| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
урувзлабаадихаарияагат̇ааван̣н̣анаа
Uruvelapāṭihāriyakathāvaṇṇanā
37-38. баал̣ияам̣ аг̇арууд̇и бхаарияам̣ на сияаад̇и ад̇т̇о. убхиннам̣ саж̇од̇ибхууд̇аананд̇и убхосу саж̇од̇ибхууд̇зсу. бад̇д̇з багкибийд̇и д̇ам̣ нааг̇ам̣ нихад̇ад̇зж̇ам̣ д̇хаммад̣̇зсанааяа санд̇аббзд̇ваа саран̣асийлаани д̣̇ад̇ваа сагаларад̇д̇им̣ бхаг̇аванд̇ам̣ баяирубаасид̇ваа тид̇ам̣ ж̇адилаанам̣ д̣̇ассанад̇т̇ам̣ бад̇д̇з багкиби, на ахид̇ун̣д̣иго вияа б̣алаггаарзнаад̇и взд̣̇ид̇аб̣б̣ам̣. яад̇ра хи наамаад̇и яо наама.
37-38. Pāḷiyaṃ agarūti bhāriyaṃ na siyāti attho. Ubhinnaṃ sajotibhūtānanti ubhosu sajotibhūtesu. Patte pakkhipīti taṃ nāgaṃ nihatatejaṃ dhammadesanāya santappetvā saraṇasīlāni datvā sakalarattiṃ bhagavantaṃ payirupāsitvā ṭhitaṃ jaṭilānaṃ dassanatthaṃ patte pakkhipi, na ahituṇḍiko viya balakkārenāti veditabbaṃ. Yatra hi nāmāti yo nāma.
39. аж̇ж̇ан̣ход̇и аж̇ж̇а згад̣̇ивасам̣. аг̇г̇исааламхийд̇и аг̇яааг̇аарз. суманаанам̣ б̣уд̣̇д̇хаанам̣ манасаа сад̣̇исо мано ассаад̇и суманаманасо. ад̇хижид̇д̇од̇и махаагарун̣аад̣̇ийхи ад̇хижид̇д̇о. уд̣̇ижчарзд̇и уллогзсум̣, бариваарзсунд̇и ад̇т̇о. анзгаван̣н̣аа ажжияод̇и чаб̣б̣ан̣н̣арам̣сияо вуд̇д̇аа. ахам̣ д̇з д̇хувабхад̇д̇зна бадимаананам̣ гариссаамийд̇и сзсо.
39.Ajjaṇhoti ajja ekadivasaṃ. Aggisālamhīti agyāgāre. Sumanānaṃ buddhānaṃ manasā sadiso mano assāti sumanamanaso. Adhicittoti mahākaruṇādīhi adhicitto. Udicchareti ullokesuṃ, parivāresunti attho. Anekavaṇṇā acciyoti chabbaṇṇaraṃsiyo vuttā. Ahaṃ te dhuvabhattena paṭimānanaṃ karissāmīti seso.
40. абхигганд̇ааяа рад̇д̇ияаад̇и баригкийн̣ааяа рад̇д̇ияаа, маж̇жхарад̇д̇исамаязд̇и ад̇т̇о. абхигганд̇аван̣н̣аад̇и абхируубажчавиван̣н̣аа. гзвалагаббанд̇и зд̇т̇а гзвала-сад̣̇д̣̇асса анавасзсад̇т̇о, габба-сад̣̇д̣̇асса саманд̇абхааво, д̇асмаа анавасзсам̣ саманд̇ад̇о ванасан̣д̣анд̇и ад̇т̇о. жад̇уд̣̇д̣̇исаад̇и жад̇уусу д̣̇исаасу. яад̇ра хи наамаад̇и яам̣ наама.
40.Abhikkantāyarattiyāti parikkhīṇāya rattiyā, majjharattisamayeti attho. Abhikkantavaṇṇāti abhirūpacchavivaṇṇā. Kevalakappanti ettha kevala-saddassa anavasesattho, kappa-saddassa samantabhāvo, tasmā anavasesaṃ samantato vanasaṇḍanti attho. Catuddisāti catūsu disāsu. Yatra hi nāmāti yaṃ nāma.
43. ан̇г̇амаг̇ад̇хаад̇и ан̇г̇амаг̇ад̇харадтаваасино. ид̣̇д̇хибаадихаарияанд̇и абхин̃н̃ид̣̇д̇хиязва бадибагкаанам̣ д̇ид̇т̇ияаанам̣, взнзяяасад̇д̇аг̇ад̇ад̣̇осаанан̃жа харан̣ад̇о абанаяанад̇о баадихаарияам̣, д̇ам̣ д̇ам̣ ваа сад̇д̇ахид̇ам̣ бадижжа харид̇аб̣б̣ам̣ бавад̇д̇зд̇аб̣б̣анд̇и бадихаарияам̣, д̇ад̣̇зва баадихаарияам̣. ид̣̇д̇хи зва баадихаарияам̣ ид̣̇д̇хибаадихаарияам̣.
43.Aṅgamagadhāti aṅgamagadharaṭṭhavāsino. Iddhipāṭihāriyanti abhiññiddhiyeva paṭipakkhānaṃ titthiyānaṃ, veneyyasattagatadosānañca haraṇato apanayanato pāṭihāriyaṃ, taṃ taṃ vā sattahitaṃ paṭicca haritabbaṃ pavattetabbanti paṭihāriyaṃ, tadeva pāṭihāriyaṃ. Iddhi eva pāṭihāriyaṃ iddhipāṭihāriyaṃ.
44. бам̣сугуулам̣ уббаннам̣ ход̇ийд̇и бун̣н̣ааяа д̣̇аасияаа сарийрам̣ баригкибид̇ваа чад̣д̣ид̇ам̣ саан̣амаяам̣ гимигулаагулам̣ бариязсанавасзна уббаннам̣ ход̇и, яам̣ бхаг̇аваа бхуумим̣ гамбзнд̇о баарубид̇ваа бажчаа махаагассабад̇т̇зрасса ад̣̇ааси, д̇ам̣ санд̇хааязд̇ам̣ вуд̇д̇анд̇и вад̣̇анд̇и. гад̇т̇а ну код̇иаад̣̇ибаривид̇агго ж̇адилаанам̣ вивид̇хабаадихаарияад̣̇ассанад̇т̇ам̣ гад̇о. баан̣инаа кан̣анд̇о вияа ид̣̇д̇хияаа мад̇д̇игам̣ абанзд̇ваа д̣̇иннад̇д̇аа вуд̇д̇ам̣ ‘‘баан̣инаа богкаран̣им̣ кан̣ид̇ваа’’д̇и.
44.Paṃsukūlaṃ uppannaṃ hotīti puṇṇāya dāsiyā sarīraṃ parikkhipitvā chaḍḍitaṃ sāṇamayaṃ kimikulākulaṃ pariyesanavasena uppannaṃ hoti, yaṃ bhagavā bhūmiṃ kampento pārupitvā pacchā mahākassapattherassa adāsi, taṃ sandhāyetaṃ vuttanti vadanti. Kattha nu khotiādiparivitakko jaṭilānaṃ vividhapāṭihāriyadassanatthaṃ kato. Pāṇinā khaṇanto viya iddhiyā mattikaṃ apanetvā dinnattā vuttaṃ ‘‘pāṇinā pokkharaṇiṃ khaṇitvā’’ti.
46. паалияанд̇у, гассаба, гадтаанийд̇и урувзлагассабзна нивзд̣̇ид̇з звамавожаад̇и д̣̇адтаб̣б̣ам̣. звам̣ сзсзсуби.
46.Phāliyantu, kassapa, kaṭṭhānīti uruvelakassapena nivedite evamavocāti daṭṭhabbaṃ. Evaṃ sesesupi.
49. анд̇арадтагаасу химабаад̇асамаязд̇и зд̇т̇а маагхамаасасса авасаанз жад̇ассо, паг̇г̇ун̣амаасасса аад̣̇имхи жад̇ассод̇и звам̣ убхиннам̣ маасаанам̣ анд̇арз адтарад̇д̇ияо анд̇арадтагаа наама. д̇аасу анд̇арадтагаасу рад̇д̇ийсу химабаад̇агаалз. уммуж̇ж̇ананимуж̇ж̇анамби сахасаа д̇ад̣̇убхаяагаран̣авасзна вуд̇д̇ам̣.
49.Antaraṭṭhakāsuhimapātasamayeti ettha māghamāsassa avasāne catasso, phagguṇamāsassa ādimhi catassoti evaṃ ubhinnaṃ māsānaṃ antare aṭṭharattiyo antaraṭṭhakā nāma. Tāsu antaraṭṭhakāsu rattīsu himapātakāle. Ummujjananimujjanampi sahasā tadubhayakaraṇavasena vuttaṃ.
50. уд̣̇агаваахагод̇и уд̣̇агогхо. рзн̣ухад̇ааяаад̇и раж̇огин̣н̣ааяа, ад̇инд̇ааяаад̇и ад̇т̇о. наавааяаад̇и гуллзна. ид̣̇ам̣ ну д̇вам̣ махаасаман̣аад̇и ид̇ха ну д̇вам̣. д̇ха-гаарасса д̣̇а-гаарам̣, анусааран̃жа гад̇ваа ‘‘ид̣̇ам̣ нуу’’д̇и вуд̇д̇ам̣ ‘‘згамид̣̇ааха’’нд̇иаад̣̇ийсу (д̣̇ий. ни. 1.165, 265) вияа. ‘‘имасмим̣ бад̣̇зсз д̇вам̣ ну ко тид̇осий’’д̇и бужчи. аяамахамасмийд̇и аяамахам̣ ид̇ха тид̇осмийд̇и ад̇т̇о.
50.Udakavāhakoti udakogho. Reṇuhatāyāti rajokiṇṇāya, atintāyāti attho. Nāvāyāti kullena. Idaṃ nu tvaṃ mahāsamaṇāti idha nu tvaṃ. Dha-kārassa da-kāraṃ, anusārañca katvā ‘‘idaṃ nū’’ti vuttaṃ ‘‘ekamidāha’’ntiādīsu (dī. ni. 1.165, 265) viya. ‘‘Imasmiṃ padese tvaṃ nu kho ṭhitosī’’ti pucchi. Ayamahamasmīti ayamahaṃ idha ṭhitosmīti attho.
51. жирабадигаад̇и жирагаалад̇о бадтааяа. гзсамиссам̣ саб̣б̣ам̣ баригкаарам̣ уд̣̇агз баваахзд̇ваад̇иби яож̇зд̇аб̣б̣ам̣. аран̣игаман̣д̣алуаад̣̇игаа д̇аабасабаригкаараа каарий наама, д̇ам̣харан̣агагааж̇ам̣ кааригааж̇ам̣ наама. аг̇г̇ихуд̇амиссанд̇и аг̇г̇ибууж̇обагаран̣асахид̇ам̣.
51.Cirapaṭikāti cirakālato paṭṭhāya. Kesamissaṃ sabbaṃ parikkhāraṃ udake pavāhetvātipi yojetabbaṃ. Araṇikamaṇḍaluādikā tāpasaparikkhārā khārī nāma, taṃharaṇakakājaṃ khārikājaṃ nāma. Aggihutamissanti aggipūjopakaraṇasahitaṃ.
52-3. убасаг̇г̇од̇и убад̣̇д̣̇аво. ‘‘ад̣дхуд̣дхаани баадихаарияасахассааний’’д̇и ид̣̇ам̣ нааг̇ад̣̇аманаад̣̇ийни баннараса баадихаарияаани важ̇ж̇зд̇ваа вуд̇д̇ам̣ аббагамад̇хигам̣ г̇ан̣ануубаг̇ам̣ на ход̇ийд̇и.
52-3.Upasaggoti upaddavo. ‘‘Aḍḍhuḍḍhāni pāṭihāriyasahassānī’’ti idaṃ nāgadamanādīni pannarasa pāṭihāriyāni vajjetvā vuttaṃ appakamadhikaṃ gaṇanūpagaṃ na hotīti.
54. г̇аяааяанд̇и г̇аяаанаамигааяа над̣̇ияаа ад̣̇уурабхавад̇д̇аа г̇аамо ид̇т̇илин̇г̇авасзна г̇аяаа наама ж̇аад̇о, д̇ассам̣. г̇аяаасийсзд̇и звам̣наамагз бидтибаасаан̣з.
54.Gayāyanti gayānāmikāya nadiyā adūrabhavattā gāmo itthiliṅgavasena gayā nāma jāto, tassaṃ. Gayāsīseti evaṃnāmake piṭṭhipāsāṇe.
‘‘яамид̣̇ам̣ жагкусампассабажжаяаа…бз… сукам̣ ваа’’д̇иаад̣̇инаа жагкувин̃н̃аан̣авийт̇ижид̇д̇зсу соманассад̣̇оманассаубзгкаавзд̣̇анаамукзна сзсааруубагканд̇хаанамби аад̣̇ид̇д̇ад̇ам̣ д̣̇ассзд̇и. зса наяо сзсзсуби. манод̇и бхаван̇г̇ажид̇д̇ам̣ манод̣̇ваарасса ад̇хиббзд̇ад̇д̇аа. мановин̃н̃аан̣анд̇и манод̣̇вааравийт̇ибааяаабаннамзва г̇ахид̇ам̣.
‘‘Yamidaṃ cakkhusamphassapaccayā…pe… sukhaṃ vā’’tiādinā cakkhuviññāṇavīthicittesu somanassadomanassaupekkhāvedanāmukhena sesārūpakkhandhānampi ādittataṃ dasseti. Esa nayo sesesupi. Manoti bhavaṅgacittaṃ manodvārassa adhippetattā. Manoviññāṇanti manodvāravīthipaayāpannameva gahitaṃ.
урувзлабаадихаарияагат̇ааван̣н̣анаа нидтид̇аа.
Uruvelapāṭihāriyakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 12. урувзлабаадихаарияагат̇аа • 12. Uruvelapāṭihāriyakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / урувзлабаадихаарияагат̇аа • Uruvelapāṭihāriyakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
урувзлабаадихаарияагат̇ааван̣н̣анаа • Uruvelapāṭihāriyakathāvaṇṇanā
аад̣̇ид̇д̇абарияааяасуд̇д̇аван̣н̣анаа • Ādittapariyāyasuttavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / урувзлабаадихаарияагат̇ааван̣н̣анаа • Uruvelapāṭihāriyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 12. урувзлабаадихаарияагат̇аа • 12. Uruvelapāṭihāriyakathā
