| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
උරුවෙලපාටිහාරියකථා
Uruvelapāṭihāriyakathā
37. පමුඛොති පුබ්‌බඞ්‌ගමො. පාමොක්‌ඛොති උත්‌තමො විසුද්‌ධපඤ්‌ඤො.
37.Pamukhoti pubbaṅgamo. Pāmokkhoti uttamo visuddhapañño.
38. අනුපහච්‌චාති අවිනාසෙත්‌වා. තෙජසා තෙජන්‌ති අත්‌තනො තෙජෙන නාගස්‌ස තෙජං. පරියාදියෙය්‍යන්‌ති අභිභවෙය්‍යං, විනාසෙය්‍යං වාති. මක්‌ඛන්‌ති කොධං. නත්‌වෙව ච ඛො අරහා යථා අහන්‌ති අත්‌තානං ‘‘අරහා අහ’’න්‌ති මඤ්‌ඤමානො වදති.
38.Anupahaccāti avināsetvā. Tejasā tejanti attano tejena nāgassa tejaṃ. Pariyādiyeyyanti abhibhaveyyaṃ, vināseyyaṃ vāti. Makkhanti kodhaṃ. Natveva ca kho arahā yathā ahanti attānaṃ ‘‘arahā aha’’nti maññamāno vadati.
39. නෙරඤ්‌ජරායං භගවාතිආදිකා ගාථායො පච්‌ඡා පක්‌ඛිත්‌තා.
39.Nerañjarāyaṃ bhagavātiādikā gāthāyo pacchā pakkhittā.
44-9. විස්‌සජ්‌ජෙය්‍යන්‌ති සුක්‌ඛාපනත්‌ථාය පසාරෙත්‌වා ඨපෙය්‍යන්‌ති අත්‌ථො. ‘‘භන්‌තෙ ආහර හත්‌ථ’’න්‌ති එවං වදන්‌තො විය ඔණතොති ආහරහත්‌ථො. උය්‍යොජෙත්‌වාති විස්‌සජ්‌ජෙත්‌වා. මන්‌දාමුඛියොති අග්‌ගිභාජනානි වුච්‌චන්‌ති.
44-9.Vissajjeyyanti sukkhāpanatthāya pasāretvā ṭhapeyyanti attho. ‘‘Bhante āhara hattha’’nti evaṃ vadanto viya oṇatoti āharahattho. Uyyojetvāti vissajjetvā. Mandāmukhiyoti aggibhājanāni vuccanti.
51. චිරපටිකාති චිරකාලතො පට්‌ඨාය.
51.Cirapaṭikāti cirakālato paṭṭhāya.
52. කෙසමිස්‌සන්‌තිආදීසු කෙසා එව කෙසමිස්‌සං. එස නයො සබ්‌බත්‌ථ. ඛාරිකාජන්‌ති ඛාරිභාරො.
52.Kesamissantiādīsu kesā eva kesamissaṃ. Esa nayo sabbattha. Khārikājanti khāribhāro.
උරුවෙලපාටිහාරියකථා නිට්‌ඨිතා.
Uruvelapāṭihāriyakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 12. උරුවෙලපාටිහාරියකථා • 12. Uruvelapāṭihāriyakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / උරුවෙලපාටිහාරියකථාවණ්‌ණනා • Uruvelapāṭihāriyakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / උරුවෙලපාටිහාරියකථාවණ්‌ණනා • Uruvelapāṭihāriyakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / උරුවෙලපාටිහාරියකථාවණ්‌ණනා • Uruvelapāṭihāriyakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 12. උරුවෙලපාටිහාරියකථා • 12. Uruvelapāṭihāriyakathā
