| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
१२. उरुवेलपाटिहारियकथा
12. Uruvelapāṭihāriyakathā
३८. परियादियेय्यन्ति एत्थ दाधातुस्स परीति च आति च उपसग्गवसेन अभिभवनत्थोति आह ‘‘अभिभवेय्य’’न्ति।
38.Pariyādiyeyyanti ettha dādhātussa parīti ca āti ca upasaggavasena abhibhavanatthoti āha ‘‘abhibhaveyya’’nti.
३९. पच्छा पक्खित्ताति सङ्गीतितो परं पोत्थकारूळ्हेहि ठपिताति अत्थो।
39.Pacchāpakkhittāti saṅgītito paraṃ potthakārūḷhehi ṭhapitāti attho.
४४. ‘‘एवं वदन्तो विय ओणतो’’ति इमिना ‘‘आहरहत्थो’’तिपदस्स तद्धितभावं दस्सेति। वित्थिण्णमुखत्ता मन्दं हीनं अतिमुखमेतासन्ति वचनत्थेन अग्गिकपाला मन्दामुखियोति वुच्चन्तीति आह ‘‘अग्गिभाजनानि वुच्चन्ती’’ति।
44. ‘‘Evaṃ vadanto viya oṇato’’ti iminā ‘‘āharahattho’’tipadassa taddhitabhāvaṃ dasseti. Vitthiṇṇamukhattā mandaṃ hīnaṃ atimukhametāsanti vacanatthena aggikapālā mandāmukhiyoti vuccantīti āha ‘‘aggibhājanāni vuccantī’’ti.
५१. यस्मा यो नागदमनकालो चिरं पतति पवत्तति, तस्मा सो चिरपतिकोति वुच्चति, तस्मा चिरपतिका पट्ठाय अभिप्पसन्नाति योजना। इति इममत्थं दस्सेन्तो आह ‘‘चिरकालतो पट्ठाया’’ति।
51. Yasmā yo nāgadamanakālo ciraṃ patati pavattati, tasmā so cirapatikoti vuccati, tasmā cirapatikā paṭṭhāya abhippasannāti yojanā. Iti imamatthaṃ dassento āha ‘‘cirakālato paṭṭhāyā’’ti.
५२. सब्बत्थाति सब्बेसु ‘‘जटामिस्स’’न्तिआदिपदेसु। खारिकाजन्ति एत्थ कमण्डलुआदिका तापसपरिक्खारा खारीति वुच्चन्ति, खारिसङ्खातेन भारेन पूरितो काजो खारिकाजोति अत्थं एकदेसेन दस्सेन्तो आह ‘‘खारिभारो’’ति।
52.Sabbatthāti sabbesu ‘‘jaṭāmissa’’ntiādipadesu. Khārikājanti ettha kamaṇḍaluādikā tāpasaparikkhārā khārīti vuccanti, khārisaṅkhātena bhārena pūrito kājo khārikājoti atthaṃ ekadesena dassento āha ‘‘khāribhāro’’ti.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi / १२. उरुवेलपाटिहारियकथा • 12. Uruvelapāṭihāriyakathā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā / उरुवेलपाटिहारियकथा • Uruvelapāṭihāriyakathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / उरुवेलपाटिहारियकथावण्णना • Uruvelapāṭihāriyakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / उरुवेलपाटिहारियकथावण्णना • Uruvelapāṭihāriyakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / उरुवेलपाटिहारियकथावण्णना • Uruvelapāṭihāriyakathāvaṇṇanā
