| Library / Tipiṭaka / तिपिटक • Tipiṭaka / महावग्ग-अट्ठकथा • Mahāvagga-aṭṭhakathā |
उरुवेलपाटिहारियकथा
Uruvelapāṭihāriyakathā
३७. पमुखोति पुब्बङ्गमो। पामोक्खोति उत्तमो विसुद्धपञ्ञो।
37.Pamukhoti pubbaṅgamo. Pāmokkhoti uttamo visuddhapañño.
३८. अनुपहच्चाति अविनासेत्वा। तेजसा तेजन्ति अत्तनो तेजेन नागस्स तेजं। परियादियेय्यन्ति अभिभवेय्यं, विनासेय्यं वाति। मक्खन्ति कोधं। नत्वेव च खो अरहा यथा अहन्ति अत्तानं ‘‘अरहा अह’’न्ति मञ्ञमानो वदति।
38.Anupahaccāti avināsetvā. Tejasā tejanti attano tejena nāgassa tejaṃ. Pariyādiyeyyanti abhibhaveyyaṃ, vināseyyaṃ vāti. Makkhanti kodhaṃ. Natveva ca kho arahā yathā ahanti attānaṃ ‘‘arahā aha’’nti maññamāno vadati.
३९. नेरञ्जरायं भगवातिआदिका गाथायो पच्छा पक्खित्ता।
39.Nerañjarāyaṃ bhagavātiādikā gāthāyo pacchā pakkhittā.
४४-९. विस्सज्जेय्यन्ति सुक्खापनत्थाय पसारेत्वा ठपेय्यन्ति अत्थो। ‘‘भन्ते आहर हत्थ’’न्ति एवं वदन्तो विय ओणतोति आहरहत्थो। उय्योजेत्वाति विस्सज्जेत्वा। मन्दामुखियोति अग्गिभाजनानि वुच्चन्ति।
44-9.Vissajjeyyanti sukkhāpanatthāya pasāretvā ṭhapeyyanti attho. ‘‘Bhante āhara hattha’’nti evaṃ vadanto viya oṇatoti āharahattho. Uyyojetvāti vissajjetvā. Mandāmukhiyoti aggibhājanāni vuccanti.
५१. चिरपटिकाति चिरकालतो पट्ठाय।
51.Cirapaṭikāti cirakālato paṭṭhāya.
५२. केसमिस्सन्तिआदीसु केसा एव केसमिस्सं। एस नयो सब्बत्थ। खारिकाजन्ति खारिभारो।
52.Kesamissantiādīsu kesā eva kesamissaṃ. Esa nayo sabbattha. Khārikājanti khāribhāro.
उरुवेलपाटिहारियकथा निट्ठिता।
Uruvelapāṭihāriyakathā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi / १२. उरुवेलपाटिहारियकथा • 12. Uruvelapāṭihāriyakathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / उरुवेलपाटिहारियकथावण्णना • Uruvelapāṭihāriyakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / उरुवेलपाटिहारियकथावण्णना • Uruvelapāṭihāriyakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / उरुवेलपाटिहारियकथावण्णना • Uruvelapāṭihāriyakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / १२. उरुवेलपाटिहारियकथा • 12. Uruvelapāṭihāriyakathā
