| Library / Tipiṭaka / ติปิฎก • Tipiṭaka / มหาวคฺค-อฎฺฐกถา • Mahāvagga-aṭṭhakathā |
อุรุเวลปาฎิหาริยกถา
Uruvelapāṭihāriyakathā
๓๗. ปมุโขติ ปุพฺพงฺคโมฯ ปาโมโกฺขติ อุตฺตโม วิสุทฺธปโญฺญฯ
37.Pamukhoti pubbaṅgamo. Pāmokkhoti uttamo visuddhapañño.
๓๘. อนุปหจฺจาติ อวินาเสตฺวาฯ เตชสา เตชนฺติ อตฺตโน เตเชน นาคสฺส เตชํฯ ปริยาทิเยยฺยนฺติ อภิภเวยฺยํ, วินาเสยฺยํ วาติฯ มกฺขนฺติ โกธํฯ นเตฺวว จ โข อรหา ยถา อหนฺติ อตฺตานํ ‘‘อรหา อห’’นฺติ มญฺญมาโน วทติฯ
38.Anupahaccāti avināsetvā. Tejasā tejanti attano tejena nāgassa tejaṃ. Pariyādiyeyyanti abhibhaveyyaṃ, vināseyyaṃ vāti. Makkhanti kodhaṃ. Natveva ca kho arahā yathā ahanti attānaṃ ‘‘arahā aha’’nti maññamāno vadati.
๓๙. เนรญฺชรายํ ภควาติอาทิกา คาถาโย ปจฺฉา ปกฺขิตฺตาฯ
39.Nerañjarāyaṃ bhagavātiādikā gāthāyo pacchā pakkhittā.
๔๔-๙. วิสฺสเชฺชยฺยนฺติ สุกฺขาปนตฺถาย ปสาเรตฺวา ฐเปยฺยนฺติ อโตฺถฯ ‘‘ภเนฺต อาหร หตฺถ’’นฺติ เอวํ วทโนฺต วิย โอณโตติ อาหรหโตฺถฯ อุโยฺยเชตฺวาติ วิสฺสเชฺชตฺวาฯ มนฺทามุขิโยติ อคฺคิภาชนานิ วุจฺจนฺติฯ
44-9.Vissajjeyyanti sukkhāpanatthāya pasāretvā ṭhapeyyanti attho. ‘‘Bhante āhara hattha’’nti evaṃ vadanto viya oṇatoti āharahattho. Uyyojetvāti vissajjetvā. Mandāmukhiyoti aggibhājanāni vuccanti.
๕๑. จิรปฎิกาติ จิรกาลโต ปฎฺฐายฯ
51.Cirapaṭikāti cirakālato paṭṭhāya.
๕๒. เกสมิสฺสนฺติอาทีสุ เกสา เอว เกสมิสฺสํฯ เอส นโย สพฺพตฺถฯ ขาริกาชนฺติ ขาริภาโรฯ
52.Kesamissantiādīsu kesā eva kesamissaṃ. Esa nayo sabbattha. Khārikājanti khāribhāro.
อุรุเวลปาฎิหาริยกถา นิฎฺฐิตาฯ
Uruvelapāṭihāriyakathā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๒. อุรุเวลปาฎิหาริยกถา • 12. Uruvelapāṭihāriyakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อุรุเวลปาฎิหาริยกถาวณฺณนา • Uruvelapāṭihāriyakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อุรุเวลปาฎิหาริยกถาวณฺณนา • Uruvelapāṭihāriyakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อุรุเวลปาฎิหาริยกถาวณฺณนา • Uruvelapāṭihāriyakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๒. อุรุเวลปาฎิหาริยกถา • 12. Uruvelapāṭihāriyakathā
