| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. усабхад̇т̇зраг̇аат̇ааван̣н̣анаа
10. Usabhattheragāthāvaṇṇanā
наг̇аа наг̇аг̇г̇зсу сусам̣вируул̣хаад̇и ааяасмад̇о усабхад̇т̇зрасса г̇аат̇аа. гаа уббад̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани гаронд̇о ид̇о згад̇им̣сз габбз сикисса бхаг̇авад̇о гаалз д̣̇звабуд̇д̇о худ̇ваа ниб̣б̣ад̇д̇о згад̣̇ивасам̣ сад̇т̇аарам̣ д̣̇исваа басаннамаанасо д̣̇иб̣б̣абубпзхи бууж̇ам̣ агааси. саа бубпабууж̇аа сад̇д̇аахам̣ бубпаман̣д̣абаагаарзна адтааси. д̣̇звамануссаанам̣ махаасамааг̇амо ахоси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з госаларадтз иб̣бхагулз ниб̣б̣ад̇д̇и, д̇асса усабход̇и наамам̣ ахоси. со вин̃н̃уд̇ам̣ бад̇д̇о ж̇зд̇аванабадиг̇г̇ахан̣з сад̇т̇ари лад̣̇д̇хаббасаад̣̇о баб̣б̣аж̇ид̇ваа гад̇абуб̣б̣агижжо аран̃н̃з баб̣б̣ад̇абаад̣̇з вихарад̇и. д̇зна жа самаязна баавусагааламзгхз абхиббавудтз баб̣б̣ад̇асикарзсу ругкаг̇ажчалад̇ааяа гханабан̣н̣асан̣д̣ино хонд̇и . ат̇згад̣̇ивасам̣ т̇зро лзн̣ад̇о нигкамид̇ваа д̇ам̣ ванарааман̣зяяагам̣ баб̣б̣ад̇арааман̣зяяаган̃жа д̣̇исваа яонисоманасигааравасзна ‘‘имзби наама ругкаад̣̇аяо ажзд̇анаа уд̇усамбад̇д̇ияаа вад̣дхим̣ баабун̣анд̇и, ат̇а гасмаа наахам̣ уд̇усаббааяам̣ лабхид̇ваа г̇ун̣зхи вад̣дхим̣ баабун̣иссаамий’’д̇и жинд̇знд̇о –
Nagā nagaggesu susaṃvirūḷhāti āyasmato usabhattherassa gāthā. Kā uppati? Ayampi purimabuddhesu katādhikāro tattha tattha bhave vivaṭṭūpanissayāni puññāni karonto ito ekatiṃse kappe sikhissa bhagavato kāle devaputto hutvā nibbatto ekadivasaṃ satthāraṃ disvā pasannamānaso dibbapupphehi pūjaṃ akāsi. Sā pupphapūjā sattāhaṃ pupphamaṇḍapākārena aṭṭhāsi. Devamanussānaṃ mahāsamāgamo ahosi. So tena puññakammena devamanussesu saṃsaranto imasmiṃ buddhuppāde kosalaraṭṭhe ibbhakule nibbatti, tassa usabhoti nāmaṃ ahosi. So viññutaṃ patto jetavanapaṭiggahaṇe satthari laddhappasādo pabbajitvā katapubbakicco araññe pabbatapāde viharati. Tena ca samayena pāvusakālameghe abhippavuṭṭhe pabbatasikharesu rukkhagacchalatāya ghanapaṇṇasaṇḍino honti . Athekadivasaṃ thero leṇato nikkhamitvā taṃ vanarāmaṇeyyakaṃ pabbatarāmaṇeyyakañca disvā yonisomanasikāravasena ‘‘imepi nāma rukkhādayo acetanā utusampattiyā vaḍḍhiṃ pāpuṇanti, atha kasmā nāhaṃ utusappāyaṃ labhitvā guṇehi vaḍḍhiṃ pāpuṇissāmī’’ti cintento –
110.
110.
‘‘наг̇аа наг̇аг̇г̇зсу сусам̣вируул̣хаа, уд̣̇аг̇г̇амзгхзна навзна сид̇д̇аа;
‘‘Nagā nagaggesu susaṃvirūḷhā, udaggameghena navena sittā;
вивзгагаамасса аран̃н̃асан̃н̃ино, ж̇анзд̇и бхияяо усабхасса галяад̇а’’нд̇и. –
Vivekakāmassa araññasaññino, janeti bhiyyo usabhassa kalyata’’nti. –
г̇аат̇ам̣ абхааси.
Gāthaṃ abhāsi.
д̇ад̇т̇а наг̇аад̇и ругкаа, ‘‘нааг̇аа’’д̇и гзжи вад̣̇анд̇и, нааг̇аругкаад̇и ад̇т̇о. наг̇аг̇г̇зсууд̇и баб̣б̣ад̇асикарзсу. сусам̣вируул̣хаад̇и судту саманд̇ад̇о вируул̣хамуулаа худ̇ваа барид̇о убари жа саммад̣̇зва сан̃ж̇аад̇асаакаг̇г̇абаллаваббасаакаад̇и ад̇т̇о. уд̣̇аг̇г̇амзгхзна навзна сид̇д̇аад̇и батамуббаннзна ул̣аарзна махад̇аа баавусамзгхзна абхиббавудтаа. вивзгагаамассаад̇и гилзсавивид̇д̇ам̣ жид̇д̇авивзгам̣ ижчанд̇асса, аран̃н̃аваасзна д̇аава гааяавивзго лад̣̇д̇хо, ид̣̇аани убад̇хививзгаад̇хиг̇амасса ниссаяабхууд̇о жид̇д̇авивзго лад̣̇д̇хаб̣б̣од̇и д̇ам̣ бад̇т̇аяамаанасса, ж̇ааг̇арияам̣ ануяун̃ж̇анд̇ассаад̇и ад̇т̇о, д̇знааха ‘‘аран̃н̃асан̃н̃ино’’д̇и. аран̃н̃аваасо наама сад̇т̇аараа ван̣н̣ид̇о т̇омид̇о. со жа ко яаавад̣̇зва самат̇авибассанаабхааванаабаарибуурияаа, д̇асмаа саа маяаа хад̇т̇аг̇ад̇аа гаад̇аб̣б̣аад̇и звам̣ аран̃н̃аг̇ад̇асан̃н̃ино нзгкаммасан̇габбаб̣ахулассаад̇и ад̇т̇о. ж̇анзд̇ийд̇и уббаад̣̇знд̇и, бут̇уд̇д̇з хи ид̣̇ам̣ згаважанам̣. гзжи бана ‘‘ж̇анзнд̇ий’’д̇и батанд̇и. бхияяод̇и убаруубари. усабхассаад̇и ад̇д̇аанамзва барам̣ вияа вад̣̇ад̇и. галяад̇анд̇и галяабхаавам̣ жид̇д̇асса гамман̃н̃ад̇ам̣ бхааванааяог̇яад̇ам̣. свааяамад̇т̇о хздтаа вуд̇д̇оязва. звам̣ т̇зро имам̣ г̇аат̇ам̣ вад̣̇анд̇оязва вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.16.25-29) –
Tattha nagāti rukkhā, ‘‘nāgā’’ti keci vadanti, nāgarukkhāti attho. Nagaggesūti pabbatasikharesu. Susaṃvirūḷhāti suṭṭhu samantato virūḷhamūlā hutvā parito upari ca sammadeva sañjātasākhaggapallavappasākhāti attho. Udaggameghena navena sittāti paṭhamuppannena uḷārena mahatā pāvusameghena abhippavuṭṭhā. Vivekakāmassāti kilesavivittaṃ cittavivekaṃ icchantassa, araññavāsena tāva kāyaviveko laddho, idāni upadhivivekādhigamassa nissayabhūto cittaviveko laddhabboti taṃ patthayamānassa, jāgariyaṃ anuyuñjantassāti attho, tenāha ‘‘araññasaññino’’ti. Araññavāso nāma satthārā vaṇṇito thomito. So ca kho yāvadeva samathavipassanābhāvanāpāripūriyā, tasmā sā mayā hatthagatā kātabbāti evaṃ araññagatasaññino nekkhammasaṅkappabahulassāti attho. Janetīti uppādenti, puthutte hi idaṃ ekavacanaṃ. Keci pana ‘‘janentī’’ti paṭhanti. Bhiyyoti uparūpari. Usabhassāti attānameva paraṃ viya vadati. Kalyatanti kalyabhāvaṃ cittassa kammaññataṃ bhāvanāyogyataṃ. Svāyamattho heṭṭhā vuttoyeva. Evaṃ thero imaṃ gāthaṃ vadantoyeva vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 1.16.25-29) –
‘‘д̣̇звабуд̇д̇о ахам̣ санд̇о, бууж̇аяим̣ сикинааяагам̣;
‘‘Devaputto ahaṃ santo, pūjayiṃ sikhināyakaṃ;
манд̣̇ааравзна бубпзна, б̣уд̣̇д̇хасса абхиробаяим̣.
Mandāravena pupphena, buddhassa abhiropayiṃ.
‘‘сад̇д̇аахам̣ чад̣̇анам̣ ааси, д̣̇иб̣б̣ам̣ маалам̣ д̇ат̇ааг̇ад̇з;
‘‘Sattāhaṃ chadanaṃ āsi, dibbaṃ mālaṃ tathāgate;
саб̣б̣з ж̇анаа самааг̇анд̇ваа, намассим̣су д̇ат̇ааг̇ад̇ам̣.
Sabbe janā samāgantvā, namassiṃsu tathāgataṃ.
‘‘згад̇им̣сз ид̇о габбз, яам̣ бубпамабхибууж̇аяим̣;
‘‘Ekatiṃse ito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘ид̇о жа д̣̇асамз габбз, рааж̇аахосим̣ ж̇уд̇инд̇харо;
‘‘Ito ca dasame kappe, rājāhosiṃ jutindharo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
аяамзва жа т̇зрасса ан̃н̃ааб̣яаагаран̣аг̇аат̇аа ахосийд̇и.
Ayameva ca therassa aññābyākaraṇagāthā ahosīti.
усабхад̇т̇зраг̇аат̇ааван̣н̣анаа нидтид̇аа.
Usabhattheragāthāvaṇṇanā niṭṭhitā.
згаад̣̇асамаваг̇г̇аван̣н̣анаа нидтид̇аа.
Ekādasamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. усабхад̇т̇зраг̇аат̇аа • 10. Usabhattheragāthā
