭihāriyaṃ tatiyabhāṇavāro niṭṭhito.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / урувзлабаадихаарияагат̇аа • Uruvelapāṭihāriyakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
урувзлабаадихаарияагат̇ааван̣н̣анаа • Uruvelapāṭihāriyakathāvaṇṇanā
аад̣̇ид̇д̇абарияааяасуд̇д̇аван̣н̣анаа • Ādittapariyāyasuttavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / урувзлабаадихаарияагат̇ааван̣н̣анаа • Uruvelapāṭihāriyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / урувзлабаадихаарияагат̇ааван̣н̣анаа • Uruvelapāṭihāriyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 12. урувзлабаадихаарияагат̇аа • 12. Uruvelapāṭihāriyakathā
