| Library / Tipiṭaka / ತಿಪಿಟಕ • Tipiṭaka / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā |
ಉರುವೇಲಪಾಟಿಹಾರಿಯಕಥಾ
Uruvelapāṭihāriyakathā
೩೭. ಪಮುಖೋತಿ ಪುಬ್ಬಙ್ಗಮೋ। ಪಾಮೋಕ್ಖೋತಿ ಉತ್ತಮೋ ವಿಸುದ್ಧಪಞ್ಞೋ।
37.Pamukhoti pubbaṅgamo. Pāmokkhoti uttamo visuddhapañño.
೩೮. ಅನುಪಹಚ್ಚಾತಿ ಅವಿನಾಸೇತ್ವಾ। ತೇಜಸಾ ತೇಜನ್ತಿ ಅತ್ತನೋ ತೇಜೇನ ನಾಗಸ್ಸ ತೇಜಂ। ಪರಿಯಾದಿಯೇಯ್ಯನ್ತಿ ಅಭಿಭವೇಯ್ಯಂ, ವಿನಾಸೇಯ್ಯಂ ವಾತಿ। ಮಕ್ಖನ್ತಿ ಕೋಧಂ। ನತ್ವೇವ ಚ ಖೋ ಅರಹಾ ಯಥಾ ಅಹನ್ತಿ ಅತ್ತಾನಂ ‘‘ಅರಹಾ ಅಹ’’ನ್ತಿ ಮಞ್ಞಮಾನೋ ವದತಿ।
38.Anupahaccāti avināsetvā. Tejasā tejanti attano tejena nāgassa tejaṃ. Pariyādiyeyyanti abhibhaveyyaṃ, vināseyyaṃ vāti. Makkhanti kodhaṃ. Natveva ca kho arahā yathā ahanti attānaṃ ‘‘arahā aha’’nti maññamāno vadati.
೩೯. ನೇರಞ್ಜರಾಯಂ ಭಗವಾತಿಆದಿಕಾ ಗಾಥಾಯೋ ಪಚ್ಛಾ ಪಕ್ಖಿತ್ತಾ।
39.Nerañjarāyaṃ bhagavātiādikā gāthāyo pacchā pakkhittā.
೪೪-೯. ವಿಸ್ಸಜ್ಜೇಯ್ಯನ್ತಿ ಸುಕ್ಖಾಪನತ್ಥಾಯ ಪಸಾರೇತ್ವಾ ಠಪೇಯ್ಯನ್ತಿ ಅತ್ಥೋ। ‘‘ಭನ್ತೇ ಆಹರ ಹತ್ಥ’’ನ್ತಿ ಏವಂ ವದನ್ತೋ ವಿಯ ಓಣತೋತಿ ಆಹರಹತ್ಥೋ। ಉಯ್ಯೋಜೇತ್ವಾತಿ ವಿಸ್ಸಜ್ಜೇತ್ವಾ। ಮನ್ದಾಮುಖಿಯೋತಿ ಅಗ್ಗಿಭಾಜನಾನಿ ವುಚ್ಚನ್ತಿ।
44-9.Vissajjeyyanti sukkhāpanatthāya pasāretvā ṭhapeyyanti attho. ‘‘Bhante āhara hattha’’nti evaṃ vadanto viya oṇatoti āharahattho. Uyyojetvāti vissajjetvā. Mandāmukhiyoti aggibhājanāni vuccanti.
೫೧. ಚಿರಪಟಿಕಾತಿ ಚಿರಕಾಲತೋ ಪಟ್ಠಾಯ।
51.Cirapaṭikāti cirakālato paṭṭhāya.
೫೨. ಕೇಸಮಿಸ್ಸನ್ತಿಆದೀಸು ಕೇಸಾ ಏವ ಕೇಸಮಿಸ್ಸಂ। ಏಸ ನಯೋ ಸಬ್ಬತ್ಥ। ಖಾರಿಕಾಜನ್ತಿ ಖಾರಿಭಾರೋ।
52.Kesamissantiādīsu kesā eva kesamissaṃ. Esa nayo sabbattha. Khārikājanti khāribhāro.
ಉರುವೇಲಪಾಟಿಹಾರಿಯಕಥಾ ನಿಟ್ಠಿತಾ।
Uruvelapāṭihāriyakathā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೧೨. ಉರುವೇಲಪಾಟಿಹಾರಿಯಕಥಾ • 12. Uruvelapāṭihāriyakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಉರುವೇಲಪಾಟಿಹಾರಿಯಕಥಾವಣ್ಣನಾ • Uruvelapāṭihāriyakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಉರುವೇಲಪಾಟಿಹಾರಿಯಕಥಾವಣ್ಣನಾ • Uruvelapāṭihāriyakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಉರುವೇಲಪಾಟಿಹಾರಿಯಕಥಾವಣ್ಣನಾ • Uruvelapāṭihāriyakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೧೨. ಉರುವೇಲಪಾಟಿಹಾರಿಯಕಥಾ • 12. Uruvelapāṭihāriyakathā
